Laerskool Olifantsvallei Privaatsak X2, Citrusdal, 7340 E-pos: citrushs@mweb.co.za Tel: (022) 921 2100 Faks: (022) 921 3931 NUUSFLITS 17 Maart 2017 1. Dit is n groot lekkerte om met u te deel dat ons personeel sal afskop met die eerste Kom Proe Pretdag van 2017! Die leerders het reeds n briefie met n bestellingsvorm ontvang, wat asseblief voor of op 27 Maart 2017 by die registeronderwyser ingehandig moet word. Vir u gerief heg ons nog n bestelvorm aan. Die korrekte bedrag moet asseblief die vorms vergesel. Kom ondersteun ons asseblief!! 2. Ons ondervind heelwat probleme om ouers te kontak, aangesien selfoonnommers voortdurend verander. Neem asseblief kennis dat die skool geen verantwoordelik neem indien n leerder beseer word en u nie betyds gekontak kan word nie. Vul asseblief onderstaande vorm in en stuur terug op Woensdag, 22 Maart 2017, indien u nommer of besonderhede verander het. U samewerking in verband hiermee sal opreg waardeer word! 3. Op Dinsdag, 21 Maart 2017 vier ons Menseregte dag! Neem asseblief kennis dat Maandag (20 Maart 2017) ook n amptelike skolevakansiedag is. Dus is daar is weer Woensdag skool. 4. Baie geluk aan die volgende leerders met hul karate gradering: Agter (v.l.n.r.) : Charl Marais (Geelbelt 3 na Oranjebelt 1), Austin Januarie (Bloubelt 1 na Bloubelt 2), Ruan Stander (Witbelt 2 na Geelbelt 1), Johnathan Jones (Eerste gradering Witbelt 1) en Gys van Wyk (Witbelt 2 na Geelbelt 1). Voor (v.l.n.r.): Anneri Burger (Geelbelt 1 na Geelbelt 2), Henco Marais (Witbelt 2 na Geelbelt 1), Taro van Vuuren (Geelbelt 3 na Oranjebelt 1), Hanru Nel (Geelbelt 3 na Oranjebelt 1) en Jodan Januarie (Eerste gradering - Witbelt 1).
5. Daar het geen tenniswedstryde op Donderdag plaasgevind nie, aangesien St Thomas dit gekanselleer het. Jammer vir enige ongerief. 6. Daar is nog Laerskool Olifantsvallei pette by die klerebank teen R70 elk, beskikbaar. 7. Op Vrydag, 24 Maart 2017, neem die O/12A - en O/13A-netbalspanne, asook die O/13Arugbyspan aan Porterville se Sportdag deel. Die busse sal stiptelik om 12:30 vertrek. Spelers het reeds n program ontvang. Neem asseblief kennis dat daar vir bogenoemde spanne n ekstra oefening op Donderdag, 23 Maart 2017, van 12:30 tot 13:30 geskeduleer is. 8. Op Dinsdag, 14 Maart 2017, het van ons O/13-rugbyspelers aan die Platteland-proewe deelgeneem. Baie geluk aan die volgende spelers wat in die Plattelandspan opgeneem is: Anro Basson (A-span), Shauwin Boois (A-span), Simon van Niekerk (A-span), Connie Nieuwoudt (Aspan), Marklin Fransman (B-span) en Altino Barnies (A-span). Ons is baie trots op hulle! 9. Laerskool Olifantsvallei se O/12A en O/13A-netbalspanne gaan op n netbaltoer na Hermanus. Dit sal plaasvind vanaf 27 tot 29 Maart 2017. Ons is baie bevoorreg dat n Suid-Afrikaanse vlak 4- netbalafrigter, Sandra du Plessis, vir ons dogters n netbal-kliniek gaan aanbied. n Opregte woord van dank aan mevv. Franci Engelbrecht en Petronel Burger wat hulle gaan vergesel. 10. Dit is al weer daardie tyd van die jaar waar die nuwe Trompoppies vir 2017 bymekaar moet kom. 2016 was n groot sukses en die dogters het tydens Laerskool Olifantsvallei se interskole en ook by die Swartland skou opgetree. Die groep het uit 24 dogters bestaan, wat baie hard gewerk het om van die optredes n sukses te maak. Alle Graad 1 tot 7-dogters wat belangstel kan n informele oefening bywoon op Woensdag, 29 Maart 2017, by LSO se rugbyveld om 14:00. Formele oefeninge sal twee maal per week plaasvind, maar eers gedurende die 2de en 3de kwartaal.
11. Die jaarlikse Eisteddfod vind op Vrydag, 5 Mei 2017, plaas. Die leerders en hul onderwysers is besig om hulself gereed te maak daarvoor. Ons wil graag vroegtydig vra dat ouers asseblief behulpsaam sal wees, aangesien ons heelwat hul benodig. Dagboek asseblief hierdie spoggeleentheid! 12. Die Finbond Kunssentrum vir die Jeug in Clanwilliam loods weer n kompetisie en die Tema vir dié jaar is Linte. Dit beteken dat leerders moet besin oor die bewaring van die natuur. (Drie kleure linte verteenwoordig die bedreigde spesies, skaars spesies en genoegsame spesies.) Die kunswerke moet A3-grootte wees en die volgende mediums kan gebruik word: potlood, houtskool, waterverf, olieverf en kryt. Die sluitingsdatum is 3 Mei 2017 en wenners sal eers na 5 Augustus 2017 aan die skole bekend gemaak word. Inskrywingsvorms is by mev. Vorster beskikbaar. Ons wil vra dat ouers hul kind/ers sal aanmoedig om deel te neem. Hierdie is n heerlike vakansie-projek! Vriendelike groete... J. HAMMAN SKOOLHOOF Afskeurstrokie indien u nommer verander het! Leerder se naam:... Graad... Moeder selfoonnommer:... Vader selfoonnommer:... Enige ander kontaknommer:... Eposadres:...... Ouerhandtekening Besoek gerus ons webtuiste by www.olifantsvallei.co.za
Die Onnies se KOM PROE-PRETDAG!!!!!!! 30 Maart 2017 Aartappelskyfies / Boereworsrolle / Plaatkoek / Koeldrank / Ysies en nog vele ander verassings!!!!!! Produkte kan dan op 30 Maart 2017 in die vierkant afgehaal word. Kom ondersteun ons stalletjies asseblief!! Bestelvorm Naam van Leerder: Graad : PRODUK PRYS HOEV TOTAAL Beskuit: Semel (500gr) Beskuit: Karringmelk (500gr) Beskuit: All-Bran (500gr) Fudge (6 Blokkies) Brownies (3 blokke) R12 Mango s (5kg) Mielies (4 pak) Spanspek TOTAAL: