FAKULTEIT Ekonomiese en Bestuurswetenskappe

Transcriptie

1 FAKULTEIT Ekonomiese en Bestuurswetenskappe Voorgraadse programme vir 2018/2019

2 Breë BCom-programme VOORGRAADSE PROGRAMME Ons breë graadprogramme rus jou toe met n deeglike grondslag in ekonomiese, bestuurs- en wiskundige wetenskappe en n wye keuse van beroepe. Ons bied ook programme aan wat jou vir professionele registrasie of sertifisering voorberei, en twee programme wat op regsgeleerdheid toegespits is. Let wel: Fokusareas is aanbevole modulekombinasies. n Modulekeuse is slegs toelaatbaar indien die rooster n spesifieke kombinasie moontlik maak (dit is om roosterbotsings te voorkom). FOKUSAREAS 1.1 Breë BCom-programme Dit is die breedste program wat die Fakulteit aanbied en bied studente die grootste moontlike keuse van hoofvakke. Dit verskaf algemeen vormende opleiding en kan n leerarea uit die Fakulteit Lettere en Sosiale Wetenskappe insluit. Die fokusareas bied studente die geleentheid om hulle op n spesifieke studieveld toe te spits. Beleggingsbestuur n BCom-graad met Beleggingsbestuur as fokusarea berei jou nie slegs voor vir n beroep in byvoorbeeld portefeuljebestuur of beleggingsontleding nie, maar ook vir die vlak 1-eksamen van die kwalifikasie as internasionale geoktrooieerde finansiële ontleder (CFA ). Finansiële Beplanning Hierdie fokusarea is ontwikkel om jou in staat te stel om vir die Nagraadse Diploma in Finansiële Beplanning in te skryf nadat jy die driejarige BCom-graad voltooi het. Gegradueerdes met dié nagraadse diploma kwalifiseer om die toelatingseksamen vir die internasionaal erkende kwalifikasie van gesertifiseerde finansiële beplanner (CFP ) af te lê. Landbou-ekonomie Hierdie fokusarea lei voornemende entrepreneurs en werknemers vir die landboukundige sakesektor op. Loopbane is onder meer hoofbestuur, finansiële bestuur en logistieke bestuur vir die lewering van landbou-insette en -dienste. Openbare en Ontwikkelingsbestuur n Deeglike kennis van openbare en ontwikkelingsbestuur is noodsaaklike voorbereiding vir verskeie loopbane in die openbare sektor en in die nieregerings-, ontwikkeling-, sake- en mediasektore. Binne dié sektore is moontlike loopbane onder meer dié van hoofbestuurder of uitvoerende hoof, strategiese bestuurder, projek- en programbestuurder, ontwikkelingsbeplanner, ontwikkelingsbestuurder, gemeenskapsontwikkelaar, of navorsingspesialis en bestuurskonsultant in beleid- en bestuursake. FOKUSAREAS 1.2 BCom (Bestuurswetenskappe) Hierdie program is vir studente wat op n loopbaan in n bestuursveld wil fokus. Hoewel dit breë en vrye modulekeuses aan studente bied, is dit egter ook moontlik om op spesifieke areas te konsentreer. Vir hierdie fokusareas is daar aanbevole modulekombinasies. Bemarkingsbestuur Bemarking fokus op aktiwiteite soos produkbesluite, prysbepaling, verspreiding, reklame en bewusmaking van produkte/dienste. Moontlike loopbane is onder meer bemarking, verkope, kliënte- of advertensiebestuurder. Entrepreneurskap en Innovasiebestuur Hierdie fokusarea motiveer en oriënteer studente om die opwindende wêreld van entrepreneurskap te betree deur n toekomstige sakeonderneming of sakepraktyk van hul eie te oorweeg, of skeppende bydraes te lewer tot die sukses van ander gevestigde ondernemings. Finansiële Bestuur Met hierdie fokusarea ontwikkel jy n stewige kennis van finansiële bestuur, wat noodsaaklik is vir die sukses van n besigheid. Loopbane sluit in om as n beleggingsontleder, finansiële bestuurder of finansiële adviseur te werk. Informasiestelselsbestuur In hierdie fokusarea leer studente hoe om snel ontwikkelende kennistegnologieë by organisatoriese strategieë in te skakel ten einde produktiwiteit, doeltreffendheid en (soms) innovasie te verbeter. Logistieke Bestuur Hierdie fokusarea posisioneer jou vir n loopbaan as n logistieke bestuurder wat die bekwame en doeltreffende vloei en stoor van goedere, dienste en verwante inligting beplan en beheer, vanaf die plek van oorsprong tot by die plek van verbruik. Menslikehulpbronbestuur Hierdie fokusarea berei jou voor op n loopbaan as n personeelbestuurder, marknavorser, opleidingsbestuurder, konsultant of arbeidsverhoudingebestuurder. Kwantitatiewe Bestuur Hierdie fokusarea sal jou posisioneer om bestuursfunksies en -prosesse op strategiese, taktiese en operasionele vlak te ontleed en bestuur nadat jy voldoende praktiese ervaring opgedoen het.

