LEWENDE HAWE EN WILD

Transcriptie

1 LEWENDE HAWE EN WILD ONDERAFDELING A OMVATTENDE VERSEKERING LEWENDE HAWE (Wild uitgesluit) OMGESKREWE GEBEURTENISSE Vrekte van die versekerde dier, soos in die bylae omskryf, deur ongeluk, siekte of kwaal wat gedurende die versekeringstydperk plaasvind. SPESIFIEKE UITSONDERINGS Die versekeraar is nie aanspreeklik nie vir: 1. eise as gevolg van diefstal of enige poging daartoe of afdwaling; 2. meer as 65% ten opsigte van eise voorspruitende uit toevallige opblasing, plantvergiftiging of vergiftiging wat spruit uit voer en/of water gee en/of veedip; 3. eise in verband met of voortspruitende uit transito per pad of spoor as gevolg van: (a) brand, weerlig of ontploffing tensy dit gedurende die werklike transito plaasvind; (b) inenting, kastrasie, stertafkapping of snykundige operasie of bevalling of die gevolge daarvan of dragtigheid; (c) spronge; (d) vrekte van die versekerde dier indien jonger as 3 maande; (e) afdwaling. GEBIEDSPERKE Die Republiek van Suid-Afrika en Namibië, behalwe ten opsigte van Transito waar die gebiedsperke uitgebrei word na die Republiek van Suid-Afrika, Namibië, Botswana, Zimbabwe, Swaziland, Lesotho en Mosambiek. SANTAM LANDBOU/522/112011/LEWENDE HAWE EN WILD (1/8)

2 OPSIONELE UITBREIDINGS TOT ONDERAFDELING A 1. Onvrugbaarheid (indien in die bylae as ingesluit vermeld) Indien dit deur produksie bewys word dat die versekerde bul as gevolg van toevallige eksterne en gewelddadige middele of as gevolg van siekte gely of opgedoen gedurende die versekeringstydperk, onvrugbaar is, betaal die versekeraar, ná die verloop van 3 maande vanaf die kennisgewing van onvrugbaarheid, aan die versekerde die verskil tussen die bedrag verkry van die verhandeling of verkoop van die bul en die bedrag waarvoor die bul verseker is. Met dien verstande dat die versekeraar nie aanspreeklik is nie vir enige eise vir gevolglike verlies hoegenaamd en ook nie vir eise vir die prolaps van die skede van die penis. 2. Rooiwaterkoors (indien in die bylae as ingesluit vermeld) Spesifieke uitsondering 6(vi) word geskrap. 3. Hartwaterkoors (indien in die bylae as ingesluit vermeld) Spesifieke uitsondering 6(vii) word geskrap. 4. Galsiekte (indien in die bylae as ingesluit vermeld) Spesifieke uitsondering 6(viii) word geskrap. 5. Bloednier (indien in die bylae as ingesluit vermeld) Spesifieke uitsondering 6(ix) word geskrap, met dien verstande dat die versekerde dier nie langer nie as ses maande voor die vrekte van die versekerde dier teen enterotoksemie ingeënt was met serum wat korrek geberg was en in ooreenstemming met die gebruiksaanwysings gebruik is. Bewys van sodanige inenting moet aan die versekeraar gelewer word alvorens enige eis toegelaat word. Die bewys sal in die vorm van óf n sertifikaat van n gekwalifiseerde veearts wees, óf, indien die versekerde self die inenting toegedien het, n sertifikaat onderteken deur die versekerde en gestaaf deur n aangrensende boer, welke boer ook die toediening van die inenting aanskou het. 6. Bloutong (indien in die bylae as ingesluit vermeld) Spesifieke uitsondering 6(x) word geskrap, met dien verstande dat die versekerde dier nie langer nie as 12 maande voor die vrekte van die versekerde dier teen bloutong ingeënt was met serum wat korrek geberg was en in ooreenstemming met die gebruiksaanwysings gebruik is. Bewys van sodanige inenting moet aan die versekeraar gelewer word alvorens enige eis toegelaat word. Die bewys sal in die vorm van óf n sertifikaat van n gekwalifiseerde veearts wees, óf, indien die versekerde self die inenting toegedien het, n sertifikaat onderteken deur die versekerde en gestaaf deur n aangrensende boer, welke boer ook die toediening van die inenting aanskou het. 7. Diefstal (indien in die bylae as ingesluit vermeld) Niestaande Spesifieke uitsondering 1 onder Onderafdeling A word hierdie polis uitgebrei om diefstal of poging tot diefstal, slegs van die versekerde vee, in te sluit, met dien verstande dat die versekerde in geval van n eis onmiddellik die polisie in kennis stel en enige stappe doen wat vereis word om bystand te lewer in die terugvind van sodanige vee en dat die polisieverwysingsnommer met die eisvorm verstrek word. SANTAM LANDBOU/522/112011/LEWENDE HAWE EN WILD (2/8)

