Veldjboeket de veldjer zind in de zoeëmer ee blome kleed Ich stoa verstiljd dat zoeë get sjoeëns besjteet wiej kint zoeë get sjpontaan gebuëre al die sjoeën blome en kluëre margriet en vergeët mich neet wat een blome prach dat om mich heër stjeet klaproeës en kamille ich doeë ze nuij beminne korebloom en dotter die zind allenuij sjoeën ich krieg mien verdeende loeën went ich wanjel doer t Limburgs landj veul ich mit blome mien handj ze stondj uëveral om mich heer es mieër die prachtige blome va ozze leeve Hieër wiej sjoeën is toch de natuur en de blome sind gaar neet duur loate vier de natuur waardere vuur al dat sjoeëns wat ze os deed geëve Wat der zoeëmer bringt t Vasteloavespekske hingt Frisj gewesje in de kas Poasjtek aan inne balk Oppe zulder vas De fieëste van t vreugjoar Hubbe vier gehad En noe wachte vier verlangend Wat der zoeëmer in petto had Witte wolke, der hieëmel blauw Zonnesjtroale op dien gezich Der ene n nuje leefde Der angere bliej mit n vertroewd gezich De zoeёmer kumt! Ich wil naoё boete Ich wil der oet Ich wil mich neet opsjlete Ich blief neet in de boet Boete daoё sjient de zon Ze sjittert in de viever wie in glaas Ich veul de zoeёmer komme Ich ruuk al t graas
Nog effe en t is zoeё wiet De eёrd wurdt weer opgewermd Ich kan der bau neet mieё op wachte Dat de zon mich omermt! Sjprieëwe Dans Wentj de zon onger geet Maak ich mich gereed Da goa ich noa de beënje Kieke noa de sjprieëwe Die hiej zons ongergank gontj vieëre De loef wierd zjwart gevuld t heët zich geloeënd,mien geduld De sjprieëwe danse doer de loef Wat ee sjoeën geluid Zoef Dan opins wat make ze ee leëve Noe zuls te get beleëve Ze make een hels lawaai Dan ene groeëte golvende zjwaai t is wiej een symfonie Ee sjouw sjpieël voltrikt zich hiej Opins dale ze aaf t is moessjtil,en zindj noe braaf Reëgeweer De reëge vilt Mit bek oet gen loch Vertwiefeld dink ich Is t nog neet genog! Mer t blief mer komme De sjtroat wurd n beëk t Reëgent potdomme Al bau n week Mer went de reëge Sjtrakke deed versjtomme Dan hooft de sjproeijwage Algoans neet te komme Pluk d r Daag
In het leëve ontgeet dich van dinger waal ins de zin, Is t allemoal alleen nog mèr te doeën om finansjeel gewin? Gebuërt d r nieks mieër geweun vuur t plezeër, Onger t motto: ich doeën dat gewuën geer. Loate vieër os alleen noch mér leije doeër de waan* van d r daag, woebie d r ene daag alles en de volgende daag gaar nieks maag? t is in ozze tied gewuën neet te geleuve, Dat vieër zoeë diks t leëve neet mieër preuve. Geneet van de klene dinger en pluk d r daag, Of t noë guster woar, murge wurd of t is vandaag. t is dich mèr ins gegeëve, dus geneet d r van, Omdat t vuur dats-te t wits vuurbie zin kan! Ron Logister. Zonnesjien De vreuge zonnesjien Mak leegskes in de nate blaar Va de groeëte beuk,deë aa de uëverkantj sjteet Noa een reëgebuuj laat in de nach Uëversjpant ene reëgeboag dees prach Pieëpel Ummer döl en roeteleboet! Vloog d r pieëpel Noe heëj en dan doa, Heë fladdert alle blumkes noa Va blom bis blom En alles um de buët Wie zich dat gehuët Ee muulke hei, en get nektar doa Ueveral drop en draaf Zoeë fladdert d r pieëpel ozze gaad oet! Jan Halmans Sjilderie De sjtilte van de natuur De ruumte om dich heer Tussje velder of buusje Egaal mit welk weer Zonnesjtroale oppe kop
Of de windj fosj teëge Brakke doer de sjnieë Platsje doer de reëge n Eekheuëre langs der boom n Rieë langs der buusjrandj Patrieze in de vluch ne Reiger aan de waterkantj Sjpeur van knien of haas Of get veëre achter blieëve Paddesjteul op inne sjtorkel Klaproeëze in de klieëve Details in n wonjere welt n Meesterlik groeët sjilderie Gans sjtillekes kiek ich der heer Realiseer mich, ich huër derbie In de ban van de vakantie! Jieëder joar is t weer zoeë wiet, Dan is t weer vakantietied. Juli en Augustus zunt traditioneel, Es vakantiemoande één geheel! D r ene noa de angere geet dan, D r tusje oet, es t effe kan! Sommige hubbe t dan noch vuur zich, Die hubbe in september een vakantiegezich! Mér in t vuurtraject kin-ste diene lol al op, Dan sjeet waal ins t gezin op d r kop! Went woeë heër geet de rees dit joar? Dan begint al t ieësjte bezjwaor! Zon, cultuur, fieëste, sjtrandj, auto, vlege of bus? Hotel, camping, huuske, pension is de vroag aldus! t Oetzeuke van de besjtumming is ooch n fieës, En lieëvert altied op inne sjoeëne prieës! Neet alleen de buësj wieërd getorpedeerd, Ooch t vruije begint dan, dat is gans get weërd! Mos-te dich loate inente of n nuuj koffer hubbe? Nuuj zjwumsjpulle?, vreëm geldj?, van al om uëver te dubbe! Bekieke wat d r allemoal te doen is en te beleëve, Joa, vuur dat-ste gees, begint al t vakantieleëve! En is d r daag van t vertrik dan eenmoal gekomme, Mos-te flot goan genete en t dich good loate bekomme! Went helaas zoeë wie dat in t leëve geet, Is ooch vakantie get dat neet vuur altied besjteet! In de ban van de vakantie zunt vier n hieële tied,
Doa noa is d r de herinnering, die wille vier neet kwiet! De bagage van ozze leëvesweëg vulle vier doa mit aan, En hopelijk kinne vier d r dan weer n joar teëge aan! Ron Logister.