ALGEMENE OORSIG GROEPRESULTATE HANDELSMERKBELANGE. Tabak

Transcriptie

1 REMBRANDT GROEP BEPERK ALGEMENE OORSIG Wesensverdienste per aandeel het met 9.6%, van sent tot sent gestyg. Die saamgestelde groeikoers oor die laaste vyf jaar was 21.8% per jaar. GROEPRESULTATE Wesensverdienste per aandeel het met 9.6%, van sent tot sent gestyg. Die saamgestelde groeikoers oor die laaste vyf jaar was 21.8% per jaar. Die grootste bydraers tot die toename in wesensverdienste vir die jaar onder oorsig was die mynbelange, 41.4%, nywerheidsbelange, 32.0% en Vodacom, 48.9%. Totale groei was egter tot 9.6% beperk, hoofsaaklik as gevolg van minder rente verdien op kontantmiddele en n effens laer bydrae deur die tabakbelange. Toeskryfbare netto verdienste na uitsonderlike items en amortisasie van klandisiewaarde het met 2.4% afgeneem hoofsaaklik as gevolg van n wesentlike toename in ongunstige uitsonderlike items. Die kapitaalsurplus met die vervreemding van beleggings en besighede deur filiale was R238 miljoen. Die toeskryfbare gedeelte van die ongunstige uitsonderlike items van geassosieerde maatskappye was egter R575 miljoen. Laasgenoemde het Gold Fields Beperk se voorsiening vir waardedaling van bates en British American Tobacco Plc se herstruktureringskoste ingesluit. Die finansiële syfers in die inkomstestaat, wat netto bedryfsinkomste na belasting vir 1999/2000 verteenwoordig, is laer as die vergelykende syfers as gevolg van die ekwitering van Dorbyl Beperk as n geassosieerde maatskappy teenoor die vorige jaar toe dit gekonsolideer was. Van die syfers in die balansstaat is gevolglik ook nie vergelykbaar nie. Toeskryfbare kontantverdienste (wat die groep se belang in die netto inkomste deur geassosieerde maatskappye behou, uitsluit) het voor uitsonderlike items en amortisasie van klandisiewaarde met 30% van R1 562 miljoen tot R1 093 miljoen gedaal as gevolg van n vermindering in dividende ontvang van geassosieerde maatskappye. Laasgenoemde het R740 miljoen bedra, wat R480 miljoen minder was as die vorige jaar. Die dividendpatrone en betalingsiklusse van British American Tobacco Plc. (BAT) verskil van dié van Rothmans International B.V. sodat daar n eenmalige verandering in die dividendvloei vanaf R&R Holdings was. Dit is in ieder geval BAT se beleid om jaarliks dividende gelyk aan minstens 50% van sy langtermyn volhoubare verdienste te verklaar. Dit het geen invloed op die gerapporteerde verdienste gehad nie aangesien die ekwiteitsaansuiwering in die inkomstestaat beide die dividendgedeelte en die behoue inkomstegedeelte van die Groep se belang in die netto inkomste van geassosieerde maatskappye insluit. Gewone dividende van sent per aandeel is vir die jaar verklaar en betaal, teenoor sent die vorige jaar. Dit verteenwoordig n styging van 15%. Die gewone dividende is 4.9 keer deur wesensverdienste gedek en 1.7 keer deur kontantverdienste teenoor 5.2 keer en 2.9 keer onderskeidelik die vorige jaar. Die belang van eie lede in aandeelhouersfondse, teen boekwaarde, het met R1 624 miljoen tot R miljoen, of R32.16 per aandeel toegeneem. Hiervan is R374 miljoen aan wisselkoersveranderings toe te skryf. Indien die oorskot van markwaardes en direkteurswaardasies bo die boekwaarde van beleggings in berekening gebring word, bedra die belang van eie lede R73.98 (1999: R59.12) per aandeel. HANDELSMERKBELANGE R1 511 mio (1999: R1 538 mio) Daling 1.8% Persentasie van wesensverdienste: 49% (1999: 55%) Tabak R&R HOLDINGS: Effektiewe belang 33 1 / 3 % (1999: 33 1 / 3 %) Rembrandt se tabakbelange word verteenwoordig deur n een-derde-aandeelhouding in R&R Holdings (R&R), voorheen bekend as Rothmans International Holdings 4

