Pinkster Protestante Kerk

Transcriptie

1 Pinkster Protestante Kerk Noord-Wes Streeksraad/Assosiasie (LEERSTELLING EN BELYDENIS) LEERSTELLING 1 DIE DRIE ËNIGE GOD 1.1 Ons glo in n Drie-enige God, Vader, Seun en Heilige Gees, die Skepper van hemel en aarde, en die Formeerder van die mens na sy beeld en gelykenis. [Deut 6:4; Markus 12:29; Jes 43:10; Matt 28:19] 1.2 Ons glo dat Jesus Christus die eniggebore Seun van God is; dat deur Sy geboorte uit die maagd Maria, Hy naas volkome God ook volkome mens geword het en dat Hy deur Sy vleeswording, lyding, dood, opstanding en hemelvaart, vir die mens versoening by God bewerkstellig het [Joh 3:16; 1Joh 4:9]. 1.3 Ons glo dat die Heilige Gees waaragtig God is, dat Hy die wedergeboorte in die mens werk en hom heilig en dat Hy ook die mens in die Pinkstersin wil vul en allerhande gawes aan die gemeente wil skenk. [Matt 28:19; 2 Kor. 13:13] 2 DIE BYBEL 2.1 Vir alle skrifverwysings is die 1933/53 Afrikaanse Bybelvertaling gebruik. 2.2 Die 1933/1953 Afrikaanse Bybelvertaling is die amptelik erkende vertaling van die Pinkster Protestante Kerk Noordwes Streeksraad. 2.3 Ons glo die Bybel is die geïnspireerde Woord van God, 'n openbaring van God aan die mens, die onfeilbare maatstaf van geloof en gedrag. [2Tim. 3:15-17] 2.4 Ons glo dat God op n besondere wyse deur die Bybel tot ons, naas die algemene openbaring in die natuur, spreek; dat die Bybel na vorm en inhoud deur God geïnspireer is; dat die algemeen erkende 66 kanonieke boeke die volkome en afgeslote openbaring van God op dié wyse is en dat die Bybel as rigsnoer dien vir die hele menselewe. [2 Pet 1:21; Rom. 1:18-20] 1 van 7

2 3 DIE HEILIGE ENGELE 3.1 Ons glo dat daar heilige Engele is wat as dienende geeste ook in belang van die gelowige optree en dat daar ook slegte of gevalle engele is, beter bekend as duiwels, met Satan as hulle vors, wat voortdurend teen God en die mens woed. [Heb. 1:13-14; Ps. 103:20; Ps. 91:10-11; Ps. 34:8] 4 SONDE 4.1 Ons glo dat deur die ongehoorsaamheid van die eerste mensepaar, die sondesmet en sondeskuld die ganse mensdom aangetas en onder die ewige oordeel gebring het. [Rom 5:2; Rom 6:23] 4.2 Ons glo dat die mensehart van nature verduister is en die heerlikheid van God ontbreek en die mens nie uit homself nie, maar slegs deur goddelike genade, van die sonde verlos kan word. [Efe. 2:1-3; Rom. 3:23; Efe. 2:8-9] 5 UITVERKIESING 5.1 God volgens Sy ewige en liefdevolle raad die gelowiges in Christus uitverkies om heilig en sonder gebrek voor Hom in liefde te wees. [Efe. 1:3-6] 5.2 Die verkiesing van God en die menslike vrye wil op n misterieuse wyse verenig en uitgedruk word wanneer iemand tot bekering, geloof, en wedergeboorte kom. 5.3 God nie wil hê dat sommige moet vergaan nie, maar dat almal tot bekering moet kom en dat diegene wat weens hulle ongeloof nooit tot bekering kom nie, reeds deur God verwerp en veroordeel is. [1 Tim 2:3-6; Joh. 3:18] 6 DIE SALIGHEID 6.1 God elkeen wat tot geloof en bekering gekom het, ook deur Sy Gees wederbaar en salig gemaak het. [Joh. 3:3-8; Joh. 1:12-13; 1 Pet 1:23] 6.2 Die saligheid nie op grond van enige goeie werke van mensekant verdien kan word nie maar hom uit vrye genade geskenk word. [Efe. 2:8] 6.3 Dat die gelowige deur die ewige Woord van God en die getuienis van die Gees versekerd van sy wedergeboorte en saligheid kan wees en dat God die gelowige in staat stel om tot die einde toe te volhard. [Rom. 8:16; 1 Joh. 5:13] 2 van 7

