Jeug- Beleid SA Boerperd Genootskap Hersien November 2014 Petro Grové

Transcriptie

1 Jeug- Beleid SA Boerperd Genootskap Hersien November 2014 Petro Grové MISSIE Om lewenslange trots, betrokkenheid by en waardering vir die SA Boerperd as ras te kweek. VISIE Die opvoeding van ons jeug as aktiewe lede van die SA Boerperd Genootskap d.m.v. die sosiale interaksie wat bewerkstellig word deur die Jeugraad as rolmodelle. DEFINISIE VAN DIE JEUG Die Jeug as aksie in die SA Boerperd Genootskap word in hierdie skrywe gedefinieer as alle aktiewe SA Boerperd ruiters onder 19 jaar wat sinvol by jeugaktiwiteite kan inskakel. DOELSTELLINGS VAN DIE JEUG-AKSIE Die primêre doelstelling vir die jeug is om die hulle (A) Sosiaal en (B) Opvoedkundig te begelei en te bemagtig om aktiewe, positiewe en ingeligte junior lede van die SA Boerperd Genootskap te wees. Hierdie primêre doelstellings kan opgebreek word in die volgende sekondêre doelwitte: A SOSIAAL 1. Om n samehorigheidsgevoel onder die jeug te bewerkstellig; 2. Om positiewe kommunikasie tussen die jeug onderling, sowel as die bestuur te fasiliteer. B OPVOEDKUNDIG 3. Om die jeug, vanuit en d.m.v. skakeling met die Jeugraad, op ʼn kontinue wyse te ontwikkel deur hulle ingelig te hou en ook soms te betrek by besluitnemingsprosesse waar hulle as leiers van die toekoms waardevolle bydraes kan lewer; 4. Om ons eie perderas deeglik te leer ken en te verstaan sowel as nuwe horisonne te verken en ʼn wyer blik op perdesport in die algemeen te ontwikkel; 5. Om die beeld van die SA Boerperd op n positiewe wyse in die buitewêreld uit te dra. SA Boerperd Jeugbeleid HERSIEN: November 2014 Page 1

2 DOELWITTE Bogenoemde breë doelstellings kan op sistematiese wyse en d.m.v. die volgende haalbare doelwitte stap vir stap nagestreef en bereik word: A. SOSIAAL 1. Samehorigheidsgevoel Om n samehorigheidsgevoel tussen mense te kan bewerkstellig, is dit nodig dat alle deelnemende partye besef dat hulle n gemeenskaplike doelwit nastreef. Om dit te kan doen, is dit nodig dat die jeug op n gesonde wyse sal kompeteer, maar ook daarna as vriende kan sosialiseer. Daar moet dus vir die jeug die geleentheid geskep word om tydens elke streekkampioenskap: - Informeel en apart van volwassenes te kan sosialiseer bv. d.m.v. n braai, fliek, ysskaats, ens. - Voorstelle van die Jeugraad te kry in die verband. Indien daar borge verkry word, kan n kamp aan die einde van elke jaar (bv. by Moolmanshoek) die geleentheid bied vir n gepaste afsluiting van n besige jaar. 2. Kommunikasie Die beplanning van alle aktiwiteite en interaksies, gaan met noodwendige kommunikasie gepaard. Die jeug kommunikeer d.m.v. die nuutste tegnologie en daarom sal kommunikasie ook op die basis moet plaasvind. Die volgende kan daarvoor gebruik word: - n geslote Facebook blad net vir die Jeugraad om hulle kommunikasie en beplanning oor afstande te vergemaklik (Volwassenes en mentors gemoeid met die Jeugraad kan ook hier insae hê); - n Facebook blad vir die Jeug en Jeugraad waar almal hulle sê kan sê. Die blad sal ook sorgvuldig deur die bestuur van die jeug gemonitor moet word om te keer dat onverantwoordelike of negatiewe kommentaar gepos word. Streke kan beurtelings daarvoor verantwoordelik wees. - BBM of WhatsApp tussen die jeug onderling. Die jeug kan hulleself op ʼn natuurlike en sinvolle wyse groepeer. Die Jeugraad moenie toelaat dat klieks vorm nie. - Die bestuur en Jeugraad moet sorg dat alle kommunikasie vir sover dit hulle kan bereik, gesond bly. B. OPVOEDKUNDIG 3. Ontwikkeling van leiers en ruiters Om die leierskap in die Jeugraad te ontwikkel, kan die Raad sekere projekte aan die Jeugraad opdra en hul menings inwin in veral sake wat die jeug as leiers van die toekoms raak. SA Boerperd Jeugbeleid HERSIEN: November 2014 Page 2

