Navorsingsvoorstel TITEL VAN DIE VOORSTEL

Transcriptie

1 Navorsingsvoorstel TITEL VAN DIE VOORSTEL Naam en van: MY Naam Studentenommer: Graad: MCom Bedryfsielkunde Formaat: Skripsie Kontakfoonnommer: +27 sel E-pos: Adres: Posbus, posadres, stad, kode Studieleier: Prof./Dr./Mnr./Mev. Mede-studieleier: Indien van toepassing - Prof./Dr./Mnr./Mev. Datum van voorlegging: 16 Maart

2 1 TITEL: Gee die voorgestelde titel van die verhandeling. 2 SLEUTELWOORDE: Lys sleutelwoorde wat aan jou onderwerp verwant is. 3 INLEIDING 3.1 Probleemstelling Gee die agtergrond van die studie. Waarom dink jy dat n sekere probleem bestaan, en waarom stel jy belang om hierdie probleem op hierdie tydstip by hierdie organisasie te bestudeer? Hoe het die probleem ontwikkel/wat het daartoe gelei/dit veroorsaak? Wat is die impak hiervan op die werknemers en/of organisasie wat dit regverdig om dit met n navorsingsprojek aan te spreek? Die WAT-? en WAAROM-? vrae moet in jou probleemstelling beantwoord word. Die probleemstelling moet die volgende insluit: Die probleem moet op n manier voorgestel word wat die leser se aandag sal trek en behou. Die agtergrond en omgewing van die probleem moet op so n wyse verskaf word dat dit die konteks en die dinamiek van die probleem skets. Die motivering vir die studie moet gegee word om die rasionaal van die studie te verduidelik. Die huidige vlak van bestaande kennis van die subprobleme moet verskaf word (met ander woorde relevante literatuur moet verskaf word wat is in vorige navorsing bevind? Hoe het vorige navorsers die probleem/veranderlikes gedefinieer, en wat het hulle gedoen om dit op te los/aan te spreek? Indien jy in meer as een veranderlike belangstel, wat is die verwantskappe tussen hierdie veranderlikes wat deur vorige navorsing beklemtoon is?) Definieer jou belangrikste konstrukte uit die literatuur. Indien jou titel Die werksbetrokkenheid en werkstevredenheid van chemiese ingenieurs is, moet jy werksbetrokkenheid en werkstevredenheid omskryf en verduidelik wat 'n chemiese ingenieur is. Dit is hier veral belangrik om die skakeling van konseptualisering na operasionalisering te maak. Indien jy byvoorbeeld van die Maslach Burnout Inventory gebruikmaak om uitbranding te meet, moet jy uitbranding op dieselfde manier beskryf as wat Christine Maslach uitbranding gekonseptualiseer en omskryf het. Jy moet n rigtinggewende teoretiese raamwerk hê, en dus aandui watter modelle en teorieë van toepassing is op die probleem wat jy wil ondersoek. Die inleiding kan vyf of ses bladsye lank wees. 3.2 Navorsingsvrae Stel die vrae hier wat jy met jou studie wil beantwoord. Hou die volgende in gedagte wanneer jy jou navorsingsvrae formuleer: 2

3 1. Navorsingsvrae moet die probleemstelling beantwoord. 2. Dit moet duidelike konsepte wees. 3. Vermy vrae wat met ja of nee beantwoord kan word. 4. Vrae moenie te wyd, te vaag of te beperk wees nie. 5. Sluit slegs een onderwerp per vraag in. 6. Vrae moet n oorspronklike bydrae tot die studie lewer. 7. Vrae moet die navorsing rig. 3.3 Verwagte bydrae van die studie Beskryf hier wat die verwagte waarde en bydrae van die studie sal wees. Hoe spreek hierdie studie die huidige beperkings in teorie en/of praktyk aan? Hierdie afdeling moenie langer as 1/3 van n bladsy wees nie. 4 NAVORSINGSDOELWITTE Die navorsingsdoelwitte word in n algemene doelwit en spesifieke doelwitte verdeel. 4.1 Algemene doelwit Die algemene doelwit van hierdie navorsing is om.. Gee hier die kern van die studie. Kyk weer na jou paragraaf aan die einde van die probleemstelling. Daar kan baie kleiner doelwitte wees, maar wat is die kern van die studie? 4.2 Spesifieke doelwitte Die spesifieke doelwitte van hierdie navorsing is: Dit moet met jou navorsingsvrae ooreenstem. As een van die navorsingsvrae byvoorbeeld is Hoe word welstand in die literatuur gekonseptualiseer?, moet die ooreenstemmende doelwit wees Om werksonsekerheid uit die literatuur te konseptualiseer. 5 NAVORSINGSHIPOTESE Stel kortliks jou verwagting in terme van jou empiriese navorsingsvrae wat verwag jy om te uit te vind? Jou hipoteses moet deur n grondige teoretiese raamwerk gerig word en op relevante literatuurbevindings gegrond wees. 3

