80+TREFFERS EN TROOSKOS VIR DIE WINTER. BAK EN LÊ IN Hier s die soetste verleidings en flesse vol bêrekos

Transcriptie

1 R19,95 (R2,45 BTW ingesluit) Ander lande: R17,50 (sonder belasting) VIR DIE WINTER TREFFERS EN TROOSKOS MAAK DIT VANAAND Kyk wat doen ons alles met vleis, hoender, wild, groente en bone BAK EN LÊ IN Hier s die soetste verleidings en flesse vol bêrekos

2

3 Winterkos INHOUD W INTER- TYD gee ek nie om om baie tyd voor die stoof deur te bring nie. Dis al asof die hitte en kosgeure my veilig en geborge laat voel en laat terugdink aan ons ou plaaskombuis met sy bekende geure van brood bak en konfyt kook. Dan trek ek met geesdrif die knieskottel nader (met ons lekker idees vir bak met gekoopte brooddeeg is brood bak in elk geval nou sommer kinderspeletjies), of haal die ingebakte pannekoekpan van die haak al het ek die kuns van pannekoek bak nog nie so goed soos my tagtigplusser-skoonma bemeester nie. Sy bederf ons graag met n baksel pannekoek sodra die koue begin toeslaan. Maar in die winter kry ek veral lus vir konfyt kook en inlê. Ek vries selfs die somer se vrugte en wanneer die weer koeler begin word, kook ons appelkooskonfyt of maak blatjang. Dis nie nodig om rye en rye bottels vol te kook nie een of twee wat jy sommer in die mikrogolf maak, verskaf ewe veel genoegdoening. Bredie maak en sop kook is ook mos sinoniem met die winter. In my kombuis is die soppot lekker groot sodat ons n goeie kooksel aan die gang kan kry. Ek verkies n lekker dik sop met lensies, tamaties, bone of wat ek ook al in die kas het. Dan skep ons diep sopkommetjies goed vol en lê met smaak daaraan weg. Vir gaste skink ek selfs deesdae mooi teekoppies met sop in om voor ete te geniet. In hierdie winterkosboek is daar talle idees vir al dié lekker wintersmake, selfs resepte vir wild gaarmaak. Party verg n bietjie meer tyd; ander is sommer binne minute kant en klaar. Lekker smul! REDAKSIE Hoofredakteur Izelle Venter Redakteur: Huisgenoot Julia Viljoen Redakteur: Leefstyl Liezel Joubert Redakteur: HG Beste Resepte Carmen Niehaus Fotograaf: HG Beste Resepte David Briers Hoof: Handelsmerkuitbreidings Joan van Zyl Medewerker Bernice van der Merwe Teksredakteurs Gerda Engelbrecht, Elna van der Merwe Kreatiewe redakteur Mari van der Berg Ontwerphoof Lynn Greef Voorbladontwerp Anton Sassenberg Ontwerpers Randall Arries, Melanie Smook Produksiebestuurder Jacques du Plooy Reproduksie Jéan Koegelenberg Kopiekoördineerder Christine Smith Bemarkingskoördineerder Dalena Theron Administratiewe assistent Vanessa Holies ROOIVLEIS 5 WILDSVLEIS 21 HOENDER 13 PEULGROENTE 27 GROENTE 33 VRUGTE 45 DEEG 55 MEDIA24 WEEKLIKSE TYDSKRIFTE Hoofbestuurder Charlene Beukes Uitgewer Nerisa Coetzee Publikasiebestuurder Deon van der Westhuizen Sirkulasiebestuurder Coenie Slabber Intekenare Bianca Meeser (bestuurder) , Chantal Rodgers Nasionale advertensieverkope Craig Nicholson (sakebestuurder) , Liesel Bredenkamp (Jhb.) , Yvette Jones (Kaapstad) , Eugene Marais (KZN) , Denise Wilkinson (direkte verkope) , Elmarie Vermeulen (digitaal) Uitvoerende hoof: Media24 Tydskrifte John Relihan Finansiële hoof: Media24 Tydskrifte Raj Lalbahadur Hoofbestuurder: markte Willem Breytenbach Groep-advertensiehoof Eureka Zandberg Groep-sirkulasiehoof André Stander HUISGENOOT 2012; ALLE REGTE VOORBEHOU UITGEGEE DEUR MEDIA24 WEEKLIKSE TYDSKRIFTE Gedruk deur Paarl Media Cape HOOFKANTOOR Heerengracht 40, Kaapstad 8001 of Posbus 1802, Kaapstad Tel Faks JOHANNESBURGSE KANTOOR Protea Place 5, Proteapark, Sandown 2196 of Posbus , Sandton Tel Faks E-POS huisgenoot@media24.com; WEBTUISTE huisgenoot.com NAVRAE OOR GEBRUIK VAN MATERIAAL NAVRAE INTEKENARE Huisgenoot_inteken@media24.com WINKELS coenie.slabber@media24.com

