NOTULE VAN DIE ALGEMENE JAARVERGADERING VAN AANDEELHOUERS WAT PLAASGEVIND HET OP DIE VOLGENDE PLEK, DATUM EN TYD:

Transcriptie

1 VKB LANDBOU (EDMS.) BPK./VKB AGRICULTURE (PTY) LTD Hoofkantoor/Head Office 31 President CR Swart Street, REITZ, 9810 Posbus/PO Box 100, REITZ, 9810 Tel: +27 (0) VKB LANDBOU (EDMS.) BPK. NOTULE VAN DIE ALGEMENE JAARVERGADERING VAN AANDEELHOUERS WAT PLAASGEVIND HET OP DIE VOLGENDE PLEK, DATUM EN TYD: Plek Vergaderlokaal Datum Tyd Reitz-distrik Mooigelegen-saal 11 September :00 TEENWOORDIG Die vergadering is bygewoon deur 68 aandeelhouers, insluitend lede van die Direksie, Hoofbestuurslede, ander personeel en verteenwoordigers van die eksterne ouditeure, Enslins Bethlehem Ingelyf. Volmagte is ontvang vir 136 aandeelhouers. Die vergadering is voorafgegaan deur ʼn reeks inligtingsvergaderings in die VKB- en NTK-bedieningsgebiede. 1. OPENING EN VERWELKOMING Die vergadering is geopen deur pastoor Kallie Kriel van die AGS Nuwe Lewe Gemeente, Reitz. Mnr PG Carshagen, Voorsitter van die Direksie, tree as Voorsitter van die vergadering op. ʼn Kworum van lede is teenwoordig. Die Voorsitter verklaar die vergadering behoorlik gekonstitueer en verwelkom die aanwesiges. ʼn Spesiale woord van verwelkoming word gerig aan oud-voorsitters en oud-direkteure wat teenwoordig is. Die Voorsitter verwelkom ook lede van die Direksie, Uitvoerende Bestuur en personeel van die VKB Groep, asook verteenwoordigers van VKB se eksterne ouditeure, Enslins Bethlehem Ingelyf. ʼn Besondere woord van verwelkoming word voorts gerig aan gaste by die geleentheid. Die Voorsitter verwelkom ook 281 nuwe aandeelhouers wat gedurende die afgelope jaar by VKB aangesluit het. Hy dra die maatskappy se gelukwensing oor aan mnre Seef Oosthuizen, Japie Mostert, Hennie Terblanche, Isak Steyn, Callie Luwes, Corrie Meiring, Basil Wolff, Montie Joubert en Gallie Fick wat gedurende hierdie jaar die 50ste herdenking van hulle lidmaatskap van die maatskappy vier, en bedank hulle, tesame met 119 ander aandeelhouers in hierdie kategorie, vir hulle lojale ondersteuning aan die maatskappy. Spesiale vermelding word gemaak van mnr (Fietsie) Machiel Fourie en Herman Vercueil wat onderskeidelik reeds 66 jaar en 63 jaar lid is van VKB. Die vergadering betoon ʼn mosie van rou teenoor 52 aandeelhouers asook agt personeellede wat gedurende die afgelope jaar oorlede is. Verskoning word gemaak vir mnre JH du Preez en PJ Jacobs. Die Besturende Direkteur stel mnre Isaac Motaung, Mochele Noge en Gert Nel, wat in die toekoms betrokke sal wees by die direksies en bedrywighede van die filiale, voor aan die vergadering. DIREKTEURE/DIRECTORS: PG Carshagen (Voorsitter/Chairman), CF Fick (Ondervoorsitter/Vice-chairman) JCP Bekker (Onafhanklik/Independent), PJF de Villiers, MC de Klerk, ID Dreyer, DJ Kriek, G Steyn, GF Bester LJ Eksteen, PJ Jacobs, JH du Preez, J van der Goot, PJ Cronjé JFJ van Rensburg (Uitvoerend/Executive), MJ Mittermaier (Uitvoerend/Executive) Dr ML Maine (Uitvoerend/Executive) Adv SC Erasmus (Groepsekretaris/Group Secretary) Gemagtigde Verskaffer van Finansiële Dienste GDV 4813 / An Authorised Financial Service Provider FSP 4813 Gemagtigde Kredietverskaffer NCRCP 7107 / An Authorised Credit Provider NCRCP 7107 Registrasienommer/Registration Number: 2011/007000/07 BTW/VAT:

