Mestreechter leedsjes-cahier. Nommer 3

Transcriptie

1 Mestreechter leedsjes-cahier. Nommer 3 They Bovens bron. De Ieuwige Studente, Maastricht 1990 Zie voor verantwoording: dbnl

2 Mestreecher leedsjescahier Nommer 3. Mestreech wie 't diechde en zòng.

3 1 De leedsjescahiers blieke 'ne sjeut in de roes. Zoewel nommer ein es nommer twie waore in e paar daog oetverkoch en wie 't ziech liet aonzien zal 't bij cahier nommer drie neet aanders zien. Veur zoeveer de naome vaan componiste en teksdiechters bekind waore höbbe veer die ouch noe weer debij gezat en ouch höbbe veer de leedsjes nao aajd cahiergebruuk weer oongesorteerd en gewoen veur de voots in de cahier opgenome. Vaanzellef zalle ouch noe weer lui zien, die zègke tot wijs en wäörd vaan e bepaold leed neet gans eins zien mèt die, die zie vreuger thoes, op sjaol of op straot lierde. Door euverlievering zien n.l. in de loup vaan d'n tied de nudige variaties oonstaande en waore veer verpliech dao-oet 'n käös te make. Veer hope tot geer ouch aon cahier nommer drei väöl plezeer zalt beleve en moch geer nog aw leedsjes weite, die veer nog neet in eus collectie höbbe; Geer wèt 't, veer hawwe us gerecommandeerd. Mestreech, Mei 1990 They Bovens.

4 4 Mie wief en mie naoberswief Mie wief en mie naobers wief, dat zien e paar lieleke wieve, de ein hojt mèt de piezel in de pan en de aander begint te kieve Miene maan en diene maan dat zien twie sjoen jónges, de mijne heet 'ne krollekop de dijne is 'ne kromme. Eus kat en eus naoberskat die hadde z'ch gebete, eus kat had eus naoberskat de start oet de vot gerete. Wie iech nog e klei kinneke waor waor iech mie moojers Frenske, wie iech e bitteke awwer waor sloog zie miech op mie penske. Minckelers, dee gooie maan dee steit al op de merret, lufste dee ze röske op daan zuuste ziene kerref. Tingelingeling de Brökstraot in dao koam miech e vruike tege, iech vroog aon häör wie laat of 't waor, 't waor pas hallef nege.

5 5 Iech höb 'ne maan. Iech höb 'ne maan, 'ne brave maan 'ne maan vaan komplezansie. 'r Keert 't hoes en 'r stook 't vuur en 'r liet de pupkes danse. 'r Liet de pupkes danse. 'r Keert 't hoes en 'r stook 't vuur en 'r liet de pupkes danse. Reubeslikkers Reubeslikkers, reubeslikkers zien de Mestreechtenere Worteletikkers, worteletikkers zien de Wiekenere.

6 6 Polka Meidske maag iech mèt diech verkiere daan zal iech diech de polka liere. Nein menier, iech daank uuch zier Polka is gein mode mie. Bove woent 'nen aandere maan dee miech de polka liere kaan. Nein menier, iech daank uuch zier Polka is gein mode mie. In Franstaolige streke zingk me: Mad'moiselle, voulez-vous danser, la polka van commencer! De polka woort roond 1830 in Bohemen veur 't iers gedans.

7 7 Zjannètteke Och Zjannètteke, och leef keend kom 'ns in mie sträötsje bij die kammeräödsje. Iech zal diech get vertèlle dat geit ouch geine aon.

8 8 Miene maan is in d'n hiemel dao bin iech zeker vaan heer heet 'ne gouwe knievel mèt zèllevere häörkes d'raon. Och Zjannettèke, och leef keend kom 'ns in mie sträötsje bij die kammeräödsje Iech zal diech get vertèlle en dat geit ouch geine aon. Zeve gölle in 't tuut. Zeve gölle in 't tuut Zeve gölle in 't tuut tot 't niemes zuut Leve de vot vaan Sjana, leve de vot vaan Sjana. Leve de vot vaan Sjana, ha ha ha.

9 9 En in de Staat dao steit 'n juffrouw En in de Staat dao steit 'n juffrouw en die dreug 'ne reiperok En de kuper steit deneve en dee hojt haor bove d'rop. Drei cent 'ne reiperok mörrege sleit de boter op en euvermörrege ins zoe breid dat 't tege häör kute sleit. Wie me zeet zouw dit leedsje sloon op e meidske, boevaan de awwers (of häöre maan) handel dreve in boter in de Groete Staat.

