Van scheppen en vannijs scheppen

Transcriptie

1 1 Draaiboek voor de dienst Scheppen en vannijs scheppen 14/10/ 18 Themadainst Van scheppen en vannijs scheppen een loopke deur de scheppen Gereformeerde Kèrk - Nij Pekel 14 oktober 2018 om 9.30 uur lezer: Martje Ritzema örgelspeuler: Adriaan Mollema m.m.v.: de cantorij o.l.v. Victor Verhoef Berichten en Inlaaiden - berichten ouderling van dienst, inleiding Martje In de joaren negenteg is waarkgroep Beeld en Geluud van de Liudgerstichten aan slag goan mit t onderwaarp Scheppen en doar is n spaigelploatje van moakt. n Loopke deur de Scheppen, uutwaarkt mit verzen uut t Laidbouk en aander bundels, moar ook aigen waark van o.a. Henk Baas, Henk Brink, Wilma Bulthuis, Frans Kruiger, Fré Schreiber, Kees Steketee en Engel Jan Struif. Wie, as cantorij, hebben Kees Steketee benoaderd mit de vroag of hij t bladmuziek van dat spaigelploatje nog veur handen haar en tot ons bliedschop stelde hij dat per omgoande beschikboar, doar wie hom slim dankboar veur binnen. Hier en doar hebben wie van dij CD wat nijs toupaast en aander laidjes binnen nait bruukt. Ons cantor Victor Verhoef het zoch mit haart en ziel op t hailed spul stört om ain en aander uut te waarken. Piano en t örgel worden bespeuld deur onze vaste begelaaider Adriaan Mollema. t Kin wezen dat de woorden joe nait aaltied bekend veurkommen, moar dat komt omdat dij schreven binnen in ploatsleke Grunneger dialecten. Wie zingen de verzen maist in wisselzang. C = cantorij, A = aalmoal, V = vraauwlu en M = manlu Goa mit ons mit, we moaken n loopke deur de Scheppen.

2 2 Wie goan stoan ( Adriaan speult Ienlaaiden ) Cantorij Here, Here Here, Here, groot is joen noam, kundeg joen foam, ien haile wereld. Wie goan weer zitten Zingen: God is van aiweghaid ( lb. 513 ) c: 1 God is van aiweghaid. Hai stelde hier de tieden, lait t licht deur t donker glieden, zien woord heur wie nog aaid. a: 2 God is van aiweghaid. Veurdat wie hier bestonden, het Hai ons noam al vonden, zien roup heur wie nog aaid. a: 3 God is van aiweghaid. Wat Hai van olds beloofd het, wordt nait deur tied aan zied zet, zien stem heur wie nog aaid. a: 4 God dij bie oorsprong staait, is bie ons tot ien t leste, zien woord is veur ons t beste, veur aiweg en veur aaid. Cantorij - Eerste daag God zegt : Licht en t is licht, licht noa twijlicht, helder oetzicht, t licht is kloar, kloar en boar. t Licht dat goud is, vaargt n schaaiden tussen baaiden, tussen licht en duusternis, t licht hait daag, t duuster naacht, oavend wordt t: eerste daag. Lezen: Genesis 1 : In t begun het God hemel en eerde schoapen. 2 Eerde was onlaand en t duustern lag over oervloud en gaist van God zweefde over t wotter. 3 God zee: "Loat ter licht kommen!" En der was licht. 4 God zag dat t licht goud was en God muik schaaiden tussen licht en duuster. 5 God nuimde t licht dag en t duustern nuimde hai naacht. t Haar oavend west en t haar mörgen west, eerste dag. Zingen: Haile wereld, pries de Heer ( lb. 154b ) a: 1 Haile wereld, pries de Heer, aal wat leeft, bewies Hom eer, engelnkoor ien heerlekhaid zing joen bliede glorielaid.