2 2. VOORLEGGING VAN FINANSIËLE JAARSTATE EN GEPAARDGAANDE VERSLAE Gemelde verslae en state is vooraf beskikbaar gestel en word as gelese beskou. Die Voorsitter hou die Voorsittersverslag aan die vergadering voor. Die Uitvoerende Direkteur: Finansies doen ʼn voorlegging aan die vergadering oor die Groep se finansiële resultate. Die Besturende Direkteur: VKB Agri Processors (Pty) Ltd doen ʼn voorlegging aan die vergadering oor die bedrywighede en resultate van die nywerhede. Die Besturende Direkteur gee ʼn oorsig van die VKB Groep en die vooruitskouings vir die toekoms, insluitende die voorgestelde nuwe Groepstruktuur en Bemarkingstrategie. Nadat verskeie vrae beantwoord en aspekte bespreek is, word die volgende verslae eenparig aanvaar: Direkteursverslag Finansiële Jaarstate Ouditeursverslag Verslag van die Oudit- en Risikokomitee Verslag van die Sosiale- en Etiekkomitee Vergoedingsverslag. 3. BEVESTIGING VAN NIE-UITVOERENDE DIREKTEURE Weens die verstryking van termyne het vakatures op die Raad van Direkteure ontstaan. Nominasies is aangevra en mnre PG Carshagen, CF Fick, MC de Klerk, PJ Cronjé, JH du Preez en J van der Groot is onbestrede genomineer vir hulle onderskeie wyke en deur die Raad as verkose verklaar vir ʼn verdere ampstermyn van drie jaar. Die volgende direkteure se aanstellings word derhalwe bevestig: Wyk 1: Reitz Mnr PG Carshagen Wyk 1: Reitz Mnr CF Fick Wyk 7: Oranjeville/Jim Fouché/Windfield Mnr MC de Klerk Wyk 8: Cornelia/Villiers/Grootvlei/ Robertsdrift/Standerton Mnr PJ Cronjé Wyk 15: Limpopo Mnre JH du Preez en J van der Goot Mnr JCP Bekker is vir ʼn verdere termyn van een jaar gekoöpteer as nie-uitvoerende direkteur. Die vergadering neem kennis. 4. GEWONE BESLUITE 4.1 AANSTELLING VAN OUDITEURE Die Voorsitter hou die voorgestelde besluit aan die vergadering voor. Die vergadering besluit eenparig soos volg:

3 GEWONE BESLUIT NOMMER 1/2015 Dat Enslins Bethlehem Ingelyf aangestel word as ouditeure van VKB Landbou (Edms.) Bpk. vir die 2015/16 finansiële jaar. Die aangewese ouditeur voldoen aan die voorgeskrewe vereistes. 4.2 VERKIESING VAN DIE OUDIT- EN RISIKOKOMITEE Die Voorsitter hou die voorgestelde besluit aan die vergadering voor. Die vergadering besluit eenparig soos volg: GEWONE BESLUIT NOMMER 2/2015 Dat die volgende persone by wyse van afsonderlike resolusies aangestel word as lede van die Oudit- en Risikokomitee vir VKB Landbou (Edms.) Bpk., NTK Landbou (Edms.) Bpk., Grain Field Chickens (Pty) Ltd, Free State Oil (Pty) Ltd en verwante maatskappye Nu-Pro Voere (Edms.) Bpk. en Nu-Pro Commodities (Pty) Ltd vir die tydperk wat sal eindig met die Algemene Jaarvergadering van Aandeelhouers van 2016: Direkteure: Gekoöpteerde lid: Mnre CF Fick, LJ Eksteen, ID Dreyer, JCP Bekker Prof B Marx 5. SPESIALE BESLUITE 5.1 AANDELE ONDER BEHEER VAN DIE DIREKSIE Die Voorsitter hou die voorgestelde besluit aan die vergadering voor. Die vergadering besluit eenparig soos volg: SPESIALE BESLUIT NOMMER 1/2015 Dat die aandele van die maatskappy onder die beheer van die Direksie geplaas word tot en met die Algemene Jaarvergadering van Aandeelhouers van 2016, en die Direksie gemagtig word om aandele aan nuwe aandeelhouers uit te reik, aandele terug te koop en andersins met aandele te handel ooreenkomstig relevante wetgewing en VKB se Akte van Oprigting. 