TOELATINGSBELEID. (ii)artikels 3 (3), 3 (4) (i) en 5 van die Wet op Nasionale Onderwysbeleid nr 27 van 1996 ( die WNOB );

Transcriptie

1 1. AGTERGROND: LAERSKOOL DE TYGER TOELATINGSBELEID Laerskool De Tyger is n openbare skool met regspersoonlikheid kragtens die bepalings van artikels 15 en 52 van die Suid-Afrikaanse Skolewet nr 84 van 1996, soos gewysig ( die SASW ). Die Beheerliggaam is kragtens die bepalings van artikel 5 van die SASW gemagtig om die Skool se beleid rakende die toelating van leerders tot die skool en tot grade by die skool te bepaal, onderworpe aan die bepalings van die SASW (SA Skolewet) en die WKSOW.(Wes-Kaap Skole Onderwyswet) Die Beheerliggaam neem deeglik kennis van die volgende statutêre bepalings wat verband hou met die toelating van leerders tot die Skool of tot verskillende grade by die Skool ( die bepalings ): (i)die Grondwet van die Republiek van Suid-Afrika vervat in Wet nr 108 van 1996 ( die Grondwet ), in die besonder artikel 28(2) wat as volg bepaal: 'n Kind se beste belang is van deurslaggewende belang in elke aangeleentheid wat die kind raak.; (ii)artikels 3 (3), 3 (4) (i) en 5 van die Wet op Nasionale Onderwysbeleid nr 27 van 1996 ( die WNOB ); (iii)die Toelatingsbeleid vir Gewone Openbare Skole, gepubliseer deur die Minister van Opvoeding in Staatskoerant nr gedateer 19 Oktober 1998 (Kennisgewing nr 2432/98) ( die Ministeriële Beleid ); (iv)die Ouderdomsvereistes vir Toelating tot n Gewone Openbare Skool, gepubliseer deur die Minister van Opvoeding in Staatskoerant nr gedateer 19 Oktober 1998 (Kennisgewing nr 2433/98) (v)subartikels (4) tot (10) van die WKSOW. Die Skool en sy Beheerliggaam verwys na die tersaaklike gedeeltes van die bepalings tot die mate waartoe dit geldig en bindend op hulle is en voorrang mag geniet bo die Beheerliggaam se bevoegdheid om die toelatingsbeleid van die Skool te bepaal, maar is vas van voorneme om die Skool se toelatingsbeleid ten volle te implementeer binne die raamwerk van die bepalings en enige ander toepaslike bepalings wat van tyd tot tyd mag geld. Die Beheerliggaam neem kennis van die feit dat die Hoof van die Onderwysdepartement

2 in die Wes-Kaap die Wes-Kaapse Provinsiale Wet op Skoolonderwys, 1997, gewysig het om die Wet in ooreenstemming te bring met die Suid-Afrikaanse Skolewet, 1996 (Wet 84 van 1996), betreffende woordomskrywings.(buitengewone Provinsiale Koerant /10/2010); a) elkeleerdergeregtig is op gewone basiese onderwys by sy of haar naaste gewone openbare skool, vir sover dit redelikerwys uitvoerbaar is; (b) elkeleerdergeregtig is op gelyke billike toegang tot openbare skole; (c) elkeleerderdie reg het op moedertaal om onderwys in die amptelike taal of tale van keuse te ontvang, met inbegrip van die reg om sy of haar moedertaal enige amptelike taal as vak te neem, vir sover dit redelikerwys uitvoerbaar is; (d) [elkeleerderdie reg het om godsdiensonderwys te ontvang vir sover dit redelikerwys uitvoerbaar is; Die Beheerliggaam, namens die Skool, verklaar hiermee dat die Skool se Beleid vir die Toelating van Leerders tot die Skool of tot die Verskillende Grade by die Skool ( hierdie Beleid ), die volgende is: 2. AANSOEKE OM TOELATING TOT DIE SKOOL: 2.1 DISKRIMINASIE Geen onbillike diskrimasie ten opsigte van toelating rakende ; geslag, ras, seksuele oriëntasie of geloof sal by die Laerskool De Tyger aanvaar word nie. 2.2 TOELATING: Alle aansoeke om toelating tot die skool moet namens die leerder deur sy/haar natuurlike ouer/s of ander wettige voog of die persoon in wie se bewaring die leerder kragtens hofbevel geplaas is, of n persoon deur eersgemelde persoon/persone skriftelik daartoe gemagtig, gedoen word. Totdat die Onderwysdepartement n ander aansoekvorm mag voorskryf, moet alle aansoeke om toelating tot die Skool op die aansoekvorm waarvan, en wat deur die prinsipaal voorsien moet word, gedoen word Die prinsipaal moet verseker dat ouers die nodige bystand verleen word om die aansoekvorm te voltooi, en moet die ouers meedeel dat dit n oortreding is om n vals verklaring oor die leerder se ouderdom te maak VERPLIGTE DOKUMENTASIE EN/OF INLIGTING BENODIG VIR TOELATING Benewens die aansoekvorm moet die volgende dokumente en/of inligting aan die prinsipaal as verteenwoordiger van die Beheerliggaam voorsien word:

