t Piepke Heijskampstraat VH Steyl

Transcriptie

1

2 t Piepke Heijskampstraat VH Steyl

3 Weej hebbe d r zin in D n roeie draod van aafgeloupe jaor sjting vural in t teiken van de wisseling van ózze Vors Marcel van Lier. Vanaaf t moment det hae had besjlaote öm nao nege jaor te sjtoppe mèt dees functie begós t inwerke van ózze nieje vors Bart Schouwenberg. Weej hebbe mèt Marcel as vors en besjteurslid de Beerpiëp behuurlik op de kaart gezatte. Euver t ganse verhaol van dae vorstewissel kent geej verderop in dit Piepke alles laeze. Op de interne äöpening, 12 November, haet de officiële wissel plaats gevonge en op 26 November waas de receptie waor weej nag lang euver kenne naopraote. Bart Schouwenberg nimp de vaere euver van Marcel en ich bön bliej vur de vereiniging det weej in Bart n nieje Vors hebbe gevónge. 4 Helaas waas 2016 ouch t jaor det we aafsjied hebbe mótte nimme van Hay Geurts. Hay waas mede oprichter, aad veurzitter en ieërelid van ós vereiniging. Weej zien Hay hieël dankbaar vur alles wat hae vur de Beerpiëp haet beteikend. En det waas vueel, hieël vuuel. In 2016 ware d r nag diverse activiteite waorónger t Liedjesmatinee, det weej as STV same organisere en waoroet wir 3 leuke liedjes zien gekómme. Het 1e lustrum van t Oktoberfest, det weej same mèt ós zustervereiniging d m Boereraod organisere, waas ouch dit jaor wir n super editie. Op de jaorvergadering in Oktober hebbe zich versjillende besjteurswisselinge veur gedaon. Marcel van Lier haet zien plaats aafgesjtaon aan Bart Schouwenberg en Tim Offermans is door de leje gekaozen vur 3 jaor as besjteurslid. Ózze secretaris Patrick Schreurs, woort herkaozen vur einen nieje termien. Op d n 11e van d n 11e hebbe we ónger de vlag van de STV t nieje seizoen ingesjaote, waornao aansjloetend in zaal Vriendenkring de prissentatie van de 3 winnende liedjes van d n Tegelse vasteloavend haet plaats gevónge. Op 12 November tiedes de interne äöpening is Marcel van Lier dus aafgetraoje en Bart Schouwenberg geïnsjtalleerd as vors. Heejbeej haet Marcel de orde van t lidmaatsjap van verdeenste oet heng van Jan Jacobs meuge ontvange. Op dezen aovond heb ich ouch nag inkele jubilarisse meuge huldige te weite, Jacques Hilberts mèt zien 2x11 jäörig lidmaatsjap en Richard Brokman mèt zien 1x11 jarig lidmaatsjap. Verder hebbe weej ouch nag 7 nieje raodsleje geïnsjtalleerd waorónger t trio van aafgeloupe jaor, Marc Gerrits, Eugene Giesen en Freek Thissen. Vanoet de jeug is Joey de Ronde doorgesjaove en hebbe we mèt Frank Schouenberg, Patrick Stultiens en Sjors Thijssen dreej gans nieje aanwinste weite binne te haole. Daorin taege hebbe d r ouch dreej raodsleje de sjteek in de wilge gehange öm as geüniformeerd lid verder te gaon beej ós clöb, det zien Jacques Hilberts, Fred Keijsers en André van Aarssen. Naeve n lid van de Beerpiëp sjteit ouch n vrouw, en t is fijn te kenne vermelde det ouch zeej, Eline Gerrits, Lieke Ewalds, Tessa Giesen, Jolanda Sijbers en Mariëlle Schouenberg zich beej de Maedjes van de Beerpiëp hebbe aangesjlaote. Den veuroet kiekend sjteit, op 28 Januari t Cambrinusbal mèt vette letters in ózze agenda. Mèt op dezen aovend de oetreiking van de Pannekletser, de hoeëgste óngersjeiing van ós vereiniging, aan Toïne Ambaum. Ein compliment aan t onaafhankelijk comité vur dees vurtreffelijke keus. Euver de persoeën Toïne Ambaum, kent geej alles laeze in t interview van Piet van Bree. Aansjloetend zal den ós 50e Beerpieptrio zien opwachting make nao n maondelange veurbereiding. Daags nao t Cambrinusbal is ós jaorlikse dameszitting waoreuver verderop in dit Piepke mieër. Gaer wil ich uch ouch nuueje vur al ós euverige activiteite waoronger t jeug- Prinsenmatinee, de receptie van ós beide trio s, de Seniorenmiddaag mèt aansjloetend t groeët Jeugprinsentreffe en daor wir op aansjloetend t Veurpreuversbal, det dit jaor n hiel sjpeciaal tintje haet in t kader van 200 jaor Tegele. Nemes minder as t vur uch waal bekende Sound Express zal optraeje in t Witte Hoes. En op vastelaoveszondaag t al bijna nimmr weg te dinke Sjpätsjoppe in ós rissidentie bij Coëba. Ich wil gaer aafsjloete mèt n dankwaord aan alle sjponsors die ós hebbe gesjteund, ónger mieër mèt n advertentie in dit 34e Piepke. Names de redactie wins ich uch vuuel laesplezeer en ne sjoeëne vastelaovend. Leon van Deur, veurzitter 5

4 Vors Cambrinus VI, t ierste veurwaord Dit is mien ierste veurwoord det ich sjrief in mien functie as vors Cambrinus VI, opvolger van Marcel van Lier vors Cambrinus V. As ierste wil ich netuurlijk mien dankwaord oetsjpraeke naor miene veurgenger Marcel van Lier, vors Cambrinus V. In t jaor det ich prins bön gewaes, heb ich pas ech n beeld gekrege wat d r allemaol beej kump kieke, wie good hae altied veurbereid waas. Daoröm ouch nag ens, Marcel bedank! Dit veurwaord wil ich ouch gaer gebroeke öm mich as nieje vors aan uch as laezer veur te sjtelle. Ich bön Bart Schouwenberg, 3x 11 jaor aad. Woeën in t Maasveld in Tegele same mèt mien vriendin Mirjam Smit. Bön gebaore en getaoge in Tegele oppe Hei. T vastelaovend viere is mich mèt de sjöplaepel ingegaeve. Mèt mien elders vierde ich vastelaovend in Tegele in de Hermeniezaal en in d n Haandert. Weej leepe ouch altied mei in d n optoch mèt optoch-vereiniging Altied Dezelfde, waorbeej ouch altied joekskapel Petatte Nelke mètleep. Ouch bön ich beej Sjportclöb Irene, zoeëwaal beej de jeug as beej de seniore adjudant geweest. In 2011 heb ich mèt collega s binnen de Zorggroep, ónger t motto Zörg veur joeks, de Boerebroelof meuge organisere in Venlo. Heejbeej had ich de rol van bode. Det haet mich as Tegelse aardig get blood, zjweit en traonen gekos öm t Tegels dialek aaf te mótte liere. T waas n fantastische ervaring, mèt as hoeëgtepunt de Boerebroelof t sjtadhoes. Tiedes t organisere van det fantastische evenement kumps se d r pas achter wat d r allemaal beej kömp kieke. As boetesjtaonder besef se det neet. Maar alle insjpanninge ware t diek en döbbel waerd. In 2014 bön ich, op veurdrach van miene ome en Beerpiepman van t ierste oor, Thei Jagt prins van VG de Beerpiëp gewaore, same mèt mien adjudante Wim Siebgens en Mark Verhaegh. Ónger t motto: De vastelaovend is waor os hert veur klop, weej gaon veur 3 daag joeks non-stop, hebbe weej einen fantastische vastelaovend belaef. Tiedes det sjoeëne jaor heb ich de vereiniging ech liere kenne, en wat vur vereiniging! Vanaaf t ierste moment heb ich enorme bewóngering vur alle minse die betrokke zien öm alles ouch mögelijk te make tiedes de Vastelaovend. Zoeëwaal vur as achter de sjerme is d n inzet van de leje enorm. Nao n geweldig seizoen te hebbe mèt gemak waas t vanzelfsjpraekend det ich lid woort van dees fantastische vereiniging. T ierste jaor waas ich asjpirant raodslid. Vlot daornao woort ich benaderd door de veurzitter mèt de vraog of ik in de toekomst Marcel van Lier zól wille opvolge as vors. Det had ich neet zeen aankómme, maar veulde mich waal enorm verierd. Daor mös ich netuurlik iers euver naodinke en mèt mien vriendin besjpraeke. T waas gen probleem, zoeëdet ich besjloot d r vol vur te gaon. Heejnao bön ich n jaor 2de vors gewaes en heb Marcel beej aafwezigheid vervange. Ouch in de veurbereidinge van t seizoen heb ich mètgedreid. t is nów aan mich öm dees rol van Marcel euver te neme, inclusief de functie van besjteurslid. Beej de interne äöpening op 12 november bön ich officieel geïnsjtalleerd as opvolger van Marcel van Lier. De vorstewissel op 26 november in d n Haandert, waas n geweldig evenement, met optraejes van 2 kier 2, Van Gelder en Sandra & Marco. Ich wil idderein bedanke dae d r beej waas en idderein dae t dae aovend meugelik haet gemak. As nieje vors bön ik ouch beneump toet veurzitter van de prinsecommissie en de raod van elf. Ózze nieje kandidaat prins is al lang benaderd en we zien volop in veurbereiding op t seizoen N seizoen waorin ós wir vuuel leuke en bizóngere dinge te wachte sjtaon. T nieje trio zit inmiddels op heite kaole öm zich aan uch te prissentere tiedes t 3de Cambrinusbal op zaterdag 28 januari. Ich haop uch daor den te meuge begroete! Bart Schouwenberg, Vors Cambrinus VI 6 7

