SOSIOLOGIE. Skool vir Sosiale en Owerheidstudie. Innovasie deur diversiteit

Transcriptie

1 SOSIOLOGIE Skool vir Sosiale en Owerheidstudie Innovasie deur diversiteit NORTH-WEST UNIVERSITY YUNIBESITI YA BOKONE-BOPHIRIMA NOORDWES-UNIVERSITEIT POTCHEFSTROOMKAMPUS

2 Welkom by Sosiologie! In die breedste sin van die woord behels Sosiologie die studie van die samelewing en die interaksie tussen mense. In meer besonderhede bestudeer Sosiologie die volgende samelewingsake wetenskaplik: die spektrum van menslike interaksie wat strek van harmoniese verhoudings (orde) tot botsende verhoudings (wanorde); die aard van menseverhoudings, van mees informeel tot die formeel en daardie wat binne organisasies voorkom; sosiale strukture, instellings en aspekte van die samelewing soos die gesin, politiek, ekonomie, godsdiens, media, gesondheidsorg, sport, gender en identiteit; sosiale probleme en knelpunte sosio-ekonomiese ongelykheid, uitbuiting, misdaad, armoede, knelpunte vir ontwikkelings, oorlog, konflik en vlugtelingskap asook MIV en Vigs. Hoekom sal jy graag Sosiologie kies? Sosiologie ontwikkel jou vermoë om die verhoudings tussen mense te verstaan en daardeur n prent te vorm van hoe die samelewing werk. 2 Sosiologie is dus belangrik en uiters nuttig vir jou as student wat in die volgende rigtings belangstel: sosiale navorser en ontleder bestuurder, ontleder en evalueerder van projekte onderhandelaar in arbeidsverhoudings beplanner en ontwikkelaar bestuurder in die openbare of privaatsektor navorser oor impakstudies kommunikasiekundige maatskaplike werker bevolkingskundige lid van die staatsdiens menslike hulpbronbestuurder politieke beleidmaker sielkundige en berader verpleegkundige As student sal jy Sosiologie beleef as n vak wat voorpunt-kennis en vaardighede hoog op prys stel. Dit bied opleiding wat jou toerus om n sinvolle bydrae te lewer in n vinnig veranderende wêreld, veral ook in Suid-Afrika. Die opleiding leer jou nuwe kundigheid, analitiese

3 vermoëns en navorsingsvaardigheid aan en help jou dit inoefen. Hierdie vermoëns is gesog in die arbeidsmark, maar bied jou ook die geleentheid om onafhanklik in die arbeidsektor jou funksie te vervul. Sosiologie bied interessante en opwindende modules aan. Dit stel jou bloot aan n wye reeks sosiale debatte wat help om jou kennis, houdings en vaardighede omtrent die vakterrein te slyp. Die volgende opwindende modules word aangebied. Sosiologie se voorgraadse modules behels: EERSTE JAAR SOCL111 Inleiding tot Sosiologie: Basiese konsepte en temas Dié module dien as bekendstelling van Sosiologiese studie deur te fokus op die basiese konsepte in Sosiologie soos demografie, interaksie, rol, sosialisering, kultuur, samelewing, sosiale stratifikasie, gender, ras en etnisiteit. SOCL121 Inleiding tot Sosiologie: Instellings en die Suider-Afrikaanse konteks Hierdie module dra teoretiese insig oor aangaande sosiale instellings binne die samelewing soos die politiek, ekonomie, gesondheid, onderwys, godsdiens, die gesin en die massamedia. TWEEDE JAAR SOCL211 Sosiologie van ontwikkeling en sosiale probleme Hierdie module behandel twee terreine in die Sosiologie. Die Sosiologie van ontwikkeling fokus op ontwikkelingsprobleme in die wêreld in die lig van die sentrale teoretiese benaderings daartoe. Die ander terrein is sosiale probleme, waar daar binne die Suid-Afrikaanse omgewing gelet word op armoede, misdaad en afwykende gedrag. As student moet jy in die tweede semester van jou tweede studiejaar EEN van die volgende modules kies: SOCL221 Gesinsosiologie en groepdinamika (Dit is n verpligte module vir Maatskaplike Werk-studente) Hierdie module fokus eerstens op die belangrikheid en diverse aard van die gesin as instelling in die samelewing vandag. Tweedens behandel dit die hoofbeginsels van groepdinamika wat onder meer groepvorming, kohesie, leierskap en verandering behels. SOCL222 Mediese sosiologie (Dit is n verpligte module vir Verpleegkunde-studente) Hierdie module fokus op die begrippe siekte en gesondheid. Dit ondersoek en ontleed siekte, as die gevolg van sosiale, politieke en ekonomiese prosesse. SOCL224 Sosiologie van Werk (Dit is n verpligte module vir BA Ontwikkeling en Bestuur-studente.) In die module word gelet op die kernrol wat werk tans in die samelewing speel. Van die interessante, aktuele temas wat in hierdie module hanteer word, is werk en werkloosheid, sosio-ekonomiese klasse se verhouding met werk, werk en tegnologie asook werk en globalisering. DERDE JAAR SOCL311 Sosiale teorieë (SOCL111 en SOCL121 is voorvereistes vir hierdie module) Hierdie module voorsien n in-diepte-fokus en grondige studie van klassieke sowel as eietydse teoretiese publikasies binne Sosiologie. Bydraes van n verskeidenheid teoretici asook insiggewende perspektiewe soos Strukturele Funksionalisme, Simboliese Interaksionisme, Konflikteorie en Postmodernisme, word bestudeer. SOCL312 Sosiale navorsingsmetodologie (SOCL111 en SOCL121 is voorvereistes vir hierdie module) Die hoofdoelwit van dié module is om jou as student te begelei in die skryf van n navorsingsvoorstel. Dit word gedoen deur jou eerstens n deeglike teoretiese grondslag te bied en jou bekend te stel aan die praktiese beginsels van Sosiale navorsingsmetodologie. Die module gee dus aandag aan die keuse van n navorsingsontwerp, navorsingsetiek en die geskikste metodes om data in te samel. As student moet jy in die tweede semester van jou derde studiejaar, enige TWEE van die volgende modules kies: 3

