26 Januarie 2018 Omsendbrief 02/2018

Transcriptie

1 26 Januarie 2018 Omsendbrief 02/2018 Geagte Ouers Graag betuig ons ons innige meegevoel met mnr. en mev. Pine Marais en hul seun, Pieter, met die heengaan van Stefan, graad 11-leerder aan hierdie skool. 1. AFSTERWE VAN STEFAN MARAIS Ons betreur die afsterwe van Stefan tydens ʼn fratsongeluk verlede Vrydag op Stilbaai. Na afloop van die nadoodse ondersoek is dit bevestig dat Stefan ʼn noodlottige nek fraktuur opgedoen het. Stefan se afsterwe is vir Oakdale ʼn ongelooflike groot verlies, reeds ook omdat dit een van ons personeellede se seuns is. Hy was ʼn oortuigde Christen wat bewustelik en onbewustelik in soveel seuns se lewens ʼn verrykende invloed uitgeoefen het. Stefan was die top akademiese presteerder in graad 10, waarvoor hy aan die einde van die jaar erekleure verwerf het. Sy besondere sporttalent het hom geliefd gemaak in die o.16arugbyspan, eerste krieketspan en tennisspan. Stefan was ʼn Oakdaler in murg en been wat die waardestelsel van Oakdale in sy daaglikse omgang ten volle uitgeleef het. Ons gaan hom mis, maar sy nagedagtenis sal vir altyd op Oakdale voortleef. 1.1 Bedankings Graag bedank ek alle ouers wat gedurende verlede naweek op Stilbaai gehelp het met die soektog, hulp aangebied het met die bespreking van die helikopter, maar wat ook deurgery het om as Oakdalers mekaar by te staan. Baie dankie vir u ongelooflike ondersteuning, oproepe en boodskappe van goeie wense gedurende die afgelope week. U gebede het ons regtig gedurende hierdie moeilike week gedra. Mnr. en mev. Marais dra ook hul opregte dank aan ʼn ieder en ʼn elk oor vir u meelewing en ondersteuning. ʼn Mens besef opnuut dat ons seuns, die Oakdale ouers, oud-ouers en oudskoliere, tot ʼn nog sterker familie saamgesnoer word deur ʼn tragedie soos hierdie. Ek het veral ook groot dank vir verversings wat deur ouers voorsien is, asook vir finansiële donasies en bydraes. Nêrens in SA sal ʼn skool oor ʼn skoolgemeenskap soos dié van Oakdale beskik nie. Dit is ʼn voorreg om met u gemoeid te wees. Baie dankie aan almal wat vandag die begrafnis bygewoon het. 1.3 Verskoning Graag bied ek opnuut my verskoning aan vir die wysiging aan graad 8-reëlings verlede Saterdag, asook wysiging van die kleure-atletiekreëlings. Dankie vir u begrip in hierdie verband.

2 1.4 Ondersteuning aan ons leerders Ons het vir die volle duur van die afgelope Maandag verskeie groepe en individuele leerders aan beradingsessies in die skool blootgestel. Ek bedank graag mev. Bea Strydom en Niel Olwagen wat ons hiermee bygestaan het. Ds. André Jordaan was vir die res van die week vir ons seuns beskikbaar en baie kosbaar. 1.4 Oakdale personeel Ons personeel het ook ʼn emosionele week agter die rug, maar ek wil graag ʼn ieder en elk komplimenteer vir die professionele hantering van ons seuns, asook die wyse hoe hulle mekaar, maar ook die Marais-gesin, ondersteun het. Ek het opnuut besef dat ons oor juwele beskik. 2. SPORT 2.1 Tweekamp Baie geluk aan die volgende leerders wat gedurende die week aan ʼn tweekampproewebyeenkoms op Oudtshoorn deelgeneem het. Oud- Groep Atleet Finaal Punte Plek Deon Horne De Wit Botma Roelof le Grange Pieter Terblanché Vondre du Toit Jahred Weideman Thiardt Botes Gustav Lubbe Pieter Willem de Jager Adriaan de Bruyn Clarence Thornley Christo de Jager Luan Cronje Baie geluk aan die volgende leerders wat gekies is om aan die Highgate Inter Tweekamp op 3 Februarie deel te neem: o.15: Deon Horne, De Wit Botma, Roelof le Grange en Pieter le Grange o.17: Gustav Lubbe en Pieter-Willem de Jager 2.2 Fietsry Baie geluk aan Pieter en Christo de Jager wat aan die Spur Attakwas wedren oor 52 km deelgeneem het en as volg presteer het: Pieter algeheel 31ste en 6de in sy ouderdomgroep junior mans Christo algeheel 39ste en 7de in sy ouderdomsgroep junior mans

