H/S MONTAGU POSBUS 85 MONTAGU 6720 TEL: FAKS: EPOS: WEB:

Transcriptie

1 H/S MONTAGU POSBUS 85 MONTAGU 6720 TEL: FAKS: EPOS: WEB: Hoërskool Montagu Maandbrief : Januarie 2018 Geagte Ouers, Leerders en Ondersteuners Die nuwe jaar is volstoom aan die gang. Graag bring ek die volgende onder u aandag: Akademie Matriekuitslae 2017: Ons graad 12-klas van 2017 het baie goeie rekenskap van hulself gegee. Hulle behaal n 99% slaagsyfer in die Senior Sertifikaat-eksamen. Nege leerders slaag met onderskeidings. Ons top kandidate is soos volg: 1. Olivia Brunings (7 Onderskeidings; 5 vakke bo 90%), 2. Jaco Joubert (6 Onderskeidings; 4 vakke bo 90%), 3. Alexa Esterhuyse (5 Onderskeidings; 2 vakke bo 90%) 4. Jana den Engelsman (5 Onderskeidings) 5. Clarise le Grange (5 Onderskeidings) 6. Andrea Oberholzer (4 Onderskeidings) 7. Anke-Marié Meyer (5 Onderskeidings) 8. Cindy Anger (4 Onderskeidings) 9. Jana Groenewald (4 Onderskeidings) 10.Janke Esterhuyse (3 Onderskeidings) Uit die klas het 13 leerders met B-gemiddeldes geslaag en n verdere 22 leerders slaag met n gemiddelde van bo 60%. Die groep van 81 leerders het gemiddeld 4,9% beter gevaar in die bevorderingseksamen, as in die interne Septembereksamen. Van die 81 leerders voldoen 80% aan Graadstudievereistes. Altesaam 84 A-vaksimbole word behaal. Ons is saam met die leerders en hulle ouers baie trots op die puik uitslae van Dit is n bewys dat die akademiese standaard van die skool baie goed is en dat leerders onderrig van n baie hoë gehalte ontvang. Vir die skool se uitstekende uitslae het ons n Ministeriële toekenning, tydens n spoggeleentheid by Leeuwenhof, ontvang. Die Burger het die skool gekontak en n artikel geplaas daaroor. Lees die volledige artikel op bl. 2 en 3. Gr. 9 WKOD Sistemiese Toetse: Die pas vrygestelde uitslag van die WKOD Sistemiese toetse van die graad 9 klas van 2017 vergelyk goed met vorige jare se uitslae in Wiskunde en Taal vaardighede. Daar kan in die toekoms ook na goeie Matriekuitslae uitgesien word. Ons graad 9 groep het toetse onder gekontroleerde omstandighede geskryf, wat ekstern nagesien is. Die groep behaal 54% in Wiskunde (dit is 32% bo die provinsiale gemiddeld) en 86% in Afrikaans (dit is 33% bo die provinsiale gemiddeld). VEG: VRIENDELIKHEID, EERLIKHEID EN GOEIE MANIERE

