Info: 12 Oktober 2017

Transcriptie

1 Info: 12 Oktober 2017 Direkteur Geagte ouers, lede, vriende en personeel Altyd opmerklik hoe vinnig die jaar ten einde snel as ons net eers Oktober bereik het. Asof die dagboeke ekstra vol is, die reëlings is ekstra baie en asof 'n mens 'n klomp dinge net moet afhandel. So gaan dit ook tans by ons skool - alles word in plek gesit vir die groot eksamen van die jaar. Sodra die eksamen begin, beteken dit 'n akademiese jaar nader sy einde en die leerlinge skud die vere reg vir 'n volgende fase. Ons besef ook wat dit vir die leerlinge beteken om voor te berei vir die eksamen wat voorlê - die laaste paar akademiese weke is harde werk, voluit alles gee en al die werk afhandel wat nog lê en sluimer. Sterkte daarmee! 'n Kort kwartaal, 'n kwartaal om na uit te sien. 'n Laaste kwartaal vir Die bou van die lesingslokaal by die kleuterskool vorder fluks en by die hoërskool is ook 'n gebou in oprigting wat ons met vrug sal kan gebruik - dankie AROS. Dankie vir u begrip in die tyd van bouery. Dit bring altyd so 'n bietjie veranderinge en uitdagings, maar die wyse waarop u dit hanteer maak dit vir ons baie maklik. Dankie reeds vir die ondersteuning met die Afri-duetfees. Help ons asseblief om in die komende week nog te probeer om kaartjies te verkoop. Hierdeur ondersteun u die skool. Ons is nog vêr van ons mikpunt en wil graag op 21 Oktober die saal tjok en blok vol probeer kry. Koop asseblief vandag nog u kaartjie.

2 Ons matrieks maak gereed vir die eindeksamen. Volgende Vrydag is dit die matriekdiens en dan bly net die eksamen oor - sterkte op jou lewenspad en die treë wat julle loop. Mag julle sukses behaal en selfs in die moeilike dae in die Here vreugde vind. Geniet die blomtyd in die natuur, die mooie Jakarandas, die vreugde van lente / somer in alles, die wonder van mooi en van groei. Mag u 'n mooi Oktobermaand hê. Dirk Postma-groete Hannes Bestuur 2018-Begrotingsvergadering: Die kennisgewing van die begrotingsvergadering is reeds aan alle ouers, lede, vriende en personeel voorsien. Die Begrotingsvergadering vind plaas op Dinsdag, 31Oktober om 19:30 in die Gereformeerde Kerk Die Kandelaar, Waverley, Pretoria. Algemeen Verjaarsdag: Baie geluk aan die personeel wat verjaar. Geniet die dag en mag die nuwe lewensjaar vol vreugde en dankbaarheid wees: 12 Oktober: Mev Marion Boersema 21 Oktober: Mev Christine Venter en mev Rinske Meyer Neem asseblief kennis: GSDP sluit op 24 November 2017 vir die leerlinge. Die rede: Alle punte moet teen 1 Desember 2017 by die Departement wees. Lees in hierdie Info die reëlings vir week 27 November tot 1 Desember G E V I N D Ons het onlangs'n stel sleutels (2) en afstandbeheerknoppie (groen) by die laerskool opgetel. Doen asseblief navraag by die laerskoolkantoor.

3 Beplanner: 12 Oktober Januarie Do Info O K T O B E R Laerskool: Gr 4 - gr 7: Oueraand Deurlopende projek: Bestelvorms uit 13 Vr Laerskoolverkoping: Sport 18 Wo Deurlopende projek: Bestelvorms in 20 Vr Hoërskool: Matriekdiens Laerskoolverkoping: Gr 7-afskeid 24 Di Hoërskool: Gr 12: Teorie-eksamens begin 25 Wo Deurlopende projek: Produkte afhaal 26 Do Info 27 Vr Laerskoolverkoping: Veldskool Ma Hoërskool: Eksamen begin 31 Di Hervormingsdag: GSDP nie gesluit nie! GSDP: Begrotingsvergadering N O V E M B E R 3 Vr Laerskoolverkoping: Gold Reef City Do 10 Vr Info Laerskool: Gr 7-eksamen begin Kleuterskool: Gradeplegtigheid Deurlopend: Bestelvorms uit Laerskoolverkoping: Biblioteek Laerskool: Gr 6-eksamen begin 13 Ma Laerskool: Gr 4- & gr 5-eksamen begin 15 Wo Deurlopend: Bestelvorms in 17 Vr Laerskoolverkoping: Koor 22 Wo Deurlopend: Produkte afhaal 23 Do Info 24 Vr GSDP sluit vir die leerlinge 24 Vr Laerskool: Gr 1 - gr 3: Ontvang rapporte 1 Vr D E S E M B E R Laerskool: Gr 4 - gr 7: Ontvang rapporte GSDP sluit vir personeel J A N U A R I E Wo GSDP: Skool open vir leerlinge