3 die oorspronklike of n gesertifiseerde afskrif van die geboortesertifikaat of identiteitsdokument van die leerder indien dit nie beskikbaar is nie, sal die leerder slegs voorlopig toegelaat word hangende die verkryging van n afskrif vanaf die Departement Binnelandse Sake binne drie maande na datum van inskrywing; n gesertifiseerde afskrif van die identiteitsdokument asook die naam, woonadres, werksadres en alle telefoon- faks- of posbesonderhede van elke persoon wat val binne die omskrywing van ouer van die betrokke leerder in terme van die SASW; n gesertifiseerde afskrif van die Hofbevel ter bewys van die voogdyskap of bewaring of enige soortgelyke reg van die persoon ( ouer ) wat daarop aanspraak maak; besonderhede van enige aanmeldbare siekte waaraan die leerder ly; bewys dat die leerder geïmmuniseer is teen polio, masels, tuberkulose, diphtheria, tetanus en hepatitus B indien die ouer nie in staat is om die nodige bewyse te lewer nie, moet die prinsipaal die ouer inlig dat die leerder geïmmuniseer kan word in terme van die primêre gesondheidsorg program; indien die leerder van n skool in ander provinsie oorgeplaas word, die oorplasingsertifikaat deur die prinsipaal van die vorige skool voltooi indien sodanige sertifikaat nie beskikbaar is nie, mag die leerder tot die skool toegelaat word en in n bepaalde graad geplaas word op grond van die volgende dokumentasie: - die jongste skoolrapport van die vorige skool en verslag van die vorige skool; - n beëdigde verklaring van die ouer waarin die rede vir die niebeskikbaarheid van die oorplasingsertifikaat en die graad waarin die leerder in die vorige skool was, vermeld word; Leerders afkomstig uit skole binne die WKOD, moet hul oorplasingsvorm hê alvorens hul aansoek oorweeg sal word; besonderhede van enige ernstige oortreding waarvan die leerder skuldig bevind mag gewees het deur n hof of n beheerliggaam van n vorige skool deur die leerder bygewoon; besonderhede van enige spesiale behoeftes wat die leerder mag hê ten einde sinvolle onderrig by die Skool te kan ontvang;

4 besonderhede van enige toestand of omstandighede waarvan die Skool bewus moet wees ten einde die beste belange van die leerder en/of die ander leerders van die Skool te verseker. Oorouderdom leerders sal nie toegelaat word nie. By toelating mag leerders nie ouer te wees as: Gr. R - 8 jaar Gr jaar Gr. 1-9 jaar Gr jaar Gr jaar Gr jaar Gr jaar Gr jaar Uitgesette leerders van ander skole wat nie meer skoolpligtig is nie, word nie toegelaat nie. Uitgesette leerders van ander skole wat skoolpligtig is, se aansoeke sal deur die Beheerliggaam hanteer word. Leerders wat n suksesvolle dwelmrehabiliteringsprogram deurloop het sal n sertifikaat hiervan moet toon by toelating asook onderneem op op n kwartaalikse basis n mediese evaluering vir dwelms te ondergaan en die nodige toetsingsertifkaat aan die Skool te lewer.die koste verbonde aan sodanige toetsing sal vir die rekening van die ouers/voog wees) 2.3 TOELATING VAN NIE-BURGERS: Die SASW en hierdie Beleid is ook van toepassing op leerders wat nie burgers van die Republiek van Suid-Afrika is nie en wie se ouers in besit is van n tydelike of permanente verblyfpermit uitgereik deur die Departement Binnelandse Sake. n Leerder wat kragtens n studiepermit in die land is moet die studiepermit voorlê tydens sy/haar aansoek om toelating tot die Skool. Persone geklassifiseer as onwettige vreemdelinge moet, wanneer hulle aansoek doen om toelating van hul kind of kinders tot die Skool, bewys lewer dat hulle aansoek gedoen het by die Departement Binnelandse Sake om hulle verblyf in die land te wettig ingevolge die Wet op Vreemdelinge-Beheer nr 96 van VOORKEURORDE VAN TOEPASSING OP AANSOEKE OM TOELATING: Die Skool se natuurlike voedingsbron word beskou as die gebied wat geleë is: Oral waar Laerskool De Tyger die naaste is vanaf die leerder (vanaf sy wettige ouer/voog) se amptelike residensiële adres tot by die skool. Geldige bewyse moet gelewer kan word.