3 FOKUSAREAS 1.3 BCom (Ekonomiese Wetenskappe) Hierdie program fokus byna uitsluitlik op leerareas in ekonomie en bied vrye modulekeuses of die opsie om op spesifieke fokusareas te konsentreer. Weens die belangrikheid van statistiek vir die ontwikkeling van hoëvlak- ekonomiese ontleding, word statistiek of wiskundige statistiek tot op tweedejaarsvlak vir die program vereis. Ekonometrie Graduandi met n aanleg vir en opleiding in wiskunde en statistiek, naas ekonomie, kan kies om as ekonometrici in die finansiële of openbare sektor, of by n navorsingsinstansie te werk. Ekonomiese en Bestuurskonsultasie Die modulekombinasie van hierdie fokusarea is bedoel vir mense wat as ekonomiese of bestuurskonsultante wil kwalifiseer. n Goeie kennis van ekonomie word gekombineer met breë blootstelling aan handels- en bestuursvakke, soos handelsreg en bedryfsielkunde, om aan jou die nodige agtergrond te gee om sakeverwante aanbevelings te doen wat n breë spektrum van vakgebiede dek. Finansiële Sektor In die finansiële sektor sal gekwalifiseerde persone met hierdie modulekombinasie gewoonlik as ekonomiese of finansiële ontleders werk. n Ander loopbaanopsie is byvoorbeeld om as ekonomiese of bestuurskonsultant te werk. Vervoerekonomie Vervoerekonome beplan en bestuur vervoerinfrastruktuur, die formulering van vervoerbeleid en die beheer van vervoerstelsels vir openbare ondernemings en vervoermaatskappye. FOKUSAREAS 1.4 BCom (Wiskundige Wetenskappe) Hierdie program het n skerper fokus op wiskunde en wiskundige statistiek, wat albei verpligtend is tot in die tweede jaar. Finansiële Risikobestuur Mense wat in finansiële risikobestuur, wiskundige statistiek en finansiële wiskunde opgelei is, word deur groot finansiële instellings as finansiële en kwantitatiewe ontleders, finansiële risikobestuurders, portefeuljebestuurders en finansiële handelaars in diens geneem. Operasionele Navorsing Hierdie praktykgerigte fokusarea lei jou op om wiskundiggebaseerde oplossings te vind vir probleme met n hoë graad van kompleksiteit, onsekerheid en konflik in besighede, onder meer fabrieke, banke, mynbou- en landbou-ondernemings. Rekenaarwetenskap Hierdie fokusarea rus jou toe met n breë kennis van sowel rekenaarwetenskap as die sakewêreld en sal jou in enige omgewing in staat stel om n suksesvolle programmeerder te word. In die sakewêreld is die gebruik van informasietegnologie van deurslaggewende belang om n onderneming doeltreffend en produktief te bestuur. Wiskundige Statistiek Wiskundig-statistiese teorie en prosedures, tesame met die gepaardgaande rekenaarvaardighede, is in groot aanvraag in die nasionale én internasionale korporatiewe, navorsings- en openbare sektore. Loopbane is onder meer dié van statistikus, data-ontginner, databestuurder en statistiese ontleder. DIE FAKULTEIT registreer jaarliks eerstejaarstudente het tans meet as 5100 voorgraadse en sowat nagraadse studente het 226 lektore in diens, van wie 82 n doktorsgraad het het 5 departemente en 3 skole DEPARTEMENTE Bedryfsielkunde Ekonomie Logistiek Ondernemingsbestuur Statistiek en Aktuariële Wetenskap 1.5 BCom (Internasionale Besigheid) Hierdie keuringsprogram van vier jaar is n baanbreker in voorgraadse besigheidsopleiding! Studente trek voordeel uit n verrykte ervaring danksy wisselwerking met internasionale studente (deur middel van n internasionale uitruiltydperk van ses maande) en die wêreldwye markplek, wat hulle toerus om rolspelers met n wêreldingesteldheid in die internasionale kennisekonomie te wees. Dit is n unieke program in Suid-Afrika en slegs n beperkte aantal studente word aanvaar. SKOLE Skool vir Openbare Leierskap Skool vir Rekeningkunde Universiteit Stellenbosch Bestuurskool (USB)