2 (RIH). Die ander twee derdes word gehou deur Compagnie Financière Richemont AG. Voor die samesmelting, waarna verwys word, het R&R 100% van die aandeelhouding van Rothmans International B.V. (RIBV) besit. In Junie 1999 is die samesmelting tussen RIBV en British American Tobacco Plc. (BAT) afgehandel, wat meegebring het dat R&R n ekonomiese belang van 35% in die vergrote BAT verkry het; 25% in BAT gewone aandele en 10% in BAT omskepbare aflosbare voorkeuraandele. Rekeningkundige aangeleenthede Vir die tydperk onder oorsig het Rembrandt, deur sy belang in R&R, 33 1 / 3 % van RIBV vir die twee maande tot 31 Mei 1999 en 11 2 / 3 % van die vergrote BAT vir die tien maande tot 31 Maart 2000 volgens die ekwiteitsmetode verantwoord. R&R se rekeningkundige beleid is in ooreenstemming met internasionale rekeningkundige standaarde wat vereis dat volle voorsiening gemaak word vir alle uitgestelde belastingbates en -laste, terwyl BAT sy finansiële state voorberei volgens die VK se algemene aanvaarde rekeningkundige praktyk wat slegs gedeeltelike voorsiening vir uitgestelde belasting voorskryf. n Aanpassing word gevolglik gemaak om die verskil in die rekeningkundige hantering van uitgestelde belastingbates en -laste in berekening te bring. Met die teboekstelling van die samesmelting het BAT klandisiewaarde verantwoord wat met konsolidasie ontstaan en wat oor 20 jaar deur sy inkomstestaat geamortiseer word. Rembrandt se verantwoording van die samesmelting was egter sodanig dat dit sy gedeelte van daardie klandisiewaarde, en gevolglik die huidige en alle toekomstige amortisasie daarvan, uitgeskakel het (soos verduidelik in die omsendskrywe aan aandeelhouers gedateer 15 Maart 1999, naamlik dat Rembrandt nie sy deel van enige wins op die ruil deur R&R van die belang in RIBV vir dié in die vergrote BAT in ag neem nie Rembrandt se effektiewe belang in laasgenoemde is op die datum van die samesmelting geboekstaaf teen n bedrag gelykstaande aan die drawaarde van sy effektiewe belang in RIBV voor die samesmelting). Dit beïnvloed nie enige ander klandisiewaarde deur BAT verantwoord wat nie betrekking het op die samesmelting nie. Aangesien BAT se finansiële jaar op 31 Desember sluit, sal daar jaarliks aanpassings aan BAT se resultate gemaak word om die eerste drie maande van die jaar uit te skakel en die resultate van die eerste kwartaal van die daaropvolgende jaar, soos op 31 Maart, by te voeg. Finansiële resultate Die onderstaande tabel toon die aanpassings wat aan BAT se gerapporteerde resultate gemaak is en die samestelling van R&R se wesensverdienste vir die tydperk tot 31 Maart mio Toeskryfbare inkomste soos gerapporteer deur BAT vir die jaar geëindig 31 Desember Toeskryfbare inkomste soos gerapporteer deur BAT vir die kwartaal geëindig 31 Maart Aansuiwerings: om die toeskryfbare inkomste van BAT vir die vyf maande tot 31 Mei 1999 uit te skakel (236) ten opsigte van uitgestelde belasting 112 om geamortiseerde klandisiewaarde voortvloeiend uit die samesmelting uit te skakel om ander geamortiseerde klandisiewaarde uit te skakel 32 om uitsonderlike items van BAT uit te skakel (na belasting en minderheidsbelange): herstruktureringskoste voortvloeiend uit die samesmelting 245 surplus met verkoop van handelsmerke (52) herstruktureringskoste voortvloeiend uit die Imasco transaksie 45 afskrywing met verkryging van Japannese verspreider 50 ander 3 Aangesuiwerde toeskryfbare inkomste van BAT: 1 Junie 1999 tot 31 Maart R&R se 35% belang in die toeskryfbare inkomste van BAT vir die periode 1 Junie 1999 tot 31 Maart R&R se 100% belang in die toeskryfbare inkomste van RIBV vir die periode 1 April 1999 tot 31 Mei R&R se ander inkomste 16 Wesensverdienste van R&R vir die periode 1 April 1999 tot 31 Maart Rembrandt se 33 1 / 3 % belang daarin 143 R mio Omgereken teen n gemiddelde /R koers van

