STELLENBOSCH VOORTREKKERS

Transcriptie

1 STELLENBOSCH VOORTREKKERS INLIGTING en ALGEMENE ReëLS 1. ALGEMENE REËLS...2 REGISTRASIE VAN LEDE EN NUWE LEDE...2 DIE VT JAAR...2 OFFISIERE ADMIN BYWONING GRAADWIELWERK /-TOETSE...3 PENKOPPE EN DRAWWERTJIES...3

2 GR R GR 7 (SIEN TOEPASLIKE VOORGESKREWE GRAADWERK (HANDLEIDINGS VIR VOLWASSE SPANLEIER EN WERKBOEKE VIR JEUGLEDE) EN SPESIALE ONDERSKEIDINGSKENTEKEN (SO S) VOORSKRIFTE, SOOS OPGESTEL O.L.V. HOOFBESTUUR EN BESKIKBAAR BY DIE VELDKORNETTE...3 VERKENNERS SPESIALE ONDERSKEIDINGS (SO'S) VOLWASSE OPLEIDING JAARPROGRAM SPANBYEENKOMSTE, KAMPE EN UITSTAPPIES...4 SPANBYEENKOMSTE...5 KAMPE...5 UITSTAPPIES TERREIN VERLATING...6 TYDENS SPANBYEENKOMSTE, KAMPE ENS GEBRUIK VAN DIE LAER...6 TERREIN EN GEBOUE...6 NAAF, SAAL, KONFERENSIE FASILITEIT EN KOMBUIS...7 GEBRUIK VAN TERREIN SPANKAMER EN SPANFONDSE FORMELE EN AKTIEWE DRAG PLIGTE VAN: DIE WAKIS PUBLISITEIT LEÊR VOLWASSE SPANVOOGDE (OFFISIERE) ALGEMENE REËLS Registrasie van lede en Nuwe lede Ten einde deel te neem aan Voortrekker aktiwiteite moet alle nuwe lede jaarliks voor die jaarlikse jaarkampkamp, aansoek doen om lidmaatskap. Persone wat op 31 Oktober van die vorige jaar 'n lid was, moet voor die kamp vir die betrokke jaar registreer. Geregistreerde lede volwasse spanvoogde, staatmakers en jeuglede word ingeskakel by die Voortrekker Beweging se landswye versekering. Die VT jaar Die amptelike jaar strek vanaf die eerste Maandag in Januarie tot 17 Desember van elke jaar. Spanvergaderings begin Donderdae stiptelik om 17:30 en verdaag om 18:45. Verkennerraad en Volwasse spanvoog teenwoordigheid by spanne Verkennerraad word gereeld gehou soos gereël deur die veldkornette met die spanleiers en adjunkspanleier. Wanneer 'n volwasse spanvoog (offisier) afwesig sal wees, moet hy/sy self betyds die nodige reëlings tref vir 'n plaasvervanger en ook die veldkornet betyds in kennis stel daarvan.

3 Offisiere Admin Elke volwasse spanvoog (offisier) ontvang 'n lêer met die jaarprogram en ander inligting insake Stellenbosch Voortrekkers, wat die eiendom van die plaaslike Voortrekkers bly. Wanneer 'n volwasse spanvoog (offisier) dus Stellenbosch Voortrekkers verlaat, moet hy/sy die lêer terugbesorg. 2. BYWONING Ten einde jaarliks 'n dienskenteken vir getrouheid te verwerf, is 'n 75% bywoning van alle plaaslike aktiwiteite 'n vereiste. 3. GRAADWIELWERK /-TOETSE Die opleidingsprogram, soos deur Hoofbestuur voorgeskryf word gevolg, naamlik: Penkoppe en Drawwertjies Gr R Gr 7 (sien toepaslike voorgeskrewe graadwerk (handleidings vir volwasse spanleier en werkboeke vir jeuglede) en Spesiale Onderskeidingskenteken (SO s) voorskrifte, soos opgestel o.l.v. Hoofbestuur en beskikbaar by die veldkornette. Verkenners Gr 8 : Groenkopverkenner en SO's Gr 9 : Baanbrekerverkenner en SO's Gr 10 : Uithalerverkenner en SO's Gr 11 : Baasverkenner en SO's Gr 12 : Bo-baasverkenner, Hoofleierswag en Presidentsverkenner Die eksaminering van Graadtoetse word deur die onderskeie veldkornette, of deur 'n spanvoog deur hom / haar aangewys, gedoen. 4. SPESIALE ONDERSKEIDINGS (SO'S) Benewens die graadwielwerk wat verpligtend is, kan jeuglede ook 'n wye verskeidenheid SO's verwerf. Hoekom is daar graadwiele en SO's? Graadwiele verskaf die basiese vorderings meganisme vir die kind van jaar tot jaar, terwyl SO's bedoel is om addisionele geleenthede vir die kind te skep om te ontwikkel. Alhoewel deelname aan SO's vrywillig is, word die aantal SO's verwerf in aanmerking geneem met die toekennings van sekere kentekens, soos Voorslag P/D; en by verkenners vir Hoofleierswag en Presidentsverkenner toekennings. Vir sover moontlik word alle SO's van die P/D s deur die veldkornette evalueer. Dit kan egter ook deur die veldkornette verwys word na die betrokke toetsbeampte op die paneel.

