DENNEBOOM & DENNEBOOM

Transcriptie

1 DENNEBOOM & DENNEBOOM Bliedspul in drij bedrieven door JOH E.G. RUITER TONEELUITGEVERIJ VINK B.V. (Grimas Theatergrime verkoop) Tel: Website:

2 VOORWAARDEN Alle amateurverenigingen die het stuk: DENNEBOOM & DENNEBOOM gaan opvoeren, dienen in alle programmaboekjes, posters, advertenties en eventuele andere publicaties de volledige naam van de oorspronkelijke auteur: JOH. E.G. RUITER te vermelden. De naam van de auteur moet verschijnen op een aparte regel, waar geen andere naam wordt genoemd. Direct daarop volgend de titel van het stuk. De naam van de auteur mag niet minder groot zijn dan 50% van de lettergrootte van de titel. U dient tevens te vermelden dat u deze opvoering mag geven met speciale toestemming van het I.B.V.A. Holland bv te Alkmaar. Copyright: 2004 Anco Entertainment bv - Toneeluitgeverij Vink bv Internet: info@toneeluitgeverijvink.nl Niets uit deze uitgave mag verveelvoudigd en/of openbaar gemaakt worden door middel van druk, fotokopie, verfilming, video opname, internet vertoning (youtube e.d.) of op welke andere wijze dan ook, zonder voorafgaande schriftelijke toestemming van I.B.V.A. HOLLAND bv te Alkmaar, welk bureau in deze namens de Uitgever optreedt. Het is niet toegestaan de tekst te wijzigen en/of te bewerken zonder voorafgaande schriftelijke toestemming van I.B.V.A. HOLLAND bv te Alkmaar, welk bureau in deze namens de Uitgever optreedt. Vergunning tot opvoering van dit toneelwerk moet worden aangevraagd bij het Auteursrechtenbureau I.B.V.A. HOLLAND bv Postbus AJ Alkmaar Telefoon Website: info@ibva.nl ING bank: IBAN: NL08INGB BIC: INGBNL2A

3 Geen enkele andere instantie dan het IBVA heeft de bevoegdheid genoemde rechten van u te claimen, of te innen. Auteursrechten betekenen het honorarium (loon!) voor de auteur van wiens werk door u gebruik wordt gemaakt! Auteursrechten moeten betaald worden voor elke voorstelling, dus ook voor try-outs, voorstellingen in/voor zorginstellingen, scholen e.d. Vergunning tot opvoering: 1. Aankoop van minimaal 7 tekstboekjes bij de uitgever. 2. U vult het aanvraagformulier in op of u zendt de aanvraagkaart (tevens bewijs van aankoop), met uw gegevens, naar I.B.V.A. Holland. Uw aanvraag dient tenminste drie weken voor de eerste opvoering in bezit te zijn van I.B.V.A. Holland. 3. U krijgt daarop de nota toegestuurd. Na betaling wordt u de vereiste vergunning toegestuurd. Vergunning tot HER-opvoering(en): 1. U vult het aanvraagformulier in op of u zendt de aanvraagkaart met uw gegevens naar I.B.V.A. Holland. Uw aanvraag dient tenminste drie weken voor de eerste opvoering in bezit te zijn van I.B.V.A. Holland. 2. U krijgt daarop de nota toegestuurd. Na betaling wordt u de vereiste vergunning toegestuurd. Opvoeringen zonder vergunning zijn niet toegestaan en strafbaar op grond van de Auteurswet Zij worden gerechtelijk vervolgd, terwijl de geldende rechten met 100% worden verhoogd. Het tarief wordt met 20% verhoogd voor opvoeringen waarvoor geen toestemming werd aangevraagd binnen drie weken voorafgaand aan de voorstelling. Het is verboden gebruik te maken van gekregen, geleende, gehuurde of van anderen dan de uitgever gekochte tekstboekjes. Rechten BELGIË: Toneelfonds JANSSENS, afd. Auteursrechten, Te Boelaerlei Bght ANTWERPEN Telefoon (03) Geen enkele andere instantie heeft de bevoegdheid genoemde rechten van u te claimen, of te innen.

