NUITSBREEF SEPTEMBER 2016 Inhaajd - Vaan t bestuur - Vleugelkes - De Maar vaan de Roej Krat - Start vaan t vijfde seizoen - Middag Matinee - Interview - De Pen - Ontbijt veur de Sjariteit - Vaan de Meziekkemissie - Wis geer tot VAAN UT BESTUUR Bèste leie, Bestuursfunkties Zoe es geer oongetwiefeld höb begrepe heet Marco oet privé euverweginge beslote um zien bestuursfunctie bei Blaamaasj neer te legge. Harold heet komende ALV ziene termien vaan drei jaor drop zitte en stelt ziech neet mie verkeesbaar. Dit beteikent dat binne t bestuur twie vacatures kome, die veer gere op de ALV wèlle invölle. Kandidate kinne ziech noe al opgeve bei t bestuur via blamaasj@hotmail.com.
ALV Op de letste ALV is t idee geopperd um de ALV te verplaotse nao haafvaste um zoe get ruimte te creëre tösse Vastelaovend en de ALV. Veer höbbe binne t bestuur beslote um hei gehuur aon te geve. Umtot in de Statute is bepaold dat de ALV op de ierste zaoterdag nao Vastelaovend deent plaots te vinde höbbe veer daoveur eur towstumming nudeg. Veer zowwe gere veur maondag 5 december a.s. vaan uuch wèlle wete of geer dao met in stumt. Geer kint eur stum laote huure via blamaasj@hotmail.com. Mochte veer niks vaan uuch huure dan gaon veer d r vaan oet dat geer accoord gaot met us veurstel. Stumme kin allein per mail en de mieste stumme gelde. Veer laote uuch daan zoe gow meugelek nao 5 december a.s. wete wienie de ALV geit plaots vinde. Of op zaoterdag, 4 miert 2017 of op zoondag 19 miert 2017. VLEUGELKES Zoe wie n aontal leije vaan Blamaasj live höbbe metgemaak, is de druim vaan Zoë oetgekome; t leedsje Vleugelkes vaan meister Patrick (same met Nick) is ut nuij Vastelaovendsleedsje 2017. Umtot veer ederein de kans wèlle geve um good te oefene heijbeij alvas de wäört; Refrein: Mèt vastelaovend krijg iech weer vleugelkes, t Is daan zjus es-of iech vleeg. En ederen aovend bringe miech die vleugelkes, Nao alle heukskes vaan Mestreech. Soms vleeg iech hei (hei!)... en daan weer dao (dao!)... Soms vleeg iech de tössenoet. Meh iech vleeg altied weer de Geis vaan Vastelaovend achternao! Ja la la la la la la la Kom sprei dien vleugels oet. Ja la la la la la la la En vleeg mèt miech drei daog drop oet. Couplèt: En vleeg iech hiel hoeg in de loch, zeen iech doezend lempkes blinke. Hiel hoeg in de loch huur iech de hermeniekes klinke. Iech vleeg daan gaw umlieg, um te danse hei mèt diech. Iech gaon veurluipeg neet mie trök en zing hei vaan gelök.
