Emok Bonsmaras Edward Hansen

Transcriptie

1 Emok Bonsmaras Edward Hansen PO Box Bachbrecht, Windhoek / / Lot 3 ERH Almal probeer bulle teel wat in alle produksiestelsels uitstekend sal presteer. Dit is die "All Rounder, All Purpose" bulle waarna verwys word. Hulle is gewoonlik laag op geboortegewig met uitstaande voor en naspeense groei, laag op skouerhoogte (regte raamtipe), swaarder op volwasse massa (gewig is inkomste) en goeie melk vir die vroulike nageslag. ERH is presies sò 'n mediumraam bul. Hy het baie goeie aanpasbaarheidseienskappe - gladde, blink vel en haar, mooi skof, sterk bene met goeie kloue en baie goeie loopvermoë. Hy het baie goeie balans tussen voorkwart, middelstuk en agterkwart - en is soos die ou boere sou sê "baie goed aanmekaar gesit". Daar is lengte, goeie bespiering, diepte deur die voorlyf, kapasiteit en sterk toplyn - alles wat ons soek in 'n bul. Hy vertoon manlikheid - sterk kop, goeie oogbanke, mooi verdonkering met ideale skrotum. Sy teelwaardes is goed gebalanseerd en daar is geen "uiterstes" wat pla nie. As jy speenkalwers of osse produseer, is ERH definitief die bul om te oorweeg. Dit speel nie 'n rol of jy suiwer Bonsmara of 'n kruisteelstelsel be-oefen nie. Hy sal aanpasbaarheid en baie goeie groei inbring, natuurlik binne perke vir ons ekstensiewe toestande.

2 Hochfeldstreek Bonsmaras Streicher & Hella Coetzee PO Box 9914 Windhoek / / Lot 5 HMB HMB is n bul met baie goeie balans, lengte en breedte. Sy uitstekende glansende vel is een van sy mees opvallende eienskappe. Hy beskik oor baie korrekte bene en kloue, wat n vereiste vir goeie loopvermoeë is. Die bul vertoon goeie bespiering, sterk bek, skede en hoewe. Sy diepte in die voorkwart is ook baie opvallend. HMB se moeder, HMB05-95, presteer uitstekend: Met n TKP van 364 dae oor 5 kalwers, n gemiddelde speenindeks van 106 oor 4 kalwers en n RI van 107, kan n mens nie vir beter vra nie.

3 Wagner Bonsmaras Ben & Corlia Mouton PO Box 1945 Tsumeb of Lot 9 WAGB Hier is n top bul wat geteel is uit HART 06 93, n bul wat ons saam met Okamaja Bonsmaras vir n rekord bedrag vir daardie tyd op Hartebeestloop gekoop het. Ons het die bul gekoop om meer breedte, vleissagtheid, voeromset verbetering en mediumraam in die kudde te vestig. Ons het verseker in hierdie doelwit geslaag met WAGB 10 90! WAGB se ouma kom uit die Kavango Beesboerdery kudde. Sy is nou 14 jaar oud en het 11 kalwers gehad met n gemiddelde TKP van 389 dae. Haar reproduksie indeks is 106. Dit is verseker n uitstekende moederlyn met langlewendheid. WAGB se ma het hom as haar eerste kalf gespeen. Haar reproduksie indeks is 111 en haar TKP is 402 oor 3 kalwers. Voorwaar puik moederlyn genetika wat hier werk! Die bul het n pragtige vel en haar kwaliteit met goeie primêre en sekondêre manlike eienskappe. Hy is n dikgat bul wat vol vleis is met n pragtige manlike kop en baie karakter. Hy het n baie goeie sprong van rib, diepte, vol boude, buite dye en n mooi sterk rug. Sy teelwaardes dui n tipiese mediumraam bul met goeie groei, puik voeromset en die meeste ander waardes op rasgemiddeld. Kyk maar mooi na die bul, hy bring puik eienskappe tafel toe. U behoort met gemak ouer verse met hom te kan oopmaak en sy vroulike nageslag gaan verseker die langlewendheid en vrugbare gene dra.

