De Vastelaoveskrant van Vastelaovend Gezelschap de Vaegers

Transcriptie

1 De Vastelaoveskrant van Vastelaovend Gezelschap de Vaegers Hoeëgheid Leon I (Lankes), Adjudant Ein: Rob van Ninhuys, Adjudant Twieje: Ron van Els Wuurt Niels Fleuren de nieje prins? Van ozze sportredaksie Is de prins in t land speult VVV wie ein naate krant, wuurt dökker daor Venlonaere geroope die meine detse van voetbal verstand hebbe. Maar is det eigelik waal zoeë? Speult vastelaovend ein rol binne de seleksie van os Venloos trots? De redaksie van De Wazelaer ging op onderzeuk oét en zoch metein naor de bevestiging van ein twiède verhaol: Niels Fleuren wuurt vanwaege zien jaorelange verdeenste in t ièrste van VVV dit jaor prins carnaval. Prins Niels I klink good, zeg noow zelf. De vraog is allein waor; Jocus of t Bombakkes. Lees wiejer op pagina 7. elluf euro In de binnenzak van mijn joeksjas vond ik een bonnetje. Ik moest lang nadenken maar toen wist ik het weer. Ik was erin geluisd, en niet alleen ik. Op Elluf van Elluf werd de voltallige delegatie van B.B.V.V.V. (Boètegewoëne Boétegemeintelike Venlose Vastelaoves Vereiniging) den Amsterdammers keer op keer lastiggevallen door leden van een obscure buurtvereniging, te herkennen aan de witte puntmutsen. Of we donateur wilden worden, voor maar elluf euro. Nu geven wij graag. We geven de mensen bier. We spelden de mensen medailles op. We vertellen de mensen van de volwassen behoorlijk blauwe reiger. We zorgen dat een hotel in het centrum nog wat omzet maakt. We geven de stad haar joeks. En natuurlijk geven we graag donaties, ook aan buurtverenigingen. Dus wij vulden allemaal het papiertje in zodat deze club weer tweeëntwintig euro te besteden heeft. Dat wij er niet direct een pilske voor terug kregen is erg. Die centjes werden meteen geïncasseerd en dat geld werd natuurlijk direct op de lopende rekening van de club gestort. Lees wiejer op pagina 9.

2 Pagina 2 Weej zien d r beej Weej zien d r beej Pagina 3 De Wazelaer 2016 Jaerke Vaeger zoot zich te verbiete veur op t stuupke in de gäöt Hae zoot dao zoeë gans allein Jaerke mit zien alde träöt.. Zien stamkefee det woort geslaote net wie n paar andere in de stad t Fiempe det woort ós verbaoje dao in Den Haag ware zeej t zat.. Weet meuge niks mier taegeswaordig jao doot mich astebleef n lol Kiek oet mit dit, kiek oet mit det dink good aan dien cholesterol.... Waat mót de kastelein noow nog dae deej altied zoeë zien bes Mit goje meziek en gezellig toepe zoeë gaon de zake nog op de fles.. t Oetgaon det wuurt sjieker geit noow dök same mit ein diner Nae... gaef ós d n tied maar van ein klep en lol... hatsikidee.. Meneer, mevrouw, geef mij uw jas maar man... ik lach mich van de zök In mien alde stamkefee hóng dae gewoeën euver mien krök... Gister hoort ik weer waat niets lekker boete fiempe in t zunke Jaerke haet d r tebak van Nae... vergaet t maar leef luuj det meug neet ens mier op óg balkunke. Oké oké ik weit t, t is neet gezónd maar waat is det dan nog waal De sigrettenboer... de kastelein die geit t noow waal smaal.... Wae zörg d r veur eur bóttram en veur eur kleine blage As die hiere van daobaove euveral de klante weg gaon jage... Och... as t noow nog wie vruger waas zoot ik noow mit mien kammeräöj aan d n tap Toen waas t nog hiel gezellig gewoeën lekker same alderwets op stap.. Jaerke pakde zich maar ens op en ging veur n klep n restaurantje zeuke Dao zoog hae ein visrestaurant en noow kump dan t leuke.. Dao stond de visboer veur zien zaak t Waas de insigste plaats wao t nog moch Dao woort nog hiel duchtig gefiemp umdet dao gerookte paling woort verkoch Proos Gé Deenen 2015 VOICE OF HOLLAND NAO VENLO! van ózze verslaaggaever Toeën d n Toeëwe t Populaire teeveeprogramma Voice of Holland kump volges Venloos evenementemanager Dave d n Wekker in de kersperiode nao Venlo. Daomei haop de kemissie ein good alternetief te hebbe veur de Kersmert, die idder jaor maar neet wilt slage in t Stedje van Lol en Plezeer. t Programma mit de dreijende steul mót dao verandering in gaon bringe. Volges Dave d n Wekker krieg de Venlose evenementekemissie hölp van Vastelaoves Gezelschap De Vaegers umdet die ouk van dreie halde. Ein lid van de Vaegers, dae anoniem wilt blieve, wilt waal onthölle det hae t gedrei beej De Vaegers mier dan zat is. Maar volges Vors Vaeger zuut det lid t juus dreie umdet dae altied zat is Waordveurder Martijn Leenders van de Joekskemissie haet einen originele naam bedach veur t evenement in december: Voice Van Venlo. Door de naam Voice Van Venlo (V.V.V.) haope De Vaegers det in de winterstop speulers van VVV eur zangkwaliteite wille laote hure veur t stadhoes. Door Kersleedjes te zinge zal t kersgeveul in de binnestad weer toeneme, is de gedachte heej achter. Niels Fleure, rechsbek van VVV, haet al toegezag um t nummer Nu zijt wellekome te kómme zinge. Toepasselik gezeen de ruumte die de aanvallers van de taegepartie iddere waek weer kriege beej de Venlose Voetbalklup. John Huberts haet al aangegaeve det monete ouk mier als wellekome zien Keeper Decker zal t Jingle Bells zinge. Treffend, umdet veur de goal van VVV idderskier de alarmbelle rinkele! Leon Lankes haet toegezag t Jingle Bells mit zien Vaegersbel te wille begeleie. Trainer Maurice Steijn zal t Stille Nach ten gehure bringe. Mit n knipoug