4 ROLVERDAILEN: Juffer Annie - kantoorjuffer Mark Denneboom - directeur Kees Denneboom (bruir) - directeur Appie - magezienchef Betsy - schoonmoakhulp Mevr. v.d. Meer - belasteninspectrice Ma - moeder Denneboom 4

5 EERSTE BEDRIEF Teneel is een handelsketoor met n buro woar asdat je an twij kanten aan zitten kennen, doar tegenover ook n buro woar juffer Annie aaid zit, telefoons op baaide buro s, Annie het mor ain toustel en zai is an t typen op typemasjiene of op kompjoeter en nemt den de telefoon op. Annie: Met de firma Denneboom en Denneboom, woarmet ken ik joe van dainst wezen? Ook goidag Woltjer, zeg t mor Watblief??? Of wie wat??? Nee, nog nooit van heurd. Nee, ik ken dij noam nait en t zegt mie ook niks Haile bekend? (Mark Denneboom komt op) Wie hebben ze in elk geval nait. Joa, ik zel t vot deurgeven an ons direktie, zo gaauw as zai der bennen. Komt veur n kanner Ook goindag (hangt op) Mark: Goei mörgen juffer Annie. Ales goud wicht? Annie: Joa meneer Mark allent der belde net aine, dij haar zokswat roars, dij docht dunkt mie, dat wie n gruintegroothandel haren. Mark: Gelokkeg nait, wie verkopen veul, mor gruinte? Nee mor, veur mie nait. Mor wat veur roars wol hai hebben den? Annie: Nou zo roar was t nou ook weer nait. Dij man dij vruig mie of wie ook rabarberpoppen haren? Mark: Rabarberpoppen??? (denkt noa) Nee, ik zol nait waiten wat of dat bennen. Annie: Nou, hai wol der vot wel honderd van hebben. Mark: Hest noam toch wel noteerd? Annie: Joa zekers. t Was Woltjer van de Korreweg. (Kees Denneboom komt binnen) Oh, meneer Kees, messchain waiten ie wel wat of rabarberpoppen bennen. Kees: Ook goiedag. Rabarberpoppen?? Oh, dat bennen verpopte rupsen van de rabarbervlinder ducht mie. Wat wolst door den met? Mark: Annie haar net telefoon van aine dij wol doar honderd van hebben. Kees: Nou den bestelst doe ze toch. Mark: Joa doaoaoag, waist nog meer? Kees: Ikke nait. Mark: En woar wolst doe ze den bestellen? Waist doe dat? Kees: Ikke nait. Mark: Doe waist ook nait veul. Kees: Joa, mor dat wait ik nou net wel. Mark: juffer Annie, zuik dat mor ais even oet, want as doar handel in zit, 5

6 den mouten wie dat in hoes hebben. Kees: Ik heb t der niks met op. Annie: Bie wel mout ik dij bestellen meneer? Mark: Nou snuffel mor ais deur de golden gids, den komst vast wel wat tegen. Annie: Goud meneer (zai dut dat) denken ie der wel om dat ie met n ketaier in de Golden Lindeboom mouten wezen veur dij ofsproak met de wetholder? Mark: Wie wazzen nait veur niks zo vroug, doar haar ik wel om docht heur. Kees: Toch bedankt wicht, veur t woarschaauwen. Zellen wie den vot mor hen goan? (zai goan of en Annie kikt nog even in de gids en den komt Appie in gele stofjaze binnen) Appie: Moin mien laiverdje, bist alweer an t kruuswoordpuzzeltjes oplözzen? Annie: Ach Appie dou toch nait zo maal. Ik ben hier om te waarken, waaist wel? Appie: Wilst mie toch nait vertellen, dat dat waarken is? n Beetje op zo n rappelkaaste zitten te timmeren, dat doun mien klaine kindertjes ook met hoamertje tik. Annie: Wilst die nou even n ogenblikkie stil hollen, want ik ben op zuik noar n poppenleverancier. Appie: Dij kriegen wie toch aaltied van de Wit, van dij poppenfabriek? Annie: Het mouten vlinderpoppen wezen. Appie: Vlinderpoppen??? Annie: Joa, vlinderpoppen, dat bennen verpopte rupsen en den specioal van de rabarbervlinders. Snapst wel? Appie: Hest ook n grootmoeke? Annie: Joa, dij heb ik. Appie: Den kenst dij beter veur de gek hollen. Hier trap ik nait in. Annie: Nee, t is echt woar. Ik ben doar vanmörgen over beld deur Woltjer en Appie: Mainst t echt? Ik docht aigenlieks dast doe gewone poppen most hebben. Ik denk ook dast doe mor beter ais een gewone poppenfebriek kenst bellen. Ken ik wel even veur die doun. Annie: Zolst mainen? Appie: Joa, netuurlieks, geef mie dat bouk mor ais. (nemt t bouk van Annie an en bloadert der in) Kiek hier heb ik hom al. Zel ik even bellen? Annie: Joa, t is mie best, as zai ze hebben den kenst der vot wel honderd van bestellen. Appie: ( draait t nummer) Ja, hier met t ketoor van Denneboom en 6

