maedjes-name in Venlose Vastelaoves leedjes Vaegers hoesorde straote mit vastelaovend aannamû niéje Venlôse spelling Pouwels Laes mier op pagina 3

Transcriptie

1 Vaegers hoesorde veur Harry Pouwels maedjes-name in Venlose Vastelaoves leedjes Träötvreeje straote mit vastelaovend Cômpjúterstress nàó aannamû niéje Venlôse spelling Laes mier Laes mier Laes mier Laes mier op pagina 3 op pagina 7 op pagina 15 op pagina 15

2 De Wazelaer 2017 Pagina 2 Minse wie weej

3 Minse wie weej Pagina 3 De Wazelaer 2017 Zier AAnonieme iingezónden breef Venlo, örges tösse 16 of 17 Zier hiel hoeëg óngeachde Raod van de Vaegers as anonieme drager van de hoesorde voel ik mij verplich u anoniem te wijzen op óg vastelaoves plich ik schrief dit anonieme schrieve ouk names andere hoesorde dragers die anoniem wille blieve. die draosbókse doen mij ieders keer verbaze Er moet mei dringend iets van mijn anonieme druuege laever aaf want die gewoeëne doordewaekse leje van de Vaegers zijn kei gaaf die manifestere zich stram met frisse pit en stiefele van groeët wies klein stijf in t gelid maar dan die Raod van Elf mit hun anonieme witte hase die draosbókse doen mij ieders keer verbaze zij zouwe een voorbeeldig voorbeeld moete etalere en niet zo anoniem door de vastelaovend marchere want moet je die aafgestreke murfjes zien schravele, det is te gek t liek waal ein gehele rij van anonieme scheiven drek terwiel die brave werkende leje zich er duchtig tegenaan gooie is die elitaire Elf elite waat anoniem aan t klooie op t ritme van de bel dan kump d r struktuur in det gammele stel middels dit anonieme schrijve wil ik óg d r anoniem op attendere dat ik as echte vastelaoves soepeerder dat neet mier wil cónsumere dae Raod zit staonde of steit zittend te luime dat is neet mier te pruime t is een schandalige schand voor die brave anonieme toekijkers langs de kant zoals die raadsleje van uw zeer gelouterde verein d r met de anonieme pet naar smijte daar nevenein names d n bónd van anonieme hoesorde dragers mót ik reagere en eisse det geej dae Raod van Elf liert um stram te marchere ouk as se det neet wille, laot die maar ens duchtig drille links rechs, links rechs, stjakkig op t ritme van de bel dan kump d r struktuur in det gammele stel de bors veuroet de Vors veurop en allemaol poetse en neet lölle dan kint De Vaegers Raod van Elf zich weer laote zeen. in Kölle (as de Raod dan nao Kölle geit rippetere, wil ik waal mei um te kóntrolere) eine aannoniemblievende gruuetsen drager van de hoesorde Vaegers hoesorde veur Harry Pouwels VENLO, 19 november 2016 Vastelaovesgezelschap De Vaegers haet ónder de Hoeskamerzitting op zaoterdag 19 november eur hoesorde oetgereik aan d n hier Harry Pouwels. D n ald-vors van Jocus krieg de iervolle ónderscheijing veur zien verdeenste en waerdevolle beejdrage aan t bevordere en in stand halde van de Venlose Vastelaovend. De Vaegers bringe mit t nieje motto Minse wie weej taeves n ierbetoeën aan Frans Boermans. In ne good gevölde Venlonazaal waar t de ier aan zittend Vors Vaeger Harry Lücker um ziene naamgenoeët bestutend toe te spraeke en de versiersele op te spelde. Harry Pouwels zelf droog nao 15 jaor Vorsschap en veurzitterschap de scepter euver aan ne nieje Vors Joeccius XI. In zien ambsperiode introduceerde hae ónder mier d n Opstaeker en waar hae ouk ing betrokke beej de organisatie van de Boetezitting en t Joekskapelle treffe. Ierder dit jaor kreeg Pouwels nog n keuninklike medalie, noow meug hae dao de Vaegers hoesorde aan toeveuge. Wie Harry Lucker (Vors Vaeger red.) mich vroog of ik de Hoesorde woel óntvange waas det veur mich n hieële groeëte ier zag Harry Pouwels, hae vervolg: zeker van de Vaegers die beej mich hoeëg staon aangeschreve binne de Venlose Vastelaovend. t Is veur mich zier iervol det zeej aan mich hebbe gedach beej de toekinning van dees hoeëge onderscheijing. Ierdere dragers van de hoesorde zien: Jan Engels, Toine Hazenbosch, Theo Peeters, Jan Pollux, Wim Roeffen, Gé van Beek, René Thijssen, Hay Crompvoets, Peter Janssen, Wim Jansen, Wiel Hermans, Sef Gubbels, Wilfred Wieland, Herm Pollux, Gé Deenen, Bram Holla en Ruud Stikkelbroeck, W-dreej, Frans Pollux. Ierbetoeën aan Frans Boermans mit motto 2017 In de twieëde editie van de Hoeskamerzitting in de Venlonazaal woort ouk t motto veur t nieje sezoen bekind gemak. Mit t alleszeggende Minse wie weej bringe de Vaegers n ode aan t Venlose stads-icoon Frans Boermans. De door idderein gerespecteerde leedjesschriever en teksdichter zoel in t jaor 2017 zienen hónderdste verjäördaag hebbe gevierd. Boermans schreef ónder mier de bekinde leedjes: Och waas ik maar beej moder thoes gebleve, Josefien, en dus t nieje Vaegers-motto: Minse wie weej. Sjang zienen optoch! Sjang woel mit d n optoch mit gaon. Hae prakkedach de gansen daag euver wie hae det zoel gaon aanpakke. Hae dach: as ik mich noow ens in rieje van 22 opstel dan zien weej bes mit ne groeëte groep. Zien pekske, dao waar Sjang nog neet oet. Hae zag taege zien vrinde in de kroeg: Kiek t zit zoeë, as ik mich noow waat dóms aan doon, mak det veur mich niks oet, maar dan zitte die andere 21 mit de gebakke paere. Jao, Sjang dach in de prieze valle beej de groeëte groepe is neteurlik neet mekkelik. En daobeej as weej mit zoeë vuuel zien hald ze maar ens allemaol aan de klep. Det kos ouk nog ens jatte vol mit picunia. Maar Sjang had zich det good bekeke: hae bestelde d r idders kier maar eine, maar buisde die andere 21 glazer beer net zoeë hard mit mit laeg! Eigelik leverde t idders kier weer geld op as se de kroeg in ging. Maar toch: mekkelik had Sjang t neet. Op de zaoterdaag veur de vastelaovend kwaam hae aevel op n briljant idee. Ik gaon as faatse zag Sjang... wae duit d r mei? Hae ging euveral vraoge. Naodet hae alle kroege dach te hebbe gehad zag m emes det hae de kleinste kroeg van Venlo waar vergaete. Jao slech zeen kós se good, maar good hure kós se slech. En jaowaal huur, alle minse in die kroeg woele waal mit m mei en Sjang zien plan ging door. Zoeë gezag zoeë gedaon. Op Vastelaoves maondaag stónd Sjang op de Pónniewaeg maar waat dachs se...gans allein mit 22 glazer beer! Wazelvot Leef Vaegers en Vaegerinnekes, t liekent taegeswoordigs waal ens of we laeve in t tiedperk van de kwaoje blanke man en Zwarte Piet. De ein is kwaod op de ander of net andersum, det is neteurlik maar wie d r taege de zake wuurt aangekeke. Dan ware al die minse die mich al kleine blaag al vertelde desse t laeve nee zoeë zwart-wit mos zeen toch eigelik bes verstendig. Wat is t dan ouk ein gelök det we noow weer veur de vastelaovestied staon. Neet allein de schoenste, maar ouk de meis vuuëlkleurige tied van t jaor. Mit vastelaovend zette we os zörg al net zoeë lang op ein keske, as det we det schoeëne leedje Sjiengeleboem zinge. Laote we dees wieze les noow ens neet allein mit vastelaovend ter herte neme, maar gans t jaor. Dan make we t os ein stök mekkeliker in t dageliks laeve. Weej Vaegers dinke al gaar neet in zwart-wit. Noow de vastelaovend in de loch hink, dinke weej steeds mier in blauw-wit. We dinke ouk truuk ein ein fantastisch jaor onder ozze inmiddels ald-hoeëgheid Leon I en zien adjudante Rob en Ron. Ein dreejspan det stond as ein hoes en waat op en top Vaeger waas. We kinne ouk truuk dinke aan ein good vereinigingsjaor waorin we weer vaerder greujde, we de raod nog sterker oét de zomerslaop zoge komme en we as vereiniging moeije nieje herinneringe makde. Noow staon we veur ein niej jaor en op de dörpel van nieje oeits-herinneringe. Intelik meug t hoeëge waord d r oet en kinne we melde det we dit jaor veur waere gegaon door ozze nieje hoeëgheid Alwin I en zien adjudante Stijn en Erwin. Ein dreejspan det in t groeëte Vaegersbook geit teikene veur ein paar moeije bladzijdes. Weej dinke det we kommend jaor weer ein schoene vastelaovend gaon kriege, weej dinke blauw-wit. Vastelaovend Same, Vors Vaeger