3 Ons sal daarom ʼn instelling daarvan wil maak dat die beoordelaars van elke streekskou ʼn geleentheid het om met die jeug te skakel om die beoordelingstelsel en wat van hulle verwag word (veral in klasse aan ouderdomme onder 19 gekoppel), aan hulle te verduidelik. Dit kan verskeie vorms aanneem, nl. - ʼn inligtingsessie voor die skou begin waar ruiters die kans kry om vrae aan die beoordelaars te vra, of - ʼn opvoedkundige gesprek met die beoordelaars na afloop van die skou waar hulle die algemene foute wat gemaak is met die ruiters in ʼn groep bespreek sodat almal uit mekaar se foute kan leer, en/of - praktiese en lewendige inligtingsessies oor die skou-spring, dresseer, equitation of enige ander perdesport dit hoef nie noodwendig deur ʼn beoordelaar gedoen te word nie, aangesien die dissipline merendeels objektief is. 4. Nuwe horisonne Kennis kan tydens die sosiale byeenkoms vir die jeug by streekskoue deur kundiges in ons genootskap in ʼn kort rukkie bv. 30 minute, aan die jeug oorgedra word op ʼn vlak wat hulle verstaan. Hierdie onderwerpe kan onder meer die volgende insluit: - Konformasie en die doel van keuring; - Verskillende tipes beweging en gange van die SA Boerperd; - Ooreenkomste en verskille tussen tradisionele en universele perde; - Verskillende dissiplines in perdesport oor die algemeen; - Beoordelaars-prosedures in verskillende dissiplines en klasse; - Blootstelling aan alternatiewe perdesport dissiplines, bv. strictly come showing, polo-cross, ens. 5. Die SA Boerperd in die buite-wêreld Reklame en advertensie is van kardinale belang vir enige ras en besigheid. Daarom is dit goed as die jeug aangemoedig word om hulle perde en prestasies binne- en buite die Genootskap met die publiek te deel, bv. deur: - Die CRED0 van die Jeug-Aksie te ken en uit te leef; - formele of informele foto s van hulle en hul perde aan die HQ Pony vir plasing te stuur waarin die perd spesifiek vermeld word as SA Boerperd; - die stuur van artikels aan die HQ Pony wat in oorweging gebring kan word vir plasing (die bestuur en mentors van die jeugraad sal natuurlik help daarmee); - oral te vertel waarom hulle juis n SA Boerperd ry en trots is daarop. SA Boerperd Jeugbeleid HERSIEN: November 2014 Page 3

4 DIE ROL VAN DIE JEUGRAAD Die rol van die Jeugraad is om as spreekbuis vir die jeug in die genootskap op te tree, asook met hulle te skakel. As rolmodelle wat reeds 0/19 ruiters is, kan hulle ook die jonger of minder ervare ruiters bystaan met raad en daad. Die eerste SA Boerperd Jeugraad 2012 het bestaan uit die toe verkose Ruiterkuns span, wat dan ook o.l.v. Me. Liezelle Whitehead na die VSA gereis het om as n SA Boerperd span teen die Amerikaanse Morgan Perde te kompeteer. Om kontinuïteit te verseker, was die span steeds as Jeugraad behou, sowel as om die nuwe Ruiterkuns 2012/3 span daarby te voeg. SAMESTELLING VAN DIE JEUGRAAD VANAF 2014 Vanaf 2014, vind leier-identifiseringsaksies tydens die Nasionale kampioenskappe, sowel as tydens Streekkampioenskappe plaas waarby die jeug in homogene en interprovinsiale groepe verdeel word wat sekere take het om uit te voer. Provinsiale groepe moet juis tydens hierdie geleenthede vermy word om die vorming van klieks te verhoed, asook aan die ruiters die geleentheid te gee om interprovinsiaal te sosialiseer. Leiers word dan: 1. Vanuit en deur die jeug self in hierdie homogene groepe geïdentifiseer; 2. Voorgelê aan die Raad vir goedkeuring. Die identifisering van leiers in groepe aan wie sekere take opgedra word, gee ʼn aanduiding van wie die leiding sal kan neem in elke streek / klub /provinsie. ʼn Analise van die demografiese gebiede waarin die leiers dan val, bepaal verder wie uiteindelik op die Jeugraad sal wees. Na aanleiding van die interprovinsiale aktiwiteite tydens die Nasionale Kampioenskappe, sowel as aanbevelings van die mentors in voorafgaande Streekkampioenskappe, word twee kandidate uit elke klub/streek vir die Jeugraad voorgestel. ʼn Derde lid (onder 19 ruiter die jaar waarin werklike pligte begin) kan dan deur die twee reeds verkose Jeugraadslede uit elke streek gekoöpteer word om op die Jeugraad te dien. Op hierdie wyse word daar ook dan voorsiening gemaak vir ruiters wat nie die Nasionale Kampioenskappe kon bywoon nie om steeds tot die Jeugraad verkies te word. SAMEVATTING Die samestelling van die Jeugraad is dus 2-3 onder 19 ruiters per klub/streek/provinsie. Die ruiters wat gekies word moes al minstens EEN JAAR aktief by SA Boerperd skoue/aktiwiteite betrokke gewees het. ʼn Volwasse mentor word ook in elke streek / klub / provinsie aangestel om die Jeugraad in raadgewende hoedanigheid te steun. PLIGTE VAN DIE JEUGRAAD 1. Om tydens streekkampioenskappe met die jeug VAN ALLE OUDERDOMME te skakel en n sosiaal-opvoedkundige aktiwiteit by elke skou te beplan en uit te voer. Die aktiwiteit moet ook met die betrokke skou-komitee uitgeklaar word. 2. Om tydens ander skoue, bv. SANESA skoue, alle jong ruiters wat SA Boerperde ry, maar nie by die SA Boerperd Telersgenootskap betrokke is nie, te identifiseer en te betrek by jeugaktiwiteite. SA Boerperd Jeugbeleid HERSIEN: November 2014 Page 4

