Reglement betreffende 't inzende en selektere van de vastelaovesleedjes beej 't Venloosch vastelaovesgezelschap "JOCUS"

Transcriptie

1 Leedjes insteure Reglement betreffende 't inzende en selektere van de vastelaovesleedjes beej 't Venloosch vastelaovesgezelschap "JOCUS" Inkele veur alle betrokkene belangriéke data veur seizoen zien: - Sloéting veur inzende van nieje leedjes is op zaoterdaag 30 juli :00 oor - De rippetisie veur de veurseleksie: dônderdaag 25 augustus 2016 vanaaf 18:00 oor in de Venlonazaal - De veurseleksie: vriedaag 26 augustus 2016 um 18:00 oor in de Venlonazaal. Weej verzeuke ôg um de tekste en meziék te versteure via ônderstaonde link: Veur vraoge kint geej maile nao:mark van Soest, via veurseleksie@jocus.nl Inzende van leedjes 1. Ein leedje wuurt ingesteurd nao ein door Jocus-Joekskemissie bekind gemak adres, mit inachneming van de sloétingstermien. Deze termien zal door Jocus vasgelag en bekindgemak waere door middel van de internetpagina van Jocus en eventuele andere media. Dees advertensie wuurt minimaal twië maond veur de vasgelagde en gepubliceerde sloétingstermien geplaats. 2. De inzendtermien is bindend en indig op de gepubliceerde datum um oor. 3. De inzending deent te bestaon oét: a. ein CD mit de teks in Microsoft Word-formaat, lettertype Arial, 12 punts. (de ingeleverde teks zal in eine standaard opmaak umgezatte waere en daonao ôngewiézig waere aafgedrök in 't teksbook. Type en/of spellingsfoute zien veur verantwaording van d'n inzender) De teks zal inhaldelik gescreend gaon waere. b. ein in eige beheer opgenaome CD of mini-disk, of ein digitale versie, wao-op 't leedje einerzijds Instrumentaal - vokaal en anderzijds Instrumentaal verkorte versie (ein koeplet), waobeej de instrumentaal-vokale opname inkel en allein meug waere ingezônge door de daadwerkelikke vertolkers van 't leed op de veurseleksie. c. ein pianopartie in twiëvoud, die besteit oét duudelik laesbare akkoorde en symbole, hetzij handgeschreve danwaal in de vorm van eine computeroetdreij. 4. Alle inzendinge die neet voldoon aan 't gestelde ônder de twië vurrige punte waere oétgeslaote van deilname en zulle geretourneerd waere aan d'n aafzender. 't Heej geneumde môt taeves veurzeen zien van respektievelik de naam- en adresgegaeves van de komponis(te), de teksschriéver(s) en de oétveurende artieste.