5 jeugvors Frank Aafgeloupe jaor waas ein superjaor, vur ós en ós jeugtrio prins Sjors I en zien adjudante Ruben en Jordy. T waas n trio det d r gen genóg van kreeg en t ouch jaomer vóng as t wir einde programma waas. Maar einde programma waas neet einde fieësje. De nuuedige afterparty s in eur en ós sjtamkroeg Kefee Sintermerte zien al bijna legendarisch. T aafgeloupe seizoen waas mien ieërste as jeugvors. Ich dóch dökker beej mich zelf: ken ich dit waal? Is det get vur mich? Geregeld zoot ich same vur tips, mèt luuj mèt jaorelange ervaring. Vuuel heb ich gelierd van mien groeëte veurbeeld vors Cambrinus V, Marcel van Lier. Hae haet mich gelierd mich zelf te blieve en neet probere te imitere. Al zeg ich t zelf, t haet volges mich good oetgepak. As jeugvors bön ich ouch gruuets öm te kenne zegge det we beej de Beerpiëpjeug nieje aanwas hebbe gekrege. D n hoeëgheid Sjors en ziene adjudant Jordy hebbe zich beej ós aangesjlaote. Dylano Theunisse is t derde nieje jeuglid. Hae is n gójje kammeraod van t jeugtrio van Alle dreej hebbe ze d r vuuel zin in öm mèt ós vastelaovend te viere. Vur dit jaor hebbe weej ouch wir ein te gek trio weite te vinge. Dees dreej jónge sjtaon te trappele öm mèt ós en uch te gaon knalle de kómmende vastelaovend. Ich gaon netuurlik nag neet zegge wae t zien. Maar kóm besjlis kieke op 5 februari in d n Haandert, den liert ge ze kenne. Ein waek later kent ge t nieje jeutrio n hendje kómme gaeve op eur receptie. Ich haop uch den ouch op beide gelaegenhede te meuge begroete, zoeëdet we d r same n geweldigen vastelaovend van kenne make. Vasetlaovend same, Frank Trossèl Jeugvors 8 9

6 22 jaor beej de Beerpiëp! Richard Brokmann: 11 jaor beej de Beerpiëp! Gezellig mèt n sjtel kammeräöj n glaeske beer drinke beej kefee de Lange. Zoë begôs Jacques zien konták mèt de Beerpiëp. Ein van zien kammeräöj waas namelik sikkertaris en dae zoog in Jacques nne gôje assistent. En zoë gebeurde t. Nao n paar jaor woord Jacques 1e sikkertaris en wir get later penningmeister. In totaal waas hae zô n 20 jaor besjteurslid. As besjteurslid (toen nag automatiés auch Raod van 11-lid) waas Jacques same mèt de toenmalige veurzitter Jan Jacobs van meining, det ein Vastelaovesvereiniging neet allein vanaaf d n 11e van d n 11e wies Aswoensdaag aktief môt zien, maar t ganse jaor-door! Vanoët die euvertuúging hebbe Jan en Jacques same gewèrk aan ein nieje struktuur binne de vereiniging, die wies op d n daag van vandaag nag sjteeds besjteit. En mèt suksés! In de loup van de jaore zien versjillende verangeringe doorgeveurd, en kreege nieje aktiviteite gestalte. Te dinke vèlt heej met name aan de Beerpiëp-Jeug-aafdeiling en ein splitsing tösse Raod van 11 en Besjteur. Éch nne konstante groep, zoë typeert Jacques De Beerpiëp anno 2016/17. Vur al zien werk vur De Beerpiëp is hae in november 2011 beneump toet Lid van Verdeenste. En dao is hae teréch - gruëts op! Vanaaf t kômmende seizoen haet Jacques de muts neet miër op; maar hae blief op allerhande fronte aktief. Zien vrouw Lisan is lid van De Maedjes van de Beerpiëp; Wat eur betröf: Eine sjoëne Vastelaovend, same mèt de ganse Beerpiëp-femíliej. Maar iërs: Proos! Op t 2 x 11 jäörig jubileum! PvB Toen Ruud Jans z.g. in 2005 Beerpiëp-Prins woord, had hae zienen dart-kammeraod Richard Brokmann en Cyrill Hutgens as adjudante gevraog. Vur Richard waas det neet d n iërste kiër det hae adjudant waas; iërder waas hae det al èns beej t Tremke in Venlo. Maar beej de Beerpiëp waas t zoë good bevalle, det hae nao de Vastelaovend lid bleef. Vur zien werk as engineer in de hightech vluug hae de ganse waereld rôngk en is hae regelmaotig vur langere periodes in t boételank. Zien werk, maar veural zien gezins-situasie makde t vur Richard neet meugelik ein funksie in de veurste Beerpiëp-linie in te nimme. Ein van eur twiéje (twiéje-ling) kinger waas namelik meervoudig beperkt en det beteikent vur de elders hiel vuúl extra zorg en tiëd. In oktoëber 2015 hebbe Richard, zien vrouw Mary en zoontje Julian afsjeid môtte nimme van eur zoontje en breurke. t Lidmaatsjap van de Beerpiëp hebben Richard en Mary in de achter liggende jaore ervare as ein groëte steun. Van d n angere kangk haet de Beerpiëp groëte waardering vur t werk, wat Richard vur de Beerpiëp duit. Achter de sjérme is hae ein van de minse, die betrokke zien beej de opmaak van t Piepke, de offisjeele Beerpiëp-krant. De krant van dit jaor is de 11e woé Richard aan mei-j haet gewèrk. Ein hoëge kwaliteit vergt hiél get veurbereiding. En dao-beej kèn altiëd n beroop op Richard gedaon waere. Mary sjteit vur de volle 100% achter Richard zien Beerpiëp-werk. En zoon Julian geit zich wie langer wie miër vur de Vastelaovend intresseere. Mesjién zeen we t simpatieke Düsseldorfer Mädchen mooder Mary, vader Richard, d n Tegelse jong, en zoon Julian dit seizoen waal örges same mèt de groëte Beerpiëp-femíliej Vastelaovend viere. Wae wèt? Maar iërs: Proos! Op t iërste 11 jäörig jubileum! Euver 11 jaor is d r wir ein! 10 11