4 Emok Bonsmaras Edward Hansen PO Box Bachbrecht, Windhoek / / Lot 10 ERH Hy is geteel uit HART en ERH Die kombinasie tussen Hartebeestloop Bonsmaras en EMOK Bonsmaras het hier baie goed gewerk vir ons. ERH se OEK is 34 mnde, TKP van 341 dae oor 7 kalwers en Reproduksie Indeks van 114. ERH is 'n mediumraam "All Rounder, All Purpose" bul wat op koeie en verse gebruik kan word. Hy het van die beste aanpasbaarheidseienskappe in die kudde. Sy vel en haar is uitstaande, dit is glad en blink, los en goed beweeglik en sy hitte regulering is sekerlik van die beste. Sy stert is lank, daar is mooi skofontwikkeling en baie sterk bene en kloue. Dit is 'n bul met goeie manlikheid, goeie oogbanke, mooi verdonkering in die nek area en n goed gevormde skrotum. Dit hang simmetries en is van goeie grootte. ERH se bouvorm, lengte en bespiering is van hoë gehalte. Die toplyn is sterk, kruis en agterkwart is baie goed en so ook die binne en buite dye. Daar is goeie breedte, genoegsame kapasiteit en mooi diepte deur die voorlyf. Die hakke is breed en die bespiering is baie goed. Sy teelwaardes is deur die bank baie aanvaarbaar en hy kan met veiligheid in enige kudde aangewend word. ERH is 'n sterk bul vir die kommersiële mark. Sy aanbieding skep 'n goeie geleentheid vir die kommersiële boer om 'n bul van hoogstaande genetiese potensiaal te bekom. Hy sal uitstekend doen in enige kudde - hetsy suiwer Bonsmara of in 'n kruisteelstelsel.

5 Dries Venter PO Box 191 Outjo / Lot 11 APJ Dit is n baie manlike bul en is goed aangepas met n gladde blink haar, n dik, los vel en n lang stert. Dit is n bul met baie goeie lengte en sterk oogspiere. Hy het n lekker diep boud wat baie laag afkom. Dit is n all rounder wat op koeie en uitgesoekte verse gebruik kan word. Die bul het n GDT en kleiber indeks van beide 100 en het n mooi groot skrotum van 37cm. Die bul sal vir jou alles gee wat jy soek lekker groot osse en goeie vervangingsverse.

6 Hochfeldstreek Bonsmaras Streicher & Hella Coetzee PO Box 9914 Windhoek / / Lot 12 HMB Van dat hy n jong kalf was het HMB uitgestaan as een van die bestes van sy jaargang op Omantumba. Opvallend van HMB is sy baie mooi profiel: hy toon die wenslike bouvorm vir bulle met mooi diepte in die voorkwart en goeie bespiering in die agterkwart. Sy aanpasbaarheid vir harde omstandighede word in die kort, glansende haar, goed ontwikkelde oogbanke, en lang, beweeglike stert getoon. Let besonder op na sy baie mooi manlike kop, besondere haarkwaliteit, diepte, breedte en kapasiteit. Hy het goed gevormde bene en kloue. Sy testis is goed gevorm en hy het n uitstekende skede. Sy sekondêre manlike eienskappe vertoon ook al baie mooi met goeie verdonkering op die nek, skoon testis sonder beharing, goeie skofontwikkeling en pragtige diepte in die voorkwart. Sy trotse houding en wakker oë is n aanduiding van goeie libido. Sy geboortemassa was lig met 33kg. Daarna het die bul ver bo rasgemiddeld presteer, wat uit die teelwaardes te sien is. Opvallend is sy sterk positiewe waardes op speen vir albei direkte asook maternale waardes. HMB is geteel uit HART wat op die Hartebeestloop veiling in 2008 aangekoop is om verse oop te maak. Sy moeder, HMB 07-32, het n TKP van 441 dae vir 3 kalwers, met n gemiddelde speen indeks van 117. Van moederskant af dra HMB al die genetika vir hoë speensyfers. HMB self het teelwaardes vir speen direk van 10.4 en speen maternaal van 13.3 het die ideale kombinasie vir volhoubare goeie speenmassas. HMB10-12 word aanbeveel as n all-rounder, maar indien hy op verse gebruik moet word, moet hulle vir die eerste keer ouer as 24 maande wees met paring. Telers wat op soek is na n veelsydige bul, kan gerus na hierdie bul kyk.