3 2.3 Somer-interskole: 1-3 Februarie Ons maak graag die volgende inligting rakende die Somer-interskole aan u bekend en versoek dat u volgende naweek ons seuns tydens die tuis-interskole in groot hoeveelhede sal ondersteun. Donderdag, 1 Februarie: Tennis Wedstryde begin om 13:00 2 o.19 spanne en 2 p.15 spanne bestaande uit 4 spelers per span o.19 spanne speel by die skool en o.15 spanne op die dorpsbane o.19 A en B : Beste van 3 (tie break) stelle en dubbels-pro set-eerste 8 potte o.15 A en B: Pro set eerte tot by 8 potte en dubbels dieselfde Indien gelykop tel ons potte Vrydag, 2 Februarie: Krieket o.19a Oakdale 1-09:30 50 beurte o.19b Oakdale 2-12:30 30 beurte o.19c Oakdale 3-12:00 20 beurte - sinteties o.15a Riverville - 10:30 45 beurte o.15b Albertinia - 12:30 30 beurte o.15c Langenhoven - 12:30 20 beurte - sinteties Saterdag, 3 Februarie: Atletiek Die byeenkoms neem om 07:00 n aanvang met die stap- item. Die byeenkoms duur tot ongeveer 13:00. Die program word hierby aangeheg. Ons versoek dat u ons seuns sal ondersteun en ons wil graag ook hê dat ons seuns wat nie deelneem nie, ook die atletiek in hul somers no. 1-drag sal bywoon. Sterkte word die afrigters en die seuns toegewens vir die week se voorbereidings. 2.4 Hierdie naweek en volgende week se sport 27 Januarie: Krieket: o.15a vs Oakhill (W) o.15b vs Knysna (T) o.19a vs Lang. Gim (W) o.19b vs Oakhill (T) Tennis: o.15 SWD-proewe (George) Die volgende week vind die volgende tenniswedstryde plaas. Tennis: Oak B vs Glenwood (T) Outeniqua vs Oak A (W) Glenwood vs Oak D (W) Oakhill vs Oak C (W) Sentraal vs Oak F (W) PW Botha vs Oak E (W) 29 Janurie: Gholf: Mosselbaai 31 Januarie: Krieket: Pro20 T`BA 2.5 Muurbal Muurbalspelers moet asseblief daarvan kennis neem dat die SWD-proewe op 9 en 10 Februarie plaasvind.

4 3. PROMOSIEVIDEO Ons ontvang Maandag en Dinsdag ʼn TV-span op die terrein wat besig is met die samestelling van ʼn nuwe promosievideo. Ons laerskole-besoeke begin reeds 15 Februarie. Alle seuns moet asseblief Maandag in no. 1-somdersdrag geklee wees. 4. PROMOSIEBORD LANGS N2 Ons het ʼn groot Oakdale-promosiebord langs die N2 opgerig wat u sal opmerk as u vanaf Heidelberg na Riversdal reis. Oprigting sal teen einde volgende week afgehandel wees. 5. GRAAD 8-LEERDERS ONTVANG BAADJIES TYDENS SAALGELEENTHEID Die graad 8-leerders ontvang Maandagoggend hul blou baadjies vanaf hul graad 12 s, tydens ʼn amptelik saalopening. Graad 8-leerders mag nie die baadjie aantrek nie, maar moet met die baadjie oor die arm by die skool opdaag. Ouers moet asseblief toesien dat die graad 8-leerders ʼn netjiese wit das-hemp dra wat ʼn boonste knoop aan die bokant van die kraag het. Graad 8-ouers is welkom om die geleentheid om 07:30 by te woon. Daar sal agter in die saal plek vir u gereserveer word. 6. GRAAD 8 CD MET FOTO S Die graad 8-bekendstelling is op kamera vasgevang. As u graag ʼn CD met al die foto s wil bekom, kan u dit Maandag by die bemarkingskantoor teen R100 per CD bestel. Kontant by bestelling. 7. ORKES Die graad 8-leerders wat instrumente kan speel, moet hulle instrumente na die tuisnaweek koshuis toe bring. 8. ATKV-REDENAARS Voorbereiding vir die ATKV-redenaarskompetisie begin volgende week. Die leerders, en spesifiek die graad 8-leerders wat redenaars wil doen, moet met Juffrou Kotze kontak maak. 9. TAALBONDEKSAMEN Die leerders wat vir hierdie eksamen wil inskryf moet R70 by mev. Hume inbetaal. Die inskrywings sluit op 2 Maart. 10. MANNE-ONTBYT TYDENS JEUGWEEK Die manne-ontbyt word op Vrydagoggend, 9 Februarie, aangebied terwyl die seuns nog in die skool is. Moenie hierdie geleentheid saam met u seun misloop nie. Manne-ontbyt kaartjies is teen R130 by die algemene kantoor beskikbaar vanaf eerskomende Maandag. Slegs kontant sal aanvaar word en geen EFT-inbetalings nie.

5 11. VALENTYNSBAL KAARTJIES Kaartjies vir die Valentynsbal sal aan die graad 12-leerders op Maandag, 29 Januarie, verkoop word. Graad 11-leerders kan op Dinsdag, 30 Januarie, kaartjies koop. 12. PERSONEEL 12.1 Mnr. Frans Marais is Woensdag uit die hospitaal ontslaan na sy rugoperasie en hy sal vir die volgende drie maande by die huis aansterk Graag wens ons mnr. Malan du Plessis van harte geluk met sy verjaarsdag op 27 Januarie. Mnr. Tony Katz verjaar op Vrydag, 2 Februarie. Vriendelike groete A.J. LATSKY SKOOLHOOF