Geagte Ouer en Leerder

Geagte Ouer en Leerder Ons vertrou dat hierdie inligtingstuk vir u heelwat inligting oor ons skool en sy verskeie aktiwiteite sal bied. Ek is oortuig daarvan dat die skool se organisasie en administrasie op n geordende en gestruktureerde wyse moet geskied. Laasgenoemde is slegs moontlik as die ouers, leerders en opvoeders kan saamdink, beplan en werk. Mag u verbintenis met n moderne Afrikaans-medium skool lank en gelukkig wees. Mag u gou deel van die groot span word en saam streef en werk na uitmuntendheid. Indien u enige leemtes of behoeftes in die gids identifiseer, moet u dit asseblief onder my aandag bring vir die toekoms. Mooi wense... G.D. BIESENBACH SKOOLHOOF

2. MISSIE Montana streef om aan kinders van Worcester n gebalanseerde, opvoeding van gehalte te lewer deur die skool so te bestuur dat uitvoering gegee word aan die belofte: Waar elke kind belangrik is VISIE Ter bereiking van ons strewe, stel ons dit ten doel om: die Hoërskool Montana toeganklik vir alle gelowe, alhoewel die meerderheid van ons leerders die christelike geloof aanhang, te bedryf; onderrig deur middel van Afrikaans as voertaal aan te bied; akademiese prestasie altyd die hoogste voorrang te laat geniet, maar nogtans n gesonde balans te handhaaf tussen akademie, sport, kultuur en ander buitemuurse bedrywighede; n klimaat van gesonde, konstruktiewe dissipline te handhaaf; die menswaardigheid van almal te respekteer, en gelyke geleenthede aan alle leerders te bied; n eie besondere karakter, etos en tradisie te handhaaf; altyd n toepaslike-gekwalifiseerde, ervare, gemotiveerde en aanpasbare personeelkorps in diens te hê wat oor die nodige empatie en toewyding beskik om die beste uit elke leerder te haal; n wye gebalanseerde vakkeuse aan te bied wat aan huidige, sowel as toekomstige behoeftes sal voldoen; n trots in, en lojaliteit aan, die Hoërskool Montana by sy leerders, oudleerders, ouers en personeel te kweek en te handhaaf; hul samewerking en ondersteuning deurlopend op alle terreine te verkry en te behou; altyd puik fasiliteite beskikbaar te hê, te onderhou en te ontwikkel, maar met inagneming van die bekostigbaarheid van onderwys vir almal.

3. KURRIKULUM VAKKEUSE 2016 VERPLIGTE LEERAREAS VIR GRAAD 8 EN 9 1. TALE 4. EKONOMIESE BESTUURSWETENSKAPPE Afrikaans Primêre Taal 5. KUNS EN KULTUUR Engels Primêre/Addisionele Taal 6. NATUURWETENSKAP 2. WISKUNDE 7. LEWENSORIëNTERING 3. SOSIALE WETENSKAPPE 8. TEGNOLOGIE Musiek as vak - Kontak Musiekopvoeder VAKKEUSE GRAAD 10 & 11 VERPLIGTE VAKKE 1. Afrikaans Huistaal 2. Engels Huistaal óf Eerste Addisionele Taal 3. Lewensoriëntering 4. Wiskunde óf Wiskundige Geletterdheid KEUSE VAKKE (KIES EEN UIT ELKE GROEP) (Swart gedruk is vrystellingsvakke) Fisiese Wetenskappe Geskiedenis Besigheidstudies Kuns Musiek Lewenswetenskappe Rekenaartoepassingstegnologie (RTT) Inligtingstegnologie Geografie Kuns Musiek Verbruikerstudie IGO (Ingenieursgrafika & Ontwerp) Rekeningkunde Lewenswetenskappe Kuns Musiek VAKKEUSE GRAAD 12 VERPLIGTE VAKKE 1. Afrikaans Huistaal 2. Engels Huistaal óf Eerste Addisionele Taal 3. Lewensoriëntering 4. Wiskunde óf Wiskundige Geletterdheid KEUSE VAKKE (KIES EEN UIT ELKE GROEP) (Swart gedruk is vrystellingsvakke) Fisiese Wetenskappe Geskiedenis Besigheidstudies Kuns Musiek Lewenswetenskappe Rekenaartoepassingstegnologie (RTT) Inligtingstegnologie Geografie Kuns Musiek Verbruikerstudie Siviele Tegnologie Rekeningkunde Lewenswetenskappe Kuns Musiek