5.2 VERGOEDING VAN DIREKTEURE Die Voorsitter hou die voorgestelde besluit aan die vergadering voor. Hy bevestig dat die direkteursvergoeding elke jaar vergelyk word met dié van ander landboubesighede. Die Besturende Direkteur bevestig dat die voorgestelde vergoeding konserwatief is teenoor ander landboubesighede. Melding word ook gemaak van die omvattende verantwoordelikhede en potensiële aanspreeklikheid van direkteure. Die vergadering bespreek die Direksie se aanbeveling. Mnre AJWPS Terblanche, CJ Claassen en JJ Becker doen navraag oor die voorgestelde verhoging, begroting en ander uitgawes verbonde aan direkteursvergoeding. Hulle spreek voorts hulle ontevredenheid uit met die voorgestelde besluit en versoek dat in die toekoms oorweeg word om terug te keer na die betaling van dagtoelaes en vervoerkoste per vergadering. Die vergadering besluit eenparig soos volg: SPESIALE BESLUIT NOMMER 2/2015 BESLUIT DAT: 1) Gegewe die vooruitskattings en inligting soos vervat in die jaarverslag, word soos volg besluit:

4 1.1) Dat die vergoeding van nie-uitvoerende direkteure vanaf 1 Oktober 2015 soos volg goedgekeur word ingevolge Artikel 66(9) van die Maatskappywet, Wet No. 71 van 2008: Per jaar Per vergadering Voorsitter van Direksie R Ondervoorsitter R Direkteure R Voorsitter van Oudit- en Risikokomitee R Lede van Oudit- en Risikokomitee R Voorsitter van Komitee ander R Lede van Komitee ander R Lede van Limpopo Advieskomitee R (addisionele reistoelaag) 1.2) Dat alle dagtoelaes en reiskostes voortaan ingesluit is by bogenoemde vergoeding. 1.3) Uitvoerende direkteure volgens hulle dienskontrakte vergoed word. 5.3 FINANSIËLE HULPVERLENING Die Voorsitter hou die voorgestelde besluit aan die vergadering voor. Die vergadering neem kennis van die Direksie se aanbeveling en besluit eenparig soos volg: SPESIALE BESLUIT NOMMER 3/2015 BESLUIT DAT: 1) As ʼn algemene goedkeuring ingevolge Artikel 45 van die Maatskappywet, Wet No. 71 van 2008, die maatskappy gemagtig word om enige direkte of indirekte finansiële bystand te verleen soos gemagtig deur die Direksie ingevolge Artikel 45(2) van die Wet, welke goedkeuring spesifiek insluit dat die Direksie in sy diskresie enige reëlings namens die maatskappy mag tref vir finansiering, bystand of subsidiëring van enige van die maatskappy se filiale en/of entiteite waarin die maatskappy ʼn belang het, en vir die waarborg van sy kontrakte, verpligtinge of laste, op welke wyse ook al, tot ʼn maksimum bedrag van R (een miljard twee honderd miljoen Rand) en ooreenkomstig die voorgeskrewe voorwaardes, vir ʼn periode vanaf die datum van hierdie besluit tot en met die Algemene Jaarvergadering van Aandeelhouers van ) Dat produksiefinansiering aan VKB se direkteure toegestaan word volgens VKB se Kredietbeleid. 3) Dat motorfinansiering aan VKB se uitvoerende direkteure en voorgeskrewe beamptes toegestaan word volgens VKB se Personeelbeleid. 4) Ingeval sodanige finansiële bystand gelewer word, sal die Direksie, ooreenkomstig Artikel 45(3) van die Wet, oorweeg of, onmiddellik nadat die finansiële bystand verleen is, die maatskappy aan die solvensie-en-likiditeitstoets sal voldoen. 5) Die Direksie sal, ooreenkomstig Artikel 45(4) van die Wet, verseker dat die maatskappy voldoen aan enige voorwaardes of beperkings met betrekking tot die verlening van finansiële bystand wat in die maatskappy se Akte van Oprigting uiteengesit word. 5.4 WYSIGING VAN AKTE VAN OPRIGTING Groepstruktuur Die Direksie het tydens sy vergadering gehou op 24 Maart 2015 besluit dat VKB voortaan gegroepeer sal word in ʼn houermaatskappy, VKB Beleggings (Edms.) Bpk., en twee filiale, een vir landbou (VKB Landbou [Edms.] Bpk.) en die ander vir die nywerhede (VKB Agri