3 7 DIE SAKRAMENTE 7.1 God die sakramente van die doop en die nagmaal ingestel het om die mens se geloof te bevestig en te versterk. [Matt 26:26-28; 1 Kor 11:23-32] 7.2 Tensy die sakramente met geloof in Christus en met die versaking van jou sonde en eie waardigheid ontvang word, dit van nul en gener waarde is en eerder die toorn van God opwek. [1 Kor 11:27-32; 1 Kor 10:14-22] 7.3 Die sakrament van die doop maar eenmaal ontvang word terwyl die nagmaal dikwels herhaal word. [Matt 28:19; Kol 2:9-12; 1 Kor 11:36] 8 HEILIGMAKING 8.1 Elke gelowige heiligmaking moet najaag; dit is, hy moet in Christus opgroei deur oor die sonde te heers en meer en meer die vrug van die Gees voort te bring. [Rom 6:11-13; Heb 12:14; 1 Thes 4: 3] 8.2 Dat hoewel die gelowige nooit op aarde volkome heilig kan wees nie, die heiligheid van Christus vir hom toegereken word en, in dié sin, hy n heilige genoem word. [Kol. 1:28; Heb 10:14; 1 Kor 1:2; 2 Kor 1:1] 9 DOOD EN OPSTANDING 9.1 Die dood n skeiding tussen die onsterflike deel, gees en siel; en die sterflike deel, liggaam, meebring. [Gen 2:7; Gen 3:19; Pred. 12:6-7] 9.2 Dat die gees van die ontslape regverdige in n oord van geluksaligheid en dié van die goddelose in n oord van smart verkeer. [Luk 16:19-31; Fil 1:21-23; 2 Kor 5:1-9] 9.3 Dat die regverdige tot die ewige heerlikheid en die goddelose tot n ewige oordeel uit die dood sal opstaan. [Dan 12:2; Matt: 25:46; Joh 5:28-29] 10 DIE WEDERKOMS VAN CHRISTUS 10.1 Die Wederkoms van Christus in twee fases sal plaasvind: Eerstens wanneer Hy vir sy Kerk sal kom; [1 Thes 4:13-18; Matt 24:24-44] en tweedens wanneer Hy met sy Kerk sal kom. [Matt 24:29-30; Luk 21:27] 3 van 7

4 10.2 Die Here Jesus weer op n sigbare vorm na die aarde sal kom. [Open 1:7] 10.3 Hy die lewende en ontslape heiliges met onverganklikheid sal beklee.[1 Kor 15:51, 53] 10.4 Hy elkeen volgens sy werke sal beloon en vir ewig by Hom sal versamel. [1 Thes 4:13-18] 10.5 Hy die goddeloses in Sy toorn sal oordeel en in die ewige vuur sal verdoem. [Mark 9:43-48; Open 20:11-15] 10.6 Die teenswoordige hemel en aarde met vuur sal vergaan en dat daar dan n nuwe hemel en n nuwe aarde sal wees. [2 Pet 3:7-13] 11 DIE MENS, SY VAL EN REDDING 11.1 Die mens is goed en opreg geskape, want God het gesê: "Laat Ons mense maak na Ons beeld, na Ons gelykenis," maar die mens het op sy eie keuse oortree en geval, en sy enigste hoop op redding is in Jesus Christus, die Seun van God. [Gen 1:26-31; 3:1-7] 11.2 Ons glo die Woord wat sê; "En Hy het die mens gemaak,...en uit die rib van die man, 'n vrou gebou. En Hy het hulle as man en vrou voorgestel. Daarom glo hierdie Streeksraad dat homoseksuele en lesbianisme nie 'n Godgeskape saak is nie maar n gruwelike sonde waarvan diegene wat hierin verval het verlossing en vergifnis van sonde nodig het deur die bloed van Jesus Christus. [Gen 1:27; Rom 1:18-28] 12 DIE VERLOSSING VAN DIE MENS 12.1 VOORWAARDE VAN VERLOSSING; Die genade van God wat redding bewerkstellig, is aan alle mense geopenbaar deur die prediking van bekering tot God, en geloof in die Here Jesus Christus Die mens word gered deur wedergeboorte en vernuwing deur die Heilige Gees en omdat hy geregverdig word uit genade deur die geloof, en hy erfgenaam van God is volgens die hoop op die Ewige Lewe. [Tit 2:11; Rom 10:13-15; Luk 24:47; Tit 3:5-7] 12.3 Die innerlike bewys van sy verlossing aan die gelowige, is die direkte getuienis van die Heilige Gees. [Rom 8:16]. Die uiterlike bewys aan alle mense is 'n lewe van geregtigheid en ware heiligheid. 4 van 7

