Laerskool Olifantsvallei Privaatsak X2, Citrusdal, 7340 E-pos: citrushs@telkomsa.net Tel: (022) 921 2100 Faks: (022) 921 3931 NUUSFLITS 27 Januarie 2017 1. Die atletiekbyeenkoms was n groot sukses en die Oranje-span het oortuigend gewen! Baie geluk aan elke leerder wat deelgeneem het. n Opregte woord van dank aan al die Pappas, Mammas en oumas wat gehelp het by die Snoepie. Ons het soveel hande gehad dat ons soms moes vra dat iemand asseblief moet ophou werk om vir n volgende persoon kans te gee om te werk! Dit was heerlik om soveel betrokkenheid te ervaar! Nogmaals dankie! Baie geluk aan die volgende leerders wat rekords verbeter het: Shauwin Booise (Hoogspring Seuns 13jr) / Zoë Coetzee (60m Dogters 9jr) Die rekord van die 150m Hekkies Seuns 12jr, is deur ses leerders verbeter - baie geluk! Hulle is Joshwin Brink(27,40s), Rethan da Silva, Daniël Mothethetho, Sange Booi, Walt Papier en Chadwin Kotzé. Laerskool Olifantsvallei se Victrix Ludorum is Kaydene Fortuin en die Victor Ludorum is Shauwin Boois. Die beste veld-atleet was Hizelle Fortuin en die beste baan-atleet was Jade Vallentyn. Ons is baie trots op hierdie prag prestasies! 2. 2. Die tenniswedstryd van Donderdag, 2 Februarie 2017, teen Curro Langebaan skuif n Dinsdag, 31 Januarie 2017, as gevolg van die swemgala. Dit is n tuis wedstryd en vind 14:30 plaas. 3. Baie dankie aan die nuwe Graffiti-span van 2017 - Mieke West en Christine McDonald! Hierdie dogters is verantwoordelik vir die mooi maak van die kennisgewingbord by die skool se ingang. 4. Ouers wat wil aansoek doen om afslag van skoolgelde word versoek om die nodige vorms by die skool af te haal, volledig te voltooi en by die finansiële kantoor in te handig teen Maandag, 6 Februarie 2017.
5. Baie geluk aan die volgende leerders wat in die Boland Tweekamp-span opgeneem is: André van Zyl (Ontwikkelingspan), Carine Röntgen (A-span), Alizmi van der Vyver (Ontwikkelingspan), Isabelle Heyns (Ontwikkelingspan) Mia-Lizé van der Vyver (B-span), Mariska Naudé (Ontwikkelingspan), Simon van Niekerk (Ontwikkelingspan), Christie Engelbrecht (A-span), Minke van Coller (B-span), Nina Engelbrecht (B-span), Dieter Naudé (A-span), Elizabeth Coetzer (A-span) en Wickus Nel (A-span). Hierdie tweekamp-atlete neem op Saterdag, 4 Februarie 2017, aan die Interprovinsiale byeenkoms te Oudtshoorn teen WP, SWD, OP en Griekwas deel. Baie sterkte met die voorbereiding en harde oefening. 6. Die jaarlikse swemgala vind plaas op Donderdag, 2 Februarie 2017, om 17:00. Ons het dit goedgedink om weer n aand byeenkoms te hou, aangesien ons baie positiewe terugvoering ontvang het. Alle swemmers en skoliere MOET dit bywoon. Indien leerders nie die byeenkoms kan bywoon nie, moet u ons asseblief skriftelik daarvan in kennis stel. Leerders moet geklee wees in die Laerskool Olifantsvallei Sportdrag. Inskrywings vind by die swemgala plaas. Ons nooi alle ouers en vriende van die skool om die swemmers te kom ondersteun. Die ouers moet asseblief n aflos-swemspan saamstel, want die onderwysers het reeds n span ingeskryf. Neem asseblief kennis dat daar, as gevolg van die swemgala, geen sportoefeninge op Donderdag sal plaasvind nie. Byvoorbaat dank aan die OOV wat weer heerlike versnaperings sal verkoop. Laerskool Swartland se swemgala vind op Woensdag, 8 Februarie 2017, plaas. Ouers is self verantwoordelik vir die inskrywings asook die vervoer. Stuur asseblief u epos-adres vir mev. Petronel le Roux-Burger (by olifantsvalleisport@gmail.com), sodat sy die besonderhede aan u kan deurstuur. Let asseblief daarop dat inskrywings op 1 Februarie 2017 sluit. Laerskool Olifantsvallei se Uitnodigingsgala vind op Donderdag, 16 Februarie 2017, om 14:00 plaas. Leerders moet vroegtydig by mev. Petronel le Roux-Burger inskryf, teen R40 per swemmer. Interskole swem vind op Maandag, 20 Februarie 2017, plaas. Laerskool Vredenburg se Uitnodigingsgala vind op Donderdag, 23 Februarie 2017, plaas.