4 Professionele programme 2.1 BRekeningkunde Hierdie program is die eerste stap om as geoktrooieerde rekenmeester opgelei te word. Om later as GR te kwalifiseer, moet jy eers die grade BRek én HonsBRek verwerf. Daarna moet jy die eksamens van die SA Instituut van Geoktrooieerde Rekenmeesters (SAIGR/SAICA) en/of die Onafhanklike Regulatoriese Raad van Ouditeure (IRBA) deurkom. n Geoktrooieerde rekenmeester is toegerus om maatskappye se finansiële state te oudit. Loopbane in finansiële bestuur, bestuursrekeningkunde of belastingkonsultasie kan ook oorweeg word. 2.2 BCom (Aktuariële Wetenskap) Aktuarisse is deskundiges in die ontleding en modellering van situasies wat finansiële risiko en onvoorsiene gebeurlikhede kan inhou. Om n aktuaris te word ( n genoot van die Aktuariële Genootskap van Suid-Afrika), moet jy die 15 eksamens van die professionele liggaam slaag en oor voldoende werkservaring beskik. Suksesvolle studente kan tydens hul grade BCom (Aktuariële Wetenskap) en HonsBCom vir baie van dié eksamens vrystelling kry. 2.3 BCom (Finansiële Rekeningkunde) Hierdie program is ontwerp om jou voor te berei vir n loopbaan as n gesertifiseerde rekenmeester. Dié internasionaal erkende professionele kwalifikasie word behaal deur die eksamens van die Association of Chartered Certified Accountants (ACCA, Londen) suksesvol af te lê. Daarmee kwalifiseer jy om finansiële state voor te berei, interne oudits te doen en oor besigheidskwessies en belastingsake advies te verskaf. 2.4 BCom (Bedryfsielkunde) Bedryfsielkundiges is kennisvennote wat werknemers se prestasie optimaliseer in belang van n onderneming se kernbesigheid. Om te kwalifiseer as n psigometrikus wat by die Raad vir Gesondheidsberoepe van Suid-Afrika (HPCSA) geregistreer is, moet jy sowel n BCom as n HonsBCom (Bedryfsielkunde) voltooi, n BPsig-ekwivalensieprogram van ses maande deurloop en die beroepsraad se eksamen slaag. Om te kwalifiseer as n bedryfsielkundige wat by die HPCSA geregistreer is, moet jy die program MCom (Bedryfsielkunde) voltooi, n internskap van 12 maande doen en die beroepsraad se eksamen slaag. Programme wat studie in regsgeleerdheid insluit Let wel: Die Fakulteit Regsgeleerdheid keur studente vir hierdie programme. 3.1 BRekLLB Hierdie program rus jou eerstens toe om as rekenmeester te praktiseer en tweedens n loopbaan in regsgeleerdheid te volg. n Voordeel van hierdie program is dat die BRekLLBkwalifikasie binne vyf jaar verwerf word. 3.2 BCom (Regsgeleerdheid) Ná voltooiing van hierdie program kan jy jou nagraadse studie óf in regsgeleerdheid óf in jou hoofvak in die ekonomiese en bestuurswetenskappe voortsit. Só verwerf jy ekonomiese en bestuursvaardighede sowel as n gesogte, breër agtergrond en dieper begrip van hoe regsreëls in die algemeen binne die samelewing toegepas word. Verlengde graadprogram (VGP): BCom (Bestuurswetenskappe) VGP Hierdie Baccalaureus-program word tot vier jaar verleng deur die kernmodules vir die eerste jaar oor twee jaar aan te bied. In die eerste studiejaar word bykomende, voorbereidende modules aangebied om studente se akademiese grondslag te versterk. Studente moet hierdie voorbereidende modules deurkom om tot die volgende studiejaar te kan vorder. Voorgraadse diplomaprogram: Volhoubare Ontwikkeling* (nie-residensieel) Hierdie program vir n diploma ná matriek is n driejaarprogram met n werkplek-geïntegreerde leerkomponent en word by die Volhoubaarheidsinstituut te Lynedoch aangebied. Die multidissiplinêre program rus studente toe met die kennis en vaardighede om van entrepreneursgeleenthede in die breë veld van volhoubare ontwikkeling gebruik te maak. * Kontak die Skool vir Publieke Leierskap by of per e-pos by enquiries@spl.sun.ac.za vir meer inligting. 2.5 BCom (Bestuursrekeningkunde) Hierdie program berei jou voor vir n loopbaan as n geoktrooieerde bestuursrekenmeester en stel jou in staat om op finansiële bevoegdhede te fokus en finansiële inligting in die bestuur van n sakeonderneming te vertolk en te gebruik. Die internasionaal erkende professionele kwalifikasie van geoktrooieerde bestuursrekenmeester word verwerf deur die eksamen van die Chartered Institute of Management Accountants (CIMA, Londen) suksesvol af te lê.

