Die Hoërskool DF Malan Frans Conradierylaan, Bellville 7530 Tel (021) 948 8781 Faks (021) 948 2996 E-pos : skoolhoof@dfmalan.com Webtuiste : http:// www.dfmalan.com Nuusbrief 3 27 Junie 2014 Beste DF-Ouers Met die aanbreek van die winterreses, glo ek dat almal uitsien na n heerlike Kaapse vakansie of na daardie lank beplande wegbreek. Dis egter ook tyd vir voorraadopname na die bedrywighede van die afgelope semester. Die kwartaal was weer volgepak met aktiwiteite en Dee-Effers het op vele terreine van hulle laat hoor. Een van die gewilde items op die jaarprogram was die aanwysing van Mnr. en Mej. DF Malan 2014. Hier is Claudia van Rooyen en Peadon Smith, wat vanjaar met die louere weggestap het. Enkele van die spogprestasies word in die nuusbrief vermeld, maar u kan ook gerus meer oor die Dee-Effers se doen en late by www.dfmalan.com lees. Die Bloemfonteinse Skrywersvereniging Hoërskool DF Malan het vanjaar weer sy stem behoorlik dik gemaak in die BSV se Nasionale Skryfwedstryd, Skrywers 2014. Volgens die organiseerders van die kompetisie, kyk hulle met trots terug na n hele lys gerekende en bekroonde skrywers wie se sluimerende skryftalent aanvanklik deur hierdie skryfwedstryd uitgewys is. DF Malan bring vanjaar vier van die vyf wisseltrofeë huis toe. Daarbenewens
word Christi Barkema (gr. 9) aangewys as wenner in die junior afdeling met Dominic Roux (gr. 9) in die tweede posisie. In die senior afdeling is die eerste drie plekke ingepalm deur Carli Blignaut (gr. 12), Zanré van Staden (gr. 11) en Simònn Meyer (gr. 11) onderskeidelik, terwyl Anneke Tucker (gr. 10) in hierdie afdeling eervol vermeld is. Carli Blignaut is ook aangewys as die algehele skoleprosawenner. Carli en Simònn (agter) en Dominic, Christi en Zanré (voor) is die aspirantskrywers wat op die foto verskyn. Skrabbel Nog n geleentheid waartydens die skool se sestigste verjaardag gevier is, was die produksie Skrabbel, wat deur die dramadepartement op die planke gebring is. Te oordeel aan die gehoor se reaksie, voorspel dit n blink toekoms vir DF-drama in die volgende sestig jaar! Van die akteurs in hierdie heelskoolproduksie is (v.l.n.r.) Larissa le Roux, Louise Nöthling, Jaco Engelbrecht, Melissa Myburgh, Barry Vorster, Liana Eksteen en Harvard Koegelenberg (agter) Rugby DF beleef tot dusver n positiewe seisoen en die sukses van die rugbytoer vroeër vanjaar na Witrivier in Mpumalanga is beslis besig om vrugte af te werp. Die eerstespan spog op hierdie stadium met 6 oorwinnings uit hul 10 wedstryde, terwyl die ander A-spanne ook wenpersentasies van meer as 50 persent handhaaf. Die goeie ondersteuning by tuiswedstryde is beslis n motivering vir ons rugbyspelers. Ons is ook bevoorreg om genooi te word om teen SACS te speel hopelik gaan dit n jaarlikse instelling word.