10 10 De Pisbak Gediech vaan P.C.d.B. bij 't aofbreke vaan d'n awwe pisbak oppe Merret in 1927 Meziek vaan Pierre Meertens. Op de merret stoont 'n huiske in 't midde, gans allein. Iezere plate mèt 'n deekske en vaan binne twie blauw stein. litsom listom falderalderieje, litsom litsom falderaldera, iez're plate mèt 'n deekske en vaan binne twie blauw stein.

11 11 Aon de veuj laog dèks 'n huipke wat dao neet waor ingewejd. Meh door eine dee neet wachde stiekemkes deneer gedrejd. En de loch waor neet te ruke Nein! die waor neet altied veers Zeker neet es zjus e mooswief dao zoeget had neergepeers. Meh noe weurd 't aofgebroke en me weurd 't huiske kwiet Oondergroons goon ze 't make nao de eise vaan d'n tied. En de cafe's vaan de merret höbbe vreiselek 't land. Veur 'n dröpke góng me pisse in de Ruiter of bij Brand. En de zaak zal deftig weure urinoire mèt closèt. Wel kos 't verdomd väöl duite laos iech lès in de gezèt. Al dat geld vaan eus belasting B. en W., tot euze spiet höbbe veer Mestreechtenere nondezjouw daan zoeväöl sjiet? Op de merret stoont 'n huiske in 't midde, gans allein Iezere plate mèt 'n deekske en vaan binne twie blauw stein.

12 12 Wat is allemaol veranderd Wat is allemaol veranderd in eus spreke! Boe bleve ze de aw Mestreechter wäörd? Me heet dao aand're veur gevoonde! Wat is mèt eus Mestreechs gebäörd?

13 13 Me köp ziech drop in plaots vaan krissie En deit 'n boodsjap in plaots vaan 'n kemissie. Wee kint nog keneknabbe of zjezjip? Nein; wel 'n hin, meh die weurd deks al kip. 't Is gaaroet neet erreg es aw wäörd verdwijne Boevaan me neet mie kin beteikenis: 'ne Kengkee liet gei leech mie sjijne Wee wèt nog zjus wat kèzjem is? En huurt me oets nog: 'r kraog 'rs op z'n fasie? Eus zwegele dat woorte lucifers; Me driff noe handel en neet mie kommers. Me zeet etelaasj noe in de plaots vaan kiekoet. 'n Toenbaank in de plaots vaan winkelbaank, Eus fijn selbrik dat woort 'n glijbaon. En me viert ziek in plaots vaan kraank. 'ne Borrel zeet me tegen 'n dröpke. 'n Teske hèt allewijl deftig e köpke. Eus wäörd zien eve sjoen, drum dink ins d'raon: Euze peper is zoe good wie dee sefraon. Mèh toch get blijf. Me zeet en sjrijf: Vief jäörkes zien t'rs vijf; 'ne Broune jas is altied broen, 'ne Ketoune sjollek vaan ketoen, 'ne Grijzen hood is altied gries. Maak dat 'ne neet Mestreechteneer ins wies! Oet Faos en Greetsje H. Loontjens 1976

14 14 Aon de Maos dao ligk e stedsje. Aan de Maos dao ligk e stedsje, boe iech väöl van haw Boe allein mer de vräögde regeert. Es iech weg bin gewees, daan verlang iech weer gaw toch weer trök nao dat plekske op eerd.

15 15 Boe weurd die zeute taol gesproke Boe gein traditie weurd gebroke Dat gans mien hart kreeg Eus aller stad Mestreech. Iech höb mien hart verpand aon die sjoen stad aon de Maos. In eus Limburgs land besjerremp door Sintervaos. Iech wel veur diech mie leedsje zinge want Mestreech 't kump diech touw Wat de touwkoms ouch maag bringe Iech blijf diech trouw. Es iech loup langs dien walle, dink iech altied oppui aon d'n tied vaan verdrökking en lied Meh ze höbbe gezörreg, die aw Treechter lui dat dien Staar nog te sjittere steit. Ze höbbe al veur diech gegeve en diech bis oongeknak gebleve Diech bis nog altied niks vaan die sjoenheid kwiet. Wie eus veurawwers dooge, zoe wèlle ouch veer op de bres stoon veur eus sjoen aw stad. Wat me hei heet gebouwd, dat haolt niemand noets neer dat bewaore veer wie 'ne sjat. Me kin die glorie neet verkleine en altied door zal sjijne veur in Mestreech, 't gouwe Stareleech.