2 Veurschrif t.a.v. 't leedje: - Idder ingezônde leedje meug eine maximale speuldeur hebbe van 4 minute. Binne dees aantal minute/secônde ziet geej vreej um ôg leed te componere t.a.v. t aantal koeplette en/of t gebroëk van ein zgn. brök. Jocus Joekskemissie behelt zich t veurrech um ein ingezônde leedje te diskwalifiseere as 't neet aan de heej in opgenaome veurschrifte volduit. - Tekste deene te waere geschreve in 't Venloos dialek. As tekste of deile heejvan neet voldoon aan 't Venloos dialek, zal Jocus de inzender(s) heejvan in kinnes stelle. De teksschriever wuurt asnog in de gelaegenheid gebrach zien teks aan te passe. - Ein leedje det gekaoze wuurt um door te gaon nao Jocus Leedjesaovend meug neet miër instrumentaal of tekstueel gewiézig waere. De inzending as zoëdanig is bindend in 't gehiële vervolgtrajek. Veurschrif t.a.v. teksdichter en componis: - De teksdichter en/of componis meug maximaal dreej inzendige insteure. - De op 't teksblaad of meziékblaad vermelde naam van teksschriéver en/of componis is bindend veur Jocus, zoëwie de vaerdere naamsverwerking ten behoeve van de opnamestudio, de CD-layout en Buma-Stemra. Veurschrif t.a.v. de zenger / oétveurende: - De zenger / zangeres meug maximaal dreej kiër as oétveurende aan de veurselektie meidoon. - De veur ein leedje opgegaeve naam van de oétveurende zenger/zangeres is bindend. - Ten aanzeen van veurgaonde bepaoling meug gen gebroek gemak waere van eine commerciële groepsnaam. - Ein leedje meug door maximaal veer oétveurende zengers / zangeresse gezônge waere. - De minimum laeftiéd veur deilname van eine zenger of zangeres is 16 jaor. Algemein: Jocus behelt zich 't gebroékersrech veur um de teks of meziék danwaal de titel van 't leedje veur eige doeleinde te gebroéke en/of te bewerke, zônder det dit mit de teksdichter(s) of componis(te) wuurt aafgestump, mit inachneming van de bepaolinge van de BUMA/STEMRA. De veurseleksie Algemein: - Veuraafgaond aan de veurselektie zal op eine door Jocus vasgestelde datum eine repetisieaovund belag waere. - Toegang tot de veurselektie hebbe teksdichter(s), componis(te) en oétveurende, die veurkômme op de liés van name beej de ingesteurde leedjes. - Jocus behelt zich 't rech veur um in verband mit media-belange danwaal enig ander veur de vereiniging bepaolend belang, aaf te wiéke van de toegangsbepaoling. De oétveuring van 't leedje: - 't Leedje zal twië kiér waere gezônge, waobeej d n twiëde kier in verkorte versie zal waere oétgeveurd (kiék ouk inzendingseise). - De start-volgorde wuurt door Jocus vasgesteld en is bindend. - 't Leedje wuurt in zoéwaal de iërste as in de twiëde rônde gezônge door dezelfde oétveurende. De zjurie / zjurering: - De zjurie zal op eine door Jocus vasgestelde aovend alle ingesteurde leedjes veurluustere.

3 - Oét alle ingesteurde en vertolkde leedjes waere op de daonao volgende veurselektie elf leedjes gekaoze, waoveur allein 't door de zjurie oétgebrachde punte-totaal per leedje bepaolend is. - De zjurie besteit oét elf stumgerechtigde vakpersoëne, beejgestaon door eine neet stumgerechtigde veurzitter. - De zjurie wuurt door Jocus samegesteld en stump idder veur zich. Ônderling vindt d r gèn euverleg plaats euver de leedjes. De loëting veur de leedjesaovend: - Tiedes bekindmaking van de elf finaliste zal ein loëting plaastvinde um daomei 't startnummer van de leedjesaovend te bepaole. - De loëting alzoë verrich is en blief bindend. - In geval van ein ex-aequo op plaats elf zal 't zoë zien det d r twelf leedjes euvergaon nao de leedjesaovend. - De leedjes die door gaon nao de leedjesaovend meuge t/m d'n datum van de leedjesaovend nörges muzikaal danwaal vocaal ten gehuuére waere gebrach. Jocus zal heej strik op toezeen. As bliek det ein of miërdere nummers toch ten gehuuére waere of zien gebrach, wuurt det (de) finalenummer(s) oét de kompetisie gehaold en gaon vervolges de leedjes vanaaf nummer 12 van de veurseleksie alsnog door nao de leedjesaovend. Ein en ander is bepaold ter garansie van 't ôniërlikke konkurrensiebeding. Baovestaond is door Jocus waaltoegestaon! De Leedjesaovend De leedjesaovend is eine wedstriéd wao de elf winnende leedjes van de veurselectie ten gehuure gebrach waere, en wao-oét de veer winnende leedjes gekaoze waere en op zich daorum winnend vastelaoves-leedje van 't nieje seizoen meuge neume. Leedje 1 t/m 4 waere op de nieje Jocus geluudsdrager geplaats. Algemein: - De elf finaliste waere in opdrach van Jocus veurzeen van ein volledig arrangement. - D n arrangeur wuurt door Jocus gekaoze en beneump. - De ingesteurde pianopartie zal as leidraod veur 't arrangere waere gebroek. - Jocus zal ein orkes beneume det de leedjes zal speule op (a) de door Jocus vasgelagde repetisie-aovend, (b) de generale repetisiedaag en (c) de eigelikke leedjesaovend. - De oétveurende zien verplich deil te neme aan de door Jocus vasgelagde generale repetisiedaag, mit inachneming van 't vasgestelde tiédschema, kleidingveurschrifte en andere eventueel veurkômmende en bekindgemakde regels. - Jocus haet 't rech um te beslisse op welke wiés d n teks en/of meziék van de veer winnende leedjes veur gebroék in t dao-opvolgende seizoen wuurt vermeinigvöldig. De oétveuring van 't leedje: - In euverleg tösse d n arrangeur van de Hofkepel en de leedjesschriévers, kin dao gebroek waere gemak van ein backing vocal groep. Dit is gen verplichting, maar môt waere gezeen as ein extra facititeit van Jocus Hofkepel. - Ein leedje meug maximaal 4 minute deure. - Alle leedjes waere in de 1e ronde in zien gehiel ten gehuúre gebrach. Nao det de 1e rônde is gewaes, kriege we alle 11 leedjes nog ens in de verkorte versie te huúre.

