KABV Afrikaans Huistaal Graad 1 Grootboek 4
KABV Afrikaans Huistaal G1 Graad rootboek 4 Inhoud n Kaart... 2 Dis vakansie!... 3 Longisa is n held... 14 Lekker kos... 24 Die potjie pap... 25 Alle tekste is deur Sonia Gouws, Mari Lätti, Ilse Gouws en Marike Punt geskryf. Dit is onwettig om enige bladsye uit hierdie boek te fotokopieer sonder skriftelike verlof van die kopiereghouer.
n Kaart Krugerwildtuin Pretoria Johannesburg Nelspruit Kimberley Karoo Kaapstad 2
Dis vakansie! Dis Vrydag. Uiteindelik lui die skoolklok. Die kinders spring op. Dis vakansie! Al die kinders is bly, veral Jaco, ja, veral hy! 3
4 Dié vakansie toer hulle gesin deur die land. Hulle sien dit van kant tot kant. Mamma het padkos gemaak. Jaco en sy sussie het hulle eie tasse gepak.
Om die kar te pak is Pappa se taak. By die garage word die kar volgemaak. Vanmiddag ry Jaco-hulle wildtuin toe! 5
6 Daar sien hulle baie rooibokke, sjoe! In die pad sien hulle groot olifante, en om die draai maak n leeu n groot lawaai.
Maandag, terug by Nelspruit, klim Jaco-hulle op die trein. O, daarna sien Jaco en sy sussie baie uit. 7
8 Die hele gesin klim met hulle tasse in. Jaco waai deur die ruite vir die mense daarbuite.
Jaco en sy sussie begin vrolik sing: So ry die trein, so ry die trein, Kimberley se trein. 9
By Kimberley sien hulle die Groot Gat. In die museum sien hulle baie diamante. Die trein ry en ry deur die Karoo. So ry hulle voort tot in die Kaap. 10
Jaco sien n berg wat soos n tafel lyk. Dis Tafelberg. Hulle ry met die kabelkar tot bo. O, hulle geniet dit so. Hulle stap rond op die berg en kyk af na die stad en die see. 11
Hulle gaan stap op die strand. Mamma sê: O, ons het darem n mooi land. Dis tyd om huis toe te gaan. Hulle harte pyn, maar nou-nou ry hulle weer trein. 12
By die skool vertel Jaco vir almal van hulle reis. Van alles wat hulle gesien het, kry Kaapstad die eerste prys! 13
Longisa is n held Longisa woon saam met sy mamma, pappa en sussie, Liso. Hulle woon in n mooi huis. Pappa het self hulle huis gebou. Dit is van stene en sement. Die dak is groen en die deur is rooi. Voor die vensters hang daar geel gordyne. 14
Pappa gaan elke dag werk toe. Hy werk in n fabriek wat meubels maak. Pappa werk baie hard. Pappa sorg dat daar altyd kos is om te eet. 15
16 Mamma werk by n restaurant. Daar het sy geleer om lekker kos te maak. Mamma sê elke dag: Longisa, jy moet mooi leer. Eendag gaan jy net so slim soos jou pappa wees.
Op n dag speel Longisa en sy maats buite op die gras. Hulle speel met hulle mooi draadkarre. Mamma bak vis op die gasstoof in die kombuis. 17
18 Skielik begin Mamma gil! Die gasbottel het ontplof. Oral is daar hoë vlamme wat aan alles lek.
Die geel gordyne slaan aan die brand. Mamma bel die brandweer. 19
20 Skielik onthou Longisa van Liso. Liso lê in die kamer en slaap. Maar oral is daar rook.
Longisa storm by die kamer in. Hy hardloop deur die rook tot by Liso se bedjie. Longisa gryp n kombers. Hy rol vir Liso in die kombers toe. 21
22 Mamma skree: Longisa, maak gou! Longisa hardloop met Liso by die voordeur uit. Hy hoes en proes van al die rook. Hy hou vir Liso styf in sy arms vas.
Die brandweer kom aangejaag. Hulle spuit die vuur dood. Mamma is bly. Al die bure is bly. Longisa het sy sussie gered. Hy is n held. 23
Lekker kos Elkeen het sy eie smaak. Salama hou van kerriekos. Raj hou van samoesas. Sipho hou van pap en wors. Jane hou van vis. En kan jy raai? Baie mense hou van braai. 24
Die potjie pap n Arm houtkapper en sy seun bly alleen in die bos. Die houtkapper wil n boom afkap om vuur te maak. 25
26 Uil sê vir hom: Moenie die boom afkap nie! Ek gee liewer vir jou n pot. Dan kan jy pap daarin kook.
As jy pap wil hê, moet jy net sê: Kook, potjie, kook. Dan sal die pot kook. Maar as jy sê: Olke, bolke, stop! sal die pot ophou kook! 27
28 By die huis sê die houtkapper: Ek moet werk toe gaan, my seun. Moenie die pot gebruik nie. Maar die seun luister nie na sy pa nie. Hy is ongehoorsaam.
Die seun is nuuskierig. Hy sê: Kook, potjie, kook. Die pot begin kook. Dit kook en kook. 29
30 Die seun sien hoe die pot pap kook. Hy ken nie die regte woorde nie. Die pot hou aan met kook. Die pap kook oor! Die uil roep die diere om te kom pap eet.
Die houtkapper kom huis toe. Hy sien al die pap en die diere wat die pap eet. Hy ken die regte woorde: Olke, bolke, stop! Olke, bolke, stop! 31
Die pot hou op kook. Die diere hou op eet. Die houtkapper en sy seun is bly. Die probleem met die pap is verby! 32
Platinum English Platinum Afrikaans Grade 1 Graad 1 First Additional Language Huistaal Briljante KABV-dekking en geskryf deur kundige outeurs Briljante illustrasies en aktiwiteite sal uitslae verbeter en leerders motiveer Briljante onderwyserondersteuning, o.a. fotokopieerbare werkvelle en n e-beplanner-cd met hulpmiddels en opleidingsvideo s maak voorbereiding vinnig en onderrig maklik Platinum Lewensvaardighede Briljant + gehalte = sukses! Graad 1 Platinum Wiskunde Graad 1 Pearson South Africa (Edms.) Bpk. Forestrylaan, Pinelands, Kaapstad Kantore in Johannesburg, Durban, Oos-Londen, Polokwane, Bloemfontein, Rustenburg en Mbombela. Webtuiste: http://schools.pearson.co.za Pearson South Africa (Edms.) Bpk. Alle regte voorbehou. Geen gedeelte van hierdie publikasie mag sonder skriftelike verlof van die kopiereghouer gereproduseer of in enige vorm of deur enige elektroniese of meganiese middel weergegee word nie, hetsy deur fotokopiëring, plaat- of bandopname, vermikrofilming of enige ander stelsel vir inligtingsbewaring. Eerste uitgawe 2011 Sesde druk 2017 Die uitgewer het alle redelike pogings aangewend om die wettige kopiereghouers van materiaal wat in hierdie boek gebruik word, op te spoor. Ons vra om verskoning vir enige kopieregskending en versoek kopiereghouers om met ons in verbinding te tree ten einde die nodige regstellings te doen. Boekontwerp deur Shereen Pearson Illustrasies deur Rob Foote, Vian Oelofsen, Jane Appleby, Fereshteh Najafi Geredigeer deur Ilse Badenhorst Gedruk deur Creda Communications ISBN 978 0 636 12443 1 ISBN van Grootboek-pakket 978 0 636 13184 2 http://schools.pearson.co.za MA S K EW MI LL E R L O N G M AN ISBN van Grootboek-pakket 978-0-636-13184-2