7 Wagner Bonsmaras Ben & Corlia Mouton PO Box 1945 Tsumeb of Lot 16 WAGB Hier is n top bul wat geteel is uit HART 06 93, n bul wat ons saam met Okamaja Bonsmaras vir n rekord bedrag vir daardie tyd op Hartebeestloop gekoop het. Ons het die bul gekoop om meer breedte, vleissagtheid, voeromset verbetering en mediumraam in die kudde te vestig. Ons het verseker in die doelwit geslaag met WAGB ! Hierdie bul het lengte, diepte, kapasiteit, n sterk skof, dik buite dye en n toplyn waarop n tafel gedek kan word. Die bul se syfers toon baie goeie melk, sterk na-speense groei en uitstaande gdt en voeromset. Kyk net na sy bespiering oor sy agterkwart en goed ontwikkelde skof. Die happy lines wys baie duidelik oor sy middelstuk. Sy skrotum is baie goed ontwikkel en hang perfek. Die moeder van die bul het al veskeie bulle by ons geteel wat ons met groot sukses in die kudde gebruik het as stoetbulle. Haar TKP is 426 oor 8 kalwers en sy is reeds 11 jaar oud. Sy speen teen n gemiddelde speenindeks van 106, en het n reproduksie indeks van 99. Dit is puik moederlyn eienskappe wat hier aan die werk is. Hier is n goedgebalanseerde mediumraam vleisbul wat puik in enige stelsel sal presteer. Moet hom nie misloop nie!

8 Emok Bonsmaras Edward Hansen PO Box Bachbrecht, Windhoek / / Lot 17 ERH 10 84: Daar is gereeld navraag na goeie Bonsmara bulle vir speenkalf en veral os produksie. Dit is gewoonlik die effens groter tipe bul met 'n groter raamwerk om vleis aan te pak. Saam met dit kom goeie lengte, kapasiteit, breedte en diepte. ERH is presies so 'n bul. Hy is geteel uit AG en ERH Haar OEK is 29 mnde met `n TKP van 373 dae oor 4 kalwers, gemiddelde speenindeks is 102 oor 3 kalwers, Reproduksie Indeks is 113 en sy behaal 100% stoet goedkeuring van kalwers aangebied. ERH is goed bespierd en dra baie vleis. Dis n bul met n baie goeie middelstuk, goeie agterkwart en goeie toplyn. Hierdie bul se nageslag sal goeie kapasiteit vertoon met sterk raamwerk om baie vleis aan te pak. Die bul is ook regdeur baie sterk en sy teelballe hang perfek. Hy is propvol vleis en sy teelwaardes vir voor-en naspeense groei is baie goed. Hy het goeie genetika uit `n uitstekende vaarlyn en hy sal `n goeie bydrae in enige kudde kan maak. Sy vers nageslag sal ook baie melk hê - sy teelwaarde vir melk is ver bo die rasgemiddeld! Kyk gerus na hierdie bul om in alle produksiestelsels met groot sukses te gebruik.

9 Dries Venter PO Box 191 Outjo / Lot 18 APJ Hier is nou n bul wat baie vleis dra. Hy het lengte, breedte en diepte. Let op sy mooi vol boud met goeie binne en buite dye wat lekker laag afkom. As jy osse wil teel wat die skaal laat kreun is hy die bul vir jou. Sy speen, GDT en kleiber indekse is almal bo honderd (110, 105, 102). Sy skrotum meet 38cm.