4 De Wazelaer 2017 Pagina 4 Minse wie weej tel: Administratiekantoor Gifity Industriestraat 94a, Tegelen T Voor al uw: * financiële administraties * salarisadministraties * tussentijdse rapportages & jaarverslagen Kijk op onze website voor meer informatie Kefee De Gaaspiëp v.o.f. Kleine Kerkstraat GK Venlo Til.: Fax.: Veur jòngk en ald

5 Minse wie weej Pagina 5 De Wazelaer 2017 Grand Café de Keulse Kar: gezellig plaetske in hertje Venlo! Net veur de vastelaovend 2015 óntstónd t spóntane idee um einmaolig Grand Café de Keulse Kar te heräöpene ónder de vastelaovesdaag. Dit woort zó n succes det femilie Schreinemachers haet beslaote t gezellige Grand Café op de Parade in Venlo aope te halde. Twieë jónge ónderneemsters, Danielle (26) en Pascalle (24) Schreinemachers, zette dit initiatief door: Mit t creëre van n werme en gezellig sfeer, wille weej minse t geveul gaeve as of zeej thoeskómme beej ós, in Café de Keulse Kar. schitterende kroeënluchters en bezóndere beelde achter de bar springe ech in t oug Wae beej Grand Café de Keulse Kar nao binne geit, veult drek det de kroeg n antieke, stielvolle sfeer oet aosemp. De schitterende kroeënluchters en bezóndere beelde achter de bar springe ech in t oug. Op t ougenblik van t interview is de kroeg nog versierd veur Halloween, maar al flot zal dees versiering plaats make veur gezellige Sinterklaos- en dao nao veur sfeervolle kersversiering. En al drek daonao staon de veurbereidinge veur ózzen derde vastelaovend weer veur de deur, zaet Danielle. Geweldig lekkere en afwisselende (lunch)gerechte Beej de Keulse Kar kin me terech veur ne (flotte) zakelijke lunch, dae as me wins, ouk besteld en vaerdig um te aete, aafgehaold kin waere. Maar ouk oetgebreid lunche mit n wienke d r beej in de sfeervolle umgaeving is zeker aan te raoje. Op de kaart zien verscheie nieje gerechte truuk te vinde, waobeej de vissalade mit couscous, de vitello tonato salade en de club sandwich echte aanraojers zien. Ouk veur t diner is me beej Grand Café de Keulse Kar aan t juuste adres, de Entrecote van de Chef en de uiensoep die op verrassende wies wuurt opgedeend zien topfavoriete, maar perbeer zeker ouk de pasta scampi ens. Danielle: informeer gerös nao de meugelikhede, weej kómme gaer aan en weite zeker det weej óg winse kinne vervölle. Borrele en op stap beej de Keulse Kar Idderein veult zich welkóm beej de Keulse Kar, wao vrintelik perseniel n ech oethangbord is. In t waekind gaon rónd n oor of 10 de steul d r oet en dök steit d r op zóndaagaovend laeventige meziek op t program. Beej Grand Café de Keulse Kar waere dök bedriefsfeeste en strakkes ouk weer kersborrels mit buffette georganiseerd. Maar ouk n loupend diner ónder feesjes is zier populair. Ós niejste concept hit Forever Young; op zaoterdaagmiddaag. Weej beginne dan al vanaaf oor mit dj Jerry Menick. Heejmit richte weej ós op de jónge aldere van noow, doel is um t oetgaonslaeve neet allein maar midden in de nach te laote gebeure, want n good feesje viere kin ouk ierder op d n daag, vertelt Danielle enthousias. Ind november vónd de ierste editie plaats, de volgende editie steit veur 28 januari gepland. Stap daorum binne, en belaef de Keulse Kar noow zelf! Grand Café de Keulse Kar is zes daag in de waek veur óg geäöpend, op dinsdaag vanaaf oor, op woensdaag t/m vriedag vanaaf oor en op zaterdaag en zondaag vanaaf oor. Lunch wuurt opgedeend op woensdaag t/m vrijdaag, diner op dinsdaag t/m vrijdaag. Ein stök Dit jaor is mich weer gevraog ein stök te schriéve veur de Wazelaer, de krant van de Vaegers. Vurrig jaor waas det ouk al zoeë en toen wis ik gaarneet waor ik euver meus schriëve en ik heb toen ouk geschreve dat ik det jaor niks schreef en dat ik dit jaor d n tiéd had um veur dit jaor waat te schriéve. Maar minse waat vluug d n tiéd, ein jaor is döks nog vlotter um as twelf maond achter ein. De waan van d n daag achtervolg dich t ganse jaor en dan inens kump die vraog binne : schrièf ens waat veur òzze krant. waat ik zelf heb meigemak op enne drökke Pruusendaag Dan beginste weer te prakkezere, want daor heb ik t aafgeloupe jaor gennen tiéd veur gehad, det schreef ik zoeëjuus heejbaove al en dan vindse t stòm um te schriéve,ik heb niks um euver te schriéve. Det kinste gewoeën neet make, vind ik zelf. Ik schrièf daorum maar iets van waat ik zelf heb meigemak op enne drökke Pruusendaag in òs stedje van lol en plezeer. Ik had alle borde gevolg die mich en mienen auto naor ein nog te gebroèke parkiërplaats hadde geloods. t Duuzelde mich en t woort mich zwart en geel veur de ouge, maar oètintellik kwaam ik in Bliërick op t kezerneterrein terech. Vandaor oèt meus ik met enne stroum Duits spraekende en oèt de kluute gewasse luuj euver de fietsebrök naor de binnestad van Venlo en det waas gen lol en plezeer. Met scooters, scootmobiele en foètelfietse woorte verschillende barricades opgeworpe, maar ik bin toch zònder schaaj aan d n euverkant gekòmme, de meiste Pruusse neet. Ik kièk nòw al met verlange oèt naor de kabelbaan, die mich veilig de Majjem luuët euverstaeke.dan hoof ik det neet mi1er mei te make en kan ik euver iets anders schriève. Geej huuërt nog van mich. De Wazelaer