4 Verkenner SO's word deur die betrokke persone op die toetspaneel en veldkornette getoets. Hierdie paneel word jaarliks deur dagbestuur saamgestel. Die beplanning van die SO's moet vooraf met die betrokke veldkornette gereël/bespreek word. 'n Toetsverslagvorm is beskikbaar wat na die toets voltooi word en aan die betrokke veldkornet oorhandig word. Teen die einde van die eerste kwartaal moet die spanoffisier die lys van die SO's waaraan sy span gedurende die jaar gaan werk, by sy veldkornet indien. Alle SO's wat voor die einde van die derde kwartaal afgehandel is, word in Die Wakis van die betrokke jaar erken. Sekere SO's word nie in die spankeuses ingesluit nie, aangesien dit by ander geleenthede vir 'n spesifieke groep aangebied word. Kry hierdie inligting by jou veldkornet voordat jy jou spanprogram beplan. 5. VOLWASSE OPLEIDING Volwasse spanvoogde (offisiere) word die geleentheid gebied om gestruktureerde opleidingskursusse, spesifiek gemik op Voortrekker werk en hantering van spanne, by te woon. Hierdie opleiding word deels ondervang deur informele opleiding op plaaslike vlak. Spanaktiwiteite vra meer as om net "besig" gehou te word. 'n Konsep "Spanplan" word aan elke volwasse spanvoog (offisier) voorsien ten einde hom/haar met die beplanning van sy/haar span se aktiwiteite te help. Die veldkornette verleen bystand met hierdie beplanning. Bykomstige literatuur word ook deur dagbestuur en mede-spanvoogde voorsien vir opleidingsdoeleindes. 6. JAARPROGRAM Die plaaslike dagbestuur en die veldkornette stel jaarliks 'n oorhoofse jaarprogram op vir die hele jaar. Die program neem skool- en kerk geleenthede in ag en word juis so opgestel om oorvleueling van datums te probeer uitskakel en/of minimiseer. Die veldkornette stel weer 'n eie werkprogram vir veldkornetskappe op, wat koördineer met mekaar en met die plaaslike jaarprogram. Volwasse spanvoogde (spanoffisiere) moet hulle eie werkprogram hiervolgens op stel. Volwasse spanvoogde (offisiere) en ouers ontvang die jaarprogram aan die begin van elke jaar. 7. SPANBYEENKOMSTE, KAMPE EN UITSTAPPIES