10 Hochfeldstreek Bonsmaras Streicher & Hella Coetzee PO Box 9914 Windhoek / / Lot 19 HMB HMB is geteel uit HMB ( Madiba ). Hierdie bul se mooi balans en besondere diepte van lyf is van die eerste sterk punte wat n mens opval. Hy is deur Kiep Lepen uitgelig as n bul met fantastiese bouvorm, en n bul wat goed aanmekaar gesit is. Sy bene is goed gevorm, n aanduiding dat hy gemaklik sal loop en dek. Opvallend is sy breedte tussen die agterbene n eienskap wat verbeterde bouvorm tot gevolg het en meer vleis kan dra. Met sy beenstruktuur wat veral op die skouers nie te prominent is nie, kan hierdie bul onder andere aanbeveel word om verse mee oop te maak. Sy teelwaarde syfers vir geboorte bevestig hierdie eienskap hulle is laag en op geboorte direk selfs laer as rasgemiddeld dus ideaal as jy n bul moet vervang wat kalfprobleme veroorsaak het. Hierdie is n baie goeie medium raam bul. Hy het opvallend goeie pigment, baie goeie skede en naelvel met testis. Sy testis is mooi geplaas en is ietwat los van die buikholte, n belangrike eienskap by die regulering van warm temperature tydens semenproduksie. Die skrotum is sonder hare, wat n verdere teken van goeie aanpassingsvermoë vir ons klimaat is. Uit ondervinding in ons eie kudde het die pa van hierdie bul uitstekende groei in verskeie kuddes ingebring, en het pragtige vroulike nageslag geteel. Sy vel en haar is kort en glansend, wat n teken van goeie aanpasbaarheid is. Sy bek is sterk, hy toon goeie oogbanke en die bul toon nou al tekens van goeie bespiering. Sy geboortemassa is 34 kg, en sy teelwaardes vir groei is bokant rasgemiddeld. Hy het baie goeie groei syfers behaal in sy fase D toets. Sy skrotum was met afsluiting van die toets 34cm en is tans 37,5 cm. Sy moeder, HMB 06-67, kalf met 34 maande vir die eerste keer en haar TKP is 441 dae. Sy het n uitstekende gemiddelde speen indeks van 106 vir 3 kalwers en n reproduksie indeks van 97. HMB is verseker die ideale bul om raamgrootte nie te verhoog nie, maar wel groei in die kudde te kry. Hy kan aanbeveel word vir speenkalwers of osproduksie stelsels. Parings word aanbeveel in kuddes waar groei n tekort is.

11 Emok Bonsmaras Edward Hansen PO Box Bachbrecht, Windhoek / / Lot 24 ERH 10 87: Nog `n uitstaande seun van HART Die eerste indrukke van die bul is baie goed. Bouvorm gewys baie mooi, sy teelballe hang perfek, sy kruishelling is baie mooi met `n goed bespierde agterkwart en die bene is baie goed met goeie kloue. Kyk gerus na sy bouvorm en struktuur as jy verse wil oopmaak - hy sal ook uitstaande vervangingsverse teel. Hy is propvol vleis en sy teelwaardes vir voor-en naspeense groei is baie goed. Hy toon manlikheid, goeie verdonkering en n sterk nek met n dik en los vel. Sy moeder ERH is `n goeie koei en die gemiddelde speenindeks van haar kalwers is 103/2, haar TKP is 377 en haar RI is 102. ERH vertoon uitstekende aanpasbaarheidseienskappe met n baie goeie vel en haar. Hy is `n All Rounder, All Purpose bul wat op koeie en verse gebruik kan word. Dit is 'n baie veilige bul wat geen swak eienskappe in jou kudde gaan inbring nie.

