Begripstoets. Lees die leesstuk en antwoord dan die vrae in vol sinne.

Transcriptie

1

2 2 Lees die leesstuk en antwoord dan die vrae in vol sinne. My broer, Coenie, sit op die vloer. Hy het sy groen broek aan en hy is besig om sy deftige nuwe skoen aan te trek. Vanaand gaan hy en n groep maats snoek eet by Ocean Basket. Ek is sommer jaloers, want ek wil ook graag proe hoe snoek smaak. Toemaar, kleinsus! troos hy my toe. Ek sal vir jou n stukkie van die vis huis toe bring. Begripstoets 1. Waar sit Coenie? 2. Wat is hy besig om te doen? 3. Waar gaan Coenie gaan eet? 4. Saam met wie gaan Coenie uiteet? 5. Wie vertel vir ons die storie? 6. Hoekom is die storieverteller jaloers?

3 3 Zak, die sopnat kat. Zak die kat hou van stap. Hy stap en stap. Zak trap op n slak. Die slak gaan grtts onder sy poot. Hy skud sy poot heen en weer en voel nou skoon vies. O, gaats! n Plas water reg langs Zak. Pasop, Zak! Zak skud en skud sy poot hy kyk nie waar hy trap nie en daar beland hy pens en pootjies binne die vlak water. Die water spat in alle rigtings. Buks die hond blaf en blaf vir die snaakse papnat kat. Beantwoord die volgende vrae. 1. Hoekom was Zak vies? 2. Waarom het Zak in die water beland? 3. Wie het vir Zak geblaf?

4 4 n Vrydag in Zak se lewe Verlede Vrydag was n rowwe dag vir Zak die kat. Vroeg die Vrydag oggend het hy al sy stert in die venster vasgeknyp. Buks die hond wou met Zak speel, maar hy het hom sopnat gekwyl. Net toe Zak wou weg hardloop het hy op n kryt gegly wat Jan op die vloer vergeet het. Zak was sommer baie vies. Buite wou hy op sy gunsteling plek onder die roosboom gaan slaap, maar Kloek Kalkoen het hom gejaag. Hen-Pen het hom ook gejaag en het hom op sy neus gepik. Zak wou op San se bed gaan slaap, maar die wind het die deur in sy gesig toegeslaan. Toe was Zak sommer boos. Hy het onder die wit kas op die stoep ingekruip. Hy was so kwaad dat hy nie eers sy kos wou eet nie. San het hom onder die kas gesien en hom opgetel. Foeitog, Zak het San getroos.

5 5 Lees weer die storie en beantwoord dan die vrae! 1. Watter dag was dit? 2. Wat het vroeg oggend al met Zak gebeur? 3. Vir wie het Zak weggehardloop? 4. Waarop het Zak gegly? 5. Watter twee diere het hom gejaag toe h yonder die roosboom wou gaan slaap. 6. Wat het gebeur toe Zak op San se bed wou gaan slaap? 7. Waar het Zak toe gaan lê? 8. Wie het vir Zak jammer gekry? 9. Gee drie woorde wat hulle in die storie gebruik het, wat vertel dat Zak ontsteld was.

6 6 Winter is hier! n Seun en n ou vrou woon op n plaas, Wouterskraal, naby Knysna. Dit is winter en dit is baie, baie koud. Die winter het ons in sy kloue. sê die ou vrou vir die seun. Gaan haal asseblief, vir ons hout in die woud? Dan kan jy n vuur in die kaggel maak, sodat ons huisie warm kan word! sê die ou vrou weer. Trek net jou wolkouse, leerstewels en jas aan. Dan sal jy nie koud kry nie. Die seun loop en loop in die woud. Oral tel hy klein en groter stukke hout op. Die sak oor sy skouer is naderhand al swaar van al die hout. Sy hande is later al baie vuil. Sy voete is yskoud en hy voel skoon stokflou toe hy terug kom by die huis.