6 De Wazelaer 2017 Pagina 6 Minse wie weej

7 Minse wie weej Pagina 7 De Wazelaer 2017 maedjes-name in Venlose Vastelaoves-leedjes Perfesser E.M.A.N. Cipasie haet ein opvallend deepgaond ónderzeuk gedaon nao maedjes die oeëts in Groeët Venlose Vastelaoves leedjes zien bezónge. Toevallig kwaam hae veurig jaor aan de praot met ein zeker Monique Jacobs van de Vaegers, det jeloers waas umdet d r gen Vastelaovesleedje euver ein Monique ging. De perfesser haet um oètgelag det det waalich gaar neet zoeë erg waas umdet nemus wit waat d r van die maedjes is gewaore. Misschiens zien die gaar neet good terech gekómme. Hae sprook met Monique aaf det hae heej ein weitenschappelik ónderzeuk euver zoel halde. In deze oètgave van de Wazelaer steit dan ook eine waereld-primeur; de resultate van t ónderzeuk van perfesser E.M.A.N. Cipasie. Met andere wäörd; mótte Venlose maedjes bliej zien als eure naam in ein Vastelaovesleedje wuurt geneump? t Is baeter veur dames um neet met naam geneump te waere in ein Venloos Vastelaoves leedje Marleen oèt t leedje Och Marleen. In t twieëde koeplet wuurt gezónge det Marleen biezóndere maote haet en in t refrein hebbe ze t euver toch bis dich gans kómpleet. Waat bliek aevel anno 2016? Marleen haet inderdaad biezóndere maote; in de schoon maot 48 en in de taille 222 cm. Gans kómpleet is t neet mier; t haet ein baove- en óndergebit en volgens ziene echgenoeët ein groeët gaat in de hand. Stina oèt t leedje Stina doot de deur aop. Oèt ónderzeuk is gebleke det Stina die deur noeëts aope haet gemak. Het is namelik al van kinds-aaf-aan stokdouf. Isabella oèt t leedje as ik Isabella bel. De perfesser haet Isabella gebeld en hae kreeg ein zwoele, hiègende stum aan de lièn. Neet umdet Isabella zich had mótte spooje um d n tillefoon op tièd aan te neme, maar umdet het de perfesser in de zevende hemel woel hiège. Vrouw Fiepe oèt t leedje de kiepe van vrouw Fiepe. Vrouw Fiepe is door de keuringsdeens van ware kompleet met de grónd gelièk gemak. Het haet al zien kiepe e-weg mótte doon. t Ware stök veur stök ploef-kiepe. Vrouw Fiepe woeënt nów einzaam in de laege stal van zien kiepe. Aan t wachte op eine scharrel. Trees oèt t leedje Trees is Dolle mina. In t letste koeplet staon de regels: Miene leeve kleine heks, haet maling aan de seks, D n oeëjevaar, ojee, löp beej ós in de wee-wee Maar waat is gebleke? Trees haet zelf ach kinder gekrege en haet op dit ougenblik 33 kleinkinder wao het idderen daag op mót passe. Konklusie van t weitenschappelik ónderzeuk nao maedjes-name in Venlose Vastelaoves-leedjes: t Is baeter veur dames um neet met naam geneump te waere in ein Venloos Vastelaoves leedje. De bevindinge van de perfesser zien hiel duutelik. Dao is gen speld tösse te kriège. Aevel: Ein maedje haet de professor aevel neet kinne vinde. Det waas det maedje oèt t leedje; t Maedje van gisteraovend. De ierste veer regels zien : Wao zoel det maedje zien van gisteraovend Det ik vannach nao hoès toe brach Det in de maoneschièn, zoeë vuuel belaovend, Mich haet gekös en vanalles haet gezag. PS: Wie de perfesser dit letste aan Monique zag, begós det te bloze en te stamele.!! Vraog t Moniek In dees rubriek guuef Moniek as ervaringsdeskundige in alles, advies aan de breefschrievers van deze krant. Stress in de tes As ik waat gedrónke heb, weit ik neet altied wao miene fiets steit of miene jas hink, maar ik kóm altied netjes mit alles thoes. Gister haet mien vrouw ein aafgerold cóndoom gevónde in mien tes en ik weit ech neet wie det det dink in mien tes gekómme is. Beniejd nao óg advies, groet Pieter Beste Pieter, Waat ein vervaelende situasie! Zeg taege dien vrouw des se t ouk vervaelend vinds en neet wets wie det det dink in dien tes gekómme is; ierlikheid deurt t langste! Sterkte Moniek Geflaats In mienen horoscoop steit det ik ein maag taege zal kómme. Zelf bin ik ne stier dus gaon ik rech op mien doel aaf. Wie ik gisteraovend vroog aan det maedje in t kefee of het d r ein waar, kreeg ik d r eine geflaats. Waat heb ik verkierd gedaon? Help mich, groet Marc Beste Marc, Det maedje haet waal erg hard gereageerd, het had ouk kinne vraoge waat des dich d r mei bedoelsde? Ein maag haet hiele goje eigeschappe; geit neet euver eine nach ies; zelfs neet euver twieë of dreej; is hiel persies; en geit veur zekerheid. Ik vind t n kómplement en ik zoel mich d r niks van aan trekke, zuks se ein leuk maedje: pak ein maag. Toi toi toi Moniek Vraemp Miene man geit dök nao stad, regelmaotig kump hae thoes mit ne verkierde jas en of fiets. Dao zeg ik niks van. Veurige waek kwaam hae waal thoes mit zienen eige jas en fiets. In ziene jas zoot n aafgerold condoom, waat mót ik doon? Ik vind t allemaol erg vraemp. Ik kiek oet nao óg advies, Karin Beste Karin, Ik zoel m gewoeën vraoge wao det glibberdink vanaaf kump. Manne speule dan dök de d n ónschöldige; det ze gen idee hebbe wie zó n dink in eur tes gekómme is maar God huurt eur brómme. Laot t dao neet beej en gaef ze desnoeëds idderen daag erte mit wörtelkes, dan verliere zeej t drinke en t lege waal! Succes Moniek Ruimte voor ondernemen. Ik heb goed inzicht in mijn financiële situatie uw bedrijf ook in acconditie? Adequate bedrijfsvoering Gedegen administratieve organisatie Gezonde financiële huishouding accountancy belastingadvies strategisch advies accountantscontrole juridisch advies werkgeversservice Venrayseweg RH Venlo t. +31 (0)

