AKTE VAN OPRIGTING TUINROETE AGRI BEPERK REGISTRASIENOMMER : 1997/003183/ Die naam van die maatskappy is TUINROETE AGRI BEPERK.

Transcriptie

1 AKTE VAN OPRIGTING TUINROETE AGRI BEPERK REGISTRASIENOMMER : 1997/003183/06 1. NAAM VAN MAATSKAPPY 1.1 Die naam van die maatskappy is TUINROETE AGRI BEPERK. 1.2 Die naam van die maatskappy in Engels is GARDEN ROUTE AGRI LIMITED. 2. INKORPORASIE Die maatskappy is geïnkorporeer as n openbare maatskappy soos beskryf in die Wet. 3. WOORDOMSKRYWINGS EN INTERPRETASIE 3.1 Die opskrifte in hierdie akte vervat is slegs vir verwysingsdoeleindes en beïnvloed nie die uitleg of vertolking daarvan nie. By die uitleg van hierdie akte dra die woorde in die eerste kolom van die ondergaande tabel die betekenis teenoor elk in die tweede kolom uiteengesit, tensy dit uit die inhoud of samehang blyk dat die betrokke woord n ander betekenis moet dra. WOORD aandeelhouer akte BETEKENIS die geregistreerde houer van n aandeel in die maatskappy; die akte soos in hierdie dokument vervat, soos van tyd tot tyd ingevolge n spesiale besluit gewysig; [3 NOVEMBER 2012 WEERGAWE] 1

2 algemene vergadering die algemene jaarvergadering of aandeelhouersvergadering soos omskryf in die Wet; direksie die huidige direkteure en die alternatiewe direkteure van die maatskappy of, na gelang van die geval, die direkteure by n direksievergadering waarop n kworum aanwesig is; gewone besluit n besluit wat aangeneem is op n aandeelhouersvergadering met die steun van meer as 50% van die stemregte wat ten opsigte van die besluit uitgeoefen is en waarby n kworum van minstens 10% van die totale stemregte teenwoordig is of verteenwoordig is; kantoor die geregistreerde kantoor van die maatskappy; maand n kalendermaand, dit wil sê Januarie, Februarie, ens.; oordragkantoor n kantoor bestem vir die ontvangs en registrasie van oordragte van aandele en ander sekuriteite en waar die sekuriteiteregister gehou word; oordragsekretaris register regsonbevoegdheid sekretaris enige persoon gemagtig deur die direksie om toe te sien tot die oordrag van aandele en ander sekuriteite in die maatskappy; die aandeelhouers- en sekuriteiteregister van die maatskappy ingevolge die Wet deur die maatskappy gehou; die afsterwe, sekwestrasie of likwidasie of plasing onder ondernemingsredding, minderjarigheid of plasing onder kuratele van n aandeelhouer, of enige ander oorsaak wat na die direksie se mening n aandeelhouer sy handelingsbevoegdheid ontneem of beperk; die sekretaris van die maatskappy bedoel in Deel B van Hoofstuk 3 van die Wet of enige persoon behoorlik deur die direksie gemagtig om namens sodanige sekretaris waar te neem of enige persoon deur die direksie aangestel om enige van die pligte van die sekretaris te verrig; [3 NOVEMBER 2012 WEERGAWE] 2

3 skriftelik sluit in drukwerk, tikwerk, litografie of enige ander meganiese of elektroniese proses, en enige samestelling daarvan; spesiale besluit n besluit wat aangeneem is op n aandeelhouersvergadering met die steun van minstens 75% van die stemregte wat ten opsigte van die besluit uitgeoefen is en waarby n kworum van minstens 20% van die totale stemregte teenwoordig is of verteenwoordig is, onderhewig aan n kworum van 25% vir doeleindes van n spesiale besluit in verband met n aangeleentheid waarna verwys word in artikel 115(1) van die Wet; Suid-Afrika die Wet Die Republiek van Suid-Afrika volgens die gebied wat dit van tyd tot tyd behels; die Maatskappywet, 2008, met inbegrip van enige wysiging, konsolidasie of herverordening daarvan. 3.2 Tensy dit uit die samehang anders blyk, sluit woorde in die enkelvoud ook die meervoud in en omgekeerd; woorde wat die manlike geslag aandui ook die vroulike geslag in; woorde wat natuurlike persone aandui ook vennootskappe, trusts en regspersone in; die woord dividend, tensy anders besluit deur die maatskappy in algemene vergadering, nie enige bedrag ingevolge artikel 47 gekapitaliseer in nie; die woord vergadering n uitgestelde vergadering in; die woorde teken, onderteken, geteken, tekening of handtekening ook litografie, drukwerk en name met n rubber- of ander stempel of op enige meganiese of elektroniese wyse aangebring in; n verwysing na enige bepaling van die Wet ook daardie bepaling in soos dit van tyd tot tyd gewysig of herverorden mag word. 3.3 Enige woorde of uitdrukkings in die Wet omskryf, dra tensy dit uit die samehang anders blyk, in die akte dieselfde betekenis. [3 NOVEMBER 2012 WEERGAWE] 3

4 4. DOELSTELLINGS EN BEVOEGDHEDE VAN DIE MAATSKAPPY 4.1 Die magte en bevoegdhede van die maatskappy word beperk deur die maatskappy se hoofbesigheid en hoofdoelstelling, naamlik om handel te dryf in landbou- en verwante produkte en hulpmiddels, die lewer van landbou- en verwante dienste, die bedryf van landbougerigte handelsondernemings, en die bedryf van sodanige ander besigheid as wat die direksie mag bepaal, en die maak van beleggings daarin. 4.2 In die nastrewing en uitoefening van hierdie besigheid en doelstellings het die maatskappy al die magte en bevoegdhede van n individu wat deur n regspersoon uitgeoefen kan word. 4.3 Die maatskappy mag nie die geheel of die groter gedeelte van sy bates of onderneming vervreem nie tensy sodanige vervreemding goedgekeur is by wyse van n spesiale besluit in ooreenstemming met die bepalings van artikel 112 van die Wet en die bepalings van artikel 115 van die Wet andersins nagekom is nie. 4.4 Die maatskappy mag by wyse van n spesiale besluit die bepalings van sy akte van oprigting met betrekking tot sy doelstellings en magte wysig. 4.5 Die maatskappy is behoudens artikel 6.3 nie bevoeg om sonder die magtiging van die algemene vergadering op aanbeveling van die direksie die volgende handelinge te verrig nie : Die verlening van enige regte met betrekking tot onuitgereikte aandele van die maatskappy Die uitreiking en toekenning van kapitalisasie aandele ingevolge n spesiale besluit. 5. AKTE VAN OPRIGTING EN REëLS 5.1 Hierdie akte van oprigting mag slegs ingevolge n spesiale besluit of n hofbevel gewysig word. 5.2 Hierdie akte bevat nie enige bepalings waarvan die wysiging òf onderhewig is aan vereistes vir die wysiging daarvan bykomend tot dié uiteengesit in artikel 16 van die Wet òf wat verbied word om gewysig te word soos bedoel in artikel 15(2)(b) of (c) van die Wet nie. 5.3 Behoudens die bepalings van artikel 17 van die Wet kan wysigings van die akte van oprigting voorgestel word deur die direksie of aandeelhouers wat geregtig is om minstens 10% van die stemregte uit te oefen. 5.4 Die direksie is geregtig om ooreenkomstig die bepalings van artikel 15 van die Wet enige nodige of bykomende reëls met betrekking tot die bestuur [3 NOVEMBER 2012 WEERGAWE] 4