4 Kleiding t.a.v. dames / hiére-oétveurende: - Hiére zien verplich in nette kleier eur optraeje te verzörge. - Dames zien verplich in gepasde aovendkleiding eur optraeje te verzörge. - De kleiding zal neet aanstoétgaevend meuge zien. - De oétveurende is verplich um de op de generale rippetisie gedrage kleiding ouk te drage op Jocus leedjesaovend. - De kleiding zal beej tillevisie-registrasie getoënd môtte waere aan de regie. - Beej de oétveuring van 't leed meug gen gebroék gemak waere van attribute en of kleijage die oétbeelding of oétstraoling guuëf aan 't vertolkde leed. De zjurie / zjurering: - Zjurering zal plaastvinde door dezelfde zjurie die ouk op de veurselectie de leedjes beoordeild haet. - Jocus behilt zich 't rech veur um in neet veurzene situaties wiéziginge in de samestelling aan te bringe. - De door Jocus vasgestelde zjurie besteit oét vakminse en zal as zoëdanig VAKZJURIE geneump waere. - De zjurering besteit taeves oét 't in de zaal aanwezige publiek, oétgebreid mit zoégenaamde buurtzjuries die samegesteld zien oét vertaegewaordigers van diverse wiekvastelaovesvereiniginge en/of aangevöld mit maximaal twië gekaoze vertaegewaordigers oét de wiék. - Jocus bepaolt 't reglement van zjurering waobeej de vakzjurie en 't publiek idder einen eige inbring hebbe. 5) - De publiekszjurering wuurt bepaold via stumme per sms of eine stum app. - De zjurering beej de buurtzjurie vindt plaats aan de hand van ein door Jocus vasgesteld en beej de individuele zjurie-leeje bekind gemak regelement van puntewaardering. - t oétgebrachte puntetotaal van 't publiek en de buurtzjurie zal nao telling heejvan aan 't publiek kinbaar waere gemak. - 't oétgebrachde puntetotaal van de Vakzjurie zal nao telling heejvan aan 't publiek kinbaar waere gemak. Toegang tot de leedjesaovend: - De teksdichters en of komponiste van de elf winnende leedjes veur de leedjesoavend hebbe de meugelikheid um kaarte te risservere.. Zeej kriege 2 kaarte zônder betaling. - Teksdichters, componiste en oétveurende die beej deilname van de veurselectie gen finalis gewaore zien, hebbe de meugelikheid um te koupe of te risservere. - De zjurieleeje die netuurlijk qualitate qua aanwezig zien, meuge ouk extra entreekaarte taege betaling risservere. Jocus-Evenemente en CD-opname: - De oétveurende(n) van de winnende leedjes op de Leedjesaovend zien verplich um op de aan eur kinbaar gemakde Jocus-evenemente acte de présence te gaeve um eur winnend leed ten gehuúre te bringe, volges de veurschrifte en regelemente die geldig zien veur 't desbetreffende evenement.