12 Hochfeldstreek Bonsmaras Streicher & Hella Coetzee PO Box 9914 Windhoek / / Lot 26 HMB Die eerste eienskappe wat opvallend is van HMB is sy manlikheid, goeie bouvorm en sy mooi pigment. Hy het n wenslike sterk bek, goed ontwikkelde oogbanke wat nie nèt n teken van goed ontwikkelde manlikheid is nie, maar ook funksioneel doeltreffend is omdat hulle die oë goed beskerm teen sonlig, dorings (wanneer hulle hul gras tussen bosse moet soek), vlieë en brommers. Sy skofontwikkeling en diepte in die voorkwart is goed onwikkel. Die toplyn is sterk gevorm, seker een van die beste toplyne van ons bulle vanjaar op die Top Tien veiling. Hy dra goeie bespiering op die voorkwart, toplyn en agterkwart. Kiep Lepen het tydens die bul seleksies veral sy goeie middelstuk beklemtoon. Bulle wat hard moet werk, en wat toplyne en middelstukke het wat nie sterk ontwikkel is nie, se libido verswak vinniger as bulle wat veral op die middelstuk en agterkwart sterk bespiering toon. Sy breedte is baie goed. Sy hoogte-lengte verhouding van 1:1.18 is iets wat ons nastreef met ons teling; om diere nie hoër op die been te teel nie, maar wel langer, en by hierdie bul is die teling mooi vasgelê. Sy skede en naelvel is aanvaarbaar en die testis is goed ontwikkel. By die fase D toetsafsluiting was die skrotum omvang al 37,5 cm en huidiglik is die skrotum omtrek 41cm. Dit het tot gevolg dat sy teelwaardes ook mooi positief is vir skrotum. n Eienskap wat baie gesog is vir ons harde son en warm klimaat is hierdie bul se kort, glansende haar, sy swart neus en donker pigment rondom die oë en selfs op die onderste derde van sy skrotum hierdie bulle teel gewoonlik swart bekke en oë. Diere met hierdie donker pigment kan hitte en harde son die beste hanteer. Op die groeisyfer kant het die bul 34kg geweeg met geboorte en sy teelwaardes vir geboorte is naby of onder rasgemiddeld dus wenslik vir maklike bestuurspraktyke. Sy nageboorte groei is uitstekend; hy is sterk positief op speen vir veral direkte waardes, en vir na-speense groei asook volwasse massa is hy vêr bokant rasgemiddeld. Sy indeks vir veld doeltreffendheid tydens fase D (Kleiberverhouding) is vêr bokant die groep waarin hy getoets is met indeks van 108. Dit is verder belangrik om op te merk dat hy derde op die algehele ranglys uit 24 diere presteer het tydens die fase D toets. HMB is geteel uit AEJ , wat permanent goeie lengte in ons kudde geteel het. Sy bul- sowel as verskalwers vertoon goeie liggaamslengte met sterk toplyne, n paar van die wenslike eienskappe van hierdie kuddevaar. Sy moeder, HMB 00-58, n Elite koei op haar tyd, dra by as bulmoeder om hierdie sterk bul sy bietjie ekstra te gee; sy kalf op 35 maande vir die eerste keer, handhaaf haar TKP oor 8 kalwers met 379 dae, wat uitstekend is, en speen al haar kalwers met n gemiddelde indeks van 100. Dit saam gee haar n reproduksie indeks van 108. Verder is van haar 8 kalwers slegs een afgekeur tydens keurings! Om dus op te som is hierdie bul een waar die hele pakket van voorkoms, prestasie en stamboom absoluut in plek is om waarde tot u kudde te voeg. Hy sal verseker op vele aspekte n goeie impak in u kudde kan maak, met veral groei asook lengte as die sterkste eienskappe.