7. Mev. Clarissa Mouton beoog om swemafrigting aan te bied by Laerskool Olifantsvallei, op Vrydae. Sy wil fokus op styl- en tegniek vaslegging vir swemmers van grade 1 tot 7. Kostes beloop R50 per kind per uur. Indien u belangstel, is u welkom om haar te kontak by 082 338 6671. 8. Alle ouers wat belangstel daarin dat hul kinders moet deelneem aan die ATKVredenaarskompetisie, moet asseblief so gou moontlik vir mev. Steyn laat weet. Inskrywingsgeld beloop R175 per deelnemer en ouers is self verantwoordelik vir die skryf van kinders se toesprake. Slegs 4 leerders vanaf graad 1 tot 3 mag ingeskryf word, 4 leerders in graad 4 en 5 en 4 leerders van graad 6 en 7. Indien daar groter belangstelling is as die aantal leerders wat ons mag inskryf, sal interne kompetisies gehou word. Op Maandag, 6 Februarie 2017, kom een van die dames van Kansvatter Redenaars ons leerders meer oor hierdie kompetisie, vertel. Dit sal plaasvind tydens die saalbyeenkoms en ouers wat belangstel is welkom om dit by te woon. 9. Die Graad 7-leerders het die voorreg om vanaf Woensdag tot Vrydag (15 17 Februarie 2017), die Melkbosstrand Buitelugskool by te woon. Hierdie kamp is verpligtend en word deur die Wes-Kaapland Jeug-trust aangebied. Dit bly elke jaar die hoogtepunt van elke graad 7-leerder se laerskool loopbaan. Kostes beloop R550,00 per leerder wat busvervoer insluit. Afbetalingsooreenkomste of inbetalings moet asseblief voor/op 10 Februarie 2017 afgehandel wees. 10. Elke leerder het vandag n Compu-IQ vorm ontvang. Hulle is spesialiste in tuis en skool opvoedkundige sagteware en wil die belangstelling van ons ouers toets. Stuur asseblief die vorm geteken terug skool toe, al sou u ook nie belangstel nie. 11. n Opregte word van dank aan me. Efraine van Heerden van Evelyn Francis Afrondingskool wat ons dogters kom toespreek het. Hulle bied n besondere kursus aan vir die opbou van innerlike en uiterlike skoonheid. Elke aspek van hoe om jouself te versorg word aan die dogters geleer. Die kursus bestaan uit baie praktiese aktiwiteite waar die dogters alles sal leer oor hoe om hulself te versorg en goed wat elke dogter moet weet. Inskrywingsvorms is by die ontvangs beskikbaar. Vir meer inligting gaan besoek asseblief haar webtuiste: www.evelynfrancis.co.za 12. Rugby Skills and Development se rugbykliniek was n groot sukses en ons is dankbaar vir hul tyd en opoffering. Elke seun het n inskrywingsvorm ontvang en as daar enige verdere navrae is, kan u hulle persoonlik skakel. (Die kursus sal op n tyd ingeruim word, wat nie met ons skool se buitemuurse program bots nie.) 13. Ons wil graag begin om ons winterklere voorraad reg te kry vir die tweede kwartaal. Onder aan hierdie Nuusbrief is n bestelvorm wat u kan voltooi en voor/op 17 Februarie 2017, terug skool toe moet stuur. Pryse sal so gou moontlik aan u deurgegee word. Neem asseblief kennis dat die nuwe skooldrag nog nie verpligtend is nie, maar dat dit stelselmatig uitgefaseer word. Let daarop dat ons slegs n beperkte aantal skoolklere as voorraad sal dra en ons vra dus u samewerking ten opsigte van die bestellings ten einde teleurstelling te voorkom. Vriendelike groete... J. HAMMAN SKOOLHOOF
----------------------------------------------- Bestelvorm ------------------------------------------------------------- NAAM VAN LEERDER:... GRAAD:...... Ouer Naam en Handtekening Dui asseblief die hoeveelheid van van elke grootte wat u wil bestel. 3 4jr 5 6jr 7 8jr 9 10jr 11 12jr 13 14jr Small Sweetpak-baadjie Sweetpakbroek Blou gholfhemp (word gedra vir sport) SEUNS-SKOOLDRAG (kort mou) Grys kortbroek Swart skoolskoene met grys sokkies / kaalvoet SEUNS-SPORTDRAG Navy kortbroek SOMER DOGTERS-SKOOLDRAG (kort mou) Navy Rompie Swart skoolskoene met wit sokkies / kaalvoet DOGTERS-SPORTDRAG Navy kortbroek SEUNS- SKOOLDRAG (langmou) Navy Sweetpak Baadjie Grys langbroek Navy langmou trui / moulose trui Swart skoolskoene met grys sokkies SEUNS- SPORTDRAG Navy kortbroek / sweetpakbroek Navy sweetpak baadjie WINTER DOGTERS-SKOOLDRAG (langmou) Navy Sweetpak Baadjie Grys langbroek / navy rompie Navy langmou trui / moulose trui Swart skoolskoene met wit sokkies / swart kouse DOGTERS-SPORTDRAG Navy kortbroek / netbalrompie / Sweetpakbroek Navy sweetpak baadjie Skool-Kalender - 2017 Kwartaal Open Sluit Eerste 11 Januarie 2017 31 Maart 2017 Tweede 18 April 2017 30 Junie 2017 Derde 24 Julie 2017 29 September 2017 Vierde 9 Oktober 2017 6 Desember 2017