Gr 10, 11 & 12 MINIMUMTOELATINGSVEREISTES VIR TERSIêRE SERTIFIKATE 1. Minimumvereistes vir toelating tot n diploma: Nasionale Senior Sertifikaat met n prestasieaanslag van 3 (matige Prestasie, 40% tot 49%) of beter in vier erkende NSS 20 - kredietvakke. 2. Minimumvereistes vir toelating tot n B-graad: Nasionale Senior Sertifikaat met n prestasieaanslag van 4 (matige Prestasie, 50% tot 59%) of beter in vier erkende vakke gekies uit die volgende vakke NSS 20 kredietvakke. Kredietvakke op die vaklys Rekeningkunde Lewenswetenskappe Verbruikerstudie Visuele Kunste Besigheidstudie Wiskunde Inligtingstegnologie Dramatiese Kunste Wiskunde Geletterdheid Tale (Afrikaans) Geskiedenis Musiek Fisiese Wetenskappe Ingenieursgrafika & Ontwerp Geografie 4. EKSTRA/KURRIKULêRE AKTIWITEITE Kennis is mag, daarom bied Montana u kind nog vele geleenthede om te groei. Loopbaanuitstallings Opvoedkundige uitstappies Rekenaarvaardighede Kulturele uitstappies Taalbond-eksamens Sporttoere en -klinieke Oueraande Mej & Mnr Montana Olimpiades Fondsinsamelingsprojekte VCSV - SKOOLKOERANT - REDENAARS - KOOR - SKAAK Gebalanseerde gelukkige kinders is vir Montana belangrik, daarom is daar vele aktiwiteite en verenigings waarin u kind hom/haar kan uitleef. NOODHULP - MUSIEKBLYSPELE - DANS - DRAMA

ATLETIEK - KRIEKET - SWEM - TENNIS - LANDSDIENS U kind se spontaniteit is vir Montana kosbaar, daarom bied ons n verskeidenheid sportsoorte aan sodat elke kind sy talent optimaal kan ontwikkel. Vanweë genoegsame sportgeriewe en afrigting van hoogstaande gehalte, bestaan n spontane gees van deelname. Ruim geleentheid word ook gebied vir die verwerwing van provinsiale- of nasionale kleure. Tans word ons leerders deur n professionele persoon afgerig. TOUTREK - RUGBY - NETBAL - HOKKIE - GHOLF - FIETSRY BESTUURSKOMITEE - SPORTKAPTEINS Leierskap en leierskapontwikkeling is een van die belangrikste komponente van opvoeding; daarom het Montana n struktuur wat leierskap oor n breë front ontwikkel en soveel moontlik leerders betrek. VERENIGINGSBESTUUR - RAAD VAN LEERDERS VLIEGAKADEMIE Die eerste en enigste vliegakademie in die Wes-Kaap. Die kursus word aangebied deur 25 Air School. 5. SKOOLDRAG ALLE SKOOL- EN SPORTDRAG IS BESKIKBAAR BY DE JAGERS UITRUSTERS OF LASLAPPIES SEUNS Somer: Winter: LO Blou kortmou, oopnekhemp, kort of lang grysbroek, grys kouse met skoolkleure, navy oortrektrui, swart toerygskoene wat gepoleer moet word. Geen suede -, lakleer en hoëhakskoene en geen klinknaelbroeke mag gedra word nie. Blou, langmou boordjiehemp met skooldas, skooltrui, navy oortrektrui en/of kleurbaadjie en grys broek. Serp: Navy blou serp by De Jagers. Navy sweetpakbroek/quantec en Rugby kortbroek (koningsblou) en Blou Gholfhemp met meerkat (Beskikbaar by De Jagers) ALGEMEEN Wanneer kleurbaadjies gedra word (winter/of somer) MOET n leerder n toeknooop boordjiehemp met n das dra. MEISIES Somer: Blou kortmou, oopnek oorhang hemp, navy rompie, wit enkelsokkies, navy oortrektrui, swart leer toerygskoene of skoene met bandjie.