5 Spanbyeenkomste Spanbyeenkomste vind plaas op Die Laer, elke Donderdag vanaf 17:30 tot en met 18:45 soos op Jaarprogram aangedui. Spanbyeenkomste word in amptelike Voortrekker aktiewe drag bygewoon. Die grootte en samestelling van spanne word bepaal deur : (1) die aantal beskikbare volwasse spanvoogde (offisiere) (2) skool verband (3) maats Elke span kies voor die derde Donderdag in Februarie n spanleier en adjunkspanleier wat die volwasse spanvoog (spanoffisier) help met take. Indien 'n volwasse spanvoog nie teenwoordig kan wees nie, moet hy/sy betyds reël vir 'n plaasvervanger en die betrokke veldkornet vroegtydig hieromtrent inlig. So ver moontlik het elke span sy eie spankamer. Spanne moet self die spankamer inrig volgens hulle behoefte. Spankamer inspeksie word gereeld deur die veldkornette uitgevoer. 'n Vorm met besonderhede in verband met Spankamer-inrigting is in die Jaarprogram (Bylae D). Kampe 'n Kamp-aansoekvorm (Bylae A), plus die nodige toestemmingsbrief (Bylae B), verkrygbaar in die betrokke veldkornetskapkamer, moet volledig deur die volwasse spanvoog ingevul word en by die veldkornet ingehandig word vir voorlegging aan die plaaslike dagbestuur. Volledige aansoeke vir kampe, daguitstappies of spanvergaderings elders as op Die Laer, moet voor 15:00 op die Maandag wat die kamp voorafgaan, ingedien word by die veldkornet, sodat dit deur dagbestuur oorweeg kan word. Elke voornemende kampeerder moet 'n behoorlik ingevulde toestemmingsbrief aan sy/haar ouers voorlê. Indien sodanige vorm nie deur die ouers onderteken is nie, mag hy/sy nie die kamp/uitstappie bywoon nie. Dit dien as bewys van die ouer se goedkeuring en andersyds as versekering aan die ouer dat die kamp/uitstappie deur dagbestuur goedgekeur is. Dit is die verantwoordelikheid van die volwasse spanvoog om toe te sien dat geen jeuglid sonder 'n geldige toestemmingsbrief aan 'n kamp/uitstappie mag meedoen nie. Hierdie toestemmingsbriewe mag nie saamgaan op die uitstappie nie, maar moet by die veldkornette besorg word voordat die groep vertrek. Spankampe mag onder geen omstandighede met Sondagskool- of Katkisasie-aktiwiteite bots nie. Indien 'n span op 'n Saterdagaand wil uitslaap, moet hulle betyds terug wees om die Sondagskool/Katkisasie aktiwiteite by te woon, of vooraf verlof tot afwesigheid van die betrokke kerk ontvang het.

6 Uitstappies Spanne wat uitstappies gedurende spantyd wil reël of elders moet vergader, moet (a) toestemming by die veldkornet kry, (b) moet die Verkennerraad bywoon en/of die afkondigings by die veldkornet kry en (c) moet seker maak dat hulle nie aan diens is die betrokke Donderdag nie. Indien die volwasse spanvoog nie sy/haar span op 'n uitstappie, kamp of met enige ander funksie kan vergesel nie, moet die spanvoog die veldkornet daaromtrent inlig en ook die dagbestuur nader oor 'n moontlike plaasvervanger ALVORENS so n plaasvervanger genader word. Alle dogterspanne wat kamp, MOET ook deur 'n volwasse manspersoon vergesel word. Die persoon se naam moet voor die tyd aan die dagbestuur voorgelê word, saam met die kampaansoekvorm. Na die amptelike sluiting van die jaar (17 Desember), kan geen verdere uitstappies of kampe toegelaat word nie. Spanne wat na die l7de Desember en voor die eerste naweek in Januarie op 'n uitstappie gaan, doen dit in hulle privaat hoedanigheid en nie as lede van Stellenbosch Voortrekkers nie. 8. TERREIN VERLATING Tydens Spanbyeenkomste, Kampe Ens. Geen kinders of spanvoog mag DIE LAER voor 18:45 sonder toestemming van die plaaslike leier verlaat nie. Die ouers van 'n kind wat vroeër moet gaan, moet SKRIFTELIK die veldkornet in kennis stel, of die OUER moet die kind persoonlik by die diensbemapte in Die Naaf kom haal. Niemand mag die kampterrein waar 'n span of spanne byeenkom sonder toestemming van die betrokke volwasse spanvoog besoek of verlaat nie. Oortreding hiervan word in 'n baie ernstige lig beskou en aanspreeklikheids versekering is nie noodwendig is so n geval geldig nie. 9. GEBRUIK VAN DIE LAER Terrein en geboue 'n Span, of groep Voortrekkers, mag die terrein alleenlik gebruik indien daar 'n volwasse spanleier (offisier) teenwoordig is. Indien 'n span op DIE LAER wil slaap, geld dieselfde reëlings soos vir 'n kamp of uitstappie. Na 23:00 moet daar STILTE op Die Laer wees. VURE mag alleenlik op goedgekeurde plekke op die terrein gemaak word, onder behoorlike toesig van 'n volwassene. Die volwasse spanvoog moet ook persoonlik toesien dat die vuur BEHOORLIK geblus word. Die volwasse spanvoog van penkoppeen drawwertjiespanne moet NOOIT die vuur alleen in die sorg van die kinders laat nie. STOPKRANE wat water voorsien na punte naby die vuurmaakplekke, moet toegedraai word wanneer die vure klaar geblus is. Versuim om dit te doen kan die pype moontlik laat bars met gevolglike groot water vermorsing. FIETSE mag nie teen enige mure staangemaak word nie, moet in die fietsrakke binne die terrein vasgesluit word. Daar mag nie op die terrein met fietse rondgery word nie en skaatsplanke word nie op die terrein toegelaat nie.