5 Die skool se natuurlike voedingsarea sluit in: Avondale, Oostersee, De Tijger, Plattekloof, Tygerberg Heuwels, Parow-Noord (oos van McIntyrestraat), Parow-Oos (noord van treinspoor). Breër omliggende Parow en Goodwoodarea Ander gebiede, waar versoek. Kinders van buite die opvangsgebied word op ad hoc basis hanteer deur die Beheerligaam. Voorkeur sal byvoorbeeld gegee word waar ouers reeds positiewe bande met Laerskool de Tyger het, bv. Weens broers of susters wat reeds in die skool is of was. Laerskool De Tyger is tans n Afrikaansmedium skool waar Afrikaans die taal van onderrig is, toegerus met n personeel om primêr te voorsien in die behoeftes van leerders wie se moedertaal of onderrigtaal Afrikaans is. Terwyl die Skool en die Beheerliggaam bewus is daarvan dat hulle nie onregverdig mag diskrimineer teen n leerder namens wie aansoek om toelating gedoen word nie, en geensins van voorneme is om sodanig te diskrimineer nie, en terwyl hulle begerig is om n rol te speel in die opvoeding van leerders in vennootskap met die Staat, aanvaar hulle dat die Skool nie alle leerders kan akkommodeer nie en dat een of ander proses van geregverdigde onderskeid betreffende die toelating van leerders onvermydelik is. Derhalwe, in die lig van bogenoemde, is dit die Skool se beleid om die volgende faktore te gebruik met betrekking tot aansoeke om toelating tot die Skool te gebruik, in volgorde van belangrikheid: Eerstens, n reeds bestaande band met die skool. Let wel dat bestaande bywoning in Gr. R n groot aanbeveling vir toelating tot graad 1 is, alhoewel dit nie n waarborg is nie. Bywoning in Gr. 1-6 is waarborg tot toelating Gr. 2-7 (mits hul bevorder word) of hertoelating tot Gr. 1-6 (indien nie). Tweedens, broers en susters van leerders wat reeds by die Skool ingeskryf is. Derdens, leerders wat permanent woon by hul ouer(s) (soos omskryf in die SASW) binne die Skool se natuurlike voedingsbron en wie se moedertaal Afrikaans is. Vierdens, leerders wat permanent woon by hul ouer(s) (soos omskryf in die SASW) binne die Skool se natuurlike voedingsbron en wie se gekose medium van onderrig (welke keuse deur die ouer(s) uitgeoefen is in die aansoek om toelating), Afrikaans is. Vyfdens, leerders wie se ouer(s) werklik werksaam is by n adres binne die Skool se natuurlike voedingsbron en wie se moedertaal Afrikaans is. Sesdens, leerders wie se ouer(s) werklik werksaam is by n adres binne die Skool se natuurlike voedingsbron en wie se gekose medium van onderrig (welke keuse deur die ouer(s) uitgeoefen is in die aansoek om toelating), Afrikaans is.