nao de supporters, die bes waal waat mier leweit meuge laote hure. De Technische Kemissie van De Vaegers is drök bezig mit t fabricere van dreej elektrische dreisteul. Det mót geej aevel neet letterlik neme van die elektrische steul, zaet eure waordveurder Rob van Ninhuys. Maar garandere kinne weej det neteurlik neet t Dageliks besteur van VG De Vaegers zoel in ieërste instansie plaats neme in de steul, um als jurie te fungere. Nao t hure det zien Technische Kemissie die elektrische steul zoel gaon make haet veurzitter Ooms gezag dao nog efkes euver nao te wille dinke. Gen kwestie van wantrouwe. Hoewaal Alde-Täöt-erie.. Gojendaag, leef luuj. Heejbeej n zelfstendig en eigehendig geschreve én getiep artikel, waat bedoeld is as n ingekómme stök ( maarre...eeh det Stök bin ik zelf dus toevallig neet!) En dit, dus mien artikel is (ouk op eurverzeuk) geschreve veur de populaire V.V.V., alias veur..de Venlose-Vaegers- Vastelaoveskrant vers aafgedrök en gepers in t Nieje Jaor 2016, o.a. same gaonde mit mien eige persuuenlikke zelf-spot-vraog of det (mit miene kleine, bescheien inbring) eigelik waal kwats óf wazel te neume is? Tja geej meug t zegge. In n idder(of in n ander) geval-ge-8-de laezers en beminde laezeresse, woel ik mich effe(eeeh effe?) persuuenlik aan óg veurstelle, ofschoeën ik-waat det betröf-euver mich zelf mich maar weinig vaerder d r van kin veurstelle (Jao, kén!) Och ja ik heit van jóngs aaf aan : Sjraarke, t Wazelaerke Ik kós toen al brabbelend praevele, wie ik beej Juffrouw Tax op de schoeël/ Luitherwaeg in de ierste klas kwaam. (Tieëntalle jaore later woort Juf Tax ouk n Wienbölke ( zelfs verkleid as Wienmerieke ) op de Maagdenberg en aldao en daonao haet zeej (heb ik begrepe) t echte wazele achteraaf alsnog van mich (toen al jaore Vors Wienius) gelierd (ha..ha..) Maar, beste luuj waat ik óg noow nog gaon vertelle det kint geej en ik (jao-jao) zelf ouk al zingend mitdoon en det op de beroemde wies van De Sterre van Strao/e...eeeh aevel zónder diezelfde Sterre d r vaerder letterlik(!) doeënder d r beej te betrekke huur! (stel dich veur) Aevegood leef Venlonaere en beste en trouwe Umgaevingsgenote van Venlo.. Vastelaovend is-wie ouk geej al jaore wét- t speul van lol, wazel, plezeer..maar toch ouk(!).. zinge,springe, danse, sjanse,sjoenkele op ózze beroemde Venlose Vastelaovesmeziek! Jao, toch? Dao meuge weej toch in gans Limburg mit prónke..en op prooste? Heej dus mien (effe persuuenlik}-dus eige-geschreve leedje, maar op de bekinde melodie...: (dit kint geej-al laezend-mit zinge, of al zingend mit laeze). Ik woeën in De Wien -en noow in t Ven Zelfs ós kiepe zien kóntent in eur kiepe-ren. Maar aovend aan aovend wil ik dök zien. Beej mich thoes aan t tiepmesjien.(jao.. jao..!) Refr.: Want ik wil toch...zoeë gaer verhaole.. En ouk mit leefde miene wazel kwiet. As ne Wienbol mich ef verschaole. Maar beej De Vaegers zing ik zónder spiet.. Det is ens gans get angers zegge ze in Tegele Kóste die Tegelse det op zien Venloos auch ens regele En as die Vaegers mit mich ens mit zónge.. Det waas neet gek, jao ken, met dae Wienbol, lek,lek,smek! Leef luuj Wies besloet: Zoeë lk poets mich de plaat en Vaeg! mich zelf noow de deur oet Wins óg ne Joeksige Vastelaovend Same! Groetjes van nen Ald-Prins en Ald- Vors van De Wien alias Gerard S., de Wien-Kwaker Wäördje van Vors Vaeger Wie lang vière we nog vastelaovend? Motte we vernièje of probeere we alles te halde zoeë wie os elders en groètelders de vastelaovend vièrde? Wuurt d r neet te vuul georganiseerd en verluus de vastelaovend aan spontaniteit? Zoemaar waat vraoge die de afgelaupe tièd weer woorte gesteld, maar ein antwoord vinde is ein stök lestiger. t Is ouk ein verschiènsel van deze tièd det weej op al die vraoge ein antwoord wille gaeve. Asof weej de generasie zien die de vastelaovend dae al decennia lang in Venlo wuurt gevierd, aktief motte verandere. Wae mit de neus örges opsteit, zuut döks t minst. t Is neet aan os um noow richting te gaeve wie d r euver twintig jaor vastelaovend wuurt gevierd, t is aan de minse die dan nog naor de stad trekke um d n optoch te zeen um truuk te kièke en te zeen waat d r op ein neteurlike wiès is veranderd. Det dae vastelaovend verandert zonder det weej dao altièd stil beej staon, is ein gegaeve en det is ouk good. De vastelaovend is ein laevend iets en gen museumstök. Zoeë wie de maskes oèt t straobeeld zien verdweene en de Boèrebroèlof allang neet mièr in eine boerekiel wuurt gevierd, zoeë gaon zake die we noow as gegaeve zeen waalich ouk verandere of verdwiene. Ouk VG De Vaegers ontkump dao neet aan. Nao 33 jaor trekke we neet meer naor t Auxierièk umdet alle veranderingen binne de Zorggroep genne vastelaovesaovend mit De Vaegers mièr toèluut. Os zitting woort de hoèskamerzitting en belaefde ein goije ièrste edisie. We hebbe nieje jonge raodleeje daobeej gekrege en die gaon in de naobeeje toekoms ein eige stempel op os vereinging en de vastelaovend drökke. En we hebbe nao hoeëgheid Kevin I en zien adjudante Ferry en Jimmy mit prins Leon I en adjudante Rob en Ron ein niej dreejspan. Die gaon noow de vastelaovend beej De Vaegers kleur en glans gaeve. Gegarandeerd det we op Aswoensdaag truuk kièke op eine geweldige joeksige tièd. Want sommige dinger verandere noeits. En det is maar good ouk.