8 De Wazelaer 2017 Pagina 8 Minse wie weej Auk veur ôg vastelaovesdrökwerk, ziet geej beej ôs aan ut gooje adres! Alaaf Nino, ken-se die krentjes van ôs nog drökke? Laot maar komme, weej make d r waal weer wat moeëjs van! Wow, waat heb-se ôzze poster moeëj geprint! Venrayseweg 114, 5928 RH Venlo Venlo 3851 T: (077) F: (077) E: info@graphic-mail.nl

9 Minse wie weej Pagina 9 De Wazelaer 2017 Vastelaoveshoroscoop 2017 RAM Ein kraef is gedöldig en zal de kans aafwachte, blief n bietje neugter deze vastelaovend want mit die kraef geis dich nao hoes en neet de lieuw. KRAEF De lieuw zal opvallend good veur dich zörge en luuet dich neet allein, kieks se te lang nao eine ram, zal de lieuw dich ein niej glaas drinke gaeve. Guuefs se n rundje truuk, kriegs se tied veur diene ram. WAEGSCHAOL Dit wuurt de vastelaovend van keuzes make, stop mit twiefele tösse de d n baogschötter en de steinboek. Kees noow ens intelik en gank veur d n baogschötter. STEINBOEK Veur dich de vastelaovend van t leefdesverdreet de waegschaol wuurt t neet, maar det is neet erg; d r zien toch schorpioene zat. STIER Deze vastelaovend zals se n maag taege kómme, maar pas op veur twieëlinge want die liekene spraekend op ein. Vraog t dus altied nao! LIEËW Zörgzaamheid zit in dien karakter; zörg good veur alle kraefte deze vastelaovend en laot ze neet druueg staon. Let heej beej waal op des se neet dien eige glaas aaf guuefs; zeej zien hiel hebberig. SCHORPIOEN De steinboek haet ne schouwer en leefde nuuedig en dich hebs (ouk) deze vastelaovend n groeët hert. Óntvang m mit aope erm. WATERMAN Twieëlinge zien in veur einen aanzeuk, dao ligge dien kanse deze vastelaovend. Laot merke des se (net) n jaor alder en verstendiger bis gewaore en laot dich neet door flauwe wäördgrepkes oet t veld slaon. TWIEËLING Deze vastelaovend zals se nen aanzeuk kriege van ne waterman. Reageer dan positief en neet: drink dich toch water man! MAAG Deze vastelaovend veuls se ne sterke aantrekkingskrach nao stiere, kiek dao beej oet waas se aantreks, want ouk lieuwe valle op roeëd. BAOGSCHÖTTER Deze vastelaovend kins se dien piele richte op n waegschaol en zeej zal vol veur dich gaon, as se mit m geis aete bestel dich dan maar veur óg, want de waegschaol twiefelt euver alles. VISSE As dich veur de vastelaovend jäörig bis, zörg dan veur ein groeët fees maar pas op des se neet teleurgesteld wuurs as d r haos nemes kump; waarschienlik is toch idderein nao stad gegaon in plaats van nao dien fees. Waat heb ik noow gehuurd? Jao huur, dao vruueg dich d r weer eine weer waat. Haes se det gelaeze van Twieë kier Twieë? Die heite noow Ach kier en n Half! Of: Die van de Jocus hebbe d n haan ingewisseld veur ne goldvis, want d r wuurt raege verwach mit de Vastelaovend!. De vruuegs dich toch smeis aaf wao minse dae kwats van aaf haole. Schaele wazel. Maar wie wits se noow waat waal en waat neet waor is? Wie ónderscheijs se de wazel van de keiharde waorheid? Zoeë noow en dan flitse d r niejsflitse veurbeej op t mörfkesbook of op d n Umroop wao des se van dinks, zoel det noow waal kloppe? En veur des se t wits haet de buurvrouw dich de vraog al gesteld: Waat heb ik noow dan toch weer gehuurd?. Weej van de Vaegers gaon aevel veur de waorheid en niks wie de waorheid! D r wuurt gen berich Venlo in geholpe zónder gróndig ónderzeuk en ne gedege fektsjek. Dus as óch beejveurbeeld wuurt verteld det weej euverwaege um t blauw-wit in te wissele veur brónsgreun of det VVV haet euverwaoge um de Koel um te duipe tot d n Berg, dan is det in betón gegaote. Twiefelt geej aevel nog en moch geej dao euver in discussie mit emes kómme, dan is ózze naam waal haas, det ge t wit. Neteurlijk laote weej óch neet achter zónder n paar nieje feite die geej nao eige inzich mit óch femilie, vrinde en kinnisse kint deile. Aan de waorheid hoof geej neteurlik neet te twiefele! - Straevel in Tegele. Tiedes Elf van Elf stónd t kenon richting t Zuje opgesteld. D n Oeles haet dit opgevat as n vijandige verklaoring en sebiet t tunnelke op de Geldersebaan toe gemetseld en de Venlosewaeg umgeduip in: Die-diekköp-van-destad-singel. - In 2091 zoel ald-vaegersprins Jeroen I 100 jaor waere. Binne de P&P kemissie wuurt al driftig gespeculeerd of De Shotjes waal n good motto veur det jaor zoel zien. D n Drankmeister zal t in idders geval drök gaon kriege. - De Hoeskamerzitting duit ziene naam ier aan. Waeke nao det t Dreejspan waar aafgetraoje bleke zeej nog altied in de Venlonazaal te vertoeve, waar d r opnie gestuc, hoeëgpolig tapijt neer gelag en hadde ze t interieur umgetouverd tot een bezondere mix van Renaissance en art-deco.