5 Processors [Pty] Ltd), wat beide filiale van VKB Beleggings (Edms.) Bpk. sal wees. Vir hierdie doel moet VKB Landbou (Edms.) Bpk. se naam verander word na VKB Beleggings (Edms.) Bpk. Die landboubesigheid moet vervolgens vanuit die houermaatskappy oorgeplaas word na ʼn nuwe operasionele entiteit, VKB Landbou (Edms.) Bpk., waarin die landboubesigheid voortaan bedryf sal word. Die huidige aandeelhouers van VKB sal dan voortaan aandeelhouers van die houermaatskappy, VKB Beleggings (Edms.) Bpk., wees en laasgenoemde sal die aandele van die twee filiale besit. Vir doeleindes van bemagtiging het die Direksie voorts besluit dat werknemerstrusts geskep moet word om aandele op direkte of indirekte wyse in die filiale te hou ten einde die bemagtiging op ʼn vlak te bring wat genoegsaam is om ekwiteitspunte te verdien en om penalisasie ingevolge die relevante wetgewing te vermy. Die Besturende Direkteur het ʼn volledige uiteensetting van die voorgestelde struktuur aan die vergadering voorgehou. Die vergadering bespreek die aangeleentheid. Verskeie aspekte word geopper en onduidelikhede opgeklaar. Die Besturende Direkteur bevestig dat die werknemerstrusts self die houers van die aandele sal wees en nie individuele werknemers nie. Die vergadering versoek dat die werknemerstrusts se aktes voorsiening maak daarvoor dat die trusts nie die aandele kan verhandel of daaroor beskik sonder VKB se toestemming nie. Die vergadering besluit eenparig soos volg: SPESIALE BESLUIT NOMMER 4/2015 BESLUIT DAT: 1) Die naam van VKB Landbou (Edms.) Bpk. verander word na VKB Beleggings (Edms.) Bpk. 2) ʼn Nuwe maatskappy opgerig word (VKB Landbou [Edms.] Bpk.) waaruit die landboubesigheid van die VKB Groep voortaan bedryf sal word, en die landboubesigheid en -bates (uitgesluit onroerende bates en beleggings) van VKB Landbou (Edms.) Bpk., soos in die finansiële rekords op 31 Maart 2015, as ʼn lopende saak verkoop word aan die nuwe VKB Landbou (Edms.) Bpk., wat insluit die roerende bates, debiteure en voorraad, verpligtinge teenoor krediteure en personeel, met alle gepaardgaande regte en verpligtinge. 3) ʼn Werknemerstrust geskep word binne VKB Landbou (Edms.) Bpk. om aandele op direkte of indirekte wyse in die maatskappy en sy filiale te hou en waarvan die effektiewe aandeelhouding nie 15% van VKB Landbou (Edms.) Bpk. oorskry nie, ten einde die bemagtiging op ʼn vlak te bring wat genoegsaam is om ekwiteitspunte te verdien en om penalisasie ingevolge die relevante wetgewing te vermy, met dien verstande dat die werknemerstrusts op geen wyse oor die aandele mag beskik sonder VKB Beleggings (Edms.) Bpk. se toestemming nie. 4) Werknemerstrusts geskep word in die filiale van VKB Agri Processors (Pty) Ltd waar nodig om aandele op direkte of indirekte wyse te hou ten einde die bemagtiging op ʼn vlak te bring wat genoegsaam is om ekwiteitspunte te verdien en om penalisasie ingevolge die relevante wetgewing te vermy, met dien verstande dat die werknemerstrusts op geen wyse oor die aandele mag beskik sonder VKB Beleggings (Edms.) Bpk. se toestemming nie. 5) Die Direksie gemagtig word om uitvoering te gee aan die gewysigde groepstruktuur. 6) Die maatskappy se Akte van Oprigting dienooreenkomstig gewysig word Skepping van Klas 4-voorkeuraandele Ten einde aan bestaande aandeelhouers van VKB die geleentheid te bied om, wanneer hulle Klas 2-voorkeuraandele afgelos word, dit na eie keuse nie te laat aflos nie maar binne die maatskappy te hou, het die Direksie tydens sy vergadering gehou op 24 Maart 2015

