Vrae en Antwoorde. Vrae oor selfoonopvangs. V : Moet ek selfoonopvangs / selfoonsein / GSM-netwerkdekking op my plaas hê?

Transcriptie

1 Unit 1, 13 Forsman Street, Potchefstroom, P.O. Box 21065, Noordbrug, Potchefstroom, 2522, South Africa. Telephone: Facsimile: Web: VAT Nr: Vrae en Antwoorde Vrae oor selfoonopvangs V : Moet ek selfoonopvangs / selfoonsein / GSM-netwerkdekking op my plaas hê? A : Ja en nee. Die nekbande van die diere het nie selfoonsein nodig om te werk nie, aangesien hulle met ʼn basisstasie kommunikeer, deur middel van radioseine. Radioseine is orals beskikbaar so slegs die basisstasie moet opgerig word waar daar genoegsame selfoonsein is. V : Wat as ek nie selfoonopvangs op my plaas het nie? A : Daar is maniere om hierdie probleem te oorbrug met behulp van gerigte antennas, herleitorings, seinversterkers of ʼn kombinasie van die drie. As jy die volgende vrae kan antwoord, sal dit ons help om jou te help: i. Waar het jy wel selfoonsein op jou plaas. ii. Weet jy waar is die naaste selfoontoring? iii. Hoe ver is die naaste selfoontoring van jou plaas af? iv. Is die naaste toring op die naaste dorp? V : Moet my diere / vee loop waar daar selfoonopvangs is? A : Nee. Verwys asb na die vraag 1. V : Moet my watervlak-sensors in gebied met selfoonopvangs wees? A : Nee. Die sensors werk presies dieselfde as 'n nekband, so vraag een se antwoord is ook van toepassing.

2 Vrae oor die nekbande met eenhede/aktiwiteitsmonitors V : Is die halsbande sterk genoeg om te hou, maar sonder om die vee te beseer? A : Dis sterk! Ons gebruik dieselfde bande vir meer as tien jaar reeds in die wildbedryf. Dit kan son en reën hanteer en behoort maklik die 2 jaar in die veld te hou. Die bande is van so ʼn aard dat dit die minimum irritasie veroorsaak. Dit skep ook nie wrywing wat kan lei tot probleme nie. Die nekbande is spesiaal ontwerp om te kan meegee voordat dit beserings veroorsaak en die hele konstruksie van die produk is van so ʼn aard dat dit eerder sal breek, as om tot ʼn dier se besering sal lei. Sou 'n dier soos 'n bees, wat sterk genoeg is, dit byvoorbeeld regkry om die band iewers (soos aan 'n ysterpaal) te laat haak, sal die boutjie deur die band trek by ʼn sekere vlak van spanning en die nekband sal afval voordat die bees homself beseer. V : Moet ek nou 'n bruin nekband aan my wit Brahman-stoetdiere sit? A : Ons maak oorheersend bruin nekbande, maar swart en grys is ook moontlik op aanvraag. Die elektroniese eenhede aan die bande is in drie kleure beskikbaar, naamlik bruin, swart en wit. Kleurverskille moet asseblief spesifiseer word wanneer die eenhede bestel word. V : Hoe lank hou so ʼn eenheid per dier? A : Die leeftyd van die eenhede word doelbewus ingeperk op twee jaar om om jou die maksimum gemoedsrus te verseker, want Agri-Alert verskaf juis gemoedsrus. Hierdie vervangings is gratis en verniet, sonder enige vrae. Dieselfde geld vir enige eenhede wat enige probleme gee Agri-Alert se tweejaar-waarborg verseker dat alle vervangings kosteloos en so gou prakties moontlik geskied. V : Wat maak ek sou een nekband tog breek of ophou werk? A : Dis eenvoudig: Ons vervang sonder om vrae te vra, soos wat ons tweejaar-waarborg jou verseker. Ons stuur ʼn nuwe nekband sodra ons die oue gekry het. As 'n area-verteenwoordiger nie ʼn band in voorraad het nie, stuur ons dit met oornag-pos sodat jy dit so vinnig as moontlik kan kry. V : Werk hierdie nekbande regtig so goed soos julle sê? Is dit nie te opsigtelik nie? A : Ons eenhede hoef nie versteek te wees nie, want hulle is opgestel sodat enige ongewone aktiwiteite ʼn alarm sal laat afgaan. As iemand aan die nekband wil karring, moet vee eers gevang of uitgekeer word en dit sal lei tot 'n alarm. As die nekband afgesny word, sal dit lei tot 'n alarm. As die eenheid met nekband en al weggegooi word, sal dit lei tot 'n alarm. In kort dus: die sigbaarheid van die eenhede kan juis dien as ʼn afskrikmiddel. V : Wat van fop-eenhede ( dummy units )? A : Fop-eenhede is wel beskikbaar. Dit verskaf slegs verdere gemoedsrus deur juis die sigbaarheid te verhoog, maar dit is nie 'n vereiste nie.

