Huishoudelike Versekering Afdeling huishoudelike plesiervaartuie

Transcriptie

1 Huishoudelike Versekering Spesifieke omskrywings 1. Vaartuig beteken die vaartuig vermeld in die bylae bestaande uit die romp, bo-struktuur, vaste toebehore, elektriese masjinerie, enjins, binneboordmotor(s), skeepsbootjie(s), uitrusting en toerusting (nie elektroniese toerusting nie) as wat normaalweg saam met die vaartuig as n enkele eenheid verkoop sou word. Buiteboordmotors, tenders, tewaterlaters / trollies en sleepwaens en enige radio s, eggopeilers en soortgelyke navigasie- en/of elektroniese toerusting, enige dekseile en veiligheidstoerusting word nie ingesluit nie tensy afsonderlik verklaar en in die bylae of deur middel van endossement gewaardeer. 2. Hele vaartuig beteken die romp, bo-struktuur, vaste toebehore, masjinerie, enjins, motors, skeeps-/reddingsbootjie, uitrusting en enige radar en toerusting wat normaalweg as n enkele eenheid verkoop sou word. 3. Private woning beteken die versekerde se permanente tuiste met inbegrip van alle grond binne die grense daarvan. 4. Vervangingswaarde van die vaartuig beteken die (a) vervangingskoste as nuut waar die vaartuig minder as 4 jaar oud is; (b) redelike markwaarde waar die vaartuig ouer as 3 jaar is. 5. In kommissie beteken die tydperk waartydens die vaartuig vir onmiddellike gebruik beskikbaar is. 6. Semi-rigiede vaartuig beteken n vaartuig wat van pontonne gebruik maak, gemaak van rubber of ander stof, wat onder druk opgeblaas is met n rigiede romp. Onderafdeling 1- Verlies van of skade aan die vaartuig Skadeloosstelling aan die versekerde 1. Die maatskappy sal deur betaling of na eie keuse deur herstel of vervanging die versekerde skadeloos stel ten opsigte van skade veroorsaak deur n omskrewe gebeurtenis. Herstel of vervanging sal so na as moontlik aan die oorspronklike spesifikasie geskied, maar daar sal nie van die maatskappy verwag word om presiese restorasie te bewerkstellig nie. 2. Die maksimum aanspreeklikheid van die maatskappy is die versekerde bedrag vermeld in die bylae of die vervangingswaarde van die vaartuig ten tye van sodanige verlies of skade, wat ook al die minste is. 3. Indien die versekerde bedrag op die vaartuig minder as die vervangingswaarde ten tye van die skade is, word die versekerde geag sy eie versekeraar vir die verskil te wees en moet hy n eweredige gedeelte van die verlies dienooreenkomstig self dra. Omskrewe gebeurtenisse Skade aan die vaartuig veroorsaak deur toevallige uitwendige middele, insluitend 1. gevare ter see of op riviere, mere en ander vaarbare waters, 2. brand, 3. oorboord gooi, 4. seerowery, 5. botsing met skeepsdok of hawetoerusting of -installasie, landvervoermiddel, vliegtuie en ander lugtoestelle of artikels wat daaruit of daarvan af val, 6. aardbewing, 7. weerlig, 8. ongelukke by die op- of aflaai of verskuiwing van voorraad, uitrusting, toerusting of masjinerie, 9. ontploffing. 10. diefstal van (a) die vaartuig. (b) buiteboordmotor, mits dit behoorlik aan die vaartuig vasgeheg is deur middel van n diefweringstoestel benewens die gewone wyse van vashegting. (c) masjinerie insluitend buiteboordmotors, uitrusting of toerusting wat volg op kragdadige en gewelddadige toegang tot of uitgang uit die vaartuig of berg- of herstelplek. (d) die sleepwa terwyl dit sonder die vaartuig geparkeer staan.