6 aanbeveel dat, vir hierdie doel, ʼn aparte klas deelnemende aflosbare voorkeuraandele geskep word waarop dividende verdien word. Die Direksie het die aangeleentheid oorweeg en ondersteun die voorstel. Die vergadering neem kennis van die Direksie se aanbeveling en besluit eenparig soos volg: SPESIALE BESLUIT NOMMER 5/2015 BESLUIT DAT: 1) ʼn Klas deelnemende, nie-stemdraende, aflosbare voorkeuraandele geskep word ( Klas 4-aandele ) om voorsiening te maak daarvoor dat aandeelhouers wie se Klas 2-voorkeuraandele afgelos word, die keuse kan uitoefen om sodanige aandele nie te laat aflos nie, maar te laat omskep in Klas 4-voorkeuraandele, met die veronderstelling dat hierdie klas voorkeuraandele pari passu sal rangeer met Klas 2-voorkeuraandele wat betref dividende. 2) Die voorwaardes verbonde aan die Klas 4 nie-stemdraende, aflosbare voorkeuraandele uitreikbaar deur die maatskappy ingevolge Artikel 7 van die Akte van Oprigting, sal die volgende insluit: 2.1) Die klas aandele sal bekend staan as Klas 4 deelnemende, nie-stemdraende, aflosbare voorkeuraandele ( Klas 4-aandele ) en is onderworpe aan die bepalings van die maatskappy se Akte van Oprigting, tensy spesifiek anders bepaal. 2.2) Die Klas 4-aandele is onverseker en nie-stemdraend (het geen stemreg in enige Algemene Vergadering) nie. 2.3) Klas 4-aandele rangeer pari passu met Klas 2-voorkeuraandele wat betref dividende, wat volgens die uitsluitlike diskresie van die Direksie verklaar en betaal word. 2.4) Klas 4-aandele het die reg tot deelname in ʼn verdeling by likwidasie van die maatskappy, onderworpe aan die bepalings van die relevante wetgewing en die maatskappy se Akte van Oprigting. 2.5) Die Klas 4-aandele is nie rentedraend nie, maar die Direksie is by magte om van tyd tot tyd in sy absolute diskresie rente op Klas 4-aandele aan die houers daarvan te betaal. 2.6) Slegs Klas 2-voorkeuraandele kan omskep word in Klas 4-aandele, en sodanige omskepping kan slegs plaasvind wanneer die maatskappy die betrokke Klas 2-voorkeuraandele aflos ooreenkomstig die voorwaardes van toepassing daarop, soos uiteengesit in die Akte van Oprigting. 2.7) Die maatskappy sal aan die aandeelhouers wie se Klas 2-voorkeuraandele afgelos moet word, skriftelik kennis gee van die hoeveelheid en datum van sodanige voorgenome aflossing, asook ʼn keerdatum waarbinne die houer van die betrokke Klas 2-voorkeuraandele moet aandui of hy/sy verlang dat die maatskappy die Klas 2-voorkeuraandele in geheel of gedeeltelik aflos of omskep in Klas 4-aandele. 2.8) Indien die aandeelhouer die keuse uitoefen dat die aandele in geheel of gedeeltelik omskep word in Klas 4-aandele, sal die maatskappy voortgaan om die Klas 2-voorkeuraandele terug te koop en Klas 4-aandele daarvoor uit te reik teen ʼn koers van 1 (een) Klas 4-aandeel vir elke 1 (een) Klas 2- voorkeuraandeel deur die maatskappy teruggekoop, volgens die voorwaardes van toepassing tydens toekenning van sodanige voorkeuraandele, maar altyd onderworpe aan die diskresie van die Direksie met inagneming van die maatskappy se vermoë en behoeftes. 2.9) Klas 4-aandele kan op enige stadium deur die maatskappy teruggekoop word. Die houer van sodanige aandele kan voorts op enige stadium, met 30 dae skriftelike kennisgewing, die maatskappy versoek om sodanige aandele terug te koop, in welke geval sodanige terugkoop sal geskied teen die uitreikingswaarde van die aandele sowel as enige verklaarde, maar onbetaalde dividende ten opsigte daarvan.