7 t Piepke t Piepke T waas super! As deil van t publiek had ich in t verleje de oetreiking van de Pannekletser al versjillende kieëre mei gemak. Maar t vurrig jaor, wie ich zelf de laureate waas, haet vur mich alle belaevingsrecords gebraoke. Wie ich te hure kreeg, det ich waas oetverkaore, wis ich neet wat mich aan t lief waas. Achteraaf kèn ich allein maar zegge: geweldig! Super! Beej t binne komme ónger begeleiding van de kapel, die Laeve de Beerpiëp sjpeulde, veulde ich mich net ein keuningin, die door n ieërehaag leep. De traone leepe mich al euver de wange. En dét terwieël t programma nag mós beginne. De versjillende sjpraekers, die mich d n hemel in preze, de geweldige receptie, de vuuele kedo s, blome, kaarte, tillefoontjes, en zoeë wier: gewoeënwaeg super! In t bezónger wil ich nag neume: mien vereiniging B.C.Olympia 56 en sjpeciaal de aafdeiling Sport overdag, die mèt eur creatie de zaal gans roeëd kleurde. Ich mos éch sjlikke! Super! Vur mich is 9 januari 2016, nen daag öm noeëts te vergaete. Vastelaovesgezelsjap de Beerpiëp BEDANK! Miny Kuntzelaers-Regeer

8 t Piepke Pannekletser 2017 vur Toïne Ambaum Emes dae zoeë intenzief betrokke is beej ós Tegelse moder-taal en ouch angere minse deil van die betrokkenheid luuet oetmake, verdeent besjlís ein waardering. Nao t oeërdeil van de veurdrachskemissie genóg raeje öm Toïne Ambaum veur te drage vur de hoeëgste Beerpiëp-óngersjeiing: de Pannekletser! Op 28 jannewari 2017 zal de oetreiking - al de 37e! - plaats vinge in De Haandert. t Elderlik hoes van Toïne sjting op Sjteyl aan de Keizersjtraot, vlakbeej t roeëze-paedje. Toïne zoog in 1941 t laeves-leech en waas dao-mei de jóngste van de 4 kinger van Pap& Mam Ambaum- Peeters. Hae ging op Sjteyl nao sjoeël en vult zich den ouch nen echte Sjteylerse. Nao de lieëgere sjoeël volgde de MULO. Die 4-jaorige opleiding doorleep Toïne in 3 jaor. De volgende sjtap waas de Kweeksjoeël in Blierick. Inkluzief ein extra jaor vur de houf-akte waas hae nao 5 jaor dus óngerwiezer. Daonao ging Toïne in militaire deens. In 1964 woort Toïne aangesjtèld as óngerwiezer aan de Aloysius-sjoeël, woeë destieds Karel Ververgaart houf van de sjoeël waas. In 1966 trouwde hae mèt José Driessen oet de Hoeëgsjtraot. Toïne en José krege 2 zeuns: Maurice en Gedo. In 1972 promoveerde Toïne toet directeur van de nieje Wambeke-sjoeël op de Hei. Det bleef hae wies In det jaor fuzeerde de dreej sjoeële op de Hei. De nieje sjoeël hoot de Kleiberg. Same mèt Hub Kuijpers vormde Toïne de directie. Op 1 fibberwari 2003 ging hae mèt pré-pensioen. Naeve zien sjtudies en zien werk aan de sjoeële is Toïne in zien jóngere jaore hieël aktief gewaes. In de 60-er jaore zoot hae in t besjteur van de toenmalige Jeugd-Natuur-wacht, aafdeiling Tegele. Ouch waas hae aktief betrokke beej t Kinger-vakansie-werk. Hae waas ouch inkele jaore jeugtrainer beej Tiglia. Muziek make deej hae ouch gaer. Zoeë sjpeulde hae mèt zien trompet mei in de joekskapelle Flotzat, Oet is Oet, Laot Gaon en Sókkerpaek.Ouch sjreef hae twieë kier de winnende vastelaovessjlager van Tegele: Kleintje pils en t Mini rökske. Op sportief gebied haet Toïne zich ouch doon gelde. Hae voetbalde beej Sportclub Irene, Tiglieja (kampioen 2e klas), en Belfeldia. Nao zien aktieve voetbal-jaore haet Toïne in Zeist de cursus voetbaltrainer gedaon en behaolde t trainers-diploma. Hae woort voetbaltrainer in Meijel, Serum, Belvend en Aarse. Toen hae houf van de sjoeël waas gewaore, kós hae die funksie neet kombinere mèt t trainer zien. Maar hae bleef waal sjporte, aevel get mieër individueel. Beej AVT deej hae de 100 maeter en wied-sjpringe. In 1989 woort Toïne Nederlands kampioen wiedsjpringe beej de veterane mèt n nie Nederlands rekaor. 5.82m. De lètste jaore nimp hae deil aan de Venloup.In 2017 vur de 10e kieër. As lètste tak van sport is Toïne gaon tennisse. Beej de organizasie van t Pannekletser-tennistoernooi waas hae inkele jaore nauw betrokke. Toïne had altied al n groeëte belangsjtèlling vur t dialek. Al op de kweek-sjoeël wèrkde hae mei aan ein óngerzeuk van dialekte door Prof. Wijnen in Nijmegen. In 2004 volgde hae mèt good gevolg in Sittard ein HBO-opleiding van t Veldeke Limburg, wat öm d n titel Docent Limburgs en de bevoegdheid opleverde öm cursusse in Limburgs dialek te gaon gaeve. Dao is Toïne mèt volle inzet mei aan de geng gegaon. In 2004 kreeg hae d n derde pries beej t Rabobank-stimuleringsfonds mèt zien dialekprojek. Zoeë-waal mondelinge as sjriftelike cursusse goof en guuef hae. t Euverdrage van kènnis aan angere minse zit d r beej Toïne nów einmaol in! In 2006 ontwikkelde Toïne ein bukske ónger d n titel Brónsgreun bukske editie Tegels en Venloos. t Is n sjriefhölp vur idderein dae in t dialek wilt sjrieve. Vanaaf 2011 mak hae de sjeurkalender vur Tegele en Venlo. Dit jaor ouch vur Venraoy en Mesjtreech. In 2012 vertaalde Toïne de oetgave Seks in Limburg van de oet Belvend aafkomstige Prof. Marita Mathijssen-Verkoyen in t Belvens. In 2013 is ein bukske van Toïne versjene mèt as titel Leef en Leid. Tekste in t Nederlands, Venloos en Tegels vur op felicitasiekaarte, rouwkaarte enz. Door zien groeëte kènnis van t dialek wuuert Toïne regelmaotig öm advies gevraog. Programma januari Oetreiking Pannekletser Cambrinus bal 29 januari BeerpiëpMaedjes Treffe 5 februari Jeug Prinse Matinee 12 februari Beerpiëp Jeug Prinse receptie Beerpiëp Prinse receptie 24 februari Seniore Zitting Tegels Jeug Prinse Treffe Veurpreuversbal 26 februari Spätsjoppe t Piepke En die advieze guuef hae gaer en good, veural as t geit öm zien eige moderstaal: Tegels! Vur alles wat Toïne vur Tegele en t Tegels haet beteikend en nag sjteeds beteikent, is de Pannekletser-óngersjei-ing vas en zeker op zien plaats. Toïne, perficiat! PvB 14 15