7 7 Hy maak toe vinnig n vuur in die kaggel om die koue te verjaag. Dit is baie beter! sê die vrou bly vir die seun. Gaan was jou hande gou, dan drink ons lekker warm sjokolade. Begripstoets 1. Waar woon die ou vrou en die seun? 2. Dink jy dat die ou vrou en die seun ryk of arm mense is? Ek dink hulle is (ryk/arm), want.. 3. Wat moes die seun in die woud gaan haal? 4. Hoekom moes die seun eers warm aantrek? 5. Wat wou die ou vrou hê die seun moes met die hout maak? 6. Waarin het die seun die hout gedra? 7. Wat het die ou vrou en die seun gedrink nadat hy sy hande gaan was het? 8. Hoekom dink jy moet jy jou hande was, voor jy eet of drink?

8 8 Lees die gedig en leer die alfabet! A..b..c..d Kom ons gaan hou vakansie by die see. e.f..g.. Pappa sê: O nee! h..i..j. Ousus lag verleë k..l m.. Pa dink hy gaan ons tem. n.o..p.. Mamma bring vir hom koek en tee. q.r..s t.. Ek en Sus gaan hom n druksoen gee. u.v..w.. Hy begin so effentjies toegee. x.y.z Hoera! Ons wen die stryd net-net.

9 9 Stillees oefening Boeglam geskrik Strepies is Jan se mak bobbejaan, en Zak sy kat. Vandag is Strepies daarop uit om skoor te soek. Hy hou daarvan om vir Zak te pla. Wat steek daar agter die boom uit? Aha! Dit is Zak die kat se stert. Strepies is baie bly. Vandag gaan ek Zak se stert gryp, dink hy. Versigtig sluip Strepies al hoe nader aan die boom, want Zak kan baie goed hoor en hy wil nie hê Zak moet hom hoor nie. Treetjie vir treetjie sluip hy nader. Hup, spring Strepies en gryp Zak se stert. Maar o wee! Dit is dan nie Zak se stert nie, dit is n slang! Strepies skreeu benoud, en val op sy rug. Hy spring op en hardloop weg. Hy het nie weer probeer om Zak se stert te vang nie. Hy en Zak het groot maats geword.

10 10 Beantwoord die volgende vrae met volledige sinne. 1. Is Zak, Jan se hond? Nee, 2. Is Strepies n slang? Nee, 3. Hou Zak daarvan om Strepies te pla? Nee, 4. Steek Zak se poot agter die boom uit? Nee, 5. Wil Strepies Zak se poot gryp? Nee, 6. Is dit Zak se stert wat Strepies gryp? Nee,

11 11 Hen-Pen raak weg. Ben! roep sy ma. Jy moet vir Hen-Pen gaan soek. Sy is al lank weg! Ben is sommer smoorkwaad vir Hen-Pen. Spoorloos weg! Ben is nie lus om vir Hen-Pen te gaan soek nie. Hy loop en brom en kla, maar hy gaan trek sy bruin broek en stewels aan. Hy sit sy bril op en begin vir Hen-Pen soek. Buks die hond loop saam met Ben. Hy soek ook vir Hen-Pen. Ben soek agter die skuur. Hy gaan soek onder die groot boom in die tuin, maar hy kry vir Hen-Pen nêrens nie. Hy loop oor die brug wat pappa oor die stroompie gebou het. Ben soek en soek. Buks soek en snuffel agter elke bos. Buks begin skielik opgewonde te blaf. Jippie! skree Ben. Buks, jy is baie oulik! Jy het vir Hen-Pen gekry! prys Ben vir Buks.