4

5 Winterkos ROOIVLEIS ROOIVLEIS BLY KONINGSKOS Al word vleis ook hoe duur, ons bly n nasie van vleiseters. Daarom moet n mens mooi werk om die beste te maak van daardie kosbare stukkie lekkerte WERD OM TE WEET 1 DROË HITTE VIR SAGTE VLEIS Beesagterkwart is sappig. Maak dit volgens n droëhitte-metode gaar. Geen vloeistof word bygevoeg nie en die vleis word direk op die hitte gaargemaak, bv. deur dit te rooster, panbraai en oondbraai. Oondbraai by 160 C is vir snitte wat meer as 1,5 kg weeg. Die bak is oop, nie toe nie. S LIGGAAR minute per 500 g plus 15 minute. S MEDIUMGAAR minute per 500 g plus 20 minute. VRIES VERSTANDIG: PAK NET GENOEG VLEIS VIR EEN ETE IN N SAKKIE 2 KLAM HITTE VIR TAAIER VLEIS Snitte uit die voorkwart van die bees is geuriger, maar taaier. Gebruik lang klamhitte-gaarmaakmetodes, bv. stowe, smoor, potbraai en in n baksakkie gaarmaak. Vloeistof word bygevoeg en die vleis word toegemaak. Potbraai (op die stoof) en baksakkies (in die oond by 160 C) is vir snitte van meer as 1,5 kg. S TYD minute per 500 g plus 40 minute ekstra. 3 BRAAI EERS, DAN STOWE Braai stowevleisblokkies eers in olie bruin. Moenie alles op een slag in die kastrol plaas nie, die hitte verlaag te vinnig, die vleissappe loop uit en die vleis is droog. 4 SORG DAT JY REG ONTDOOI Ontdooi vleis in die yskas, dan word die vleissappe herabsorbeer. Moenie in warm water of sonlig ontdooi nie, dit lei tot verlies van vleissappe. (Blaai om) huisgenoot.com 5

