Hoe kies n mens n troeteldier?

Transcriptie

1 Naam: Lees die onderstaande leesstuk aandagtig deur en beantwoord die vrae wat daarop volg. Hoe kies n mens n troeteldier? Honde en katte Knaagdiere n Hond kan jou beste vriend wees, maar onthou dat honde baie van jou tyd, aandag en geld gaan opneem: Hamsters, hase, muise, rotte en marmotte kan in n hok gehou word en is groot pret om mee te speel! Jy kan vir hulle allerlei huisies of selfs n kasteel gee om in te baljaar. Jy sal gereeld die hok moet skoonmaak, anders stink jou hele kamer sommer. Hasies hou van n bietjie meer spasie en benodig n groter hok in die agterplaas of selfs vrye teuels in die tuin (hou hulle net weg van jou ma se groentetuin). Onthou om alles op die vloer op te tel as jy jou knaagdier uit sy hok laat. Kabels, hout en selfs stoele en tafels kan in die slag bly. Honde en katte kos baie geld. Jy gaan hondekos of katkos moet koop, hulle laat inent en ontwurm, en seker maak dat hulle nie bosluise of vlooie het nie. En sal jy kan bekostig om jou diere na die veearts te neem as hulle siek word, of elke maand aan n mediese fonds vir jou diere te betaal? Honde, veral klein hondjies, het nodig dat n mens baie tyd saam met hulle deurbring. Jy gaan jou nuwe beste vriend gereeld moet vat vir uitstappies en besluit of jy hulle self gaan leer of saam na n hondeskool toe wil gaan. En jy sal ook met jou kat moet speel! Dink ook aan waar jy bly: n Klein hondjie soos n chihuahua sal oukei wees in n kleiner plek, maar nie n labrador nie! Besoek jou plaaslike DBV of loer op die internet en neem n hond of kat aan, eerder as om een by n troeteldierwinkel te gaan koop. Só red jy n lewe! n Boesma Visse Enige vis is gelukkig met net n tenk en verg nie baie aandag nie. Maar ongelukkig kan jy ook nie met hulle speel nie. Jy gaan ekstra toerusting vir die tenk moet aanskaf, soos n vistenkpompie, -kos en versierings vir die tenk. Besoek n troeteldierwinkel en vra oor die verskeidenheid visse en tenks wat hulle aanhou. e-classroom 2015 Soos met enige troeteldier, sal jy ook die tenk gereeld moet skoonmaak. Vreemder gediertes As jy waaghalsig is, kan jy slange of spinnekoppe aanhou. Slange het spesiale en soms duur toerusting in hul hokke nodig, soos UV-ligte, hittelampies en verhitte matjies. Hulle moet ook lewende diere gevoer word sal jy kans sien om n babamuis vir n slang te voer? Verantwoordelike plaaskinders kan hoenders, ganse, varke, skape of selfs perde en donkies as troeteldiere hê. Dié diere het baie spasie nodig en verg ook moeite, maar dink net hoe lekker jy gaan kan perdry! Diere soos skilpaaie, ape, chinchilla s, tiere en krimpvarkies is dalk baie oulik, maar is nie goeie troeteldiere nie! Hulle funksioneer beter in hul natuurlike omgewing en moet eerder daar gelos word - dit is selfsugtig om sommer net n oulike dier vir jouself te vat. Hersiening

2 Vrae: 1. Noem drie nadele, volgens die leesstuk, om ʼn hond as troeteldier te hê: 2. Watter soort troeteldiere kan in ʼn hok gehou word en is pret om mee te speel? 3. Watter troeteldier in die leesstuk verg nie baie aandag nie? 4. Watter twee soorte troeteldiere kan jy aanhou as jy waaghalsig is? 5. Hoekom, volgens die leesstuk, is diere soos skilpaaie, ape en tiere nie goeie troeteldiere nie? 6. Voorspel wat sal gebeur as jy jou hamster uit die hok laat en daar kabels op die vloer lê. 7. Hoe kan jy, volgens die leesstuk, ʼn dier se lewe red? 8. Watter dier dink jy is die beste troeteldier nadat jy hierdie leesstuk gelees het? Hoekom sê jy so? 9. Gee die meervoud en verkleining vir die volgende woorde: Woord Meervoud Verkleining fonds vriend kasteel kamer troeteldier