4 SOCL321 Genderstudie Die basis vir dié module setel in debatte oor die verskil in rolle tussen mans en vroue in die samelewing. Jy word bekendgestel aan die oorsprong van die debatte oor gender, geslag en seksuele oriëntasie asook die wyse waarop genderrolle geskep word, hoe dit uitgebeeld word en hoe dit verband hou met verbruik in die samelewing. ʼn Verdere kritiese hoek word ook voorsien vanuit die laat en postmodernisme wat uitdagende debatte oor hierdie sogenaamde uiterste sienings oplewer. SOCL323 Godsdienssosiologie Religieuse benaderings voorsien eeue lank reeds die grondslag vir samelewings. Teenstellende godsdienstige verwysingsraamwerke (paradigmas) lewer botsende beskouings en voorskrifte wat sosiale besluite beïnvloed asook die uiteindelike optrede wat daaruit voortvloei. Hierdie module bied n in-diepte bespreking van n verskeidenheid teoretici se sosiologiese perspektiewe oor godsdiens in die samelewing vandag. SOCL327 Politieke sosiologie (Dit is n verpligte module vir BA Ontwikkeling en Bestuur-studente) In hierdie module word jy bekendgestel aan die verband tussen politiek en die samelewing. Die studie ontleed die verhouding tussen die staat en die samelewing. Dit help jou insigte ontwikkel oor sake soos magsuitoefening, die rol van die burgerlike samelewing, sosiale bewegings en kiesersgedrag. Hierdie nuwe insigte leer jy krities toepas op die Suid-Afrikaanse samelewing. NAGRAADSE PROGRAMME Hons BA Sosiologie Die Hons BA Sosiologie bied aan studente n in-diepte-studie van Sosiologiese teorie en metodologie en van n aantal spesialiteitsvelde in Sosiologie. Die modules: SOCL611, SOCL612 en SOCL671 is verpligtend. Studente kies twee vanuit SOCL621, SOCL627, SOCL628, SOCL629. 4

5 SOCL611 Sosiale teorieë In hierdie module word die teoretiese kennis, wat jy in die derdejaar teorie module opgedoen het, verdiep. Jy sal verdere blootstelling kry aan Sosiologiese teoretici en teorieë en die toepassing daarvan op die Suid-Afrikaanse konteks. SOCL612 Navorsingsmetodologie In hierdie module bekom studente n diepgaande kennis oor sosiale navorsingsmetodologie. Dit fokus op die onderliggende beginsels van sosiale navorsing, die verskillende sosiale navorsingsmetodes, die insameling van data, die ontleding daarvan en die uiteindelike rapportering van resultate. SOCL671 Navorsingsprojek Op grond van die teoretiese en metodologiese kennis en vaardighede wat studente in hierdie program opgedoen het, word daar van studente verwag om n beperkte navorsingsprojek oor n sosiologiese onderwerp te onderneem, onder die studieleiding van n toegewysde dosent. SOCL621 Sosiologie van Ontwikkeling Hierdie module gee aandag aan verskillende fasette van ontwikkeling, byvoorbeeld ontwikkelingsteorieë; industriële beleid; politieke stelsels en onwikkeling; inligting, kommunikasie en ontwikkeling; strategieë om volhoubaar te ontwikkel en globalisering en ontwikkeling. Jy word hierin toegerus om die ontwikkelingsproblematiek veral in die ontwikkelende wêreld (Afrika, Suid-Amerika en Suidoos-Asië) beter te verstaan. SOCL627 Vrouestudie Hierdie module bestudeer die samelewing vanuit n feministiese perspektief. Jy word blootgestel aan die belangrikste teoretici in hierdie veld, asook die teoretiese debatte in vroue- en genderstudie. Die posisie en betrokkenheid van vroue in die samelewing word ondersoek en kritiese vrae word rondom kwessies van identiteit, mag en ongelykheid gevra. 5