16 16 Veer goon nog neet nao hoes En veer goon nog neet nao hoes nog lang neet, nog lang neet en v'r goon nog neet nao hoes mie vajer is neet thoes. Boe is 'r daan nao touw nao Wolder, nao Wolder. Boe is 'r daan nao touw nao Wolder mèt z'n vrouw. Wat heet'r dao gezeen sjoen meidskes, sjoen meidskes wat heet 'r dao gezeen sjoen meidske vaan Mesteech. Wat heet 'r dao gehad Zjenever, zjenever wat heet 'r dao gehad. Zjenever met cognac. En al waer mie vajer thoes daan gónge v'r neet, daan gónge v'r neet en al waer mie vajer thoes daan gónge v'r neet nao hoe.

17 17 Tien ore heet de klok. Tien ore heet de klok, de klok heet tien luf d'n hoond zie stertsje op daan kinste ze vötsje zien. Vreuger woort vaan d'n torie vaan 't aajd stadhoes um 10 oor e signaal gebloze. De kleppermaan reep daan bij z'n runde: Tien ore heet de klok, de klok heet tien. De kinder, die nog neet nao bèd waore zònge 'm daan nao: Luf d'n hoond zien stertsje op, daan kinste ze vötsje zien. Hoh-hoh-hoh-Pie. Hoh hoh hoh Pie, ho-ho-ho-pie, zeve sent 'ne reiperok mörrege sleit de boter op. mörrege sleit de boter op. Ouch hei weer de bekinde reiperok. In de Limburgse Jaarkrans sjrijf Karel Matthijs hei-euver tot 't gezoonge woort mèt Vastenaovend, (1890) es um twie oor de maskerade begos en oonder d'n errem door de Staat trok.

18 18 Heije heije klödsje Heije, heije klödsje zoe dik, es 'n hödsje zoe dik es 'n boen God gief loen Hei woent 'ne rieke maan dee us wel get geve kaan wèlt 'r us niks geve heer zal neet lang mie leve

19 19 d'n hoegen hiemel is opegedoon gef us get en laot us goon veer höbbe nog niks gehad vaan't verreke ze gat laot 't metske zinke snij mer vaan de sjinke laot 't metske haange snij mer vaan de laange heije heije hödsje Mojer Triene Mojer Triene heet 'ne jak allemaol lepkes, allemaol lephes Mojer Triene heet 'ne jak allemaol lepkes aonein geplak. Hei e lepke, dao e lepke heet mien Mojer e nievelskepke Hei e look en dao e look heet mie vajer 'n oonderbrook.

20 20 Rij-jaloet wagel Rij-jaloet wagel wagel } bis Rij-jaloet wagel } bis Hei 't is 'ne retsjepoe } bis En v'r höbbe de mode gewoonde, trè-lè, trè-lè en v'r höbbe de mode gevoonde, trè-lè-lè Vivajoes koffiedoes Vivajas koffiedras Hei 't is 'ne retsjepoe

21 21 En wat zouwe veer mèt de mode doen, trè-lè, trè-lè veer höbbe gei geld um mèt te doen, trè-lè-lè Vivajoes koffie does Vivajas Koffie dras Hei 't is 'ne retsjepoe En dee, dee daan neet mèt en deit, trè-lè, trè-lè dat dee mer nao bèd touw geit, trè-lè-lè Vivajoes koffiedoes Vivajas koffiedras Hei 't is 'ne retsjepoe En dee nog neet nao bèd touw is, trè-lè, trè-lè is kans tot heer nog wakker is, trè-lè-lè Vivajoes koffiedoes Vivajas koffiedras Hei 't is 'ne retsjepoe Kruuspolka Och m'ne leve zwartkop veul 'ns wie m'n hart klop veul 'ns aon m'ne linkerkant wie m'n hart vaan leefde brandt Zuugste neet sao kump 'r groete passe nump 'r Zuugtste neet dao kump 'r aon mèt z'ne witte sjolek aon.

22 22 Duet vaan 'nen Hollender mèt e Mestreechs meidske Hollender begint: Ach m'n liefste schatteboutje, Kom belazer miech noe get, Wat ben jij een aardig vrouwtje, Miene naom dee is toch Bet. Ik zou eens graag willen onderhand'len Iech bin douf hei aon die oer, Mag ik met jou niet eens gaan wandelen? ) 2x Diech bis aon 't verkierd kentoer. ) 2x Wat heb jij een aardig snuitje, Vinstiech dat daan toch zoe sjoen? Kom met mij en word mijn bruidje, Huur noe ins dee leven toen! Heerlijk is jouw slank figuurtje.

