HANDLEIDING BY DIE SKRYF VAN N NAVORSINGSVERSLAG VIR DIE GRAAD LL B IN DIE FAKULTEIT REGTE (POTCHEFSTROOMKAMPUS) VAN DIE NOORDWES-UNIVERSITEIT

Transcriptie

1 HANDLEIDING BY DIE SKRYF VAN N NAVORSINGSVERSLAG VIR DIE GRAAD LL B IN DIE FAKULTEIT REGTE (POTCHEFSTROOMKAMPUS) VAN DIE NOORDWES-UNIVERSITEIT Hersien deur Dr F Schutte (2008)

2 FAKULTEIT REGTE REGISTRASIE BY DIE FAKULTEIT REGTE NAVORSINGSVERSLAG (LLBR 425) Faks asseblief hierdie dokument aan Die sekretaresse: Onderrig: Maak asseblief seker dat u ook by Administrasie vir die module LLBR 425 geregistreer is: Tel (018) Leerder (Van en Voorletters): Studentenommer: Kontaknommer: Faks: E-pos: Vakgebied (bv: Arbeidsreg):... VOORGESTELDE ONDERWERP VIR DIE NAVORSINGSVERSLAG: Naam van studieleier: HANDTEKENING (Leerder) Datum HANDTEKENING (Studieleier) Datum HANDTEKENING (Direkteur: Onderrig) Datum 2

3 A. VEREISTES MET BETREKKING TOT NAVORSINGSVERSLAE 1. Belangrike datums (2008) Let asseblief op die volgende belangrike datums in 2008 met betrekking tot die navorsingsverslag. Die datums is die laaste datums waarop die bepaalde voorlegging gedoen moet word. 22/02/2008 Registrasie by die Fakulteit Regte (die vorm verskyn op die vorige bladsy) 20/03/2008 Navorsingsvoorstel 16/05/2008 Eerste konsep 1/08/2008 Tweede konsep 6/10/2008 Indieningsdatum 21/11/2008 Tweede indiening 2. Formele vereistes 2.1 Ingevolge Reël R2.5.2 in die Jaarboek van die Fakulteit Regte is die suksesvolle voltooiing van n navorsingsverslag / skripsie n vereiste vir die toekenning van die graad LL B. 2.2 Navorsingsverslae word in die laaste semester van LL B studie ingedien en geëksamineer. 2.3 Studente mag die navorsingsverslag in enige van die vakke in die LL B- kurrikulum doen of in n kombinasie van vakke en vakgebiede. 2.4 Die studieleier vir die navorsingsverslag hoef nie die dosent te wees wat die module aanbied nie. Studente moet dus n studieleier op grond van persoonlike voorkeur kies, maar moet in gedagte hou dat die Fakulteit in die finale plek besluit wie die studieleier is. Voorkeure word wel in ag geneem. 3

4 2.5 Die punt vir die navorsingsverslag is n afsonderlike punt op die student se akademiese rekord en vervang dus nie die eksamenpunt vir enige module nie. 2.6 Soos alle skriftelike werk in die Fakulteit Regte moet navorsingsverslae voldoen aan die vereistes in hierdie handleiding en die stylvereistes wat hierin uiteengesit word. (Sien Reël R2.5.2(ii).) 3. Evaluering 3.1 Navorsingsverslae word deur die studieleier en een ander eksaminator geëksamineer. Die twee eksaminatore ken elkeen n afsonderlike punt vir die navorsingsverslag toe. 3.2 Die gemiddeld van die punte wat deur die twee eksaminatore toegeken word, is die finale punt vir die navorsingsverslag. Beide eksaminatore moet die evalueringsvorm met die finale punt van die student onderteken. 3.3 Die navorsingsverslag word nagesien op grond van die kriteria in die Evaluering van Navorsingsverslag. n Afskrif hiervan is as Bylae A by hierdie handleiding aangeheg. 3.4 Indien die student die skripsie druip, kan hy/sy na betaling van die voorgeskrewe gelde soos hier onder genoem, die verslag weer voor of op 21 November indien vir 'n tweede eksaminering. Indien die student dan steeds nie slaag nie, moet daar weer in 2009 vir die navorsingsverslag geregistreer word. 3.5 Indien 'n student nie slaag nie of nie 'n onderskeiding behaal nie en hy/sy slegs enkele kleiner wysigings hoef aan te bring om te slaag of 'n onderskeidingspunt te verdien, kan die navorsingsverslag na die student terugverwys word sodat hy die geleentheid gegee word om regstellings aan te bring en op 'n ooreengekome datum weer in te handig. In hierdie geval sal dit nie as 'n tweede eksaminering beskou word nie. 4. Registrasie en indiening 4