10 De Wazelaer 2017 Pagina 10 Minse wie weej

11 Minse wie weej Pagina 11 De Wazelaer 2017 ik werk mich kepot Man, waat kins se smeis meug waere van bepaolde minse. Steit mich d r lets eine n partie meujlik te doon euver werke, det wils se neet weite. Maar, zaet hae, Man, ik werk mich kepot; ik heb nog gennen tied mier um leuke dinger te doon mit andere. t Is toch van de gekke des se iddere waek 5 daag mós peze en maar 2 daag vreej hebs. En t is toch neet ierlik des se idderen daag 8 oor mós werke en iddere waek hebbe we dao 2 daag vreej van, det zien 104 daag. Van die 5 daag det weej werke hoofs se maar ein derde te werke en bis se twieë derde vreej. As dich n bietje kins raekene en de vertaals det nao ganse daag, dan werks se per jaor 86 1/2 daag en hebs dich 173 1/2 daag vreej. Pak dao beej de 24 snipperdaag en alle feesdaag det zien ouk nog ens 30 daag oftewaal 10 volle daag. Weej zegge altied nog t zelfde maar gaon t anders schrieve Ós dialek is n laevende taal en net zoeë as in de Nederlandse taal pannekoek, pannenkoek is gewaore, wuurt d r ouk veur de Limburgs streektale regelmaotig n nieje spelling gemak. Wie schriefs se dan altied en t is toch ouk neet kwant des se maar 24 snipperdaag in t jaor kriegs. En ik vind t al gaar neet tóf des se allein 2e paosdaag, 2e pinksterdaag en 2e kersdaag vreej kriegs en d n hemelvaartsdaag en keuningsdaag. Noow bin ens ierlik. Waat vinds dich heej van?. Ik zeg: Ttja, ein jaor haet 365 daag As ik det dan allemaol optel en aaftrek bin ik in t jaor 1840 oor aan t peze oftewaal 230 daag van 8 oor en det is weer diek 19 daag in de maond. Ik kin dich maar ein dink zegge: kap met näöle en gank genete, hads se maar ambtenaer mótte waere. Vastelaovend same! De aanleiding veur dees nieje spelling is det de Europese Unie de Limburgse taal as n streektaal haet erkind. Det heel in det de provincie de streektale deende te behalde en te óndersteune. En det heel weer in det d r n mekkelikere schriefwies veur t dialek is gemak. Minder stripkes en weg met de hutjes. Wie schriefs se dan altied? Zoeë: altièd of zoeë: altiéd of zoeë: altiêd of zoeë: altiëd?. De taalkundige hebbe gezag : weg met die ónnuuedige schriefteikes want idder mót t van zien moder liere wie se n waord oet spriks en n stripke links of rechs zaet niks euver de oetspraok. Dus schriefs se altied! Kiek veur de ganse spelling in t nie Venloos waordebook oet 2016 en op gewoon samen een pilske drinken Nu de voltallige delegatie van B.B.V.V.V. (Boètegewoëne Boétegemeintelike Venlose Vastelaoves Vereiniging) den Amsterdammers donateur geworden is van de obscure buurtvereniging, te herkennen aan de witte puntmutsen, die ons al jaren lastigvielen op Elluf van Elluf, kwamen we elkaar eindelijk met goed fatsoen tegen op de Mert. Geen vervelende vragen meer of we donateur wilden worden, voor maar elluf euro, maar gewoon samen een pilske drinken met gelijkgestemden. Toch was er wat veranderd. Het plein was netjes aangeveegd, dus daar lag het niet aan. De kou was ook alweer in het land. Dat was goed. Andere verenigingen schuifelden ook voorbij, van kikkers tot hanen, allemaal hadden ze hier een plekje bij het kanon. Wat er anders was: B.B.V.V.V. den Amsterdammers hadden uitbreiding, en dit keer geen nieuw lid dat op de eerste nacht allerlei vrouwen lastigvalt of het barpersoneel gek maakt met afdingen of de hotelkamer onderpiest of na een paar uurtjes al in coma ligt. Veel mooier dan dat! We hadden ons eerste Venloos-Amsterdamse samenwerkingsproduct mee. Er zijn al verschillende Amsterdammers die een Venloos maedje aan de haak geslagen hebben, of eigenlijk hebben die Venlose maedjes een Amsterdammer aan de haak geslagen want wij zijn bescheiden en kalm en we laten ons gauw inpalmen door een paar mooie ogen en een paar mooie woordjes. Er is één Venloos maedje dat naar de hoofstad geëmigreerd is, en dat is mijn maedje en afgelopen september werd ons zoontje geboren en hij moest en zou mee naar Elluf van Elluf, dus dat gebeurde. Teun d n ierste vond het een prachtige dag! Tot snel! Jan van Mersbergen n Wäördje van de veurzitter Alweer n jaor um en waat veur ein. Mit d n hoeëgheid Leon I en zien adjudante Rob en Ron hebbe weej weer ne fantastischen tied gehad. Ónder n swingende hoeskamerzitting hebbe weej aafscheid genaome van dit dreejspan. Weej hadde neteurlik de nuuedige ervaring in dit dreejspan. Det is protoculair altied waat mekkeliker. Zeej wiste waat eur te wachte stónd, allein veur Ron waar t smeis nog spannend. Det is veur t kómmend jaor veur n aantal nieje vorste beej de zustervereiniginge ouk t geval. Altied spannend wie ne nieje vors t duit op de buun. Ouk beej Jocus is Harry Pauwels nao 15 jaor gestop en hebbe zeej in Roel Versleijen ne waerdige nieje vors gevónde. Ikzelf heb same mit mien broor Michael aafgeloupe jaor de zaak van ós elders euvergenaome. Doordet dao nogal waat tied in ging zitte had ik neet altied genóg tied euver veur de Vaegers, waodoor neet altied alles van n leije daekske ging. Gelökkig is oetintellik toch alles good gekómme en kiek ik oet nao de kómmende vastelaovend mit ós Dreejspan Prins Alwin I en zien adjudante Erwin en Stijn. Mit dit dreejspan zulle weej ouk dit jaor weer de Vaegers op de kaart zette. Ik wins eur vuuel succes. As ik van t aafgeloupe jaor n kemmissie d r oet meug lichte dan is det Pers en Propaganda ( P&P ). Mit inkele nieje kemmissieleje kómme d r fantastische nieje ideje en kins se smeis op de social media neet um de Vaegers haer. Mien waalgemeinde kómplemente dame en hiere. Ik heb d r weer zin in kómmend jaor. Geej haopelijk ouk en dan zulle weej ós zeker zeen de kómmende waeke. Ik wins óg allemaol ne schoeëne Vastelaovend! Veurzitter VG de Vaegers Richard Ooms