5 van die maatskappy wat verband hou met sake wat nie in die Wet of hierdie akte van oprigting hanteer word nie, te maak, te wysig of af te skaf. 6. AANDELE 6.1 As n voorafbestaande maatskappy (soos omskryf in die Wet) bestaan die maatskappy se aandelekapitaal uit uitgereikte gewone aandele met n pari-waarde van R0-01 (een sent) elk. 6.2 Die maatskappy is geregtig om aandele uit te reik wat in alle opsigte gelykregtig is aan alle bestaande uitgereikte aandele van die maatskappy (maar sonder pari waarde). 6.3 Behoudens enige bepalings van die Wet, mag die direkteure, tensy die aandeelhouers in algemene vergadering anders bepaal, wanneer hulle dit in die belang van die maatskappy ag, na goeddunke gedurende n finansiële jaar van die maatskappy 20% van die onuitgereikte aandele toeken, opsies daarop verleen of andersins daarmee handel of dit van die hand sit aan sodanige persone, op sodanige tyd, onderhewig aan sodanige bepalings en voorwaardes en teen sodanige prys (hetsy in kontant of andersins betaalbaar) as wat die direkteure mag goed ag, maar onderhewig aan die bepalings van artikel Behoudens die bepalings van artikel 36(1) en (2) van die Wet en sonder benadeling van enige spesiale regte reeds aan die houers van bestaande aandele toegeken, mag enige aandeel uitgereik word met die voorkeur-, uitgestelde of ander spesiale regte of onderworpe aan die beperkings (hetsy met betrekking tot dividende, die terugbetaling van aandelekapitaal of andersins); sodanige beperkte of opgeskorte stemreg, wat die maatskappy van tyd tot tyd mag bepaal. 6.5 Ondanks enige andersluidende bepalings van die akte, mag geen aandeelhouer, direk of indirek, meer as 10% (tien per centum) van die totale uitgereikte aandele van die maatskappy hou nie : Met dien verstande dat indien die maatskappy ingevolge artikel 48 van die Wet van sy eie aandele terugkoop, word die gemelde maksimum persentasie tot 12½% verhoog om die invloed van die vermindering in die getal uitgereikte aandele te akkommodeer. 6.6 Die maatskappy mag van tyd tot tyd voorkeuraandele uitreik wat afgelos moet word of na keuse van die maatskappy aflosbaar is, of by wyse van n besluit van die algemene vergadering op aanbeveling van die direksie enige van sy voorkeuraandele in sodanige aflosbare aandele omskep. 6.7 Die maatskappy se uitgereikte sekuriteite mag gehou word deur en geregistreer word in die naam van een persoon vir die voordeel van n ander persoon. [3 NOVEMBER 2012 WEERGAWE] 5

6 7. BETALING VAN KOMMISSIE 7.1 Die maatskappy mag n kommissie, teen n koers van nie meer nie as 10% (tien per centum) op die uitreikingsprys van n aandeel, aan enige persoon betaal as teenprestasie vir sy inskrywing of ooreenkoms om in te skryf (hetsy onvoorwaardelik of voorwaardelik) op enige aandele van die maatskappy of vir sy verkryging van inskrywings of ooreenkoms om skrywings te verkry (hetsy onvoorwaardelik of voorwaardelik) op enige aandele van die maatskappy. 7.2 So n kommissie mag in kontant of deur die toekenning van aandele van die maatskappy, of deels in kontant en deels deur die toekenning van aandele, betaal word, maar betaling deur die toekenning van aandele mag alleen met die goedkeuring of magtiging van die maatskappy in algemene vergadering geskied. 7.3 Die maatskappy mag by enige uitreiking van aandele die makelaarsloon betaal wat regtens geoorloof is. 8. AANDELESERTIFIKATE 8.1 Die titelsertifikate ten opsigte van aandele of ander sekuriteite van die maatskappy word uitgereik op gesag van die direksie (of n komitee deur die direksie daartoe gemagtig) op die wyse en in die vorm wat die direksie van tyd tot tyd mag voorskryf; dra die handtekening van 2 (twee) direkteure van die maatskappy, of van 1 (een) direkteur en 1 (een) beampte behoorlik deur die direksie daartoe gemagtig; en word sodanige titelsertifikate genommer soos die direksie van tyd tot tyd bepaal. 8.2 Elke persoon wie se naam as aandeelhouer in die register verskyn, is geregtig om sonder betaling een sertifikaat vir al sy aandele van n besondere klas te ontvang; of op afsondelike sertifikate (elk vir een of meer van sy aandele van sodanige klas) teen betaling vir elke sertifikaat na die eerste van n bedrag wat die direksie van tyd tot tyd mag bepaal. 8.3 n Aandeelhouer wat sommige van sy aandele oordra, is geregtig om n sertifikaat vir sy oorblywende aandele te ontvang. [3 NOVEMBER 2012 WEERGAWE] 6