5 FAKULTEIT Ekonomiese en Bestuurswetenskappe MINIMUM TOELATINGSVEREISTES (2019/2020) Let wel: Al voldoen studente aan die minimum vereistes van n program, is hul toelating tot daardie program nie noodwendig gewaarborg nie. Studente sal onmiddellik voorwaardelike toelating tot die Fakulteit ontvang indien hulle n gespesifiseerde minimum gemiddelde (wat Lewensoriëntering uitsluit) in Graad 11 behaal. Hierdie minimum punt verskil van program tot program. Alle ander aansoeke is onderhewig aan n keuringsprosedure wat nie later nie as 31 Augustus afgehandel sal wees. Die keuringspunt en minimum toelatingsvereistes word jaarliks hersien. Besoek vir meer inligting oor die keuringsprosedure en toelatingsvereistes vir 2019/2020. BCom (Bestuurswetenskappe) Verlengde Graadprogram (VGP) NSS-gemiddeld 60% Wiskunde 50% BCom, BCom (Ekonomiese Wetenskappe), BCom (Bestuurswetenskappe) en BCom (Bedryfsielkunde) NSS-gemiddeld 65% BCom (Internasionale Besigheid) Onderrigtaal: Engels NSS-gemiddeld 80% Wiskunde 70% Engels Huistaal 70% OF Engels Eerste Addisionele Taal 80% Enige addisionele taal 70% BCom (Wiskundige Wetenskappe) Wiskunde 75% BCom (Finansiële Rekeningkunde) en BCom (Bestuursrekeningkunde) NSS-gemiddeld 65% BRek Rekeningkunde 70% OF Wiskunde 70% BCom (Regsgeleerdheid) Afrikaans Huistaal 60% OF Engels Huistaal 60% OF Afrikaans Eerste Addisionele Taal 70% OF Engels Eerste Addisionele Taal 70% BRekLLB Rekeningkunde 70% OF Wiskunde 70% Afrikaans Huistaal 60% OF Engels Huistaal 60% OF Afrikaans Eerste Addisionele Taal 70% OF Engels Eerste Addisionele Taal 70% BCom (Aktuariële Wetenskap) NSS-gemiddeld 80% Wiskunde 80% Huistaal 60% Indien Engels nie die huistaal is nie, dan Engels Eerste Addisionele Taal 75% Diploma in Volhoubare Ontwikkeling NSS-gemiddeld 60% Wiskunde/Wiskundige Geletterdheid 50% Lewenswetenskappe 60% Een van die volgende: Skeppende Kunste (d.i. Ingenieursgrafika en Ontwerp of Visuele Kunste), Besigheidstudies, Ekonomie, Landbou of Fisika 60% Die NSS-gemiddeld is op die punte van jou ses beste vakke (Lewensoriëntering uitgesluit) gebaseer. * Minimum EBW-taaltoelatingsvereistes: Engels Huistaal 50% OF Afrikaans Huistaal 50% OF Engels Eerste Addisionele Taal 60% OF Afrikaans Eerste Addisionele Taal 60%

6 FAKULTEIT Ekonomiese en Bestuurswetenskappe BELANGRIKE KONTAKBESONDERHEDE Fakulteitsadministrateur (vir navrae in verband met registrasie) Me Nazli Daniels Koördineerder: Studentesake (vir navrae in verband met voorgraadse programme) Me Ilze Gelderblom Kliëntedienssentrum (vir algemene navrae) Algemene navrae