3 Pagina 4 Weej zien d r beej Weej zien d r beej Pagina 5 De Wazelaer 2016 Onderzeuk wiès oèt: juus de kletskes beer zien t gezondst Van ozze verslaggaever mit koppièn Industriestraat 94a, Tegelen T Op vastelaovesdinsdaag vind ein biejzonder moment plaats, dan prissenteert neemus minder as de bekinde Venlose onderzeuker Sjaak de Buurman ein opziendbarend onderzeuk naor de consumptie van beer. D n daag veur de prissentasie is neet zoemaar gekoze. Juus op dae daag zuuse det minse t beer al haos käök zien en steeds mièr glaas mit kletskes beer wegzette. Det is zund, want juus in die letste kletskes zit de meiste smaak en vitamine, vertelt De Buurman. De weitenschapper deed jaorelank onderzeuk naor die letste dröpkjes beer. Maar dan ouk echt allein maar de letste dröpkes. De zuus, zeker later op d n aovend, det minse ouk halve of zelfs volle glazer beer gaon wegzette. Die glazer heb ik neet in t onderzeuk betrokke. De Buurman was zelf jaorelang ein stevige drinker. Tien tot twintig glazer beer op t ièrste gedeilte van eine aovend waas gen oètzondering. Ik merkde det ik in t twiède gedeilte van de aovend waat dreierig waas en minder beer op kos. De glazer die ik wegzat umdet d r weer eine tadewa mit ein niej blaad beer kwaam aanzette, ware daodoor steeds voller. En as ik dan de volgende daag wakker woort veulde ik mich wie ein oètgekneepe schóttelslet, vertelt De Buurman. 70% mier hiepe gestriets met vastelaovend. Wie ik de titel van dit stök zoog, schrok ik mich kepot, wie kin det, det is toch neet meugelik, maar jung gewoeën ongeluifelik. Heej môt ik ut miene van weite, ik dach wie pak ik det aan. Ik bin naor de Wezelsewaeg gegaon en heb aan de vluchtelinge gevraog um mich te hellepe. Ik dach twiè vleege in eine klap zeej ein gooj invölling van de daag en ik bin geholpe. As ze wiste waat eine hiep waas mochte ze meidoon. 9 minse wiste mich te vertelle det det eine fiets waas, die hadde ut Venloos dus al good onder de kneen. We hebbe os beejein gegoejd en ein plan getrokke. Eine van eur wis te vertelle det 50 % van de Venlonaere niks met vastelaovend had, dus die veele al aaf. We hebbe os alle 10 verdeild op plaatse waor de minse de stad binne komme. En waat bliek achteraaf now, 80% van die 50% die waal vastelaovend veert, kump met de trein, steit op de waage of kump te voot naor de stad. Van die 20% van die 50% die euverblief is 10% aldere en die komme taegeswaordig met eine foètelhiep naor de stad, heej zitte zonne zwiek slaote op, des se minstes ein oor bezig bis um dae te jatte. Vandie 10% is 8% klein blaage en die zitte euver ut algemein in ein bolderker of ligge te luime in eine kinderwaage. Dan kumps se d r dus achter det maar 2% van idderein met de hiep de stad in geit. Ik heb de woute in eur kièt gebeld wie det precies zit, zeej koste mich vertelle det ut normaal 10 hiepe per waek waas en met vastelaovend kreege ze 17 meldinge. Now praote we euver 7 hiepe en dan bliek ouk nog ens det 6 minse zoeë ledderzat waare det ze nog nimmer wiste waor ze eure hiep gestald hadde. We hebbe ut oètintelik euver eine hiep, môt det now met zo n DIEKE LETTERS in de krant? Dankewaal aan de minse die aan dit onderzeuk hebbe mei gewerk. Dus besloot ik op eine daag um de zake um te dreije en allein nog de kletskes van andere minse op te drinke. De resultate ware verbluffend. In zien rapport schrièf De Buurman det hae mit t drinke van kletskes t vuuël later mak op gezellige aovende, maar de daag dao nao vuuël ièrder weer onder de laevende minse is. Mien gezondheid is dus ein stök verbaeterd, dus motte die kletskes waal gezond zien, vertelt de weitenschapper. Dao kump beej det ik lang neet mièr zoeëvuul geld oètgaef. Asse maar ein bietje oplets wae waor zien letste kletske beer neerzet. De Buurman prissenteert zien rapport vastelaovesdinsdaagaovend beej t plaskruuts op de Picardie. t Veurdeil is det beej det plaskruuts nogal waat kletskes beer waere neergezatte en neet mièr waere meigenaome. Det beteikent det ik en mien gaste beej de prissentasie neet druug haove te staon. Raodsel Twieë manne loupe euver de straot. Same zien zeej hónderd jaor. De man mit de roeëje jas hilt neet van Vastelaovend, maar ziene zoon van einentwintig waal. De buurvrouw van deze zoon klep gaer n Apfelkörnke op Vastelaovesdinsdaag, mit eur vriendin oet de Börgemeister Houbenstraot. t Leefs luustere zeej dan nao t winnende leedje van Opus Jocus Dreej glazer beer en twieë half-um koste same 11 euro. Femke van de Begienegangk mót 28 euro aafraekene beej n kefee op de Parade. Op detzelfde moment löp d r n joekskepel veurbeej mit zeve träöters. Wie alt is de nieje stadsprins van Venlo? t Antwaord op dees vraog kin wies vriedaag 22 Jannewari 2016 waere ingesteurd nao info@vaegers.nl. Ónder de goje inzendinge waere twieë kaertjes verloeët veur de Vaegerszitting in November 2016.

4 Pagina 6 Weej zien d r beej Weej zien d r beej Pagina 7 De Wazelaer 2016 Mit de stadsbus door Gennep Van ozze beste sportverslaaggaevers en goej det in t sleufke.. ein plaetje. Want, leef laezers, is d r iets baeters nao nen aovend op de lappe dan ein dampend frietei oet de moor? t Liekent mich sterk. Café - Restaurant - Feestzaal Iets te vieren? Vraag gerust naar onze uitgebreide mogelijkheden. Uitstekende kwaliteit, betaalbare prijs. De training zit d r dees middaag (noot veur de laezer, neet de middaag det geej dit stök luus) op en Niels Fleuren schuuf fris gewasse aan beej de verslaaggaevers van De Wazelaer. Hae speult sinds 2003 beej VVV en kin dus as gen andere inzich verschaffe wie t profvoetbal in Venlo umgeit mit de vastelaovend. t Zoot VVV op vastelaovesgebied de letste jaore neet mei. We motte meistal wièd weg speule dus dreej daag vière is d r noeits beej. Dit jaor motte we