Brögk: En staon iech nao de Vastelaovend weer mèt twie bein op de groond, Dink iech alweer aon koumend jaor, want daan vleeg iech hei weer roond! DE MAAR VAAN DE ROEJ KRAT n Aontal jaore, en daornao n aontal daog, is Blamaasj de gruutse eigeneer gewees vaan n roej krat. Dees krat had n magische werking; die vörmde t middelpunt vaan de gròp, en had in alle stèlte mie bereik es welk fluitsje. Helaas is d n druim vaan de roej krat twie kier geëindig in n maar, dus noe höbbe veer gein roej krat mie. Wel höbbe veer nog ne hiele hoop aander spölle in de loop vaan de jaore verzameld. Dit varieert vaan n Schrobbelèr veetsje tot n fles mayonaise. Gere wille veer uuch allemaol vraoge um ns good nao te goon welke spölkes die vaan Blamaasj zien, beij uuch in beheer zien. Wèlt geer us dit ezzebleef doorgeve via blamaasj@hotmail.com? Veer zien uuch erkintelek veur eur medewerking. START VAAN T VIJFDE SEIZOEN Zoe wie zich dat behuurt waors n groet aontal Blamaasj leie oppe Vriethof aonwezeg, um t vijfde seizoen te verwelkome. Sterker, daankzij n oetgekiende presentie-strategie waors Blamaasj vaanaof t ierste momint tot royaal nao middernach vertegenwoordig. En oondaanks plestiek, kaw veuj en de aofwezigheid vaan bamiblokke, höbbe veer us köstelek geamuseerd. t Maag gezag weurde; Blamaasj is d r veerdig veur. t Zow netuurlik ech sjiek zien, es geer aoch al allemaol veerdig deveur zeet um eur cóntributie veur t inmiddels huidige seizoen te voldoen. t Bestuur is d r gruuts op dat aoch dit jaor gein verhuging nudig is, en dat de cóntributie nog steeds 11 euro, (èlf euro) per persoen awwer es 12 jaor is. Wie altied maag geer de cent euvermake op rekeningnommer; NL14ABNA0523388640 Op dizze nommer maag geer aoch sponsoring en subsidies storte. De bijdrage veur de Schròbbeler maag aoch op dees rekening, sjrief dit daan ezzebleef eve debeij. MIDDAG MATINEE 16 oktober j.l. voond de jaorlikse Blamaasj Middag Matinee plaots. 29 luij hadde zich opgegeve um mèt de doen. Ut begos mèt leuke foto speurtoch vaanoet Mestreech gans naor de deepe binnelanden vaan Vaols (beijnao Duitsland). Heij kreeg (beijnao) ederein, naotot de obers vaan ut establisemint eindelik op
aonwijzing vaan Mandy door hadde wie hun kassa systeem werkte, un tas koffie / thee en un stök vlaoij. Nao nog un poging um gèt te drinke te kriege, ging ut gezelsjap in groppe ut Labyrint in. De organisasie waor bang tot sommige groppe noets mie dao oet zowwe koume. Niek hat ziene turbo aon stoon en hat binne 5 minute ut middelpunt vaan ut Labyrint gevoonde. Mèr oeteindelik voont ederein, min of mie oongesjendeleerd, nao verloup vaan tied de oetgaank. Silvaijn hat metein vaan de gelegenheid gebruuk gemaak um zich ff te douche in ut labyrint ;-) Enfin, naotot veer weer un poging hadde gedoon um gèt te drinke te kriege, kaom de organisasie mèt de oetslaag vaan de foto-speurtoch. De aaijdsjes (Harold, Bep en Layla) die ut iers waore vertrokke oet Mestreech eindigde es lètste, meh jeh dat kin ouch neet aanders es ste 4 en un haaf oor dreuver deis um vaan Mestreech tot in Vaols te koume. Daor waore ouch 2 teams die in de zelfde oto zaote mèr sjeinbaar toch alle twie un aander route hadde genome. Ein team hat nl. 1 oor en 10 min dreuver gedoon en ut aander team 1 oor en 25 minute?? Vreemp mer good. Al mèt al waor ut unne zier gezellige middag, zeker naotot ut personeel eindelik door hat wie de tap werkte!! ;-) Naomes de organisatie (Mandy, Bep, Anouk, Renate en Carl) ederein bedaank veur de deilname!! Koumend jaor zien veer in eder geval weer vaan de partij!! INTERVIEW In de veurige nuitsbreef höb geer t interview moote misse. En veer hadde uuch belaof, noe n dobbel poorsie wel en wee oet Blamaasjiewood te sjikke. Veer beginne met de dame aongeweze door Jasper. Weit geer t nog? Zie huurt neet ech beij de kloppers, mer aoch neet ech beij de träöters, mer zoe wie eder Blamaasj lid, zowwe veer häör neet wèlle misse.
