Blommetoer : 7 9 Augustus 2010 Johan Snyman

Transcriptie

1 Blommetoer : 7 9 Augustus 2010 Johan Snyman Agtergrond Blommekyk is maar n dobbelspel, want niemand kan voorspel op watter datum die mooiste blomme op n gegewe plek te sien sal wees nie, en as mens in n groterige groep gaan moet verblyf minstens n maand voor die tyd bespreek word. Dit help ook om n paar interessante paaie en besienswaardighede by jou roete in te sluit net vir ingeval daar min blomme te sien is of die weer nie saamspeel nie. Adri en ek gaan kyk al vir die afgelope ±17 jaar die 2de naweek in Augustus blomme, en aangesien dit aan die begin van Junie goed gereën het in Namakwaland, was die aanduidings daar dat dit weer n goeie blommejaar sou wees. Daar was egter nie baie goeie opvolgreëns nie en in die dae voor ons vertrek het dit ook geblyk dat die weer moontlik nie baie gunstig sou wees nie Deelnemers Ons groep het uit 22 deelnemers in 10 voertuie bestaan en het as volg daar uitgesien : Andre, Paulene, Inge (12) en Bianca (9) Engelbrecht in n Toyota Hilux Derrick en Trui Mitchell in n Mitsubishi Triton Gustav en Charlene Burger in n Toyota Hilux Hannes en Riette Lombard in n Ford Ranger Hugh en Sunita Weston in n Land Rover Discovery Jaco en Renate Thuynsma in n Toyota Hilux Johan en Suzaan Brits in n Toyota Hilux Schalk en Rieta Louw in n Toyota Hilux Wim en Marica Burger in n Toyota Hilux Adri en ek in ons Isuzu Dag 1 : Saterdag 7 Augustus 2010 Ons het die oggend om 8h00 by die Florida padstal, buite Wellington, bymekaar gekom, en nadat ons n radio in Hugh en Sunita se voertuig ingebou het en die konvooireëlings uitgesorteer het, het ons in die pad geval. Ons het oor Bainskloof en Mitchell s Pas na Ceres gery en daarvandaan met die R46 oor Theronsberg Pas en Hottentoskloof Pas, en toe met die R355 deur die Karoopoort Pas tot by die afdraai na die Tankwa Karoo Nasionale Park. Op die grondpad deur die Park is die regter agterwiel van die Discovery onherstelbaar beskadig. In teenstelling met verlede jaar, was die veld aan weerskante van die pad in die Park dor en kaal, met net so hier en daar n verdwaalde ou blommetjie te sien. Aan die bo-punt van die Gannaga Pas was wel n klompie blomme te sien en ons het daarvandaan deur Kieskie se Poort na Calvinia gery waar ons die voertuie se brandstof aangevul het voordat ons na die plaas, Toekoms, van Hennie en Hester van Wyk gery het. Hulle het n groot ou plaashuis wat hulle uitverhuur en daar is n groot grasperk langs die huis waarop van die mense gekamp het. Die huis het 4 slaapkamers met 9 beddens, 3 badkamers en 2 kombuise en ons het sommer baie lekker daar gebly. J Snyman 1

2 J Snyman 2

3 Ons het die aand gesellig om die braaivleisvuur gekuier met n pragtige sterrehemel bo ons koppe. Die totale afstand vir dag was 442km waarvan 183km op teer- en 259km op grondpaaie was. Dag 2 : Sondag 8 Augustus 2010 Sondagoggend was dit bewolk met ligte reën, en die vooruitsigte was nie baie goed vir blomme kyk nie. Hugh en Sunita is net na 8 weg Calvinia toe, waar die manne van Prima bande vir hulle die stukkende band op die Discovery vervang het. Ek twyfel of mens sulke diens in die stad sou ontvang het... Johan en Suzaan Brits het op die kop 9 uur daar aangekom, nadat hulle vroeg die oggend vanaf Stellenbosch gery het. Ons het met verskeie grond agterpaadjies gery tot by die Kokerboomwoud in die Gannabos Bewaringsgebied. Daar groei geweldig baie kokerbome teen die berghange, maar weereens was daar omtrent nie n blom te sien nie. Van daar is ons na die Nieuwoudville Waterval, wat ook maar min water het en waar ook weinig blomme te sien is. Hier het dit sommer lekker begin reën. Ons het verskeie bekendes hier raakgeloop en ook varsgebakte pannekoek ge-eet. J Snyman 3

4 In Nieuwoudville het ons na die historiese sandsteenkerk gaan kyk voor ons die Oorlogskloof pad na die Matjiesfontein padstal gevolg het waar ons hul blommeroete gaan ry het. In hierdie area was seker die meeste blomme van die naweek te sien, maar as J Snyman 4

5 gevolg van die koue reënweer was die meeste blomme toe en kon mens nou nie eintlik tussen hulle rondloop nie. J Snyman 5

6 Op pad terug na ons oornag verblyf was dit die Isuzu se beurt om n papwiel te kry. Gelukkig het die banddruk monitor my betyds gewaarsku en is die band nie verder beskadig nie. Dit het saggies gereën toe ons op die plaas aankom en die temperatuur het sommer drasties gedaal. Ons het dus van die binnehuise braai gebruik gemaak... Die totale afstand vir dag was 219km waarvan 74km op teer- en 145km op grondpaaie was. J Snyman 6

7 Dag 3 : Maandag 9 Augustus 2010 Ons het die oggend vroegerig begin roer en met die R364 oor Botterkloof Pas en Klipfonteinrant Pas tot by die Engelsman se graf by die aansluitingspad na Wuppertal gery. Van daar het ons met die Hoek-se-Berg Pas tot onder in die Biedouw Vallei gery waar heelwat blomme te sien was. J Snyman 7

8 Van daar is ons oor die Kouberg Pas na die ou Wuppertal Sendingstasie en toe met die styl paadjie berg-uit na Eselbank, waar ons by die waterval gestop en middagete ge-eet het. J Snyman 8

9 J Snyman 9

10 Van Eselbank af het ons die pad na Matjiesrivier gevolg en toe deur die Grootrivier Pas, Varkkloof Pas en Blinkberg Pas na Op-die-Berg gery, van waar ons oor die Gydo Pas na Ceres en toe deur Mitchell s Pas en oor Bainskloof Pas na Wellington gery het waar ons van mekaar afskeid geneem het. Op pad het n beskermingsplaat onder die Discovery losgekom wat met n groot glimlag deur Gustav verwyder is en naby Op-die-Berg het ons gesien dat die berghange vol sneeu is. Die totale afstand vir dag was 384km waarvan 179km op teer- en 205km op grondpaaie was. Ter afsluiting Ons het hierdie jaar maar min blomme te sien gekry en die weer was nie te goed nie. Ons was egter n lekker groep mense bymekaar, van wie mekaar hierdie naweek die eerste keer ontmoet het. Dit was die eerste keer dat van die deelnemers op van hierdie paaie gery het en ons het ook oor, en deur, 17 bergpasse gery J Snyman 10