7 Denneboom Net zo Eh, even n vroage. Hebben jullie ook rabarberpoppen? Ja, rabarberpoppen Oh, die haiten barberpoppen??? Blond of zwaart? Even wachten (tegen Annie) Blond of zwaart? Zai wait t nait Nou, da s ook goud. Ken je ze ook loaten hangen? Nou, Barbertje mout toch aaltied hangen? Nee Mooi zo. nou den ken je vot wel honderd stuks hierhen sturen Ja Klopt Vandoage al? Mooi. (hangt op) Nou zai sturen ze met twij kleuren hoar. Annie: Gelokkeg, den hebben wie dat weer had. Appie: Zo is dat maaid, hebben dij baaide denneboompies ook niks meer te sjantern. Gaaist vanoavend met noar FC Grunnen? Annie: Ikke noar t voetballen?? Is t die in de kop sloagen? Appie: t Is n lichtwedstried en den ken wie noa tied nog mooi even deur t Oosterpaark kuiern of wie goan nog even noar t plantsoen. Annie: Ik met die noar t plantsoen?? Is t die in de kop sloagen? Ik met die noar t plantsoen haar ik docht. Appie: Nou, t staait ook in t Grunneger alfabet. P, das t plantsoen das jandorie zo n pracht, dat de poartjes der lopen te kuiern bie nacht. Annie: Doe vergetst nog wel even, dat wie gain poartje bennen. Appie: Konnen wie nou mooi worden ja. (Betsy komt binnen met emmer en vaail, Betsy zugt der as n slons oet,voel om kop, komt oet Rusland, dus slecht Grunnegers in oetsproak) Kiek nou toch ais aan, doar hebben wie ons Betsy. Och maaid, ieder bod ast doe binnenkomst is t ja net of de zun opkomt. Wat bist doe toch ook n schoonhaid, wat zeg ik? Doe bist ja net Miss Rusland. Betsy: Doe, is maal vent ja? Doe most dien schoonmoekemoetje veur gek hol. Appie: Mor maaidje toch, den mouten wie toch eerst traauwen, aans ken dat ja nait. Zolst dat wel willen met mie?? Betsy: Ikke hebben misschien wel vent ja? Jij malle ibbel ja? Appie: Dat zegst doe. Betsy: Wat ikke zeg? Appie: Dast doe n vent hest, mor ik heb hom nog nooit zain, zulfs nait op t leste feest hier. Betsy: Nou isse wel woar heur Appie: Wicht, zeg toch nait zokse male dingen. Doe brekst mien haart in wel honderddoezend stukkies. Betsy: Jij kunne beter goan mette die juf Annie, isse ook allent ja? Appie: En doe denkst dat zai dat wel wol en dat ik dat ook wel wol? Betsy: Jij wel, mor zai denke ikke nait. Appie: Ken t ook aansom wezen? Annie: Was t messchain ook n idee, as ie weer ais wat gingen doun? 7