2 11. verlies van of skade aan die vaartuig, met uitsluiting van elektriese toerusting, batterye en verbindings, motors en verbindings (maar nie stutas of skroef nie), veroorsaak deur: (a) latente gebreke in die romp of masjinerie. (b) die brekasie van aste of die bars van stoomketels (met uitsluiting van die koste van herstel of vervanging van die gebreekte as of stoomketel). (c) die nalatigheid van enige persoon hoegenaamd, maar met uitsluiting van die herstelkoste verbonde aan enige defek veroorsaak deur óf nalatigheid óf kontrakbreuk ten opsigte van enige herstelwerk of verandering. 12. die koste verbonde aan bodembesigtiging na n stranding indien dit redelikerwys vir daardie doel aangegaan word,selfs al kan geen skade gevind word nie. 13. verlies van of skade aan persoonlike besittings ingeval die vaartuig gestrand, gesink of gebrand word, of by n botsing betrokke is. 14. skade wat regstreeks veroorsaak word deur of deur middel van of as gevolg van (a) burgerlike beroering, arbeidsonluste, oproer, staking of uitsluiting; (b) die optrede van enige wettig ingestelde owerheid by die beheer, voorkoming of onderdrukking van, of terwyl openige ander wyse gehandel word met enige gebeurtenisse waarna in (i) hierbo verwys word met dien verstande dat hierdie gebeurtenis nie die volgende dek nie (a) skade wat in die Republiek van Suid-Afrika of Namibië plaasvind. (b) gevolglike of onregstreekse verlies of skade van enige aard of beskrywing hoegenaamd, behalwe verlies van huurgeld indien spesifiek verseker. (c) skade veroorsaak deur die algehele of gedeeltelike staking van werk, of die sloering, onderbreking of staking van enige proses of bedrywigheid. (d) skade veroorsaak deur permanente of tydelike besitontneming as gevolg van beslaglegging, kommandering of rekwisisie deur enige wettig ingestelde owerheid. (e) skade veroorsaak deur of wat verband hou met enige gebeurtenis waarna in Algemene uitsondering 1(a) (ii), (iii), (iv), (v) of (vi) van hierdie polis verwys word, of die optrede van enige wettig ingestelde owerheid by die beheer, voorkoming of onderdrukking van, of terwyl op enige ander wyse met enige sodanige gebeurtenis gehandel word. lndien die maatskappy beweer dat skade uit hoofde van voorbehoudsbepaling (a), (b), (c), (d) of (e) van hierdie gebeurtenis nie gedek word nie, rus die las op die versekerde om die teendeel te bewys. Spesifieke uitsonderings op Onderafdeling 1 Die maatskappy sal nie verantwoordelik wees vir 1. diefstal van die hele vaartuig terwyl dit onbewaak gelaat word nie, tensy die vaartuig (a) binne die mure en goed beveiligde grense van die versekerde se woning of by n erkende herstel- of versienplek is, en diefstal met sigbare, kragdadige en gewelddadige toegang of uitgang gepaard gaan, tensy die maatskappy skriftelik tot die teendeel ooreengekom het; (b) by n erkende wateraanleg is. 2. verlies of skade veroorsaak deur n gebrek aan redelike voorsorgmaatreëls aan die kant van die versekerde. 3. enige koste en uitgawes wat aangegaan word as gevolg van (a) slytasie; (b) waardevermindering; (c) agteruitgang vanweë gebruik; (d) elektriese of meganiese of elektroniese onklaarraking, met inbegrip van onklaarraking veroorsaak deur die inname van vreemde voorwerpe/stowwe in die verkoelingstelsel; (e) verlies van gebruik van enige aard. 4. verlies van of skade aan seile of dekseile wat deur die wind geskeur of weggewaai word terwyl dit gespan is, tensy veroorsaak deur skade aan die rondhoute of deurdat die vaartuig gestrand, gesink of gebrand word, of by n botsing betrokke is, of in kontak met enige uitwendige voorwerp (ys ingesluit) behalwe water. 5. seile, maste, rondhoute, staande of lopende want terwyl die vaartuig aan n wedren deelneem, tensy veroorsaak deurdat die vaartuig gestrand, gesink of gebrand word, of by n botsing betrokke is, of in kontak met enige uitwendige voorwerp (ys ingesluit) behalwe water. 6. die koste van vervanging of herstel van enige onderdeel wat bloot vanweë n fout in die ontwerp of konstruksie onbruikbaar is of enige koste of uitgawe wat vir verbetering of verandering van ontwerp of konstruksie aangegaan word. 7. skade aan (a) persoonlike besittings, verbruikbare voorraad, hengeltoerusting, diepseeduik- en/of vryduik-uitrusting; (b) vasmeergoed; (c) enige ander toerusting wat nie in die bylae gespesifiseer word nie. 8. diefstal van die hele vaartuig vanaf die perseel van n boothandelaar indien dit daar gelaat is om verkoop te word. 2/6