1) Wee is Linda Hausmann? Wee is Linda? Jeh uhm, normaal gesproke n mam met 2 keender oet Sittard mèr met carnaval de veendeldreger vaan Blamaasj, dus dat kin versjelle.. 2) Wat is Blamaasj veur diech? n hiel relaxte meneer vaan vastelaovend viere. En door t jaor heen op dezelfde relaxte meneer hei en daor get dinger same doen.. 3) Bis diech n ochtend, n middag of n aovendmins? Of messjiens zellefs ne nachbraker? Dat lètste kinste zoewiezoe al doorstriepe iech bin geine vreuge ochtendmins (Op d n achtergroond lach Richard hiel hèl ter bevestiging ) Iech bin vaan de middag en d n vreuge aovend. En ech, dit is naar waarheid geantwoord... 4) Welke activiteit zows diech gere (trögk) op de Blamaasj Kallepin zien? Moot iech euver naodinke. In t verleie voont iech t kamp hiel leuk en iech vin t jaomer dat t neet mie vaan de groond kump, mèr ierlik is ierlik veer doen dao zelf aoch aon met. D r zien gelökkig hiel väöl aander activiteite die aoch leuk zien en die höbbe veer nog. 5) MVV of Fortuna? Hahaha, gein vaan de twie! Iech bin absoluut geine voetbalfan en krijg zoewel bij Fortuna es bij MVV gein werm geveul. Daan zow iech ieder zegke Sporting Sittard, de club boe miene zoon Koen beij spaolt, dao kreijg iech daan nog enigszins n werrem geveul bei. 6) Wat is t miest romantische wat Richard oets veur diech gedoon heet? Naodinke..Iech dink in n verleie wel n sjoen kaart met ne sjoene tekst en good oetgezeukte fotos die t verloop vaan us relatie weergeve. Gein roej roeze en romantische dinekes. Veer zien alletwie gein oetblinkers in romantiek, dao zien veer dink iech te neuchter veur 7) Boe mage ze diech veur wakker make? Sushi! 8) Boe kriege veer diech met oet de ploej. Richard reup vaan achter oet vreuger beij Rowwen Hèze.
Jao inderdaad in de tent met Rowwen Hèze en n beerdoesj en t Roeie Klied op d n achtergroond. Oh en um nog ff trögk te kome op dat wakker make. Ech allein veur sushi. Veur de res moot me miech laote ligke. 9) Wat is veur diech t sjoenste vastelaovendsleedsje oets en boerum? Oongetwiefeld is dat eint vaan Beppie, eve dinke. Iech bin zoe verleef. Dat deit miech trok dinke aon miene ierste vastelaovend met Richard. (wiezoe neet romantisch??) 10) Diene veurgenger Jasper heet aoch n vraog veur diech; Es diech noe toch veur n instrument zows goon, welk instrumint zow dat daan weurde? Iech hob vreuger tot vervelens tow blokfluit gespäöld met zoeget mooste miech neet mie aonkome. Mer good, aofgezeen vaan t feit dat iech dao dinkelik neet gesjik veur bin zow iech daan toch veur trommeleer keze. 11) En aoch veur diech de letste vraog.wee is t volgende Blamaasj lid dat 11 vraoge maag goon beantwoorde en boerum? Wat weurt degene zien vraog 10? Voont op zich interessante en gevarieerde vraoge en es iech die aon iemand gaon tow bedeil, is dat umdat iech benuijt bin nao de antwoorde. In gedachte gaon iech de groep dee achter t veendel aonluip ns nao, en daan, dzju dit is lestiger es tot iech dach.iech daon ff ne gouwe greep, google gèt foto vaan Blamaasj, en bekiek ns wat iech daan tege kom.iech kreijg t logo mer dao höb iech neet vaol aon, now laote veer ns kieke. D r sprink miech eine in t aog, en daan zegk iech. ne Gooje verstaonder heet mèr n haaf woort nudig; nao t interview met Linda heet de staarredactie koers gezat nao.. Nao ne barre toch is t us oeteindelik toch neet gelögk um d n twiede kandidaat aon zien of häör tan te veule. Dit hèlt t netuurlik spannend, en gief uuch alvas get um nao oet te kieke.