9 t Piepke t Piepke 16 17

10 Alwir d n derde Cambrinusbal! Zaoterdaag 28 januari zal vur d n derde kieër t Cambrinusbal plaatsvinge. Dees äöpening van t vastelaovesseizoen zal in de kleine zaal van de Haandert plaatsvinge. Nao twieë zieër succesvolle edities, zal d r ouch dit jaor wir eine fieësteliken aovend waere neer gezatte. Mèt as hoeëgtepunt, t oetrope van de 50ste Beerpiep prins mèt zien adjudante. Zoeë as veurgaonde jaore, zal ouch dit jaor t programma beginne mèt t oetreike van de Plannekletser, dit jaor aan Toïne Ambaum, gevolg door de receptie. Verderop in dit Piepke kent ge mier laeze euver de laureaat. Öm 21:00 oor, zal nieje vors Cambrinus VI, Bart Schouwenberg, zien ieërste, maar vur ós gezelsjap de 50ste Beerpiëp prins mèt zien adjudante oetrope. Dit zien den ouch de twieë wijziginge ten op zichte van de vurrige edities. Heej door, ken t fieës ierder losbarste. D n aovend zal muzikaal opgeluustert waere door Feestband Pats, die garant sjtaon veur eine gezelligen aovend vol vastelaovesmuziek. Verder zulle Petatte Nelke, DJ Jeroen, 2x2 en de 3 winnende STV liedjes, de aovond muzikaal invulle. D n entreej is, zoeë as altied, vreej! Friture De Klomp Ewals De Echte Bakker Mooren Naaimachines en Breigaren Tegelen Verhaegh Tegelen V.O.F. Leo van Hees Tegelen

11 t Piepke t Piepke Gaas van A toet ZZZ In 2014, beej The Night Before in Kefee Sintermerte, kwaam Leon van Deur inens naor mich toe en vroog wie ich t zól vinge öm ens ne kier op n groeët podium te sjtaon in beejvurbeeld n groeëte tent mèt 2 gój kammeräöj. Ieërs had ich t nag neet door, daornao kós ich mien oere neet gluive en waas gans van mien sjtök! Maar goof aan det mich det waal super tof leek. Op 24 juni 2015 zoot ich in Noord Duitsland beej n klein waegrestaurant Zur Hochbrücke wie opens s aoves d n telefoon ging met DE vraog of ich Beerpiepprins van 2016 wól waere. Nao volmondig jao te hebbe gezag, heb ich metein Eline gebeld en heb ich mèt d n eigenaer n pilske genuttig en m gezag: dów huurs volgend jaor waoröm weej nów prooste. Einmaol thoes kömp t moment öm mien Adjes te vraoge. Ieërs naor Eus en Tessa gegaon op 28 juni.tösse neus en lippe door opens de vraog wie Eus t zól vinge öm in t Witte Hoes ens veur op t podium te sjtaon in plaats van mèt Petatte Nelke achteraan. Nao eine gans verbaasdem blik en get zenuwechtig gelach, haet hae ouch Jaozeker, man te gek gezag. Sjoeën, det waas nummer 1. Op 30 juni ging ich Freek vraoge. Ich wis det dae absoluut gènne vastelaovesvierder waas. Mèt de naodrök op waas, want det is dit jaor waal verangerd, haha. Hae had waal efkes bedinktied nudig, maar nao n paar daag hebbe ouch Freek en Lieke jao gezag. De witte rouk waas d r op 2 juli, yesssss t trio waas compleet! Nów kwame de veurbereidinge. De vergaderinge, inclusief ós partners, woorte veuroet gesjaove ömdet Eline hoeëg zjwanger waas. De vergadering van 9 september kwaam ich mèt besjuut mèt muuskes binne (en walle ónger de ouge!) ömdet ich sjnachs papa waas gewaore. Ós outfit passe in Boxmeer waas ouch erg lache. D n ieërste kier det jungskes men in pak woorte! Maar d r ware ouch ongemekkelike momente as se elkaar taege kums in t aopenbaar, beveurbeeld mèt de verjäördig van Marc Hendrix in Sintermerte. Dao sjteis se den as trio en prinsencommissie, mèt de halve Beerpiëp in ein ruumte, aaf en toe sjtiekem blikke te wissele. en t huuske waas toen miene groeëte kammeraod. Eus sjting in de zaal pilskes te kleppe mèt Petatte Nelke Die wiste nörges van. Zelfs Eus zien mam (idder jaor d r beej) wis van niks. Hae is net vur t oetkómme weg gegaon, zich beej Freek en mich aangesjlaote en zien pak aangedaon. T groeëte moment waas dao. Nag n paar pilskes, wachte wies t introfilmke is aafgeloupe en eindelijk mochte we den t podium op, mèt mega druuege monk door de zenuwe. Gelökkig zuus se t publiek neet zoeë good door de verleechting, maar wauw wát n fieës. Dit is ós moment! Nao de ceremonie protocolair oftewaal t aankleije zien we in vol ornaat en kenne we de zaal in,gaas gaeve van A toet ZZZ. T waas eine topaovend mèt zelfs de opname van n videoclip. Alaaf, vastelaovend is begós! Vastelaoveszondig waas ich jäörig. Wae ken zegge det e op ziene 35ste verjäördag Prins is en sjmorges thoes n serenade krieg van Petatte Nelke (en eur bös) én bezeuk krieg van de Raod van de Beerpiëp. Einen daag vol verrassinge, kedo s, lekkere taart en artieste. As geweldige aafsjloeter n verjäördigsfieësje mèt 1500 luuj in t Witte Hoes tiedes Ut Sambal Freek bleek dus ech waal n vastelaovens podiumbieës te zien en waas d r t leefs nimmer aafgegaon. Eus vong t waal kwant öm aaf en toe n trompet te sjnutte van emes van de Joekskapel en n sjtökske mèt te blaoze. Zoeë zien d r mier sjoeën herinneringe die wie aan ózzen tied as trio hebbe. Maar aan alles kump helaas n ing. Nao veer waeke fieëste móste we aaftraeje. Beej de Residentie hebbe we d r, mèt ne lach en n traon, nag eine sjoeëne aovend van gemak! Vastelaovend wuuert pas ech supervet, asse gaas guuefs van A toet ZZZ! Weej as trio wille ós vrouwe, elder(s) en/of babysitters, alle sjponsore, de verzörgingscommissie, prinsencommissie, kolfmeister en ózze chauffeur Wean Vos en idderein dae dit mögelik haet gemak nag ens hertelik bedanke. Minse t waas kwant, dankewal! Prins Marc Freek en Eugène De letste vergadering waas beej Eugène en Tessa thoes. Eus en n paar van de commissie kwame later ömdet ze mèt sjpeulde in t introfilmke det daezelfden aovend woort op genaome. Nao de nudige pilskes meuste weej ós ieërste denske doon vur publiek. Netuurlik mèt get lakes ömgeknöp en mötskes en pruke op. Vur t intern veurjstelle ware we erg zenuwechtig, net wie daags d r nao as se aan t groeëte publiek wuurs veurgejsteld. Ich zoot mèt Freek backstage nerveus te zien 20 21