5 3. Om op n beurt-basis die SA Boerperd Jeug-Aksie Facebook blad lewendig te hou. 4. Om brûe tussen provinsies en ruiterkuns dissiplines te bou d.m.v. interprovinsiale skakeling. 5. Om seker te maak al die jeug in hulle streek se prestasies en foto s kom op die Jeug se Facebook blad. 6. Om insette te lewer en aktief deel te neem aan gesprekke tussen Jeugraadslede op die geslote Facebook blad spesiaal geskep vir die Jeugraad. 7. Om verdere take soos deur omstandighede bepaal en deur die hoofmeisie/seun aan hulle opgedra, te help uitvoer. AANWYSING VAN HOOFMEISIE /SEUN ʼn Hoofmeisie /seun word aangewys om seker te maak dat alle klubs/provinsies/streke met mekaar skakel. Die portefeulje van hoofmeisie/seun kan uit enige streek gevul word. In die geval waar n hoofmeisie/seun uit n spesifieke streek kom, kan daar iemand anders in sy/haar plek gekoöpteer word om take binne die provinsie te verrig. Die hoofmeisie/seun skakel inter-provinsiaal. Sy/haar plig is dan ook om in samewerking met die Jeugraad: 1. n Tema vir die jaar se Jeugaktiwiteite vas te stel. Kommunikasie kan plaasvind op die bg. geslote Facebook-blad waartoe slegs die Jeugraad en hulle mentors toegang het; 2. Seker te maak dat daar n informele verslag na elke streekkampioenskap van die jeug se aktiwiteite op die Jeug-blad (Facebook/SA Boerperd web-blad) sal verskyn. Lede van die verskillende streke moet dit skryf en foto s plaas; 3. Hulp te verleen of in te win waar nodig; 4. Seker te maak dat al die provinsies gemotiveerd en aktief bly. PLIGTE VAN DIE HOOFMEISIE/SEUN 1. Om met alle Jeugraadslede en streke te skakel; 2. Om te verseker dat dit daar groepe is wat die Facebook-blad (FB) aktiwiteite lewendig hou; 3. Om te verseker dat die streek-lede gereeld foto s op die FB blad laai; 4. Om te verseker dat daar van elke jeug byeenkoms berigte op die FB blad geplaas word. 5. Om spesifieke aksies te inisieer en die res van die Jeugraad daaroor in te lig (bv. SA Boerperd Stalletjies by SANESA skoue te beman); 6. Die hoofmeisie kan ook aan die lede sekere portefeuljes toeken, indien sy dit nodig vind, asook lede identifiseer om met die spesifieke aksies te help. Die portefeuljes kan wees: Fondsinsameling; Nuwe lede; Skakeling; Foto s; Aktiwiteite; Beloning van prestasies, ens. SA Boerperd Jeugbeleid HERSIEN: November 2014 Page 5

6 OPSOMMING JEUGAKSIE 1. Samehorigheid 2. Kommunikasie SOSIALE INTERAKSIE o Informele sosialisering: jeug-braai by streekkampioenskappe o Beplanning van ander informele aktiwiteite o Kamp aan die einde van die jaar o Facebook vir Jeugraad alleen o Facebook vir die jeug o WhatsApp o Web-blad: saboerperd.com OPVOEDKUNDIGE INTERAKSIE o Projekte vanaf die Raad aan Jeugraad o Inligtingsessies by streekkampioenskappe deur 3. Ontwikkeling van leiers en beoordelaars ruiters o Ander inligtingsessies bv. skou-spring, dresseer, equitation, ens. 4. Kennis van die ras 5. Die SA Boerperd in die buitewêreld 6. Inter-provinsiaal o Konformasie & Keuring o Beweging & gange o Tradisioneel vs. Universeel o Verskillende dissiplines in ruiterkuns (verken nuwe horisonne) o Beoordelaars-prosedures o Foto's in tydskrifte o Artikels in HQ Pony o Skakel en adverteer mondelings SAMESTELLING o TWEE verkose lede uit elke klub/provinsie o EEN gekoöpteerde lid uit elke klub/provinsie (OPSIONEEL) o Verkose HOOFMEISIE/HOOFSEUN (oorkoepelende funksie) SA Boerperd Jeugbeleid HERSIEN: November 2014 Page 6