4 6 NAVORSINGSONTWERP 6.1 Navorsingsbenadering Volg die riglyne van SAJIP: Gee n kort beskrywing van die navorsingsbenadering wat in die studie gevolg gaan word. Motiveer ook waarom dit die paslikste ontwerp is om vir die doel van jou studie te gebruik. Dit moet byvoorbeeld sê dat die studie die kwantitatiewe tradisie gaan volg en verder verduidelik of dit n deursnee-veldopname gaan wees, n eksperiment of n faktoriaalontwerp, en waarom hierdie ontwerp gekies word. Verder moet dit verduidelik watter soort data (primêr of sekondêr) gebruik sal word en watter benadering (byvoorbeeld deur korrelasie) in die data-ontleding gebruik gaan word. Hierdie afdeling is nie dieselfde as die beskrywing van die navorsingsprosedure nie. 6.2 Navorsingsmetode Literatuuroorsig In fase 1 sal n volledige oorsig oor (jou konstrukte) gedoen word. Die bronne wat geraadpleeg sal word, sluit in: 1 2 Waar gaan jy goeie inligting oor jou navorsingsonderwerp kry? Noem al die verskillende bronne (tydskrifte, boeke, internet, ens.) wat jy gaan raadpleeg. Verskaf ook die sleutelwoorde wat jy gaan gebruik Deelnemers aan die navorsing Volg die riglyne van SAJIP: Gee hier n omvattende beskrywing of skatting van die teikenpopulasie, steekproefgrootte, steekproefraamwerk, moontlike eienskappe van die steekproef en die steekproefnemingsprosedure. Motiveer waarom jy hierdie deelnemers gaan insluit en hoe dit sal help om jou navorsingsvrae te beantwoord Meetinstrument(e) Volg die riglyne van SAJIP: Beskryf hier die meetinstrument(e) wat in die studie gebruik sal word of die manier waarop die konstrukte geoperasionaliseer sal word. Benewens die duidelike verwysing na die oorsprong van die skaal, moet hierdie afdeling ook die basiese skaalontwerp verduidelik, asook die getal dimensies wat deur die skaal gedek word, goeie voorbeelde van items (nie dié wat in die skaal gebruik word nie) in elke dimensie, sowel as n voorbeeld van die responsgraderingskaal. Daar moet ook aangedui word watter items negatief bepunt of gereflekteer word en hoe totale tellings bereken word. Hierdie afdeling moet ook verslag doen oor die betroubaarheid en geldigheid van die skaal (soos in ander studies genoem), asook die rasionaal vir die gebruik van hierdie skaal in die studie. 4

5 6.2.4 Navorsingsprosedure Volg die riglyne van SAJIP: Hierdie afdeling stel die prosedure wat gebruik gaan word om die data vir die studie te versamel. Spesifieke aandag moet aan die duidelikheid van die navorsingsprosedure vir moontlike herhalingsdoeleindes gegee word Statistiese ontleding (derdevlak-opskrif) Verskaf gedetailleerde inligting oor die statistiese prosedures wat vir die ontleding van die data gebruik gaan word. In die geval van ongewone of nuwe statistiese tegnieke, moet n kort beskrywing van elkeen onder hierdie opskrif gegee word. Daar moet ook aangedui word watter statistiese tegniek gebruik gaan word om elke navorsingsvraag te beantwoord. 7 HOOFSTUKVERDELING Die hoofstukke in hierdie skripsie word soos volg aangebied: Hoofstuk 1: Inleiding. Hoofstuk 2: Navorsingsartikel. Hoofstuk 3: Gevolgtrekkings, beperkings en aanbevelings. Indien jy meer as een artikel het, moet jy aandui watter navorsingsvrae in elke navorsingsartikel beantwoord gaan word. 8 TYDRAAMWERK Sluit n tydsraamwerk vir jou beplande aktiwiteite in. VERWYSINGS Noem alle (en slegs daardie) bronne wat jy in bostaande teks gebruik het. Doen dit korrek volgens die APA-riglyne. 5