7 8.4 Nieteenstaande enige andersluidende bepalings hiervan word, waar aandele in die name van 2 (twee) of meer persone geregistreer is, daardie persone vir doeleindes van hierdie artikel as 1 (een) persoon behandel. 8.5 Indien n aandeelsertifikaat geskend, verloor of vernietig word mag dit onderhewig aan artikel 8.8. vervang word teen betaling van enige statutêre of deur die direksie vasgestelde gelde (indien enige) ten opsigte van die nuwe aandeelsertifikaat; en in geval van skending, die lewering van die geskende sertifikaat, aan die maatskappy. 8.6 Die direksie mag na goeddunke sodanige voorwaardes (indien enige) oplê met betrekking tot bewys, skadeloosstelling en die betaling van die maatskappy se werklike uitgawes vir die ondersoek van voorgelegde getuienis en, in die geval van verlies of vernietiging, vir die adverteer daarvan. 8.7 Die aandeelsertifikaat ten opsigte van aandele in die name van twee of meer persone geregistreer, word gelewer aan die persoon eerste in die register ten opsigte van daardie aandele genoem of sy gemagtigde verteenwoordiger, en sodanige lewering is voldoende lewering aan al die gesamentlike houers van daardie aandele. 8.8 Ingeval van die regsonbevoegdheid van enige een of meer van die gesamentlike houers van enige aandele, is die oorblywende houer wat dan eerste in die register ten opsigte van daardie aandele genoem word, die enigste persoon wat die maatskappy erken synde geregtig op daardie sertifikaat of enige nuwe sertifikaat wat in die plek daarvan uitgereik mag word. 8.9 Die voorafgaande bepalings met betrekking tot sertifikate vir aandele is mutatis mutandis van toepassing op sertifikate vir ander sekuriteite. 9. AANDEELHOUERSREGISTER 9.1 Die maatskappy hou n aandeelhouersregister en naamlys van die aandeelhouers aan op die plek(ke) en op die wyse deur die Wet voorgeskryf. 9.2 Die direksie mag na goeddunke en bykomend tot die voorgeskrewe vorm en standaard, reëls met betrekking tot die aanhou van enige aandeelhouersregister maak en dit wysig. 10. UITGIFTE VAN AANDELE EN OPSIES 10.1 Behalwe in die geval van die uitgifte van aandele ten opsigte waarvan die Wet n spesiale besluit vereis, mag die direksie gemagtigde aandele vir [3 NOVEMBER 2012 WEERGAWE] 7

8 teenwaarde en opsies ten opsigte van aandele uitreik slegs tot die omvang deur die aandeelhouers in algemene vergadering gemagtig ten opsigte van die spesifieke transaksie of ingevolge n algemene magtiging verleen by n algemene jaarvergadering ten opsigte van n tydperk wat eindig by die volgende algemene jaarvergadering Die bevoegdheid van die direksie om die uitreik van gemagtigde aandele goed te keur as kapitalisasie-aandele, die uitreik van aandele van een klas as kapitalisasie-aandele ten opsigte van aandele van n ander klas, en om te besluit om aandeelhouers toe te laat om n kontantbetaling in plaas van kapitalisasie-aandele te ontvang is onderhewig aan die voorafgaande goedkeuring van die aandeelhouers deur n spesiale besluit. 11. SKULDINSTRUMENTE 11.1 Die direksie mag onderhewig aan artikels 11.2 en 11.3 gesekureerde of ongesekureerde skuldinstrumente uitreik n Skuldinstrument wat deur die maatskappy uitgereik word mag nie aan die houer daarvan spesiale regte ten opsigte van stemming by n algemene vergadering en die aanstel van direkteure verleen nie n Skuldinstrument wat spesiale bevoegdhede in verband met die toekenning van aandele of die reg om die skuldinstrument deur aandele te vervang verleen, mag slegs uitgereik word indien dit deur n gewone besluit van die aandeelhouers goedgekeur is tensy die Wet n spesiale besluit vereis. 12. TOEGANG TOT MAATSKAPPYREKORDS 12.1 Die maatskappy verleen ooreenkomstig die bepalings van artikel 26 van die Wet toegang tot die sekuriteiteregister en die register van aandeelhouers van die maatskappy Die direksie stel met inagneming van die bepalings van artikel 26 van die Wet, die bedrae vas wat betaalbaar is vir insae in en die maak van afskrifte uit die rekords van die maatskappy en bepaal die prosedures vir die verleen van sodanige toegang. 13. OORDRAGKANTORE 13.1 n Oordragkantoor of -kantore word in stand gehou op die plek(ke) wat die direksie van tyd tot tyd bepaal Die direksie mag n natuurlike persoon of persone of n regspersoon, aanstel aan wie sommige van sy magte, bevoegdhede en diskresie met betrekking tot [3 NOVEMBER 2012 WEERGAWE] 8

9 die registrasie van oordragte en die hou van registers en ander rekords wat ingevolge die Wet gehou moet word; en die uitreik van aandeelsertifikate of ander sekuriteite van die maatskappy, gedelegeer mag word. 14. OORDRAGVOORSKRIFTE 14.1 Behoudens enige statutêre bepaling met betrekking tot die oordrag van aandele en onderhewig aan die bepalings van die akte, mag enige aandeelhouer al of sommige van sy aandele oordra Elke oordrag moet skriftelik geskied in die gewone en gebruiklike vorm deur die direksie aanvaar of bepaal Die oordragakte moet gelaat word by die oordragkantoor of op sodanige ander plek wat die direksie mag voorskryf, en moet vergesel wees (tensy die direksie in die algemeen of in n besondere geval anders besluit) van die aandeelsertifikaat van die aandele wat oorgedra staan te word; sodanige ander bewys (indien enige) wat die direksie of n ander persoon in bevel van so n register mag vereis ter bevestiging van die voornemende oordraggewer en oordragnemer se reg of bevoegdheid. 15. OORDRAGAKTES 15.1 Die oordraggewer word geag die houer van die aandeel te bly totdat die oordragnemer se naam ten opsigte van daardie aandeel in die register ingeskryf is Alle oordragaktes word, sodra dit geregistreer is, óf deur die maatskappy gehou óf oor beskik op die wyse van tyd tot tyd deur die direksie bepaal Enige oordragakte wat die direksie mag weier om te registreer, word (tensy die direksie anders besluit) op aanvraag aan die persoon wie dit ingelewer het, teruggestuur. 16. WEIERING VAN AANDEELOORDRAGTE 16.1 Die direksie mag weier om enige oordrag van aandele te registreer indien enige regsbepaling met betrekking tot oordrag nie nagekom is nie; oordraggelde soos van tyd tot tyd deur die direksie vasgestel, aan die maatskappy betaal is nie; [3 NOVEMBER 2012 WEERGAWE] 9