op vastelaoveszondaag naor Rotterdam um van Sparta te winne. t Feit det de KNVB neet wil meiwerke aan de vastelaovesstumming beej VVV beteikent neet det die dreej dolle daag compleet aan de seleksie veurbeej gaon. We hebbe neteurlik ein aantal Venlose jongens in de seleksie die vière wannièr det kin. Veurig jaor zièn we mit ein groep speulers en de trainer ouk eine daag de stad ingegaon. Jao, ouk die jongens die neet oèt Venlo komme, die vonde det ouk kwant. Maar de bis neteurlik altièd aafhankelik van t speulschema. Weej speule dit jaor op de zondaag en det beteikent in de twieje daag die daoveur ligge genne alcohol, vertelt Fleuren. We merke det t wegvalle van de vastelaoveszondaag um waat dreuvig stump. Op zondaag trek altièd de optoch door mien woènplaats Gennep. En wannièr det kin loup ik mit de vrindegroep Overal met carnaval dae optoch mei, vertelt de speuler. We hebbe ein eige bus waormei we al 13 jaor mit de optoch meitrekke. Det is z n alde stadsbus die hielemaol is umgebouwd. Fleuren vertelt enthousiast euver de Gennepse vastelaovend dae net as de Venlose eige dialektleedjes kint. t Bombakkes is daor de joeksige vereiniging en de Mèrtzitting ein begrip. De optoch aevel trek dit jaor dus zonder Fleuren. Waalich det de maondaag nog gevièrd wuurt. Mit beer? Ik drink gen beer, aaf en toe ein dröpke vind ik waal lekker, vertelt Fleuren. Maar alles mit mate neteurlik, t blief eine sportman. Of is dit schoeëne schièn en klop t verhaol det we dit jaor eine prins Niels I kriège? Fleuren kint gen inkele twièfel. Ik bin noeits prins gewaes en heb ouk gen inkele ambisie det te waere. Det is dus duudelik. Aan de andere kant, det is ouk persiès waat de nieje prins zoèl zegge. Ein stök. Wie d n ald vors mich vroog n stök te schrieve veur de Vaegerskrant, dach ik beej mich zelf, want ik dink altied beej mich zelf, ik heb nog noeëts beej nen andere gedach, dus dach ik beej mich zelf, ik gaon det doon. Ik gaon n stök schrieve, maar wao euver mós se eigelik n stök schrieve? De kins euver van alles schrieve, maar as se iets schriefs waovan minnigein zal zegge, waat schrief dae noow weer, dan hebs se kans det d r nen houp ingezónde stökke kómme op det stök waat ik zoel gaon schrieve. Dus det gaon ik in idders geval neet schrieve, ik kiek waal link oet en net zoeë min gaon ik euver t waer schrieve, want ouk dao haet idderein n eige meining euver. D r zien d r die meine det zeej alles weite en dao kin ik mich dan zoeë euver kwaele, det ik beej mich zelf dink, want ik dink.nae, det had ik al geschreve, dao schrief ik dus niks euver. Dan gaon ik, dink ik, n stök schrieve euver de politiek, maar det stök waat mich gevraog is um te schrieve meug neet langer dan ein a-veertje zien en dan kóm ik, as ik n stök euver de politiek schrief nen hielen houp te kort, want det waere gemekkelik veer a-veertjes. Det stök wuurt t dus ouk neet en um noow n stök euver de vastelaovend te schrieve in ne vastelaoveskrant, det vind ik noow ouk weer neet nuuedig, want d r staon al hiel vuuel stökke in dae krant euver de vastelaovend. Ik heb mien herses gepienig um d r achter te kómme wao ik noow eigelik ens euver kin schrieve, maar ik kóm d r in idders geval veur dit jaor neet oet. Daorum schrief ik dit jaor maar gen stök veur de krant en kóm ik volgend jaor mit n schoeën stök euver iets wao ik noow nog ein jaor d n tied veur heb um d r euver nao te dinke, waat det zal gaon waere. Wies dan en ne schoeëne vastelaovend. Baer de Wazelaer Nachtelijke haute cuisine Vastelaovesdinsdaag, net iets nao middernach. De muts is aaf. Dae joeksigen tied luuet weer n jaor op zich wachte. De waereld steit efkes stil en ik mót nao hoes. aaf en oet. Aevel d r is nog n klein leechpunt in de duusternis wao ik mien zinne op heb gezatte. Ik besloet t d r op te waoge. Gelökkig, hae haet nog aope, dink ik beej mich zelf as ik t hukske um loup. Met meujte stap ik euver d n dörpel, dae eigelik net waat te hoeëg leet veur dit tiedstip en t aantal glaeskes beer en dröpkes die mich door d n daag haer hebbe geholpe. Einmaol binne zeen ik achter n klein ruutje det t gelök mich al toe straolt. Ik pak t letste muntgeld, waat ik nog heb, oet de tes Genne pizza, genne shaorma (en al gaar neet mit slaaj, want det is pas ech d n duvel, haet ne wieze mich oeëts gezag) en gennen hamburger. Nae, niks van det alles. D r is maar ein culinair hoeëgstandje det Venlo in de smaakwaereld op de kaart haet weite te zette en wao de Venlonaer gruuets op kin zien: t frietei. Of op zien Frans: un oeuf de frites. Knapperige, goldgaele kors, smeuïge kerrieragout en neteurlijk neet te vergaete t hemelse eike zelf. Noow zien d r al hiel wat frieteier euver de tuin gegaon sinds de introduksie op de kop aaf 56 jaor truuk. D r is eigelik ouk maar ein authentiek frietei, en iddere Venlonaer wit wao hae det krieg, maar de res van de stadse haute cuisine (of op zien Venloos: hoeëg kaoke ) luuet zich neet kinne. Mini friet-eier van dae van daen andere Prins op de Stalberg, n frietei mit kleine stökses d r in of mit ein gans ei, n hardgekaok of zaach, n maelige kerriemassa of vloeibaar gold. En gluif t of neet: Dae mit die ster van d n Urbanuswaeg kwaam mit een ech frietei mit knoepselderie en truffelsaus. Zoeë zalt haet zelfs Petatte Wiel t nog noeëts gegaete. En ouk n blauw-wit frietei sloet ik in de toekóms neet gans oet. Truuk beej det ruutje betrap ik mich d r op det mien frietei door al det culinair gefilosofeer al waat aan de maelige kant wuurt. t Mak ouk neet oet. t Letste stökske ei straelt mich aeve good de tóng. De Vastelaovend is namelijk pas ech veurbeej as ouk t letste frietei achter de kieze is. Veur mich steit t in idders geval alweer vas. Volgend jaor: zelfden tied, zelfde plaats. Zeen ik óch dao?

