November 2012 Beste Graad 8-ouer Namens die personeel is dit vir ons baie aangenaam om u en u kind by die Hoërskool Jan van Riebeeck te verwelkom. Ons sien uit na n gelukkige en vervullende verbintenis tussen skool en ouerhuis in die beste belang van u kind. Ontvang die inligting in verband met: Leerderdagboek Aansoekvorms en inligtingsdokumente op JvR-webwerf Nuwe inskrywings Skoolklere en boeke Koshuisinwoners Graad 8-voog Vakkeuse: Engels Addisionele Taal of Engels Huistaal Graad 8-Verwelkomingskamp LEERDERDAGBOEK Elke leerder moet n dagboek koop by die skool se boekwinkel. Dit bevat n jaarbeplanner asook al die inligting wat leerders en ouers sal benodig vir n vrugbare en gelukkige tydperk in Jan van Riebeeck. Dit is vir die skool van uiterste belang dat u ingelig sal wees oor die skool se etos, bedryfstelsels en ordereëlings en dat u kind binne hierdie kode sal optree. Ons vertrou dat u hierdie dagboek deeglik sal bestudeer ten einde n ingeligte Jan van Riebeeck-ouer te wees. AANSOEKVORMS EN INLIGTINGSDOKUMENTE OP JVR-WEBWERF Die volgende vorms en dokumente wat u mag benodig, is beskikbaar op ons webwerf by www@janvanriebeeck.co.za:
Aansoekvorms: Busdiensaansoek Aansoek om toelating tot skool Aansoek om toelating tot koshuis Debietorder Aansoek om vrystelling van die betaling van skoolgeld Engels Huistaal-aansoekvorm Graad 8 Verwelkomingskamp-dokumente: Kamp-registrasievorm Kamp-vrywaringsvorm Koshuis: Koshuisinligtingsbrief NUWE INSKRYWINGS Oorplasingsvorm: Alle skole in Suid-Afrika is verplig om leerlinge te registreer op n databasis van die Nasionale Onderwysdepartement. Geen registrasie is egter moontlik sonder n gekodeerde oorspronklike oorplasingsvorm van die vorige skool nie. Nuwelinge moet voor of op die eerste skooldag sodanige vorm inhandig. Sonder hierdie oorplasingsvorm is registrasie onmoontlik by die Hoërskool Jan van Riebeeck. Kopie van Graad 7 finale rapport en geboortesertifikaat: Indien u hierdie dokumente nog nie ingehandig het nie, moet dit voor of op die eerste skooldag ingehandig word. SKOOLKLERE EN BOEKE Die skool se klere- en boekebank is oop vanaf 11 Januarie 08h00 16h00, waar u alle unieke Jan van Riebeeck-skooldrag (b.v. das, baadjie) en leermateriaal (departementele uitgawes uitgesluit) kan bekom soos verlang en uiteengesit in u dagboek. Voel dus welkom om alle aankope sommer vooraf by die skool te doen vir u gerief teen die mees bekostigbare pryse.