8 Appie: De katten of beter zegd de koaters bennen van hoes wicht, dus wie hebben t even an tied. (bel gaait) Annie: Magazienbel gaait, der is ain bie magaziendeur. Appie: Joa, dat heur ik ook wel. Annie: Nah, goa hen den. (Appie of) Betsy: Zal ikke den mor de gang van noar veurdeur,offe eerst de achtereindekant doun? Annie: Doe bist nou hier dus kenst beter eerst de gang hier mor even doun. Betsy: Isse wel goud juffer Annie (gaait of en telefoon gaait) Annie: Met de fa. Denneboom en Denneboom Denneboom zeden ie? Nee, dij is der nait nee, dij aander Denneboom is der ook nait wat zeden ie? Joa inderdoad meer bomen bennen der nait hi,hi,hi Net wat ie zeggen t is mor n klaain bossie Om mirreg bennen zai der wel weer. Da s goud. (hangt op en wil in heur agenda schrieven, schrikt den heveg, Och gomkesdoagen, hebben ze vergeten. vlugt noar de deur en ropt Appie)Appie, Appie, kom ais gaauw. (Appie komt binnenstoeven) Appie: Wat is t maaid, randen ze die aan? Annie: Nee, veul slimmer. Appie: Wat is der den, wat nog slimmer is? Annie: Nee dij ofsproak met dij olle arabier. Appie: Doe mainst dij ol sjeikert eh sjeik main ik? Annie: Doar mos meneer Mark vanmörgens hen. Haile vergeten, wat mouten wie nou doun? Appie: Hou mout ik dat waiten. Annie: Kenst doe nait hen goan? Appie: Ikke??? Annie: Ja, doe. Ik zel nait waiten hou of dat t aans mout. Appie: Mor wat wil dij kerel den en wat wil hai den van ons kopen? Ik bedoul, ik ken dij vent ja haile nait. Woarom gaaist doe nait hen? Annie: Dat ken toch nait. dij kerels willen gain zoaken met vraauwlu doun.nee doar most doe mor efkes op of. Trek dien stofjaze mor gaauw oet en den mor gaauw op fiets der hen. Appie: Mor, mor, woar zit dij vent den? Annie: In dij nije Hilton hotel in stad. Hai hait eh (kikt in agenda) sheik Ibdn al Besy. Appie: Hou zegst doe? Ibbel maal baaissie? Annie: Joa, tou, goa nou mor gaauw. Appie: Den zel ik dat baaissie wel ais even veur die wassen wicht, moak die mor nait benaauwd. t Komt aal goud (Appie stofjaze oet en spurt veurdeur oet) 8

9 Annie: Hai, dat heb k ook weer red. As t mor wel goud oflopt. (magazienbel gaait en Annie ropt in de gang) Betsy, kom even. (Betsy komt) Betsy: Joa, wat isse der? Annie: Hol boudel even in de goaten wicht, ik mout even noar t magazien. Der staait n leverancier bie de deur. Roup mie mor as der aine inkomt. Betsy: Joa, dat isse goud. (Annie of noar t magazien Betsy gaait in stoul van Annie zitten struunt ais wat rond en den gaait telefoon, zai schrikt) Betsy: Ooh, ikke schrikken mie de dood. Watte mouten nou? Ik mossen roupen as aine kwam in, mor telefoon zai niks van zeggen. Nou, rötte ding hollen die stil ja.(telefoon gaait deur, zai nemt hom den mor op) Met Gyorgike,(spreek uit als Dzjordzjieke) oh eh nee, isse naam van die Roeskia nou mette die Denneboom van eh oh Denneboom Joa, die isse. Watte, hollozies van de wel? Van Atjee??? even wacht ja? Den, schrief ikke evenpies op die parrepiertje Hou zeggen??? Cee, aaaa, rrrrr, teeeee, iiiiii, eeeee en de rrrrr. Isse van die karrteee. Oh, willen vot sturen? Joa, isse goud, kennen mie nikse scheel. Ikke vinne goud, doun mor. Watte zeggen? Ikke mooie stem?? Watte mainen? (gooit telefoon op hoak) Viezeling!! (Annie komt weer op) Annie: Zo, dij stoan der ook al weer. Niks gebeurd zeker? Betsy: Allennig wasse kerel van Hatsjee, hai zeggen ik n voele stem. Isse gek nait? Annie: Wat wol hai den? Betsy: Doe kieken op papier. Hai ze wel sturen ja? Annie: Hest doe den wat kocht? Betsy: Ikke nait. Annie: Mor hai stuurt ze wel? Harregat, hou mout ik doar nou weer met aan? Nou den mout ik ze mor terugsturen.woarom hest doe den ook telefoon annomen? Betsy: Hai rinkel de rinkel dee. Annie: Konst den wel met hom proaten? Betsy: Joa, ikke in de Roeska goud proate leer van de Grunneger.Mor isse ales zo anders asse bie de ons. Annie: Joa wicht doe bist mor zo gain Grunneger. Messchain most doe ais noar de Broescursus Grunnegers goan. Dat kon veurvast gain kwoad. Betsy: Joa isse goud, mor nou ikke weer wieder ja? (gaait of) Annie: Joa, dou mor den goa ik dij barberpoppen mor ais even inbouken (zai begunt ze in te schrieven) Hé, zai hebben twaalf dezien stuurd, 9