DE PEN In de veurige nuitsbreef höb geer kinnis gemaak met De Pen. Nao de zielereursele vaan Maurice, is dizze kier Sander aon de beurt. Goojen daag allemaol. Bedaank Maurice veur ut doorgeve vaan De Pen. Noe zit iech demèt!! Haha. Allerierts wèl iech ut bestuur complimentere mèt ut initiatief vaan De Pen. Iech vin dit n sjieke aonvölling op de nuijtsbreef. Volgens de speulregels maag dien gesjreve stök euveral euver goon en hoof dus neet euver Blamaasj te goon. Toch gaon iech ut heij, zjus wie Maurice auch euver höbbe. Iech höb naomelijk mien zjubileijaor (1x11) es lid vaan Blamaasj sjus aofgeslote en zal miech zellevers daan auch mèr ns fatsoenlijk veurstèlle, want dat höb iech nog neet gedoon. Daorveur goon veer 11 jaor trök in de tied... Ut zaot d r al get langer aon te koume, mèr op de Blamaasj Barbeque vaan 2005, dee toen traditioneel gehawwe woort in d n hoof vaan Danny, bin iech officieel veurgesteld es speulend lid. Iech zellevers waors toen neet debeij, want iech waors toen mèt, wie kin ut auch aanders, de camper op vakantie. Iech bin dao, zoonder dat iech dus debeij waors, veurgestèld es: aofgestudeerd aon ut conservatorium Pauke speuler. (hè Danny). Dit heet auch ne tied op de website gestande vaan Blamaasj. Beij Harold waors de verwachting vaan mien klopkwaliteite daan auch hiel hoeg gespanne. In werkelijkheid had iech jaore daorveur mien Pauk gekoch op de rommelmerret op zaoterdag op de stationsstraot. Mien einige klopervaring waors daan auch mèt de vastelaovend get jamme op ut amorsplein es daor ne houp aandere einzelgengers mèt instrumint ziech beijein pakde. Dus beij deze: Hoi, iech bin Sander en iech kom de pauk beij uuch howwe... Ut ierste en dink iech einige officieele optreije op pauk vaan miech mèt Blamaasj waors dat mèt ut preuvenemint vaan 2005. Neet lang denao in Oktober 2005 woort de Lenculenhof obbenuijts geopend nao n flinke verbouwing. Blamaasj zow daor de fiestelijke heropening opluustere mèt häor muzikaole kwaliteite. Vlak veur aonvaank vaan us optreije woort iech gebeld of iech daan de Zjiem kos howwe... Iech waors gans verpópzak en n vlaag vaan zenuwe en opins
opkoumende podiumvrees bekroop miech, mer umdat iech ut ne ganse ier voont um dat te maage doen höb iech toch jao gezach. Vaanaof dee middag waors iech verkoch! Iech höb n passie debeij!!! Iech höb de zjiem neet mie aofgegeve en bin de zjiemsleger gewore binne Blamaasj. Iech daon dit noe al 11 jaor mèt hiel väöl plezeer en euvergave. Vastelaovend 2017 gaon iech mien 12 e jaor in es lid vaan ne grop vrun die mèt de vastelaovend meziek speule vaan s mörregens vreug tot s aovends laat. Zie speule wel hiel hèl mèr valser es de res, en t motto is SEX BEER EN FRIETE. Blamaasj bedaank veur de iertste 11 jaor! Op naor de volgende 11. Kompleminte vaan de dikke Zjiem. (Sander). Iech geef de pen door aon Peggy ONTBIJT VEUR DE SJARITEIT Messjien weit geer t, messjien is t nuij veur uuch.eder jaor beij t Hermeniekes Concours oppe Vriethof (Vastelaovendsdinsdag) weurt n envelop naomes Blamaasj aofgegeve veur de Sjariteit. Wat met die cent gedoon weurt, vertille de Tempeleers eder jaor op de Hermeniekes Vergadering op maondag nao prins oetrope. Gewoenlik doog t bestuur in dee envelop n beijdrage vaan 2x11 euro. Beij de letste bestuursvergadering zien veer tot de conclusie gekome dat dit feitelik bes wel sjendaoleg is. De gooje calculators oonder uuch höbbe al lang gezeen dat dit nog gein 33 cent per betaolend lid is. En dat veur n prachtige club wie Blamaasj? Dat kin beter! Noe höbbe veer es bestuur us t volgende laote invalle; Eder jaor ransjere veer, met väöl steun, höllep, subsidie en sponsoring n ontbijt op dinsdag mörge. Dit goon veer dit jaor aoch weer doen. Dat is dus niks nuits. Mer wat daan wel? Dit jaor kump neve de broojketel ne sjoene spaorpot te stoon boe ederein n eige beijdrage veur de sjariteit kin ingoeje. Veer es bestuur zalle t veurbeeld geve, en hope dat veer good gevolg kriege. Vaanzelfsprekend weurt dit bedraag aongevöld met de bekinde 2x11 euro oet de clubkas. Hielemaol hope veer dat us actie de aander hermeniekes aoch wakker maak, want zoe wie geer allemaol weit; Vastelaovend zoonder sjariteit is geine Vastelaovend!
