Ek wil u ook aanmoedig om nooit te huiwer om my te skakel indien daar enige ongelukkigheid is nie.

Transcriptie

1 Van die Primaria Aan elke voornemende VMN er Eerstens baie geluk met jou aanvaarding as Vergeet-My-Nie inwoner. Ek glo dat dit n wonderlike ervaring sal wees. Die koshuislewe raak n leefwyse, van die soort wat mens nie kan beskryf nie en ook vir niks sal verruil nie. Jou nuwe era het sopas begin. Hier in Vergeet-My-Nie maak jy beste vriendinne, jy leer van nuwe uitdagings en jy ontdek jouself as individu. Die koshuislewe bied iets vir elkeen, of dit nou sport, kultuur, akademie of so n bietjie van alles is. As vyfde jaar kan ek met ervaring sê dat alles gaan afhang van wat jy daarvan maak. Ek wil jou graag uitdaag om alles ten volle aan te pak, want voor jy jou oë uitvee is daar al n paar jaar verby. Iets wat jy gou sal kry is koshuis trots. Dit is nie die gebou wat ons goed maak of dit n huis maak nie, maar die meisies en almal om jou. Die gees onder mekaar, die liefde en omgee, skep n gevoel van tuis wees en van veiligheid. Besef dat dit n absolute voorreg is om te studeer en dat dit nie iets is wat ons as vanselfsprekend moet aanvaar nie. Jou ouers offer baie op en moet nooit ophou dankie sê vir hulle nie. VMN er ek wil jou aanmoedig om in jou tyd op die PUK nie jouself as mens te verloor nie. Die belangrikste wat jy vandag moet onthou is dat jy uniek geskape is en dat daar n doel is vir jou. Daar is soveel verskillende meisies saam jou in die koshuis, elkeen met haar eie verhaal. Maar jy bly jouself en moet nooit wil verander om ander mense te bevredig nie. Mag jy die tyd en ervarings in die koshuis gebruik om jou fondamente vas te lê sodat ons mekaar kan aanmoedig om die groot wêreld daar buite aan te vat. Dan vir die ouers, wat ek weet die boekie meer lees as enige eerstejaar. Ons sien uit daarna om u kind te leer ken. Ons sal mooi na haar kyk. Voor die jaar verby is gaan u dogter verander in n dame. Ons is n koshuis wat gegrond is op Christelike beginsels en glo vas daarin dat elkeen haar eie stempel moet afdruk. Ek wil u verseker dat ons as koshuisbestuur die regte opleiding en nodige ervaring het om u kind te lei vir die 3 weke van die Ontvangs- en Bekendstellingstydperk. Ek wil u ook aanmoedig om nooit te huiwer om my te skakel indien daar enige ongelukkigheid is nie. Daar is paar aktiwiteite waarna u ook kan uitsien soos pa-en-dogter en ma-en-dogter naweke, en dis waar die ouers soms meer trots kry as die dogter! Mag u die pad saam met u dogter stap en deel in haar ervaringe. Ek as primaria het n groot passie en trots vir die koshuis. Hopelik kan die eerstejaars groep dieselfde trots ontwikkel. Baie sterkte met laaste voorbereiding vir die eksamen. Rika Nieuwoudt Dameskoshuis/ ?fref=ts

2 Van die Huisouers Vergeet-My-Nie Liewe Voornemende VMN er Jou ouers gooi vir jou die lig op jou lewenspad. Hier in Vergeet-My-Nie gaan ek as jou huisma instaan vir jou ouers wat ver is. Die man aan my sy en jul huispa is Oom Koot en ons deur gaan vir jou oopstaan om ook n liggie te kom opsteek en soms net warmte te ervaar. Jy gaan my leer ken as Tannie Engela wat lief is vir studente (spesiaal vir VMN ers). Ek het groot respek vir jul energie, kreatiwiteit en lewenslus. In Vergeet-My-Nie gaan jy die geleentheid kry om op kulturele, sport en sosiale vlak optimaal te ontwikkel. Jou akademiese ontwikkeling is dan ook vir my eerste prioriteit en ek maak spesifiek daarmee bemoeienis. Ek is sedert 1988 n dosent in Verpleegkunde hier op die Potchefstroomkampus. Ek vertrou dat die pols van Vergeet-My-Nie ook n bruising in jou are gaan word en sien uit daarna om jou te ontmoet. Groete, Tannie Engela van der Walt