10 dat bennen der dus vaier en vatteg meer. Nou den mag ik Woltjer wel even bellen, dat t der meer bennen. Eh, woar heb ik zien nummer(bloadert in de papieren en gaait bellen) Joa, meneer Woltjer, even over dij poppen. Ik heb hier twaalf dezien joa ze hebben te veul brocht, mor as ie ze nait hebben willen den goan wie oh, nou da s goud. Ze goan vandoag nog de deur oet, zo gaauw as Appie der weer is Dou ik Joa ook dag. (hangt op, mevr. v.d. Meer komt binnen met atachékoffer of aktetas) Van de Meer: Goedenmiddag, juffrouw Annie: Dag mevrouw, ken ik joe aargens met van dainst wezen? Van de Meer: Joa, ik kom veur de heren Denneboom. Annie: Hadden ie n afsproak met ze? Van de Meer: Nee, dij heb ik nait. Annie: Ie kommen wat kopen of verkopen? Van de Meer: Gain van baaide. Annie: Oh, den kommen ie wat ofleveren? Van de Meer: Eerder wat hoalen. Annie Wat is joen noam, den kiek ik even in het magazien, want den zel t wel kloarstoan. Van de Meer: Mien noam is van der Meer, en ik denk nait dat der wat veur mie kloarstoat. Annie: Veur wel kommen ie den? Van de Meer: Veur de heren Denneboom zee ik toch of hebben ie last van oorsoezens? Ik ben van t belastenketoor en ik kom veur een periodiek onderzuik in verband met de inkomstenbelasten. Annie: (paniek) Mor ik wait van niks, ze hebben ook nait tegen mie zegd, dat ie komen zellen en zai bennen baaide in bespreken in de Golden Lindeboom met de wetholder. Wollen ie zo laank op ze wachten. Van de Meer: Nee, loat mor. Zeg mor dat ik mörgenvroug om tien uur wel even weer langs kom. (gaait weer of) Annie: Poeh, de belasten, doar zellen ze wel blied met wezen. (Betsy komt der weer in) Betsy: Wel wasse dat? Annie: Dat mens haitte van der Meer. Betsy: Oh, juust. Zai willen waite van hoe ikke heet. Ikke zeggen Betsy, mor zai niet geloof. Ikke zeggen mij noam isse Gyorgike, mor zai kenne niet spreek oet en ikke van doarom mor Betsy hait. Zai nait begriep. Annie: Doe konst heur ook nait? Betsy: Ikke nait, mor zai wollen wel wait, wel ikke was en hou voak ikke was hier en zo. 10