3 REMBRANDT GROEP BEPERK ALGEMENE OORSIG In die vergelykende tydperk het Rembrandt se 33 1 / 3 % belang in R&R se wesensverdienste, wat hoofsaaklik uit die toeskryfbare inkomste van RIBV bestaan het, 151 miljoen, of R1 451 miljoen, bedra teen n gemiddelde /R koers van Die sluitingskoers van die /R was op 31 Maart 2000 (1999: ). BAT se resultate Die vergelyking van BAT se resultate met vorige jare word bemoeilik deur die uitwerking van die samesmelting. Wat die bedrywighede betref, is die samesmelting nou afgehandel. n Groot gedeelte van die verwagte jaarlikse kostebesparings voortvloeiend uit die samesmelting word reeds gerealiseer en dit mag wel wees dat die teiken van n jaarlikse besparing van 250 miljoen vroeër as verwag, bereik word. Gedurende die kwartaal tot 31 Maart 2000 het BAT die aandele in sy Kanadese geassosieerde maatskappy, Imasco, wat hy nie reeds gehad het nie, verkry en onmiddellik Imasco se twee grootste nie-tabakbesighede, CT Financial Services Inc en Shoppers Drug Mart, verkoop. Die derde nie-tabakbesigheid, Genstar, sal ook verkoop word. BAT het die Kanadese tabakbesigheid Imperial Tobacco behou. BAT het vinnig gevorder met die konsolidasie van sy portefeulje van langtermyn handelsmerke. State Express 555, Kent, Lucky Strike, Benson & Hedges, Dunhill, Rothmans en Pall Mall sal sy vernaamste internasionale handelsmerke in die toekoms wees. As gevolg van die samesmelting is BAT sterker daaraan toe om sy posisie as die wêreld se tweede grootste tabakmaatskappy uit te bou. Gedurende die jaar onder oorsig het hy sy wêreldwye markaandeel tot 15.4% en sy aandeel van die belangrike internasionale premiehandelsmerksegment tot 17.6% verhoog. Sedert jaareinde R&R het gedurende die jaar kennis gegee van sy voorneme om die verkoopopsie ten opsigte van een helfte van die BAT omskepbare aflosbare voorkeuraandele wat R&R gehou het, uit te oefen teen 5.75 per aandeel. Die kontantopbrengs het 695 miljoen bedra en is op 7 Junie 2000 deur R&R ontvang. Rembrandt se een-derdebelang in die opbrengs het miljoen (ongeveer R2 400 miljoen) bedra. R&R se belang in BAT het van 35% tot 31.58% verminder. Rembrandt se effektiewe belang in BAT het gevolglik van 11.67% tot 10.53% verminder. Die oorblywende helfte van die voorkeuraandele is op 7 Junie 2004 teen 6.75 per aandeel aflosbaar. Wyn en Spiritualieë Rembrandt het n 30% belang in beide Stellenbosch- Boerewynmakery Groep Beperk (SBW) en Distillers Korporasie (SA) Beperk (Distillers). Die gesamentlike bydrae deur hierdie belange tot wesensverdienste het marginaal tot R75 miljoen gedaal (1999: R77 miljoen). Beide maatskappye het moeilike handelstoestande gerapporteer. Alhoewel markaandeel oor die algemeen behou, en in sekere belangrike kategorieë gewen is, het die totale mark teleurstellend gebly. Gedurende April vanjaar is aangekondig dat Distillers en SBW ingestem het om voorstelle vir die samesmelting van die twee maatskappye te oorweeg. Daar word verwag dat die gesamentlike besigheid in n beter posisie sal wees om plaaslik, en in die buiteland, toekomstige uitdagings die hoof te bied en geleenthede te benut. MYNBELANGE R495 mio (1999: R350 mio) Styging 41.4% Persentasie van wesensverdienste: 16% (1999: 13%) BILLITON: Effektiewe belang 8.9% (1999: 8.9%) Billiton Plc (Billiton) se bydrae tot Rembrandt se wesensverdienste het met 29% tot R248 miljoen toegeneem. Billiton het in sy jongste winsaankondiging, naamlik vir die ses maande tot 31 Desember 1999, n verdienste van VSA $241 miljoen aangekondig. Dit was 46% meer as in die vergelykende periode. Die stygings in kommoditeitspryse het nie die markte wat vir Billiton relevant is voor die einde van Desember bereik nie. Gerealiseerde pryse vir belangrike metale was dus laer. Billiton se verdienstegroei vir daardie periode is egter voordelig 6

4 beïnvloed deur die uitkoop van sekere minderhede in die vorige jaar en deur laer belasting. Billiton meld dat daar tekens is dat die ergste van die kommoditeitsiklus verby is en glo dat n goeie platform vir toekomstige groei geskep is. GENCOR: Effektiewe belang 10.9% (1999: 11.0%) Gencor Beperk (Gencor) se bydrae tot wesensverdienste het van R58 miljoen in 1998/99 tot R82 miljoen in die jaar onder oorsig toegeneem. Dit het betrekking op Gencor se twee agtereenvolgende ses maande periodes, waarvan die laaste een op 31 Desember 1999 geëindig het. Hierdie toename is hoofsaaklik toe te skryf aan die beter resultate van Impala Platinum Holdings Beperk (Implats) as gevolg van stewiger pryse en sterk aanvraag, hoër verkoopsvolumes, n toename in rente inkomste en kostes wat onder beheer gehou is. Na Rembrandt se jaareinde het Gencor sy belange in Gold Fields Beperk, Gold Fields of South Africa Beperk en Standard Bank Beleggingskorporasie Beperk by wyse van ontbondeling uitgekeer, terwyl Implats behou is as n strategiese belang. GFSA: Effektiewe belang 15.3% (1999: 15.3%) Gold Fields of South Africa Beperk (GFSA) het R42 miljoen (1999: R7 miljoen) tot Rembrandt se verdienste bygedra. GFSA se herstrukturering en ontbondeling vorder goed en sy belange in GFL en Northam Platinum is gedurende Mei vanjaar aan sy aandeelhouers uitgekeer. Die twee belangrikste oorblywende beleggings van GFSA is sy aandeelhouding in New Wits en Vogels. Beide hierdie maatskappye het sedertdien vrywilliglik aansoek gedoen om likwidasie. Na afhandeling daarvan sal kontant die enigste wesentlike bate van GFSA wees en hy sal in n posisie wees om n dividend te verklaar in afwagting van likwidasie. Gencor Beperk (Gencor) se bydrae tot wesensverdienste het van R58 miljoen in 1998/99 tot R82 miljoen in die jaar onder oorsig toegeneem. GFL: Effektiewe belang 11.0% (1999: 13.1%) Die bydrae van Gold Fields Beperk (GFL) het met R19 miljoen tot R83 miljoen toegeneem. Dit is nie streng vergelykbaar nie omdat GFL in die vorige finansiële periode slegs vir ses maande (tot 31 Desember 1998) geëkwiteer is ná die ontbondeling van GFL aandele deur GFSA. Daar sou in daardie geval verwag kon word dat die bydrae vir die volle jaar tot Desember 1999 nog hoër sou wees. Rembrandt se effektiewe belang in GFL, insluitende sy indirekte belang deur Gencor, het egter gedurende die jaar onder oorsig met 2.1% verminder. GFL het bowendien n swak kwartaal tot September 1999 gehad, met hoë bedryfskoste en laer omset. GFL is n geassosieerde maatskappy wat n Junie-jaareinde het. Rembrandt se belang in sy netto inkomste word vir die twaalf maande tot Desember elke jaar geëkwiteer. TRANS HEX: Effektiewe belang 42.9% (1999: 50.0%) Trans Hex Groep Beperk (Trans Hex) se wesensverdienste per aandeel het met 31% tot 126 sent gestyg op diamantverkope van R366 miljoen, wat n styging van 29% verteenwoordig. Hierdie styging kan toegeskryf word aan verhoogde produksie, n beter produksiemengsel en aansienlik hoër