13 Wagner Bonsmaras Ben & Corlia Mouton PO Box 1945 Tsumeb Lot 30 WAGB Hierdie bul is uit die Jan Pienaar Bonsmara kudde bloedlyn aan vaderskant en Dr Piet Basson en G Thomas aan moederskant, die samevoeging van welbekende gene in die Namibiese Bonsmara samestelling. WAGB se moeder is n eerste kalf vers wat, na sy die bul gespeen het, n bietjie swaar gekry het om herbeset te word, maar sy is nou in siklus en hou baie goed daarin. Haar gemiddelde speen indeks is 102 en sy het n reproduksie indeks van 97. Die gene is duidelik reeds aan die werk! WAGB is n puik mediumraam bul met n sterk kop en baie karakter, n mooi toplyn, ongelooflike kapasiteit en baie vleis regdeur. Die bul toon n goed ontwikkelde skof, breë rug en baie sterk agterkwart. Die bul het tydens die fase D groeitoets 14% beter as die gemiddeld van die groep presteer op groei. Sy kleiber verhouding wat voeromset bereken is ook 13% beter as die gemiddeld van die groep. Sy teelwaardes vir groei en voeromset is dus vêr bo die ras gemiddeld met 119 en -52. Produsente is dus verseker van baie goeie groei en voeromset wat na jou kudde toe kom. Hy is verseker geskik vir speenkalf en os produksie. Kyk mooi na hom, hy is tops op vleiseienskappe!

14 Emok Bonsmaras Edward Hansen PO Box Bachbrecht, Windhoek / / Lot 31 ERH : Nog `n uitstaande seun van AG wat destyds vir N$ deur Dr. Joggie Briedenhann aangekoop is en wat op `n uitruilskema aan EMOK Bonsmara beskikbaar gestel is. Die bul se breedte, kapasiteit, balans en lengte is merkwaardig (dit word gestaaf deur sy hoogte/lengte verhouding van 1:20). Hy het `n manlike voorkoms met `n sterk kop, sterk skof ontwikkeling en verdonkering op die voorkwart. Hy het van die beste skrotums in die bedryf. Sy goed gedefinieerde bespiering maak `n groot bydrae tot sy voorkoms en hy sal goeie bespiering teel in sy nageslag. Onthou; bespiering is vleis, vleis is gewig en dit is waarvoor ons vergoed word. Sy aanpasbaarheidseienskappe is uitsonderlik en hy sal in enige omgewing gedy. Sy moeder ERH se OEK is 29 mnde, TKP van 414 dae oor 5 kalwers, Reproduksie Indeks van 107, gemiddelde speenindeks van 104 oor 4 kalwers en 100% stoetgoedkeuring van kalwers aangebied. Hy is uit en uit `n uitstekende versbul en met sy goeie groei syfers is hy ook geskik om op koeie te gebruik. Hy het die veilingskonsultante beindruk met sy goeie eienskappe.

15 Dries Venter PO Box 191 Outjo / Lot 32 APJ Die bul is geteel uit BHE wat ek by Joggie Briedenhann van Hartebeestloop gekoop het. Sy pa is die baie bekende KI bul FCT wat in 2006 vir die SA rekord van R 240, verkoop is. Dit is n goed aangepaste bul met n dik vel wat glad en blink is. Die bul het ook n mooi kort skede met n mooi groot skrotum van 41cm. Hy toon ook goeie manlikheid met goeie libido (kaal kol op kop). Die bul sal sy kant bring.

16 Emok Bonsmaras Edward Hansen PO Box Bachbrecht, Windhoek / / Lot 38 ERH Hy is geteel uit AG wat op die Hartebeestloop veiling as beproefde bul aangebied is. Die moeder is GRT met OEK 30 mnde, TKP 387 dae oor 10 kalwers en Reproduksie Indeks van 110 en gemiddelde speenindeks van 101 oor 9 kalwers. Sy is 'n uitstaande koei en top presteerder in die EMOK kudde. AG verteenwoordig 'n bloedlyn van beproefde versbulle wat baie goed regoor Namibië doen. ERH is een van die jongste bulle op die veiling. Hy sal oor 6 maande baie anders vertoon as sy sekondêre manlikheidseienskappe tot volle reg kom. Hy is 'n donker rooi bul met goeie vel en haar, sterk bene wat van die hakke ondertoe effe fyner word en baie goeie kloue. Die fyner been na onder speel 'n groot rol met kalwingsgemak. ERH is nog jonk maar vertoon al voldoende manlikheid met baie goeie skrotum - beide in omtrek en vorm. ERH is funksioneel en struktureel baie korrek - vanaf die sterk toplyn na die kruishelling en stertaanhegting tot by die skoon onderlyn. Sy vleiseienskappe is goed met aanvaarbare agterkwart, goed ontwikkelde dye, genoeg kapasiteit en genoeg diepte deur die voorlyf - en dit alles vir 'n versbul. Sy teelwaardes is baie goed gebalanseerd vir 'n versbul met beide die groei en doeltreffendheid teelwaardes beter as rasgemiddeld. Daar is oorgenoeg groei in die bul om hom ook op koeie te gebruik.