10 die oordrag ingevolge artikel 6.5 onreëlmatig sal wees of indien die direksie andersins redelike gronde het om die oordrag te weier Indien die direksie weier om n oordrag te registreer, word n kennisgewing van die weiering binne 30 (dertig) dae na die datum van inlewering van die oordragakte aan die oordragnemer en oordraggewer gestuur. 17. VOLMAG VIR AANDEELOORDRAG 17.1 Die maatskappy is geregtig om n vergoeding te vorder vir die registrasie van elke eksekuteurs- of administrateursbrief, sterfte- of huweliksertifikaat, volmag, huweliksvoorwaardekontrak, hofbevel of enige ander stuk met betrekking tot of rakende die regstitel op enige aandeel Alle volmagte of ander magtigings deur aandeelhouers verleen ten einde aandele oor te dra of oordrag daarvan te ontvang wat aan die maatskappy gelewer of voorgelê word by die plek waar die oordragregister met betrekking tot sodanige aandele gehou word, word tussen die maatskappy en die verlener van so n volmag of magtiging, geag ten volle geldig te bly, en die maatskappy is geregtig om daarkragtens te handel, totdat uitdruklike skriftelike kennisgewing van die herroeping daarvan by die bogenoemde plek ingedien word Die maatskappy is nie verplig om enige verteenwoordiger toe te laat om namens n aandeelhouer of voornemende oordragnemer van aandele op te tree nie, tensy die oorspronklike of gesertifiseerde afskrif van so n verteenwoordiger se magtiging aan die maatskappy voorgelê en gelewer is Die voorafgaande bepalings met betrekking tot die oordrag van aandele is mutatis mutandis van toepassing op die oordrag van ander sekuriteite Aandele is behoudens artikel 16 vrylik verhandelbaar en oordraagbaar tussen bestaande aandeelhouers en aan persone wat deur die direksie goedgekeur word, mits die betrokke transaksiebesonderhede aan die aandeleverhandelingsmeganisme wat die direksie ingestel het, indien enige, voldoen Indien aandele aan enige persoon wat nie n bestaande aandeelhouer is nie verhandel en oorgedra word, moet die betrokke aandeelhouer die betrokke transaksieterme en die identiteit van die voornemende oordragnemer (en sy uiteindelike houerentiteit indien van toepassing) skriftelik aan die direksie openbaar, en is dit onderworpe aan die goedkeuring van die direksie. Geen aandele sal aan n persoon wat nie n bestaande aandeelhouer is verhandel of oorgedra word, indien die direksie nie aldus die transaksie goedgekeur het nie. [3 NOVEMBER 2012 WEERGAWE] 10

11 18. REGSONBEVOEGHEID VAN N AANDEELHOUER 18.1 n Persoon wat bewys lewer van sy aanstelling as die eksekuteur, administrateur, trustee, kurator of voog ten opsigte van n aandeelhouer of die boedel van n aandeelhouer van die maatskappy wat oorlede, gesekwestreer of andersins handelingsonbevoeg is, of van sy aanstelling as likwidateur van enige regspersoon wat n aandeelhouer van die maatskappy is, of n persoon wie enige ander dergelike aanstelling ten opsigte van n onbevoegde aandeelhouer hou, word nomine officii in die aandeelhouersregister van die maatskappy ingeskryf en daarna vir alle doeleindes as n aandeelhouer van die maatskappy geag Die bepalings met betrekking tot die oorgang van aandele is mutatis mutandis van toepassing op die oorgang van ander sekuriteite In die geval van die afsterwe van een of meer van die gesamentlike houers van n aandeel, is die langslewende houer(s), of die eksekuteur of administrateur van die boedel van die oorlede langslewende houer, die enigste persoon/persone wat deur die maatskappy erken word as synde reghebbende op of belanghebbende by so n aandeel Die bepalings van artikels 17.5 en 17.6 is mutatis mutandis van toepassing op aandele en persone bedoel in artikel AANDEELBEWYSE 19.1 Die maatskappy mag, behoudens die bepalings van die Wet en enige ander bepalings van hierdie akte, aandeelbewyse uitreik Vir die in artikel 19.1 genoemde doel mag die direksie enige gevolmagtigde aanstel om bewyse ten opsigte van volopbetaalde aandele uit te reik, wat verklaar dat die houer daarvan op die daarin gespesifiseerde aandele geregtig is; deur die uitreiking van koepons of andersins voorsiening maak vir die betaling van toekomstige dividende op die aandele waarop sodanige bewyse betrekking het Die direksie mag die vorm en taal waarin en voorwaardes waarop bewyse uitgereik word; die voorwaardes waarop die toonder van die bewys geregtig sal wees om algemene vergaderings by te woon en daarop te stem; [3 NOVEMBER 2012 WEERGAWE] 11

12 van n aandeelbewys afstand gedoen kan word; die naam van die houer ten opsigte van die aandele in die bewys gespesifiseer in die register ingeskryf kan word, van tyd tot tyd bepaal en wysig Die toonder van n bewys is behoudens die bepalings van die akte, n volle aandeelhouer van die maatskappy; is gebonde aan die bepalings van tyd tot tyd daarop van toepassing, hetsy sodanige bepalings voor of na die uitgifte van daardie bewys van krag geword het; onderhewig aan die voorwaardes en bepalings wat hulle goed ag, mag die direkteure magtiging verleen dat n nuwe bewys of koepon uitgereik word in die plek van een wat tot hul bevrediging as vernietig bewys is, maar nie andersins nie. 20. TERUGKOOP VAN AANDELE 20.1 Die direksie mag in sy diskresie bepaal dat die maatskappy n aantal van sy eie aandele verkry onderhewig daaraan dat indien die verkryging meer as 5% van enige klas aandele behels moet die verkryging behoudens enige ander bepalings van die Wet by spesiale besluit goedgekeur word; indien die aandele verkry word vanaf n direkteur of n voorgeskrewe beampte soos bedoel in die Wet of iemand wie aan n direkteur of voorgeskrewe beampte verwant is soos bedoel in die Wet, moet die verkryging by spesiale besluit goedgekeur word. 21. VERMEERDERING VAN KAPITAAL Die maatskappy mag van tyd tot tyd by spesiale besluit en voldoening aan die tersaaklike bepalings van die Wet, sy aandelekapitaal vermeerder met sodanige bedrag verdeel in aandele van sodanige waarde, of mag (waar van toepassing) die getal van sy aandele vermeerder tot sodanige getal as in die spesiale besluit bepaal word. 22. ALGEMENE VERGADERINGS 22.1 Die maatskappy hou van tyd tot tyd algemene jaarvergaderings soos deur die Wet bepaal. [3 NOVEMBER 2012 WEERGAWE] 12

13 22.2 Behoudens die bepalings van artikel 61(3) van die Wet, mag n aandeelhouer nie n algemene vergadering van die maatskappy belê nie, behalwe waar al die direkteure onbevoeg geraak het of opgehou het om direkteure te wees, in welke geval 2 (twee) of meer aandeelhouers n algemene vergadering mag belê (nadat behoorlik kennis gegee is aan al die aandeelhouers wat op sodanige kennisgewing geregtig is) en die koste daaraan verbonde van die maatskappy mag verhaal Die direksie mag n algemene vergadering van die maatskappy belê wanneer hy dit ook al gerade ag; moet n algemene vergadering belê indien dit ingevolge die Wet aangevra word Behoudens die bepalings van die Wet word alle algemene vergaderings, hetsy jaarvergaderings al dan nie; alle uitgestelde algemene vergaderings; alle afsonderlike vergaderings van die houers van enige aandeleklas, gehou op die tyd en plek deur die direksie bepaal. 23. KENNISGEWING VAN ALGEMENE VERGADERINGS 23.1 Vir die hou van enige algemene vergadering moet nie minder nie as 10 (tien) tussenliggende sakedae kennis gegee word op die wyse hierna bepaal; aan die persone wat ingevolge die akte geregtig is om kennisgewings van algemene vergaderings van die maatskappy te ontvang Die kennisgewingtydperk sluit nie die dag in nie waarop die kennisgewing beteken word of geag word beteken te gewees het; of die vergadering gehou moet word Die kennisgewing moet die plek, dag en tyd van die vergadering en, in die geval van spesiale sake, die aard van sodanige sake aandui n Afskrif van elke vergaderingskennisgewing ingevolge hierdie artikel gegee word deur die maatskappy gestuur aan sy ouditeure en aan enige persoon wie ingevolge enige Wet geregtig is om kennis gegee te word. [3 NOVEMBER 2012 WEERGAWE] 13