VSA-$pryse. Die totale karaatproduksie is met 19% tot karaat opgestoot ten spyte van die impak wat baie swak weerstoestande op mariene produksie gehad het. Mynontwikkeling by Baken verloop bevredigend en die hele paleokanaal sal teen Oktober 2000 ten volle geëvalueer wees. Bemoedigende resultate is ook by die Bloeddrif en Reuning bedrywighede gerapporteer. Die samesmelting met Gem Diamond Mining Corporation Beperk en Benguela Concessions Beperk is suksesvol afgehandel en het op 31 Maart 2000 in werking getree. Alhoewel Rembrandt gedurende Desember miljoen aandele in Trans Hex bekom het, het die belang 7

5 REMBRANDT GROEP BEPERK ALGEMENE OORSIG tot 43% verwater as gevolg van die aandele wat Trans Hex ingevolge die samesmelting uitgereik het. NYWERHEIDSBELANGE R384 mio (1999: R291 mio) Styging 32.0% Persentasie van wesensverdienste: 12% (1999: 10%) HL & H: Effektiewe belang 72.6% (1999: 70.3%) Hunt Leuchars & Hepburn Holdings Beperk (HL & H) het n bevredigende jaar gehad met n wesensverdienste styging van 23%. Die bydrae tot Rembrandt se wesensverdienste het gestyg met R28 miljoen tot R138 miljoen. Die jaar tot 31 Maart 2000 weerspieël vir die eerste keer n volle jaar se handelsresultate van die gesamentlike onderneming wat Robertsons op 1 Julie 1998 met Bestfoods aangegaan het. HL & H se totale omset het met 13% teenoor die vorige jaar toegeneem; dié van Robertsons met 16% en Transvaal Suiker Beperk (TSB) met 7%. TSB se omset is deur die lae internasionale suikerpryse benadeel, terwyl al Robertsons se besighede stewige verkope getoon het. HL & H se bedryfsinkomste het met 22% toegeneem, wat n aanduiding is van beter doeltreffendheid in TSB, terwyl Robertsons sy bedryfsmarges in n hoogs mededingende mark gehandhaaf het. HL & H en The Tongaat-Hulett Group (Tongaat) voer onderhandelinge oor die verkryging van TSB deur Tongaat. Wanneer die transaksie gesluit word, sal dit onderhewig wees aan goedkeuring deur die Mededingingsraad en ander regulerende instansies. Daar is ook aangekondig dat Industrial Partnership Investments Beperk (IPI), n filiaal van Rembrandt, dit sou oorweeg om n reëlingskema kragtens artikel 311 van die maatskappywet tussen HL & H en sy gewone en voorkeuraandeelhouers, sowel as ander houers van relevante instrumente, voor te stel. Hiervolgens sal IPI die HL & H gewone en voorkeuraandele, sowel as ander relevante instrumente wat deur sodanige skemalede besit word, verkry by die finale afhandeling van die Tongaat/TSB-transaksie. n Verdere aankondiging sal ter gelegener tyd gemaak word. RAINBOW: Effektiewe belang 55.9% (1999: 55.9%) Rainbow Chicken Beperk (Rainbow) se wesensverdienste vir die jaar onder oorsig het R13.7 miljoen bedra teenoor n verlies van R11.1 miljoen die vorige jaar. Rainbow se bedryfswins het R52.0 miljoen bedra (1999: R34.0 miljoen) en is saamgestel uit n verlies van R24.1 miljoen en n wins van R76.1 miljoen in onderskeidelik die eerste en tweede ses maande. Verdere verbeterings in vertoningsaanwysers en produksiekoste word behaal en die vordering in bemarkings- en kliëntedienste begin vrugte afwerp. In die lig van Rainbow se verwagting dat prysrealisering nie wesentlik sal verbeter nie, sal die vertoning in die komende jaar grootliks afhang van die suksesvolle voortsetting van die herstrukturerings- en stroomlyningsproses. METKOR: Effektiewe belang 100% (1999: 75.7%) Gedurende Maart 2000 het Rembrandt die aandele van die minderheidsaandeelhouers in Metkor Groep Beperk (Metkor) bekom vir R46 miljoen kontant en 2.8 miljoen Dorbyl Beperk aandele. Metkor het n volfiliaalmaatskappy