3 Van die 1ste jaar HK Beste voornemende VMN eerstejaar, Baie geluk met jou uitstekende keuse om die BESTE koshuis op die NWU-PUK jou nuwe huis te maak! Jy is werklik bevoorreg en jy kan uitsien na onvergeetlike tye hier! Jou nuwe lewe op die NWU-PUK hou baie nuwe dinge in: O&B; ongelooflik min slaap; SR; Zoep; blommetjies vou; sleep; insleep; vlei; vleg, sêr; bingle; SS en soveel meer! Boonop gaan jy baie keuses moet maak wat die res van jou lewe gaan bepaal en beïnvloed. En dit alles op jou eie in die amper-grootmens wêreld. Maar stop, haal diep asem, kalmeer die skommelings in jou maag en weet: jy gaan nuwe lewenslange vriendinne hier maak en jouself as mens opnuut ontdek, so geniet hierdie eens in n leeftyd reis van die heel begin af! Vir die volgende jaar gaan ek jou mamma wees en is dit my werk om van jou die beste VMN eerstejaar te maak wat jy moontlik kan wees, daarom gaan elkeen van julle se potensiaal ontgin word tot daar waar jy self nie eers geweet het jy het potensiaal nie. Ek sien uit na die termyn wat voorlê! Kontak my gerus as jy enige vrae het by VMN-groete, Anika Pretorius

4 Huiskomitee Vergeet-My-Nie Rika Nieuwoudt Primaria, Seniors, Tug Marine Opperman O/Primaria, Kunste, Publikasies Luné Müller Sosiaal, AKSA, Studentebelange Lizané Goosen Werwing, Akademie Marli Oosthuizen SJGD, Instandhouding Schané Venter Finansies, Klerasie, Mej. VMN Lizellé Pretorius Sport, Borge Magda Nieuwoudt Jool, Reünie Anika Pretorius Eerstejaars, Sekretaresse, Ad-Hoc

5 Benodighede Tydens Ontvangs & Bekendstelling (O&B): Jou Bybel (Jou bron van krag) n Paar vlootblou (navy) kort kouse (soos skoolkouse) x4 Lekker gemaklike draftekkies, want jy gaan baie stap! n Formele rok vir eerstejaarsdinee. Jou matriekafskeidrok sal reg wees Enige snaakse items en klere (soos kostuums), vir aksies Enige instrument wat jy kan bespeel vir die eerstejaarskonsert Goeie multi-vitamiene Sport toerusting (bv. Spikes, rakette, tokse). Alles wat jy gaan nodig hê vir die volgende sporte Netbal, tennis, atletiek, swem, hokkie ens. Energiedrankie of tonikum Die NWU-PUK-gids en eerstejaarsboekie Sonskerm Medisyne wat jy spesifiek gaan nodig hê, sowel as die algemene mediese benodighede soos hoesstroop en hoofpynpille. n Gewaarmerkte afskrif van jou matrieksertifikaat, indien dit nie teen Januarie beskikbaar is nie, n afskrif van jou simbolestaat. n Slaapsak, eetgerei en die nodige toiletware indien jy op n eerstejaarskamp gaan. Items vir jou nuwe kamer: Jou eie beddegoed en kamerversierings om jou nessie te kom skrop op jou eie unieke manier. n Bedlampie n Snippermandjie n Dubbel of Multi-prop n Ketel (Opsioneel, aangesien daar op elke bloksitkamer n urn is) n Lead n Mat n Wasgoedmandjie Skryfbehoeftes en kreatiwiteitsmateriaal (bv. Kleurpapier) Koffiebekers en eetgerei Klerehangers 3 kombinasie slotte vir jou deure n Droograk vir jou wasgoed om in jou kamer te pas (Opsioneel, aangesien daar wel voorsien word op die waskamers) Bad- en swemhanddoeke Enige elektriese ware soos n radio, rekenaar, yskas, mikrogolfoond ens. Indien jy so gelukkig is om dit te kan hê. (Jy is welkom om my teen 5 Januarie te SMS om te hoor wie jou kamermaat is, sodat julle saam kan besluit oor wie wat aanskaf. My selfoonnommer is: )