12 t Piepke Aad Prinse en Aad Adjudante op sjtap Gójje tradisies mós se in ieëre haje. Zoeë ouch beej de Aad Prinse- en Aad Adjudante Sociéteite die idder jaor wir mèt half vaste op sjtap gaon. Dezen daag is doordrenk van tradisies en sjteit baovenal in t teiken van joeks en plezeer en volgens Beerpiëptradisie minnig lekker glaeske beer. Middels dees fotocollage gaeve weej uch ne kleine kiek op eure jaorlikse sjtapdaag wao-in zeej ónger angere de nieje leje welkom heite. Is geteikend, eine Aad Prins en ziene Adjudant t Piepke 22 23

13 truukblik T begós allemaol mèt n simpel tillefoontje, mèt de vraog of ich thoes waas. Nów waas ich det op det moment neet, ich waas sjporte. Ich vroog netuurlik: wiezoeë? Toen kwaam de vroag of ich t leuk zól vinge öm prins van t Beerpiëp jeugtrio te waere! Ich vroog of ich d r euver nao moch dinke, det moch. Naodet we ne datum hadde geprik kwame Franc, Frank en Niels op ne zaoterdigmiddig beej mich langs. Det meus netuurlik allemaol sjtiekum gebeure, zeker Gaef ós n sjiek pak en n möts mèt vaere, den laote weej de vastelaovend super waere! ömdet twieë van mien bure beej de Beerpiep zien. Naodet ze mich nag get informatie hadde gegeaeve waas mien antwoord ein euvertugend jao. Ömdet ze as prins zelf de adjudante mós vraoge, kwaam ich beej Ruben en dae zei geliek jao. Same zien we naor Jordy gegaon en wie dae ouch jao zei waas t trio compleet. aan ózze waeg naor de bühn. As 3 boeksers door de zaal naor ózze rink. Nao de hints van jeugvors Frank, kóste eindelijk ós maskers aaf en ware weej t Beerpiep jeugtrio Nao eine geweldigen daag en een super afterparty beej kefee Sintermerte, kóste we aan de vastelaovend beginne. T waas einen waanzinnigen tied. We kómme bladzijdes tekort öm t allemaol te besjrieve. T eine hoeëgtepunt nao t angere, ne tied öm noeëts te vergaete. Maar ouch vur ós zit t d r ens op. Nao n geweldig aaftraeje beej Coëba, mèt de ganse Beerpiep, meuste ouch weej, mèt get vochtige ouge, aafsjied neme. Weej wille idderein dae dit vur ós meugelik haet gemak van herte bedanke! 24 De veur-bereidinge kóste beginne. De pakke móste gepas waere en det ging allemaol good. Wies det ze beej mich kwame. Ich mós zoeënuuedig wir ens de groeëtste maot hebbe. Nao wat passe en maete, maar veural vuuel lol, kwaam det good. T make van de foto s waas ouch lache, giere en brulle. De vasteloavend kwaam daornao dichterbeej en t zjwiege woort sjteeds lastiger. Toen waas d n daag eindelijk daor, t oekomme. Ieërs intern veurgesjteld aan de raod en jeugcommissie en toen t groeëte moment op de bühn. T wachte deurde super lang, de zenuwe begóste te kómme, maar daor waas het! Vreej nerveus begóste we ónger de meziek van Rocky Prins Sjors I Adjudante Ruben en Jordy 25

14 26 27

15 t Piepke t Piepke 28 Lamers Tooling B.V. 29

16 Vorsten wissel 30 31

17 t Piepke Vorstewissel t Piepke Dankbaar en met n voldaon geveul kiek ich truuk op mienen tied as Vors Cambrinus V. Nege jaor lang heb ich deze ieërvolle titel meuge drage, names de Beerpiëp t waord meuge doon, mei gewerk aan tal van nieje inisjatieve en vuuel onvergaetelikke momente belaef. Gaer wil ich idderein bedanke dae mich de sjteun en t vertrouwe haet gegaeve öm dees rol binne t sjpel, det vastelaovend is en altiéd mót bliéve, op mien eige meneer in te völle. We zeen ós! Marcel van Lier, Vors Cambrinus V 32 33

18 Nieje Beerpiëptrio s telle aaf In t jaor det Tegele 200 jaor beej Nederland huurt, zal tiedes t 3de Cambrinusbal, op zaoterdig 28 januari in d n Haandert, de 50ste prins van vastelaovesgezelsjap de Beerpiëp oetgerope waere. Ouch dit jaor zulle ózze niejen hoeëgheid mèt zien adjudante wir oetkómme as ieërste gangmakers vur de vastelaovend in Tegele. Dit 3de cambrinusbal wuuert netuurlik vuraafgegaon door de oetreiking van de Pannenkletser. Dit jaor is de laureaat van de hoeëgste óngersjeiing van ós vereiniging d n hieër Toïne Ambaum. Nao de oetreiking en receptie zal t 3de Cambrinusbal van sjtart gaon. Ós Beerpiëpjeug is n waek later aan de beurt. Zeej hebbe op zondig 5 februari eure prinsematinee. Op deze middaag wuuert alwir t 6e Beerpiëpjeugtrio oetgerope. Dit zal ouch plaatsvinge in de kleine zaal van d n Haandert. Beide trio s sjtaon al te trappele van ongedöld öm aan eur regeerperiode te meuge beginne. Wae det t zien? Det zegge weej netuurlik neet. Daor zult ge vur mótte kómme kieke. T Belaove wir sjpectaculaire presentaties te waere. Maar mesjiens haolt ge al get oet de foto s op dees pagina. Wae wet herkent ge n hendje, n buukske of wat den ouch. Maar öm t zeker te weite, zörg det ge d r beej ziet op d n 28e januari en de 5e februari in d n Haandert

19 Veurpreuversbal Comeback Sound Express op Veurpreuversbal Geej heb t drek nao de zomer al in de lokale media kenne laeze. Daornao is t niejs wie n loupend veurke door Tegele en Sjteyl gegaon. Wat al dök is geperbeerd maar nag noeëts gelök, geit dit jaor ech gebeure! En waal op t Veurpreuversbal van de Beerpiëp: Sound Express traejt wir op. t Orkes det in de jaore 80 waereldberoemp waas in Tegele en ömsjtreke, sjpeult op vriedig 24 februari 2017 in vastelaovespaviljoen t Witte Hoés. Zin om nag ens same op te traeje, det hadde de jónges van Sound Express waal. Det laefde al langer. Maar öm oeteinloupende raejene kwaam t d r gewoeën neet van. Wies nów dus. Waoröm now waal? Deze kier waas de aanleiding ech zoeë bezónger, det we metein unaniem van meining ware det we gen nae kóste verkoupe, waas t antwaord van Rien Kolster, drummer van de band en aad-oelesprins. Hae doelt daomei op d n datum van t optraeje. Op 24 februari 2017 is t namelik oppe kop aaf twieëhónderd jaor geleje det Tegele door Pruuses aan t Keuninkriek der Nederlande woort euvergedrage. Det jubileum wuuert t ganse jaor gevierd met allerhank aktiviteite. Maar de 200ste verjäördaag van Tegele ónger Nederlandse vlag vroog öm get extra s. gekenmerk woort door jeugherinneringe die eur altied beej zulle blieve. Nag dök dinke zeej truuk aan de vuuele ónvergaetelikke eurkes die zeej met eur favoriete fieësorkes doorbrachte in versjillende lokaliteite. Woeë-ónger zaal Van Dijk, later De Kievit, pal taegeneuver de plek waar euver n paar waeke t Witte Hoés kump te sjtaon. De einmaolige comeback van Sound Express woeë-mei t Veurpreuversbal wuurt geäöpend, is n inisjatief van vastelaovesgezelsjap De Beerpiëp en de sjtichting VAT en wuuert aangebaoje door Tegelen. NL, de sjtichting die 200 jaar Tegelen organiseert, same met t VAT. Daor kump beej det 2017 ouch veur de band zelf n sjpesjaal jaor is. Sound Express is den al zó n dreej decennia verlejen tied. Met t aafsjied in 1987 kwaam veur vuul viertigers en vieftigers van nów n ing aan n tiedperk in eur laeve det 36 37