Winter: Blou langmou boordjiehemp met skooldas, skoolromp of grys dogters langbroek (sonder sakke), skooltrui, navy oortrektrui en/of kleurbaadjie en grys broek. Serp: Navy blou of Montie serp LO Navy sweetpakbroek/quantec en Rugby kortbroek (koningsblou) en Blou Gholfhemp met meerkat (Beskikbaar by De Jagers) LW: 1. Kleurbaadjies (seuns & meisies) : Verpligtend vir leerders elke dag in die winter en in die somer op Maandae en by voorgeskrewe skoolfunksies en Sportdae. 2. Geen romp mag korter as 15cm bokant die knie wees nie (in n knielposisie). 3. Reënbaadjies & navy kappie sporttop is sportdrag en word nie saam met skoolklere gedra nie. 6. SPORTDRAG LW. Alle 1ste spanne het hul eie Montana sportdrag wat deur 'n borg verskaf word. Die volgende word deur die verskeie spanne gedra. KRIEKET Wit kraaghemp/wit langbroek/wit sokkies. Oorwegend wit tekkies. RUGBY Truie: Geel & Blou (beskikbaar by Logo Clothing) Broek: Koningsblou kortbroek Sokkies: Koningsblou met geel omslag (De Jagers) HOKKIE Seuns - goud/koningsblou kortmouhemp/koningsblou, wit en geel gestreepte kouse / Quantec kortbroek (koningsblou) Dogters geel/navy moulose hemp; navy hokkieromp/navy, wit en geel gestreepte kouse TENNIS Seuns : wit tennishemp met Montana-tenniswapen/navy hokkiebroek wit sokkies/ Montana Keps Dogters: wit tennishemp met Montana-tenniswapen/navy hokkieromp/ wit sokkies/ Montana Keps SWEM Dogters: Eenstukswembroek (verkieslik donkerkleurig) Seuns: Speedo of gemaklike swembroek wat nie afsak nie. LO Meerkathemp en kortbroek

NETBAL Hemp: geel en navy moulose hemp en rompie (navy) Sokkies: wit sokkies. GEEN secret socks. ATLETIEK Kleure Atletiek: Quantec en Rugby kortbroek (koningsblou) en LO Gholfhemp. Indien leerders skool verteenwoordig op Noord-Boland/Boland vlak word hierdie benodiog: Seuns : Montana blou Quantec bo en gaatjieslap onder Dogters: Dogter snit - Quantec langer vir dogters - minder gaatjies TOUTREK Rugbytrui (beskikbaar by Logo Clothing); Koningsblou rugbybroek; Eie boots Seuns: Rugbysokkies; Dogters: Hokkiesokkies GHOLF: Bestaande LO Gholfhemp met room Chinobroek. FIETSRY: Swart fietsrybroek; Montana fietsryhemp (beskikbaar by afrigter) SPORTBAADJIE Die navy baadjie met geel en wit detail. SWEETPAKBROEK - Donker navy geen strepe op of embleme ALGEMEEN 1. Indien leerders nie die korrekte kleredrag aan het nie, moet hy/sy by die graadhoof rapporteer met n brief van die ouers. Verlof sal dan toegestaan word. 2. Geen sport- of skooldrag met die skoolkleure of skoolwapen op, mag aan persone wat nie leerders van Hoërskool Montana is (of was) gegee of verkoop word nie. 3. By alle skoolfunksies word skooldrag vereis. n Uitsondering mag met verlof van die hoof gemaak word. 4. Slegs horlosies mag gedra word en geen ringe of ander juweliersware nie. Oorringetjies (maksimum deursnee 10mm) van silwer of goud is toelaatbaar vir dogters. Ook knoppies (maksimum deursnee 3mm) van goud of silwer is toelaatbaar. Slegs een ringetjie of knoppie per oor in die oorlel is toelaatbaar. Geen oorknoppies met siersteentjies in nie. 5. Geen arm- of nekbande word toegelaat nie. 6. Skoene moet skoon en heel wees. Geen aanglipskoene nie. 7. Skooltruie/oortrektruie word slegs vir koue dae aanbeveel en mag nie by die moue uitgerafel wees nie.