Krieket Ons krieketspelers het die afgelope seisoen die DF-naam hoog gehou. Drie spanne, naamlik die o.14a, o.19b, asook die eerstespan, het na die finale van hul onderskeie ligas deurgedring het. Die o.14 s het in die finaal vasgeval teen Fairmont, terwyl die twee o.19-spanne as gevolg reën nie die finale kon afhandel nie en hul ligas moes deel. Die eerstespan het die bordjies ook deeglik verhang toe hul gedurende Interskole oortuigend met Bellville afgereken het. DF-krieket het vanjaar n nuwe borg aan boord. In samewerking met Seeff is n nuwe krieketakademie gestig. Tydens die Julie-vakansie sal ons eerste krieketkliniek by die Seeff/DF Malan Krieketakademie plaasvind. Ons sien ook daarna uit om die verbeterde binnenshuise geriewe in die Franszen-gimnasium in gebruik te neem. In samewerking met die nuutgestigte DF Malan Ondersteunersklub is n baie suksesvolle dag saam met Bokradio aangebied waartydens nie net blootstelling aan die skool nie, maar ook aan DF-krieket gegee is. Die eerstespan glimlag breed na n suksesvolle krieketseisoen!
Hokkie Sestien DF-hokkiespelers is gekies om verskillende WP-skoolspanne te verteenwoordig. Hulle is Simoné Strydom (o.18a), Danélle Botha, Lianca Strydom en Rizaan van der Merwe (o.18 Noord-Zone), Alvine Steenkamp (o.16b), Jana Fourie (o.16 Noord-Zone) en Luceel Beukes, Mila de Jongh, Melissa Denton en Anuska Enslin (o.14 Noord-Zone). Seuns wat in die WP-spanne opgeneem is, is Christo van Graan en Mighael van Schalkwyk (o.18 Noord-Zone), Bernard de Beer en Corné Pauw (o.18 Noord-Zone, Uitnodigingspan), asook Duan Warnich (o.14 Noord-Zone). Die Premierspan seuns speel aan die begin van volgende kwartaal in die Cape Town International Hockey Festival. DF Malan se Premierspan dogters speel in Augustus in Oranje Meisies se Top 8 Hokkietoernooi. Die land se top 8 hokkieskole van 2013 is genooi om in hierdie toernooi deel te neem.
Netbal DF Malan kan vanjaar met sestien netbalspelers in die WP- en Wes-Kaapspanne spog. Op die foto verskyn (voor) Megan van Wyk, Lie-Ann Veenstra, Dillian Pienaar, Saskia Stander, Claudia van Rooyen en (agter) Anine van Dyk, Charisa Geyer, Emma Pretorius, Anika van der Merwe, Carla Werth en Karla Opperman. Nika Jordaan, Alexandra May, Ciaoly Gabriel, Kaylen van Wyk en Megan Witte was afwesig toe die foto geneem is. Ander prestasies Janneke Malan is in die SA Senior Nasionale Swemspan opgeneem wat in Augustus in Australië gaan deelneem. Daar sal sy teen swemmers van Japan, Kanada, VSA en Australië meeding. Dit is die eerste keer dat Janneke, wat al vantevore die SA Junior Span verteenwoordig het, in die SA Senior Swemspan opgeneem is. Ons is baie trots op haar!
Danielle Rossouw het beide die UNISA en Royal Schools of Music se Graad 8-klarineteksamens afgelê en met n skitterende 90% en 95% onderskeidelik geslaag. Danielle is ook gekies om in die vakansie klarinetmeestersklasse in België by te woon. Die DF-koor het die afgelope kwartaal puik presteer. By die Tygerberg en Paarl Eisteddfods is 88% en 95% onderskeidelik behaal, terwyl hulle by die ATKV-kompetisie met n goud-toekenning weggestap het. Vakansiegebeure n Groep Dee-Effers kry weer die geleentheid om die jaarlikse Zambië gemeenskapsavontuur, wat deur DF gereël word, mee te maak. Vanjaar word daar ook personeel en leerders van Paul Roos Gimnasium en Hoërskool Bonnievale in die groep ingesluit. DF ondersteun die aktiwiteite en projekte van die Foundation for Cross Cultural Education se gemeenskapsbasis in die Masaiti-distrik van Zambië. Die groep, wat deur me. Pauw vergesel word, gaan ook 'n draai by die Victoria waterval maak. n Hockey 5 s-toernooi vind gedurende die vakansie op die DF-astro plaas. Ag DF-netbalspelers gaan die vakansie in Margate aan die All Ages Kampioenskappe deelneem. Hulle is Tamzyn Groenewald (o.14), Megan Witte (o.16), Carla Werth, Lie-Ann Veenstra, Anika v.d.merwe, Anine van Dyk (o.17), Saskia Stander en Dillian Pienaar (o.18). DF se gholfspan, vergesel deur mnr. Charl Marais en n groep ouers, onderneem hierdie vakansie n toer na Mauritius. Kontakbesonderhede Indien u kontak- of werksbesonderhede die afgelope ses maande verander het, stel asseblief die skool in kennis by admin2@dfmalan.com.