20 Hay Geurts; In memoriam Op 5 maart 2016 hebbe weej aafsjied mótte nimme van Hay Geurts. Ieërelid, lid van verdeenste, aad-veurzitter, ambassadeur en medeoprichter van vastelaovesgezelsjap De Beerpiëp. As ich aan Hay dink, klink d r altied n bekend nummer van Simon & Garfunkel in miene kop. The Boxer, gesjreve, toevallig, in t zelfde jaor waarin de Beerpiëp woort opgerich, maar twieë jaor later pas oetgebrach. T liedje besjrief de volharding van ne man in ziene sjtried öm te euverlaeve. Eine vechter, ne doorzetter, eine man mèt druime en ideale, dae bereid is te knokke vur det waorin hae gluif. Wies hae d r beej neervelt. Det is t beeld det ich van Hay heb en zoeë as ich öm zal herinnere. Feitelijk heb ich Hay zelf pas baeter liere kenne vanaaf 2003, t jaor waarin ouch mien hert greunwit kleurde. Zien beste jaore loge toen al wied achter m. Hae betaalde al vruueg d n tol van n laeve det gekenmerk woort door hel werke, as kastelein maar zeker ouch as vereinigingsman. Wae n kroeg runt, en det gold zeker vur de golde jaore 70 en 80, haet normaal genne tied vur extra bezighede. Maar Hay makde tied vur zien Beerpiëp. De vereiniging die hae zelf mei oprichde, neet toevallig aan de bar van zien eige kefee De Lange, jaorenlang ós residentie. Zoeë sjting hae ouch aan de weeg van ós dansgarde en joekskapel, toendertied t visuele en muzikale visitekaertje van t jongste vastelaovesgezelsjap van Tegele. Hae noom zelfs de veurzittershamer ter hank en had n groeët aandeil in de organisatie van de zittinge en later ouch t Boetegebeure. Wao haolde hae d n tied vanaaf, heb ich mich altied afgevraog. Laot sjtaon de energie! Want ouch in n dubbellaeve telt nen daag maar 24 oor. Hay ging aevel sjteeds t gevech mèt de klok aan en kwaam meistal ouch as winnaer oet de sjtried. Det hae daarmei roofbouw op zien eige lief pleegde, kós m niks verrekke. Öm mèt zien eige wäörd te sjpraeke. Det lief wól al langer nimmer. Maar de wil van d m boekser is sjterk. Hay ging al ein paar kieër KO, maar krabbelde sjteeds net vur d n tiende tel wir euvereind. Net as beej de man in t liedje leet elk gevech aevel zien sjpaore nao. Hoewel hae fysiek d n handook al had geworpe, weigerde Hay oet de rink te sjtappe. T hert bleef pompe en kloppe, ouch vur de Beerpiëp. De clöb waorvur hae zelfs in zien scootmobiel door t veur zól gaon. Nae, t sjtervesberich kwaam neet as ein verrassing. Hay laefde in blessuretied, det wiste we allemaol. T waas wachte op t definitieve eindsignaal, de bel vur de letste ronde. T verdreet is d r neet minder öm. Maar op d n daag van de oetvaart ware d r zeker ouch fijne geveules. Resjpect, bewóngering en veural dankbaarheid vur alles wat hae vur ós vereiniging haet gedaon. Bijna eine halve ieëw lank. In zien geval kenne we baeter sjpraeke van n half minsenlaeve. T aafsjied van Hay waas op halfvastezaoterdig. D n daag waorop de Aad Prinse van de Beerpiëp, waorvan hae jaorenlank besjermhieër waas, idder jaor same gaon sjtappe. Net wie daen aovend zal ouch tiedes de kómmende vastelaovesdaag minnig glaas waere gehöf mèt de wäörd: Hay, proos en alaaf! Marcel van Lier 38 39

21 Verkezinge: wae haet de meis heise sjträót? 15 Miërt meuge weej wir gaon sjtumme. De poletieke partieje make ôs al maonde knettergek met eur campagnes. Ze belaove gôlde berg, maar asse einmaol met eur linkse of rechse batse in t roëje pluche zitte, kenne weej die beloftes waal ônger ôzze klômp sjriéve. Ach, d n duvel sjiet altiéd op de grôtsten houp. Weej kenne waal klage, maar laote weej ôs energie lever positief gebróeke vur de kômmende vastelaovend. Tensjlotte is det wiéd belangriéker as det gekissebis in de Twiëde Kamer. Aevel verkezinge zien eigelik bes waal sjpannend. Zôl t neet kwant zien as d r in Tegele ens campagne geveurd zôl waere door de 4 belangriékste vastelaovesvereiniginge? Wae zôl de meiste zetels beejein zeumere? D n Oeles met sjtummetrekker Roland Truijens, de Boereraod met boerevader Teddo Peulen, de Kaetelaers met Marcel van Heel of de Beerpiëp met dae groëte mins van van Deur vur-op? Ein dink hebbe ze gemein, t zien allemaol sjpraekbôkse. Vanzelfsjpraekend (vanzelfsjpraekend, wat toepasselik) in de gôjje zin van t waord. As kopsjtök van zôn vastelaovesvereiniging, môsse neet allein n druëg laever hebbe, maar ouch n moel wie n sjeurdeur. Miene god, wat kenne die luuj allemaol praote, dao gaon dich de oëre van tóete. Sjtök vur sjtök klinke zeej net zoë heis wie Rod Stewart of Rod McKuen, kent geej dae letste nag? Zulle die trouwes allebei Rod heite, ömdet t zoë rot vult in diene kael asse heis bös? Feng, duit d r neet toe. De winnaer van de verkezinge is vur mich degene dae op Aswoensdig de meis heise sjträót haet, t ultieme bewiés van good metdoon al die joeksige daag. Ich wins uch allemaol vuël plezeer en n heise sjträót toe! Alaaf! Truu van Sjowberg Weej goove gaas van A toet ZZZ en ozze vastelaovend waas den ouch supervet 40 41

22 t Piepke S.T.V. Liedjesmatinee t Piepke Zóndaagmiddig 9 oktober haet in t Zaelke t Tegels Liedjesmatinee wir plaats gevonge. Aan t end van de middig woort t liedje Weejzien d rbeej van Wae Angers, det besjteit oet Clément Giesen & Joyce Schrömbges-Bontenbal, toet winnaar gekaoze. De teks en muziek zien op pepeer gezatte door Clément Giesen. Hae ontving as beloëning de Piet Kolster wisseltrofee. Nao Weej zien d r beej van Wae Angers woort Lianne Meijboom twieëde met Ozelig en Kaad en Vastelaovend: vuuelbelaovend van Rianne en Marsha Elgers woort derde. Dees liedjes en tekste zien te downlaode van de website Weej zien d r beej Zengers: Clément Giesen & Joyce Schrömbges-Bontenbal. Teksdichter: Clément Giesen. Kômponis: Clément Giesen. Refrein: Weej, weej, weej, weej zien d r beej, beej, beej de Vastelaovend is wir ôngerwaeg! Geej, geej, geej, geej huërt d r beej, beej, beej zônger uch is tôch de zaal zoë laeg! t Pekske óet de kas, de bônne in de tas, jao weej zien d r klaor veur. n Pilske in de heng, weej gáon wir aan de geng, de Vastelaovend sjteit wir vur de deur. Koeplet 1: Vastelaoveszaoterdig kump alles óet de kas: de sjmienk, de prúuk; dôw kieks nag of die pas. De sjóon die kômme óet de groëte doës, nag t hudje mêt die gôlde roës. En veer daag lang bösse d r beej en dôw zings mei net wie weej! Koeplet 2: Idder jaor t zellefde: Wat trêks dôw nôw wir aan? Wuërse wir koiboi? Mesjien waal Indiaan. Paoshaas, ingelke of tôch t duuvelspak? Mak niks, al is t eine jütte zak. Want veer daag lang bösse d r beej en dôw zings mei net wie weej! Ozelig en káad Zengeres: Lianne Meijboom. Teksdichter: Ruth Schouwenberg-Dings. Kômponis: Ruth Schouwenberg-Dings. Vastelaovend: vuëlbelaovend! Zengeresse: Rianne & Marsha Elgers. Teksdichters: Leo de Ronde & Cher Burhenne. Kômponiste: Leo de Ronde & Cher Burhenne