5 4.1 Studente moet aan die begin van die jaar waarin hulle beplan om hulle LL B studies te voltooi, daarvoor registreer by die Fakulteit Regte. Die laaste datum vir registrasie word in die program hierbo aangedui. 4.2 Studente word aan 'n spesifieke dosent toegedeel en moet 'n afspraak maak met die betrokke dosent onder wie se leiding hulle die navorsingsverslag gaan skryf. Indien goedkeuring verleen word, moet die voorlopige titel op die voorgeskrewe vorm geregistreer word. Dit moet by die kantoor van die Sekretaresse Direkteur Onderrig, Ou Hoofgebou, Kamer G26 ingedien word. 4.3 Navorsingsverslae moet onder die deurlopende leiding van die studieleier geskryf word. Studente moet dus hulle studieleiers op n gereelde grondslag spreek of skakel. Die program wat in paragraaf 1 uiteengesit word, dui aan op watter datums die eerste en tweede konsep van die navorsingsverslag ingedien moet word. Die student mag die studieleier natuurlik ook op ander stadiums om leiding nader. Die eerste en tweede konsepte moet by die kantoor van die Sekretaresse Direkteur Onderrig, Ou Hoofgebou, Kamer G26 ingedien word. 4.4 Die laaste datum vir die finale indiening van navorsingsverslae word jaarliks deur die Direkteur: Onderrig bepaal en in die rooster aangedui. Studente moet by hierdie datum hou. Geen kondonasie vir laat indiening sal toegestaan word nie. Let daarop dat die studieleier geen uitstel mag verleen nie. 4.5 n Student wat nie die navorsingsverslag op die laaste datum (6 Oktober 2008) indien nie, mag dit nog voor of op 21 November 2008 indien. Indiening van die navorsingsverslag op hierdie datum word as indiening vir die tweede eksamengeleentheid beskou. Studente moet die gelde vir hierdie tweede geleentheid betaal soos van tyd tot tyd deur die Universiteit vasgestel. Indien die student die navorsingsverslag nie op 21 November indien nie, of indien hy/sy wel indien maar nie slaag nie, moet hy/sy die volgende jaar van voor af registreer en kan die navorsingsverslag dan eers in daardie jaar afhandel en indien. 5

6 4.6 n Navorsingsverslag mag nie sonder die studieleier se toestemming ingedien word nie. 4.7 Let daarop dat navorsingsverslae nie direk by die dosent ingedien word nie. Studente moet twee ingebonde eksemplare van die navorsingsverslag by die kantoor van die Sekretaresse: Onderrig, Ou Hoofgebou, Kamer G26 indien. Die verslag moet voorts per e-pos versend word aan Saritha.Marais@nwu.ac.za. 5. Die verpligtinge van die student n Student moet: 5.1 Die navorsingsverslag voor die laaste datum vir registrasie op die voorgeskrewe manier by die studieleier registreer. Die voorgeskrewe vorm is by die Fakulteitsbeampte van die Fakulteit Regte in die Joon van Rooygebou verkrygbaar en is vir TL-studente ook in die Inligtingsgids beskikbaar. Comment [EM1]: Ek kon ongelukkig nie betyds uitvind wat dit in Afr is nie. Vervang asb met korrekte Afrikaanse afkorting. 5.2 Die ingevulde vorm voor die laaste datum aan die studieleier voorlê wat dit aan die Direkteur Onderrig sal deurstuur. 5.3 Die vereistes vir n navorsingsvoorstel is as Bylae B by die Handleiding aangeheg. 5.4 Die navorsingsverslag onder leiding van n studieleier voltooi. 5.5 Dele van die navorsingsverslag op die datums soos gereël by die studieleier vir kontrole indien. 5.6 Sorg dat die navorsingsverslag aan die Fakulteit se stylvereistes voldoen en dit voor die finale datum indien. 5.7 Sorg dat die navorsingsverslag sy / haar eie werk is. Die student moet n plegtige verklaring indien dat die navorsingsverslag sy / haar eie werk is. ( n Afskrif van hierdie verklaring is as Bylae D hierby aangeheg.) Indien n student werk afskryf (uit boeke of regstreeks van die Internet af sonder 6