2 Volledige artikel wat in Die Burger van 22 Januarie 2017 verskyn het. Elke jaar se matrieks is uniek en dus ook hulle vermoëns en behoeftes. Die grootste uitdaging is om elke leerder te help om hulle volle potensiaal te bereik en in die proses ook `n verskil in die lewens van elke leerder te maak. Elke leerder word as individu erken en ons glo daarin om elkeen se hart raak te sien. Geen onderskeid word tussen leerders gemaak nie. Effektiewe leer en onderrig kan net plaasvind in `n omgewing waar daar `n duidelike raamwerk en grense vir dissipline is, wat konsekwent toegepas word. Dit is iets wat ons in 2017 baie hard aan gewerk het en baie trots op is. Verder is elke matriekleerder gehelp om hulle besige jaar effektief te bestuur en in die proses te fokus op dit wat die belangrikste is. Matriekafskeid en ander aktiwiteite is belangrik, maar bly side shows. Die uitslae van 2017 was `n spanpoging waar beheerliggaam, onderwysers, leerders en ouers saam gewerk het. `n Beheerliggaam wat effektief funksioneer en ondersteuning en ruimte bied waar leer optimaal kan plaasvind is van kardinale belang. Daar was selfs matrieks wat by die koshuis oor naweke geleer het. Hulle omgewing bied nie die geleentheid om in stilte te leer nie en hulle het ook nie die nodige spasie daarvoor nie. Toelating: Leerders 2019 Toelating van nuwe leerders vir 2019 open op 12 Februarie 2018 en sluit op 23 Maart Dit is belangrik om daarop te let dat daar slegs n beperkte aantal plekke beskikbaar is in elke graad. Volledige aansoeke wat tydens die eerste rondte ontvang word en waarvan die vorderingsverslag aandui dat die aansoeker oor die potensiaal beskik om te vorder én die ouderdom binne die grense vir die betrokke graad is, geniet voorkeur. Indien u bewus is van graad 7 leerders wat vir 2019 in graad 8 wil aansoek doen by hierdié skool, moet u hulle asseblief aanmoedig om dit betyds te doen. 2

3 LEEUWENHOF KAAPSTAD Hoërskool Montagu werk met `n voogstelsel waar daar aan elke onderwyser vier of vyf matriekleerders toegeken word. Dit help verseker dat individuele ondersteuning deurlopend geskied. Leerders wat onderpresteer tydens toetse en eksamens moet `n hereksamen skryf aan die begin van die nuwe kwartaal. Indien nodig word voorregte weggeneem om leerders aan te moedig om harder te werk. Verder bied die skool deurlopend ekstra klasse aan en veral in die vorm van `n Winter- en Lenteskool, wat gratis aangebied word. Ons onderwysers is bereid om self ook te groei en te ontwikkel en as skool besef ons die waarde daarvan. Met `n puik personeel met `n positiewe ingesteldheid kan mens berge versit. Die eensgesindheid, energie en humor van die personeel, borrel oor na elke segment van ons skool. Die leerders word gemotiveerd gehou deur deurlopende individuele ondersteuning. Daar vind ook gereeld graadvergaderings plaas waar alle fasette van hulle matriekjaar effektief gekommunikeer word. Spesiale geleenthede, soos ons Matriek Motiveringsgeleentheid vir leerders en ouers vind ook plaas. Hierna geniet ons gewoonlik `n heerlike ete saam wat deur die skool se Ondersteunersklub aangebied word. Dit begin met `n opregte belangstelling in elke leerder wat help om elkeen se individuele behoeftes aan te spreek. Leer en onderrig kan slegs effektief plaasvind waar dissipline met duidelike grense bestaan. Jong volwassenes voel veilig in so `n omgewing en dit bied die basis vir optimale leer. Ons jaartema vir 2017 was 3D: DIS- SIPLINE, DIENSBAARHEID en DANKBAARHEID. Ons glo dat 2017 se matrieks `n verskil gaan maak waar hulle ook al gaan en dat hulle met dankbaarheid elke dag gaan leef. 3