3 3 v: 2 Zegen Hom, ie zun en moan, sterens ien joen vaste boan, zing veur Hom joen helder laid, aal wat hoog aan hemel staait. a: 3 Ale wiend en ale weer, dunderbui, dij gaait tekeer, wat deur wereld waait mit kracht, wees de weerklank van Gods macht. c: 4 Licht en duuster, dag en nacht, kolle winter, zummer zaacht, zing om beurt joen jubellaid, veur de Heer ien aiweghaid. a: 5 Alles wat ien wereld gruit, aal wat opkomt, aal wat bluit, wees het bliede lofgedicht, dat doar staait veur zien gezicht. m: 6 Stoa mit t loflaid veur Hom kloar, ale mensen ien ain koor, zing veur Hom joen hoogste laid, nou en tot ien aiweghaid. a: 7 Hai gaait as ons doodsuur slagt, mit ons mit deur duustre nacht, om mit ons weer op te stoan, oet de nacht van dood vandoan. Kwartet Twijde daag Dou God sprak: nog n dak bleef wat wonder t wotter onder, lucht omhoog as n boog. t Dak dat goud is, moakt n schaaiden tussen baaiden tussen dat wat wotter is, boven t dak, onder t nat, oavend wordt t: twijde daag. Lezen: Genesis 1 : God zee: "Der zel n gewulf wezen midden in t wotter, dat wotter van wotter schaaidt." 7 God muik dat gewulf en hai brochde schaaiden aan tussen wotter onder t gewulf en dat ter boven. En zo wer t. 8 En God nuimde t gewulf hemel. Dou haar t oavend west en t haar mörgen west, twijde dag. Zingen: Dag is begonnen ( lb. 216 ) A:1 Dag is begonnen as d eerste mörgen, liester hèt zongen het eerste laid. Dank veur het zingen, dank veur de mörgen, t Woord geft ze beide hiel tied vannijs.

4 4 C: 2 Zaacht vaalt het zunlicht op eerste regen as fiene drupkes op t nije gras. Dank veur de geuren uut grune tunen, oorsprong en volheid aal woar Hij lopt. A: 3 Mien nt is het zunlicht, Mien nt is de mörgen, beide geboren ien t parredies. Dank dus veur bliedschop, dank elke mörgen, dank God veur elke nij-schoapen dag. Cantorij Daarde daag Op t dreuge op eerde wordt alles van weerde, t zoad mout gruien, blom zel bluien, ale vruchten boven grond geven riekdom geef en zond. Eerde dragt blommenpracht, oavend wordt t: daarde daag. Lezen: Genesis 1 : God zee: "Loat t wotter onder hemel noar ain stee bie nkander stromen en t dreuge veur t zicht kommen." En zo wer t. 10 En God nuimde t dreuge laand en wotters dij zok verzoameld haren, nuimde hai zee. En God zag dat t goud was. 11 God zee: "t Laand zel vol worden mit gras, mit kruden dij zok zulm weer oetzaaien, vruchtbomen dij noar heur soort vruchten droagen, mit pitten dij op t laand valen." En zo wer t. 12 t Laand kwam vol mit gras, mit kruden dij zok zulm noar soort weer oetzaaien en vruchtbomen mit pitten, noar heur soort. 13 En God zag dat t goud was. Dou haar t oavend west en t haar mörgen west, daarde dag. Leven net as bomen ( deur cantorij ) 1 Leven net as bomen, traauw aan t oards bestoan, stoef bie t wotter wonen, mit de wind as oam. Hemelhoog belieden, leven oet ain stuk, liek in t èn deur tieden, ain en aal geluk. 2 Leven net as bomen, poot deur God in t laand, leven om te loven, leven oet Gods haand, ale joargetieden, veurjoar, zummer, haarfst, koll in winter lieden, leven dat nait staarft. 3 Bomen om te nuzzeln, schaar en onderdak, stee om oet te rusten, laifde wied vertakt. Net as bomen leven, steveg stoan op grond, levenslaank joe geven, lof veur God in mond. Kwartet Vaaierde daag Veur ales op eerde blift t licht van weerde, daag mout kwienen, t licht zel schienen, moan en zunschien hoog oet lucht, geven vaaileghaid en nucht. Zun bie daag, moan bie naacht,