3 Die versekeraar is nie aanspreeklik nie vir enige eise vir die diefstal van vee indien sodanige diefstal nie binne 14 dae van sodanige diefstal aan die versekeraar gerapporteer word nie. Die versekerde is verantwoordelik vir 25% van die koste van alle eise vir diefstal. 8. Plantvergiftiging (indien in die bylae as ingesluit vermeld) Die bedrag van 65% vermeld in Spesifieke uitsondering 2 word verhoog tot 100%. ONDERAFDELING B BEPERKTE VERSEKERING (Wild uitgesluit) OMSKREWE GEBEURTENISSE Vrekte van die versekerde dier veroorsaak deur brand, weerlig of ontploffing. SPESIFIEKE UITSONDERING Die versekeraar is nie aanspreeklik nie vir eise in verband met of wat voortspruit uit transito per pad of spoor. GEBIEDSPERKE Die Republiek van Suid-Afrika en Namibië. OPSIONELE UITBREIDINGS TOT ONDERAFDELING B (wild uitgesluit) 1. Uitgebreide gevare (indien in die bylae as van toepassing vermeld) Vrekte van die versekerde dier veroorsaak deur: storm, wind, water, hael of sneeu met inbegrip van verkluiming wat regstreeks uit die genoemde gevare spruit. 2. Bykomende gevare (indien in die bylae as van toepassing vermeld) Vrekte van die versekerde dier veroorsaak deur: (i) eksterne, gewelddadige en sigbare ongeval; (ii) vreemde voorwerpe wat toevallig deur die dier geëet word; (iii) toevallige vergiftiging en opblasing, met dien verstande dat die versekeraar nie aanspreeklik is nie vir meer as 65% van enige eis; (iv) aanvalle deur honde en wilde diere. SANTAM LANDBOU/522/112011/LEWENDE HAWE EN WILD (3/8)

4 ONDERAFDELING C TRANSITO VERSEKERING OMSKREWE GEBEURTENISSE Vrekte of verlies van die versekerde dier deur enige ongeval terwyl dit binne die gebiedsperke vervoer word, met dien verstande dat: (a) die vrekte binne 7 dae van sodanige vervoer plaasvind; (b) die ongeval opgedoen of gely word in die loop van die transito; (c) die versekerde verantwoordelik is vir die eerste bedrag betaalbaar in die bylae vermeld ten opsigte van iedere en elke omskrewe gebeurtenis; (d) die aanspreeklikheid van die versekeraar vir alle verlies of skade wat voortspruit uit enige enkele omskrewe gebeurtenis hoogstens die skadeloosstellingsperk beloop wat in die bylae vermeld word. OMSKRYWING VAN DEKKING 1. Beperkte dekking Brand, ontploffing, botsing, ontsporing en omslaan (indien in die bylae as van toepassing vermeld) Die versekering ingevolge hierdie afdeling word beperk tot vrekte van die versekerde dier wat voortspruit uit brand of ontploffing of botsing of die omslaan of ontsporing van die vervoermiddel wat in die bylae beskryf word. 2. Beperkte dekking Brand, ontploffing, botsing, ontsporing en omslaan en daaropvolgende diefstal (indien in die bylae as van toepassing vermeld) Die versekering ingevolge hierdie afdeling word beperk tot vrekte van die versekerde dier wat voortspruit uit brand of ontploffing of botsing of die omslaan of ontsporing van die vervoermiddel en daaropvolgende diefstal 3. Beperkte dekking Brand, ontploffing, botsing, ontsporing en omslaan en daaropvolgende diefstal en kaping (indien in die bylae as van toepassing vermeld) Die versekering ingevolge hierdie afdeling word beperk tot vrekte van die versekerde dier wat voortspruit uit brand of ontploffing of botsing of die omslaan of ontsporing van die vervoermiddel en daaropvolgende diefstal, asook kaping van die vervoermiddel. 4. Allerisiko s (indien in die bylae as van toepassing vermeld) Hierdie dekking word in die poliskontrak onder die opskrif Omskrewe gebeurtenisse omskryf. SANTAM LANDBOU/522/112011/LEWENDE HAWE EN WILD (4/8)

