testament- en boedelbeplanning

Transcriptie

1 Fidusiêre Dienste testament- en boedelbeplanning Finansiële Beplanning

2 Meer oor Sanlam Sanlam se Fidusiêre Dienste kan jou help met die opstel en veilige bewaring van jou testament en optree as eksekuteur of mede-eksekuteur van jou boedel. En ons doen dit met sorg, want ons glo dat jy meer as jou geld nalaat. Ons glo dit gaan oor n leeftyd se harde werk en toewyding en dat jy daarmee saam ook alles wat dit verteenwoordig, nalaat. Daarom hanteer ons jou nalatenskap met die nodige respek, omdat ons weet hoe hard jy daarvoor gewerk het. Want dít is wat van ons Welvaartmeesters maak. 1

3 Daar wanneer jy ons nodig het Dit is belangrik dat deeglike boedelbeplanning die opstel van jou testament voorafgaan, ten einde te verseker dat jou geliefdes finansieel versorg sal word volgens jou wense. Ons het n paar nuttige riglyne saamgestel wat jou meer vertel oor testamente en boedelbeplanning. Jou testament Waarom het jy n testament nodig? Jou testament is een van dié belangrikste dokumente wat jy ooit kan teken. Dit bevat inligting oor al jou bates, asook jou laaste wense. Maar bowenal verteenwoordig dit finansiële gemoedsrus aan die mense wat jy agterlaat. Baie mense dink dat n testament net vir welgestelde mense is. Dit is egter nie waar nie selfs al lei jy n beskeie lewe, is dit belangrik dat jy n testament opstel. 2

4 Wenke vir die opstel van n testament Stel jou testament so eenvoudig moontlik op. Dit is nie raadsaam om jou eie testament te probeer opstel nie, tensy jy n kenner is. Maak seker dat jou testament prakties uitvoerbaar is. Moenie jou testament as n dokument beskou wat in werking tree eers wanneer jy n gevorderde ouderdom bereik nie. Jy mag dalk nie so gelukkig wees nie. Toets die inhoud van die testament teenoor die kontant wat in jou boedel beskikbaar is. Wees prakties met die verdeling van jou bates. Dit is byvoorbeeld nie goeie beplanning om al jou bates in gelyke dele aan jou gade en kinders te bemaak nie, tensy jou hele boedel uit kontant bestaan. Vermy onbuigbare bepalings in jou testament, indien moontlik. n Bepaling wat sê al jou bates moet verkoop word, kan byvoorbeeld tot gevolg hê dat aandele in swak marktoestande verkoop moet word. Dit kan tot groot kapitaalverlies lei. Laat dié soort besluite eerder aan jou erfgename en eksekuteur oor. Dit is belangrik dat jy die gevolge van jou testament verstaan. Benoem n voog indien daar minderjarige kinders is. Maak voorsiening vir n onderhoudsverpligting wat kragtens n egskeidingsbevel kan bestaan. n Testamentêre trust word vir dié doel aanbeveel. Dit mag soms nodig wees om jou erfgename teen hulself te beskerm. n Testamentêre trust is n nuttige instrument vir dié doel, en dit stel jou in staat om buigsaamheid en sekuriteit in te bou. Dit is belangrik dat daar genoeg kontant in jou boedel beskikbaar is wanneer jy sterf. n Tekort aan kontant kan tot die gedwonge verkoop van bates lei. Dit is raadsaam om nie begrafnisreëlings in jou testament te beskryf nie. Die testament word dikwels eers ná die begrafnis gelees. Dra sulke wense eerder persoonlik aan jou naasbestaandes oor. 3

5 Wat moet jy by jou testament insluit? Die volgende inligting is nodig vir die beplanning en opstel van n testament: Besonderhede van laste. Dui aan watter laste deur krediet-/ lewensversekering gedek is. 8 Jy en jou gade/lewensmaat se volle name, vanne, identiteitsnommers, adres, telefoonnommer(s) en beroepe. 2 Jou huwelikstaat: binne of buite gemeenskap van goedere, met of sonder aanwasbedeling. Toon aan wanneer die huwelik plaasgevind het. 3 Saamwoonverhouding: Toon aan hoe lank n woning gedeel is. Kinders se name en geboortedatums (alle huwelike afsonderlik). 5 Besonderhede van bates en die huidige markwaarde daarvan. Dit sluit in bates uit enige vorige huwelik asook n huidige huwelik. 6 Besonderhede van die basiskoste van bates soos vereis vir die doeleindes van kapitaalwinsbelasting. Markwaarde en basiskoste van buitelandse bates en/of laste. 9 Besonderhede van enige eise teen of skuld aan jou inter vivos-trust(s) (familietrust(s)). 10 Besonderhede van beperkte regte, soos vruggebruik uit n vooroorlede gade se boedel. 4