5 Pagina 8 Weej zien d r beej Weej zien d r beej Pagina 9 De Wazelaer 2016 Vastelaoveshoroscoop 2016 Auk veur ôg vastelaovesdrökwerk, ziet geej beej ôs aan ut gooje adres! Alaaf Nino, ken-se die krentjes van ôs nog drökke? Laot maar komme, weej make d r waal weer wat moeëjs van! Wow, waat heb-se ôzze poster moeëj geprint! RAM Let op met linke bäög, veural in de aovend ore. Laot óg neet misleije door wae dan ouk. Geej kint t beste door ein deur met de Kraef. Deze vastelaovend leet t gelök op de loer. Kiek oet veur vraemde vrouwluuj, as se die s aoves laat taege kumps. Gelöksgetal 14. STIER De stier mót veural euverdaag op zien telle passe. Leefde en gelök zulle deze vastelaovend neet same gaon. t Is of t ein of t ander en as t det ander wuurt kins se t ein baeter achterwaeges laote. Dien gelöksgetal is 7. TWIEËLING Geej heb t veurdeil dat geej noeëts allein ziet en óg kint aafwissele as geej meug ziet. Nemes zal in de gater hebbe dat d n eine weg is, as d n andere d r nog is. Let waal op de pieke, want as twieëling geit alles döbbel zoeë flot op. Klep dus neet te vuuel. Óg gelöksgetal? Waat anders: 2 neteurlik. KRAEF Mit dien zes puuet en twieë griep erm kins se alle kante oet en hebbe de minse weinig tot gen grip op dich. Meugs se in de perbleme kómme, hebs se altied nog ein schild op de rök, in taegestelling tot die oet Tegele, die n plank veur de kop hebbe. Drink mit maote en hald maot. t Gelöksgetal is 8. LIEËW Veul dich deze vastelaovend de keuning van alles waat in de stad rónd löp. As Lieëw meugs se veurop gaon in d n optoch. As Lieëw bis se zelfs wiechtiger as de Prins, maar dan waal dae, oet t sprookje van Doorneroosje. Lieëwe staon bekind um eure groeëten bek, dus laot dae maar thoes mit die dreej dolle daag. Dien gelöksgetal? Is en blief: 1. MAAG As Maag mós se hiel veurzichtig zien mit de vastelaovend. Veur des se t wets bis se gen maag mier en mós se ein nie sterrebeeld gaon zeuke. Det is iets wao se behuuerlik mei in dien maag kins kómme te zitte. Dus Maag, bin waakzaam en zörg dat de maag neet van streek raak! Ein maagdelik gelöksgetal: 9 WAEGSCHAOL Dink deze vastelaovend veural aan dien gewich, beste waegschaol, want veur des se t wets, hebs se d r weer nne gas kiloos beej en wie gewichtig det ouk klink, ens zal t tevuuel waere en sleit de schaol door. ne Goje raod besteit oet elf, daorum is dien gelöksgetal dan ouk: 11 SCHORPIOEN Nog mier as de Kraef mós se op dien telle passe, Schorpioen. Zeker mit dees vastelaovesdaag zals se flot op dien tieëne zien getraoje en det kump allein maar umdes dich zoeëvuuel tieëne haes. Mit ach bein zits se al flot op de viertig tieëne. Dus oplette geblaoze, zeker as t duuster begint te waere of drök. Dus dit jaor neet nao d n optoch gaon, of t mót dae van de Wien zien. Gelöksgetal: 39 BAOGSCHÖTTER As baogschötter hebs se waardering alum, met dees daag. De meiste minse hebbe al meujte met rech veuroet te schete, dich kins t met nen baog, net wie die van t Akkermansgild, later op de middaag tiedes t OLS. As se s aoves ouk nog ens met nen baog nao hoes löps, kan de vastelaovend veur dich neet mier kepot. Gelöksgetal: 5 ( nao elf oor saoves ) of 3 ( dao veur ) STEINBOEK De steinboek haet gen rös in de kónt en kin dan zeker mit de vastelaovend, maar lastig zienen drei vinde. ne Goje raod: klep genóg met die dreej daag, zoeë des se gennen drei hoofs te vinde en rech toe, rech aan op dien doel aaf kins gaon. Veur deze vastelaovend steit leefde mit DIEKE letters geschreve, dus laot gaon dae wage!!!!!! As gelöksgetal wuuert de steinboek: 21 toegekind. WATERMAN Och, och, och, waat zegge de sterre toch allemaol euver dich Waterman? Dich drinks allein maar gemeintepils? Det zal toch neet waor zien. Tuuen dich nen echte vent, laot det water dreej daag lang staon en verander net wie beej de Passiespeule det water in wien of nog baeter in beer. De zals zeen des dich nen ónvergaetelikke vastelaovend kriegs! Vuuel gelök mit t getal 14, det is t zelfde nummer as de Ram. SUCCES!! VISSE Mit deze vastelaovend visse, veult geej óg wie visse in t water. Maar blief oet de buurt van de Waterman, want dae kint óg alle plezeer vergalle, door wien beej t water te doon, wao door t water troebel wuuert en geej door t water de buim neet mier kint zeen. Dat kan ein fikse hersesschödding oplevere. Laot daorum de herses maar thoes. t Gelöksgetal: Venrayseweg 114, 5928 RH Venlo Venlo 3851 T: (077) F: (077) E: info@graphic-mail.nl EMMAUS-FENIX t Is ónderwiel inkele waeke haer det weej n geweldige prónkzitting hebbe gehad in ós rissidentie de Venlonazaal. Dao hebbe weej in ne feestelijk aangekleide zaal, gans in hoeskamerstiel, t aaftraeje van noow ózzen ald prins Kevin d n Ierste mit meuge make. Feestelijk waas t zeker, mit hiel vuuel verscheie artieste die mit vuuel joeks en jen alle Vaegers en Vaegerinkes wiste te ammesere. De zitting in november waas dit kier in n ander jeske gestaoke. Nao euverleg mit besteur, Joeks- en Technische Kemmissie woort in mei 2015 t idee gebaore um ós prónkzitting anders in te völle. t Zoel n zitting in n hoeskamer dene te waere. Mit dit veuroetzich zien weej aan de slaag gegaon. Weej hadde muibels nuuedig, want in n hoeskamer staon vanzelfspraekend muibels, schemerlampe en ligge tepijte. Ózzen drager van de Golde Vaeger, d n hier Harrie van Dreumel, haet toen kóntak gezóch mit EMMAUS FENIX, die euren thoes hebbe in n ald Trappistekloeëster op Ulingsheide in Tegele. Emmaus Fenix, sómmige van ós hebbe gen idee waat det is, en waas se dao allemaol kins doon en kins kriege. Dus op ne schoeëne zaoterdaagmorge in juni, zien Harry van Dreumel en Bas Pellens nao Tegele gereje en hebbe Harrie Suijskens verteld waat de planne van de Vaegers ware. Emmaus woel ós gaer helpe mit de inrichting van ós hoeskamer. Op zaoterdaag 20 november zien weej same mit vuuel Vaegers nao Tegele gereje. Hebbe toen ós muibels, steul, taofels en lampe veurzichtig in ózze vrachwage gelaje, en later daen daag netjes oetgestald in de Venlonazaal. Zóndaagmorge, oor, nog ens dank veur idder dae dao waas, hebbe weej de hiel hoeskamerinrichting truuk gebrach nao EMMAUS. De ierste hoeskamerzitting van De Vaegers waas n sukses. Neet allein door ós artieste, maar ouk door de waalwillende mitwerking van EMMAUS FENIX in Tegele. Langs deze waeg Emmaus en Harrie Suijskens, bedank veur t mitdinke en de mitwerking en gaer wies t volgend jaor. Bas Pellens Waordveurder Joeks. > Vervolg elluf euro Nu waren wij al heel wat uurtjes bezig daar op de Mert. Tussen zes en acht uur s ochtends moesten we het plein opruimen. De gemeente had ons op de valreep gevraagd. Er lag allemaal plastic en troep en afzetlint en confetti en het plein moest er natuurlijk wel een beetje netjes bijliggen als het kanon zou gaan schieten. En de club die ze eerst hadden aangenomen had afgezegd, dus mijn compaan van de B.B.V.V.V. en ik gingen aan de slag, een flinke klus. Dus we waren wel aan wat rust toe. Bleek uiteindelijk dat de echte Vaegers die ochtend afgzegd hadden. Konden hun nest niet uit komen. Nou ja, het plein was netjes, vastelaovend is begôs, de Vaegers hebben er twee donateurs bij en wij hadden een geweldige middag op Elluf van Elluf op een prachtig schoongevaegde Mert. Die euro wisselgeld die ik van Patrick nog tegoed heb hoef ik trouwens niet terug. Ga er maar lekker van uit eten met z n allen! Jan van Mersbergen