6 Winterkos ROOIVLEIS Oondgebraaide beesvleis 6 huisgenoot.com

7 OONDGEBRAAIDE BEESVLEIS GENOEG VIR 8-10 MENSE Bereiding: 10 minute Gaarmaaktyd: 1¼-2 uur Die dy (of binneboud) kan ook in n baksakkie gaargemaak word. 2,5 kg dy of binneboud, maar verkieslik ontbeende lende, netjies sout en vars gemaalde swartpeper olie 1 ui, 4 knoffelhuisies, fyn gedruk 1 kg baba-aartappels, skoongeskrop en gehalveer vars tiemietakkies 6-8 sopbene, ewe groot gesaag botter Voorverhit die oond tot 160 C. 1 Geur die vleis met sout en swartpeper na smaak. 2 Braai die vleis tot oral bruin in n baie warm pan met n bietjie olie. Jy kan dié stap uitlaat as jy wil. 3 Meng die ui en knoffel met die aartappels en skep dit in n oondbraaipan. Giet n bietjie olie oor. Stapel die tiemietakkies boop. 4 Plaas die sopbene regop tussen die groente en plaas die vleisstuk bo-op. Stip met klontjies botter. 5 Oondbraai minute per 500 g plus minute ekstra tot n inwendige temperatuur van 60 C. Bedruip gereeld met panvette. 6 Laat staan die vleis 10 minute voor dit word. WENKE Kook die aartappels tot half gaar, meng met die geurmiddels en bak die laaste 20 minute saam met die vleis. Maak n paar dwars snitte in elke aartappel. Drup n mengsel van gaar spek, grasuie, panvloeistof, sout en peper oor elkeen, draai foelie om elkeen en bak 50 minute saam met die vleis. SAPPIGE OONDGEBAKTE PRIMARIB GENOEG VIR 4-5 MENSE (en oorskiet) Bereiding: 10 minute Gaarmaaktyd: sowat 1½-2 uur 2,5 kg primarib sout en vars gemaalde swartpeper 80 ml (¹ ³ k) droë Marokkaanse vleisvryfmengsel 60 ml (¼ k) olyfolie 3 middelslag-uie, in kwarte 6 aartappels, geskil en in kwarte 3 knoffelhuisies, geskil sap en skil van een suurlemoen Voorverhit die oond tot 160 C. 1 Geur die vleisstuk met sout en peper. 2 Meng die Marokkaanse vleisvryfmengsel met die helfte van die olyfolie. Vryf die mengsel met jou hande goed by die vleis in. 3 Plaas die vleisstuk in n groot, gesmeerde oondbak en oondbraai 40 minute. 4 Voeg die voorbereide uie, aartappels en knoffelhuisies by. 5 Geur die vleis met die sap en skil van die suurlemoen en bedruip die vleis en groente met die orige olyfolie. 6 Oondbraai nog minute of tot net gaar, maar steeds pienk van binne. 7 Laat staan 10 minute voor dit word. 8 Sit die vleis en groente saam met gebraaide kersietamaties voor. (Blaai om) huisgenoot.com 7

8 ROMERIGE TEXAS-KAASSTEAK GENOEG VIR 4 MENSE Bereiding: 20 minute Rustyd: sowat 1 uur of oornag Gaarmaaktyd: 5-10 minute STEAK EN MARINADE 2,5 kg Texas-steak sap en skil van 2 suurlemoene 25 ml (5 t) worcestersous vars gemaalde swartpeper 4 knoffelhuisies, fyn gekap 45 ml (3 e) olyfolie sout BOLAAG 100 g cheddarkaas, gerasper 100 g mozzarellakaas, gerasper 145 g bloukaas, gekrummel 2 eiers, geklits 35 ml heelkorrelmosterd sout en gemaalde swartpeper 30 ml (2 e) gekapte pietersielie gebakte aartappelwiggies en roketslaai vir voorsit 1 STEAK EN MARINADE Sny die steak in porsies van g. Meng die res van die bestanddele vir die marinade behalwe die sout en marineer die steaks oornag of n paar uur. 2 Verhit die oond tot 230 C en verhit n riffelpan tot baie warm. 3 Braai die helfte van die steaks in die verhitte riffelpan. Braai 2-3 minute aan albei kante en sout sodra die steaks geseël is. Wag tot die pan weer baie warm is voor jy die volgende steaks braai. Dit is belangrik om die steaks teen n baie hoë hitte te seël. 4 Skep die gebraaide steaks op n voorbereide bakplaat en laat n paar minute rus. 5 BOLAAG Meng al die bestanddele vir die bolaag en deel die vulsel tussen die steaks. 6 Skep die vulsel op die steaks en rooster sowat 5 minute in die oond. 7 Sit voor saam met gebakte aartappelwiggies en roketslaai. SOET KERRIE VIR DIE HORDES GENOEG VIR MENSE Bereiding: 15 min Gaarmaaktyd: 1 uur Uit Elna de Klerk van Bellville se nimmereindigende resepteskat diep ons hierdie een op n regte boerekerrie waarmee jy baie monde kan kos gee. 6 uie, gekap 4 knoffelhuisies, gekneus 1 groen brandrissie, ontpit en gekap 60 ml (4 e) olie 4 kg maer maalvleis 6 groen piesangs, in stukke 6 groen appels, geskil en grof gerasper 125 ml (½ k) matige geroosterde masala of kerriepoeier 30 g (1 bakkie) vars koljanderblare, gekap (opsioneel) 160 ml ( ²/ ³ k appelkooskonfyt of bruinsuiker 80 ml (¹ ³ k) sultanablatjang 60 ml (¼ k) suurlemoensap 2 blikkies (65 g elk) tamatiepasta 60 ml (¼ k) borrie 6 groot wortels, in dobbelsteentjies 6-8 groot aartappels, in blokkies sout en swartpeper na smaak 1 Braai die uie, knoffel en brandrissie in die helfte van die olie in n groot plat pot of diep kastrol tot sag. Voeg die maalvleis by en roerbraai tot los, maar nie bruin nie. 2 Verhit die res van die olie in n ander pan en roerbraai die piesang, appel en kerriepoeier sowat 5 minute. Voeg dit by die vleis en sprinkel die koljanderblare oor. 3 Meng die res van die bestanddele behalwe die groente. Giet oor die maalvleis en meng deur. 4 Sprinkel die groente oor. Geur met sout en peper. 5 Bedek en laat prut sowat n uur tot geurig en gaar. Voeg n bietjie kookwater by as dit te droog is. 6 Sit die kerrie voor met sambals en krummelrige rys of polenta. 8 huisgenoot.com