17 Hochfeldstreek Bonsmaras Streicher & Hella Coetzee PO Box 9914 Windhoek / / Lot 33 HMB HMB is n klipharde mediumraam bul met goeie bouvorm. Hy sal goed in harde omgewings kan aanpas, veral weens sy goed gevormde bene en mooi kort kloue. Sy diepte van voorlyf vertoon goed, en opvallend is sy goeie toplyn en die mooi vol bespiering agter die blad. Let verder op na die baie goeie skede en kort naelvel en goed gevormde testis; by die afsluiting van sy fase D toets was sy skrotum meting al 35,5cm en huidiglik bedra dit 37,5 cm. Hy is ook positief op teelwaarde vir skrotum. Sy bene is goed gevorm en hy staan op n paar sterk kloue. Die lang stert, goeie stertwortelaanhegting en kort gladde haar is verdere belangrike eienskappe van diere om goed in hul omgewings aan te pas en so vinnig as moontlik te produseer en te reproduseer. HMB se geboortemassa was 32 kg. Sy teelwaardes vir geboorte direk is en geboorte maternaal is 0.31 dus die potensiaal vir nie te swaar kalwers by geboorte. Die na-geboorte groei syfers toon dat hy baie goeie voor-speense asook na-speense groei het. Hy is nog een van die Hochfeldstreek bulle wat sterk op speen direk asook maternaal teelwaardes is dus verseker n opsie as u met n speenkalfproduksie sisteem boer. Sy ander groei syfers en teelwaardes is vêr bo rasgemiddeld. Sy moeder HMB het op 33 maande die eerste keer gekalf en n uitstekende TKP van 376 dae oor haar 9 kalwers gehandhaaf. Haar gemiddelde speen indeks van 96 en haar reproduksie indeks van 110 het haar een van die staatmakers in ons kudde gemaak. Een van haar kalwers is aan Erni Simon in die suide verkoop hy was self n harde bul. Hierdie bul is n goeie all-rounder geskik vir harde omgewings, waar groei benodig word, en soos daar gesê word middle of the road bul met baie goeie produksie - eienskappe. Kiep lepen het tydens die jaarlikse bulseleksies na hom verwys as n rebuuste bul.

18 Dries Venter PO Box 191 Outjo / Lot 39 APJ Dit is n baie lang bul met mooi vol boude wat laag afkom tot op sy hak. Hy het ook n baie gladde, blink haar en vel. Dit is n harde bul met goeie libido en n kaal kol op die kop. Sy skrotum meet nou 41cm en wys baie groot byballe en hy het n mooi kort skede. Hy is een van die laaste seuns van AG

19 Wagner Bonsmaras Ben & Corlia Mouton PO Box 1945 Tsumeb Lot 44 WAGB Die bul is aan vaderskant uit Nosa Bonsmaras van Jan Pienaar. Ons het juis gepoog om n sekere gedeelte van die kudde se raamgrootte bietjie te verbeter. Die bul toon besonderse lengte, diepte en dra baie vleis. Hy gaan verseker n invloed op jou kudde laat met sy kapasiteit en algehele vleiseinskappe wat hy op n groter raam pak. Tydens die fase D groeitoets was WAGB n gemiddelde presteerder. Sy teelwaardes wys dan ook dat hy rondom rasgemiddeld presteer. WAGB toon goeie primêre en sekondêre manlike eienskappe met mooi verdonkering op die nek en agterkwart. Hy het goeie sprong van rib sowel as n goeie toplyn. Aan moederskant kom hy uit die Mev EM Arnold bloedlyne uit. Die ma is steeds by ons en het n TKP van 431 oor 9 kalwers. Haar reproduksie indeks is 101. Sy het baie goed presteer en haar gene gaan verseker n positiewe bydrae tot ander kuddes maak. Os produsente, kyk mooi na die bul!