12 12 Buks waai sy stert en is baie bly. Ben probeer vir Hen-Pen optel om haar huis toe te neem, maar Hen-Pen raas en kloek hard. Sy klap haar vlerke en maak n verskriklike lawaai. Ben staan weg en wonder wat vandag met Hen- Pen aan die gang is. Toe sien Ben die klein kuikentjies, in n nes onder die bos. Hy tel een, twee, drie, vier, vyf, ses, sewe, agt klein kuikentjies. Hen-Pen is baie trots op haar kleingoed! Ben is bly en hardloop vinnig huis toe om vir ma die goeie nuus te gaan vertel. Begripstoets Skryf die antwoorde in jou werkboek. a) Vertel die storie oor in jou eie woorde. b) Dink jy Ben wou vir Hen-Pen gaan soek het? Hoekom dink jy so? c) Wat het Ben aangetrek om vir Hen-Pen te gaan soek? d) Wie loop saam om vir Hen-Pen te soek?

13 13 e) Noem twee plekke waar Ben orals gesoek het? f) Wie het op die ou end vir Hen-Pen gekry? g) Hoekom het Hen-Pen geraas en gekloek toe Ben haar wou optel? h) Hoeveel kuikentjie was daar in die nes? i) Vir wie wou Ben die goeie nuus gaan vertel? Tant Miem en Mietjie tier. Jan en San kuier by Tant Miem op Tiersvlei. Tant Miem is baie lief vir diere en op die plaas is daar n spesiale kamp vir siek wilde diere. Haar man, oom Piet is n veearts en hy werk op n wildsplaas. Vandag is Tant Miem baie opgewonde. Oom Piet het n klein tier welpie huis toe gebring. Oom Piet het die welpie alleen en honger in die veld gekry. Hy vermoed dat n wilddief haar mamma gesteel het.

14 14 Die klein welpie is baie swak en siek. Tannie Miem en oom Piet versorg die klein welpie baie goed. Oom Piet maak spesiale melk aan en Tant Miem voer die welpie met n baba bottel. Die welpie begin gulsig te suig. Almal is bly, nou sal die welpie gou gesond word. Tant Miem doop die welpie, Mietjie. Daardie aand laat gesels Jan en San nog oor die klein welpie. BEGRIPSVRAE (BEANTWOORD AL DIE VRAE IN JOU WERKBOEK.) 1. By wie kuier Jan en San? 2. Wat is Tant Miem se plaas se naam? 3. Watter soort werk doen oom Piet? 4. Wat dink oom Piet het van die klein welpie se mamma geword? 5. Hoe weet hulle dat die welpie gesond sal word?

15 15 Op soek na die klein groen boek. Mamma soek en soek. Pappa soek en soek. Hulle soek mamma se klein groen boek. Mamma soek in elke hoek van die huis. Pappa roep: Jan! San! Help asseblief soek na mamma se klein groen boek. Jan soek! San soek! Zak slaap, hy soek nie na mamma se boek nie. Almal voel moeg en moedeloos gesoek. Mamma gooi vir hulle lekker koeldrank in n glas. Buks spring op en af. Ag nee, Buks. Hou nou op met woel! raas mamma. Gaan na jou hok! Buks luister nie. Mamma raak kwaad vir Buks. Sy vat Buks na sy hok. En wat lê daar in sy hok? Mamma se klein groen boek. Mamma lag en sê: Woef wou seker ook koek gebak het! Begripsvrae (Beantwoord die vrae in jou werkboek.) 1. Wie soek almal vir die klein groen boek? 2. Wie soek nie na mamma se boek nie?

16 16 3. Aan wie behoort die klein groen boek? 4. Waar was die boek die hele tyd? 5. Kan jy sê watter soort boek dit is wat mamma gesoek het? 6. Skryf die sin in die storie neer wat vir ons n leidraad gee oor watter soort boek mamma soek. OUMA EN DIE OU KOOLSTOOF Ouma is lief om te bak en te brou. Sy kook nog op n ou koolstoof. Oupa wou al lankal vir haar n elektriese stoof koop, maar sy sê, sy weet nie hoe om met die nuwerwetse goed oor die weg te kom nie.