7. KLEREBANK Die skool beskik oor netjiese tweedehandse skoolklere en sportitems wat in n goeie toestand is. Mev vd Westhuizen hanteer die aankope en verkope. Ouers kan aan die einde van die kwartaal navrae doen oor die verkope en sodoende hul geld kom afhaal. Die skool hef 20% kommissie op alle verkope. Leerders moet asseblief alle artikels duidelik merk. Alle ongemerkte verlore goedere word vir die betrokke kwartaal gestoor en daarna word dit verkoop. 8. GRAADHOOFDE n Graadhoof per skoolgraad word jaarliks aangewys. Die betrokke senior opvoeder is naas die adjunkhoof en die hoof, die skool se skakel met die ouer en sy kind se vakonderwysers. Sy/Haar pligte behels: Toesig en beheer oor verantwoordelikhede van registeronderwysers. Fondsinsameling - klaspogings. Puntebespreking na toetse en eksamens. Koördineer huisbesoekprogram vir graad 8-leerders. Sien om na welsyn van leerders in graad. Die graadhoofde vir 2016 is: Graad 8 Graad 9 Graad 10 Graad 11 Graad 12 Mnr Kruger Mev Van Wyk Mej Van Zyl Mev Cilliers Mej Van Heerden 9. SKOOLREëLS 9.1 ALGEMENE REëLS 1. Haarreëls vir seuns en meisies: Kleur en Strepies: Leerders mag hul hare EEN skakering ligter of donkerder as hul normale haarkleur kleur. Geen hare mag rooi of swart gekleur word nie. Slegs natuurlike blondekoppe mag blonde strepies in hul hare laat sit. Niemand anders mag strepies (van enige kleur) in hul hare laat sit nie. Hare wat gekleur word of blonde koppe wat strepies in hul hare het, MOET dit te alle tye in stand hou. Dogters: Hare moet te alle tye netjies wees. As hare aan die onderpunt van die kraag raak, moet dit vasgemaak word. Slegs navy, geel, swart of bruin rekkies/linte mag gedra word. Kuiwe en los hare moet vasgesteek word. Seuns: Hare moet te alle tye netjies wees. Hare mag nie die bokant van die ore bedek nie en kuiwe mag nie die volle voorkop bedek nie. Sidies mag nie laer as die onderste deel van die oor-opening gegroei word nie. Geen vreemde haarstyle wat nie pas by n skooluniform, sal toegelaat word nie. Hare wat regop gejel word, moet baie kort wees.

2. Baarde/Snorbaarde (Seuns): Seuns moet altyd netjies geskeer wees. Wanneer n seun ongeskeerd by skool aankom, moet hy by die sekretaresse aanmeld sodat hy skeerroom & n weggooibare lemmetjie kan ontvang om hom in die seuns se kleedkamer te gaan skeer. Hy moet die daaropvolgende dag n boete (R5) betaal. Indien dit herhaaldelik gebeur, sal dit in die detensieboek aangeteken word en die gewone strafprosedure sal gevolg word. 3. Geen tatoeëermerke mag by skool en/of sportklere uitsteek nie. 4. Rook is ten strengste verbode, asook die besit van sigarette of aansteker. 5. Leerders word nie toegelaat om sonder die verlof van die personeel vir n dorp se sportspan te speel as daar n soortgelyke skoolspan bestaan nie. 6. Geen leerder word voor skool en gedurende pouses in die klaskamers of gange toegelaat nie. In ongunstige weersomstandighede, mag verlof van die bestuurskomitee of personeel verkry word om binne die gange te bly. 7. Aan die begin van die dag en na pouses moet leerders flink en netjies na hul klasse stap. 8. Wanneer klasse wissel en beweeg, moet flink en in enkelgelid gestap word. Stap aan die linkerkant met die boeketas in die regterhand. Geen tasse word voor skool en tydens pouses in die gange toegelaat nie, tensy dit reën. 9. Na pouses en aan die einde van die dag, moet die noodplan se roetes gebruik word om die gebou vinnig en effektief te ontruim. 10. By saalbyeenkomste tree leerders in hul klasse aan soos aangedui. Tasse moet netjies in rye buite die saal gelaat word tydens saalbyeenkomste, uitgesonder op reëndae wanneer dit voor die klaskamer se deur (periode 3) gelaat word. 11. In die saal moet daar te alle tye orde wees. 12. Wanneer leerders vir skoolaktiwiteite benodig word, bv. tennis, netbal, hokkie, rugby, atletiek, debat, VCSV, ens. moet hulle stiptelik wees. Indien dit onmoontlik is om teenwoordig te wees, moet kennis daarvan VOORAF aan die betrokke opvoeder gegee word. 13. Oneerlikheid en afskrywery word nie geduld nie. 14. Alle handboeke moet ten minste met plastiek oorgetrek wees. Skryfboeke kan met n papier oorgetrek word. 15. Daar mag nie op banke, tafels, mure, vensters of deure gekrap, geskryf of geteken word nie. 16. Lastertaal word nie van n hoërskoolleerder verwag nie en is ten strengste verbode. 17. Van elke leerder word verwag om die skoolgebou en -terrein netjies te hou.