7 enige aanduiding dat dit n aanhaling is) en dit as sy / haar eie aanbied, pleeg hy / sy plagiaat. Hierdie tipe optrede sal tot dissiplinêre stappe lei. Dit is die student se verantwoordelikheid om die registrasievorm in te vul en die navorsingsverslag betyds in te dien in ooreenstemming met die voorgeskrewe vereistes en prosedures. Indien die studieleier tydens die studietydperk afwesig is, moet die student alternatiewe reëlings tref. 7

8 6. Studieleier se verpligtinge Die studieleier moet: 6.1 Volledige rekords hou van studente wat vir n navorsingsverslag registreer, sowel as van alle kontroles van dele van navorsingsverslae en die indiening en eksaminering daarvan. n Studieleier hoef nie die dosent te wees wat die kursus aangebied het waarin die navorsingsverslag gedoen word nie. 6.2 Wanneer studente aanmeld om te registreer, toesien dat die voorgeskrewe vorm ingevul is en dat die (voorlopige) navorsingsvoorstel en bibliografie daarby aangeheg is. 6.3 Indien hy / sy tevrede is met die onderwerp en gepaardgaande voorstel, die registrasievorm onderteken en n afskrif daarvan aan die Sekretaresse: Onderrig, Ou Hoofgebou, Kamer G26, stuur. Studieleiers is nie verplig om meer registrasies vir navorsingsverslae as hulle kwota te aanvaar nie, soos jaarliks deur die Fakulteit bepaal. 6.4 Aan die vereistes met betrekking tot leiding aan studente, indiening en evaluering van navorsingsverslae voldoen, sowel as ander formele vereistes en prosedures nakom. Geen studieleier mag enige navorsingsverslag na die finale datum aanvaar nie. 6.5 Geen student toelaat om na die vasgestelde datums vir n navorsingsverslag te registreer of n navorsingsverslag in te dien nie. 6.6 Hom / haar van tyd tot tyd vergewis dat die student bevredigend vorder en deurlopend aan die navorsingsverslag werk. 6.7 Toesien dat goeie navorsingsverslae vir die navorsingsverslagprys ingedien en vir moontlike publikasie in regstydskrifte aangepas word. 6.8 n Dosent mag weier om in n bepaalde jaar meer studente as sy/haar vasgestelde kwota vir navorsingsverslae te registreer. Hierdie kwota word jaarliks deur die Fakulteit bepaal. 8

9 7. Vorm- en stylvereistes 7.1 Soos in die geval van alle geskrewe werk in die Fakulteit is die stylvereistes soos van tyd tot tyd deur die Fakulteit bepaal, van toepassing. Die huidige stylvereistes verskyn op die Fakulteit se webwerf by Studente moet hierdie vereistes nakom aangesien nie-nakoming gepenaliseer word. (Sien Bylae A oor die rol wat stylvereistes by die evaluering van die navorsingsverslag speel.) 7.2 Navorsingsverslae moet getik en ingebind wees. Dit hoef nie in harde band ingebind te wees nie en ringinbinding is aanvaarbaar. 7.3 Die navorsingsverslag moet n titelblad hê waarop die goedgekeurde titel van die navorsingsverslag, die naam en studentenommer van die skrywer, die kode waaronder die navorsingsverslag geregistreer is, die naam van die studieleier, die jaar en die volgende frase verskyn: Navorsingsverslag ter gedeeltelike voldoening aan die vereistes vir die graad LL B aan die Potchefstroomkampus van die Noordwes- Universiteit ( n Voorbeeld van so n titelblad is as Bylae D by hierdie Handleiding aangeheg. Die student mag besluit hoe die voorblad moet lyk, maar dit moet die titel van die navorsingsverslag bevat.) 7.4 Die riglyn vir die lengte van die navorsingsverslag is woorde getik op A4-bladsye in 1,5-spasiëring en 12-punt-lettergrootte. Kantlyne moet soos volg gestel word: Boonste Onderste Linkerkantste Regterkantste Slootjie ( gutter ) 2,54 cm 2,54 cm 3,67 cm 3,17 cm 0,5 cm Voetnotas moet egter in enkelspasiëring en 10-punt-lettergrootte sonder spasies tussen voetnotas wees. 9

