Hoe seil ons in die wind van die Perfekte Storm?

Transcriptie

1 NUUS VANaf die sinodale kantoor PREDIKANTE-BYEENKOMS ACHTERBERGH 29 Februarie -1 Maart 2016 Hoe seil ons in die wind van die Perfekte Storm? 2016 is ʼn Skrikkeljaar en ons is almal skrikkerig vir die impak van die droogte en swak ekonomiese toestande. Die kommissie vir Predikante-begeleiding reël jaarliks wegbreke om predikante toe te rus en te laat rus. Ons het hierdie jaar gekies om eerder met n groot byeenkoms te begin waarna ons jou spesifiek uitnooi. Ons gaan geestelike insette kry, maar ook mekaar in die oë kyk en hoor hoe dit gaan. In die baie gesprekke wat in die kerk gevoer word, is dit belangrik dat ons mekaar sal hoor. Spreker: Callie Roos Datum: Maandag, 29 Februarie om 10:00 tot Dinsdag, 1 Maart 2016 om 13:00 Ons begin Maandagoggend laat genoeg sodat jy na die verkeer kan ry en ons maak Dinsdagmiddag vroeg genoeg klaar dat jy weer voor die verkeer tuis kan wees. Koste: Slegs R 200 p/p wat 3 etes en slaapplek insluit. Sluitingsdatum: 22 Februarie 2016 Leraars kan 10 VBO-punte verdien! Ons spreker sê die volgende oor ons byeenkoms: Selfbestuur: op pad na sinvolheid - n kreatiewe wetenskap! Leiers in bevel - n vreemde paradigma of is dit? Bitter min mense kan hoegenaamd getuig van n sinvolle lewensbestaan. Nog erger is hulle onvermoë van hoe om daarby uit te kom. Vir my persoonlik is die padkaart na n bestaan wat getuig na sinvolheid n baie eenvoudige wetenskap! In hierdie gesprek wil ek graag aandui dat so n getuienis nie net moontlik is nie maar dat dit ook een van die mees opwindende en kreatiewe prosesse in jou lewensreis kan wees. Die kuns om te lewe! 1

2 Die vraag is natuurlik wat maak dit vir die gelowige dan enigsins uniek anders! Verder wil ons delf in n diepere of ander verstaan van leierskap en hoe dit behoort uit te speel in die dinamika van n oop sisteem-ontwerp. Het ek of iemand al die antwoorde? Nee, maar ek is bereid om saam met julle op reis te gaan in ons soeke na nuwe betekenis en verstaan. Daar is 4 sessies: 1. Die kuns tot selfbestuur - n eenvoudige wetenskap 2. Die kuns tot goeie besigheid - nuwe perspektief op leierskap 3. Die kerk se dilemma - n geslote sisteem vasgevang in die logika en ontwerp van n oop sisteem 4. Gefasiliteerde oop gesprek - dialoog tot beter verstaan en betekenis Iets meer oor ons spreker: Callie Roos is die eienaar van n onderneming wat besighede en gemeenskappe fasiliteer vir sukses en vooruitgang. ( ToekomsNou: Kursus in Gesinsbediening Waarom is Gesinsbediening so belangrik in ons tyd? Wat is nodig vir suksesvolle Gesinsbediening? Praktiese gereedskap vir implementering in jou gemeente. Dinsdag 8 Maart 2016 Handleiding en verversings ingesluit! Koste: R80 per persoon Registrasie, Tee en Koffie vanaf 7:30 Program begin 8:30 en eindig 14:00 6 VBO punte word verdien! Vir meer inligting of inskrywings: Kontak Gert van der Merwe van ToekomsNou by gert@novitae.co.za /

3 NUUS VANAF GEMEENTES, CMR E EN TUISTES Klik hier vir meer inligting oor #Imagine 2016: rience2016/ Kaartjies kan by die volgende skakel gekoop word: ne_experience_2016.html 3

4 4

5 5

6 28 Februarie :00 NG Kerk Birchleigh, Olienhoutlaan 27, Birchleigh Kollekte word opgeneem vir Christelike Seemansorganisasie 6

7 PUBLIKASIES Hierdie week is die fokus op die jongste Kerkbode; die Maart-uitgawe van LiG en BM Handel dra by vir NG Droogtehulp-fonds. Inligting, Navrae en Diensverskaffing: Skakel óf Of stuur jou bestelling per e-pos na: Of koop direk met jou kredietkaart op die webtuiste: In die Kerkbode van 19 Februarie is vergifnis en versoening n belangrike tema. Reeds op die voorblad is die verhaal van oudminister Adriaan Vlok se versoenende ontmoeting met eerwaarde Michael Lapsley en hoe die evangelie in sulke gevalle werk. In hierdie uitgawe se aflewering van die gay-debat is daar twee uiteenlopende perspektiewe oor wat die Bybel oor die huwelik sê. Lees ook oor hoe God se liefde na Bosbokrand se armste kinders uitgedra word, oor ʼn Nigeriese sendeling wie se pad met die evangelie deur ʼn Afrikaanse onderwyseres geloop het en, met die oog op Paasfees, oor n skildery oor die Emmausgangers. Maart-uitgawe van LiG... In LiG se Maart-uitgawe gesels Leandie du Randt oor haar predikantpa se rol in haar lewe. Josua na die reën inspireer ons om lig vir ander te wees. In die Lydenstyd kyk ons na die waarde van gebed en vas. En ons dink na oor wie Jesus regtig is. Kry jou gids oor hoe om in die eerste 1000 dae vir jou baba die héél beste te gee. Ons gee ook raad vir matriekma s om voor te berei vir die groot groet. Ons gee ʼn patroon vir ʼn stylvolle drasak, en ʼn idee vir ʼn omgeeprojek. LiG vir jou en jou mense. 7

