Naam: 1
Die ou vrou en die voël wat kon praat. Woordlys Lees die woorde n paar keer hardop. ou vrou bouvallig hout kou blou woud goue goud Louwrens Douw tou gou-gou hou jou gou flou boud 2
Stillees Oefening Lees die storie saggies vir jouself. Antwoord dan die vrae. Die voël wat kon praat. Baie, baie lank terug in n digte woud het n ou man en sy ou vroutjie gewoon. Hulle huisie was bouvallig en as die wind gewaai het kon die ou man en sy ou vrou die ruite hoor ratel. Saam met hulle in die huisie het n pragtige blou en rooi papegaai in n kou gewoon. Elke dag wanneer die ou man in die woud hout gaan kap het, het die ou vrou met die papegaai gepraat. Sy was baie eensaam so alleen in die bouvallige ou huis. Eendag toe die ou vrou nog so met die papegaai gepraat het, het die papegaai haar terug geantwoord. Sy het baie groot geskrik. Kan jy haar verkwalik. As n voël skielik met my of jou begin praat sal ons ook baie groot skrik. Van daardie dag af was die ou vroutjie glad nie meer eensaam nie, want sy het nou n vriend gehad wat met haar kon gesels. 3
Baie gou het almal geweet van die slim papegaai wat kan praat. Twee skelms, Louwrens en Douw, het ook van die papegaai gehoor. Die een skelm het vir die ander een gesê: Haai ou Louwrens, kom ons vat n tou en gaan steel die kou met die papegaai wat kan praat. Mense moet dan met goue munte betaal as hulle die papegaai wil hoor praat. So kan ons gou-gou skatryk word. Goed Douw, ek hou van jou plan, het Louwrens vir Douw gesê. Met n tou steel ons die kou met die papegaai wat kan praat. 4
Daardie nag toe die ou man en sy vrou geslaap, het, het Douw en Louw gekom om die kou met die papegaai te steel. Wees versigtig met die leer Douw jy kap my raak! Toe loop nou! Ons is nou daar. Die maan het flou geskyn teen die ruite van die huis. Douw het die leer wat hy saam gebring het teen die muur gesit, maar o wee, die leer was n bietjie te kort. 5
Die gedoente moes julle aanskou het. Douw het teen die leer opgeklim totdat sy voete op die boonste sport van die leer was. Hy balanseer toe soos n vink daar bo-op die leer. Toe nou Louwrens, gee gou die tou, ek sal nie lank so kan staan nie anders sal ek val, roep Douw toe. Louwrens het saam met Douw teen die leer opgeklim en staan toe onder hom met die tou in sy hand. Dê, vat nou die tou, het Louw gesê en gerek om die tou in Douw se hand te druk. Douw het die tou met die ysterhaak deur die ruit gestoot en die kou in die hande gekry. Maats, maar toe moes julle die lawaai hoor soos die pappagaai raas en skreeu. Die papegaai het begin skree. Ou vrou, ou vrou, maak gou. Hulle wil my steel met my kou. Maak gou! Maak gou! Douw het hom byna flou geskrik. Hy het gegil en die tou gelos. Sy hande het in die lug in gevlieg en daar hang hy toe tussen hemel en aarde. Louwrens het net een kyk gegee en begin om teen die leer af te klim, maar te laat. Douw het van bo-af getuimel sodat jy het net arms en bene gesien het. 6
Met die afkom het Douw sy val probeer stuit, maar al wat hy kon raakvat was Louwrens se baadjie. Daar tuimel die twee diewe soos n inmekaar gevlegde koeksuster in n bondeltjie en beland reg voor die ou man se voete wat intussen kom kyk het wat aan gaan. Nie een van die twee kon vinnig genoeg opstaan nie. Die ou man het die stuk tou gegryp en voordat Douw en Louwrens nog mooi tot verhaal gekom het, het hulle elkeen n harde hou met die stuk tou op die boud gekry. Louwrens en Douw het skreeuend daar weggehardloop. Hulle het n goeie les geleer en het nooit weer probeer om te steel nie. Begripstoets 1. Wie het in die digte woud gewoon? 2. Wie het saam met hulle in die huis gewoon? 3. Hoe het die papegaai gelyk? 4. Watter soort werk het die ou vrou se man gedoen? 5. Wat het die ou vrou gedoen terwyl haar man gaan werk het? 6. Wat het eendag gebeur toe die ou vrou met die papegaai gepraat het? 7. Wie het almal geweet van die slim papegaai? 8. Wie wou die papegaai gaan steel? 9. Wat wou hulle met die papegaai doen? 7
10. Waarmee moes die mense hulle betaal? 11. Hoe wou hulle die papegaai steel? 12. Wat het gebeur toe hulle die kou vat? 13. Waarom kon hulle nie weghardloop nie? 14. Wat het die ou man gedoen? Kennis en insig vrae! 1. Wat is n woud? 2. Wat is n bouvallige huisie? 3. Wat is n kou? 4. Dink jy die papegaai was slim? 5. Wat is n muntstuk? 6. Wat beteken dit om jou flou te skrik. 7. Wat beteken dit as mens sê iemand leer n les. 8. Is daar diere in n woud? 9. Noem ander soort voëls wat n mens kan leer om te praat? Ons soek inligting 1. Soek n prent van n papegaai. 2. Wat eet n papegaai. 3. Waar bly papegaaie in die natuur? 4. Hoe moet jy n pappegaai versorg as dit jou troeteldier is? 8
n Rympie (Lees die rympie hardop!) Die papegaai Ons buurman het n papegaai In n kou daar op die stoep. Sy bek is krom, sy vere fraai, Hy sit daar: fluit en skree en roep. Papegaai, wat is jou naam? Hy maak sy oë toe en gaap, En sê met kop so skeef en skaam: Ag, loop slaap jy in die Kaap! Is dit wysheid in jou kop, Wat ons heeldag by jou soek? Maar toe moet ek my ore stop, Want daardie taal is in g n boek! (Helena J.F. Lochner) 9
10