10 10

11 BYLAE A Fakulteit Regte ASSESERINGSBLAD VIR NAVORSINGSVERSLAG (LLBR 425) Student (Van en voorletters):... Studentenommer: Navorsingsverslag Kriteria % Toegeken Gewig Waarde Keuse van materiaal 0,05 Integrasie van materiaal 0,3 Oorspronklikheid en standaard van navorsing 0,3 Taalgebruik en formulering 0,15 Bibliografiese styl 0,1 Uitleg en aanbieding 0,1 TOTAAL: Punt van die eerste eksaminator: Punt van die tweede eksaminator: Handtekening: Eksaminator 1 Handtekening: Eksaminator 2 *Let wel: Die persentasie wat vir elke kriterium toegeken word, word met die gewig daarvan vermenigvuldig om by die waarde uit te kom. 11

12 BYLAE B RIGLYNE EN RAAMWERK VIR DIE SKRYF VAN NAVORSINGSVOORSTELLE VIR NAVORSINGSVERSLAE, VERHANDELINGS EN PROEFSKRIFTE Die belangrikste punte wat by die motivering vir n navorsingsverslag verwag word, is: 1. Die titel 2. Probleemstelling 3. Uitgangspunte, aannames en hipoteses 4. Die raamwerk van die navorsingsverslag, proefskrif of verhandeling 5. Beraamde tydskaal 6. Beskrywing van die navorsingsmetodes wat gebruik gaan word 7. Voorbereidende studie en navorsing Hierdie punte word hieronder in besonderhede bespreek. By die formulering van n navorsingsprojek moet daar in gedagte gehou word dat die besluitnemende lesers daarvan moontlik nie kundiges in die betrokke vakrigting is nie of nie baie oor die bepaalde probleem nagedink het nie. Die leser moet dus soveel inligting moontlik kry, op die mees verstaanbare en oortuigende manier aangebied, terwyl dit so min ruimte moontlik in beslag moet neem. Lang, woordryke, tegniese en geleerde motiverings bevorder nie hierdie doel nie. Hieruit blyk dit dat selfs voor n student op n tema besluit en die motivering vir die projek skryf, hy /sy heelwat studie moet doen en oor die saak nadink. Gewoonlik moes die student reeds heelwat navorsing gedoen het. Die student moet reeds by die skryf van die navorsingsvoorstel aan die vereistes van die huisstyl van die Fakulteit voldoen. Voetnotas mag nie in die navorsingsvoorstel gebruik word nie. Die lengte van die voorstel moet, in die geval van n verhandeling vir n gestruktureerde LL M, ongeveer drie maklik leesbare, getikte bladsye wees, in die geval van n verhandeling vir n navorsing-ll M vier bladsye en in die geval van n proefskrif, vyf bladsye. 12

13 1. Voorgestelde titel Die titel van n navorsingsverslag, verhandeling of proefskrif moet n gekonsentreerde weerspieëling van die navorsingstema wees. n Goed geformuleerde titel moet aan die volgende vereistes voldoen: 1.1 Dit moet kort en bondig wees: die titel van die projek is nie die plek vir uitgebreide verduidelikings van die omvang en beperkings waarop besluit is nie; subtitels soos " met spesifieke verwysing na " is onvanpas; wanneer n titel uitgedink moet word, help dit dikwels om te dink aan die beperkte ruimte wat agterop n boek beskikbaar is. 1.2 Dit moet so insiggewend moontlik wees: dit beteken dat die titel minstens moet meld met watter terrein (en waar van toepassing, met watter vakrigting) die projek te doen het. Ideaal gesien moet die titel ook die aard van die probleem waaroor die projek handel, meld. 1.3 Dit moet eerlik en realisties wees: anders gestel, die titel moet deur die inhoud bevestig word. Die titel moenie die indruk skep dat daar meer van die navorsingsverslag verwag kan word as wat wel daarin gevind sal word nie. 1.4 Dit moet taalkundig suiwer wees en die spelling moet onverbeterlik wees. 2. Die probleemstelling Die doel van navorsing is om vrae waarop wetenskaplike antwoorde verskaf kan word, op n wetenskaplike manier te beantwoord. Voor daar met die navorsing begin kan word, moet die vraagstuk of probleem wat ondersoek gaan word, deeglik oorweeg en duidelik afgebaken en verduidelik word. Voor die probleemstelling in n kompakte vorm geformuleer kan word, moet n verduidelikende uiteensetting gegee word. Eerstens moet daar gronde aangevoer word vir die siening dat die vraagstuk inderdaad n wetenskaplike probleem is en tweedens dat dit die moeite werd is om daaroor navorsing te doen en dat dit n vraagstuk is wat opgelos behoort te word. Die formulering van die probleemstelling moet die leser oortuig dat die projek onderneem moet word. By die formulering van die probleem moet daar in gedagte gehou word dat dit deur die hele projek as riglyn vir die navorsing moet dien. Dit stel die volgende eise aan die formulering van die probleemstelling die omvang van die vraag of probleem moet geskik wees vir die voorgestelde projek: die probleemstelling bepaal die parameters waarbinne die projek uitgevoer sal word; 2.2 dit moet moontlik wees om die probleem op te los: alhoewel daar nie op die tydstip waarop die navorser die probleemstelling formuleer, van hom / haar verwag kan word om te weet wat die gevolgtrekkings gaan wees nie, moet die navorser reeds genoeg weet om oortuig te wees dat dit n lewensvatbare projek is; 2.3 dit moet verstaanbaar wees: die probleemstelling moet met voldoende duidelikheid geskets word sodat die navorser nie in die loop van die projek begin wonder wat hy / sy nou eintlik onderneem het nie en tweedens sodat iemand wat die probleemstelling lees, nie enigsins hoef te twyfel in watter rigting die projek gaan beweeg nie. 13