Wetenswaardig DF se Ondersteunersgroep nooi alle Dee-Effers, ouers en oudleerders na n Pretdag op 24 September. Daar sal geleentheid wees om Nasionale Braaidag en terselfdertyd DF se sestigste verjaardag saam met die ouers te vier. n Pretloop oor n afstand van 6 km sal by die Jack Muller-Park plaasvind. Alle leerders word uitgenooi om vir DF aan die Spur Skool Bergfiets Liga op 19 Julie by die Boy Louw Sportgronde in die Paarl te gaan deelneem. Vervoer vir leerders en hul fietse sal vanaf die skool beskikbaar wees. Vir meer inligting skakel mnr. de Wet by dewet.jpd@gmail.com Baie dankie aan almal wat die skool met ons Senõr Chef-projek ondersteun het. n Wins van R34 132 is deur die projek ingesamel. Die bestellings word teen die einde van Julie by die skool afgelewer en sal dan saam met die leerders huis toe gestuur word. Alumni Danksy die harde werk van me. Francine Punt, is daar n baie positiewe groei in ons databasis van oudleerders. Enige inligting oor DF-alumni kan asseblief aan alumni@dfmalan.com gestuur word - ons wil graag met nog meer oudleerders kontak maak. Besoek gerus ook ons alumni se amptelike facebook-blad by Hoërskool DF Malan: Amptelike Oudleerders- en Reünieblad. My School Card Hoërskool DF Malan se ondersteuners het hierdie maand deur die gebruik van die My School Card n bedrag van R9 500 ingesamel. Baie dankie hiervoor en onthou om die vakansie hierdie kaart byderhand te hou! Meer inligting is by www.myschool.co.za verkrygbaar.
Kwartaalprogram: Derde Kwartaal 21 Julie : Skool heropen (dag 1) 31 Julie : Vakkeuse-aand: gr. 9 10 Aug : Musiekaand 18-23 Aug : Interskoleweek 26 Aug : Erekleurefunksie (Sport) 28 Aug : Erekleurefunksie (Kultuur) 29 Aug : Gr. 11-dag 29 Aug : Gr. 9-vakkeuse sluit 1 Sept : Rugby-afsluiting 2 Sept : Hokkie-afsluiting 3 Sept : Netbalafsluiting 5 Sept : Matriekeksamen : Toetsreeks (gr. 8-11) begin 19 Sept : Toetsreeks eindig 24 Sept : Erfenisdag 26 Sept : Matriekeksamen eindig 30 Sept : Matriekafskeid 3 Okt : Skool sluit Saam met hierdie nuusbrief ontvang u ook u kind se akademiese verslag. Hierdie rapport is baie belangrik en gee ook n aanduiding wat die res van die jaar verwag kan word. U moet dit asseblief noukeurig bestudeer en met u kind bespreek. Indien daar enige navraag of bekommernis is, moet u nie huiwer om die skool in die nuwe kwartaal te kontak nie. Baie dankie aan elke lojale Dee-Effer wat help om hierdie n skool van uitnemendheid te maak. n Besondere dankie aan die ma s wat so getrou ons leerders wat uitdagende omstandighede ervaar, ondersteun dit word opreg waardeer. Aan diegene wat n bietjie kan gaan uitspan geniet dit en kom veilig tuis! Vriendelike groete. Joh Dorfling SKOOLHOOF