3 9. die vaartuig se skeepsbootjie waarop die naam van die vaartuig nie permanent aangebring is nie. 10. skade veroorsaak (a) deurdat die vaartuig gestrand, gesink, oorstroom, onder water gedompel word of wegdryf, terwyl dit onbewaak vasgemeer of geanker op n ontblote strand of rivieroewer gelaat word. (b) terwyl die vaartuig anders gebruik word as in ooreenstemming met die beskrywing van gebruik. 11. waterski s, toue en alle soortgelyke sporttoerusting terwyl dit in gebruik is of gedurende gebruik onbewaak gelaat word. 12. skitter- of gegradeerde verafwerkiing van enige aard waar skade n oorsproei en/of oorverf van bypassende kleur noodsaak. 13. bekleding of herstel daarvan tensy die skade veroorsaak is deurdat dit gestrand, gesink of gebrand word, of by n botsing betrokke is, of in kontak met enige uitwendige voorwerp (ys ingesluit) behalwe water. 14. skade aan n vaartuig wat met binneboordmasjinerie toegerus is deur brand of ontploffing, tensy die vaartuig met geskikte handbrandblussers toegerus is. 15. skade aan buiteboordmotors veroorsaak deurdat dit afval of oorboord val, tensy die motors aan n permanente hegplek aan die romp vasgebout of vasgeketting is. 16. skade aan rubberbootjjes en/of Jetski s (waterfietse). 17. seilplanke Die maatskappy sal nie betaal vir skade (a) veroorsaak deur golfspringers, toertjieborde of soortgelyke speeltoerusting nie. (b) aan, of die verdwyning van, seile en/of ander dele terwyl dit op n dakrak of dak van enige voertuig of op n sleepwa vervoer word wanneer onbewaak in die buitelug gelaat word nie. (c) wat plaasvind as gevolg daarvan dat die dakrak van die voertuig losraak of die metode van vashegting breek of losraak nie. (d) aan masmikvering of seile gedurende gebruik nie. 18. semi-rigiede vaartuie Die maatskappy sal ten opsigte van semi-rigiede vaartuie onder geen omstandighede (a) meer betaal as die koste verbonde aan die herstel of las van die materiaal van pontone wat geskeur is nie. (b) dekking vir onderwatervoorwerpe verskaf nie. Onderafdeling 2 - Aanspreeklikheid Die maatskappy sal die versekerde skadeloos stel 1. teen enige skadevergoeding, met inbegrip van koste en uitgawes, wat die versekerde voortspruitend uit die gebruik van die vaartuig wetlik aanspreeklik word om te betaal ten opsigte van (a) besering; (b) skade; (c) die koste van werklike of gepoogde opligting, verwydering of vernietiging van die wrak van die vaartuig of enige nalating of versuim om dit te doen. 2. teen enige regskoste wat met sy skriftelike instemming aangegaan word vir verteenwoordiging by enige nadoodse ondersoek of ondersoek na n noodlottige ongeluk of vir die betwisting van aanspreeklikheid of die installing van regsprosedures. 3. teen alle ongelukskade veroorsaak deur enige persoon (behalwe n persoon wat n skeepswerf, wateraanleg, herstelwerf, skeepshelling, seiljagklub, verkoopsagentskap of soortgelyke organisasie bestuur of in die diens van sodanige bestuurder is) wat die vaartuig navigeer of met die versekerde se instemming in beheer daarvan is, met dien verstande dat (a) skadeloosstelling nie van toepassing sal wees op enige lid van dieselfde huishouding as daardie persoon nie. (b) sodanige persoon nie op skadeloosstelling ingevolge enige ander polis geregtig is nie. (c) sodanige persoon in die versekerde se plek die bepalings, voorwaardes en uitsonderings van hierdie polis nakom, daaraan voldoen en hom daaraan onderwerp. Spesifieke uitsonderings op Onderafdeling 2 Die maatskappy sal nie die versekerde skadeloos stel ten opsigte van 1. besering van (a) betalende passasiers wat in of op die vaartuig vervoer word, of daarin of daarvan afklim nie. (b) enige lid van die versekerde se gesin wat normaalweg by die versekerde inwoon nie. (c) enige persoon in diens van die versekerde, voortspruitend in die loop van sodanige diens nie. (d) enige persoon wat aan waterski of ski-plankryery of ander sportaktiwiteit deelneem terwyl hy/sy deur die vaartuig gesleep word of voorbereidings tref om op sleeptou geneem te word of nadat hy/sy gesleep is, totdat die persoon weer veilig aan boord of aan wal is. 2. enige aanspreeklikheid, koste of uitgawe voortspruitend uit enige bestraffende of waarskuwende skadevergoeding, hoe dit ook al ontstaan. 3/6

4 Uitbreiding op waterskiërs (indien in die bylae as van toepassing vermeld) Spesifieke uitsondering 1(d) van hierdie onderafdeling word slegs ten opsigte van waterskiërs geskrap. Daarbenewens sal die maatskappy, onderworpe aan die beperkings van hierdie onderafdeling, betaal vir regsaanspreeklikheid wat deur waterskiërs aangegaan word. Onderafdeling 3 - Algemeen Beskrywing van gebruik Vaartuig wat uitsluitlik vir private, huishoudelike en plesierdoeleindes gebruik word, met uitsluiting van verhuring, vervoer van passasiers teen vergoeding of van betalende passasiers, resies-, snelheids- of ander wedrenne, -tydrenne of -toetse. Skadeloosstellingsperke Die skadeloosstellingsperke hieronder aangedui, geld onafhanklik van enige bedrag in die bylae vermeld en moet met die tersaaklike klousules in hierdie afdeling saamgelees word. Onderafdeling 2. Aanspreeklikheid teenoor derde partye Alle vaartuie Per bylae Onderafdeling 3. Mediese uitgawes - per insittende R maksimum in totaal R Eerste bedrae betaalbaar Die versekerde is verantwoordelik vir die bedrae soos vermeld in hierdie tabel ten opsigte van iedere en elke eis voortspruitend uit enige enkele gebeurtenis of reeks gebeurtenisse met n enkele oorsaak of bron gedurende enige enkele versekeringstydperk. Hierdie tabel moet met die tersaaklike klousules in hierdie afdeling saamgelees word. 1. Basies Per bylae 2. Bykomend (a) Gebruik van vaartuig ter see R250 (b) Vrywillig Per bylae 3. Opsionele uitbreidings Klousule 3. Onderwatervoorwerpe 10% van eis Kruisafstand 1. Slegs binnelandse waters enige plek binne Suid-Afrika (Durban-hawe en Knysna-strandmeer ingesluit), Namibië en Zimbabwe. 2. Soos hierbo, met inbegrip van kuswaters onderworpe aan n maksimum van 80 kilometer vanaf die kus. Klousules 1. Vervanging van uitrusting en toerusting Die maatskappy mag sekere aftrekkings maak ten opsigte van nuwe materiale wat oues vervang na verlies van of skade aan seile, maste, rondhoute, staande en lopende want, dekseile, batterye en buiteboordmotors. Geen skikking sal egter die waardes wat in die bylae uiteengesit word, oorskry nie. 2. Besoedeling Waar die vaartuig deur n omskrewe gebeurtenis beskadig word en daarna n besoedelingsgevaar of -bedreiging word, sal die maatskappy betaal vir enige verlies of skade aan sodanige vaartuig veroorsaak deur n regeringsowerheid se optrede om sodanige besoedelingsgevaar of -bedreiging te voorkom of te minimaliseer. 3. Mediese uitgawes Indien die versekerde besering opdoen as gevolg van die vaartuig wat gestrand, gesink of in n botsing met enige uitwendige voorwerp behalwe water betrokke is, sal die maatskappy die mediese uitgawes in verband met sodanige besering ten opsigte van elke beseerde persoon betaal. 4. Pligte as eienaar Die versekerde, die versekerde se dienaars, die versekerde se agente en alle gebruikers van die vaartuig moet (a) alle redelike voorsorgmaatreëls tref om die vaartuig, buiteboordmotors, sleepwaens en ander versekerde eiendom in n behoorlike toestand, seewaardig en padwaardig in stand te hou. (b) alle behoorlike sorg en ywer by die bemanning van die vaartuig uitoefen. 4/6