12 De Wazelaer 2017 Pagina 12 Minse wie weej Klaasstraat 11, 5911 JM Venlo - Tel. +31 (0) JOEKS! Auk veur ôg vastelaovesdrökwerk, ziet geej beej ôs aan ut gooje adres! Autogroep Alaaf Nino, ken-se die krentjes van ôs nog drökke? Laot maar komme, weej make d r waal weer wat moeëjs van! Wow, waat heb-se ôzze poster moeëj geprint! Venrayseweg 114, 5928 RH Venlo Venlo 3851 T: (077) F: (077) E: info@graphic-mail.nl

13 Minse wie weej Pagina 13 De Wazelaer 2017

14 De Wazelaer 2017 Pagina 14 Minse wie weej

15 Minse wie weej Pagina 15 De Wazelaer 2017 Leef Vaegers en Vaegerinkes, Ein wäördje van de beschermhier t Jaor is weer veurbeej en waat zeen ik dan: Allemaol blauw- witte vlagge mit twieë pupkes op de rotonde. Zelf bin ik al inkele maole extra neet door d n tunnel nao Blierick gereje allein al um dit schouwspel langer te bekieke. Waat n plaetje, de ganse rotonde hink 14 daag vol mit Vaegersvlagge geweldig! Maar det is noow. Prins Jack d n Ierste van d n Beerendónk In t veurbeje jaor is d r neteurlijk vuuel mier gebeurd binne de Vaegers. Nao mien letste stökske in de gezellige Vaegerskrant zien d r al twieë hoeëghede mit eur adjudante aafgetraoje. De dreejspanne hebbe alle twieë de Vaegers hoeëg in t vaandel, en t waar grandioos. Leon dae waar zelfs extra veur dees gelaegentigheid verhoes nao de Prinsenhaof. Ouk dao waar t erg gezellig. Same ginge weej, zoeë wie gewuuenlik, mit de joeksmobiel van d n Heiten Haspel. Ós dames kwame mit d n bessemwage achter ós aan. Ouk hebbe weej mitgeholpe um ne verborge wins van ne mins in d n Beerendónk te realisere. t Motto waar Einmaol Prins te zien en det is dae mins dus ouk gelök: hae is noow Prins Jack d n Ierste van d n Beerendónk Perfitsia. Maar zoeë as geej weit kin dit allemaol neet doorgaon zónder hiel vuuel spónzore UT WAER Tja dao zien we dan waer um iets te vertelle euver ut waer. Eigelik vind ik ut waal kwant det weej in ein deil van de waereld woeëne wao ut waer mierdere verschillende soorte waertypes kin. Ik môt der neet aan dinke det ik ut ganse jaor lig te ozelle of mich de pleures lig te zweite. En daorum wil ik ut deze kier hebbe euver de waerbörstel. Man waat waare det boutdinger ein aantal haor die alle kante opspronge. De kös dich majum euver dae kièbus blieve goeje wies sint juttemus maar det gedeilte van de pruuk deej precies neet waat des dich hads gewild. En dan zitte die stom dinger auk nog ens veuraan op de kop links of rechs en as se huuël vuuël pech hads aan allebei de kante. As dich dan waat alder wuuërs dan verdwiene die waerbörstels waal maar tegeliekertied auk de haor die op die plaatse zoot, döks kwaame dan twieë van die prachtige inhamme. In de laup de jaore zien de minse dao waat mekkelikker in gewaore en ze scheere zich dan de ganse plaat kaal.en beej idder waertype kump ein kaal plaat waer gans anders oèt de verf Dus as ge vandaag of morge waer ens dao de stad laup en ge zeet der waer eine mit ein kaal plaat, dink dan maar truuk.. dae haet oeits eine waerbörstel gehad. Träötvreeje straote mit vastelaovend De aafdeiling mit alle näölers en nen berg vreejwilligers. Ein van dees vreejwilligers wil ik waal efkes extra beneume en waal d n hier Stan Ververgaard. Deze man haolt al mier as 20 jaor aldpepeer op veur de Vaegers. Dit lete weej dus neet óngemerk veurbeej gaon. Stan steit noow in vol ornaat en in kleur op n moeje vreejwilligerskelender van t jaor Bedank veur al die jaore en weej haope det d r nog vuuel zulle volge. Bedank. Ouk zien d r weer inkele hiere mit de hoesorde van de Vaegers ónderscheije en waal d n hier Mathijssen en drs. H. Pouwels. Eigelik kin ik zoeë nog waal efkes doorgaon maar det doon ik neet, want ouk ik wil vastelaovend gaon viere. Daorum ederein bedank dae zien bes duit veur ós Vaegers en n fijne Vastelaovend same. Beschermhier, Jan Tabbers Nao de rauker, krieg noow ouk de träöter t zwaor kommende vastelaovend. Binne de Venlose horeca gaon steeds mier stumme op om träöters te were oet cafés. Al wet eigelik neemus van wae die stumme zien. Onderzeuk van t weitenschappelik instituut det minse t zoeë lestig meugelik wil make, wies oet det träöte neet per se ongezond is, maar beweze is ouk neet det t waal gezond is. En in zo n geval motte we t zekere veur t onzekere neme, vertelt Frans Klep dae zelf triangel speult. Veur de meiste horecaondernemers kump dit niejs as geroope. Träöters zien al jaore ein plaog in kefees. Ze neme waal vuuël plaats in beslaag, maar d r eine drinke is dao dök neet beej. De meiste träöters hebbe dao gen tied veur, die zien meistal aan t träöte, analyseert Klep hiel deskundig. En waat veur t kefee geldt, geit neteurlik ouk op veur de boetetaps. Hebse vief van die träöters veur dien tap staon, löpse al snel de kans det d r dreej tot zes minse neet beej de tap kinne. Steise as kastelein moeij te kieke mit diene tap, geit Klep vaerder. Naor aanleiding van t rapport wilt Venlo gaon experimentere mit träötvreeje straote. In idder geval mit vastelaovend want dan wuurt dao boetegewoen vuuël geträöt, merkt ein wakkere ambtenaer op. Det is neteurlik minder veur t roetegetoet of de joekskepelleparade, maar t kin dit de ierste träötverbodsborde zien al te zeen in Venlo jaor neet anders. Ouk de optoch zal ontdoon waere van träötmuziek. We dinke d r zelfs euver nao um muziek op bendjes waorop ouk träöte te huure zien te verbeeje, blief de ambtenaar praote. Op sommige plaatse in Venlo löp al ein proof mit träötvreeje horeca. De ierste verbodsborde zien al opgedaoke. Al is neet iddere kastelein t ins mit de nieje regels. Ik kin minse toch neet verbeeje um neet binne te träöte? Naor boete steure is gen alternatief want dao staon de raukers al en ouk ein träöter haet recht op ein raukvreeje umgaeving. t Blieve tenslotte gewoen minse, aldus de kastelein. Ik kniep gewoen ein uurke toe as d r eemus begint mit träöte. D n proof mit träötvreeje horeca löp nog wies aswoesdaag. t Is nog neet bekint waat Jocus geit doon mit zien hoesorgaan De Träöt, maar we motte ierlik zien. Beej t ter perse gaon van deze krant hadde we die vraog ouk nog neet aan Jocus gesteld.