VAAN DE MEZIEKKEMISSIE Veur degene dee de mail vaan de meziekkemissie gemis heet, heij nog ns de huugtepunte; Wat steit uuch mörgeaovend (vriedag dus) te wachte? 1. Op de ierste plaots krijg 't Klopkorps 'ne opfriscursus. Zie starte e haaf eurke ieder met strakke velle. 2. Vervolgens geit Marco met ederein aon de geng en kint geer uuch al veurbereie op de volgende leedsjes: - Mie Leef Mestreech - Slaovekoer - 3 Daog - 76 Trombones (inmiddels de aongepasde versie) 3. D'r weurd ouch weer gekeke wee, daankzij d'n inzet op de rippetisie " 't Zönneke" verdeent. Gaot veur die spang en de opname in de galerij! 4. Veur alle aonwezige ligk d'r weer 'n BLAMAASJ Collectors-item veerdig. Dat is Eengels en weurd daorum bij dees umgeduip tot de Mestreechse variant: Blamaasj-Bewaor-Bijouke. 5. Netuurlek steit uuch ouch 'n pauze te wachte. De invulling daorvaan blijf ederskier ein groete verrassing. Kint geer neet wachte tot aonstaonde vriedag, rippeteert thoes daan gerös de leedsjes die veer de aofgeloupe rippetisies al höbbe doorgenome, naomelek: - De Meidskes vaan Mestreech - Boe Boe Boe - D'n Drekmaan - Oet Limburg Keump de Meziek - Boe de Brouwer is - Meer, Komp oet dee Zedeleer De volgende rippetities stoon op veur; vriedag 25/11 (20.00 oor) (19.30 klopkorps) zoondag 11/12 (14.00 oor) (13.30 klopkorps) vriedag 6/1 (20.00 oor) vriedag 17/2 (20.00 oor) WIS GEER TOT Bea good geraoje had wee geïnterviewd zow weurde?
Zie heij 2 leutsjes voor de tombola met gewonne heet? Veer nog neet wete wienie dee tombola geit zien? Tombola leutsjes in t vaat neet verzoere? Hieringe in n ton dit wel doen? Slagroom dao n gooj remedie veur is? Bep deveur gezörg heet dat Nick en Patrick n gevleugelde felicitatie naomes Blamaasj höbbe gekrege? Veer Bep dao hiel daankbaar veur zien? Veer nog altied n sjieke website höbbe? Ruud oet Elsloo t letste beriech gesjreve heet? Dit beriech alweer 10 maond aajt is? Geer foto s en aander zakes veur de website maag meele nao Richard Vrijhoeve? Mariska vindt datste vaan aw kloete gein hinne sop kins make? Maurice C. vindt dat dit wel kin? Heer us geïmviteerd heet um n kier beij häöm n tas Thaise awkloete sop te ete? Aoch dit aw kloete is? In Grathem aoch vastelaovend gevierd weurt? Carl ziene nuie oto noe al te klein is? Heer gein rekening heet gehawwe met Bea häör vleugele? Zie aoch nog die vaan Mandy mote inpakke? Veer benuijt zien wie zie dat goon lappe? Natascha vindt dat eder kamer in n nui hoes oetgeperbeerd moot weurde? De redactie beij n neet nader genump koppel t bed in de graasj heet zien stoon? Aofmeldinge veur de rippetitie, Wis Geer Totjes, info veur t bestuur en alle aander zakes die geer kwiet welt kint maile naor Blamaasj@hotmail.com? Mörge de derde rippetitie vaan dit jaor op t program steit? Oerdöpkes oondaanks de top rippetisies gein euverbodige luxe zien? T aoch zoe kin zien dat dit daankzij de top rippetisies is? De meziekkemissie nog altied op zeuk is nao ne dreeger veur de Kajee? Geer noe alvas eure betaolapp kint opene veur de còntributiebetaoling? Dit t eind vaan de Nuitsbreef is? Kompleminte, t Bestuur Harold, Mariska, Maurice en Richard