geword en sy notering op die Johannesburgse Aandelebeurs is beëindig. Deur die volfiliaal Metkor hou Rembrandt 100% van Wispeco Holdings Beperk en 50% van Air Products South Africa (Edms) Beperk. DORBYL: Effektiewe belang 41.1% (1999: 41.1%) Rembrandt se belang in Dorbyl Beperk (Dorbyl) is voorheen gedeeltelik direk (16%) en deels deur Metkor (25%) gehou, deur laasgenoemde se 60% belang in International Pipe & Steel Investments South Africa (Edms) Beperk (IPSA), wat 50% van Dorbyl gehou het. Die ander 40% van IPSA is deur die Anglo American-groep gehou. Metkor het ook n direkte belang van 3% in Dorbyl gehou. Anglo American het gedurende Februarie 2000 sy aandele in IPSA aan Metkor verkoop en het vir dieselfde waarde aandele in Dorbyl by IPSA gekoop. Dit het tot die gevolg gehad dat IPSA ook n volfiliaal van Rembrandt geword het en dat Rembrandt, deur sy volfiliale, n direkte belang van 41% in Dorbyl hou. 8

6 Dorbyl is in die vorige jaar as n filiaal gekonsolideer, maar vir die volle 1999/2000 finansiële jaar as n geassosieerde maatskappy geëkwiteer. Dorbyl se wesensverdienste vir die jaar onder oorsig het met 38% tot R106 miljoen toegeneem. Aktiwiteitsvlakke in die meeste sektore wat deur Dorbyl bedien word, was onder druk vir die grootste gedeelte van die jaar. Dit het tot intense mededinging en verlaagde marges gelei. Kostebesnoeiing en -besparing was genoodsaak om sy bedryfsinkomste te beskerm. Laasgenoemde het met 34% verbeter in vergelyking met slegs n geringe toename in omset. Dorbyl het gerapporteer dat geen verdere belangrike besigheidsverkope of personeelinkortings beplan word nie. Hierby is die installering van moderne ERP-gebaseerde inligtingstelsels grotendeels afgehandel. Die jaar wat voorlê, sal gevolglik die eerste in ses jaar wees waarin operasionele stabiliteit verwag kan word wat dit moontlik sal maak om ten volle op doeltreffendheidsmaatreëls te fokus. MALBAK: Effektiewe belang 47.9% (1999: 47.5%) Malbak Beperk (Malbak) het wesensverdienste van R196 miljoen (1999: R224 miljoen) vir die jaar onder oorsig gerapporteer. Die resultate weerspieël die probleme wat wêreldwyd deur die verpakkingsbedryf ervaar word. Die prysverhogings van grondstowwe wat nie aan die klant deurgegee kon word nie, surpluskapasiteit, ontwrigtende weerpatrone en kwaai kompetisie het n nadelige uitwerking op die groei van omset en bedryfsmarges gehad. Malbak het gedurende die jaar nie-kernaktiwiteite, waaronder die effektiewe 50%-aandeelhouding in Kimberly-Clark of Southern Africa en Kohler Corrugated, vir sowat R689 miljoen verkoop. Verkrygings in Suid-Afrika gedurende die tydperk het onder meer Salpak buigsame vloeistofverpakking, Divpac spille, en Interpak voukartonne, teen n koste van R83 miljoen, ingesluit. Dorbyl se wesensverdienste vir die jaar onder oorsig het met 38% tot R106 miljoen toegeneem. Kostebesnoeiing en -besparing was genoodsaak om sy bedryfsinkomste te beskerm. Laasgenoemde het met 34% verbeter in vergelyking met slegs n geringe toename in omset. In die buiteland is die minderheidsbelang van M.Y. Holdings Plc in Februarie 2000 teen n koste van R654 miljoen verkry, asook die besigheid van Farmografica Srl, n Italiaanse vervaardiger van gesondheidsorgverpakking, teen n koste van R32 miljoen. Op 24 Mei 2000 het Malbak aangekondig dat dit in die proses was om die voukarton-besigheid van Low & Bonar Plc (L&B) vir n kontantvergoeding van ongeveer R835 miljoen ( 80 miljoen) te verkry. Hierdie verkryging sal Malbak in n dominante posisie in die voukarton-mark plaas nr. 1 in Suid- Afrika, nr. 2 