6 Ondertekening van n testament Lees jou testament noukeurig deur en maak seker dat jou instruksies en wense korrek daarin vervat is. Jy en twee bevoegde getuies moet elke bladsy van die testament saam en in mekaar se teenwoordigheid onderteken. By elke wysiging in die testament moet jy en twee bevoegde getuies ook teken. Dieselfde getuies moet deurgaans teken. Enige persoon wat 14 jaar of ouer is, sy of haar naam kan teken en getuienis in n hof kan aflê, is bevoeg om as getuie te teken. Die volgende persone mag nie as getuies teken nie: -Enige persoon wat enigiets vanuit jou boedel ontvang en/of hul gades. -Die eksekuteurs, trustees en voogde en/of hul gades. Die hersiening van jou testament n Testament is n belangrike dokument wat gereeld hersien en bygewerk moet word. Kontak jou finansiële adviseur of Sanlam se Fidusiêre Dienste om jou testament professioneel te laat hersien. Bellville: Pretoria: Die bewaring van jou oorspronklike testament Sanlam bewaar jou oorspronklike testament in n brandvaste kluis. Maak seker jou naasbestaandes is bewus hiervan. (Indien jou testament elders bewaar word, dra hierdie inligting ook aan jou naasbestaandes oor.) Hoe om n afskrif van jou testament te kry Versoek soos volg n afskrif van jou testament: E-pos: stwills@sanlam.co.za Posbus: Sanlam Trust (Edms) Bpk, 1260, Sanlamhof, 7532 of besoek: Sanlam Trust (Edms) Bpk, 2 Strandweg, Bellville 5

7 Wat as jy van plan verander? n Mens se lewensomstandighede verander gedurig en daarom is dit belangrik dat jou testament gereeld hersien moet word om te verseker dat dit steeds n ware weergawe van jou wense is. Veranderde omstandighede wat n invloed op jou testament kan hê, sluit in: n Huwelik (jou of jou erfgenaam s n) Die geboorte van n kind/erfgenaam n Egskeiding (jou of jou erfgenaam s n) Die koop of verkoop van n groot bate, soos n woonhuis of n plaas Die maak van n belegging in die buiteland Aangaan van nuwe finansiële verpligtinge Die dood van n familielid of n erfgenaam Vinnige groei in bates wat tot boedelbelasting kan lei Ontvangs van n erflating Wetswysigings en nuwe wetgewing Nuwe boedelbeplanningstegnieke Wie behoort jy as eksekuteur te benoem? Die taak van n eksekuteur is om jou boedel volgens die bepalings van jou testament te beredder en om in die uitvoering van dié plig in die beste belang van jou erfgename op te tree. Dit is n groot verantwoordelikheid wat op die skouers van jou eksekuteur rus. Die keuse van die persoon wat hierdie rol moet vervul moet goed deurdink word. Gade Baie mense stel hul gade as eksekuteur aan. In so n geval moet die volgende onthou word: Die dood van n geliefde is n emosionele saak en nie almal is toegerus om gedurende dié hartseer tyd belangrike finansiële besluite te neem nie. Sonder die nodige kennis sal jou gade nie weet waar om die beste diens of advies te kry nie. Jou gade mag blootgestel word aan iemand wat slegs sy of haar eie belange dien, en so kan die boedel se tjekboek in die verkeerde hande beland sonder dat die erfgename enige sekuriteit het. Die eksekuteur, wat dikwels ook as trustee benoem word, se pligte strek verder as boedelbereddering en sluit dikwels ook die administrasie van n trust oor n veel langer termyn in. As daar aspekte is waaroor onderhandel moet word, is dit beter dat jy dit nou self doen, omdat jy in staat is om n ingeligte besluit te neem. 6

8 Boedelbeplanning Trustmaatskappy Jy kan ook n betroubare trustmaatskappy as eksekuteur benoem. Die voordele van dié keuse is die volgende: Jy kan voordeel trek uit die maatskappy se kundigheid oor testamente, boedels, trusts en verwante sake. Jou boedel word professioneel hanteer en jy is verseker van objektiwiteit en vertroulikheid. Jy geniet groter sekuriteit en die voordeel van streng interne beheermaatreëls. Boedelbeplanning behels nie slegs maatreëls wat by die boedeleienaar se dood in werking tree nie. Daar is ook beplanningsaspekte wat tydens die boedeleienaar se lewe in werking gestel kan word. Om te verseker dat jy die grootste voordeel uit boedelbeplanning put en onnodige slaggate vermy, is dit noodsaaklik om eerder advies in te win van n spesialis of adviseur wat toegang tot so n spesialis het. Behoorlike boedelbeplanning deur kundiges kan help om die volgende te verseker: 7 Die kapitaal in jou boedel word op die lang termyn beveilig. Die boedel kan makliker beredder en sonder probleme afgehandel word. Die bepalings van jou testament is prakties uitvoerbaar. Daar is genoeg kontant in die boedel om belasting- en administrasiekoste, laste en kontantbemakings te betaal.