11 Annie: Aal zoks soort dingen meer? Nou den dut zai heur noam wel eer aan. Betsy: Watte doe main? Annie: Nee, niks goa achter mor weer wieder. (Betsy of) As de heren doar mor gain last met kriegen. Zwaart betoalen doar hebben dij lu aaltied aal n hekel aan had. Nou ja, das heur probleem. (telefoon gaait) Met de firma Denneboom en Denneboom, woarmet ken ik joe van dainst wezen? (Ma Denneboom komt binnenzaailen, overdreven tude) Ma: Goeindag maaissie, Oh doe bist aan t bellen, goa rusteg deur. Annie: Joazeker de Vries, ik noteer, zeg t mor 12 van dij bloumpotten met rozen der op, 6 chinese gemberpotten, 24 bloknoten A4, 4 oploadboare zaklampen en 5 dezien potloden HB. Komt goud de Vries, moi. ( hangt op) Dag vrouw Denneboom. Ma: Ik heur dat zo ais eevm aan he. Mor doe most wel wat beleefder wezen tegen de klanten heur. Doe most aaltied meneer tegen ze zeggen. Doar most doe goud omdenken heur. Annie: Joa, t is goud. Ma: En wat bennen nou opbloasbare zaklampen? Annie: Dat wazzen gain opbloasboare mor oploadboare zaklampen. Ma: Oh en dij potloden den met n Be Ha. Is dat sums ook wat nijs? Annie Dat is niks nijs en dat bennen ook gain Behaa s, mor dat was HB wat ik zee en dat staait veur de haardhaid van de potlood, begriep ie wel? Ma: Nou, ja doar eh heb ik ook gain verstand van en huif ik gelokkig ook nait te hebben. Bennen mien boys der vandoag nait? Annie: Nee, dij bennen in vergoadern met de wetholder. Ma: Waarover dat den? Annie: Dat hangen zai mie nait an de neuze. Ma: Da s ook wel zo verstandeg. t Personeel huift ook nait ales te waiten. Annie: Kon aans best ais handeg wezen. Ma: Wat mainst? Annie: Nou niks biezunders. (telefoon gaait en Ma nemt gaauw op) Ma: U preekt met de zoak van de heren Mark en Kees Denneboom. Wat ken ik veur joe doen? Of Annie der ook is? Jawel, mor ik ken dat net zo goed doen hoor? Wablief???? toet toet toet? Hai zol toch nait ophongen hebben? Annie: Ik denk t aal. Ma: Mor woarom dat den, ik ston hom toch goud te woord? Annie: (overdreven) Joa keurig netjes, dat mout ik joe noageven, mor aander keer ken ik toch mor beter zulf de telefoon aannemen. 11

12 Ma: Wat bist doe ja n overdreven tude. Annie: Kiek dat haar ik nou ook in kop. Ma: Nou den zel t ook wel zo wezen, ducht mie. (Appie komt binnen oet magazien) Appie: Zo de poppies bennen dus ook al binnen. Dag vraauw Denneboom, ales goud? Ook met t heufd? Ma: Albert, luuster ais goud mien jong. Ik ben Mevrouw Denneboom en nait zo ordinair vraauw Denneboom!! Hest doe den gain fesoun in t lief? Appie: Ikke wel vraauw Denneboom. Mien voa het mie ales goud leerd. Ma: Ach, loat ook mor, doar is toch gain zaalf an te strieken. Mor wat zeest doe? Wel het der n poppie kregen? Appie: Ain poppie? Nee mens, honderd poppies bennen der hier geboren? Wie kriegen de man nou ook honderd beschuten met moeskes. Mooi he? Annie: Hou is dat oflopen bie dij sheik? Appie: Haile goud wicht, zel ik die dat ais even vertellen? Annie: Nee, loater. Eerst dij poppies mor.hest doe ze ook al kloar moakt om ze bie Woltjer of te leveren Appie? Appie: Nee, mor dat goa ik nou doun. Annie: Dou dat den mor gaauw. Ik wol ze eerst nog met de bode sturen, want hai zat der om te springen. Appie: Dou ik en den breng ik ze domt ook vot mor even hen.( gaait of) Ma: Sums, snap ik haildaal niks van dij handel. Dou mien man nog leefde, was t ook aaltied al zo n heksekedel. Annie: Doar hemmen ie geliek an, doar mout je gevuil veur hebben. (telefoon gaait) Met de firma Denneboom en Denneboom, wat ken ik veur joe doun? Oh bennen ie t Wat haren ie net???? Haren ie zeker n verkeerd nummer?? Wel t goie nummer???? Zeker n grappenmoaker Grappenmoakster ook goud (Ma gooit kop in nek en verdwient) ik noteer, twij dezien sukkeloaderepen joa dij goedkope en zwaarde tripklompen moat 43 houveul? 6 poar Dat is t? Ook nait veul (lacht haardop) Zai je nou wel ie kennen best tegen n grapke. Moi he? (hangt op en brengt braifke noar achtern, even stil, Mark en Kees komen weer op) Mark: Ik hoop, dat dat deur gaait Kees, want den sloan wie n goie slag. Kees: Ik wait t nait. volgens mie gaait hai ale adrezzen bie langs of e nog goedkoper ken. Mark: Lukt hom nooit. Nou ja wie zellen t vanzulf vernemen. Kees: En den nog wat, woar wolst doe den dij vatteg stoulen weghoalen en den ook nog verchroomd? 12