5 - Veurgaonde verplichting is geldig vanaaf d n elfde van d n elfde tot aswoensdaag. - De oétveurende van de winnende leedjes op de Leedjesaovend zien verplich op eine door Jocus vasgestelde datum acte de présence te gaeve in ein door Jocus vasgestelde studio, wao 't leed zal waere opgenaome veur ein CD of ein ander geluuds-dragerproduk, en waal gedurende ein dusdanige tiédsperiode die nuuëdig is of nuuëdig geach wuurt um ein kwalitatieve gooje opname te make. De meziékopname - De aan de opname-studio verbônde arrangeur bepaolt op welke wiéze de winnende leedjes waere opgenaome. - De opname(s) zulle plaatsvinde op eine door Jocus vasgelagde opname-daag c.q. aovend in ein door Jocus bepaolde studio. - Naeve de opname van de meziek en teks van de veer gekaoze leedjes behelt Jocus zich 't rech veur ein willekeurig aantal andere leedjes heejaan toe te voege. - Teksdichters en componiste kinne ein verzeuk aan Jocus richte um beej de opname(s) van eur eige produk aanwezig te zien; Jocus behelt zich 't rech veur um aan de hand van 't aantal binnegekômme verzeuke plaatse toe te kinne. - Teksdichters en/of componiste welke toegelaote waere tot de opnames ôntzeen zich van idder commentaar ten aanzeen van de opnameleiding inzake arrangement, de wieze van oétveuring, kwaliteit en vaerder. - Euveral waorin dit regelement neet in verzuut zien de bepaolinge van BUMA/STEMRA van krach. 6) Iddere componis, teksdichter, zenger of zangeres dae behoefte haet aan begeleiding inzake van de geneumde wedstrijdelemente, oétveuringe, veurbereidinge etc. of andere vraoge haet, kint zich in verbinding stelle mit: Hay Geritz, tillefoon: Jocus evenemente As winnend leedje van 't VVG Jocus (leedje 1 t.m 4 c.q. in ex aequo 1 t/m 5) gelde de volgende verplichtinge ten aanzeen van 't verzörge van ein optraeje: - CD prissentasie Joekskemissie (middaag) - Inscheete op de Mert veur 't Stadhoés; = ElfvanElf - de groëte Prônkzitting (aovend) - Boeremoosbal (aovend) - 't Naopraote (middaag) - d'n Hofbal (aovend) - 't Matinee Musical (daag) en Matinee Veurbeej - de Träötprissentasie (nummer 1 op aanvraog) (aovend) - Zitting Half Haenke (tösse en oor) - de Seniorezittinge (twiej opein volgende aovende) (aovend) - 't Jeugleedjesconcour (nummer 1 op aanvraog) (middaag) - Vrinde van Jocus (aovend) - Jocus Pocus (middaag) - Op 't balkunke op Boerebroelofsdinsdaag (op aanvraog ein van de veer leedjes op verzeuk van de Gemeinte Venlo). (middaag)

6 - Mutse aafzette (op aanvraog ein van de veer winnende leedjes op vastelaovesdinsdaag middernach / op aanvraog) (nach) - Ouverture in september - Jocus Toekôms activiteite op aanvraog Veurneumde evenemente hebbe inzake ein optraeje ten alle tieje veurrang op alle andere contractuele verplichtinge elders. Op dees veurneumde evenemente deent gage-vreej acte de presence gegaeve te waere op eine door de Joekskemissie te bepaole tiéd van optraeje, welke tiéd bindend zal zien. Ten aanzeen van ein optraeje zal aan de deilnemer(s) ein geste waere gedaon.