9 Boedelbelasting kan by albei gades en ander erfgename se afsterwe dramaties verminder of totaal vermy word. Boonop kan kundige beplanning groot inkomstebelastingbesparings moontlik maak. Belangrike sekuriteit kan met behulp van n testamentêre- of inter vivos-trust (familietrust) vir alle betrokke partye in n boedelplan ingebou word. So n trust is n uiters doeltreffende hulpmiddel wanneer dit deur n deskundige gehanteer word. Waarom jou vertroue in Sanlam plaas? Sanlam se Fidusiêre Dienste het n netwerk van deskundiges met die kennis en ervaring om jou stap vir stap by te staan met jou boedelbeplanning, die opstel van jou testament en die administrasie van jou boedel en trust. Kontak ons vir meer inligting: Sanlam Trust Edms Bpk Adres: Sanlam-hoofkantoor, Strandweg 2, Bellville, 7530 Posadres: Posbus 1260, Sanlamhof, 7532 Telefoon: Faks: E-pos: sanlamtrust@sanlam.co.za Webadres: Belangrike dokumente en inligting Jy kan die mense wat jy agterlaat ná jou dood baie help deur die belangrike inligting hieronder in een dokument saam te vat. Hierdie vorm sal jou help om die meeste inligting saam te stel. Skeur die blad uit, vul die inligting in en bewaar dit in jou kluis of op n veilige plek. Elke persoon se boedelbeplanningsbehoeftes is individueel en uniek. Daarom bied ons jou n omvattende verskeidenheid dienste met n persoonlike benadering wat objektief en vertroulik is. 8

10 Dokumente en besonderhede benodig deur die eksekuteur Oorspronklike testament Oorspronklike doodsertifikaat Oorspronklike identiteitsdokument Gesertifiseerde afskrif van die oorledene se huweliksertifikaat/ huweliksvoorwaardekontrak/egskeidingsbevel/skikkingsooreenkoms Afskrifte van erfgename se identiteitsdokumente en inligting rakend hul huweliksbedeling Telefoonnommers, posadresse en e-posadresse van erfgename Boedelbesonderhede van elke vooroorlede eggenoot (volle naam, datum van afsterwe, plek van afsterwe, Meester van die Hooggeregshof en boedelnommer) Oorspronklike titelakte Oorspronklike motorvoertuigregistrasiesertifikate Oorspronklike vuurwapenlisensie Afskrif van munisipaledienste- en belastingrekening 9

11 Oorspronklike aandelesertifikaat BTW-verwysingsnommer (indien van toepassing) Oorspronklike poliskontrakte Afskrif van salarisstrokie Afskrif van korttermynversekeringskontrak Volledige besonderhede van mediese fonds Volledige besonderhede van pensioenfonds/ werkgewer Afskrif van telefoonrekening/tv-lisensie Afskrif van huurkoopkontrakte Finansiële adviseur Huurkontrakte Boekhouer Volledige besonderhede van spaar-, tjek- en depositorekeninge by banke Afskrifte van nuutste bankstate Volledige besonderhede van die laste, asook state as bewys daarvan Inkomstebelastingverwysingsnommer 10

12 11 Ander tersaaklike inligting

13 Vuurproeftoets: Het jy n tekort of surplus in jou boedel? Hou die volgende in gedagte wanneer jy jou testament opstel: Minstens 30% van alle boedels kan weens te min fondse net afgehandel word as van die bates verkoop word. Buiten die fondse benodig vir die afhandeling van die boedel kan die gesin ook n toenemende jaarlikse inkomste nodig hê. Die meeste probleme met boedels kom voor wanneer die vrou eerste sterf. Om uit te vind wat jou finansiële posisie sal wees, kan jy die volgende Vuurproeftoets gebruik. Hoeveel jy nodig het Die geld wat jy nodig het, is gelyk aan jou behoeftes (al jou skuld) plus 5 x jaarlikse inkomste (om vir jou gesin te sorg). As jou behoeftes meer is as jou voorsiening, het jy n tekort in jou boedel. As jou voorsiening meer as jou behoeftes is, het jy n surplus in jou boedel. Bepaal jou behoeftes: Tel alle skuld op: + Laaste uitgawes (eksekuteur, begrafnis, ens.) + Verband + Huurkoop + Oortrokke rekening + Huurkontrakte + Ontvanger van Inkomste (SAID) 12

14 + Lenings = Totaal A Bepaal die inkomste wat nodig is om vir jou gesin te sorg: 5 x huidige jaarlikse inkomste = R = Totaal B A + B = totaal van kontantbehoeftes Bepaal jou voorsiening: Tel bymekaar: + Versekeringspolisse + Beleggings + Kontant + Bates wat verkoop sal word + Groepskema by werk = Total C Tekort in jou boedel (as behoeftes meer as voorsiening is) Behoefte (Totaal A + Totaal B) voorsiening (Totaal C) = R Surplus in jou boedel (as voorsiening meer as behoeftes is) Voorsiening (Totaal C) behoefte (Totaal A + Totaal B) = R 13

15 skakel ons

16 Strandweg 2, Bellville, 7530 Posbus 1, Sanlamhof, 7532, Suid-Afrika T +27 (0) Gelisensieerde verskaffer van finansiële dienste en geregistreerde kredietverskaffer (NCRCP43). Maart 2015