7 GEEN MOTORS, behalwe die van volwasse spanvoogde en/of persone wat met spanne behulpsaam is, of wat kombuisdiens doen, mag by Die Laer inry nie. Kinders moet in Simonsbergweg op- en afgelaai word en moet van die voetgangersoorgang gebruik maak. Ouers wat saans in Simonsbergweg wag vir kinders, moet hul motorligte afskakel, want dit verblind die voetgangers. Voetgangers en fietse moet die voetgangershek gebruik en by die voetgangersoorgang oor Simonsbergweg stap. BALSPELETJIES op die paradegrond en tussen die speke en in die saal is VERBODE. Naaf, Saal, Konferensie Fasiliteit en Kombuis Die Naaf en -dak is nie beskikbaar vir enige spanaktiwiteite nie. Die saal en konferensie fasiliteit is beskikbaar vir spanne, maar verlof vir die gebruik van dié fasiliteite moet vooraf van die dagbestuur verkry word. Verlof tot toegang en gebruik van die kombuis tydens spankampe en/of aktiwiteite, moet van die adjunkleier, in bevel van die kombuis, verkry word. In spesiale en noodgevalle kan verlof tot gebruik ook van die plaaslike leier verkry word. Die spanvoogde bly persoonlik verantwoordelik dat die kombuis in 'n netjiese toestand gelaat word - ONGEAG VAN DIE TOESTAND WAARIN DIE KOMBUIS GEVIND IS! Slegs volwasse spanvoogde word tydens spanbyeenkomste in die Naaf toegelaat. Kinders mag slegs die Naaf besoek in opdrag van 'n volwasse spanvoog. Die telefoon mag slegs vir plaaslike oproepe gebruik word. Oproepe kos R1.00 elk. Die telefoon is nie vir gebruik deur jeuglede nie. NIEMAND mag op die klavier in die konferensiekamer speel, sonder dagbestuur se toestemming nie. Stoele of opvoutafels mag nie uit die saal verwyder of buite die saal benut word sonder vooraf toestemming van dagbestuur nie. Geen portrette of muurbehangsels mag afgehaal of verskuif word me. Mans en dames toilette is weerskante van die Willie Roux-speek en is vir die gebruik van volwassenes alleenlik. Die sleutels is in die Naaf en moet na gebruik terugbesorg word. Die toilette moet asseblief gesluit bly. Toilette en storte vir jeuglede is agter die saal weerskante van die verhoog. Die buitedeure moet asseblief gebruik word vir toegang tot hierdie geriewe. Skade van enige aard aan plaaslike eiendom moet dadelik aan die dagbestuur rapporteer word deur of die volwasse spanvoog of die spanleier. Herstelkoste sal van die betrokke span se spanfondse of die persoon verantwoordelik vir die skade, verhaal word.