4 Tennis: Verskeie tenniswedstryde het alreeds plaasgevind. Ons 2de span het teen Swellendam se 1ste span gespeel. Die seuns wen 22-0 en die dogters wen Die 4de spanne klop Villiersdorp se 2de spanne. Krieket: Die 0/15 span het Ashton Sekondêr met 9 paaltjies geklop. Beste boulers was Cobus Nel en JR Eyberg met 3 paaltjies elk en die beste kolwer was JP Burger met 22 lopies. Die 0/19 span wen teen Ashton Sekondêr met 107 lopies. Ons beste kolwers was Rewin Opperman met 62 en Maxwell Klaasen met 55 lopies. Die beste boulers was Maxwell met 2 vir 12 en Beon Hartnick met 2 vir 11. CSV: Op 18 Januarie het 63 kringleiers, onder die leiding van ds. Charl van Rensburg en mev. Louise van Rensburg, deelgeneem aan n opleidingsgeleent-heid. Vanjaar is Joshua Crouwkamp en Frede Mellet onderskeidelik die voorsitter en ondervoorsitter van ons CSV-tak. Leerdergetalle: Ons leerdertal is meer as in Die getalle in die onderskeie grade is as volg: Graad Graad Graad Graad Graad MONTIES KLEURBYEENKOMS: Hierdie jaar se kleurgroepe het weer gesorg vir n atletiekfees vir die oog en vir die oor! Eerstens dan ook dankie aan die groepleiers wat alreeds verlede jaar begin het met die voorbereiding van vanjaar se kleurbyeenkoms. Die Rooispan en die Groenspan se getalle was vanjaar baie gelyk en daarom was die kompetisie van die begin af baie ernstig. Die uitslae na n baie geslaagde byeenkoms was as volg: Slegs 1 Rekord: Shaun Batt verbeter die GS-afstand met amper n halwe meter. Zéann Sauer was WEER (soos in 2017) die Veelsydigste seun. Hy het 4253 punte vir sy span bymekaargemaak. Esmarie Volsckenk het met haar 3613 punte die beker verower vir die veelsydigste dogter. Maxwell Klaasen het die gesogte trofee verower as Senior Victor Lodorum. Die Junior Victor Lodorum was (soos ook in 2017) Jaco Kriel. By die dogters het Mirnay Januarie die Junior Victrix Lodorum verower en Deborah Brown die Senior Victrix Lodorum. Die beste prestasie van die dag wat 780 punte wat deur Johanè Cockrell verower is met haar uitstekende diskusafstand. Daar is ook gekyk na die atleet wat heeldag met n positiewe gesindheid en groot sportmanskap deelgeneem het. Daar was verskeie atlete wat beïndruk het, maar Zéann Sauer het die prys vanjaar verower vir sy entoesiastiese betrokkenheid op vele terreine deur die loop van die hele byeenkoms. En dan het die groot toekennings gegaan aan: Pawiljoenbeker: Rooispan Spanbeker: Vir die sesde jaar agtereenvolgens is dit die Groenspan wat met 482 punte gewen het. Baie dankie aan elke beampte, ouer en hulp wat die dag moontlik gemaak het. Die leerders wat as hulp-beamptes opgetree het, het n belangrike taak gehad. n Spesiale dankie aan elkeen van julle. 4

5 TROFEE WENNERS: V.L.N.R. : Zéann Sauer, Esmarie Volsckenk, Jaco Kriel, Maxwell Klaasen,, Mirnay Januarie, Deborah Brown en Johané Cockrell. PAWILJOEN

6 Skoolgelde Die skool is n Kwintiel 4, artikel 21, skoolgeld betalende skool, daarom is die betaling van skoolgelde noodsaaklik en volgens wetgewing verpligtend. Die skool se finansies word bestuur volgens n goedgekeurde begroting en die finansiële posisie van die skool is gesond, daarom kan die skool n volledige opvoedkundige program aan die leerders bied. Namens die Beheerliggaam wil ek die volgende reëlings aan u deurgee: Daar bestaan geen departementele subsidies vir skoolgelde nie. Ouerhuise kon tot 31 Januarie 2018 op die toepaslike aansoekvorm aansoek doen om gedeeltelike vrystelling van skoolgelde. Ouers bly verantwoordelik vir die volle skoolgelde, totdat n volledig voltooide aansoekvorm by die skool ingehandig is. Maandelikse paaiemente is betaalbaar vanaf 1 Februarie 2018 tot 1 November Vanaf die einde van Februarie word daar maandeliks n skoolfondsrekening uitgestuur. Die bedrag verskuldig vir die volle jaar sal op die rekening verskyn, asook die uitstaande bedrag wat onmiddellik betaalbaar is. Alle skoolgelde word by die sekretaresse inbetaal. Alle navrae in verband met skoolgeldrekeninge word deur mev. Liezl Lewis hanteer (Maandae tot Vrydae 07:30-12:30). Gedragskode (Skoolreëls) vir Leerders Die gedragskode vir 2018 is aan die begin van die jaar met elke leerder in die skool behandel en elkeen het 'n afskrif daarvan ontvang. Daar word van die onderwyspersoneel en leerlingleiers verwag om die gedragskode toe te pas en afwykings dadelik aan te spreek. Oor die algemeen kom die groter meerderheid van ons leerders die gedragskode nougeset na. Ongelukkig is daar altyd leerders wat sukkel om binne 'n stelsel te werk om instruksies of voorskrifte na te kom. Ek wil 'n beroep op ouers doen om toe te sien dat hulle kinders se skool- en sportdrag te alle tye korrek is en dat dit duidelik gemerk is. Kledingstukke wat verlê word se eienaars kan meestal nie opgespoor word nie en gaar dan by die sekretaresse op. Ons verwag dat ons leerders daagliks reg geklee en gehoorsaam is aan die riglyne, soos vervat in die gedragskode van die skool. 6