3 V : Moet ek nekbande verwyder as ek met my vee werk soos wanneer ek hulle onthoring of dip of tussen kampe skuif? A : Nee, dis glad nie nodig om nekbande te verwyder nie. Dis wel baie maklik om nekbande van een dier na ʼn ander te verskuif, maar die bande kan gerus aanbly tydens enige normale boerderyaktiwiteite. Al wat sal gebeur is dat jy ʼn alarm moet verwag wat abnormale hoë aktiwiteit aandui onder jou vee, maar dit bevestig bloot jou bedrywighede. Die alarms kan ook geïnaktiveer word vir die periode wat daar meet die vee gewerk word om onnodige alarms te voorkom. V : Wat maak ek as ek vee met nekbande wil verkoop? A : As jy vee wil verkoop haal jy bloot die nekbande af. Dit so maklik soos om 'n moer los te draai en die nekbande te verwyder voor die vee verkoop word. Dit sal wel lei tot ʼn alarm wat afgaan. V : Hoe ver weg van my basisstasie kan ek my vee met nekbande laat loop? A : Tans waarborg ons dat die band sal werk binne ʼn radius van twee kilometer, alhoewel ons baie beïndruk is met 100% resultate tot op 'n radius van vyf kilometer. Die ligging van die plaas en die topografie (berge en dale, valleie en klowe) asook digtheid van die bosse speel 'n rol soos met enige radiosein. Met "line of sight" toets ons reeds op 10km maar dis bloot vir produksie-doeleindes. V : Wat gebeur as ek 'n spruit/rivier het 'n kilometer weg van my basisstasie, met ander woorde daar is kanse dat 'n dooie kol/gat vorm? A : Daar is 'n moontlikheid dat jy met 'n dooie kol sit, maar weet dat jou vee weer daar moet uit. Sou 'n alarm geaktiveer word in so dooie kol, sal dieselfde alarm wel die basisstasie bereik sodra die spesifieke nekband weer die dooie kol verlaat. Sou dit nie gebeur nie, sal die basisstasie 'n fout rapporteer as die spesifieke nekband nie na afloop van tyd aan jou basisstasie rapporteer en registreer nie. Dus, in beide gevalle sal jy in kennis gestel word van potensiële probleme. V : Moet daar meer as een stuks vee versteur word voordat die alarm geaktiveer word? A : Nee. Jy kan die stel hoe jy die alarms wil ontvang. Verkieslik moet meer as een stuks vee versteur word, bloot om onnodige en lastige vals alarms uit te skakel. Jy kan dit egter per stuks vee of per trop verstel na gelang van unieke omstandighede. Jy kan byvoorbeeld kies dat daar in die trop wat ver weg van my huis loop, vier van die dertig beeste met nekbande ʼn hoë aktiwiteit moet toon, terwyl in jou ander trop wat naby die huis loop (met al jou duur stoetbeeste in) slegs twee beeste se eenhede saam moet reageer voordat jy ʼn alarm kry. En dis verstelbaar nes jy wil wanneer jy wil.

4 Die Basisstasie V : Wat is die basisstasie en waaruit bestaan dit? A : Die basisstasie is die brein van die hele stelsel: hy kontroleer, reguleer en kommunikeer met elke nekband. Hy toets dus ook of elke nekband steeds werk. Die basisstasie bestaan uit 'n 6V sonpaneel, 'n GPS, 'n selfoon-komponent met sy eie SIM-kaart, 'n aktiwiteitsensor, 'n waterdigte en skokbestande verwerker (die brein), en 'n antenna. Al hierdie is saam gemonteer vir maklike installasie. V : So het ek batterykrag of elektrisiteit nodig vir die basisstasie? A : Nee. Die sonpaneel verskaf en stoor genoegsame krag om drie dae te hou selfs al is daar baie swak lig. Die beskikbare krag word ook gemonitor sodat jy in kennis gestel sal word sou daar 'n probleem wees. V : Hoe hoog moet ek die basisstasie installeer? A : Ons aanbeveling is dat jy die basisstasie tussen 8m en 12m hoog installeer, afhangende van die topografie (klowe, spruite, randte, ens.) van jou plaas. Ons het kliënte met tot 18m torings, maar dis uitsonderlik. V : Rig Agri-Alert die torings op? A : Nee. Die oprigting van enige struktuur, paal of toring bly die verantwoordelikheid van die plaaseienaar. Ons lewer wel advies oor die torings. Ons kan ook help met die installasie van die basisstasie op die toring. V : Wat maak die installasie van die basisstasie ingewikkeld/moeilik, veral as die toring/paal reeds gereed staan? A : Die sonpaneel moet noord front, alles moet stewig vas wees en die lugdraad moet netjies vas wees sodat die wind dit nie onnodig kan ruk nie. Dit hoef nie moeilik te wees nie; dit kan so maklik wees soos om twee "u-bolts" vas te maak. V : Moet ek die basisstasie verseker? A : Jy moet verkieslik versekering op die basisstasie hê, veral teen weerligskade en diefstal. V : Soek al wat 'n skelm is nie daai sonpaneel nie? A : Dit is 'n 6V sonpaneel, so dis nie geskik vir normale gebruik soos die meer gewilde 12V sonpaneel nie.