17 17 Vandag wil sy n lekker skaapboud maak vir middagete. Sy gooi sout oor die boud en maak n lekker sous. Nou moet die boud in die oond. Ouma haal hout uit die houtkis. Sy sit die fyn houtjies onder in die stoof en die groot stompe bo-op. Sy steek die klein houtjies aan die brand, maar vandag is hier groot fout. Die stoof wil nie warm word nie. Die hout wil nie brand nie. Die koolstoof bly koud. Ou man! roep sy oupa benoud. Kom help tog gou! Anders bly die skaapboud rou! Oupa kom vinnig nader. Gou-gou brand die hout en is die stoof warm. Nou sal die kos gou gaar word! sê ouma. Ek is bly! sê oupa Dan gaan ons lekker kou!

18 18 BEGRIPSTOETS (Beantwoord die vrae in volsinne.) 1. Waarop kook ouma nog haar kos? 2. Wat wil ouma gaarmaak? 3. Hoekom sit ouma fyn houtjies onder die groot houtstompe? 4. Wie het ouma geroep toe die stoof nie wou warm word nie? 5. Watter ander kos kan ouma nog saam met die skaapboud gaarmaak? n Telefoon gesprek (Dialoog) Ouma is nog besig met middagete en oupa skil die aartappels. Ouma wil nog braai aartappels maak saam met soetpatats en die

19 19 groenbone. Die telefoon begin te lui! Trieng Trieng Trieng Ouma: Piet, tel jy sommer op dit is seker die kinders. Oupa stap na die telefoon en tel die gehoorstuk op. Oupa: Mnr. Piet Bester. Goeiemôre. Jan: Môre oupa. Hoe gaan dit met oupa? Oupa: Dit gaan goed met ons, Jan. Ouma is nog besig met middagete. Hoe laat gaan julle hier wees? Jan: Oupa, dit is hoekom ek bel. Ma sê ons gaan so bietjie laat wees. Vanoggend is daar n nuwe verskalf gebore en pa kyk net of alles reg is. Oupa: Ag, dit is goeie nuus. Jan: Ja, oupa. Dit is n baie mooi kalfie. Ons sien oupa-hulle dan later. Totsiens, oupa! Oupa: Totsiens, Jan!

20 20 BEGRIPSVRAE 1. Wie gaan vir ouma en oupa kom kuier? 2. Wat maak ouma saam met die skaapboud vir middagete? 3. Waarmee is oupa besig toe die telefoon lui? 4. Hoekom gaan Jan-hulle laat wees? MANIE MUIS KUIER BY OUPA. Manie kuier by oupa op die plaas. Hy gaan vir n hele week by oupa kuier. Oupa woon in n huisie tussen die wortels van n struik.

21 21 Manie sit en wag vir oupa wat vir hulle ontbyt gaan haal het. Skielik storm oupa die huisie binne met n groot tros pers druiwe in sy voorpote. Hy is skoon uitasem. Sjoe! sê oupa benoud. Zak die kat het my nou amper gevang! Manie loer by die huisie se venster uit en daar sit Zak net buitekant oupa se huise. Manie se hartjie klop doef, doef. Manie is so bang dat hy eintlik sy duim suig. Jy hoef nie bekommerd te wees nie, Manie sê oupa. Zak sal nou-nou moeg raak om te wag en terug gaan na sy huis. Manie Muis wag en wag. Zak wag en wag. Zak raak lui en gaap. Hy krul homself op onder die boom en raak vas aan die slaap.

22 22 Jan kom speel in die tuin met sy groot bruin leerbal. Hy skop die bal. Die bal trek ver en doef val dit reg langs Zak. Zak skrik baie groot en hardloop vinnig terug huis toe. Jan lag vir Zak wat so groot skrik. Manie Muis is bly dat Zak weg is. Hy en oupa eet te lekker aan die groot pers druiwe korrels.