Papiere en rommel moet gegooi word in die houers wat daarvoor bedoel is. Daar mag nie binne die gebou geëet word nie. Daar mag nie op die vullisdromme gesit word nie. 18. Alle fietse en motorfietse moet in die fietshok op afgebakende plekke staan. Die fietshok word tien minute na die aanvang van die skooldag gesluit en word 2de pouse oopgesluit. Leerders moet uiters versigtig en stadig op die skoolterrein ry. In die middae moet fietse en motorfietse tydens buitemuurse bedrywighede in die fietshok gelaat word. Dit sal nie gesluit word nie en leerders word versoek om fietse self te sluit. Geen leerder mag n motor op die skoolterrein bestuur of parkeer sonder toestemming van die skoolhoof nie. 19. Slegs die volgende lapelwapens mag gedra word: Bestuurskomitee, VRL, Top Tien, Vliegakademie en Fantastique. 20. Daar word van elke leerder verwag om te alle tye op te tree as n waardige ambassadeur vir ons skool. 21. Die hoofingang van die skool mag nie deur leerders gebruik word nie. 22. Geen leerders word in die administratiewe blok toegelaat sonder dat hy/sy by die sekretaresses aangemeld het nie. 23. Indien leerders selfone skool toe bring, is dit geheel en al op eie risiko en moet die selfone tydens onderrigtyd en klaswisseling afgeskakel wees. MP3 s/ipod s/selfoonmusiek word glad nie toegelaat by die skool nie. Dit sal afgeneem word(ook simkaart), die nodige administrasie sal afgehandel word en in veilige bewaring geplaas word. Indien dit afgeneem word, kan hy/sy n boete van R150,00 betaal binne die eerste 2 weke en R80,00 binne die volgende 14 dae om dit terug te kry. Indien hy nie die boete betaal nie, word die selfoon, IPOD, ens., aan die einde van die kwartaal teruggegee. Tydens eksamens word alle selfoon/mp3/ipod/selfoonmusiek in n houer by die onderwyser aan diens geplaas. 24. Take en verwante opdragte. Die ingeedatum moet vroegtydig aan leerders gegee word (maar leerders moet billike tyd hê om dit af te handel). Indien n leerder n taak/opdrag/werkstuk laat ingee, geld die volgende: Vir elke skooldag laat, word 10% van die maksimum, behaalbare punt afgetrek. Na 5 skooldae kry die leerder 0, indien hy/sy dit nog nie ingegee het nie. 9.2 ORDE EN DISSIPLINE IN DIE KLASKAMER 1. Leerders wat die klas binnekom, bly staan totdat hul gegroet is. 2. Leerders trek baadjies slegs met toestemming uit. 3. Laatkommers (na 5 minute) word slegs met n nota van die verantwoordelike onderwyser toegelaat. Indien sy verskoning nie aanvaarbaar is nie, moet die leerders buite die deur bly staan.

4. Tydens periodes moet leerders in die vak- of toesigonderwyser se lokaal wees. 5. Slegs nadat n leerder sy hand opgesteek het, word n leerder deur die onderwyser toegelaat om n opmerking te maak of n vraag te vra. 6. Verlof om die klas te verlaat word slegs in uitsonderlike gevalle aan een leerder op 'n slag d.m.v. 'n identifikasieplaatjie gegee. 7. Geen leerder of opvoeder mag 'n selfoon tydens klastyd gebruik of oproepe daarop ontvang nie. 8. Verlof om die skool te verlaat word slegs van die adjunkhoof of Departementshoofde verkry gedurende pouses of met die wisseling van klasse. 9. Leerders loop nie sonder toestemming in die klas rond nie. 10. Eet (ook kougom) en drink word nie in die gange of klaskamers toegelaat nie. 11. Elke leerder moet sorg dat dit op, in en om sy bank skoon is. 12. Leerders staan op as n volwassene die klas inkom en gaan sit eers nadat toestemming deur die klasonderwyser gegee is. 13. Leerders lê nie op hul arms as onderwysers klasgee nie. 14. Leerders gesels nie as onderwysers klasgee of as ander leerders vrae vra nie. 15. Geen voorwerpe mag gegooi word nie. 16. Geen leerder mag n skryfbord sonder toestemming gebruik nie. 17. Alle kaste, laaie, media en boekrakke is buite perke vir leerders. 18. Die volgende mag nie in besit van n leerder in die klaskamer (of op die terrein) wees nie: klankapparaat en gevaarlike voorwerpe (sodanige objekte sal afgeneem word en kan aan die einde van daardie betrokke kwartaal afgehaal word.) 19. Niemand pak boeke weg voor dit beveel word nie. 20. Tydens afkondigings bly leerders in hul banke sit en niemand gesels nie (geen boeke word weggepak nie). 21. Geen nie-skoolboeke en tydskrifte mag in die klas hanteer word nie, tensy dit in die vakonderrig voorgeskryf word (dit geld ook vir toetse en eksamens). 22. Geen leerder mag op enige wyse die veiligheid van n ander persoon (of sy eiendom) in gevaar stel nie. 23. Alle leerders sal direk vorentoe in, en nie op hul banke sit nie.