14 23.5 Indien per abuis nagelaat word om (waar van toepassing) n volmagvorm daarmee saam te stuur, of indien n persoon wat daarop geregtig is nie so n vergaderingskennisgewing of volmagvorm ontvang nie, of dit te laat ontvang, is die verrigtinge van die betrokke vergadering nie as gevolg daarvan ongeldig nie. 24. VERRIGTINGE OP ALGEMENE VERGADERINGS 24.1 Die algemene jaarvergadering moet alle sake deur die Wet voorgeskryf ingevolge artikel 61(8) behandel en afhandel, insluitende die goedkeuring of verklaring van n dividend (indien enige, met inagneming van die bepalings van artikel 39.1 van hierdie akte), die oorweging van die finansiële jaarstate, die verkiesing van direkteure, goedkeuring van die grondslag vir vergoeding van nie-uitvoerende direkteure soos meer volledig na verwys in artikel 28.3 van hierdie akte, die aanstelling van n ouditeur, die aanstelling van die ouditkomitee en kan met enige ander sake handel wat aan die vergadering voorgelê word Geen sake word op n algemene vergadering behandel of besluite geneem nie, tensy daar n kworum aanwesig is vir die neem van die betrokke besluite, na gelang daarvan of dit n gewone of spesiale besluit is : Met dien verstande dat daar altyd ten minste 3 (drie) aandeelhouers persoonlik aanwesig moet wees n Regspersoon wat n aandeelhouer van die maatskappy is en deur n behoorlik aangestelde verteenwoordiger verteenwoordig word, word vir doeleindes van hierdie artikel geag n aandeelhouer te wees wat persoonlik aanwesig is Indien daar binne 10 (tien) minute na die vasgestelde aanvangstyd van die vergadering; of te eniger tyd gedurende die verloop van die vergadering, nie n kworum aanwesig is nie, word die vergadering, indien dit op versoek van die aandeelhouers belê is, ontbind In alle ander gevalle word die vergadering na 10 minute of so n redelike langer tyd as wat die voorsitter van die vergadering onder die omstandighede bedoel in artikel 64(5) van die Wet bepaal, verdaag na n dag (nie vroeër nie as 7 (sewe) dae en nie later nie as 21 (een en twintig) dae na die datum van die vergadering) deur die voorsitter bepaal op dieselfde plek en teen dieselfde tyd (of, indien dit nie moontlik is nie, op sodanige ander plek en/of teen sodanige ander tyd wat die voorsitter van die vergadering mag bepaal) Indien daar by so n verdaagde vergadering nie binne 10 (tien) minute na die vasgestelde aanvangstyd daarvan n kworum aanwesig is nie, vorm 3 [3 NOVEMBER 2012 WEERGAWE] 14

15 (drie) aandeelhouers wat persoonlik of by volmag aanwesig is en geregtig is om te stem, n kworum en hulle mag dan die sake behandel waarvoor die vergadering belê is : Met dien verstande dat n spesiale besluit slegs geneem kan word indien voldoen word aan die kworumvereiste vir n spesiale besluit soos bepaal in artikel Die voorsitter (as daar een is) van die direksie of, in sy afwesigheid, die ondervoorsitter (as daar een is) tree by elke algemene vergadering van die maatskappy as voorsitter op Indien daar geen sodanige voorsitter of ondervoorsitter is nie; of sodanige voorsitter of ondervoorsitter binne 10 (tien) minute na die vasgestelde aanvangstyd van die vergadering nog nie aanwesig is nie; of sodanige voorsitter of ondervoorsitter onwillig is om as voorsitter op te tree, kies die aanwesige direkteure een uit hul geledere om as voorsitter op te tree, maar indien slegs een direkteur aanwesig is, tree sodanige direkteur, indien hy gewillig is, as voorsitter op By afwesigheid van n voorsitter ingevolge artikels 24.7 of 24.8 kies die aanwesige aandeelhouers een uit hul geledere as voorsitter Die voorsitter mag met die toestemming van n vergadering waarop n kworum aanwesig is (en moet indien die vergadering aldus besluit) die vergadering van tyd tot tyd en van plek tot plek verdaag, maar op n verdaagde vergadering mag slegs sake behandel word wat regtens behandel kon word op die vergadering waarop die verdaging plaasgevind het Wanneer n vergadering ingevolge artikel verdaag is, moet die maatskappy, op n datum nie later nie as 3 (drie) dae na die verdaging, op die wyse wat die direksie bepaal, wat kan insluit, maar nie beperk is nie tot elektroniese kennisgewing of kennisgewing in n koerant in omloop in die provinsie waarin die kantoor geleë is, n kennisgewing gee waarin vermeld word die datum, tyd en plek waarna die vergadering verdaag is; die aangeleentheid voor die vergadering toe dit verdaag is; en die rede vir die vergadering Op n algemene vergadering word n besluit wat tot stemming van die vergadering gebring word, geneem deur die opsteek van hande, tensy n [3 NOVEMBER 2012 WEERGAWE] 15