5 13 DIE WATERDOOP 13.1 WATERDOOP OMSKRYWING: Die praktyk van die waterdoop van die Pinkster Protestante Kerk Noord-Wes Streeksraad is die drievoudige onderdompeling volgens Matt. 28: Ons glo en bely dat Jesus Christus die sakrament van die doop verorden het, en dat met die indoping in die water vir ons afgebeeld word die afwassing van ons sondes, die begrafnis en opstanding in n nuwe lewe en ons vereenselwiging met Christus in die dood, en ons opstanding en bekleding met Hom in 'n nuwe lewe. [Rom. 6:4; Kol 2:11-12] 13.3 Verder is die doop van die mens se kant 'n belydenis dat hy deur God se genade die sonde aflê, en in 'n nuwe lewe oorgegaan het. Ons glo voorts dat die doop moet geskied in die Naam van die Vader en die Seun en die Heilige Gees. [Matt 28:19; Rom 6:3-5; Hand 2:38; Mark 1:4-5] 14 DIE NAGMAAL 14.1 Ons glo en bely dat Jesus Christus, die sakrament van die Heilige Nagmaal verorden en ingestel het, om diegene wat Hy alreeds wederbaar het se geloof te bevestig en te versterk. [Matt 26:26-28; Mark 14:22-24; Luk 22:17-22; 1 Kor 11:23-32] 14.2 Die Nagmaal, wat uit die elemente brood en die vrug van die wynstok bestaan, is die teken van ons deelname en vereenselwiging met Sy lyding en dood. Hierdie gedagtenis aan Sy lyding en dood moet onderhou word totdat Hy kom. [Matt 26:29; Joh 6:48-56; Lukas 22:19-20; 1 Kor 11:26 ] 15 DIE BELOFTE VAN DIE VADER: Doping in die Heilige Gees 15.1 Alle gelowiges is geregtig op die belofte van die Vader, naamlik die doping in die Heilige Gees en met Vuur, volgens die opdrag van die Here Jesus Christus. Hulle behoort dan ook vuriglik te wag daarop, en ernstig te soek daarna. Dit was die normale ondervinding van almal in die vroeë kerk. Dit gaan gepaard met die bekleding van krag vir lewe en diens, die skenking van die gawes van die Heilige Gees, asook die gebruik daarvan in die bediening. [Luk 24:49 Hand 1:4-8, 1 Kor 12:1-31] 15.2 Hierdie wonderlike ondervinding staan apart van wedergeboorte, en is daaropvolgend. [Hand 2:38; 10:44-46; 11:14-6; 15:7-9] 15.3 Die doping van die gelowige in die Heilige Gees word bewys deur die eerste aanvanklike uiterlike teken van die spreke in vreemde tale, soos deur die Heilige Gees gegee om uit te spreek, en deur die meegaande krag in openbare getuienis en diens; en Charismata soos gevind in 1 Kor. 12: 4 11; Hand. 10: ; en Hand. 19: 6. 5 van 7

6 16 DIE KERK 16.1 Die Kerk van Christus bestaan uit die gemeenskap van al God se kinders, vanaf die begin tot aan die einde van die mens se bestaan, almal wat uit elke ras, nasie en taal geroep is en deur die Heilige Gees wederbaar is. [Open 5:9; Gal 3:8] 16.2 Die Kerk is die liggaam van Christus, die woonplek van God deur die Heilige Gees, met goddelike aanstelling vir die vervulling van sy groot opdrag. Elke gelowige wat uit die Heilige Gees gebore is, vorm 'n integrale deel van die Kerk van eersgeborenes wat in die Hemele opgeskryf is. [Efes 1:22; 2:19-22 Heb 12:23] 17 GODDELIKE GENESING 17.1 Voorsiening vir die bevryding van siekte is deur versoening gemaak, en dit is die voorreg van alle gelowiges. [Jes 53:5; Matt 8:16-17; Jak 5:14-15; Ps 103:3] 18 DIE SALIGE HOOP D18.1 Die opstanding van diegene wat in Jesus Christus ontslaap het, en hulle verandering tesame met hulle wat sal voortleef tot met die koms van die Here. Hierdie gebeurtenis is op hande, en is die salige hoop van die Kerk. [1 Thes 4:16-18; Rom 8:23; Tit 2:13; 1 Kor 15:51-52] 19 DIE DUISENDJARIGE RYK VAN CHRISTUS 19.1 Die openbaring van Jesus Christus vanuit die hemel, die verlossing van die volk Israel, en die duisendjarige regering van Christus op aarde, is 'n belofte van die Skrif en die wêreld se hoop. [2 Thes 1:7; Open 19:11-15; Rom 11:25; Open 20:1-6] 20 DIE POEL VAN VUUR D20.1 Die duiwel en sy engele, die dier en die valse profeet, en elkeen wie se naam nie in die boek van die lewe geskryf is nie, sal aan ewigdurende straf in die poel wat brand met vuur en swael, oorgelewer word; Dit is die tweede dood. [Open 19:20; 20:10-15] 21 DIE NUWE HEMEL EN AARDE 21.1 Ons verwag volgens Sy belofte, nuwe hemele en 'n nuwe aarde waarin geregtigheid woon. [2 Pet 3:13; Open 21:1] 6 van 7

7 22 FINANSIËLE ONDERSTEUNING 22.1 Ons glo en onderskryf die skriftuurlike basis van finansiële ondersteuning van die werk van die Here, naamlik, die gee van tiendes, offerandes, dankoffers en so meer. [Mal 3:8-10; 2 Kor 8:1-24; 2 Kor 9:1-14; Matt 23:23] 22.2 Voltydse werkers en raadslede moet die voorbeeld stel deur die Here se volle tiende te betaal. [Tit 2:7] 7 van 7