23 44 45

24 Lustrum editie Spätsjoppe beej Coëba Ajerwèts vastelaovend viere! Det is wie altied t motto van t Spätsjoppe beej Coeba. T aafgeloupe jaor zien d r get verangeringe doorgeveurd, wat resulteerde in einem bomvolle zaal wao de gezelligheid veurop sjting. Organisatore Beej Coëba (Jeu en Jacobien), Alfa Fanclub en vastelaovesgezelsjap De Beerpiep hebben ouch dit jaor waer ein ajerwets gezellig programma samegesjteld vur de 5de editie van t Spätsjoppe. Zoeë zulle Coeba oppe kop zette. Heb geej tössedoor zin in get lekkers, den kent geej aansjuve beej de sjinkebar. Heej kent geej genete van kerboet, knakwors, soep of ein Duitse Currywors. Op vastelaoves zondig 26 Februari, vanaaf oor sjtart de lustrum editie van t Spätsjoppe Beej Coeba op de Keuningsjtraot. D n entree is netuurlik vreej! 46 47

25 4 x 11 jaor c.c. t Holtsjträötje n wäördje van veurzitter Ben Westheim. Verbeeten Miene naam is Ben Westheim. Al 40 jaor lid waorvan 17 jaar as veurzitter van c.c t Holtsjträötje. Meest VERANTWOORDE 2016 BRON: GfK CONSUMENTENONDERZOEK Ich bön 55 jaor, ouch eine jubileum laeftied, bön 33 jaor getrouwd, jao jao. De gruuetse pap van twieë dochters en nag gruuetsere opa van twieë kleindochters. Wie mien elders begóste mèt de carnavalsclöb wól ich al geliek lid waere, maar ze hadde ne laeftieds grens van 16 jaor. Dus mós ich nag 4 jaor wachte. Mèt d n optoch ging ich al mei mèt mien broor en zuske en get kammeräödjes. In 1977 moch ich vur t iers op de groeëte wage. Wat ein belaevenis waas det. In 1999 heb ich t veurzittersjap van mien broer Sjaak euver genaome en sunk den nimmer aafgesjtaon. Weej zien nów wir beej ne nieje mijlpaol aangekómme. 4 x11, dus 44 jaor c.c. t Holtsjträötje. We zien daormèt de op 4 nao aadste vereiniging in Tegele en ouch de aadste carnavals clöb van Tegele. De letste jaore hebbe weej vuuel vriende gemak zoeë wie de Lapszjwens en de Gaaskaetel (oet Venlo). Maar ouch versjtaon weej ós prima mèt d n Oeles, de Beerpiep, de Kaetelaers en d m Boereraod van de Hei. Toet sjlot wil ich names ós clöb alle sjponsore, t jubileum comité,ós ierelid en ózze besjermhier bedanke vur t verwezelike van ós jubileum fieës op 26 november dit jaor. En netuurlik haop ich det dezen aovend, mèt receptie en vuuel artieste, ein groeët succes wuurt. Veskes bedank vur uch aanwezigheid op 26 november

26 50 51

27 Boétegewoëne Binnezitting Tegele Vastelaoves Paviljoen t Witte Hóes Vastelaovend feb. t/m 28 feb. Woensdig & Dônderdig: Buutte-aovend Vriedig: oor: Tent aope oor: Buutte-aovend met 6 top buutteredners óet Limburg en Brabant Veurpreuversbal oor: Senioremiddig oor: Jeugprinsetreffe m.m.v. alle Tegelse kepelle oor: extra: openening 200 Jaor Tegele m.m.v. Sound Express tijd oor: Offisjele äöpening met ein verrassingsact oor: Veurpreuversbal met o.a. Carnavalsband.nl en Tiroler Teufel Zaoterdigmiddig: oor: Boétegewoëne Binnezitting o.a. Wir Sind Spitze, Tanzgruppe Die Höpsemötsjer (Köln), Kickdown Zaoterdigaovend: Nach van de Clown o.a. Angelina, Richtig Rex, Sjloetingstied, DJ Maximus Zôndigmiddig: Zum Blauen Bock in ut witte hoes Genne entree-j, met o.a. Roland en Carien, John Coenen (Taai Taai), Ruud Appelhof, Holtmuhler Blaoskapel Zôndigaovend: Ut Sambal, ʻn pittig bal (entree-j) Maondig: Bróezend hóesbal Gekaapt! oor: Tegelse Artieste oor: De Toddezek Aansjloetend is de pries-oétreiking oor: ʻt Bróezend hóesbal, met o.a. GelderseMik (Linke Mik en Van Gelder), Ben Verdellen, 2 kier 2, Thei en Mary, Petatte Nelke V.G. D n Oeles 11 fibberwarie 2017 öm oor Oétkômme Oelestrio 2017 in CC De Haandert 12 fibberwarie 2017 öm oor Oelesmis H. Mis in de St. Martinuskerk 12 fibberwarie 2017 öm oor Oetkômme Jeugtrio 2017 in CC De Haandert 13 fibberwarie 2017 öm oor Verkaup Oeleskrant Hoes-aan-hoes door de sjtraote van Tegele 15 fibberwarie 2017 öm oor Zitting KBO in CC De Haandert 15 fibberwarie 2017 öm oor Zitting De Niejje Munt in De Nieuwe Munt 16 fibberwarie 2017 öm oor Liedjesmatinee vur Blaage in CC De Haandert 18 fibberwarie 2017 öm oor Sjleuteleuverdrach in Chateau Holtmühle 19 fibberwarie 2017 öm oor Resepsie Oeles Jeugtrio 2017 in CC De Haandert (kleine zaal) 19 fibberwarie 2017 öm oor Resepsie Oelestrio 2017 CC De Haandert (groëte zaal) 22 en 23 fibberwarie 2017 öm oor Buuttegala in paviljoen Ut Witte Hoes 24 fibberwarie 2017 öm oor Sjoëlebezeuk aan alle basissjoële in Tegele 25 fibberwarie 2017 öm oor Nach van de Kloon in paviljoen ut Witte Hoes. 26 fibberwarie 2017 öm oor Zum Blauen Bock in paviljoen ut Witte Hoes 26 fibberwarie 2017 öm oor Ut Sambal in paviljoen ut Witte Hoes 27 fibberwarie 2017 öm oor Groëte Vastelaovesoptôch door de sjtraote van Tegele 27 fibberwarie 2017 öm oor Bekendmaking optôch priéze in paviljoen ut Witte Hoes 28 fibberwarie 2017 öm oor Fakkeloptôch door de sjtraote van Tegele 28 fibberwarie 2017 öm oor Gesjöt Verburre op ut Smidseplein 28 fibberwarie 2017 öm oor Aaftraeje Oeles jeugtrio 2017 in paviljoen ut Witte Hoes 28 fibberwarie 2017 öm oor Aaftraeje Oelestrio 2017 in paviljoen ut Witte Hoes 1 maart 2017 öm oor Assekruutske H. Mis in de St. Matinuskerk Dinsdig: Houfsjponsors: drukkerij Sjlóetingsaovend oor: Tent aope, verkoup fakkels en verzamele vur de fakkeloptoch Georganiseerd door Sjtichting V.A.T. - Lokasie-j: Wilhelminaplein Tegele garagebedrijf oor: Sjtart Fakkeloptoch oor: Sjloetingsaovend met Linke Mik AANGENEND BV abtrucks.nl Milieubewuste Haarden drök en ontwerp: drökkerie de Boskamp bv, Tegele 52 53