5 SPESIFIEKE UITSONDERINGS Die versekeraar is nie aanspreeklik nie vir eise vir die vrekte van die versekerde dier as gevolg van: (1) brand, weerlig of ontploffing tensy dit gedurende die werklike transito plaasvind; (2) inenting, kastrasie, stertafkapping of snykundige operasie of bevalling of die gevolge daarvan of dragtigheid; (3) spronge; (4) vrekte van die versekerde dier indien jonger as 3 maande; (5) afdwaling. GEBIEDSPERKE Die Republiek van Suid-Afrika, Namibië, Botswana, Zimbabwe, Swaziland, Lesotho en Mosambiek. ONDERAFDELING D BEPERKTE DEKKING (Wild) OMSKREWE GEBEURTENISSE Vrekte van die versekerde dier veroorsaak deur brand, weerlig of ontploffing. SPESIFIEKE UITSONDERING Die versekeraar is nie aanspreeklik nie vir eise: (1) as gevolg van paniek, hetsy sodanige paniek die regstreekse gevolg van brand, weerlig of ontploffing is, al dan nie. (2) in verband met of wat voortspruit uit transito per pad of spoor. SPESIFIEKE UITSONDERINGS VAN TOEPASSING OP ONDERAFDELINGS A, B, C EN D Die versekeraar is nie aanspreeklik nie vir: (1) vernietiging ter nakoming van die vereistes van enige wetgewing of enige bevel van n regeringsdepartement of enige plaaslike owerheid; (2) ongeskiktheid of onvermoë om die funksies of pligte te vervul waarvoor die dier aangehou word; SANTAM LANDBOU/522/112011/LEWENDE HAWE EN WILD (5/8)

6 (3) enige gebeurtenis wat buite die gebiedsperke plaasvind en wat tot n eis aanleiding gee, of indien die versekerde diere in n ander distrik dan dié vermeld in die bylae is, tensy daar skriftelike kennisgewing van sodanige relokasie aan die versekeraar gegee word en deur die versekeraar erken word; (4) enige ongeval of siekte wat opgedoen word gedurende transito per lug of see; (5) doelbewuste slagting hetsy op las van enige regering- of openbare of plaaslike owerheid of enige persoon wat regsbevoegdheid in die aangeleentheid het, behalwe: (i) indien die versekeraar uitdruklik en skriftelik tot die vernietiging van die dier ingestem het; (ii) in geval van beserings wat om humanitêre redes die onmiddellike slagting verg en waar n gekwalifiseerde veearts, wat deur die versekerde aangestel is, skriftelik sertifiseer dat die lyding ongeneeslik en van sodanige omvang is dat slagting onvermydelik is, met dien verstande dat die versekeraar die reg voorbehou om op sy eie koste n nadoodse ondersoek deur n gekwalifiseerde veerats te laat uitvoer; (6) vrekte regstreeks of onregstreeks veroorsaak deur: (i) enige snykundige operasies tensy uitgevoer deur n gekwalifiseerde veearts en deur hom gesertifiseer as synde noodsaaklik te wees uitsluitlik vanweë n ongeval, siekte of kwaal en met dien verstande dat sodanige snykundige operasie uitgevoer word in n poging om die dier se lewe te red; (ii) die toediening van enige medikasie tensy deur n gekwalifiseerde veearts of n ervare persoon wat deur hom gelei word. Die gekwalifiseerde veearts moet sertifiseer dat sodanige medikasie as n voorsorgmiddel toegedien is of dat dit noodsaaklik geword het vanweë n ongeval, siekte of kwaal. Vir die doeleindes van hierdie algemene uitsondering sluit die term medikasie enige geneesmiddel, hormoon, vitamiene, proteïn of ander middel, behalwe suiwer voedsel en vloeistof, in; (iii) vrekte vanweë hongersnood of wanvoeding; (iv) doodtrap of versmoring vanweë die oorlaai van enige voertuig wat vir die vervoer van die versekerde dier gebruik word; (v) kwaadwillige of moedswillige besering veroorsaak deur die versekerde of enige persoon wat namens die versekerde optree; (vi) rooiwaterkoors; (vii) hartwaterkoors; (viii) galsiekte; (ix) bloednier; (x) bloutong; (7) aanspreeklikheid teenoor enige derdeparty; (8) gevolglike verlies van enige aard hoegenaamd, oponthoud, verlies aan markte, waardevermindering of veranderings wat deur natuurlike oorsake teweeggebring word. WAARBORG VAN TOEPASSING OP ONDERAFDELINGS A, B EN C Dit word hiermee gewaarborg dat elke versekerde dier by die aanvang van hierdie versekering in goeie gesondheid verkeer en vry is van enige kwaal, siekte, lamheid, ongesteldheid, besering of ongeskiktheid. SANTAM LANDBOU/522/112011/LEWENDE HAWE EN WILD (6/8)