20 Emok Bonsmaras Edward Hansen PO Box Bachbrecht, Windhoek / / Lot 45 ERH Weereens 'n baie sterk AG seun uit 'n uitstaande EMOK Bonsmara koei. ERH se OEK is 28 mnde, TKP van 367 dae oor 4 kalwers en Reproduksie Indeks van 114. Haar gemiddelde speenindeks oor 3 kalwers is 102. Daar is net nie meer Bonsmara bulle uit swak presterende koeie op die veilings nie en ERH is 'n duidelike voorbeeld van "Goeie Bulle het Goeie Moeders". ERH is 'n mediumraam (3,5) bul wat net op koeie en goed uitgegroeide 24 maande oue verse gebruik moet word. Hy vertoon goeie aanpasbaarheidseienskappe met mooi vel en haar, goeie skof en sterk bene met goeie kloue. Jy kan hom enige plek in Suider-Afrika vat en hy pas aan. Hy is robuust en manlik met sterk kop, goeie oogbanke, genoeg verdonkering in die voorkwart en baie goeie skrotum. Skrotumomtrek en vorm is so naby aan ideaal as wat kan kom. Vleisbeesboere sal sy vleiseienskappe waardeer. Daar is goeie lengte (hoogte/lengte 1:20), breedte, sterk toplyn met aanvaarbare diepte. Ons sou graag bietjie meer kapasiteit in die middelstuk wou sien. Die kruis se lengte en helling is goed en so ook is die agterkwart en dye goed ontwikkel. Die lendes is ook vol vleis. Sy teelwaardes is van die beste. Effens swaarder as rasgemiddeld op geboorte direk en bo rasgemiddeld op speen maternaal - die ander teelwaardes wat groeivermoë, voerdoeltreffendheid en reproduksievermoë aandui is almal bokant die rasgemiddelde. ERH sal uitstekend doen in enige kudde waar groeivermoë belangrik is of waar dit ekstra benodig word. Oorweeg hom vir speenkalf of osproduksiestelsels en hy sal ook baie goed presteer in 'n kruisteelprogram waar groei noodsaaklik is.

21 Dries Venter PO Box 191 Outjo / Lot 46 APJ Die bul het lengte, breedte en diepte. Wat uitstaan is sy baie mooi oogspier ontwikkeling. Hy het n manlike kop met goeie oogbanke. Die bul het n mooi donker kleur en n dik, gladde en blink vel.

22 Wagner Bonsmaras Ben & Corlia Mouton PO Box 1945 Tsumeb Lot 49 WAGB Hierdie sterk vleisbul kom uit die Dr Piet Basson bloedlyne aan moederskant. Sy moeder is uitsonderlik met 10 kalwers in twaalf jaar, n reproduksie indeks van 103 en n gemiddelde TKP van 407 dae. Mens kan nie sommer lanklewendheid kry met beter syfers nie. Die bul het geweldige lengte, sprong van rib en diepte. n Sterk agterkwart sluit die prentjie mooi af. Hy toon baie mooi verdonkering om die nek en boud area en het n sterk nek en prominente skof. Dit toon dat die bul goeie sekondêre manlike eienskappe het. Tydens die fase D groeitoets het hy 10% beter as die gemiddeld van die groep presteer. Sy kleiberindeks is ook 107 wat dui dat die omsetting van voer uiters effektief plaasvind. Hierdie bul moet verkieslik net op uitgegroeide koeie gebruik word. Al die belangrike groeiteelwaardes van WAGB is vêr bo rasgemiddeld. Hier is perfekte genetika vir die ernstige vleisprodusent.