5 5 oavend wordt t: vaaierde daag. Lezen: Genesis 1 : God zee: "Loaten der lichten kommen aan t hemelgewulf om dag en naacht te schaaiden en om taikens te wezen dij vaaste tieden en doagen en joaren aanduden. 15 Zai zellen lichten wezen aan t gewulf van hemel om licht te geven op eerde." En zo wer t. 16 God muik baaide grode lichten. t Grootste licht veur t bepoalen van dag, t klaainere licht veur naacht, en steerns ook. 17 God zette heur aan hemelboog om op eerde licht te geven. 18 Om dag en naacht te bepoalen en om onderschaaid te moaken tussen t licht en t duuster. En God zag dat t goud was. 19 Dou haar t oavend west en t haar mörgen west, vaaierde dag. Zingen: Zunne en moan ( lb. 303 : 1 en 3 ) c: 1 Zunne en moan, woater en wind, de bloum en het kind muik onze God. Hemel en eerd Hai het ze mokt. Schepper, wie willen Die danken. Schepper, wie danken Die. Schepper, wie priezen Die. Schepper, wie zingen dien hailege noam. a: 3 Geest dij ons troost, levend noabie, genezend in vuur, Oam van ons God, kracht onderweegs, dag in en dag uut. Trooster, wie willen Die danken. Trooster, wie danken Die. Trooster, wie priezen Die. Trooster, wie zingen dien hailege noam. Cantorij Viefde daag Zo laank der niks ein t wotter swemt, is t wotter dood en stil, as men der vizzen ien vernemt, wordt t wotter groot en spril. As der niks ien boeten vlugt, is t boeten dood en stil, as vogels vlaigen deur de lucht, wordt t boeten groot en spril. Meer vizzen ien moaren, meer vogels ien bomen, doarom joe mor nait bedoaren dat der nog meer daaiern komen. jongen ien t wotter, jongen ien lucht, zo mout t wezen, elk zien vrucht. Levent zat, zo heurt dat! Oavend wordt t: viefde daag. Lezen: Genesis 1 : God zee: "t Zel wemeln van leven in t wotter en vogels zellen vlaigen onder t hemelgewulf over t laand." 21 Dou muik God grode zeedaaiern en aal t vrummelnde leven doar t wotter van wemelt, aalmoal noar heur oard, en verschaaidenhaid van vogels, elk noar heur oard. En God zag dat t goud was.

6 6 22 God zegende heur en zee: "Wees vruchtboar en wor talriek en moak, dat t wotter van zee vol wordt. En loat vogels groot in tal worden op t laand." 23 Dou haar t oavend west en t haar mörgen west, viefde dag. Zingen: O God, as Schepper ( lb. 823 : 1, 4, 5) a: 1 O God, as Schepper van aal leven, heb Ie aan mensken wereld geven, mit laand en zee as heur kontraain. De macht van t woord is heur tot zegen, want tussen eerns en dreumen kregen zai groothaid van joen Gaist te zain. c: 4 t Mysterie wil hai openleggen, wat hai nait wait mit woorden zeggen, dat is t wat hom ien wereld drift. Joen woord allain kin hom bewoaren bie t toerloos zuiken en verdwoalen en wiezen op wat eerlieks blift. a : 5 As lu oet t parredies verdreven baauw wie aan wereld doar wie leven, mit hoger börgerrecht ien t zicht. Loat ons, o God, vannijs geboren, noar stad van Joe, t groot loug, vervoaren doar elk en ain zien woonstee krigt. De zunne rood gedicht van Janka Rubingh de zunne rood boven t laand verblaikt soms in sluier verswint soms achter n wolk beschrift n boan van oost noar west al doage n bron van licht achter d horizon in zee van oranje vangen in cirkel van de tied Zingen: Ales is bie God begonnen ( mel. Ale Menschen werden Brüder )

