P o s b u s 2 2, P O R T E R V I L L E, 6 8 1 0 T E L : 0 2 2 9 3 1 2 1 7 4 F A K S : 0 2 2 9 3 1 3 3 2 1 E P O S : s e k r e t a r e s s e @ p o r t e r h s. c o. z a HOëRSKOOL PORTERVILLE Weekbrief 17/2014 30 Mei 2014 RUGBY & NETBAL - WESBANK (Tuis) Neem asseblief kennis dat die Rugby & Netbal wat Vrydag sou plaasvind nie afgestel is nie, maar slegs uitgestel is tot volgende kwartaal. GESTIG 1870 JUNIE EKSAMEN 2014 Baie sterkte aan ons Gr. 10-12 leerders wat Maandag met die eksamens begin. Die graad 7-9 leerders begin op Maandag, 9 Junie met die Eksamen en die Gr. 4-6 leerders met die Formele Assesseringstake. Indien u kind siek is, laat weet die skool asseblief. n Doktersbrief moet ingehandig word as die leerder n vraestel nie kan skryf nie as gevolg van siekte. Daar sal geen saalbyeenkomste gedurende die eksamen wees nie. Skooltye gedurende eksamen.. : 07:30-13:00 Rugby & Netbaloefeninge (Dins & Donderdae)... : 12:00-13:00 Kooroefeninge (Maandae, Woens & Vrydae). : 07:30-08:30 Klerewinkeltye (Dinsdae)... : 13:00-13:15 NB: Die Koor, asook die L/S & H/S Rugby en Netbaloefeninge sal eers vanaf Maandag, 9 Junie plaasvind. Die Top 10 Netbal & O/13A Netbal oefen wel volgende week ter voorbereiding vir die Top Skole Kompetisie. WES-KAAP & BOLAND NETBALSPELERS Ons is trots op ons netbaldogters wat vanjaar puik presteer. Baie geluk aan die volgende spelers wat vir onderskeidelik Boland- en Wes-Kaapspan(ne) verkies is: Boland 0.13 - Jana Cronjé Wes-Kaap 0.18 - Anandie Burger Die Bolandspanne neem die 1 ste naweek van die Junie vakansie aan n Interprovinsiale toernooi te Worcester deel. Die Wes-Kaapspanne neem aan die SA Skole Toernooi gedurende die 1 ste week van die Junie vakansie te Margate deel. Die skool se beste wense vergesel hulle. Ons is baie trots op ons 2 provinsiale spelers. LS & HS WES-KAAP NETBAL TOP SKOLE KOMPETISIE Op Saterdag, 7 Junie vind die Laerskole en Hoërskole Wes- Kaap Top Skole Kompetisie plaas. Ons 0.13 s en 1 ste span speel by dié Top Skole Kompetisie by HS De Kuilen in Kuilsrivier. Ons dogters gaan blootgestel word aan baie strawwe kompetisie. Mag die 2 spanne ons skool se naam op die Voorpunt hou. Sterkte en ons hou duime vas. BELANGRIKE INLIGTING KOPLUISE ONS WIL ASSEBLIEF ONS OUERS DAAROP ATTENT MAAK DAT DAAR KOPLUISE BY DIE SKOOL IS. MAAK ASSEBLIEF SEKER DAT DIE AANGEHEGTE RIGLYNE VIR DIE VOORKOMING EN BEHANDELING VAN KOPLUISBESMETTING GEVOLG WORD. *** BAIE DANKIE VIR ONS OUERS SE SAMEWERKING!! ***
BELANGRIKE KENNISGEWING NEEM ASSEBLIEF KENNIS DAT DIE REKENAARLOKAAL GESLUIT SAL WEES GEDURENDE DIE EKSAMEN WAT VANAF 2 JUNIE TOT 27 JUNIE STREK. LEERDERS SAL NIE TOEGELAAT WORD OM DIE LOKAAL GEDURENDE HIERDIE TYDPERK TE GEBRUIK NIE. JUF. BURGER Vandag is juf. Willemien Burger se laaste dag by juf. Bester se klasse. Sy sal egter steeds vanaf Maandag, 2 Junie by die skool wees om te proef. Baie sterkte!! WELKOM Juf. Bester sal terug wees by die skool op Maandag, 2 Junie. Baie welkom terug! BETAAL ASB. U KIND/ERS SE SKOOLFONDS Baie dankie aan ons ouers wat gereeld die skoolfonds betaal. Kom asb. die reëlings, soos met die na. SKOOLFONDS DANKIE VIR ONS OUERS SE SAMEWERKING. DIT WORD WAARDEER! skool getref, INSKRYWINGS VIR 2015 IS U KIND ALREEDS INGESKRYF BY DIE SKOOL VIR 2015? MAAK ASSEBLIEF SEKER DAT U AANSOEK BETYDS INGEHANDIG WORD. AANSOEKVORMS IS BY DIE SEKRETARESSE BY DIE HOëRSKOOL BESKIKBAAR.
OORDENKING VIR DIE WEEK Die Godstad: gebou met Aantrekkingskrag ( Die stad het die heerlikheid van God... - Openbaring 21:11) Wat sou ons graag wil hê dat die Gees in ons lewe moet verander? Wat laat ons minderwaardig voel? Hoe kan ons verander dat ons meer geliefd voel? Hierdie vrae klink moontlik ydel of selfgerig, tog is dit vrae wat gedurig iewers in ons elkeen leef. Dis tog lekker om mooi dinge oor onsself te hoor. Dis tog sinvol om goed met ander mense oor die weg te kom omdat hulle ons aangenaam belewe. Dit is lekker om goed oor onsself te voel en dit is werklik moontlik vir elke inwoner van die Godstad, want... Ons lewe deur die Gees; laat die Gees nou ook ons gedrag bepaal (Galasiërs 5:25). In Openbaring 21 lees ons hoe beeldskoon en pragtig en luuks die stad beskryf word, dan is dit simbolies God se doel met elkeen van ons: beeldskoon van binne en buite, n pragtige unieke persoonlikheid en al die mooiste eienskappe om almal rondom ons se lewens te verryk. Hy herbou ons lewens sodat ons al hoe meer na Hom lyk, bedoelende al hoe meer lewe soos wat Hy wil hê ons moet lewe. Hierdie Gees-gedrewe bouwerk hou nooit op nie. Hy is in ons besig, besig om ons totaal en al oor te maak en volledig nuut te laat lewe sodat elke Jesusmens so aantreklik en aanloklik word dat ander ook soos ons wil wees. Die mooi en die goeie in ons, wat slegs deur die Gees se werk sigbaar word, lok ander vreemdelinge nader aan die Godstad om ook inwoners te word. Hiervoor is die poorte van die Godstad oop vir enige een om in te kom. Die aanskoulikheid van die Godstad lok alle verlorenes om nader te kom en n keuse te maak om in te kom. Die engele by die poorte is daar om diegene wat reeds inwoners is, te beskerm. Dit is al die pad die moeite werd om binne die Godstad te kom lewe... is ons in of is ons nog op pad? GEBED: Herbouer in my lewe, dankie vir U puik Gees-werk in my! Amen
L/S OLIFANTSVALLEI EISTEDDFOD Die volgende leerder het ook n sertifikaat ontvang: Afrikaanse Poësie: Gr. 7: Anri Hanekom (Cum Laude) MATRIEKSERTIFIKATE 2013 Die volgende oud-leerders se matrieksertifikate moet nog by die skool afgehaal word: Ischke Alkaster, Aimee Beerwinkel, Peter Brown, Marco & Junior Brundyn, Deana Burger, Henriëtte Carolus, Daniëlle Coetzee, Tiaan Coetzee, Lara Coldrey, Lihan Conradie, Melissa de Villiers, Waylon Dirks, Sebastian Dorrington, Arno du Plessis, Esmeralda Everson, Zanmari Heydenrich, Shaun-Austin Ingram, Gretchen Jafta, Lenecia Jantjes, Willem Koch, Menisha Lindt, Selena Marsch, Erik Meyer, Barbara Nel, Fourie Nel, Louis Nel, Jeremy Ockhuis, Louis Pasques, Bianca Simms, Lee Solomon, Wayne Stassen, Morné van Rhyn, Gideon van Zyl, Marika Viljoen, Bianca Wagenstroom, Roberto Wiehahn, Temera Witbooi & Rayner Zincke. HSP DIVA AAND - HOU HIERDIE SPASIE DOP Fondsinsameling ten bate van n afdak by die Kleinskooltjie Slegs vir vroue Slegs vir vroue... Slegs vir vroue... Gassprekers en vermaaklikheid: Elsabé Aldrich (besoek www.elsabealdrich.co.za vir meer inligting) Adv. Hanlie Linde (Munisipale Bestuurder van Bergrivier Munisipaliteit) Datum : Vrydag, 25 Julie 2014 Tyd : 19:00 Waar : N.G. Kerksaal Tema : Vroue wat skitter Drag : Glitz and Glamour Koste : R160 p/p (Vier gang maaltyd - Johan von Wielligh) Daar gaan pryse toegeken word vir die bes geklede/mees gepaste geklede dames in die volgende kategorieë: * The lady in red * Ms. Bling * Uit Ouma se kas * * The X-factor * Me Stylvol * Me Natuurlik/Ms Natural * Kaartjies is te koop by: Anna-Mari de Lange, Annazelle Burger (Citrusdal), Belinda Smith, Chrismaré Cruywagen, Cornette Liebenberg, Ester de Jager (Kleinskooltjie), Eulize Coetzee, Gretha Cronjé, Hester Daniëls, Karin Knoetzen, Lerina Nel, Marelise Treurnicht, Minette Burger, Raimondia van Uys, Riana Hagen (Citrusdal), Ronelle Bakker, Wena van der Merwe, Wilmarie Kriel & Elna Lombard (HSP ontvangs). Kontak asseblief vir Karin Knoetzen (022 931 3201/ Karin@knoetzen.co.za) vir meer inligting.
WEEKPROGRAM Vrydag, 30 Mei - L/S Boland Topskole Wes-Boland Eisteddfod - Dans (Curro Langebaan) Saterdag, 31 Mei - Wes-Boland Eisteddfod - Dans (Curro Langebaan) - Old Boys Rugby vs Clanwilliam (Tuis) Maandag, 02 Junie - Gr. 10-12 Eksamen begin Dinsdag, 03 Junie - Gr. 10-12 Eksamen Woensdag, 04 Junie - Gr. 10-12 Eksamen Donderdag, 05 Junie - Gr. 10-12 Eksamen Vrydag, 06 Junie - Gr. 10-12 Eksamen Saterdag, 07 Junie - Wes-Kaap Netbal Top Skole (H/S De Kuilen) MNR. WILLEM ENGELBRECHT SKOOLHOOF HULP MET EKSAMEN As u kind klaar geleer het, kan u saam met hom/haar hersien en vrae vra om te kyk of hy/ sy die werk ken. Help u kind die aand voor die eksamen deur alles vir die volgende dag gereed te sit en verminder so oggendspanning. Help u kind om bereikbare, meetbare, haalbare en realistiese doelwitte vir hom/haarself te stel. Luister as u kind oor die eksamen praat. Help u kind met studiemetodes en gee vir hom/haar die geleentheid om insette te lewer. Maak n punt daarvan om positiewe gedrag te erken en te beloon. Wees realisties oor u kind se vermoëns. Gee komplimente as hy/sy goed in sy/haar eksamen doen. STERKTE!!
EKSAMEN KONSENTRASIE Een van die grootste redes waarom leerders sukkel om te studeer, is die gebrek aan konsentrasie! Wanneer jy wil studeer, is dit uiters belangrik dat jou gedagtes nie dwaal nie. Daar is verskeie redes waarom jou gedagtes dwaal wanneer jy eintlik moet studeer: Dinge wat jou aandag aflei en jou gedagtegang onderbreek: stemme, bewegings, 'n telefoon wat lui, harde musiek, ens. Oorlading van jou brein: jy probeer te veel inligting in te min tyd leer As jy werklik goed wil konsentreer moet jy die volgende doen: Verdeel jou werk in kleiner dele en moenie alles op een slag probeer leer nie. Studeer vir 20-30 minute en rus dan vir 10 minute, herhaal weer. Toets jouself kort-kort oor die werk wat jy reeds geleer het om seker te maak dat jy dit kan onthou. Op hierdie manier gee jy jou brein die geleentheid om 'n ruk te konsentreer en inligting in te neem en om daarna te ontspan terwyl die inligting vasgelê word. Die belangrikste aspekte van konsentrasie is: Selfdissipline: bly by 'n vasgestelde studierooster wat jy elke middag volg. Motivering: wat presies wil jy bereik? Laat dit jou motiveer! Belangstelling: probeer belangstel in die vak wat jy moet leer. Beheer: probeer jou aandag doelbewus op jou studies fokus. Konsentrasie kan verbeter word deur die volgende: Skep vir jou 'n "studeer vriendelike" studie-omgewing waarin jy kan leer. Sorg dat daar genoeg lug en lig is waar jy moet studeer. Skakel geraas en veral musiek uit wanneer jy moet studeer. Beplan en verdeel die werk wat gedoen moet word. Stel vir jouself doelwitte wat bereik moet word. Studeer in tye wanneer jou energievlakke op hul hoogste is. STERKTE MET DIE LEERDERY!!