6 Benodigdhede Vergeet-My-Nie JOOL Bring asb. n handvol kleingeld (ongeveer R30-R50 se sente/rande) van die huis af. Dit gaan dinge vir jouself net makliker maak tydens blikskud in JOOL-week. Hierdie is BAIE BELANGRIK! Sit dit eerste op jou check-lysie! Jou JOOL-overall is beslis een van jou trotsste VMN-besittings en is n simbool vir n miljoen koshuis memories. Jy sal n ovie vir JOOL-week moet koop, maar ek waarborg jou dit is n belegging. Jy gaan hom verseker nog BAIE dra in jou toekomstige jare in VMN. Ons het reeds vir elke eerstejaar n geel VMN-ovie bestel. Jy sal dit die eerste dag as jy by die koshuis instap ontvang en betaal. Bring ook elkeen n skêr saam, wat altyd beter werk as jy twee skêre kan saam bring net vir ingeval ene bietjie stomp en ongemaklik raak (As jou ma weier om haar kombuis skêr op te gee, daardie back to school pakkies, waarmee jy klaar is vir die res van jou lewe, se skêre werk altyd wonders). SJGD 2 Blikkieskos of poeiersop Enige toiletware, insluitend tandepasta, seep, toiletpapier ens. n Buitemuurse speelding (kan tweedehands wees soos byvoorbeeld emmertjies, balle, grafies ens.) Dit sal ook goed wees as die speeding van opvoedkundige waarde is. Ou klere wat in jul huis rondlê Ou tydskrifte, kryte, papier, skêrtjies, verf, speelgoed enigiets wat kan bydra tot die skooltjie is welkom Enige Setswana kinderboekies, Bybels of ander bruikbare leesstof. Enige ou beddegoed en kombuisgoed wat nog in n bruikbare toestand is. Kansellasie reëlings As jy nie meer VMN toe kom nie, is dit uiters noodsaaklik dat jy ons so gou as moontlik laat weet, aangesien daar baie meisies op die waglys is wat ons dan in die koshuis kan plaas. Kanselleer jou verblyf skriftelik by ons (VMN) per faks en by Inwoning- en Voedseldienste (IVD). Hul kontaknommer is (018) Kamerplasings Ons plaas jou voorlopig in n kamer, saam met n kamermaat wat jou belangstellings deel. Hierdie reëling geld vir 3 weke, waarna jy kan uitruil, indien nodig. Eerstejaars in Vergeet-My- Nie woon almal in dubbelkamers. Eerstejaarskamers word afgewissel met seniorkamers om seker te maak dat die inwoners van die koshuis mekaar leer ken. (Onthou: Die onbekende is net vir n rukkie onbekend)

7 Koshuislied Om jonk te wees, meisie wees, student te wees Tussen al die gees, Die akademie, sleperasie, bly ons saam, lag ons saam, Sing ons saam, swoeg ons saam. Vergeet-My-Nie, vergeet Hom nooit nie (x2) Want ons leef in n wêreld wat aanhou draai, Sonder tyd vir gister en môre, Sonder tyd om te wag, mekaar te leer ken, te onthou. So Vergeet-My-Nie, vergeet Hom nooit nie (x2) Vergeet-My- Nie Koshuisgroet Heil Vergeet-My- Nie Heil Kasparus Hier staan dit gedienstig en gedwee, vol eerbied om jou wonderlike drumpel te betree! Heil Vergeet-My- Nie Heil Kasparus