8 Gebruik van Terrein Die saal en kombuis, asook die terrein kan gebruik word teen 'n tarief wat deur dagbestuur vasgestel word. Die nodige aansoekvorms en voorwaardes is by Mev Carina Hahn, (h), verkrygbaar. Voortrekkerfunksies geniet voorkeur. Dagbestuur moet alle Voortekker aansoeke goedkeur. 10. SPANKAMER EN SPANFONDSE Spankamers moet te alle tye netjies en skoon gehou word. Rommel wat uit die spankamers gevee word, moet in die vullisblikke gegooi word. Elke span moet help toesien dat die sement-blaaie tussen die speke onberispelik is. Spankamer-inspeksie word gereeld en onafgekondig gehou. Punte word toegeken op grond van voorskrifte soos vervat in die spankamer-inspeksielys (sien Bylae D) wat dien as riglyn by die toekenning van die Spankamer trofee. Die algemene voorkoms van spankamers is ook baie belangrik. Elke span moet o.a. 'n besem, skoppie en stoflap in die spankamer hê. Kontantgeld mag onder GEEN omstandighede in die spankamer gelaat word nie. Geen spanfondse mag buitekant DIE LAER ingesamel, gekollekteer of voor gewerk word nie, tensy dit deur die dagbestuur goedgekeur is nie. Spanfondse word deur die adjunkleier: finansies geadministreer, aangesien die grondwet dit verbied dat spanfondse inbetaal word by n spaarrekening wat in die span, spanleier of offisier se naam geopen is. Inbetalings en onttrekkings word dus deur die adjunkleier finansies, met goedkeuring van die leier, hanteer. Spanverkopings op DIE LAER moet deur dagbestuur goedgekeur word. Vir dié doel is 'n spanverkopingslys in die Naaf. Spanne bespreek hul verkopingsdatum, deur bloot hul spannaam op 'n Donderdag in te vul. Slegs een span per Donderdag. Spanverkopings word gehou tussen 17:00 en 17:30. Goedere mag slegs oor die toonbank of op bestelling, verkoop word. Daar mag nie van spankamer tot spankamer gesmous word voor 18:30 nie. Spanverkopinggeld moet nog dieselfde aand by die adjunkleier: finansies inbetaal word. Elke span tel self sy geld en skryf die bedrag, datum en spannaam op by die kontant. Die verkoopsarea moet, onder toesig van volwasse spanleier (spanoffisier) of spanleier, skoon agtergelaat word. 11. FORMELE EN AKTIEWE DRAG Aktiewe drag word by alle VT geleenthede gedra en elke Donderdag vir spanvergaderings. Blou gholftipe T-hemp met VT wapen daarop Blou Broek/Romp (verkieslik denim jeans tipe) Die dra van Formele drag word by formele geleenthede gedra wat as sulks aangekondig sal word deur die organiseerder.

9 12. PLIGTE VAN: DIENSBEAMPTE A. VOOR SPANVERGADERINGS voor 17:30: 1. Sluit hoofhek oop. 2. Sluit beide veldkornetskapskamers voor 17:15 oop, sodat spanleiers van elke span sy eie spankamer se sleutel op die hakkie in die VK kan kry. 3. Sluit die Naaf oop. 5. Sluit buitedeure na seuns / dogters toilette agter saal oop. 6. Skakel urn aan - genoeg water - en sit koppies, ens., uit. B. NA AFLOOP VAN SPANVERGADERINGS na 18:45 1. Kontroleer spankamers, deure gesluit, vensters toe. 2. Afskakel van ligte: 4 spreiligte, nl. twee in Naaf, een bo-op Naaf en een agter "Vader Visser"- spreek. Laat skakelaar in Naaf, gemerk "onderdak', AAN Sorg dat alle spankamers se ligte af is. 3. Kontroleer dat kombuis netjies is en sluit. (Alle skakelaars op elektriese bord moet "AAN" wees) 4. Sluit ook seuns- en dogters toilette in saal, die saaldeur en die stoor. 5. Kontroleer mans/dames toilette. 6. Sluit die Naaf. 7. Volwasse spanvoogde is verantwoordelik dat alle vure geblus is voor die fluitjie blaas. Diensbeamptes moet nagaan dat alle vure deeglik geblus is. 8. Sluit hoofhekke. 9. Maak seker dat alle Voortrekker jeuglede reeds gehaal is. 10. Dit is die veldkornette se plig om toe te sien dat spankamers na behore gesluit is. Diensbeamptes moet egter alle spankamers kontroleer. C. INDIEN ANDER OFFISIERE EN SPANNE OORSLAAP: 1. Sorg dat volwasse spanvoog wat oorslaap of nog aktiwiteite aanbied na sluitingstyd, weet van "sluit" - en "ligte afskakel" - prosedures. 2. Dit is die veldkornette se plig om toe te sien dat spankamers na behore gestuit is. Diensbeamptes moet egter alle spankamers kontroleer. SPANLEIER / ADJUNKSPANLEIER Voor aanvang van vlagseremonies: (dus voor 17:30) 1. Dra verantwoordelikheid vir spanaktiwiteite en dissipline as volwasse spanvoog nie teenwoordig is nie. 2. Kry spankamer sleutel in Veldkornetkamer en sluit spankamer oop. 2. Neem spankoevert in veldkornetskapkamer. 3. Lees alle inligting in koevert en doen wat nodig is. 4. Merk appel register Teenwoordig : T Afwesig sonder verskoning : A Afwesig met verskoning : R 5. Sit koevert met register terug in veldkornetskapkamer.