in die Verenigde Koninkryk en nr. 4 in Europa. L&B is goed geïnvesteer in gevorderde tegnologie en het van die modernste aanlegte in Europa. Dit beskik oor vier bedrywe wat in die Verenigde Koninkryk geleë is, een in Nederland en een in België. Malbak rapporteer dat daar enkele tekens van n ekonomiese oplewing is in die sektore wat op die verpakkingsbedryf in Suid-Afrika betrekking het. Soos wat plaaslike bedryfsvermoëns aangepas word, kan verbeterings in marges te wagte wees. Die ekonomieë in die Verenigde Koninkryk en Europa toon steeds groei, maar marges sal waarskynlik onder druk bly totdat die huidige konsolidasieaktiwiteit surplus produksiekapasiteit uit die mark verwyder. FINANSIËLE DIENSTE R244 mio (1999: R232 mio) Styging 5.2% Persentasie van wesensverdienste: 8% (1999: 8%) ABSA: Effektiewe belang 9.5% (1999: 9.5%) Absa Groep Beperk (ABSA) se wesensverdienste vir die jaar geëindig 31 Maart 2000 het met n teleurstellende 1.0% tot R1 988 toegeneem. 9

7 REMBRANDT GROEP BEPERK ALGEMENE OORSIG ABSA het gerapporteer dat groei in netto rente-inkomste nadelig geraak is deur lae groei in voorskotte en laer netto rentemarges. Rentekoersrisikostrategieë, wat sedert die eerste kwartaal van die jaar onder oorsig ingestel is, het tot n verbetering in die marge in die tweede helfte van die jaar gelei. Die verhoging in reële rentekoerse in 1998 en die verswakking in die binnelandse ekonomie het tot n verhoging in die voorkoms van slegte skuld gelei en ABSA moes meer voorsienings maak as in die verlede. SAGE: Effektiewe belang 16.6% (1999: 16.4%) Sage Group Beperk (Sage) het n verhoging van 22% in sy wesensverdienste per aandeel gerapporteer. Die bydrae tot Rembrandt se verdienste het tot R57 miljoen verhoog (1999: R45 miljoen). Sy bedryfsresultate weerspieël n bydrae van 89.3% deur die oorheersende lewensversekeringsbelange, 7.5% deur effektetrustbedrywighede en die restant van 3.2% deur ander finansiële dienste, insluitende eiendom. Nuwe besigheid in lewensversekering het sterk vordering getoon en Sage se markaandeel in sy gekose kernfokusgebied van individuele herhalende premies het met 30.6% gestyg. KORPORATIEWE FINANSIES EN ANDER BELANGE R446 mio (1999: R398 mio) Styging 12.1% Persentasie van wesensverdienste: 15% (1999: 14%) KORPORATIEF: Effektiewe belang 100% (1999: 100%) Die korporatiewe belange bestaan hoofsaaklik uit groepdienste, groeptesourie en portefeuljebeleggings. Hierdie belange het R139 miljoen tot groepverdienste bygedra in vergelyking met R199 miljoen die vorige jaar. Die afname was hoofsaaklik te wyte aan die uitwerking van laer rentekoerse op die verdienste van kontantmiddele. Kontantmiddele het teen jaareinde R1 713 miljoen bedra teenoor R2 102 miljoen die vorige jaar. MEDI-CLINIC: Effektiewe belang 51.2% (1999: 50.4%) Medi-Clinic Korporasie Beperk (Medi-Clinic) se wesensverdienste het met 25% toegeneem. Die bydrae tot Rembrandt se verdienste was R104 miljoen (1999: R81 miljoen). Medi-Clinic het gerapporteer dat toelatings en teatergevalle toegeneem het, terwyl die gemiddelde lengte van verblyf min of meer konstant gebly het. Die integrasie van die Auckland hospitale is suksesvol afgehandel en rasionalisasievoordele is ontsluit. Nuwe hospitale het goed gepresteer en het in die geheel ook beter gevaar as verwag. Medi-Clinic sal gefokus bly op n verbetering in die mengsel van sy fasiliteite deur aan te pas by die behoeftes van die mark en sal probeer om pasiënt-volume te verhoog deur demografiese veranderings te benut. Met inagneming van bogemelde, asook die inherente groei as gevolg van n