6 Pagina 10 Weej zien d r beej Weej zien d r beej Pagina 11 De Wazelaer 2016 Sef en t Paerd. Op bezeuk beej Sef euverheers n euvervlood van vrindschappelikke en oprechte gasvreejheid. t Waas veur mich dan ouk n fees um dit interview mit Sef te meuge doon. Wao gaon we t euver hebbe vruueg Sef, euver t paerd zeg ik. Sef geit drek op de praotstaol mit n zichbaar vraogteiken op ziene veurkop. Mien vader had vruger n paerd en ik vind t fascinerende en enorm krachtige bieëste. In det letste zeen ik n veurbeeld veur michzelf truuk: allein door krach en inspanning kins se t talent waat dich geschónke is laote greuje. Det kin ik neet allein, ik heb dao ne gas minse beej nuuedig, die mich dao in óndersteune wao ik mit naam en toenaam zeker mien leve vrouw Leta wil vermelde. Zelf dörf ik neet op n paerd; boete t feit det ik noeëts ech les gehad heb, is paerdrieje neet zónder gevaor. t Feit det ik d r vanaaf kin valle en daodoor n tiedje neet mien werk kin doon, det kin ik mich neet leiste. Dao bin ik te ambitieus veur. Det heb ik ouk mit beejveurbeeld skieë of mountainbike. Vinds se dich zelf ouk euver t paerd gehöf? vraog ik. Nae zaet Sef lachend gaar neet! Ik begriep det minse waal ens anders euver mich dinke, maar die minse kinne mich ech neet. Zeej weite dök gaar neet waat ik d r allemaol veur heb mótte doon en nog steeds doon en veural ouk mót laote, um te zien waat ik noow bin. Zelf zeen ik ouk hiel erg good mien eige óntwikkelpunte. Talent hebbe is ein, maar talent óntwikkele is twieë en dao gaon ik zier bewus mit um. Maar daomit hoof nemes te dinke det ik euver t paerd gehöf bin. Minse vinde t lastig um succes van emes anders te viere en zien van nature op zeuk nao de foute die emes mak. Ik zeen mien mierdere en miene paad um dao te kómme. In mien vak kóm ik ouk arrogante minse taege; arrogantie is dök iets waat minse nuuedig hebbe um eur eige tekortkómminge te verblome. Beej die minse is beej binnekóms al van alles fout, de kóffie te heit, de zaal te kalt en neum t maar op. Haos altied bliek dan det ze van eur professie niks terech bringe of eur partie neet (genóg) gelierd hebbe. Beej klassieke stökke geit d r namelik hiel vuuel werk aan veuraaf; begriepe wao t totale stök euver geit, in welken tiéd t geschreve is en waat de schriever d r mei gemeind haet. Dao beej zals se dien eige sauce (gen HELA dus red.) d r euverhaer mótte goeije. Klassieke zang is ech n ambach; Mozart zings se weer gans anders dan t Verdi repertoir beejveurbeeld. t Geit d r um, des se binne die liene bliefs en daobinne waal t uterste opzuks. Ik zeen michzelf op n platform staon um oet te kieke nao hoeëgere doele umdet ik det aan mien talent verplich bin, um dao t beste van te make en det neet te verkwansele. Op t moment det ik dink det ik d r bin weit ik det det t moment is det ik d r mei mót gaon stoppe. Minse dinke dao dök te mekkelik euver en euver mien vak. Ik weit wao op ik aafgeraekend kin waere en ik wil neet valle maar stijge, det neum ik neet arrogant maar ierder professioneel. Ik bin daodoor ouk erg streng veur michzelf; ik gaon maar beperk oet en as ik örges bin zal ik altied oplette, ik draag namelijk mien instrument 24/7 beej mich, en ik mót ouk oetkieke wie ik mich gedraag. Oetintelijk dink ik zelf det ik pas op de ierste traej staon van mien zangcarrière, wie sjiek minse ouk euver mich praote en schrieve, ik blief gewoeën Sef Thissen dae constant op zeuk is nao det waat d r nog oet mien talent te haole is. t Is ein saort verslaving aan studie euver zang en meziek. As hardwerkende zenger bin ik dao mit bezig en neet mit n paerd. En minse die meine det ik euver t paard gehöf bin die nuuej ik um ein glaas beer mit mich te gaon drinke. Daonao meuge zeej zegge waat ze ech van mich vinde. Tot slot wil ik idderein eine joeksige vastelaovend winse. De vastelaovend haet mich altied al aangespraoke en zal det ouk altied waal blieve doon, zeker naodet ik zelf mit die vaere heb meuge prónke. n Wäördje van de veurzitter Weej hebbe weer n fantastisch jaor achter de rök. De vereiniging blief greuje en ouk de verjónging van de raod blief vaerder gaon. De kins neet anders dan gruuets op dees vereiniging zien. Hoeëgheid Kevin I en zien adjudante Ferry en Jimmy zien ós aafgeloupe jaor geweldig veur gegaon in de vastelaovend en ik bin d r ouk blie mit det zeej beej de vereiniging blieve en zelfs tot de raod zien toegetraoje. We zien dankzij eur zelfs beej de Kits Uule in Remund gewaes en hebbe dao ne joeksigen aovend gehad. Veur mich persuuenlik waas aafgeloupe jaor extra bezónder, umdet miene zoon Ricardo adjudant waas beej Jocus Toekóms. Dus boete ós eige program hebbe weej nog n paar moeëje aovende in t Ald Weishoes gehad. t Is toch erg leuk um te zeen det d r n paar Vaegerskinder beej Jocus Toekóms actief zien. Wae wet waat de toekóms ós brink. De niejen opzet van de zitting is ouk n feit en waat hebbe weej n schoeën hoeskamerzitting gehad. Aafgeloupe jaor hebbe weej as besteur de joekskemmissie gevraog um de traditionele zitting te gaon verandere. Zeej kwame toen mit t idee van de hoeskamerzitting en idderein waas d r drek enthousias euver. Weej hebbe toen op pepeer gezat wie weej det ginge doon en dan bliek toch weer det pepeer en de praktijk neet altied hand in hand gaon. Oetintelik waas ik nao de zitting dan ouk blie det die ierste hoeskamerzitting zier geslaag waas. Ik wil idderein dae dit mit meugelijk haet gemak vanaf dees plaats hertelik bedanke. En nao de zitting geis se dich weer opmake veur t nie sezoen. De haes de kersbel nog neet in de doeës en dan meugs se al nao t Hudjesbal. t Waas weer n fees en ik weit zeker det weej mit de Prins Leon I en zien adjudante Rob en Ron weer ne geweldigen tied tegemoet zulle gaon. Ik wins óg allemaol ne schoeëne Vastelaovend! Veurzitter VG de Vaegers Richard Ooms