24. Geen opvoeder mag leerders toelaat om buite te gaan speel nie. 25. Geen leerder word toegelaat om by n ander onderwyser n taak af te handel nie, tensy die vakonderwyser dit toelaat met n geskrewe versoek van die ander leerkrag. 26. Ander vakke se werk mag nie in n gegewe opvoeder se lokaal, sonder toestemming, gedoen word nie. 27. As n leerder uitgestuur word, moet hy direk buite die klaskamer of by die plek waarheen hy gestuur is, bly. 9.3 GEDRAGSKODE SPORT/KULTUUR Van sportmanne en-vroue sal verwag word dat hulle: Verbind sal bly tot die sportsoort vir die duur van die seisoen Aan ten minste een somer en een wintersport moet deelneem te alle tye sodanig sal optree dat dit tot eer en trots van die skool en gemeenskap sal strek sowel as tot die gesonde uitbouing van hul volle, gebalanseerde menswees-potensiaal kleredrag by byeenkomste, kompetisies en tydens wedstryde korrek sal wees die beslissings van skeidsregters en beamptes aanvaar sal word stiptelik sal wees in die bywoon van sportaktiwiteite en vergaderings geen vuiltaal en onsportiewe opmerkings sal maak nie in nederigheid hulle prestasies sal koester en dit as uitdaging sal aanvaar vir steeds hoër standaarde dit in gedagte sal hou dat n mens met nederigheid wen en met grasie verloor. Indien n speler van enige van bogenoemde bepalings sou afwyk, moet die afrigter die onaanvaarbare gedrag aan mnr Steyn rapporteer. In ernstige gevalle sal laasgenoemde persoon dit na die hoof verwys. 9.4 GEDRAGSKODE 1. INLEIDING: Die personeel, leerderleiers en Beheerliggaam het gesamentlik 'n gedragskode vir ons skool saamgestel. Ons is oortuig daarvan dat dit die enigste manier is om orde, dissipline en sukses in n skool te waarborg. Oortredings word in die volgende hoofkategorieë verdeel: [Tussen hakies word die aantal punte genoem wat met so n oortreding verbeur word.] (Sien ook puntestelsel onder punt 3). 1.1 ALGEMENE HOUDING: Respek vir godsdienste, nasionale simbole, skoolsimbole, opvoeders, ander volwassenes, leerderleiers, sportkapteine en mede-skoliere (5-30 punte in al die gevalle). 1.2 SELFONE (ENS): Verwys na 9.1 (Nr 23).