7 2.10) Klas 4-aandele word slegs gehou deur bestaande aandeelhouers van die maatskappy. Indien die houer van die Klas 4-aandele nie langer ʼn aandeelhouer is van die maatskappy nie, sal die aandele deur die maatskappy teruggekoop word. 2.11) By die afsterwe van ʼn houer van Klas 4-aandele word die oorlede aandeelhouer se Klas 4-aandele deur die maatskappy teruggekoop en die belang van die oorledene wat tot sy krediet ten opsigte van Klas 4-aandele staan, aan sy boedel uitbetaal. Wanneer ʼn regspersoon, wat ʼn aandeelhouer van die maatskappy is, se begunstigde of aandeelhouer te sterwe kom, word sodanige aandeelhouer of begunstigde van die regspersoon se proporsionele belang in die Klas 4-aandele deur die regspersoon in die maatskappy gehou, deur die maatskappy teruggekoop en op versoek aan sy eksekuteur uitbetaal. 2.12) ʼn Aandeelhouer of gewese aandeelhouer se Klas 4-aandele word aan iemand anders oorgedra slegs met goedkeuring van die Direksie, met dien verstande dat geen sodanige oordrag goedgekeur sal word tensy die oordragontvanger ʼn aandeelhouer van die maatskappy is nie. Sodanige oordrag is voorts onderworpe daaraan dat die oordraggewer verantwoordelik is vir die koste verbonde aan sodanige oordrag. 2.13) Die belange van aandeelhouers in Klas 4-aandele word geag gesedeer te wees aan die maatskappy solank as wat die houer daarvan enige bedrae aan die maatskappy verskuldig is. Wanneer Klas 4-aandele afgelos word en enige bedrag aan ʼn aandeelhouer betaalbaar word, sal sodanige bedrae eerstens aangewend word ter delging van enige verskuldigde bedrae aan die maatskappy. 2.14) Enige bedrag tot die krediet van ʼn aandeelhouer of gewese aandeelhouer wat vir ʼn tydperk van drie jaar vanaf die datum waarop dit aan hom betaalbaar word, onopgeëis bly, mag by besluit van die Direksie verbeur verklaar word en na die onaangewende inkomste van die maatskappy oorgedra word, met dien verstande dat so ʼn oordrag nie gemaak word nie tensy die betrokke aandeelhouer of gewese aandeelhouer eers in kennis gestel is van die voorgenome oordrag by wyse van ʼn geregistreerde kennisgewing, gestuur aan sy laaste adres wat in die Sekuriteite Register aangeteken is en hy ʼn tydperk van minstens ses maande gegee is om die bedrag op te eis. 2.15) By aflossing van Klas 4-aandele moet die Direksie by die datum van aflossing die solvensie-en-likiditeitstoets ingevolge die Maatskappywet, Wet No. 71 van 2008, toepas en die maatskappy se behoeftes en vermoëns in ag neem. 2.16) Enige aflossing van Klas 4-aandele geskied met inagneming van enige belasting wat deur die maatskappy, of namens ʼn aandeelhouer, afgetrek of oorbetaal moet word. 2.17) Die maatskappy is nie verplig om enige sertifikaat of bewys van Klas 4- aandele aan die houers daarvan uit te reik nie. 3) Die maatskappy se Akte van Oprigting dienooreenkomstig gewysig word. 6. BESPREKING VAN ALGEMENE SAKE Verskeie aspekte word geopper en bespreek, waaronder die Aansporingskortingsbeleid, premies op koring, kredietlewensversekering en die borgskap van die Vrystaatse Krieketspan. 7. AFSLUITING Die Voorsitter bedank die aandeelhouers vir hulle teenwoordigheid, gesindheid teenoor die Direksie en lojaliteit teenoor VKB. Hy beklemtoon die Direksie se bereidwilligheid om die aandeelhouers tot diens te wees, en nooi hulle uit om enige tyd met die Direksie in gesprek te tree indien die behoefte bestaan. Hy bedank ook die Uitvoerende Bestuur vir die uitstekende voorleggings, mnr en mev Meintjies vir die lokaal en mev MJ Swemmer vir die reëlings met die vergadering.

8 Mnr CF Fick wens die Voorsitter namens VKB en die Direksie geluk met sy verslag en bedank hom vir sy inspirasie en leiding. Hy bedank hom voorts vir sy ongelooflike bydrae tot die VKB Groep, wat hy met groot bekwaamheid en wysheid uitvoer. Hy meld dat die Voorsitter die Direksie saambind en ʼn uitstekende verhouding tussen die Direksie en Bestuur handhaaf. Hy deel die vergadering mee dat die Voorsitter onlangs eenparig herkies is vir ʼn verdere termyn, wat aanduidend is van die gesindheid en ondersteuning binne die Direksie. Hy wens die Voorsitter sterkte toe met sy taak. Die vergadering verdaag om 18:10. VOORSITTER 26 November 2016 DATUM