A B C Toekenning 15 Februarie 2003
VEREISTES Die jeuglid / volwasselid moet die nodige vereiste punte behaal soos in die tabel hieronder uiteengesit. Daar is vir beide jeuglede en volwasselede n punte blad saamgestel wat dien as die punte stelsel. n Lid verwerf punte deur die betrokke aktiwiteite by te woon of aan te bied. Indien n lid slegs n gedeelte van n aktiwiteit bywoon sal hy of sy nie in aanmerking kom vir die punte soos uiteengesit nie. Die tabel geld vir alle lede. TOEKENNING MINIMUM VEREISTE PUNTE VIR DIE VERWERWING VAN ELKE TOEKENNING VLAKKE Oranje 70 Gr 1 Groen 140 Gr 2 Blou 210 Gr 3 Silwer-Wit 280 Gr 4 Silwer-Oranje 350 Gr 5 Silwer-Groen 420 Gr 6 Silwer-Blou 490 Gr 7 Silwer-Rooi 560 Gr 8 Silwer-Silwer 630 Gr 9 Silwer-Goud 700 Gr 10 Goud-Wit 770 Gr 11 Goud-Oranje 840 Gr 12 Goud-Groen 910 Bonus 1 Goud-Blou 980 Bonus 2 Goud-Rooi 1050 Bonus 3 Goud-Silwer 1120 Bonus 4 Dubbel Goud 1190 Bonus 5 Punte wat behaal is word jaarliks oorgedra.
JEUGLEDE PUNTE WORD AS VOLG VERDIEN SPANBYEENKOMSTE Werwing van n nuwe voortrekkerlid 1 punt :Maksimum 5 punte 1 Punt vir elke 10% bywoning :Maksimum 10 punte 5 Punte vir elke spankamp :Maksimum 10 punte KOMMANDO AKTIWITEITE (Vyf aktiwiteite per jaar moet deur die kommando ge-identifiseer word en in die jaarprogram aangedui word wat gaan tel vir die erkenningstelsel bv. Waterkaskenades, Vorie Vasbyt, Speletjiesaand, Kerkparade ens.) 5 Punte vir elke ge-identifiseerde aktiwiteit : Maksimum 25 punte 10 Punte vir kommandokamp OORD EN GEBIEDSAKTIWITEITE (Drie aktiwiteite moet deur die kommando ge-identifiseer word en in die jaarprogram aangedui word wat gaan tel vir die erkenningstelsel bv. GGA, Voltvaart, Stadsnagmars, Kuieraand, ens.) 2 Punte vir elke ge-identifiseerde aktiwiteit 15 Punte vir elke gebiedskamp bywoning : Maksimum 30 punte SPESIALE ONDERSKEIDINGS KENTEKENS (Slegs kentekens wat deur die betrokke bestuur goedgekeur is kwalifiseer) 2 Punte vir elke S.O. wat gedoen word in span -, kommando -, gebiedsverband Dit sluit Gebiedskampe uit. Totale Maksimum Punte wat verdien kan word per jaar : 110 punte
OFFISIERE EN HEEMRAADSLEDE PUNTE WORD AS VOLG VERDIEN BYWONING Kommandobyeenkoms 4 punte Kommandokamp 10 punte Gebiedskampe 10 punte Informele kursusse 5 punte Formele kursusse 10 punte : Maksimum 40 punte : Maksimum 30 punte AANBIEDING Werwing van n nuwe voortrekkerlid 1 punt Spanbyeenkomste 1 punt Spankamp 5 punte Kommandobyeenkomste 10 punte Kommandokamp 15 punte Gebiedskamp kursusaanbieder 10 punte Gebiedskamp kursusleier 20 punte Gebiedskampleier 30 punte Gebiedskamp Adjudant, Sekretaresse, Finansies, Veldkornet 20 punte Informele kursus 5 punte Formele kursus 10 punte Gebieds/Nasionale komitee 20 punte : Maksimum 5 punte : Maksimum 15 punte : Maksimum 30 punte Totale Maksimum Punte wat verdien kan word per jaar : 300 punte
Implimentering Kommando s wat reeds deel was van die twee alternatiewe stelsels (Die Penningstelsel en Die Mier) gaan as volg te werk met die oorskakeling na die ABC Toekenning. Bereken die persentasie (%) van die punte totaal reeds behaal onder die ou stelsel teenoor die aantal jare lidmaatskap en skakel dit om na die ABC Toekenning se ooreenkomstige vlak. Kommando s wat vir die eerste keer inskakel op die ABC Toekenning begin bloot van voor en gebruik die voorgestelde vorms soos uiteengesit in die inligtings brosjure wat by Die Voortrekker Depot beskikbaar is. Neem aantal jare lidmaatskap in aanmerking en gee krediet aan elke persoon met die minimum benodig. Indien n kommando se rekord stelsel ten volle op datum is kan die rekords terug gewerk word en ooreenkomstig erkenning gegee word. Dra van die toekenning Erkenningsbaadjie (Jeuglede) Die materiaal kenteken word as volg aangebring op die erkenningsbaadjie: Reg onder die Voorslag toekenning waar die eerste SO Kenteken of Dagbreekkenteken aangewerk sou word. Die eerste kenteken of Dagbreekkenteken word dan direk onder die ABC Toekenning aangewerk. Slegs die hoogste toekenning word gedra. Erkenningsbaadjie (Volwassenes) Die material kenteken word as volg aangebring op die erkenningsbaadjie: Reg onder die ere-orde toekenning word die ABC Toekenning aangebring. Slegs die hoogste toekenning word gedra. Formelebaadjie (Volwassenes) Die metaal kenteken word as volg aangebring op die formelebaadjie: Die toekenning word aan die regterkant van die baadjie gedra onder die jare diens toekenning (Juk / Skei). Die metaalkenteken word ook op die jeuglid se skooldrag gedra. LET WEL Die ABC Toekenning is so ontwerp dat dit vir alle lede van Die Voortrekkers is en word ten sterkste aanbeveel dat n kommando sy jeuglede en volwassenes laat inskryf vir deelname aan die stelsel.
