Kleur jou lewe in! Kleurvol op die Wonniewerf. 2 Maart 2017

Transcriptie

1 Kleur jou lewe in! Geagte Ouers en Wonniepersoneel 2 Maart 2017 Baie dankie aan die Wonnie-ouers vir hul goeie gedrag tydens die rugbywedstryde teen Vastrap wat Dinsdag, 28 Februarie, plaasgevind het. Ons spanne het uitstekend presteer en ons is opgewonde oor die seisoen wat voorlê. Ons versoek ouers weer eens om asseblief, te alle tye, die skoolterrein as 'n rookvrye area te respekteer en as gashere 'n voorbeeld te stel ten opsigte van aanmerkings teenoor skeidsregters en gaste. Elke Wonnie-ouer wat ons skoolterrein betree is waardevolle ambassadeurs vir ons skool en ons is trots op elkeen wat dié rol met waardigheid beklee. Een van ons grootste uitdagings op Kaskardag is parkeerruimte. Ons wil baie mooi vra dat u asseblief die besighede oorkant die skool sal respekteer. Toegang tot die winkels moet asseblief op geen manier versper word nie en geen onwettige parkering op plekke wat nie amptelike parkeerplekke is nie asseblief. Ons het ongelukkig nie enige tower-oplossing om te bied nie. Dit is soms nodig om 'n entjie te moet stap op dae soos hierdie en ons versoek u onberispelike Wonnie-samewerking en positiewe gesindheid in hierdie verband. Kleurvolle groete L.M. Kruger KASKARDAG & COLOUR RUN Moet Dit Nie Misloop Nie! Voorsien asseblief genoeg drinkgoed vir u kind. Hope pret en plesier maak 'n mens baie dors! Buitemuurse beginnertjies Om aan die begin van elke jaar deel te wees van nuwe talent wat ontkiem, ontwikkel en groei is so groot voorreg en terselfdertyd 'n enorme uitdaging! Die personeel en afrigters wat hierdie kleintjies van hul eerste onseker beweginkies af, alles moet leer van die spel of vaardigheid wat hulle besig is om aan te leer, verdien werklik die grootste lof en bewondering! Ons verstom ons telkens oor die resultate wat hul volgehoue pogings lewer! Wees asseblief geduldig wanneer u as toeskouer die proses en soms luidrugtige entoesiasme waarneem. Elke ouer, afrigter en deelnemertjie voel natuurlik die meeste lojaliteit en toewyding vir sy/haar spesifieke aktiwiteit en ons terreinspasie is ongelukkig baie beperk. Dit beteken dat ons verdraagsaam en bedagsaam teenoor mekaar moet wees. Die Wonnies het hulself nog altyd baie goed van hul taak gekwyt om te deel en mekaar 'n plekkie in die son te gun en ons weet dat dit vanjaar weer so sal wees. Baie dankie dat ons op u kan staatmaak om onbaatsugtigheid te toon en saam te werk aan 'n Wonnie-wenspan sonder gelyke! Kleurvol op die Wonniewerf Boodskap van die hoof Kaskardag Klein-beginnertjies Atletiek Voortrekkers Boek-Buddies BL-Tussenverkiesing Swem Seniorkoor Klawerklitsies Mini-Hokkie Hokkie Netbal Nuusbrief 8 Kaskarprogram BL Nominasiebrief Kaskardag Môre, 3 Maart, is steeds 'n skooldag. Leerders is skoolpligtig en ons wil graag al die Wonnies deel van die pret hê tot aan die einde van die verrigtinge. Ouers wat hul kinders vroeg moet kom haal, MOET hulle asseblief by die kantoor uitteken. Dit is 'n veiligheidsreëling wat u asseblief moet respekteer. Wonnies is Sprankelkinders!

2 Atletiek Die 21 atlete wat in die Distrikspan is, neem eerskomende naweek aan die Provinsiale byeenkoms by Pildtich deel. Die Wonnies wens ons atlete alles van die beste toe en ons glo dat júlle almal sal beïndruk met jul puik vaardighede. Die atlete wat tydens die byeenkoms eerste- en tweedeplekke behaal, kwalifiseer om Gauteng te verteenwoordig tydens die Suid-Afrikaanse kampioenskappe wat Maart in Potchefstroom plaasvind. Boek Buddies Boek Buddies is 'n groep professionele akteurs wat kinders d.m.v. drama aanmoedig om meer te lees. Uittreksels uit die ATKV- Kinderboek-toekennings word opgevoer. Boek Buddies besoek ons skool: 17 Maart Grondslagfase: 7:45 (± 60 min) Intersenfase: 9:00 en 10:00 Koste: R15 per leerder. Ons hoop dat elke leerder hierdie wonderlike geleentheid sal kan meemaak! Betaal asseblief so gou moontlik die gelde by u kind se registeronderwyser in. Swem Ons wens al die Wonnie-swemmers wat vandag aan die Interlaerbyeenkoms deelneem, baie sterkte toe! Ons glo julle sal maklik onder die kompetisie uitswem en ons weer eens sommer baie trots maak! Dankie Wonnie-ouers! Ons wil by voorbaat dankie sê vir al die ruimhartige skenkings van ongelooflike Wonnie-ouers vir ons Kaskardag! Die skenkings en hulp van ouers is werklik 'n riem onder die hart en ons is elke dag meer bewus van die voorreg wat ons het om elkeen van u in die Wonnie-familie te kan koester. Voortrekkers Voor-die-Berg kommando se Graad 3-span het baie pret gehad toe hulle die afgelope naweek die volkspelekenteken suksesvol voltooi het. Ons kinders het 4 tradisionele danse aangeleer op liedjies soos "Aanstap Rooies" en "Aai-Aai die Witborskraai. Die danse is ook netjies en korrek uitgevoer tydens n vertoning vir ons ouers. Ons verkenners het die Skoonheid- en Sjarmekenteken suksesvol voltooi. Hier het hulle geleer dat innerlike en uiterlike skoonheid n geskenk van God is. By dié geleentheid het hulle n haarsalon en skoonheidsalon besoek, geleer hoe om te grimeer en watter invloed die regte dieet op jou liggaam, naels en vel het. Beheerliggaam Tussenverkiesing: Neem asseblief kennis van n Beheerliggaam tussenverkiesing wat Woensdag, 15 Maart 2017, om 18:00 in die skoolsaal plaasvind. Daar het n vakature op die Beheerliggaam ontstaan nadat een van ons Beheerliggaamlede uitgetree het. Verdere inligting is hierby as bylaag aangeheg (bl 5). Seniorkoor Voorlopige optrede-datums : 5 Mei Uitnodiging van Hoërskool Overkruin 2e week Mei: Eisteddfod Mei: ATKV 30 Mei Uitnodiging van Hoërskool Montana 29 Julie Sangfees by Irene Village Mall 8 Augustus Koorfees wat die Wonnies aanbied 19 September 3-skolekonsert

3 Klawerklitsies Die Klawerklitsies bestaan vanjaar uit 58 lede en ons is baie opgewonde om te sien hoe die kinders elke week ontwikkel. Baie dankie aan almal wat so getrou oefen. Dit is harde werk om deel van hierdie spesiale groep Wonnies te wees en ons waardeer elkeen se lojaliteit en toewyding. Die Klawerklitsies se T-hemde word binne die volgende week afgelwer. Die kostes van die T-hemde beloop R85 per hemp. Die R170 moet asseblief by Juffrou Carina Rademan in kamer 27 inbetaal word. Die Klawerklitsies het weer n oefennaweek op Saterdag, 11 Maart 2017, in die skoolsaal, vanaf 09:00 15:00. Hulle oefen ook steeds elke Maandag en Woensdag op die vasgestelde tye. Mini-Hokkie Die eerste oefening vir die O/7-O/10 dogters, begin Dinsdag, 28 Februarie, om 13:45. Oefentye: Dinsdae en Donderdae 13:45-15:00 op die rugbyveld onder die snoepie. Wedstryde in die vorm van rondomtalies en feestoernooie vind op Saterdae plaas. Gedurende die 2de-kwartaal vir (O/7-O/10) spelers en die 3dekwartaal slegs vir (O/9-O/10) spelers. Mini-hokkie is aan die brand hier by die Wonnies! Die spelers oefen hard en ons pak elke oefening en wedstryd met hope entoesiasme en energie aan! Ons afrigters is baie opgewonde om die nuwe seisoen saam met die hokkie-bokkies aan te pak en hulle te help om hul volle hokkiepotensiaal te ontwikkel. Ons begin by die aanleer van basiese vaardighede en so word elke speler voorberei om uiteindelik haar plekkie op die veld in te neem. Kom sluit gerus by ons aan en word deel van die Wonnie-hokkiefamilie! Hokkie Al die 0/11- en 0/12-dogters wat Dinsdag proewe gespeel het, moet asseblief die oefeninge vanaf Dinsdag, 7 Maart, bywoon. Die spanne sal tydens hierdie oefeninge gefinaliseer word. Oefentye: 0/11: 13:45-15:00 0/12 en 0/13: - 14:45-16:00 Die dogters sal in kennis gestel word wanneer die spanne gefinaliseer is. Netbal Oefentye is soos volg: 0/10 B & C 15:00 16:30 Baan 2 0/11 B & C 13:45 15:15 Baan 3 0/12 B & C 13:45 15:15 Baan 4 0/13 B & C 13:45 15:15 Baan 5 0/10 A & 0/11 A 15:15 16:45 Baan 4 0/12 A & 0/13 A 15:15 16:45 Baan 5 Netbalkliniek-datums het verander en die korrekte inligting sal skriftelik vir die dogters deurgegee word.

4 Tye en verloop van Kaskardag 2017 Dit is môre Kaskardag! Die kinders is baie opgewonde en almal is vol afwagting vir die Colour Run! Baie dankie vir elkeen se ondersteuning, dit word opreg waardeer. Onthou asseblief om swartsakke saam te stuur of in u motor te hou vir die vervoer van die kleurvolle Wonnies! SESSIE KASKARRESIES WATERSPELE 07:50 08:00 08:00 08:30 Gr.1 Maak gereed Gr.1 Resies 08:30 08:40 08:40 09:10 Gr.2 Maak gereed Gr.2 Resies 08:00 10:30 Graad 4 tot 7 leerders is by die waterspele in hierdie tyd. 09:10 09:20 09:20 09:50 Gr.3 Maak gereed Gr.3 Resies Personeel hou toesig en tellings. 10:30 10:40 10:40 11:10 Gr.4 Maak gereed Gr.4 Resies 11:10 11:20 11:20 11:50 11:50 12:00 12:00 12:30 Gr.5 Maak gereed Gr.5 Resies Gr.6 Maak gereed Gr.6 Resies 11:00 13:10 Graad 1 tot 3 leerders is by die waterspele in hierdie tyd. Personeel hou toesig en tellings. 12:30 12:40 12:40 13:10 Gr.7 Maak gereed Gr.7 Resies 13:10 Klok lui Alle aktiwiteite stop. Leerders gaan tree by hul registerklasse aan. Onderwysers deel verfsakkies uit. Kaskarbaan word gereed gekry vir die Colour Run. 13:25 Klok lui. Leerders beweeg saam met hul registeronderwysers na die pawiljoen vir verdere reëlings Tye en verloop van Colour Run 2017 Leerders wie se graad nie by die Colour Run betrokke is nie, sit op die pawiljoen en wag tot hul beurt aanbreek. Sessie Colour Run 13:30-13:40 graad 1/1, 1/2 en 1/5 doen baan (graad 1/9, 1/31 en 1/32 gooi) 13:40-13:50 graad 1/9, 1/31 en 1/32 doen baan (graad 1/1, 1/2 en 1/5 gooi) 13:50-14:00 graad 2 doen baan (graad 3 gooi) 14:00-14:10 graad 3 doen baan (graad 2 gooi) 14:10-14:20 graad 4 doen baan (graad 5 gooi) 14: graad 5 doen baan (graad 4 gooi) 14:30-14:40 graad 6 doen baan (graad 7 gooi) 14:40-14:50 graad 7 doen baan (graad 6 gooi) 14:50-15:00 onderwysers doen baan (alle leerders gooi) 15:00 (Klok lui) skool verdaag

5