13 Mark: Ik heb n adresje in Fraisland, dij het der nog n partij van stoan, mouten allent nog even opnij bekled worden bie Boeremoa in Sebaldeburen en Appie mout t chroom evenpies oppoetsen en den bennen zai weer as nij. Kees: En doe denkst, dat hai dat nait zugt? Mark: Nee jong, dij stoffeerder, levert nij waark en Appie mout mor goan poetsen, dat de vonken der ofvlaigen. Kees: Zel mie nij doun.(appie komt binnen met Annie. Annie gaait achter heur buro) Appie: Dag heren Denneboom. Haren ie ook wat vergeten vanmörgen? Kees: Docht ik nait wel? Mark: Vergeten? Nait dat ik wait. Appie: Wat dunkt joe van Ali Baba?? Mark: Och jee, wie haren ook nog n ofsproak met dij sheik ja. Kees: Doar huifst nou ook nait meer achteran goan. Dij is allaank vot. Appie: Mor goud, dat der hier den ain Appie is. Mark: Bist doe der den hen west? Appie: Persies. En wat het Appie doar verkocht???? Nou??? Kees: Gain idee, mor hest den wat verkocht? Appie: Dat zol ik denken. Kees: Wat hest doe den verkocht? Appie: honderd viefteg poar Noren in alle moaten. Mark: Scheuvels???? Appie: Persies scheuvels. Mark: Wat mout zo n sheik nou met scheuvels? Appie: Hai haar de elfstedentocht zain op televisie en hai docht dat hai dat ook wel kon. Kees: Mor zai hebben doar in de woestijn toch gain ies? Appie: Dat heb ik ook tegen hom zegd, mor hai wol ze persee hebben. Het leek hom zo ieselk mooi tou. Ik kon hom der nait of proaten. Kees: Mor den kriegen wie ze domd apmoal weerom. Appie: Nee, want ik heb tegen hom zegd, dat hai ze nait kon bruken veur t scheuvelen, mor wel haile best doar in de woestijn de wereldkampioenschappen klunen kon hollen. Nou en dat leek hom ook wel wat. Mark: Wereldkampioenschappen klunen? Hou ken dat nou? Appie: (dut veur met vouten 10 veur 10) Nou gewoon zo. Kees: En hou ver mouten zai den klunen ducht die? Appie: Wat ken mie dat nou schelen. Veur mien part steken zai dij haile zandbak over. Kees: Welkse pries hest der veur rekend? Appie: De grode cataloguspriezen. 13