7 SKOOL-AKTIWITEITE Skoolaktiwiteite is reeds voluit aan die gang. Die volgende personeellede staan aan die hoof van die aktiwiteite: Atletiek Mev. Elmarie Rossouw Tennis Mev. Janine Beukes Krieket Mnr. Morné Roos Gholf Mnr. Johandré Olivier Indaba Mev. Petro Brits Skoolkoor Mnr. Jaco Beeslaar / Mev. Ingrid Kriel Noodhulp Mev. Anandi van Brouwershaven CSV Mev. Louise van Rensburg Landsdiens Mnr. Auré Metelerkamp Belangrike datums : Februarie : Valentyndans 10: Sone Atletiek: H/S Bonnievale 12: Toelatings vir 2019 open 14: Valentynsdag SivvieDag 17: Noord-Boland Atletiek: Worcester 19: Personeelvergadering: 14:30 21: MEKKA Kultuuraand: 18:00 24: Monties Gholfdag 26: Opedag graad 07 leerders: Leerders 15:30 en Ouers 18:00 Interskole: Gholf en Skaak 27: Interskole: o/15 Krieket (Tuis) PERSONEEL Ons is dankbaar om die jaar met n voltallige personeel te begin. Drie nuwe personeellede het by ons aangesluit. Mnr. Duan van Brouwershaven vir Tegnologie grade 8 en 9 en IGO grade 10-12, mnr. Pieter Booysen vir Wiskunde grade 8 en 9 en Wiskundige Geletterdheid grade 10 en 11 en Me. Anandi van Brouwershaven vir EBW grade 8 en 9, Besigheidstudies graad 10 en Rekeningkunde graad 10. Ons is bevoorreg om goed opgeleide onderwysers met harte vir die onderwys en ons leerders aan te stel. Ons wens is dat die personeellede se verbintenis met die Monties n lang en gelukkige een sal wees. Baie geluk en sterkte aan mnr. Morné Roos wat aangestel is as Koshuisvader met ingang 1 Januarie MONTIE GROETE. SKOOLHOOF: MNR. TERTIUS PRINS SKOOLGELDE Skoolgelde word by Mev. Beets (sekretaresse) betaal. Alle navrae moet egter gerig word aan Mev. Lewis. Mev. Lewis is Maandae tot Vrydae tussen 07:30 tot 12:30 by die skool beskikbaar en kan geskakel word by Jeugleierskonferensie Nicole van Zyl het die afgelope vakansie Die Burger se Jeugleierskonferensie in Kaapstad bygewoon. Sy is een van slegs 25 DOG- TERS uit die hele Wes-, Oos- en Noord-Kaap op dié seminaar. Dit is vanjaar die 21 ste agtereenvolgende jaar dat n leerderleier van ons skool gekies is, vir dié seminaar. SKOOLKOOR Ons skoolkoor is reeds besig om te oefen. Ons is bevoorreg om mnr. Jaco Beeslaar as koorafrigter te kon aanstel. Oefeninge vind Maandae plaas tussen 14:15 en 15:45. 7