7 7 a: Ales is bie God begonnen, hemel, eerde, licht en tied. Wat wie kregen, wat wie wonnen, leg wie geern veur Hom op zied. Ien ons leven, ien ons waarken, ien ons bliedschop, zorg en pien, zel wie ieder dag bemaarken, Hai geft laifde, brood en wien. Kwartet Zesde daag Zo laank der niks op eerde oardt, is de eerde dood en stil, as wied en zied n daaier woart, wordt de eerde groot en spril. Zo laank gain mens op eerde voamt, is de eerde nog nait kloar, as mens maank ale daaiern oamt, is de eerde veur mekoar. Meer mensen op eerde, meer daaiern op dreven, t levent is van grode weerde, zorg dat nog meer daaiern leven. Krimmeln ien t wotter, wimmeln iern lucht, zo mout t wezen, wat n nucht. Vraauw en man, zeldzoam span! Oavend wordt t: zesde daag. Lezen: Genesis 1 : God zee: "Eerde mout leventege wezens oplevern, elk noar zien oard: vij, kroepende daaiern en wilde daaiern, aalmoal noar heur oard." En zo wer t. 25 God muik wilde daaiern, aalmoal noar heur oard en ales wat op grond kropt noar zien oard. En God zag dat t goud was. 26 God zee: "Loat wie mensken moaken noar ons beeld, dij op ons lieken. Dij zellen boas wezen over vizzen in zee, over vogels in lucht en over t vij en over haile eerde en over ales wat op eerde omkropt." 27 En God muik mensk noar zien beeld. Noar t beeld van God muik hai hom: man en vraauw muik hai heur. 28 God zegende heur en hai zee tegen heur: "Wees vruchtboar en wor talriek. Moak eerde vol, onderwaarp heur, wees boas over vizzen in zee, over vogels in lucht en over ale daaiern dij op eerde omkroepen." 29 God zee: "Ik geef joe aal t gewas dat zoad dragt op eerde, en ale bomen dij vrucht droagen; dij binnen veur joe om van te eten. 30 Mor aan ale daaiern op t veld en ale vogels in lucht en aal wat op eerde omkropt doar leven in is, geef ik aal t gruin as eten." En zo wer t. 31 God zag aal wat hai schoapen haar en t was haile goud. Dou haar t oavend west en t haar mörgen west, zèsde dag. Zingen: n Bliede dag ( mel. lied 753 ) c: 1 De zesde dag kwam blied veur n dag, God kwam van troon vandoan, zag overaal zien scheppenspracht in t wereldwied bestoan. a: 2 Zo blied was God dat Hai op slag

8 8 nog weer wat moaken wol. Allenneg God, op zesde dag, wis wat of t worden zol. m: 3 Vandoag gain baist dij kropt op t laand, gain vogel en gain vis, de mens wordt schoapen deur zien haand, noar zien geliekenis. v: 4 God blous in hom zien aigen oam en Adam, hai zag t licht as eerste mens in dit bestoan dij leven van Hom krigt. c: 5 Mor Adam in zien parredies, hai was haildaal allain, en daaier wazzen wel slim wies, mor proaten kon gainain. a: 6 Doarom het God dou Adam slaip nog weer nij leven brocht. Zai was t dij hom tot dreum oet raip en mit heur haand hom zocht. c: 7 Dou Adam ainmoal wakker was en slim verwonderd keek, lag noast hom ain in t gruine gras dij sprekend op hom leek. a: 8 Mit woordentoal kon hai nait tou, hai boog noar heur gezicht en nuimde heur: Mien aigen vraauw, op zesde dag in t licht. Lezen: Genesis 2 : Zo kwammen hemel en eerde kloar en aal wat ter bie heurt. 2 Op zeuvende dag haar God t waark doan doar hai mit dounde west haar, en op zeuvende dag rustte hai van ale waark dat hai volbrocht haar. 3 God zegende zeuvende dag en haailegde dij, omreden hai het dou oetrust van aal t waark dat hai scheppend tot stand brocht haar. Zingen: Van Joe is ( lb. 978 ) c: 1 Van Joe is, Heer van ale heren, joen wereld mit zien stried en vree, aal t laand, de baargen, daipe meren, de grode en onwizze zee. Van Joe getugen dag en nacht, t is alles schoapen deur joen macht. a: 2 Aal t jonge leven roup ie wakker, blom staait ien blui bie t open graf, wiend speult mit koren, riep op akker,