16 stemming met stembriefies voor of onmiddellik na die verklaring van die uitslag van die opsteek van hande geëis word deur die voorsitter van die vergadering; of deur ten minste 5 (vyf) aandeelhouers wat geregtig is om op die vergadering te stem; of deur n aandeelhouer of aandeelhouers wat ten minste een-tiende van die totale stemkrag van al die aandeelhouers wat die reg het om op die vergadering te stem, verteenwoordig; of deur n aandeelhouer of aandeelhouers wat geregtig is om op die vergadering te stem en in totaal ten minste een-tiende van die uitgereikte aandelekapitaal van die maatskappy hou Tensy n stemming met stembriefies geëis word en daardie eis nie teruggetrek word nie, is n verklaring deur die voorsitter van die vergadering dat n besluit eenparig of met n bepaalde meerderheid aangeneem is deur die opsteek van hande; of nie met n bepaalde meerderheid aangeneem is deur die opsteek van hande, en n inskrywing te dien effekte in die notuleboek, afdoende bewys van daardie feit Die uitslag van n stemming met stembriefies word geag die besluit te wees van die vergadering waarop die stemming met stembriefies gehou is In die geval van n staking van stemme, hetsy by die opsteek van hande of by n stemming met stembriefies, het die voorsitter van die vergadering n tweede of beslissende stem Tot tyd en wyl die stemming met stembriefies gehou word, mag die vergadering met enige sake (behalwe die sake ten opsigte waarvan n stemming met stembriefies geëis is) voortgaan Die voorsitter van n vergadering mag enige firma of persone as stemopnemers aanstel om die volmagdokumente wat ontvang is, na te gaan en om die stemme op die vergadering te tel; op grond van n sertifikaat wat deur enige sodanige stemopnemer gegee is, handel sonder om voorlegging van enige volmagdokument tydens die vergadering te eis en sonder om self die stemme te tel. [3 NOVEMBER 2012 WEERGAWE] 16

17 24.18 Indien enige stemme getel is wat nie getel moes gewees het nie, of indien enige stemme nie getel is nie wat wel getel moes gewees het, maak die fout die besluit nie ongeldig nie, tensy dit op die vergadering onder die voorsitter se aandag gebring word; en na die mening van die voorsitter van die vergadering wesenlik genoeg is om die besluit ongeldig te maak Enige beswaar ten opsigte van die toelaatbaarheid van enige stem (hetsy by n opsteek van hande of by n stemming met stembriefies) moet geopper word op die vergadering of verdaagde vergadering waarop die stem (waarteen beswaar gemaak word) uitgebring is; of die uitslag van die stemming met stembriefies aangekondig is, en elke stem wat nie dan gediskwalifiseer word nie, is vir alle doeleindes geldig. Enige beswaar wat betyds geopper word, word na die voorsitter van die vergadering verwys, wie se beslissing afdoende en finaal is Selfs indien hy nie n aandeelhouer is nie, mag enige direkteur; of die maatskappy se prokureur (of waar die maatskappy se prokureurs n firma is, enige vennoot of direkteur daarvan), enige algemene vergadering bywoon en daarop praat, maar hy mag nie daarop stem nie, tensy hy n aandeelhouer of die verteenwoordiger of gevolmagtigde van n aandeelhouer is. 25. STEMME VAN AANDEELHOUERS 25.1 Behoudens die bepalings van die akte en enige spesiale bepalings ten aansien van die stemreg, wat by uitreiking van enige aandeel neergelê mag word of wat van tyd tot tyd aan n aandeel mag kleef, het elke uitgereikte aandeel in die maatskappy een algemene stem Ondanks die bepalings van artikel 25.1 het n aandeelhouer wat persoonlik of deur n gevolmagtigde teenwoordig is of, indien die aandeelhouer n regspersoon is, verteenwoordig is op n vergadering van die maatskappy by die opsteek van hande slegs 1 (een) stem, ongeag die getal aandele wat hy hou of verteenwoordig Enige regspersoon (wat vir doeleindes hiervan n trust insluit), wat aandele hou wat stemreg verleen, mag (by wyse van n besluit van sy direksie of n ander beheerliggaam daarvan) n persoon aanstel om op enige algemene vergadering van die maatskappy of op enige vergadering van die houers [3 NOVEMBER 2012 WEERGAWE] 17

18 van enige klas aandele van die maatskappy as die regspersoon se verteenwoordiger op te tree So n verteenwoordiger is geregtig om dieselfde regte namens die regspersoon (wat hy verteenwoordig) uit te oefen as wat daardie regspersoon sou kon uitoefen indien hy n natuurlike persoon en aandeelhouer van die maatskappy was Ofskoon nie daartoe verplig nie, mag die direksie bewys tot sy bevrediging verg van die aanstelling en magtiging van sodanige verteenwoordiger n Persoon wat op meer as 1 (een) stem geregtig is, hoef nie al sy stemme uit te bring of hulle op dieselfde wyse uit te bring nie Waar 2 (twee) of meer persone gesamentlike houers van n aandeel geregistreer is, mag enigeen van hulle, hetsy persoonlik of by volmag, stem asof hy die alleenhouer van daardie aandeel is Indien meer as 1 (een) van sodanige gesamentlike houers persoonlik of by volmag op n algemene vergadering aanwesig is, mag slegs daardie aanwesige houer wie se naam eerste ten opsigte van daardie aandeel in die register verskyn, stem Waar meerdere persone by oorgang op n aandeel geregtig is, word hulle geag gesamentlike houers van daardie aandeel te wees Die ouer of voog van n minderjarige en die kurator bonis van n regsonbevoegde aandeelhouer asook elke persoon wat kragtens die oorgangsklousule geregtig is om aandele oor te dra, kan op n algemene vergadering ten opsigte daarvan op dieselfde wyse stem asof hy die geregistreerde houer van daardie aandele was, met dien verstande dat hy ten minste 48 (agt en veertig) uur voor die tyd waarop die vergadering waartydens hy sy stem wil uitbring, gehou word, aan die direkteure bevredigende bewys moet lewer dat hy sodanige ouer, voog of kurator is of dat hy kragtens die oorgangsklousule geregtig is om daardie aandele oor te dra, of dat die direkteure al vantevore sy reg om ten opsigte van daardie aandele te stem, erken het Mede-eksekuteurs van n oorlede aandeelhouer op wie se naam aandele in die register aangeteken is, word vir die doeleindes van hierdie artikel geag gesamentlike houers van daardie aandele te wees. 26. GEVOLMAGTIGDES 26.1 Die aanstelling van n gevolmagtigde moet skriftelik wees en onderteken word deur die aansteller of sy behoorlik skriftelik gemagtigde verteenwoordiger. [3 NOVEMBER 2012 WEERGAWE] 18