10 EN rapporteer aan veldkornet. Aan einde van spanvergadering sien toe dat: (a) Spankamervenster toe is (b) Spankamer netjies is (c) Spankamer lig afgeskakel is (d) Spankamer deur gesluit is word. (e) Sleutel op sy hakkie in Veldkornetkamer geplaas word. (f) Dra boodskappe vanaf spanvoog oor aan span en vanaf span na spanvoog. Eers op ys. DIENSSPAN 13. DIE WAKIS "Die Wakis" is Stellenbosch Voortrekkers se jaarblad waarin daar artikels verskyn van kinders, sowel as van volwasse spanvoogde en staatmakers (studente en werkende jongmens-lede). Bydraes word kwartaalliks, (of meer), van elke span verwag. Sekere bydraes soos aangedui in die jaarprogram, moet op vasgestelde tye ingehandig word. Dit word van ELKE lid van 'n span verwag dat hy/sy 'n bydrae sal lewer. Op elke bydrae moet die naam, asook die spannaam, verskyn van die persoon wat dit geskryf het. Wakis-bydraes kan op die voorgeskrewe papier, beskikbaar in die veldkornetskapkamer, geskryf en geteken word. Teken slegs met swart ink. Kontrole van bydraes sal deur die Wakis-raad uitgeoefen word. Verskeie wisseltrofeë en kontantpryse word jaarliks toegeken vir die beste spanbydraes en individuele geskrewe of getekende bydraes wat in "Die Wakis" geplaas word. Pryse word aan jeuglede in al vier die veldkornetskappe toegeken. - Alle toekennings en trofeë wat deur die loop van die jaar deur jeuglede, spanne en volwasse spanleiers verwerf is, word jaarliks in "Die Wakis" erken. Een Wakis per gesin is in die jaargelde ingesluit. Ekstras word aan die einde van die jaar, op bestelling, verkoop aan jeuglede, staatmakers en volwasse spanleiers. 14. PUBLISITEIT LEÊR Enige nuusberigte, foto s, ens., waarin Voortrekkers in enige verband die nuus haal, word deur Dagbestuur in 'n lêer geplak. Almal word versoek om hiermee behulpsaam te wees.

11 15. VOLWASSE SPANVOOGDE (OFFISIERE) Daar word van volwasse spanvoogde verwag om voorbereid na spanbyeenkomste te kom. Die sukses wat 'n span behaal sowel as hulle meelewing, hang grootliks daarvan af. Afkondigings vir volwasse spanvoogde word in die kombuis gedoen om 18:45, na spanbyeenkomste u teenwoordigheid is dus 'n noodsaaklikheid. Daar word terselfdertyd koffie bedien elkeen was sy eie koppie! Volwasse spanvoogde moet elke Donderdagaand die teenwoordigheidsregister in die Naaf teken, asook vir ander byeenkomste.