14 Aan die einde van die uiteensetting van die probleemstelling word die wese daarvan in een sin uiteengesit, dikwels in die vorm van n vraag. 3. Uitgangspunte, aannames en hipoteses Geen navorsing of wetenskaplike aktiwiteit word neutraal in n lugleegte gedoen nie. Die uitgangspunte, aannames en hipoteses van n navorsingsprojek moet daarom ook in die probleemstelling gefundeer word. Vir suksesvolle navorsing is dit belangrik om die uitgangspunte wat op die projek betrekking het, te sistematiseer en te formuleer. Die waarde van die bewustelike formulering van die uitgangspunt lê in die feit dat dit n konsekwentheidstoets deur die loop van die navorsing verskaf en dat dit rigting gee waar basiese wetenskaplike (veral teoretiese) keuses gedoen moet word. Om die afbakening van die projek te vergemaklik, maar veral ook om dit moontlik te maak om wesenlike besluite oor die rigting en omvang daarvan te neem, is dit dikwels nodig om sekere aannames te maak. Gewoonlik behels die maak van n aanname dat n sekere toedrag van sake as n gegewe aanvaar word. Die aannames moet na deeglike oorweging gemaak word. Dit kan gebruik word om die navorser te bevry van die las om omvattende bykomende bewyse voor te lê, om sommige parallelle navorsingsterreine van die werk uit te sluit, om die gebruik van vorige navorsingsresultate en die formulering van hipoteses as gegewes moontlik te maak, ens. n Hipotese is n onbewese stelling waarvan die waarheid voorlopig aanvaar word, maar met die oog daarop om dit aan wetenskaplike analise te onderwerp om die waarheid daarvan te bepaal. Alhoewel n hipotese nie met n gevolgtrekking of n navorsingsresultaat verwar moet word nie, is dit aan die ander kant ook nie n wilde raaiskoot of wat die Amerikaners noem n hunch nie. n Hipotese word gevorm op grond van bestaande kennis en rasionele antisipasie van die antwoorde wat op die navorsingsprobleem verwag word. Die bedoeling is nie om die waarheid van die hipotese ten alle koste te bewys nie, maar om dit met wetenskaplike eerlikheid tot die uiterste te toets voor dit in n teorie ingesluit kan word of as n gevolgtrekking aanvaar of verwerp kan word. Die ontwikkeling van hipoteses vereis dus ook deeglike nadenke en noukeurige formulering. 4. Die raamwerk van die navorsingsverslag, proefskrif of verhandeling Dit is vanselfsprekend dat daar n inleidende hoofstuk moet wees waarin die uitgangspunte, hipoteses en beperkings byvoorbeeld behandel word, die keuse van die tema verduidelik word en waar die veld verken word. n Mens kan ook verwag dat die projek met n slothoofstuk sal afsluit wat byvoorbeeld slotopmerkings, die gevolgtrekkings van die navorsing en miskien aanbevelings sal bevat. Die liggaam van die navorsingsverslag, verhandeling of proefskrif verg egter die meeste beplanning. n Doeltreffende benadering om die raamwerk te beplan is om met die hoofitems te begin en dit na binne te verfyn. Die beplanning behels breedweg die oorweging van die volgende: 14