19 26.2 Indien die aansteller n regspersoon is (wat vir doeleindes hiervan n trust insluit), moet die volmag onderteken word op n wyse en deur n persoon wat daardie regspersoon bind Die gevolmagtigde van n aandeelhouer is geregtig, indien hy in die prokurasie daartoe gemagtig is, om sodanige aandeelhouer op enige vergadering van die maatskappy te verteenwoordig en daarop namens daardie aandeelhouer te stem n Gevolmagtigde hoef nie n aandeelhouer van die maatskappy te wees nie Die direksie mag na goeddunke saam met die kennisgewing van enige vergadering volmagvorms vir gebruik op die vergadering uitstuur Elke dokument waardeur n gevolmagtigde aangestel word, asook die volmag of ander magtiging (indien enige) waarkragtens dit onderteken is, moet by die kantoor, of by sodanige ander plek in Suid-Afrika wat vir daardie doel in die vergaderingskennisgewing aangedui word, ingedien word nie minder nie as 48 (agt en veertig) uur (Saterdae, Sondae en openbare vakansiedae uitgesluit) voor die vasgestelde aanvangstyd van die vergadering of verdaagde vergadering waarop die persoon wat in die volmagdokument benoem word, sy stem wil uitbring; of n stemming met stembriefies waar sodanige stembriefiestemming gehou sal word na die vergadering of verdaagde vergadering Indien die volmagdokument nie betyds ingedien is nie, word dit nie as geldig behandel nie Tensy uitdruklik anders in die volmag self verklaar, is geen dokument waardeur n gevolmagtigde aangestel word na die verstryking van 1 (een) jaar na die datum daarvan geldig nie. 27. GESKREWE BESLUITE n Besluit waaroor daar by n aandeelhouersvergadering gestem kan word, kan in plaas daarvan ingevolge die bepalings van artikel 60 van die Wet vir oorweging voorgelê word aan die aandeelhouers wat daarop geregtig is om stemregte met betrekking tot die besluit uit te oefen en indien dit aangeneem is, het dit dieselfde uitwerking asof dit deur stemming by n vergadering goedgekeur is. Sodanige besluite kan deur middel van elektroniese kommunikasie of op enige ander wyse plaasvind. 28. DIREKTEURE (NIE-UITVOEREND) 28.1 Totdat die maatskappy in algemene vergadering anders besluit, is die aantal nie-uitvoerende direkteure nie meer nie as 12 (twaalf) en nie minder [3 NOVEMBER 2012 WEERGAWE] 19

20 nie as 5 (vyf). Die direksie bepaal van tyd tot tyd binne hierdie minimum en maksimum getalle, die aantal direkteure n Direkteur word nie verplig om enige kwalifiserende aandele te hou ten einde as direkteur benoem en verkies te word nie Die direkteure is geregtig op sodanige vergoeding wat die maatskappy in algemene vergadering deur n spesiale besluit van tyd tot tyd mag bepaal, welke vergoeding onder die direkteure verdeel word in die verhouding waarop hulle ooreen mag kom, of, by afwesigheid van so n ooreenkoms, gelykop, behalwe dat in so n geval elke direkteur wat nog nie n volle ampsjaar uitgedien het nie by die verdeling slegs na verhouding tot die tydperk wat hy wel as direkteur gedien het, in ag geneem word. Sodanige vergoeding val die direkteure van dag tot dag toe n Direkteur wat op enige uitvoerende of ander komitee dien; of spesiale aandag aan die sake van die maatskappy bestee; of vir maatskappydoeleindes n besoek aan die buiteland bring of buite Suid-Afrika woon; of andersins take verrig, of hom bind om dit te verrig, wat na die mening van die direksie buite die bestek van sy gewone pligte as direkteur val, mag bykomend tot of in plaas van die vergoeding waarop hy as direkteur geregtig is, sodanige addisionele vergoeding of toelaag betaal word wat n onpartydige kworum van direkteure van tyd tot tyd mag bepaal n Direkteur word ook vergoed vir alle reis- en ander noodsaaklike uitgawes deur hom aangegaan in verband met die sake van die maatskappy; en die bywoning van vergaderings van die direksie, komitees van die direksie of van die maatskappy Behoudens die bepalings van die Wet en enige ander bepalings van die akte, lê n direkteur sy amp neer indien sy boedel gesekwestreer word of hy sy boedel oorgee of n algemene skikkings met sy skuldeisers aangaan; bevind word dat hy nie by sy volle verstand is nie of indien sy geestesvermoëns gekrenk raak; hy deur n meerderheid van sy mede-direkteure verwyder word by wyse van n besluit ingevolge artikel 71(3) van die Wet (maar sonder benadeling van enige eis vir skadevergoeding); [3 NOVEMBER 2012 WEERGAWE] 20

21 hy verwyder word by wyse van n besluit van die maatskappy ingevolge die bepalings van artikel 71(1) van die Wet (maar sonder benadeling van enige eis vir skadevergoeding); hy ingevolge die bepalings van die Wet of enige bevel daarkragtens uitgereik, verbied word om as direkteur op te tree; hy by wyse van n skriftelike kennisgewing aan die maatskappy as direkteur bedank; hy vir 6 (ses) opeenvolgende maande van direksievergaderings afwesig is sonder verlof van die direksie en terwyl hy nie met die maatskappy se sake besig is nie; en hy nie gedurende daardie 6 (ses) opeenvolgende maande by sodanige vergaderings deur n alternatiewe direkteur verteenwoordig is nie; en die direksie besluit dat sy direkteurskap omrede daardie afwesigheid van hom beëindig word, met dien verstande dat die direksie by magte is om aan enige direkteur verlof te verleen om vir n bepaalde of onbepaalde tydperk afwesig te wees n Direkteur mag enige ander amp of besoldigde aanstelling (behalwe die amp van ouditeur) in die maatskappy (of enige filiaal van die maatskappy) beklee terwyl hy direkteur is en wel vir die tydperk en op die voorwaardes met betrekking tot vergoeding (bo en behalwe die vergoeding waarop hy as direkteur geregtig is) en andersins as wat n onpartydige kworum van die direksie mag bepaal n Direkteur van die maatskappy mag n direkteur of ander beampte wees (of as sodanig aangestel word) van, of andersins belang hê by, enige ander maatskappy wat deur die maatskappy opgerig is of waarby die maatskappy as aandeelhouer of andersins belang mag hê, en (behalwe insoverre die direksie anders mag besluit) hoef hy nie rekenskap te gee nie van enige vergoeding of ander voordeel wat hy ontvang as n direkteur of beampte van, of as gevolg van sy belang in, sodanige ander maatskappy Enige direkteur mag persoonlik of deur sy firma in n professionele hoedanigheid vir die maatskappy (behalwe as ouditeur) optree en hy of sy firma is geregtig op vergoeding vir professionele dienste gelewer asof hy nie n direkteur van die maatskappy was nie Enige direkteur wat op enige wyse (hetsy direk of indirek) belang het by n kontrak of reëling of n voorgestelde kontrak of reëling met die maatskappy, moet ingevolge die Wet die aard van sy belang openbaar. [3 NOVEMBER 2012 WEERGAWE] 21