9 9 oet zoad dat zuk verloren gaf. Oet aal dij korrels mit mekoar moak Ie ons t levensbrood ja kloar. c: 3 De bliede blui van aal dij blommen is ja van keuninklieke pracht, en speulse vogels, woar z ook komen, getugen zingend van joen macht. t Is alles een geliekenis van wat bie Joe ien hemel is. a: 4 Loat mie toch haildaal bie Joe heuren en deur joen haile wereld goan, mit open ogen, open oren, om zo joen taikens te verstoan. Den is ien wereld t leven goud en geft zo hemel mie zien grout. Cantorij Zeuvende daag Op zeuvende daag is God ree mit zien waark, n meesterwaark! God zegent dij zeuvende daag. Hai moakt van dij daag n biezundere daag, n hillege daag, van dij daag is God ree mit zien scheppen en poes toet van t waark. Dit is t scheppensverhoal van hemel en eerde. Leste daag, schòftdaag. Oavend wordt t: zeuvende daag. Lezen: Handelingen 17 : 24 28a Dij God dij wereld moakt het en aal wat of ter op is, dij Heer van hemel en eerde, woont nait in tempels dij menskenhanden moakt hebben. 25 Hai is ook nait aanwezen op dainsten van mensken, as of e nog verlet om wat het. Hai geft ja zulm aan altmoal levent en oam, joa, ales. 26 Hai luit ale volken, t aine noa t aander, over haile wereldoppervlak wonen mit opdracht dat ze veur n bepoalde tied - dat is te zeggen: veur zo laank as ze doar van hom wonen moggen - 27 God zuiken zollen en perbaaiern mit hom kontakt te kriegen en hom te vinden. Zowied is e ja ook nait bie elk van ons vandoan. 28 Deur hom leef wie ja, beweeg wie ons en bestoan wie. Zingen: Dou t aal begunde ( lb. 162 ) c: 1 Dou t aal begunde lag wereld verloren, dou t aal begunde ien duusternis; God zee zien woord en t licht wer geboren t aigenste licht, dat vandoag nog is. a: 2 Dou t aal begunde binn wolken en luchten, dou t aal begunde is hemel spand. God zee zien woord en t wotter dat vluchtte, zo wees Hai stee aan veur zee en laand.

10 10 v: 3 Dou t aal begunde is wereld der komen. dou t aal begunde oet daipte vandoan, dou t aal begunde verschenen de bomen, gruide t gras, doar t vij kwam te stoan. a: 4 Dou t aal begunde gong t hemellicht schienen, dou t aal begunde kwam zun en moan. Om pad en weg ien de wereld te vienen blieven zai aaltied aan hemel stoan. m: 5 Dou t aal begunde, dou kwamen aan hemel vogels te vlaigen ien bliede vlucht. Vizzen ien t wotter, en aal wat ter wemelt, God raip de daaier ien ain grode tjucht. a: 6 Dou t aal begunde raip God zulf de mensen, dou t aal begunde was t woord ien heur mond. Alles was goud en nait beter te wensen, wat was God blied dat de wereld beston. Buul gait rond 1 ste rondgang: Werelddiaconaat 2 de rondgang: Kerk Veurbede - stil Gebed Voader van ons Voader van ons ien hemel, dat joen Noam haailegd worden zel, dat joen Keunenkriek kommen mag, dat joen wil doan wordt ien wereld net as ien hemel. t Brood doar wie verlet om hebben geef ons dat vandoag. En vergeef ons wat wie verkeerd doun, net zo as wie vergeven elk dij ons wat aandut. En breng ons nait ien verlaaiden, mor wil van verlaaider ons verlözzen. Joenent is ja t keunenkriek, en kracht, en heerlekhaid, ien aiweghaid. Amen Oetlaaiden Cantorij Here, Here, Here, Here, groot is joen noam, kundeg joen foam, ien haile wereld. Wie goan stoan

11 11 Zegen Loat ons goan op de weg noar God s toukomst Hij geft ons Zien kracht dat wie vastholden het waark van zien handen. Amen Zingen mit mekoar: Goa met God ( lb. 416 ) 1 Goa met God want Hij is dicht bij dij, dicht bij dij op al dien wegen met zien road en troost en zegen. Goa met God want Hij is dicht bij dij. 2 Goa met God want Hij is dicht bij dij, zel met vleugels dij beschaarmen, zel met zunlicht dij verwaarmen. Goa met God want Hij is dicht bij dij. 3 Goa met God want Hij is dicht bij dij, ien zien liefde dij bewoaren, ien de dood dien leven spoaren. Goa met God want Hij is dicht bij dij. 4 Goa met God want Hij is dicht bij dij, totdat wij weer soamen bennen, ien zien noam mekoar herkennen. Goa met God want Hij is dicht bij dij.