1.3 WANGEDRAG: Onvanpaste inskrywing op netwerke soos face book, ens., (5 20); Rook (5-10); kru-taal (5-20); pornografie (10-20); stokkiesdraai (10-20); onderrigontwrigting (5-10); baklei (5-20); skade van skool se beeld (15-30); roekelose bestuur op skoolgronde (5-20 en boete van maksimum R50); gebruik van drank (20-30). 1.4 KRIMINELE EN ERNSTIGE OORTREDINGS: Besit, gebruik of verkoop van dwelms (onmiddellik na Beheerliggaam, Dissiplinêre komitee Skorsing/uitsetting); drankmisbruik (20 - uitsetting); besit van gevaarlike wapens en klipgooi (5-20 uitsetting); diefstal (5-uitsetting); brandstigting (20-uitsetting); naamskending (5-20); besoek van ongeoorloofde plekke sonder ouertoesig (5-uitsetting); beskadiging van skool-personeel- en leerdereiendom (herstel, boete en 5-uitsetting); oneerlikheid tydens toetse en eksamen (10-30); seksuele teistering (10 uitsetting). 1.5 PLIGVERSUIM: Tuiswerk (verpligte hulpklasse deur opvoeder self); verontagsaming van billike opdragte; afskryf van tuiswerk; laatkom by klas, sport, skool; afwesig sonder verskoning; boeke tuis vergeet (leerkrag sal optree almal 5-10). Nie opdaag vir detensie (5 10 punte en 2 x detensie). 1.6 SKOOLREëLS: Verontagsaming van enige verdere skoolreëls ook haarreëls en ander netheidsoortredings, asook gebruik van selfone gedurende skoolure (5-20). 2. STRAFMAATREëLS: 2.1 Waarskuwing: 2.1.1 Werkversuim (vakopvoeders) (a) Verpligte hulpklas (b) Graadhoof 2.1.2 Gedrag (Vakopvoeders) (a) Detensie (3x) en trek punte af op gedragskode (b) Graadhoof (c) Skoolhoof detensie (d) Beheerliggaam 2.2 Ouers kontak - skriftelik / Graadhoof - telefonies 2.3 Skoolhoof/Ouers Onderhoud 2.4 Ontneem van voorregte stemreg, uitstappies, leierskap, funksies. 2.5 Skorsing 2.6 Beheerliggaam: Uitsetting 3. PUNTESTELSEL: 2016 (Nuwe leerders) Gr 12 : 60 (2016) 11 : 70 (2016-2017) 10 : 80 (2016-2018) 9 : 90 (2016-2019) 8 : 100 (2016-2020) Alle nuwe leerders wat gedurende 2016 by die skool aansluit, behou hulle punte (soos hierbo per Graad toegeken) tot in Graad 12. Afhangende die aard van die oortreding, word punte afgetrek (sien kategorieë). Indien n leerder in n graad sy maksimum punte vir die graadgroep verloor, staar hy skorsing in die gesig.

4. WERKSWYSE: Elke opvoeder moet sy goeie oordeel gebruik of n minder ernstige oordeel gerapporteer moet word of nie. Indien n voorval in die klas, skoolgronde, sportveld of elders plaasvind, moet die volgende stappe geneem word: 4.1 Die opvoeder moet die leerder op sy/haar oortredings wys. 4.2 Die opvoeder en leerder moet die aangeleentheid met die graadhoof bespreek. Die leerder moet n geleentheid kry om sy/haar saak met die betrokke opvoeder/s te bespreek. 4.3 Hulle besluit gesamentlik volgens die riglyne watter straf uitgedeel moet word. 4.4 Indien die betrokke leerder ongelukkig voel oor die aangeleentheid, kan die adjunkhoof of skoolhoof genader word. 4.5 Sodra n oortreding ernstig is (m.a.w. waar 20 punte en hoër ter sprake is), moet die aangeleentheid met die skoolhoof bespreek word. 5. KAARTSTELSEL: Vir elke leerder word n kaart bygehou. Oortredings in klas/vakverband word deur die opvoeder in oorleg met die graadhoof op die leerderkaarte aangebring. Leerders sal ingelig word oor hul strafpunte en op hul kaart hul handtekening aanbring. Ouers sal ook, sodra hul kind n gevaargebied binnegaan, ingelig word. 6. Leerders wat hul skuldig maak aan ernstige wangedrag en of die skool se naam in diskrediet bring, kan deelname aan skoolfunksies en stemreg aan VRL & BK geweier word. 10. BOODSKAPPE BY DIE SEKRETARESSES Slegs in uitsonderlike gevalle mag take/huiswerk/boeke/kos/sportklere of geld by die sekretaresse afgegee word. Die sekretaresse sal geensins verantwoordelikheid aanvaar vir die wegraak van bognoemde nie. Leerders sal slegs 1ste pouse afgeroep word vir boodskappe of om iets af te haal. Dringende boodskappe moet asseblief met die skoolhoof bespreek word. 11. AFWESIGHEID EN LAATKOM Die afwesigheid van leerders word op daaglikse basis en volgens n bepaalde stelsel gekontroleer. Wanneer n leerder afwesig is, word ouers vriendelik versoek om, indien moontlik, voor 09:00 op die betrokke dag die sekretaresse te skakel om dit te bevestig. Indien nie, moet daar op die eerste skooldag wat die leerder terug is by die skool n brief van die ouer aan die graadhoof gestuur word waarin die rede vir en datums van afwesigheid gegee word.