22 28.11 Geen direkteur of voornemende direkteur is omrede sy direkteursamp gediskwalifiseer om met die maatskappy te kontrakteer nie met betrekking tot sy bekleding van enige ander amp of besoldigde aanstelling in die maatskappy of in enige ander maatskappy wat deur die maatskappy opgerig is of waarin die maatskappy n belang het; professionele diens gelewer of wat gelewer staan te word deur sodanige direkteur; enige koop- of ander transaksies Geen sodanige kontrak of reëling deur of namens die maatskappy aangegaan waarin enige direkteur op enige wyse belang het, is vernietigbaar nie Geen direkteur wat aldus kontrakteer of sodanige belang het, is uit hoofde van sy direkteurskap of die vertrouensverhouding daardeur geskep, verplig om aan die maatskappy rekenskap te gee van enige wins wat hy as gevolg van sodanige aanstelling, kontrak of reëling verkry het nie n Direkteur mag nie stem of by die vasstelling van n kworum getel word nie (indien wel, sal sy stem nie getel word nie) ten opsigte van enige besluit met betrekking tot sy eie aanstelling in enige ander amp of besoldigde pos in die maatskappy of met betrekking tot enige kontrak of reëling waarby hy n belang het nie, met dien verstande dat hierdie verbod nie van toepassing is op enige reëling vir die sekurering of vrywaring van enige direkteur ten opsigte van geld deur hom aan die maatskappy geleen of verpligtinge deur hom ten behoewe van die maatskappy aangegaan; of enige reëling vir die verskaffing van enige sekuriteit deur die maatskappy aan n derde party ten opsigte van n skuld of verpligting van die maatskappy wat die direkteur persoonlik gewaarborg of gesekureer het; of enige kontrak deur n direkteur om op aandele of skuldbriewe van die maatskappy in te skryf of om dit te onderskryf nie; of enige kontrak of reëling met n regspersoon waarby hy belang het slegs omrede hy n direkteur, amptenaar, krediteur of aandeelhouer van sodanige regspersoon is, en hierdie verbodsbepalings mag te eniger tyd deur die maatskappy in algemene vergadering opgehef of verslap word, hetsy in die algemeen hetsy met betrekking tot enige besondere kontrak of reëling n Kontrak wat in stryd is met die bepalings van artikel 28.14, kan deur die maatskappy in algemene vergadering geratifiseer word. [3 NOVEMBER 2012 WEERGAWE] 22

23 28.16 Die bepalings van artikel belet n direkteur nie om as aandeelhouer te stem op n algemene vergadering waarop n besluit, waarby hy n persoonlike belang het, ter tafel gelê word nie Die direksie mag die stemreg, verleen deur die aandele wat die maatskappy in enige ander maatskappy hou of besit, op so n wyse en in alle opsigte na goeddunke uitoefen, insluitende die uitoefening daarvan ten gunste van enige besluit waarkragtens hulle of enige van hulle self as direkteure of beamptes van so n ander maatskappy aangestel word, of die uitoefening daarvan vir die vasstelling van enige betaling of vergoeding aan die direkteure of beamptes van so n ander maatskappy n Direkteur mag ten gunste van n besluit bedoel in artikel (om die stemreg op die wyse in artikel omskryf, uit te oefen) stem, nieteenstaande die feit dat hy n direkteur of ander beampte van sodanige ander maatskappy is, of op die punt staan om as sodanig aangestel te word, en om daardie of om enige ander rede belang mag hê by die uitoefening van daardie stemreg op die bogenoemde wyse Die maatskappy het nie enige ex officio direkteure nie. 29. ALTERNATIEWE DIREKTEURE 29.1 n Direkteur mag n ander direkteur, of enige ander persoon vir daardie doel deur n direksiebesluit goedgekeur, aanstel om in sy plek en gedurende sy afwesigheid as alternatiewe direkteur op te tree; die aanstelling van sodanige alternatiewe direkteur beëindig n Persoon aldus aangestel is (behalwe ten opsigte van die bevoegdheid om n alternatiewe direkteur aan te stel en vergoeding) in alle opsigte onderhewig aan die voorwaardes en bepalings wat ten opsigte van die ander direkteure van die maatskappy bestaan Elke alternatiewe direkteur is, terwyl hy as sodanig optree, geregtig om kennisgewing te ontvang van alle vergaderings van die direksie, of van enige komitee van die direksie waarvan sy aansteller n lid is; enige sodanige vergaderings waarop sy aansteller nie persoonlik aanwesig is nie, by te woon en daarop te stem; in die algemeen al sy aansteller se werksaamhede, bevoeghede en pligte tydens laasgenoemde se afwesigheid uit te oefen en uit te voer asof hy n direkteur is. [3 NOVEMBER 2012 WEERGAWE] 23

24 29.4 Enige direkteur wat as n alternatiewe direkteur optree, het, bo en behalwe sy eie stem, n stem vir elke direkteur vir wie hy as alternatiewe direkteur optree n Alternatiewe direkteur hou ipso facto op om n alternatiewe direkteur te wees indien sy aansteller om enige rede ophou om direkteur te wees, met dien verstande dat indien enige direkteur volgens rooster of andersins aftree, maar op dieselfde vergadering herverkies word, enige aanstelling deur hom ingevolge hierdie artikel gemaak wat onmiddellik voor sy aftrede van krag was, van krag sal bly asof hy nie afgetree het nie Indien n alternatiewe direkteur tydens die afwesigheid of onvermoë tot optrede van die direkteur wat hy verteenwoordig, gediskwalifiseer word of bedank, moet die vakature van alternatiewe direkteur wat aldus ontstaan aangevul word deur die voorsitter van die direksie wat n persoon moet benoem om dit aan te vul, onderworpe aan die goedkeuring van die direksie Enige aanstelling of ontslag van n alternatiewe direkteur geskied by wyse van n skriftelike kennisgewing deur sy aansteller onderteken en by die kantoor ingelewer Die vergoeding van n alternatiewe direkteur is slegs betaalbaar uit die vergoeding betaalbaar aan die direkteur wat hom aangestel het, en hy het geen vordering teen die maatskappy vir enige vergoeding nie n Alternatiewe direkteur hoef geen kwalifiserende aandele te hou nie. 30. ROTASIE VAN DIREKTEURE 30.1 Die direkteure en hul ampsopvolgers word deur die aandeelhouers verkies en beklee na datum van hul verkiesing hul ampte op n 2 (twee) jaar rotasiegrondslag Die duur van n direkteur se ampstermyn word bereken vanaf datum van sy jongste verkiesing of aanstelling, of die datum waarop hy geag word herverkies te gewees het n Direkteur wat op n vergadering aftree, beklee sy amp totdat die verkiesing van direkteure op daardie vergadering afgehandel is en is herverkiesbaar Geen persoon is as direkteur op enige algemene vergadering verkiesbaar nie, tensy n skriftelike nominasie voor of op die datum waarvan die maatskappy die aandeelhouers in kennis gestel het ( die kennisgewingsdag ) by die maatskappy se kantoor ingedien word, welke nominasie onderteken moet wees deur n aandeelhouer (wat ook die voorgestelde direkteur [3 NOVEMBER 2012 WEERGAWE] 24