Werkswyse Elke lid wat aan die toekening wil deelneem moet vir die stelsel ingeskryf word deur sy/haar kommando. Bywoning van aktiwiteite word deurlopend op die normale wyse aan geteken. Aan die einde van die jaar word die punte bymekaar getel vir die betrokke jaar om n totale punt vir die jaar te kry. Vorige jare se punte word ook bygetel om te bepaal vir watter toekennig die lid kwalifiseer. Die toekennings word jaarliks uitgegee en n lid ontvang die toekenning in twee vorme. Die een is so groot soos n SO kenteken en word op die erkenningsbaadjie vasgewerk ooreenkomstig die voortrekkerdrag reglement. Die ander is n metaal balkie wat op sy skoolklere / aktiewedrag gedra word. Die lid hou die onderskeie toekennings en ontvang elke jaar die toekenning waarvoor hy/sy kwalifiseer. Slegs die hoogste toekenning mag gedra word. Definisie soos bedoel deur die skrywer Werwing Dit is as n nuwe lid gewerf word vir die beweging. Die nuwe lid moet sy ledegeld betaal en vir ten minste een jaar n lid bly. Spankampe Dit is 'n kamp soos gereël deur die spanoffisier waar ten minste een nag uitgeslaap word en waarvoor 'n program vir ten minste 18 uur uitgewerk is. Kommandobyeenkoms Dit is 'n byeenkoms gereël deur die dagbestuur van n kommando anders as die normale bymekaarkom eenmaal per week. Dit vervang nie 'n spanbyeenkoms nie en vorm ook nie deel van 'n spanbyeenkoms nie. 'n Goeie voorbeeld sal 'n kommandonagmars wees waar die grade teen mekaar deelneem.
Kommandokamp Dit is 'n kamp gereël deur die kommandodagbestuur waartydens al die spanne van die kommando teenwoordig is en waar graadwielwerk behandel word en ten minste twee nagte uitgeslaap word. Die kamp moet langer as 36 uur duur. Gebiedskamp Dit is 'n kamp soos gereël deur die betrokke gebied waar daar binne graadverband graadwielwerk behandel word en 2 dae vir die P/D's duur en ten minste 5 dae vir die Verkenners duur. Die betrokke kamp moet n erkende Gebiedskamp wees. SO kentekens Dit is die spesiale onderskeidingstekens soos beskryf in die SO Kenteken handleiding. Al die vereistes moet noukeurig nagekom word. Dit sluit nie kentekens wat by kampe verdien word in nie. Spanbywoning Dit is die bywoning van die jeuglede by hulle betrokke spanne soos weekliks gehou. Indien die kandidaat 'n aanvaarbare verskoning voorlê moet dit in ag geneem word. Alle spanuitstappies word hierby ingesluit. Addisionele kamp/toer Dit is 'n geleentheid soos gereël deur die span, kommando, oord of gebiedsdagbestuur wat ten minste 2 of 5 dae duur. Fondsinsamelings/Werksdae (Slegs Offisiere) Dit is insamelings geleenthede of werksdae soos gereël deur die betrokke kommando-, oord- of gebiedsdagbestuur. Maksimum punte GGA Dit is die bedoeling dat dit die meeste punte is wat 'n lid in een jaar kan verwerf. Dit is n Gebieds Goedgekeurde Aktiwiteit.