8 BMH gee vir Droogtehulp-fonds... Volgens alle berigte beleef Suid-Afrika die ergste droogte in meer as 100 jaar. Die droogte raak alle gemeenskappe en groepe selfs ook die kerke, gemeentes en indiwidue. By Bybel-Media Handel (BMH) is ons só bewus daarvan dat al bogenoemde groepe ons kliënte / ondersteuners insluit. Ons wil graag na hulle ʼn helpende hand uitreik. BMH doen dit graag met ʼn bydrae wat gebruik kan word vir die verligting van nood in gebiede waar dit nog nie gereën het nie. Verder is ons ook dankbaar saam met dié gemeenskappe wat reeds goeie reën ontvang het. Op die foto oorhandig Jan Wentzel (regs), Bestuurshoof van BMH, en Monique Petersen die bydrae aan ds Bossie Minnaar (links) wat die projek help koördineer. 8

9 VAKATURES NG GEMEENTE KROONRAND VASTE TERMYN POS Posbeskrywing: Aansoekers moet hulle in die Missionale kultuur van die gemeente kan tuis voel en help om dit verder uit te bou. Ons is oortuig dat die volgende bedieningsvaardighede die visie en roeping van die gemeente ondersteun: Die vaardigheid om die Bybel saam met die gemeente te lees en oop te wees om die werking van God (missio Dei) in Woord, gemeente en konteks te onderskei. Vaardighede om in ʼn span saam te werk en dus prakties uiting te gee aan ons oortuiging dat ons ʼn gemeenskap van liefde en inklusiwiteit is. Ons stel dus baie belang in kandidate se verstaan van liefde in ʼn geloofsgemeenskap, en ook inklusiwiteit en gasvryheid. Die vaardigheid om transformasie te begelei, veral saam met ouer generasies. Ons stel belang in die kandidaat se verstaan van klimaatskepping en mentorskap, hoe begeleiding werk, en hoe dit veral op ouer lidmate van toepassing is. Die vorming van netwerke om die geloofsreis van lidmate te ondersteun. Ons sal graag wil hoor hoe kandidate hulle eie spiritualiteit beskryf. Aansoekprosedure: Gelegitimeerde leraars van die NG Kerk kan aansoek doen deur die volgende aan die kerkraad voor te lê: ʼn CV (nie langer as 4 bladsye nie) vergesel van drie referente met kontakbesonderhede. ʼn Kort voorlegging van u siening van ʼn bediening aan die meer ouer gemeente lede. Aansoeke met ʼn dekbrief kan gestuur word aan Mnr Andrew Moore (andrew.moore@telkomsa.net) Rig navrae aan: Andrew Moore (Gemeenteskriba) ʼn Kortlys sal saamgestel word en daar sal onderhoude met kandidate gereël word. Sluitingsdatum vir aansoeke: 12:00nm, 28 Februarie 2016 Diensaanvaarding: Onderhandelbaar rondom 1 April 2016 Vergoeding: Die vergoedingspakket word deur die riglyne van die Sinode Hoëveld bepaal. Die Kerkraad behou homself die reg voor om nie ʼn aanstelling uit die aansoeke te maak nie. 9

10 AFLOSPREDIKANTE ʼn Lys van Aflospredikante is beskikbaar by Natassja Marais. Stuur versoek... Ons is op soek na ENIGE interessante nuusbrokkies! Ons wil ook baie graag inligting van ons leraars in die nuusbrief plaas. Laat weet ons asseblief wanneer daar nuwe leraars by jul gemeentes is, of bevestig word, emeriteer en selfs na ander Sinodes verhuis. Enige nuus is welkom! BESOEK ONS OOK OP FACEBOOK VRYWARING Die inligting wat voorsien word en standpunte wat gehuldig word in die NUUS VANAF HOËVELD SINODE behels, het geen verifiëring van bevindinge, gevolgtrekkings en opinies deur die NG Kerk van Suid-Transvaal [NG Sinode Hoëveld] nie. Dus weerspieël die inligting en standpunte wat in die NUUS VANAF HOËVELD SINODE gehuldig word nie noodwendig die van die NG Sinode Hoëveld of sy personeel en lede nie. Menings, afleidings en ander inligting in hierdie boodskap wat nie verband hou met die amptelike werksaamhede van die NG Sinode Hoëveld nie, verteenwoordig nie die amptelike standpunt(e) van die NG Sinode Hoëveld nie. NUUS VANAF HOËVELD SINODE plaas slegs nuus en inligting vanaf die sinodale, rings- of gemeentelike verband. Die NG Sinode Hoëveld aanvaar geen verantwoordelikheid vir enige benadeling en/of skade aan persone of eiendom as gevolg van produk-aanspreeklikheid, waninligting verskaf, nalatigheid of die gebruik van enige metodes, produkte, instruksies of idees wat vervat is in die materiaal soos opgeneem in die NUUS VANAF HOËVELD SINODE nie. Die inligting en advies is beskikbaar gestel in goeder trou en is afgelei van die inligting verskaf deur die betrokke organisasie/persoon en word voorgehou as betroubaar en akkuraat ten tye van die bekendstelling daarvan. Dit is die verantwoordelikheid van die gebruiker om sy of haar eie besluite te neem oor die akkuraatheid, geldigheid, betroubaarheid en korrektheid van die inligting. Dit beteken dat die instansie en/of die betrokke persoon wat die plasing in die NUUS VANAF HOËVELD SINODE versoek, dan volle verantwoordelikheid vir die gebeure of inligting aanvaar. Vir enige navrae in verband met hierdie Nuusbrief skakel gerus me N Marais by