23 23 Begripstoets (Beantwoord die vrae in jou werkboek.) 1. Waar kuier Manie Muis? 2. Wie het amper vir oupa gevang? 3. Wat het oupa buite gaan doen? 4. Wat het Manie gedoen toe hy so bang geword het? 5. Waar het Zak aan die slaap geraak? 6. Waarmee het Jan gespeel? 7. Skryf die sin neer uit die storie wat oupa vir Manie probeer moed inpraat. 8. Wat het oupa en Manie vir ontbyt geëet? 9. Manie het n week by sy oupa gekuier. Hoeveel dae is daar in n week? 10. Skryf die dae van die week neer.

24 24 Liewe mense kinders My naam is Oupa Uil. Ek en Manie Muis is groot vriende. Ons ken mekaar vandat ons nog klein was, maar dit is n storie wat ek julle later sal vertel. Uile eet mos eintlik muise, maar ek sal nooit vir Manie eet nie. Manie het my gevra om vir julle te vertel van sy avonture toe hy oorsee was. Hy sê hy sukkel soms met woorde en dat ek mos n slim uil is en dit maklik kan doen. Manie het vir sy neef in Spanje gaan kuier en toe beland hy op n verkeerde vliegtuig. Wag ek moenie die storie vooruit loop nie. Manie sê dat julle sommer n klomp slim kinders is en dat julle van sy stories sal hou. Julle moet nou mooi vir julle juffrou luister en hard leer. Groete OUPA UIL

25 25 Begripstoets Beantwoord die vrae in volsinne 1, Wie het die brief geskryf? 2. Watter stories wil Oupa Uil later vir julle vertel? 3. Vir wie het Manie gaan kuier toe hy op die verkeerde vliegtuig geklim het? 4. Wat vertel Oupa Uil ons van uile in die storie? 5. Wie het vir Oupa Uil gevra om vir julle n brief te skryf? 6. Wat het Manie vir Oupa Uil oor julle vertel? 7. Na wie moet julle mooi luister? Manie Muis en n noue ontkoming Liewe maatjies Oupa Uil het vir my geskryf en gevra dat ek julle moet vertel, hoe ons sulke groot maats geword het. Almal sê ek moet

26 26 versigtig wees vir Oupa Uil, omdat hy eintlik muise eet, maar ek weet dat hy my nooit sal vang nie. Ek woon onder n klomp struike in die skool se tuin. Ek wil julle vertel van die noue ontkoming wat ek en my neef gehad het, verlede Desember, in die skoolvakansie. Ek en my neef het rustig onder die struike gespeel en gesnuffel vir iets om te eet. Skielik sommer van nêrens het n baie groot rot voor ons ingespring. Hy het ons met sy ronde, glaserige ogies aangestaar. Ons het albei so groot geskrik, dat ons in ons spore gevries gestaan het met ons sterte in ons voorpote. Stadig het die yslike rot nader en nader na ons toe beweeg. Hy was so groot soos n kat en ek oordryf glad nie hoor. Dit was asof ek n nare droom het. Die rot het sy bek oopgemaak en ons kon sy groot slagtande sien en sy vrot asem ruik. Ek weet nie waar Oupa Uil vandaan gekom het nie, maar hy het onder die takke ingevlieg gekom met n duikslag. Dit het die rot se aandag lank genoeg van ons weggetrek. Ons het soos blits daar weggespring en gehardloop soos nog nooit tevore nie. Ons het net betyds in die muisgat ingeduik.

27 27 Sjoe, ouens dit was verskriklik! Oupa Uil het vir my en my neef uit n benarde situasie gered. Hy is verseker ons held! Groete Manie Muis Begripstoets Beantwoord die vrae in volsinne 1. Waar woon Manie Muis? 2. Saam met wie het Manie Muis gespeel onder die struike? 3. Waarvoor het die twee muise gesoek tussen die struike? 4. Beskryf die rot wat Manie en sy neef wou vang? 5. Hoe groot was die rot vir Manie? 6. Wie het tot Manie en sy neef se redding gekom?

28 28 Waarheen het die twee neefs gehardloop toe Oupa Uil die rot se aandag afgetrek het?