4 Hoërskool Koninginne-aand: Vanaand (Donderdagaand) word die gr 12-Verbruikerstudieleerlinge, soos gebruik, deur die gr 10-Verbruikerstudieleerlinge op 'n feestelike geleentheid getrakteer. Geniet die bederf voor julle eindeksamen begin! Oueraand: Dinsdag se oueraand is swak bygewoon. Indien u kind 'n brief saam met sy / haar rapport ontvang het, wou ons u graag sien. Die bywoning / nie-bywoning word op leerlinge se portefeuljelêers aangeteken as bewys van intervensie (sou leerlinge dalk 'n kans staan om 'n vak te druip). Dit is belangrik dat onderwysers, ouers en leerlinge hande vat om probleme op te los. Dit baat niemand om die blaam vir swak prestasie op mekaar te plaas nie. Eksamen- en bloktydreëlings: Die eindeksamen is om die draai en leerlinge behoort teen Maandag op die laatste hul eksamenroosters te ontvang. Alle leerlinge gaan bloktyd hê, wat beteken dat hulle tuis mag studeer op dae wat hulle nie skryf nie. Ná afloop van 'n eksamensessie mag hulle huis toe gaan; of indien u dit verkies, by die skool studeer tot 12:00. Leerlinge skryf in skooldrag - ons sal geen afwyking van die normale voorkomsreëls duld nie. Afwesigheid tydens eksamen sal net geldig wees met die toon van 'n doktersertifikaat. Geen lisensie-afsprake mag tydens eksamensessies plaasvind nie. Ons gaan geen versoeke vir vroeg-met-vakansie-gaan oorweeg nie. Matriekdiens: Ons nooi alle matrieks en hul ouers hartlik uit na die matriekdiens op Vrydag, 20 Oktober 2017 om 11:30 in die Gereformeerde Kerk Die Kandelaar. Dit behels 'n kort oordenking deur ds Hannes Breytenbach, die oorhandiging van die ICO-sertifikate en spreekbeurte deur die gr 11's en gr 12's. Daarna sal die gebruiklike klokseremonie plaasvind en almal geniet daarna van verversings by die kerk.

5 Dagbestuur 2018: Die dagbestuursverkiesing het reeds voor die vakansie plaasgevind en hoewel dit reeds op sosiale media aangekondig is, wil ons dit graag ook hier bekend maak. Die dagbestuur vir 2018 is as volg: Voorsitter: Wynand 't Hart Ondervoorsitter: Albert 't Hart Sekretaresse: Marli Noëth Tesourier: Cornelia Bakker Addisionele lede: Zelien Zweers en Monique van de Wetering Aflospos: Wiskunde Geletterdheid & Natuurwetenskap: Juffrou Marie-Louise Lamberts gaan DV die eerste kwartaal van 2018 met kraamverlof en daarom benodig ons 'n aflos-personeellid vir Wiskunde Geletterdheid (gr 10 - gr 12) en Natuurwetenskap (gr 8 en gr 9). Indien uself belangstel of weet van iemand, kontak asseblief die hoërskoolkantoor. Deeltydse pos: Rekenaartoepassingstegnologie (gr 10 - gr 12): Indien u belangstel of weet van iemand wat op 'n deeltydse basis wil skoolhou (15 periodes per week), kontak asseblief die hoërskoolkantoor. Laerskool Baie dankie aan mev Christa van de Wetering wat die afgelope skoolvakansie die verfwerk by die laerskool op die plaveisel gedoen het. Dit lyk pragtig en die leerlinge speel lekker. Tennis - gr 1 tot gr 3: Ons ondersoek tans die moontlik om 'n tennistoernooi vir die gr 1- tot gr 3-leerlinge (ses spelers per span) vir hierdie kwartaal in te skryf. Ons kommunikeer dit so gou moontlik met die betrokke spelers. Gr 4 - gr 7: Debietinskrywings: Dit het onder ons aandag gekom dat sommige ouers nie ten volle bewus is hoe GSDP se debietinskrywingsisteem werk nie. Ons gebruik tans vir die gr 4- tot gr 7-leerlinge 'n rekenaarprogram waar ons die debietinskrywings inlees vir 'n leerling / leerlinge wat 'n skoolreël(s) oortree. Die stelsel stuur dan outomaties 'n sms aan die voorkeurouer, sodat u bewus is van die inskrywing. 10 debietpunte: Indien 'n leerling 10 debietpunte behaal, kontak ons die ouers vir 'n gesprek EN die leerling sal op 'n Vrydagmiddag detensie sit. 20 debietpunte: Indien 'n leerling 20 debietpunte het, onttrek ons die leerling vir twee (2) dae uit die klas en die leerling sal in die laerskoolhoof se kantoor alle uitstaande werk (indien daar is) voltooi en daar met skoolwerk besig wees. 30 debietpunte: Indien 'n leerling 30 debietpunte het, onttrek ons die leerling vir vyf (5) dae uit die klas en sal die leerling in die laerskoolhoof se kantoor sit om daar die week se werk te voltooi. In laasgenoemde twee gevalle, sal GSDP 'n dringende gesprek met die ouers versoek.