14 Mark: Mor dat bennen ja de consumentenpriezen, da s ja veuls te veul. Appie: Veur dij arabieren? Waist doe wel wat wie veur dij benzine van heur mouten betoalen, dij zai veur nop oet de grond hoalen? Nou? Kees: Joa, da s woar dat gaait n poar keer over de kop Appie: Nou den. Mark: Hai toch Appie, ik leuf dast doe zulfs an de eskimo s nog bikini s kenst verkopen. Appie: Mouten ie mie doar mor ais hensturen. Kees: (lachend) Zolst wel willen he? Appie: Ik heur t al wel weer. loat mie den eerst mor ais dij poppen votbrengen goan. (Appie goat of) Kees: Poppen? Bennen dij den al binnen? Mark: Hou ken dat zo gaauw en wel Annie: Joa, Appie het even beld en dou was t zo mor veur nkanner. Mark: Mooi, hebben wie doar ook gain zörg meer over. Kennen wie ons weer over gewone dingen zörgen moaken. Annie: Nou, ik heb nog wel n oarege zörge veur joe. Mark: Vertel mor op wicht, wie bennen naarmswoar bange veur of t mout al de belasten wezen. Annie: Kopspieker! Mark: Kopspieker?? Kees: Kopspieker? Dij van de televisie? Annie: Spieker op de kop, dus kopspieker, de Belasten!!! Kees: Hou zo belasten? Annie: Der was hier zo even ain belastentante en dij nuimde zok van der Meer. Kees: Dat is n haile minne, dat is ja n rötwief van t zuverste wotter. Joa, inderdoad, dij nuimen ze ook wel kopspieker, omdat elk der pien in de kop van krigt.wat wol dat mens? Annie: Inkomstenbelasten. Mark: Oh, den ken ons niks gebeuren, want dat is apmoal perfect in odder. Annie: Mor Mark: Mor wat?? Annie: Zai het ook nog even met Betsy proat en zai wol waiten woar of zai heer kwam en hou voak zai hier was en zo. Mark: Stik, den goan wie t schip in, doar most doe wat op bedenken Kees. Kees: Doe bist ook n lekkere, der gaait wat mis en den mag Kees der wat op bedenken. Annie: Zol Appie doar niks op waiten? Kees: Wat wait Appie nou van belasten? 14

15 Annie: Nou, dij is duvel sums van steert ofgleden, vergis joe doar nait in. (Appie komt binnen) Appie: Zeg Annie, waist doe wel dat der twaalf dezien van dij poppen bennen in ploats van honderd? Annie: Joa, dat is bekend, doar heb ik al over beld met Woltjer, mor hai wol ze apmoal wel hebben, want hai ken ze naargenswoar kriegen. Hai haar t haile land al ofbeld. Mark: En doe konst ze nog wel kriegen Appie? Appie: Zo veul as ik mor wol. Mark: Doar mouten wie t den nog wel even over hebben ast doe terug komst. Kees: Mor nog even wat aans Appie. Wie hebben nog n probleem. Appie: Oh, ie waiten zeker nait houveul loonsverhogen ie mie mouten geven? Nou, wees mor nait te zuneg heur. Kees; Even bie de les ja? Wie zitten met Betsy in de moag. Appie: Nou, das beter as dat ter wat bie Betsy in moag zit. (Betsy komt ook weer binnen, zai kieken heur apmoal an en Betsy kikt verwonderd om zok tou) Betsy: Ikke wat aan heb van de jullie? Mark: Goa ais even zitten wicht. Betsy: Ikke moeten de achterste achterend nog maak schoon. Mark: Dat blift nog wel even. Vertel ais even, wat het dij juffer die apmoal vroagt? Betsy: Zai wil wait van hou ikke hait. Ikke zeggen Gyorgike, mor zai kenne ook niet spreek oet. En zai wille wait wanneer ikke hier kom voor te werk en zo of zo. Appie: Da s de grode bloudzoeger van de Hofstede de Grijpkade oet stad. Ie hemmen dus n probleem. Kees: Precies Appie. Waist doe road? Appie: Moin dokter, doar vroag ie mie wat,tja (denkt noa) ie zollen eh mouten, tja, verrek wat is dat muilek. Dat wait ik zo ook nait. Kees: Joa, wie waiten t ook nait. Appie: Wacht ais, ik 15

16 Als u het hele stuk wilt lezen dan kunt u via de tekst bestellen en toevoegen aan uw zichtzending. Voor advies of vragen helpen wij u graag. info@toneeluitgeverijvink.nl Samenspelen is ons motto