5 (c) alle redelike stappe doen om verlies of skade te voorkom of tot die minimum te beperk. Die maatskappy sal vir alle koste en uitgawes betaal wat redelikerwys en noodwendig aangegaan word om aan hierdie klousule te voldoen, met dien verstande dat sy maksimum aanspreeklikheid nie daardeur verhoog word nie. 5. Opnames Wanneer die ouderdom van die vaartuig 10 jaar oorskry, sal die maatskappy n afskrif van n onafhanklike, professionele opnameverslag tot op datum vereis. Hierdie opname sal uitgevoer word terwyl die vaartuig uit die water is en op die versekerde se eie onkoste. Die maatskappy mag daaropvolgende opnameverslae na eie goeddunke versoek. 6. Brander-tewaterlating Waar die vaartuig deur die branders te water gelaat word, moet dit met minstens twee motore in werkende en geredelik bruikbare toestand toegerus wees. 7. Oortreding van wet en regulasie Die versekerde mag nie die vaartuig gebruik, of toelaat of veroorsaak dat dit gebruik word om enige wet of regulasie te oortree wat deur enige owerheid uitgevaardig word, insluitend maar nie beperk tot die regulasies van die Departement van Vervoer ingevolge die Handelskeepvaartwet 1951, soos gewysig, insoverre dit op betrekking het nie. 8. Herstelwerk en tenders Die maatskappy het die reg om die herstelplek of die herstelfirma aan te wys en mag ook tenders vir die herstel van die vaartuig aanvra of vereis dat tenders daarvoor aangevra word. Enige bykomende uitgawes voortspruitend uit nakoming van sy vereistes sal aan die versekerde terugbetaal word. 9. Afleibare algehele verlies Wanneer daar bepaal moet word of die vaartuig n afleibare algehele verlies is, sal die vervangingswaarde as die herstelde waarde geneem word en die skade of afbreekwaarde van die vaartuig of wrak sal nie in ag geneem word nie. Geen eis vir afleibare algehele verlies gebaseer op die koste van herwinning en/of herstel van die vaartuig sal verhaalbaar wees tensy sodanige koste die vervangingswaarde sou oorskry nie. 10. Onherstelde skade In geen geval sal die maatskappy aanspreeklik wees vir onherstelde skade tesame met n daaropvolgende algehele verlies nie. Opsionele uitbreidings (indien in die bylae as van toepassing vermeld) 1. Transito per pad of spoor Verlies van of skade aan die vaartuig, met inbegrip van die op- of aflaai daarvan terwyl dit per pad of spoor binne Suid- Afrika, Lesotho, Swaziland, Namibië en Zimbabwe vervoer word, met dien verstande dat die vaartuig vervoer word op n doelmatig en behoorlik geboude, padwaardige sleepwa en behoorlik en veilig aan die sleepwa vasgemaak word. Die maatskappy sal nie betaal vir skrape, duike en/of kneusing en die gevolglike koste van herstelwerk of herafwerking nie. Hierdie uitbreiding sluit padongelukskade aan die sleepwa terwyl dit met of sonder die vaartuig gesleep word, in. 2. Wedrenrisiko (seilvaartuig) Die maatskappy sal die versekerde skadeloos stel ten opsigte van verlies van of skade aan seile, maste, rondhoute, staande en lopende want terwyl dit aan n wedren deelneern, maar sy aanspreeklikheid word beperk tot twee-derdes van die herstel- of vervangingskoste tot en met n maksimum vantwee-derdes van die versekerde bedrag in die bylae gespesifiseer. 3. Dekking teen onderwatervoorwerpe Hierdie afdeling sluit verlies van of skade aan roer, skroef, stut, as, motor, elektriese masjinerie of batterye en hul verbindings in, wat deur n botsing met n onderwatervoorwerp veroorsaak word. Die maatskappy sal nie die versekerde skadeloos stel ten opsigte van verlies of skade veroorsaak (a) deurdat die vaartuig aan enige wedren of snelheids- of enige ander toetse deelneem nie. (b) deur die inname van vreemde voorwerpe/stowwe in die verkoelingstelsel van die masjinerie, enjins of motor nie. 5/6

6 Eisvryegroepe 1. lndien geen eise ingevolge hierdie afdeling gedurende enige enkele jaarlikse versekeringstydperk uitbetaal is nie, sal die volgende hernuwingspremie op een van die volgende eisvryegroepe gebaseer word: Bestaande eisvryegroep Hernuwingseisvryegroep lndien geen eise gedurende die versekeringstydperk uitbetaal is nie, sal die volgende hernuwingspremie op een van die volgende eisvryegroepe gebaseer word: Bestaande eisvryegroep Hernuwingseisvryegroep /6