3 10. Gee ʼn sinoniem vir die onderstreepte woord: Dié diere het baie spasie nodig en verg ook moeite. 11. Gee ʼn antoniem vir die onderstreepte woord: Verantwoordelike plaaskinders kan hoenders, of selfs perde en donkies as troeteldiere hê. 12. Verduidelik in jou eie woorde wat baljaar beteken. 13. Skryf die volgende sin in die lydende vorm oor: Jy sal gereeld die hok moet skoonmaak. 14. Skryf die volgende sin as ʼn vraagsin oor: Hasies hou van ʼn bietjie meer spasie. 15. Skryf die onderstreepte woorde in die korrekte woordsoort-kolom: Jy gaan ekstra toerusting vir die tenk moet aanskaf, soos ʼn vistenkpompie, -kos en versierings vir die tenk. Soortnaam Byvoeglike naamwoord Voornaamwoord Werkwoord Voegwoord 16. Waarvoor staan die volgende afkortings? DBV - UV -

4 Antwoorde Vrae: 1. Noem drie nadele, volgens die leesstuk, om ʼn hond as troeteldier te hê: Hulle neem baie van jou tyd in beslag. Hulle verg baie aandag. Hulle kos baie geld. 2. Watter soort troeteldiere kan in ʼn hok gehou word en is pret om mee te speel? Knaagdiere 3. Watter troeteldier in die leesstuk verg nie baie aandag nie? Visse. 4. Watter twee soorte troeteldiere kan jy aanhou as jy waaghalsig is? Slange of spinnekoppe. 5. Hoekom, volgens die leesstuk, is diere soos skilpaaie, ape en tiere nie goeie troeteldiere nie? Want hulle funksioneer beter in hul natuurlike omgewing. 6. Voorspel wat sal gebeur as jy jou hamster uit die hok laat en daar kabels op die vloer lê. Hy sal aan die kabels begin knaag. 7. Hoe kan jy, volgens die leesstuk, ʼn dier se lewe red? Deur jou plaaslike DBV te besoek of op die internet te loer en ʼn hond of kat aan te neem, eerder as om een by ʼn troeteldierwinkel te gaan koop. 8. Watter dier dink jy is die beste troeteldier nadat jy hierdie leesstuk gelees het? Hoekom sê jy so? Oop antwoord. 9. Gee die meervoud en verkleining vir die volgende woorde: Woord Meervoud Verkleining fonds fondse fondsie vriend vriende vriendjie kasteel kastele kasteeltjie kamer kamers kamertjie troeteldier troeteldiere troeteldiertjie 10. Gee ʼn sinoniem vir die onderstreepte woord: Dié diere het baie spasie nodig en verg ook moeite. ruimte/plek.

5 11. Gee ʼn antoniem vir die onderstreepte woord: Verantwoordelike plaaskinders kan hoenders, of selfs perde en donkies as troeteldiere hê. Onverantwoordelike. 12. Verduidelik in jou eie woorde wat baljaar beteken. Om pret te hê of uitbundig te speel. 13. Skryf die volgende sin in die lydende vorm oor: Jy sal gereeld die hok moet skoonmaak. Die hok sal gereeld deur jou skoongemaak moet word. 14. Skryf die volgende sin as ʼn vraagsin oor: Hasies hou van ʼn bietjie meer spasie. Hou hasies van ʼn bietjie meer spasie? 15. Skryf die onderstreepte woorde in die korrekte woordsoort-kolom: Jy gaan ekstra toerusting vir die tenk moet aanskaf, soos ʼn vistenkpompie, -kos en versierings vir die tenk. Soortnaam Byvoeglike Voornaamwoord Werkwoord Voegwoord naamwoord toerusting ekstra Jy aanskaf soos tenk en versierings 16. Waarvoor staan die volgende afkortings? DBV - Dierebeskermingsvereniging UV - Ultraviolet