6 Die rekenaarprogram bereken die debietpunte vir kwartaal 1 & 2 en vir kwartaal 3 & 4. Die leerling(e) het dus die geleentheid om na afloop van byvoorbeeld kwartaal 1 & 2, weer met 'n "skoon" bladsy te begin. In geval van ernstige oortredings, sal ons die ouers direk kontak vir 'n gesprek en sal sodanige leerling na afloop van die gesprek die debietpunte ontvang. Kommunikasie: Die laerskool is tans besig om 'n e-posadres vir elke gr 4- tot gr 7-onderwyser te skep - ons kommunikeer die adresse binnekort aan u. Die personeel sal na die toeken van die e-posadresse geen korrespondensie per "whatsapp" hanteer nie. Ons versoek dat u asseblief enige ernstige / dringende aangeleentheid of navraag per e-pos aan die betrokke onderwyser rig. TOESIG 27 November tot 30 November 2017: Daagliks toesig vanaf 07:40-13:30 Vrydag, 1 Desember: Toesig vanaf 07:40-10:00. Vrydag, 1 Desember: Die gr 4- tot gr 7-leerlinge ontvang hul rapporte tussen 09:00 en 09:30. Rapporte: Indien u nie op 1 Desember u kind(ers) se rapporte kan afhaal nie en wil hê dat ons die rapporte aan u pos, stuur dan asseblief 'n gefrankeerde koevert na u kind(ers) se registeronderwyser wat dan sal sorg dat die rapport gepos word. U sal rapporte wat nie betyds afgehaal is nie, eers volgende jaar, as die skool open, kan ontvang.

7 Verjaarsdae: Baie geluk aan die leerlinge wat vanaf 12 tot 22 Oktober verjaar. Geniet die nuwe lewensjaar. 12 Okt Anzel Bouwmeester 14 Okt Divan Pouwels 16 Okt Martie Boshoff 19 Okt Adri Brink 21 Okt Ronélle Marais; Fleur le Roux 22 Okt Emile & Ruan Burgers Aflospos: Gr 4 - gr 7: SW, LO en Engels: Juffrou Suzanne Enslin gaan in Januarie 2018 met kraamverlof. Ons benodig 'n aflos-onderwyser vir die vakke soos aangedui. Indien u belangstel of weet van iemand, kontak asseblief mnr Erik Visser (adjunk@gsdp.org.za). Kleuterskool Verjaarsdae: Die volgende kleuters verjaar binnekort; baie geluk en mag jul nuwe lewensjaar geseënd en vol vreugde wees: 15 Okt Yannick Yssel 19 Okt Erica Schmitz 20 Okt Marike Diedericks; Dané Badenhorst 21 Okt Ida van de Wetering Mnr Hannes Noëth Direkteur Mev Petra Marais Kleuterskoolhoof Mej Mart-Mari Malan Seniorfasehoof Mnr Erik Visser Laerskoolhoof Mev Christine Venter Grondslagfasehoof Mev Jana Terblanche Direkteur Mej Carli Buys Hoërskoolhoof (waarnemend)

8 Saterdag, 4 November 2017

9 Vrydag, 10 November 2017

10 Saterdag, 11 November 2017

11 Pathways-Pretoria hou vanjaar hul 1ste Kersmark Die mark het ten doel om kinders en volwassenes met gestremdhede te ondersteun. Ons hoop dat die mark 'n groot sukses gaan wees, maar het die ondersteuning van die gemeenskap nodig. Daar is wonderlike stalletjies, kos vir die hele familie en goeie musiek! Beste wense Belinda Haskins Koördineerder: Pathways Market

12 Twyfelhoekie Verskyn weekliks in NoordkaapKoerant deur Hannes Noëth Wyse woorde losgespit Die vermoë om die ander kant van die saak te sien, is nie baie mense beskore nie. Die grootste struikelblok in die erkenning van die ander kant van die saak, is om by jouself verby te kom. Dikwels mis 'n mens die duidelike en die logiese en nugtere kant van die saak. In my grootwordjare op die plaas, het ek hierdie les by een van ons werkers geleer, dit aan my hart vasgeknoop en hoewel die swakheid dikwels keer dat 'n mens dit deurlopend toepas, soos 'n mens behoort te doen, bly dit vir my kosbaar en dink ek graag aan die werker se les van daardie dag. Ons spit aartappels. So tussen die spittery deur, word gesels, geskerts, gedink, gefilosofeer. Vroegoggend, terwyl die son aan die opkom is, is die lekkerste spittyd. Ek en hy gesels oor die twis onder die werkers in daardie stadium. Goeie mense, maar voortdurend met mekaar aan die baklei. My medespitter, met baie ervaring, stil van geaardheid, 'n vredemaker in die volle sin van die Woord, verklaar eenvoudig hoekom van die mense so onder mekaar baklei. Hy sê, terwyl hy die graaf diep aftrap in die oggendklam grond: "Die probleem is," hy wag 'n bietjie, "die meeste mens (hy gebruik dit daardie oggend so in enkelvoud), hy praat maklik, maar hy luister moeilik." Hy keer die graaf vol grond en aartappels om. "Alles in die lewe gaan oor mooi luister." Ná jare in die bediening dink ek gereeld aan die woorde van daardie dag toe die aartappels en die grond so saam omgekeer is.