7 SPESIFIEKE UITBREIDINGS VAN TOEPASSING OP ONDERAFDELINGS A, B EN C 1. Kalfuitbreiding (slegs van toepassing op beeste en indien in die bylae as ingesluit vermeld) Hierdie afdeling word uitgebrei om beide die koei en die kalf of tweelingkalwers, ouer as 24 uur maar jonger as 6 maande by die intreedatum van hierdie dekking te dek. Met dien verstande dat die versekeraar se aanspreeklikheid vir die kalf of kalwers hoogstens 20% van die versekerde bedrag beloop. In geval van tweelinge is geen eis ingevolge hierdie uitbreiding betaalbaar nie sou slegs een kalf vrek. Verder met dien verstande dat indien n eis ingevolge hierdie afdeling betaal word, die versekerde bedrag op die koei verminder word met die bedrag betaal of betaalbaar ingevolge hierdie uitbreiding. 2. Bykomende versekerde bedrag nuutaangekoopte diere (indien in die bylae as ingesluit vermeld) In geval die versekerde n dier op of ná die intreedatum van hierdie afdeling aangekoop het, sal die versekeraar in die geval van n eis die aankoopprys van sodanige dier betaal, plus n bykomende bedrag gelykstaande aan 10% van die aankoopprys om die koste van herlokasie van die dier te dek, met dien verstande dat die versekeraar in totaal nie meer as die versekerde bedrag op sodanige dier betaal nie. SPESIFIEKE VOORWAARDES VAN TOEPASSING OP ONDERAFDELINGS A, B, C EN D (1) Enige voordeel ingevolge hierdie afdeling ten opsigte van enige dier word onmiddellik gestaak sodra sodanige dier nie langer die eiendom van die versekerde is nie. (2) Die versekerde sal te alle tye alle redelike sorg tref en die versekerde diere beskerm teen verlies of gevaar van verlies, ongeval of siekte en sal aan alle redelike maatreëls en voorskrifte voldoen wat deur die versekeraar of n gekwalifiseerde veearts in diens van die versekeraar uitgereik word. (3) Die versekerde sal die versekeraar onmiddellik in kennis stel van enige ongeval of siekte van enige dier wat ingevolge hierdie afdeling verseker is en sal op eie koste onmiddellik vir voldoende bystand en behandeling deur n gekwalifiseerde veearts voorsiening maak. Indien die versekeraar so verlang sal die versekerde die versekeraar van n verslag oor die toestand van die dier deur die behandelende gekwalifiseerde veearts voorsien. (4) Die versekerde dier mag nie sonder die versekeraar se skriftelike toestemming permanent van die plase vermeld in die bylae verwyder word nie. (5) Die versekerde onderneem om alle wette, reëls en regulasies na te kom wat betrekking het op die distrik waar die dier aangehou word en sal in geval van n eis bewys van sodanige nakoming aan die versekeraar lewer. (6) In geval van n gebeurtenis wat tot n eis aanleiding gee of wat tot n eis aanleiding kan gee, sal die versekerde die versekeraar onmiddellik van sodanige gebeurtenis in kennis stel. (a) In geval van die vrekte van enige dier wat ingevolge hierdie afdeling verseker is, sal die versekerde aan die versekeraar die geleentheid bied om die karkas te inspekteer en sal die versekerde nie die karkas sny of daarvan ontslae raak nie voor die verstryking van 24 uur vanaf sodanige kennisgewing aan die versekeraar. SANTAM LANDBOU/522/112011/LEWENDE HAWE EN WILD (7/8)

8 (b) Die versekerde sal binne 14 dae van sodanige gebeurtenis en op eie onkoste die versekeraar van n voltooide eisvorm voorsien, tesame met alle ander inligting wat deur die versekeraar verlang mag word, met inbegrip van enige sertifikate van gekwalifiseerde veeartse en bevredigende bewys van vrekte, identiteit en waarde van die dier. (c) Indien die versekeraar beweer dat die dier se vrekte uit n uitgeslote oorsaak spruit, rus die las om die teendeel te bewys op die versekerde. (d) Indien die versekeraar die eis toelaat, mag die versekerde tot beste voordeel van die karkas ontslae raak en die bedrag wat die verkoop van die karkas opbring, word teen die bedrag van die eis gereken. (e) Geen eis is betaalbaar ná die verloop van 3 maande, of enige ander sodanige tydperk wat die versekeraar skriftelik mag toestaan, ná die plaasvind van n versekerde gebeurtenis tensy die eis die onderwerp van hangende regsaksie is. SANTAM LANDBOU/522/112011/LEWENDE HAWE EN WILD (8/8)