28 t Piepke t Piepke Colofon Óetgave: V.g. de Beerpiëp Ônger verantwaordelikheid van De Piepke-kemissie: Fred Keijsers (veurzitter) André van Aarssen Marcel van Lier Richard Brokmann Rob Geraats Franc van Baar Gerard Hendriks Mark Hendrix Advertenties: Leje van V.g. de Beerpiëp o.l.v. Tiny van Deur Foto s: Bart Douben Jos Verbong Joey de Ronde Sjriévers: Piet van Bree Franc van Baar Met beejdrages van: Vg D n Oeles Vv de Kaetelaers VV de Boereraod Ruth Schouwenberg C.C. t Holtsjräöje Illustraties en opmaak: Fred Keijsers Rob Geraats André van Aarssen Tegels dialek:(eige sjtökke) Franc van Baar Drök: Rekafa drukkers Oplage: 8200 exemplare Versjpreiding: Gratis hoes aan hoes in Tegele, oppe Hei en Sjteyl. V.V. de Kaetelaers Vanaaf de seizoens-äopening op d n ellefde van d n ellefde, is d r al gesjaote beej t Insjeete, gebaejd beej de Heilige mis in t Missiehoes en gelache beej de veurronde van t Limburgs Buutekampioensjap. En d n môt t echte Kaetelaers-programma nag beginne: t Zjwaegelkesbal met t oetroope van Jeug Vors Lucifer 2016 is op zaoterdaag 28 jannewarie. Daen baeregezellige middaag vur jôngk en aad begint öm 14:00 oor. De recepsiej van ôzze nieje Jeug Lucifer is zôndaag 5 fibberwarie. Op zaoterdaag 25 fibberwarie brik de Vastenaovessjtorm in alle hevigheid los. Det is aevel auch de letsten daag van ôzzen aaje Lucifer Wim Siebgens. Öm middernach op ôs demone-bal Walpurgisnach..! zal hae motte aaftraeje öm plaats te make vur Vors Lucifer Zôndaag 26 fibberwarie is den d n Duuvelsbal in kefeej-zaal Vriendekring. Met allerlei optraejes wuurt t oetroope van Vors Lucifer 2017 ein groet duuvelsfiës. Vastenaovesmaondaag trek Vors Lucifer met zien verduuvels gevolg mei in d n optoch door Tegele en s aoves truuk in t duuvelsriëk hèlt hae zien recepsiej vanaaf 19:30 oor. V.V. De Boereraod 03 fibberwarie 2017 Boerejoekszitting in de Haandertboerderie. 04 fibberwarie 2017 Klumpkes- en Verloofdenbal in de Haandertboerderie. 12 fibberwarie 2017 Dameszitting in kefee-zaal de Witte. 14 fibberwarie 2017 Veursjtêlaovend van de Dansgroepe in de Haandertboerderie. 17 fibberwarie 2017 Pekskesaovend in kefee de Witte. 18 fibberwarie 2017 Resepsie Jeugboerebróedspaar en Gangmakers 2017 in de Haandertboerderie. 19 fibberwarie 2017 Hiërezitting in kefee-zaal de Witte. 25 fibberwarie 2017 Aafhaole Gangmakers, Boerenoptôch euver de Hei, Boerebróelefsrevue mêt trouwerie en Boerebróelefsbal in de Haandertboerderie en Heierse kefees. Dinsdaag 28 fibberwarie trek de jeugoptoch door de sjtaote van Sjteyl. Opgaeve vur dezen optoch ken via de website of op dinsdaag 21 fibberwarie öm 19:00 oor beej kefeej-zaal Vriendekring. Dao kense den auch gratis ein duuvelspekske met reek ophaole vur as duuvelke op d n duuvelswage mei te gaon. Aansjloetend aan de jeug optoch begint in duuvelshome Vriendekring Joetse Jatse met optraejes vur alle kinger van Tegele, Sjteyl en de Hei. Deze jeugmiddaag wuurt aafgesjlaote met t aaftraeje ôzze Jeug Lucifer. s Aovens sjtaoke de duuvels t veurke nag ens op met t Richtersbal, wies kloksjlaag twellef. Den is t met de vastenaovend 2017 gedaon fibberwarie 2017 Boere- en Boerinnenbal en Aafsjlóete Vastelaovend 2017 in kefee-zaal de Witte. Vastelaovend Same! Ron Nijs (Veurzitter) & Teddo Peulen (Boerevader), V.V. De Boereraod van de Hei

29 Puzzele!!! Puzzele, wae haet t neet gedaon in zien laeve, alle meugelikke puzzels, maar weej hebbe wir eine sjpeciale puzzel dit jaor. Winnares Esther van de Ven, Nelly Ketels en Jos Thijsen 2e en resp. 3e Pries van de vurrige editie zullen t dit jaor moeielik gaon kriege. Nao t succes in t 33ste Piepke, wuuert d r in t 34ste Piepke ein vervolg aan gegaeve. In samewerking met Plus Markt Verbeten, hebbe we wir eine sjoeëne puzzel gevonge wao zeker wir de nudige eurkes vur nudig zulle zien, gezeen de hoege moeielijkheidsgraod. Ózze puzzel zit as volg inein. Heej-ónger sjtaon sjtökskes van beejveurbeeld ein advertentie, ein foto of teikening. Dees sjtökskes sjtaon wir op ein pagina met vanzelfsjpraekend ein pagina nummer. Nów raojt geej t al, det nummer kump wir euverein met ein letter oet t alfabet. Zoeë sjteit pagina 7 vur de letter g, maar ouch pagina 33 kump euverein met de g want (letters in ós alfabet) is ouch wir 7. Kent geej t nag neet volge, den volgt heej nag ein veurbeeld. Dit advertensie-sjtökske: sjteit op pagina 34 en sjteit zoeë vur de 34-26=8e letter in t alfabet en dus vur de h. Nów mot t toch waal lökke.of toch neet? Perbeer t maar ens! As geej de oplossing heb, kent geej ein mailtje sjteure aan webmaster@debeerpiep.nl o.v.v. ugge naam en tillefoonnummer en netuurlik met vermelding van de gójje oplossing. Heb geej gen mail, den kent geej ein breefke met de oplossing en uch gegaeves aafgaeve op Hulsterdreef 3 in Tegele. De volgende super priëze hebbe weej, in samewerking met Plus Verbeeten, vur uch in petto: 1e priës: baodsjappe-pakket met Beerpiëpvlag ter waerde van maar leefs 120,- 2e en 3e pries: baodsjappe-pakket ter waerde van 50,-. Twiefel dus neet en doot sjnel mei-j. Wach aevel neet te lang, want de sjloetingstied vur t inlevere van de oplossing is vriedig 3 februari. De winnaers zulle sjnel daonao van ós n tille-foontje kriege öm aaf te sjpaeke wenier de priés beej Plus Verbeeten opgehaold ken waere. Weej winse uch vueel puzzelplezeer en succes! 56 57

30 58 59

31