7 Pagina 12 Weej zien d r beej Weej zien d r beej Pagina 13 De Wazelaer 2016 BARTELS SLOTEN & SLEUTELSPECIALIST Leutherweg CB Venlo Slagerij Worstmakerij Partyservice Hamans Hogekampweg TS Venlo info@slagerijhamans.nl

8 Pagina 14 Weej zien d r beej Weej zien d r beej Pagina 15 De Wazelaer 2016 De Vaegers richte de M.W.P. op! (Van ózze politieke korrespendent in t stadhoes) Ind van vastelaovend 2015: Daags nao t vertrek van t allerletste boerebroelofs kuutske, t waas op aswoensdaag ónder t haole van n assekruutske, zoge n paar late (of vruge) Vaegers in ens t leech det werkde aanstaekelik zoeëdet Vors Vaeger n lumineus idee kreeg Noow weej t weer ein jaor zónder vastelaoveskwats mótte stelle heb ik t volgende bedach, det zal ik óg vertelle, ónder ós gezag en gezwege, de Vors laef al hiel waat jäörkes mit Tante Bet daovanhaer krieg dae waal ens mier van die aanvalle ónder de pet, Weej Vaegers kinne mit vastelaovend hiel good moeëj waer speule. Vandaag gaon weej in de politiek, det die gevestigde partieë det maar ens veule. Mit vuuel iefer geit d n bessem door t stadhoes, d r kump n nie gezich. Want vanaaf noow hebbe De Vaegers de Moeëj Waer Partie opgerich. Weej belaove aan idderein zónder n centje pien t ganse jaor det werme vastelaovesgeveul mit niks as zónneschien Door ós Moeëj Waer Partie oet de Vaegersklup gebaore Zal d n hemel baove gans Venlo allein maar op gaon klaore. Mit spandeuk en stikkers mit Nao zónneschien kump raege Kómme de Venlonaere ós op alle feeste taege En zoeë zörge weej idderen daag opnie, veur mier laeve in de brouwerie Altied bestendig gen ge-jojo, mit t waermenke in ós logo. Eine frisse wind, ein stormachtig program. Meziek dae knettert van de joeks tam tam. De Vaegers veuroet gestuuwd in de vaart der volkere kwaam oet ziene mónd. Maar nao dreej telders hieringslaaj landde hae weer mit twieë bein op de grónd. Want, wie puntje beej päölke kwaam, kwaam ouk de depe treurnis. De Moeëj Waer Partie verdween aswoensdaag s middaags alweer in de mis. Det goof gedónder en nen dieke kater Det idee van de Vors veel oetintelik in t water. Want de M.W.P. belaofde waal golde berg, maar veel van zien vootstök. D n achterban zoog de buuj al hange en kwaam in n depressie mit lieëgen drök. Van ermen ozel schöpde die zich nog maar ein telderke zoren hiering op. In eur eige stamkefee, want dao guuef t dae nog altied veur nop. Zoeë woort ein partie gebaore, maar waas gen lank laeve beschaore. Ein Moeëj Waer Partie det is einen hampel gesukkel. Vónde ouk de moeëjwaerveurspellers van de Bilt en Ukkel. De Vaegers ginge nao d n hiering weer doon waat ze altied al hebbe gedaon Gewoeën mit vuuel plezeer op nao de volgende vastelaovend gaon. Tot besloet: Astebleef, beste brave laezerkes bin noow genne vraegelaer. En vraog beej de Vaegers noeëts mier: Vors, wannier kriege weej weer moeëj waer? Adjudant Jimmy zörg veur gebaortegolf in Venlo Door ógge stagiair John H. t Venloosche gashoes VieCuri haet t aafgeloupe jaor t aantal gebaorteaanvraoge eksplosief umhuueg zeen gaon, naodet adjudant Jimmy op Valentijnsdaag n verrassingsbezeuk haet gebrach aan, waat noow bliek, deze nieje Venloosche publiekstrekker. t Aantal minse det euren blaag t ierste laevesleech wilt laote zeen, op de plaats die d n adjudant haet bezóch, is zoeë sterk gestege, det t besteur van VieCuri gen inkele andere keus had, dan heejveur n spesjaal gebaortecentrum te äöpene. -Venlo, Valentijnsdaag Ónderwiel de Venlose binnestad oet eur voge bars, door de doezende minse die de boetegewoeëne boetezitting wille bezeuke, besluut adjudant Jimmy, zien werkzaamhede aan ne lokalen tap te onderbraeke, um n verassingsbezeuk te bringe aan t jubilerende gashoes. Gans in stiel haet de Vaegers-adjudant zich vanaaf de Parade per ambulance laote verveure nao t alde St. Maartens Gasthuis. Dao woort hae feestelik óntvange met cola en ónverdunde ranja. Heejmit is Jimmy, de insigsten hoeëgwaerdigheidsbekleijer gewaes dae, persies 33 jaor naodet de deure veur t iers aope ginge, n hulde haet gebrach aan dit 3x11 jäörig bestaon. Noow, inkele maonde later, zien de Ut waer gevolge van dit sympathieke gebaar nog dageliks merkbaar veur t besteur en mitwerkers van t gashoes. Ouk mit de kóms van t nieje gebaortecentrum, det noeëdgedwónge is gebouwd um aan t aantal aanvraoge te kinne voldoon, zien de perbleme nog neet oet de lóch. Weej kriege dageliks aanvraoge binne, ouk van minse van vaer boete de gemeinte, zoeëdet eure jóngen hens gebaore kin waere op de plek wao daen adjudant is gewaes. t Nieje gebouw is heejdoor noow al te klein gewaore - aldus ein van de waordveurders. Ierder dit jaor kwaam ditzelfde gashoes ouk al in opspraok in verband mit twiefelachtige gebaortepraktijke. In jannewari van det jaor sloog Lei L.oet V., op diezelfde lokasie, verwaeze de hand inein en houwde zich op de kneen. Getuge meldde toen al det ein Duitse wiesvrouw, pas t klein woel laote zeen, naodet Lei L. zien Vaegers-zilver had mótte aafgaeve aan diezelfde Pruzin. Lei L, nog altied óntdaon van dit alles, kós toen allein maar stramele: Minse kinder, nog aan toe! Adjudant Jimmy begriep zelf gaar niks van dae gansen toemel dae is óntstaon nao aanleiding van zien bezeuk. In n bescheije reaksie luuet hae weite zich van gen kwaod bewus te zien. Ik had noeëts gedach det, wie ik op valentijnsdaag n paar vreejkaarte (of zien t vreej-kaarte) oetdeilde in t gashoés, d r maonde later zoeëvuuel nieje blage zoele zien. Veuralsnog is neet bekind of t nieje gebaortecentrum ouk nao Jimmy verneump geit waere. Betrouwbare brónne melde aevel waal det zien eige vruike nog neet genuued is, veur dit nieje Jimmy-Dôme. Det heb ik dan weer vraoge ze mich ein stökske euver ut waer te schrieve. Ik môt zegge ut blief nummer ein van de dagelikse kos um euver te hebbe. Ik waer d r eigelik neet good van um de ganse tièd euver ut waer te praote, maar ja laot ut maar gewaere. En dan te weite des se op vandaag door eine kier euver diene tillefoon te vrieve, kins zeen waat veur waer ut guuëf in dien land, previncie of plaats via de majumradar. Of ut now ozzelig waer, prachwaer of boutwaer wuuërd, laot ik ut leefste aan de waergode euver. WIES WAER ENS.