6 Sewende, leerders wat buite die Skool se natuurlike voedingsbron woonagtig is en wie se moedertaal of gekose medium van onderrig Afrikaans is, op die basis dat eerste aansoeke eerste oorweeg sal word. Te alle stadiums sal beide die belange van leerders wat om toelating aansoek doen asook die belange van alle ander reeds ingeskrewe leerders in ag geneem word om te doen wat in die beste belang van die totale leerdergroep is. Die toelatingsproses is onderhewig aan die kapasiteit van die skool, wat as volg is: 672 leerders in totaal 3 Afrikaanse klasse per graad van gem. 28 leerders elk per klas : Graad R 7 Maksimum leerders per klas : - Grondslag fase (Gr. R 3) maksimum 30 leerders per klas, met n graadgroep van drie klasse 84 in totaal - Intermediêre en Senior Fase (Gr. 4 7) maksimum 35 leerders per klas met n graadgroep van drie klasse 90 in totaal. Die graadmaksima (84 in die Grondslagfase en 90 in die Intermediêre en Senior Fases) mag slegs met die voorafgoedkeuring van die Beheerliggaam oorskry of aangepas word. Sodanige goedkeuring sal slegs in uitsonderlike gevalle verleen word, in belang van alle leerders by die skool. Waar die aansoeke in kategorieë 1 en 2 hierbo (druipelinge, bevorderings, en bestaande broers of susters reeds in die skool) opsigself reeds die graadmaksimum vir n graad oorskry sal sodanige toestemming gewoonlik verleen word. Die graadmaksima sal dan verhoog word na 90 in die Grondslagfase en 105 in die Intermediêre en Senior Fases. Die aantal kinders om toe te laat in Graad R sal jaarliks bepaal word in die lig van die verwagte aantal leerders in grade 1 tot 7 en die totale kapasiteit van die skool (die 672 leerders). 2.5 REG VAN APPÉL: Enige leerder of die ouer van enige leerder wat toelating tot die Skool geweier is, mag appelleer na die LUK vir Onderwys in die Wes-Kaap in terme van artikel 5(9) van die SASW. (Sien ook: Buitengewone Provinsiale Koerant /10/2010). 2.6 LEERDERS MET SPESIALE ONDERWYSBEHOEFTES: Leerders met spesiale onderwysbehoeftes sal tot die Skool toegelaat word mits dit prakties uitvoerbaar is met verwysing na die Skool se fasiliteite en dit ook in die beste belang van die betrokke leerder asook ander leerders van die Skool is.

7 Waar die nodige fasiliteite om in die behoeftes van die betrokke leerder te voorsien nie beskikbaar is nie, moet die prinsipaal die aansoek na die Hoof van Onderwys verwys ten einde die leerder tot n gepaste openbare skool toe te laat. 2.7 TOELATINGSREGISTER: Die skoolhoof moet n toelatingsregister aanhou waarin alle toelatings van leerders tot die Skool aangeteken word. Die register moet die naam, geboortedatum, ouderdom, identiteitsnommer (indien van toepassing) en adres van die leerder sowel as die name, adresse en telefoonnommers (indien van toepassing) van die leerder se ouers, soos gedefinieer in die SASW, bevat. Inskrywings in die toelatingsregister moet gekontroleer word teen die geboortesertifikaat of identiteitsdokument van die leerder. Amptenare van die Wes-Kaap Onderwysdepartement het insae in die toelatingsregister. 2.8 REGTE EN VERPLIGTINGE VAN OUERS: Die ouer(s) moet deur middel van hierdie Beleid kennis neem dat verpligte skoolgelde by die Skool betaalbaar is, deurdat die ouers die vorige jaar op n behoorlik saamgestelde ouervergadering (waarvan ten minste 30 dae vooraf kennis gegee is) die Beheerliggaam se voorgestelde begroting goedgekeur het en die bedrag van die skoolgelde vasgestel het. Kragtens die Skolewet is ouers verplig om skoolgelde te betaal, tensy hulle op vrystelling geregtig is so hieronder vermeld. Die ouer(s) moet verder kennis neem dat die bogemelde ouervergadering ook maatstawwe en prosedures goedgekeur het vir die algehele of gedeeltelike vrystelling van die betaling van skoolgelde deur ouers wat nie finansieël in staat is om die skoolgelde ten volle te betaal nie. Ouer(s) moet daarop let dat die gesamentlike bruto inkomste van almal wat binne die omskrywing van ouer in SASW val, by die oorweging van kwytskelding in ag geneem moet word. Verdere besonderhede van gemelde maatstawwe en prosedures, asook die nodige aansoekvorm, is by die skool beskikbaar. Afskrifte van die Skool se Gedragskode vir Leerders asook hierdie Beleid moet by die aansoek om toelating aan die ouer(s) beskikbaar gestel word, en die ouer(s) moet deur middel van hierdie daarop gewys word dat die leerder onderworpe is aan die Gedragskode ongeag of hy/sy of die ouer(s) dit onderskryf, kragtens artikel 8(4) van die SASW en artikel 32(3) van die WKSOW. Ouers se aandag word daarop gevestig dat die Gedragskode ook n Kode van Regte en Pligte bevat, waarin al die belanghebbendes van die Skool se regte en pligte uiteengesit word. Ouers moet teken dat hulle die gedragskode ontvang het. 2.9 DIE BEHEERLIGGAAM EN DIE LEERDERS VAN DIE SKOOL:

8 Alle leerders is geregtig op die uitoefening van hul regte en onderworpe aan die nakoming van hul pligte soos uiteengesit in die Skool se Kode van Regte en Pligte, as deel van die Gedragskode vir Leerders. Die Beheerliggaam beskou dit as sy plig om die opvoeders, leerders, ouers en nieopvoederpersoneel van die Skool teen fisiese en geestelike geweld te beskerm met die volle magte tot sy beskikking, en om die fisiese, geestelike en morele welstand van leerders te ontwikkel. Ten einde hierdie doelstelling te bereik, behou die Beheerliggaam die reg voor om: die dissiplinêre rekord van enige voornemende leerder van die Skool te bestudeer en om alle stappe binne sy bevoegdhede te neem om die toelating tot die Skool van n leerder wie se optrede of gedrag die bogemelde belange mag bedreig, te voorkom; teenstand te bied teen en die wysheid te bevraagteken van die plasing van n leerder in n bepaalde graad in die Skool indien die leerder ernstig benadeel sal word weens sy/haar onvermoë om sinvol te kommunikeer of mee gekommunikeer te word op die vlak wat nodig is vir behoorlike onderrig in die betrokke graad; sodanige maatreëls as wat prakties moontlik is te tref, in ag genome die bepaalde omstandighede by die Skool, om n gestremde voornemende leerder tot die Skool toe te laat; van enige lid van die personeel, leerder of ouer te verwag om enige miskenning van daardie regte en belange wat die Beheerliggaam poog om te beskerm, aan die Beheerliggaam te rapporteer DIE OUERS EN DIE SKOOL / BEHEERLIGGAAM: (Vorm aangeheg) Die ouer(s) / voog(de) van die leerder word versoek om die aangehegte toestemming te onderteken, waardeur die personeel van die Skool gemagtig word om in enige noodgeval in die beste belang van die leerder op te tree of om die leerder se pyn of ongerief te verlig, totdat die ouer(s) / voog(de) kan oorneem. Die ouers van leerders van die Skool beskik oor verskeie regte, en word in hierdie verband verwys na die Kode van Regte en Pligte synde deel van die Gedragskode vir Leerders. Onder andere het hulle die reg om geraadpleeg te word in die formulering van die Skool se Taal- en Godsdiensbeleid en Gedragskode, of enige wysiging daarvan. Ouers word aangemoedig om betrokke te raak by al die werksaamhede van die skool, om leerders by te staan met hul huiswerk en om toe te sien dat hul kind behoorlik toegerus is om te volle in die leerproses te kan deelneem en om die Skool stiptelik en gereeld by te woon.

9 2.11 CHRISTELIKE KARAKTER Laerskool De Tyger strewe na n Christelike, waardegedrewe lewenstyl met die akkomodering van ander gelowe. Van leerders word verwag om die volgende te eerbiedig: VCSV, saalpraatjies, Bybelonderrig. Geen georganiseerde sport word op Sondae op die skoolterrein toegelaat nie ETOS Die leerders moet die kultuur, tradisies, simbole en etiese waardes van die skool eerbiedig. Leerders moet die nasionale en skoolsimbole eerbiedig. Die voorgeskrewe skooldrag is verpligtend. Leerders moet hulle neerlê by die skoolreëls en moet die gesagstrukture van die skool eerbiedig WYSIGING VAN BELEID: Hierdie Beleid kan van tyd tot tyd deur die Beheerliggaam gewysig of aangevul word. F.G. du Toit Datum H.N. van der Colff Datum