Ouers word vriendelik versoek om mediese afsprake, leerling- en Bestuurslisensies vir sover dit moontlik is, na skoolure te maak. Leerders wat afwesig is, moet self toesien dat hul agterstallige werk inhaal. Ad hoc-reëlings word getref wanneer n leerder weens onvermydelike omstandighede soos siekte vir lang tydperke afwesig is. Indien n leerder afwesig is tydens enige eksamen of toetsreeks word dieselfde prosedure gevolg, maar n mediese sertifikaat moet dan voorgelê word ter stawing. Indien n leerder gedurende die skooldag siek word of, wanneer mediese afsprake deur die dag gemaak moet word, moet n verskoningsvorm by hul graadhoofde gekry word. Hierdie vorm moet dan deur al die opvoeders wat nog die betrokke dag vir die leerder klas sou gee, onderteken word. Die sekretaresse sal die leerder se ouers in kennis stel van sy siekte en eers dan mag die leerder huis toe gaan. Elke leerder kry 3 x toegewings per kwartaal om laat te kom. Meer as 3 maal word hy/sy dadelik afwesig gemerk. Geldige redes vir addisionele laatkom sal toegestaan word. 12. EKSTRA KLASSE Alle personeellede is Dinsdae Donderdae direk na skool beskikbaar in hul klasse vir gratis ekstra klasse tot 14:10. Laasgenoemde klasse is vir alle leerders wat addisionele inligting vir n vak verlang. Leerders moet net die nodige reëlings met die betrokke opvoeders tref. 13. ONDERRIGGELDE VIR 2016 R11 070,00 per leerder per jaar. R 922-00 per leerder per maand (Debietorder oor 12 maande) R 1 110-00 per leerder per maand (Maandeliks oor 10 maande: Februarie - November) Volgens skolewet geen afslag vir eenmalige betaling nie. Gelde kan wel teen 31 Maart 2016 betaal word. Alle finansiële inligting word as uiters konfidensieel beskou en word onder geen omstandighede met n onderwyser bespreek nie. Indien enige finansiële inigting verlang word, kan met mev D. Jooste, telefonies of tydens skoolure bespreek word. Begrotingsvergadering vir 2017 sal nog bepaal word. 14. SKOOLURE Die skoolure is tans as volg: Alle kwartale dieselfde tye : Begin om 07:25 en sluit om 13:50 Administratiewe personeel is Maandae Vrydae tot 15:30 beskikbaar.

15. HANDBOEKE/SKRYFBOEKE 15.1 Handboeke n Lys van voorgeskrewe handboeke soos deur die sillabus bepaal, is by die skool beskikbaar. Leerders kan handboeke op die volgende maniere bekom: 1. Departementele boeke word aan die begin van die jaar aan n leerder uitgereik en moet aan die einde van die jaar teruggegee word. Indien weg of beskadig moet dit betaal word. 2. Gr 8 12 : n Deposito van R300,00 word vir Departementele boeke betaal. n R50,00 hanterings/vervangingsfooi sal elke jaar afgetrek word. Aan die einde van sy/haar skoolloopbaan sal die restans op aanvraag terugbetaal word, mits alle boeke en/of uitstaande gelde t.o.v. boeke betaal is. Boeke wat deur leerder self aangekoop is mag herverkoop word. Die reëling moet self deur die leerders gedoen word. Geen boeke sal namens die leerder in die boekekamer verkoop word nie. 15.2 SKRYFBOEKE Skryfboeke word gratis aan die begin van die jaar aan leerders oorhandig. Indien n boek vol is, kry hy/sy n nuwe een. Indien die boek weg, beskadig of bekrap is moet die leerder n ander een koop. 16. SNOEPIE Die snoepie word bedryf deur die OOV. Lekkergoed, koeldrank, roomys en skyfies word tydens 1ste pouse en meeste sportgeleenthede verkoop. 17. KAFETERIA n Kafeteria sal daagliks oop wees vanaf 13:50 16:30 waar leerders ligte etes kan geniet.