16 De Wazelaer 2017 Pagina 16 Minse wie weej

17 Vân de veúrmaligè índredaksië In Vënlò is grôëéte paniék oètegebraóke naó de aannäme van de nieje Vênlose spellíng. We weìtê neet miër wao we àan toé zien, verzûcht eín vrouw dië noow neet mïer wet of het noow ein Venloós of ein Vênloos maedje is. Minse wie weej Pagina 17 De Wazelaer 2017 Cômpjúterstress nàó aannamû niéjevenlôse spelling Door t verandérè van de stripkes en hûdjes zién waörd die vruuger foutlôos getypt kostè waere in eín kiër wäord waorse beej nao mós dinke. Dao kump beej dét toètse dié altiëd zièn gebroêk veúr ein stripke mei, inens gebroèk mottê waere veur stripkes taege. En dan heb ik t neet éns euver de pûntjes en de hüdjes gehad, sprik eine man dae waal verstánd haet van compjuters, maár nèet mier van t Venloos dialek. dan kinse dao baetêr iets goods mei doon. Anders waás t toch maar ôp gegaon aan t plan um ein róltrap euver draöd ouk kwied. De ïndredaksie haet inmiddels in euverspânne toestand de redaksie verloote. Spesjaal veür Dê nieje spelling mëus t Venloos schriëve mekkeliker make, maar wie noow bliék is t` taegendeil t gevál. Vüüel Venlosè toétseborde blièke gaar neet te voldóon aan de niejè eise van de mòderné Venlosche spelling. Weej van De Wazelaër zien d n draöd ouk kwied Beej Veldeke zittè ze ouk mit de hend in t haór of häor. Dit wàas noeits de bedoeling. We woelé gewoèn weer ens waat anders, maar det ís neet gans oétgepak wie gedach, zeet de bedinker vàn de nieje spelling. Oét engst veur vraemde reaksies, wílt haê neet mit de naam in de krant. Weëj van De Wazeläer begriepe det en verraoije ûm neet. We zeggé waal det hae op zaóterdaag altièd um tién oor beej ein bekker op de Paradé mik geit haolé en dan ein blauwe boks druug. Vanóet de gemeinté is inmiddels ein projekt gestart um ídderein t niejè Venlosë dialek good aan te lìere. Weeëj haddé toch nog geld euver, en t spoorwegviaduct aan te leggè, zeet ein woordvoerder van de gemeînte. Sinds veurige wäek noow dreej daâg truuk zien de iérste groeeëpe kursiste aan de slaag gegaon. Eín opvallende konklusie: t zièn veuüral de jongerê die de nieje spelling mit de beejbehurende toetste t snelst onder de kneen hebbe. Det is néet zo verwonderlik, die schreve toch al dók fout Venloos, wet de kursusleider. De aldere hebbe t zwaorder, maar die betalé dan ouk maar de helf veur de kursus. Weej van De Wazelaër zien d n de minse die tot noow toe hebbe doorgelaeze, nog ein tip vanoét de boezem van Veldeke. De kins t Venloos eigelik noeits faut schriëve, zoélang idderein maar wets waase bedoels mit dien wäord. Ein vergaet neet altiéd de a veur de o te schrieve. Want alle Venlôse waord schriefse mit ao, behalve shoarma, vertelt Piet van Kruchten. Och waat doon we noow, hebbe we de naam van de man achter de nieje Venlose spelling alsnog verraoje.