5 V : Met die basisstasie wat ook 'n aktiwiteit-sensor in het, sal ek mos weet as iemand aan my basisstasie peuter? A : Korrek: abnormale beweging word opgetel, met ander woorde enige versteuring soos storms of 'n skelm klimmer sal ook 'n alarm aktiveer. V : Is dit hierdie basisstasie wat wel binne selfoonopvangs / selfoonsein opgerig moet word? A : Ja. Die basisstasie maak gebruik van die selfoon netwerk (GSM) om boodskappe en alarms deur te gee na vyf selfoon- of landlyn nommers. V : Word die basisstasie ook na twee jaar gratis vervang deur Agri-Alert? A : Nee. Die basisstasie hoef nie vervang te word nie, maar ons doen wel elke twee jaar gratis opgradering van sagteware van alle basisstasies. Die GPS-bande met eie aktiwiteit-sensors V : Kan ek nou my plaasgrense op 'n nekband programmeer? A : Ja, en meer as dit. Plaasgrense sowel as spesifieke kampe binne-in die plaas kan nou vooraf opgestel word per individuele GPS-band. Sommige gebruikers plaas die GPS-grens 'n paar meter buite die fisiese grensdraad om te verseker dit is nie bloot 'n geval van 'n dier wat aan die ander kant van die draad wei, of bloot teen 'n draad skuur nie. In ander gevalle, soos met ons Lesotho-grens boere, verkies hul die GPS grens 'n hele paar meter binne die fisieke draad grense, sodat redelike reaksie tyd ingeruim word in die geval van vee wat op pad Lesotho-grens toe is. V : Kan die GPS-bande ook dieselfde aktiwiteite optel en monitor soos wel die geval is van 'n normale aktiwiteit-sensor? A : Absoluut ja. Die GPS-bande is 'n kombinasie van die hoogste kwaliteit GPS-tegnologie beskikbaar, asook die normale tegnologie vir aktiwiteit-monitering. Dus kry jy nie net 'n veel dieper GPSfunksionaliteit nie, maar ook dubbel die funksionaliteit met baie goeie samewerking tussen die twee. V : Sal ek dus ook aktiwiteit-alarms van 'n GPS-band kry? A : Korrek. Al sou die GPS-band NIE die vooraf opgestelde grens breek NIE, sal hy reageer en ook 'n GPS lesing neem sodra hy abnormale hoë aktiwiteit of abnormale lae aktiwiteit optel.

6 V : Kan ek deur die loop van enige dag kyk of uitvind waar my GPS-bande hul wel bevind? A : Beslis. As van die sagteware op 'n rekenaar gebruik gemaak word, sal elke gebruiker sy eie GPSbande op 'n kaart te siene kan kry. Jy kan dus ook met een oogopslag kan vasstel of jou vee wel binne enige grense en kampe is. Agri-Alert het verder gegaan en stel elke gebruiker in staat om per SMS 'n posisie aan te vra vanaf 'n selfoon, waarna 'n GPS-koördinaat na die gebruiker toe gestuur word. Baie selfone kan ook deesdae koppel met die Internet, so 'n skakel("link") kan gevolg word wat jou reeds 'n kaart op jou foon ook kan gee. V : Geld dieselfde tweejaar-waarborg met dieselfde topklas dienslewering en vervanging van bande op die GPS nekbande ook? A : Absoluut. Steeds dieselfde, volledige tweejaar-waarborg geld op alle GPS-bande, en ons vervang ook alle GPS nekbande na afloop van twee jaar sonder dat dit die gebruiker 'n verdere sent kos.