9 Winterkos ROOIVLEIS GROOTRIVIER-SKENKELBREDIE BEESVLEIS-RAGÙ MET PASTA GENOEG VIR 6-8 MENSE Bereiding: 15 minute Gaarmaaktyd: 1½ uur Uit Keimoes se wêreld stuur Betta Pole vir ons n heerlike bredie gemaak met lamsvleis. Ons het ekstra knoffel saam met n skeutjie gemmer bygeroer. 1 kg lamskenkels, -nek of -rib, in porsies gesaag meel, gegeur met sout en peper na smaak 25 ml (5 t) olie 2 uie, in stukke 3 knoffelhuisies, gekneus 3 cm-stuk gemmerwortel, fyn gerasper 2 heel naeltjies 6 wonderpeperkorrels 3 kaneelstokkies 100 g droëappelkose 100 g sultanas 100 g droë pruimedante 60 ml (¼ k) tamatiepasta 2-3 wortels, in stukke 2 suurlemoene se sap en skil 3 ml (ruim ½ t) neutmuskaat 250 ml (1 k) ertjies sout en peper na smaak baie pietersielie, gekap koring 1 Rol die vleisstukke in die gegeurde meel en braai in klein hoeveelhede in verhitte olie in n platboompot tot alkant bruin. Skep uit. 2 Verhit nog olie in die pot en roerbraai die uie, knoffel en gemmerwortel tot geurig en sag. Voeg die heel speserye by. Roerbraai tot geurig, sowat 1 minuut. 3 Skep die vleis terug in die pot en voeg die droëvrugte en tamatiepasta by. 4 Verlaag die hitte, voeg n bietjie warm water by en laat prut tot die vleis byna sag is, sowat n uur. 5 Voeg die wortels, suurlemoen en neutmuskaat by en laat prut tot die wortels net sag is. 6 Voeg die ertjies by, geur met sout en peper na smaak en verhit tot warm. 7 Sprinkel die gekapte pietersielie oor en sit voor met rys of koring. GENOEG VIR 4 MENSE Bereiding: 15 minute Gaarmaaktyd: minute 30 ml (2 e) olyfolie 30 g botter 1 ui, grof gekap 2 knoffelhuisies, fyn gekap 1 seldery, grof gekap 1 wortel, geskil en gerasper 30 ml (2 e) pietersielie, grof gekap g gaar oorskietribvleis, in repies 1 blik (410 g) gekapte tamaties 5 ml (1 t) sagte bruinsuiker 200 ml droë witwyn 200 ml water sout en vars gemaalde swartpeper 150 ml (²/ ³ k) room 300 g pasta van jou keuse basilieblare om mee voor te sit 1 Verhit die olyfolie en botter in n kastrol en braai die ui, knoffel, seldery, wortel en pietersielie n paar minute. 2 Roer die vleis, tamaties, bruinsuiker, witwyn en water by die uimengsel in en laat 20 minute prut. Geur na smaak. 3 Roer die room by en laat prut nog 10 minute. 4 Kook intussen die pasta volgens die aanwysings op die pakkie, dreineer en skep in n groot opdienbak. 5 Skep die vleissous oor die pasta en garneer met basilieblare. (Blaai om) WENKE Vervang die oorskietvleis met beesmaalvleis. Vul die ragù met spek aan as die vleis te min is. Voeg knypies paprika, tiemie, roosmaryn, basilie of origanum en beesvleisaftreksel by vir ekstra geur. Kook die ragù verder af tot n dik, geurige sous en gebruik dit as die vleisvulsel vir lasagne, pasteie, pannekoeke, tortillas, pitabrode en selfs as pizza-bolaag. huisgenoot.com 9