KOSHUISINWONERS Die skool heropen op Woensdag 16 Januarie 2013. Koshuisinwoners kan by Huis Jordaan (dogterskoshuis) en Huis van der Merwe (seunskoshuis) vanaf 16h00 op Dinsdag 15 Januarie aanmeld. Koshuisbenodigdhede, inligting en reëls is op die skool se webblad. GRAAD 8-VOOG Die graadgroep word verdeel in drie klasse, elk met n registeronderwyser. Die voog is vir die hele graad verantwoordelik. Die voog se taak is om akademiese, administratiewe, dissiplinêre en pastorale aspekte van die graadgroep te behartig en veral om met u te skakel aangaande sake wat u kind raak. VAKKEUSE: ENGELS ADDISIONELE TAAL OF ENGELS HUISTAAL Jan van Riebeeck bied sowel Engels Huistaal as Engels Eerste Addisionele Taal aan. Om te kwalifiseer vir Engels Huistaal, moes leerders minstens 60% vir Engels Huistaal (moedertaal) of 65% vir Engels Eerste Addisionele Taal (tweede taal) in hul Graad 7-eindeksamen behaal het. ʼn Afskrif van die finale Graad-7 rapport moet asseblief ter stawing voorgelê word. Oorweging vir toelating tot Engels Huistaal sal geskied na ontvangs van die betrokke aansoekvorm wat u asb. moet voltooi en inhandig nie later as 16 Januarie 2013, die dag van kampregistrasie. Dit is van uiterste belang dat ons albei dokumente ontvang, aangesien die samestelling van klasse daardeur geraak word. GRAAD 8-VERWELKOMINGSKAMP Die verwelkomingskamp word vanaf Woendag, 16 Januarie 2013, om 08:00 tot Vrydag,18 Januarie 2013, om 20:00 by die Jan van Riebeeck-kampus aangebied. Die verwelkomingskonsert neem om 18H00 in aanvang. Die kampkoste beloop R350 per leerling wat asseblief Woensdag by die registrasie vir die kamp inbetaal moet word. Die leerlinge en ouers meld Woensdagoggend tussen 07:30 en 08:00 by die Welgemeend aan.
Die skoolhoof, voog, registeronderwysers en verskeie personeellede sal die kamp bywoon om reëlings te tref, aktiwiteite te fasiliteer, sport- en kultuurtalente te ontdek en Jan van Riebeeck- gebruike oor te dra. Die kabinet speel n groot rol in die kampprogram. Hulle sal elk n gemiddeld van 10 leerlinge onder die vlerk neem en bande smee wat deur die jaar versterk sal word. Ontgroeningsprosedures is streng verbode, maar skooltradisies en gebruike sal bespreek word en aspekte soos spangees-verwagtinge en motivering sal aandag geniet. Ons oogmerk is om die leerders, wat uit verskillende skole kom, tot n hegte eenheid saam te snoer asook om n aangename gevoel van eienaarskap en ek behoort aan te skep. U kind sal deurentyd onder volwasse toesig wees. Ons sal dit gevolglik hoog op prys stel indien u nie skakel, kom kuier of u kind ontydig kom haal nie. Skakel die die voog, me.veda Swart by 0731607894 vir dringende boodskappe. Raadpleeg die aangehegde kampkennisgewing vir verdere inligting en kontak me.swart gerus indien daar enige verdere navrae ontstaan.
Let wel: Kampaanmelding Behalwe die kampregistrasievorm en kampvrywaringsvorm moet die volgende dokumente ook op 16 Januarie ingehandig word: Busdiensaansoek Engels Huistaal-aansoek Kopie van graad 7 finale rapport (indien dit nie alreeds ingehandig is nie) Kopie van geboortesertifikaat (indien dit nie alreeds ingehandig is nie) Kampbenodigdhede 1 x stel kampklere 1 x stel warmklere Toiletware / 1 x rol toiletpapier Handdoek Slaapklere JvR Swemklere (Klerebank)/sonbrandmiddel/sonhoed JvR se MBK-klere/verpligtend vir kamp (Klerebank) Enige swart T-hemp of toppie om in te dans Tekkies Slaapsak & Kussing Eetgerei (mes/vurk/lepel/bord/beker & afdroogdoek) Waterbottel Eie noodhulp 1 x 2liter leë plastiese Sprite of 7-Up koeldrankbottel (groen) Musiekinstrumente welkom Sakboekie & skryfbehoeftes GEEN SELFONE en ELEKTRONIESE APPARAAT GEEN SAKGELD 3 x Gebalanseerde etes word verskaf Goeie gees KONSERTITEMS 1 Tuinvullisverwyderings-sak(groen) Beskikbare duikbril en snorkel Enige beskikbare groen klere Enige ou grimering,verkieslik groen. Ons is oorgehaal om u met groot entoesiasme te ontvang. Geseënde Kersfees vir u en u gesin en mag 2013 net die beste vir u inhou! Vriendelike JvR-groete
PAGE