9 Pagina 16 Weej zien d r beej Weej zien d r beej Pagina 17 De Wazelaer 2016 Vorste en ald-vorste Cambrinus Carotius De Kiep Frans Gaassius Joeccius Johan Kwastius Moerassius Paortius Scoparius Torvius Vaeger Volierus Wienius De euvergebleve letters vorme gezamelik unne joeksige spreuk. S U I T S A W K V S S A J O E C C I U S U U S T N A H O J E S I I D E K I E P L A N T T S U I S S A A G A R O R S U I V R O T R O R E W I E N I U S F A A G O V E N U D S A P C E S U I S S A R E O M A V O L I E R U S M E V! S U N I R B M A C

10 Pagina 18 Weej zien d r beej Weej zien d r beej Pagina 19 De Wazelaer 2016

11 Pagina 20 Weej zien d r beej Weej zien d r beej Pagina 21 De Wazelaer 2016 t Insigste waore verhaol achter t dreejspan 2016 Van ozze redaksie onderzeuk Ièrder in dees krant heb geej al foto s gezeen van t nieje dreejspan van VG De Vaegers. Toegegaeve; det zoog d r op t ièrste gezich neet verkierd oèt. Maar wae zien dees minse noow ens eigelik? Weej van De Wazelaer dooke in dreksbek en schaduwde de verkièrde minse um tot ein aafgewaoge verhaol te komme. D n Hoeëgheid Leon I (Lankes) Prins Leon I is zeker gen onbekinde binne De Vaegers en daomei binne de Venlose vastelaovend. Hae löp al dertien jaor in de Raod van Elf mei waovan de letste dreej as sirremoniemeister. Eine mins dus dae gewind is um in t volle vastelaovesleech te staon, al is t allein maar umdet hae as sirremoniemeister altièd veurop löp. As hae neet mit De Vaegers op paad is, kinne we Leon I vinde op de tennisbaan of löp hae (waer veurop) as tambour-maître mit de Venlose Fanfaar mei. Hae woort gebaore in 1977 in Blierick maar det is mit ein hoés in Venlo-Zuud wao hae noow woeënt inmiddels rechgetrokke. In t dageliks laeve werk d n hoeëgheid as stukadoor en is hae verleef op Simone. Same hebbe ze eine zoon Sepp. Dae woort veurig jaor beej de start van t Hudjesbal gebaore. Ein veurteike veur ein nog joeksiger bal in Adjudant 1: Rob van Ninhuys Op t ièrste gezich zuut de achtergrond van adjudant Rob d r prima oèt. Hae woort namelik in taegestelling tot d n hoeëgheid waal in Venlo gebore. In 1984 um persiès te zien. Maar al snel trok hae mit zien elders naor Blierick wao hae opgruujde en in t Muspelheim vastelaovend liérde viere. Adjudant Rob waas dao sirremoniemeister en zoot later in de jeugraod van De Wortelepin. Inmiddels woeënt hae mit zien vriendin Daphne in Venlo. Leuk um te weite: zeej lièrde mekaar kinne op 11 van 11 veur t stadhoès. Rob werk beej APT Kurvers in Remund en hilt van rieje op de mountainbike. Ouk hae is eine echte Vaeger. Rob lièrde de oèits prins Leon I kinne achter ein glaas beer in Kefee De Erme, woort vrind en al snel meigenaome naor de Vaegers wao hae sinds 2011 lid is van de Raod van Elf en sinds dreej jaor veurzitter is van de Technische Kemmissie. Adjudant 2: Ron van Els Wae t laeve van adjudant Ron bestudeerd, kin tot gen inkele andere conclusie komme dan det hae oèits in ein dreejspan woort opgenaome. As kleine blaag zoot hae in de kinderwage al mit de snot veuraan wannièr d r mit vastelaovend waat te doon waas. As trompetist beej Joekskapel Boete de Paort en later Sjiengeleboem goof hae ach jaor klankkleur aan de vastelaovend, taegeswoordigs is hae as muzikant betrokke beej Bigband 81 wao hae alweer zeve jaor beej speult. Ron woort gebaore in 1975 in Venlo-Zuud en is ein van de aldste vrinde van d n hoeëgheid. Dae band geit mièr as twintig jaor truuk in d n tièd toen beide nog beej de Madson Club de dansvloer onveilig makde en t vaat achter de bar laeger dronke. In t dageliks laeve is adjudant Ron as service engineer werkzaam beej Van Tilburg installasie techniek en de gruuëtse vader van Daan.

12 Pagina 22 Weej zien d r beej Weej zien d r beej Pagina 23 De Wazelaer 2016 COLOFON Houfredaksie: Vormgaeving: Fotografie: Schriévers: Vertaling: Commercie: Monique Jacobs Harry van Dreumel Braind internet & vormgaeving Renier Linders Jan van Nies Harrie Lücker Harry van Dreumel Albert Peulen Gé Deenen John Huberts Wiel Hermans Eric Sweijen Rob Collin Pieter Peulen Nieky van Steenkiste Gerard Seelen Bas Pellens Frans van de Rijdt Ton in t Zand Patrick Ooms Ron Decker Richard Ooms

13 Pagina 24 Weej zien d r beej