10 Winterkos ROOIVLEIS STEAKBREDIE TEEN DIE BIBBER TRADISIONELE BEESVLEISSTOWE GENOEG VIR 4-6 MENSE Bereiding: minute Gaarmaaktyd: sowat 2 uur 1,5 kg Texas-steaks 80 ml (¹/ ³ k) olyfolie sout en gemaalde swartpeper 1 ui, grof gekap 2 knoffelhuisies, grof gekap 1 selderystingel, grof gekap 2 groot wortels, grof gekap 250 g (1 k) vleisaftreksel 250 ml (1 k) droë witwyn 1 blik (410 g) cannelliniboontjies 125 ml (½ k) gekapte kruie (pietersielie, basilieblare en tiemie) aartappels, in die skil gekook 1 Sny die Texas-steaks in blokkies van 2 cm. 2 Verhit van die olyfolie. Braai die steak-blokkies oor baie hoë hitte tot goudbruin en skep uit. Geur die gebraaide vleisblokkies met sout en vars gemaalde swartpeper. Herhaal tot al die blokkies gebraai is. Hou eenkant. 3 Verhit nog olie en braai die gekapte ui, knoffel, seldery en wortels n minuut. Skep die vleis terug in die kastrol. 4 Giet die aftreksel en witwyn by en bring tot kookpunt. Verlaag die hitte, sit die deksel op en laat prut sowat 2 uur of tot sag. 5 Roer die witboontjies en al die kruie by sodra die vleis sag gekook is. Roer tot goed gemeng. Voeg nog n bietjie aftreksel of wyn by as die bredie droog lyk. Laat prut tot geurig en sag. 6 Sit voor saam met aartappels en roketslaai. GENOEG VIR 6-8 MENSE Bereiding: 20 minute Gaarmaaktyd: 2½-3 uur Ons het hierdie bredie voorgesit met polenta, waarby ons fetakaas ingeroer het. Dit is nog lekkerder as jy dit die vorige dag maak en dan net weer verhit. 125 ml (½ k) meel sout en peper 2 kg dikrib, in stukke gesaag met been en al 45 ml (3 e) olyfolie 1 ui, in ringe 5 knoffelhuisies, gekneus 6 wortels, geskil en in ringe 3 stele seldery, in ringe 6 heel piekeluie, geskil 20 ml (4 t) vars tiemieblaartjies 500 ml (2 k) rooiwyn 310 ml (1¼ k) beesvleisaftreksel 15 ml (1 e) tamatiepasta suurlemoenskil 1 Meng die meel met sout en peper en rol die vleis daarin. 2 Verhit die olyfolie in n groot pot en braai die vleisstukke n bietjie op n slag tot bruin buiteom. Haal uit en vee die pot skoon. 3 Verhit nog n bietjie olie in die pot en soteer die groente tot sag. 4 Skep die vleis terug in die pot. Voeg die tiemie by. 5 Meng die wyn, aftreksel en tamatiepasta en verhit effens. Voeg dit by die vleis in die pot. Bring tot kookpunt, verlaag die hitte en laat prut tot die vleis sag is en byna van die bene val. 6 Geur met nog sout en peper na smaak en n bietjie fyn gerasperde suurlemoenskil. Sit voor met rys. WENK Pleks van Texas-steak kan jy enige beesstowevleis gebruik. WENK Jy kan ook dik aartappelskywe in die bredie gaarmaak. 10 huisgenoot.com