15 4.1 Hoe om inligting oor die navorsingsproses oortuigend aan die lesers oor te dra; 4.2 Die ontwerp van n behoorlik geordende oorsig oor die bronmateriaal wat gebruik is om die resultate te bereik; en 4.3 Hoe om die argumente wat op die ontwikkeling van die bevindings betrekking het, aan te bied Hierdie raamwerkontwikkelingsproses vereis oorspronklike, skeppende denke. Om meganies op voorbeelde van ander navorsingsvoorstelle staat te maak, word nie aanbeveel nie elke projek is uniek. Wanneer die hoofstukke gerangskik word, moet die lê van n soliede teoretiese grondslag, die verloop van die argument, die sinvolle samehang van vakgebiede en die logiese oorgang of voortsetting van een onderwerp na die volgende, in gedagte gehou word. Die navorsingsvoorstel moet minstens die titels van die hoofstukke bevat. Onder hierdie opskrif moet die navorser verder aandui binne watter navorsingsprojek van die fokusarea Ontwikkeling in die Suid-Afrikaanse Regstaat die studie val en hoe dit by die projek inpas. Die bedoeling is dat die navorsingsverslag, verhandeling of proefskrif as deel van die uitset van die betrokke fokusareaprojek aangebied moet word. Hierdie aangeleentheid moet vooraf met die toesighouer of promotor bespreek word. 5. Beraamde tydskaal Dit is noodsaaklik om al die toepaslike faktore met betrekking tot die navorsingsprojek in ag te neem wanneer die projek beplan word en om dan op n realistiese tyd vir afhandeling van die projek te besluit. n Nuttige manier om dit te doen is om eers op n realistiese afhandelingsdatum te besluit en dan tyd van daar af terugwerkend te begroot om te besluit wanneer elke afdeling of fase afgehandel sal word. Vir n gestruktureerde LL M-verhandeling behoort nie meer as een jaar nie, vir n navorsing-ll M-verhandeling behoort nie meer as twee jaar nie en vir n proefskrif behoort nie meer as drie jaar nie, begroot te word. 6. Beskrywing van die navorsingsmetodes wat gebruik gaan word Onder hierdie opskrif moet die metodes waarvolgens die navorsing gedoen sal word, bv vergelykend, histories, empiries, ens, uiteengesit word. Dit is bykans onvermydelik dat die navorsing grotendeels deur literatuurstudie gekenmerk sal word. Die aard van die stof (wetgewing, gewysdes, tydskrifmateriaal, monografieë en handboeke, elektroniese bronne, materiaal van ander vakrigtings, bronne in ander tale, ens) wat na verwagting die meeste nut vir die navorsing behoort te hê, kan ook hier aangedui word. Die voorgestelde metodologie moet geskik wees vir die oplossing van die probleemstelling. 7. Voorbereidende studie en navorsing 15

16 Die besonderhede van vorige akademiese prestasies en toepaslike ondervinding van die navorser word onder hierdie opskrif gegee. Daar kan verder ook n bondige beskrywing gegee word van die aard en omvang van die navorsing wat ter voorbereiding van die navorsingsvoorstel gedoen is. 16

17 BYLAE C PLEGTIGE VERKLARING Ek verklaar hiermee dat die navorsingsverslag getiteld wat ek hiermee in die module LLBR 425 ter gedeeltelike voldoening aan die vereistes vir die LL B-graad indien, my eie oorspronklike werk is, dat geen plagiaat daarin gepleeg is nie en dat dit nog nie by enige ander universiteit of deur enige ander persoon ingedien is nie. Handtekening van kandidaat: Universiteitsnommer: Onderteken te op hierdie dag van 20. Voor my afgelê op hierdie dag van 20. Kommissaris van Ede: 17

18 BYLAE D VOORBEELD VAN N TITELBLAD DIE UITLEG VAN DIE OMSKRYWING VAN HUURARBEIDERS IN DIE LIG VAN DIE GRONDHERVORMINGSPROSES IN SUID-AFRIKA Navorsingsverslag ter gedeeltelike voldoening aan die vereistes vir die graad LL B aan die Potchefstroomkampus van die Noordwes-Universiteit JF Pretorius Module: LLBR 425 Studieleier: Dr C Saayman