veroudering van die mediese fondspopulasie, hoër pasiëntverwagtinge en nuwe tegnologie, verwag Medi-Clinic om sy bestendige groeipatroon voort te sit. VODACOM: Effektiewe belang 13.5% (1999: 13.5%) Vodacom Groep (Edms) Beperk (Vodacom) is steeds die bedryfsleier in Suid-Afrika. Markgroei, en in die besonder dié van vooruitbetaalde intekenaars, toon nog geen teken van afname nie. Voortdurende produk-innovasie, die verwagte groei in die ekonomie en die toetrede van n derde netwerkoperateur behoort te verseker dat die huidige mark van 5 miljoen intekenaars op 31 Maart 2000 tot nagenoeg 7 miljoen in Maart 2001 toeneem. Vodacom is goed geplaas om die grootste gedeelte van hierdie groei na sy netwerk te lok. Vodacom se omset vir die jaar tot 31 Maart 2000 het met 41.7% tot R9.7 miljard toegeneem, terwyl toeskryfbare inkomste met 71.9% tot R1.4 miljard gegroei het. Sy kapitale besteding vir die jaar tot 31 Maart 2001 sal meer as R3.8 miljard beloop en sal uit Vodacom se interne bronne en deur lenings gefinansier word. TRACKER: Effektiewe belang 42.9% (1999: 48.8%) Met meer as voertuie toegerus met sy gesteelde voertuig opsporingstelsel, is Tracker Investment Holdings 10

8 (Edms) Beperk (Tracker) nou gevestig as die markleier. Verskeie inisiatiewe, in samewerking met korttermynversekeringsmaatskappye, om die middel en laer marksektor te penetreer, het beduidende groei tot gevolg gehad. Met gemiddeld meer as eenhede wat maandeliks geïnstalleer word, is Tracker die vinnigste groeiende stelsel van sy soort in Suid-Afrika. Sover is reeds meer as gesteelde voertuie teruggevind, meer as arrestasies gemaak en meer as 90 voertuig-misdaadsindikate oopgevlek as n direkte gevolg van die aanwending van die Tracker-stelsel. Hierdie resultate sou nie behaal kon word sonder die ondersteuning en toewyding van die Suid-Afrikaanse Polisiediens, en in besonder die reaksie-eenhede, wat meer as opsporingsrekenaars gebruik nie. BELASTING In sy begrotingsrede in Februarie vanjaar het die Minister van Finansies sekere wesentlike veranderinge in die Suid- Afrikaanse belastingstruktuur aangekondig. Belasting op n inwonersbasis sal in die jaar van aanslag wat op of na 1 Januarie 2001 begin, ingestel word. As deel van n geleidelike proses van invoering word buitelandse dividende reeds met ingang van 23 Februarie 2000 belas, onderhewig aan sekere verligting. Daarbenewens sal n kapitaalwinsbelasting op 1 April 2001 van krag word. Rembrandt het sekere voorleggings gemaak aan die betrokke owerhede. Die wyse waarop hierdie belastings gehef word, moet billik en regverdig wees. Daarby moet dit nie onnodige administratiewe laste meebring, buitengewoon ingewikkeld wees of nadelige ekonomiese gevolge vir Suid-Afrika inhou nie. Indien nodig, sal Rembrandt aandeelhouers inlig oor die uitwerking van die nuwe belastings wanneer die wetgewing gefinaliseer is. ERKENNING Aan almal wat die afgelope jaar tot die sukses van die groep bygedra het, dra ons ons hartlike dank oor: aan die aandeelhouers vir hul volgehoue vertroue; die besturende direkteure en alle kollegas in die onderskeie groepmaatskappye vir hul samewerking en ondersteuning; alle ander direkteure, amptenare en werknemers vir hul toewyding en ander belanghebbendes vir dienste aan die groep gelewer. In die besonder wil ons mnr J A Rupert, wat op 24 November 1999 uit die direksie getree het, bedank vir sy waardevolle bydrae oor meer as 44 jaar. Ons verwelkom mnr J W Dreyer wat op 1 Januarie 2000 tot die direksie van hierdie maatskappy toegetree het. Johann Rupert Thys Visser Stellenbosch 14 Junie