18 De Wazelaer 2017 Pagina 18 Minse wie weej

19 Minse wie weej Pagina 19 De Wazelaer 2017

20 De Wazelaer 2017 Pagina 20 Minse wie weej

21 Minse wie weej Pagina 21 De Wazelaer 2017 Zeldzame munteverzameling gestaole op klaorleechte daag Sjang Kratspoeët is de wanhaop naobeej. Zien laeveswerk, ein zeldzame munteverzameling is veurige waek (beej t ter perse gaon van deze Wazelaer waas det alwaer twieje waeke geleeje) gestaole. De pliesie steit machteloos. Weej hebbe gen idee wae de dader is en wao we motte zeuke, aldus ein pliesieman. De Wazelaer zoch meneer Kratspoeët op veur ein good gesprek. Van ozze redaksie pliesiezake Praote velt Sjang Kratspoeët zwaor, iddere kier wannier zien munteverzameling ter spraoke kump völle traone zien auge. En det gebeurt dök, maar waat wilse ouk? Dit gesprek geit euver zien verzameling die is gestaole. Alsof mien letste beer is opgekloek, zoeë veult dit, sprik Kratspoeët mier bäökend dan praotend. Die verzameling waas mien laeveswerk, ik had munte waovan nog noeits eemus had gehuurd. Zeldzame munte dus, van onschatbare waerd. Sjang Krastpoeët begos mit verzamele Nao ein korte oplaeving van de terrorkloons aafgelaupe zomer, krieg de redaksie van De Wazelaer steeds mier meldinge euver terror-prinse binne. Oftewaal minse die zich verkleije as prins en vervolges opduike waose t neet verwachs. wie hae nog eine kleine blaag waas. Det is noow 66 jaor geleeje. Ik weit nog wie ik mien ierste munt kreeg van mien vader. t Waas Aswoensdaag 1951 en miene pap makde de tesse laeg. Det meus eine kier gebeure want hae had de ganse vastelaovend de tesse al vol gehad. De ierste meldinge kwame oét t Ven alwaor aafscheid woort genoome van Vors Moerassius. Maar ouk kennis woort gemak mit Vors Moerassius, dae Venlose vastelaovend is nog neet zoeë mekkelik te begriepe. Op die resepsie dook ouk eine prins op, dae beej naovraog genne prins bleek te Maar veurige waek ging t dus good mis In die tesse zoot ouk nog ein muntje van t kefee wao weej dreej daag vastelaovend hadde gevierd. Mosse naogaon, toen deurde de vastelaovend maar dreej daag, zoeë lang geleeje is det alweer, snikt Kratspoeët vaerder. Van de Venlaup had nog neemus gehuurd dus det muntje waas waardeloos. Det kos nörges mier waere ingeleverd. Mien vader waas kwaod, oeits waas det stök plastic ein glaas beer waerd gewaes, noow waas t waardeloos. En dus kreeg ik t, zoeë is t allemaol begos. Kratspoeët laefde vanaaf dae tied veur de waardeloze drankmunte. In de jaore vieftig ware die zeldzaam, maar wie alder Kratspoeët woort, wie mier drankmunte dao in umlaup kwame. t Leek waal alsof Krantspoeët en de munte veur elkaar gemak ware. Maar det waas dus neet, die munte ware oetsloetend veur de drankverkaup gemak. Dök waas t verzamele Terror-prinse gespot in Venlo zien, maar dao kwaam de kastelein pas achter wie dae terror-prins al veer glazer beer had laeggeklep. Ouk in D n Dörpel wao ein resepsie waas veur eine alde en nieje Vors Voilierus, dook eine terror-prins op. Dae had zich op de maedjes-wc verstop en makde dao vrouwluuj aan t schrikke. Vanoet Ingeland komme al langer berichte euver terror-prinse die euveral opduike. Minse die zich verkleije as prins, maar eigelik gen prins zien. Ouk zien d r veurbeelde van terror-prinse die zich veurdoon as vorste, terwiel die dus hielemaol gen vorst zien. Die terror-prinse kleppe mit vereiniginge mei zonder te betale, laote dansmeriekes schrikke, bezeuke resepsies en beginne dao hiel hard door de microfoon te kwake of springe net veur t oetkomme van eine echte prins op t podium. Venlose vastelaovesvereiniginge zien noow bang det dae trend naor Venlo is komme euverweije en de kommende vastelaovesresepsies dökker waere ontsierd daor opduikende terrorprinse. Behalve weej want weej roope zelf al jaore eine prins oet dae zich in die waeke zelf steeds mier as eine terror-prins begint te gedrage, vertelt eine Venlose vorst dae zeker neet mit zien echte naam, laot staon zien vorstenaam, geneump wilt waere. De Wien luut weite det de veiligheidsmaatregele op de Wienresepsie boetegewoen streng zien. Laes lanksaam astebleef k gaef dich op nen breef: jaore waere weggevaeg beej minse ónderwaeg en waat d r ouk is gebeurd astebleef neet getreurd noow efkes stilgestaon want haos is t gedaon idder wuurt idderen daag: mekkelik, dan zoote nao vastelaovend van dreej, veer kefees nog munte in de tes. Andere kiere bleef ik wies t lets beej de bonnewage staon um dao van minse die te laat ware um die munte weer in te wissele veur geld, de bonne te kriege. Zoeë heb ik mier as munte verzameld. Maar veurige waek ging t dus good mis. Ik waas ein baodschap aan t haole en wie ik thoes kwaam ware de kaste wao ik mien munte bewaarde laeg. D r waas ingebraoke, op klaorleechte daag, vertelt ein steeds verdretiger waerende Kratspoeët. Zin um gans opniej te beginne haet hae neet mier. Die verzameling haet mich al vuuël geld gekos, det heb ik d r neet nog eine kier veur euver. De pliesie haet wie ierder gezag nog gen inkel idee wae de dader is, maar haet waal aan kasteleins gevraog um oet te kieke naor eine mins dae mit hiel alde bonne wilt betale. Veur beej de foto: Sjang Kratspoeët wuurt t tiedens t gesprek te zwaor. Oét Ingeland komme al langer berichte euver terror-prinse Umdet weej de ierste prinseresepsie van Venlo hebbe. Zoelse zeen det dao geliek eine terror-prins op aaf kump, vertelt ein Wienbölke. Maar wie herkinse ein terror-prins? t Wienbölke: Eigelik is idderein mit ein muts op de kop verdach. Dus mutsedragers zien beej deze gewaarschuwd. Zoeë vas wie n hoes ens bisse oetgespoes! wat alder en waat griezer kleiner, sóms waat wiezer geit n bietje achteroet velt sóms op zien snoet wuurt te flot al kwaod in hoes en ouk op straot waat had se dan gedach baeter is ne flinke lach laot maar gaon dae wage kriete kump neet in Frage!

22 De Wazelaer 2017 Pagina 22 Minse wie weej

23 Minse wie weej Pagina 23 De Wazelaer 2017 The agency for social media COLOFON Houfredaksie: Vormgaeving: Fotografie: Schriévers: Vertaling: Commercie: Monique Jacobs Harry van Dreumel Braind internet & vormgaeving Renier Linders Jan van Nies Harry Lücker Harry van Dreumel Richard Ooms Jan van Mersbergen Albert Peulen Gé Deenen Hans Jacobs Wiel Hermans Eric Sweijen Jan Tabbers Pieter Peulen Nieky van Steenkiste Frans van de Rijdt Ton in t Zand Patrick Ooms Hay de Bitter Ron Jaspers

24 De Wazelaer 2017 Pagina 24 Minse wie weej