6 SOCL628 Lesbiese, Gay, Biseksuele en Transgenderstudie Dié module sal jou eerstens bekendstel aan moderne teoretici wat kwessies rakende die ervarings van lesbiese, gay, biseksuele en transgender individue bespreek, deur te begin met n historiese oorsig en geleidelik te beweeg na n kontemporêre standpunt in Suid-Afrika en op internasionale vlak. Hierop volg die studie van die sienings van postmoderne teoretici, veral die voorstanders van queer teorie. Die doel van die vergelyking tussen dié twee paradigmas is om die wyse waarop postmoderne teoretici die vasgestelde kategorieë van moderne teoretici, waaronder lesbies, gay, biseksueel en transgender, bevraagteken en uitdaag, uit te lig. SOCL629 Sosiologie van Suid-Afrika In hierdie module word die funksionering van die Suid-Afrikaanse samelewing Sosiologies ontleed en gedebatteer. Sosiologiese temas wat ter sprake kom is ras, etnisiteit, die post-apartheid samelewing, versoening, verandering, sosio-ekonomiese stratifikasie, arbeid en die posisie van die Suid-Afrikaanse samelewing in Afrika en in die wêreld. MA Sosiologie (verhandeling) Hierdie program bied jou die geleentheid om binne n spesialisasieveld van die Sosiologie n verhandeling te skryf. Dit geskied onder leiding van n toegewysde dosent in Sosiologie. Die verhandeling behels die volgende: formuleer van n probleemstelling, navorsingsdoelwit en vraag, skryf van n literatuurstudie, daarstel van n metodologiese raamwerk, versameling en ontleding van data en die uiteindelike skryf van n navorsingsverslag. MA Bedryfsosiologie (verhandeling) In hierdie program skryf jy n verhandeling oor n onderwerp binne die Bedryfsosiologie-spesialisasieveld. Dit geskied onder leiding van n toegewysde dosent in Sosiologie. Die verhandeling het dieselfde onderdele soos by die MA in Sosiologie aangedui is. M Ontwikkeling en Bestuur (Kurrikulum: Korporatiewe sosiale verantwoordelikheid) (gestruktureerde meestersgraad) Private en openbare instellings moet sosiaal verantwoordelik teenoor die samelewing handel. Hierdie program fokus op hierdie korporatiewe sosiale verantwoordelikheid (KSV). In die eerste studiejaar se eerste semester het die program modules wat verband hou met ontwikkeling en bestuur. In die tweede semester neem jy twee gespesialiseerde KSV-modules saam met twee ander keusemodules. In die tweede jaar skryf jy dan n skripsie oor n relevante KSV-tema. PhD Sosiologie (proefskrif) Hierdie program bied jou die geleentheid om, onder leiding van n studieleier, binne n spesialisasieveld van Sosiologie n proefskrif te skryf. So n proefskrif kan n voortsetting wees van die tema waarop jy tydens jou MA-studie gefokus het. PhD Bedryfsosiologie (proefskrif) In hierdie program het jy die geleentheid om, onder leiding van n studieleier, binne n spesialisasieveld van Bedryfsosiologie n proefskrif te skryf. So nproefskrif kan n voortsetting wees van die tema waarop jy gefokus het tydens jou studie in MA Bedryfsosiologie. PhD Ontwikkeling en Bestuur (Kurrikulum: Korporatiewe sosiale verantwoordelikheid) (proefskrif) Hierdie PhD-program volg op die MA Ontwikkeling en Bestuur en hierin skryf jy, onder leiding van n studieleier, n proefskrif in die spesialisasieveld van Korporatiewe Sosiale Verantwoordelikheid. Sosiologie bied jou die ontledende vermoë en vaardighede waarmee jy die samelewing in diepte kan ontleed en verstaan. Dit gee jou dus n voorsprong in bykans enige beroepsrigting. Ons vertrou dat jy, indien jy Sosiologie as vak kies, dit só sal beleef. 6

7 KONTAKBESONDERHEDE: Me Carolé Cilliers Tel: E-pos: Gebou F13, Kantoor 118 Prof Johan Zaaiman Tel: E-pos: Gebou F13, Kantoor 117 Prof Freek Cronjé Tel: E-pos: Gebou F13, Kantoor 121 Mnr Jacques Rothmann Tel: E-pos: Gebou F13, Kantoor 120 Me Charté Pretorius Tel: E-pos: Gebou F13, Kantoor 122 Mnr David Du Toit Tel: E-pos: Gebou F13, kantoor 113 7

8 NWU-PUKKE, n raakvat-graad wat WêRELDWYD saak maak Beroepsgerigte opleiding Internasionaal erkende grade Afrikaans (met simultane tolking in sekere kursusse) Studentestad Veilige Kampus Tel: navrae@nwu.ac.za Innovasie deur diversiteit NORTH-WEST UNIVERSITY YUNIBESITI YA BOKONE-BOPHIRIMA NOORDWES-UNIVERSITEIT POTCHEFSTROOMKAMPUS