23 23 Diech bis miech te kaal, te stief. Lieveling gun mij eens een uurtje, ) 2x Met d'n pu al vaan mie lief. ) 2x Wel, m'n allerliefste kindje, Gaank mer nao dien negerij. Wil je mij niet als je vrindje? Krieg de koorts mer op d'n prij, Ik zou dolgraag met je trouwen. Die is good, 't is manjefiek En ook heel veel van je houwen ) 2x Zjeng is op de seramiek. ) 2x Bet allein: Gaank hun mer dao achter zègke tot diech hei gei meitske lös. Iech hoof diech dat neet oet te lègke Smeer 'm noe en laot miech mèt rös. Op eder pötsje is te vinde ouch 'n dèkseke veur d'rop Zeuk dao achter bij bekinde ) 2x en noe lazerstraal mer op ) 2x Hollander allein: Ach vaarwel, jij snoezig meisje ik heb jouw taal niet goed verstaan. Ik onderneem nu weer mijn reisje, ik zal weer naar het noorden gaan. Iedereen zal ik vertellen dat 't vrij beroerd hier was. Ik laat me heus niet langer kwellen ) 2x hier woont toch een ander ras. ) 2x

24 24 Mestreech is neet breid, meh laank. Wäörd: Johan Pletzers Wijs: Armand Preud'homme Clubleed vaan de Zingende Pötsvrouwe.

25 25 Mestreech is neet breid, meh Mestreech dat is laank Mestreech is de stad vaan de Gezèlle vaan de zaank Niks is te lestig en niks is te zwoer want vrundsjap dat is noe zjus de krach vaan eus koer. Veer zien gezèllig es vrun oonderein us te ammezere vinde veer zoe fijn Vergete is de zörreg die soms op us drök daorum koume veer edere Maondeg trök. Es veer zoe bij-ein zien is't miestal raak daan weurt noe en daan de kachel aongemaak Veer zègke wel 'ns hommel, meine dao niks vaan Drink us e gleeske en veer zinge daan: Oonder d'n errem Oonder d'n errem is 't werrem, Pie en Pouw Pie en Pouw goon veer same nao Sint Gilles touw St. Gillis (St. Egidius) heet z'ne mei op 1 September, en is petroen tege de stupe. Es't fies in Wiek woort gevierd, waor 't kerremes en dèks al get kaajd. Op beiweeg nao St. Gillis pakde me ziech daan oonder d'n errem.

26 26 Eén is één. Eén is één, ene God alleen ene Zaligmaker en anders geen. Twee is twee, twee stenen tafelen die Mozes sloeg tot wafelen ene God alleen, enz. Drie is drie drie patriarchen Abram, Isaak en Jacobus twee stenen tafelen, enz.

27 27 Vier is vier, vier Evangelisten die de waarheid wisten drie patriarchen, enz. Vijf is vijf, vijf geboden des Heren die we moeten eren vier Evangelisten, enz. Zes is zes, zes kruiken wijn die er op de bruiloft te Cana zijn. Zeven is zeven, zeven sacramenten die wij moeten kennen zes kruiken wijn, enz. Acht is acht, acht zaligheden die wij moeten weten zeven scaramenten, enz. Negen is negen, negen vreemde zonden die wij stiekem konden acht zaligheden, enz. Tien is tien, tien geboden des Heren. die we moeten eren negen vreemde zonden, enz. Dit leedsje woort vreuger op vaol fieste gezoonge. Allewijl huurt me 't neet mie. Fons Olterdissen heet 't euver dit leed in zien prozawerken en vertelt tot 't o. m. op kemuniefieste gezoonge woort.

28 28 Spierelinge Spierelinge spierelinge kroepe door de mèstem alle jóngens douge neet en de meidskes zien de bèste hou soldaat mijn lieve kameraad hou soldaat mijn lieve kameraad. Bij de rijaloet wagel woorte hand aon hand spierelinge getrokke. Euver mèstem zeet Charles Thewissen tot sommige hie-oonder de moestuin verstoonte, aandere de mèshoup op de binnecour.

29 29 Saint Nicolas Saint Nicolas, patron des écoliers, apportez moi des sucres dans mes deux souliers, je serai toujours sage, comme un petit mouton, je dirai mes prières pour avoir des bon bons, venez venez, Sinat Nicolas, venez venez St. Nicolas, venez venez St. Nicolas Tralala. Sè niekela petrao deséekoljée appottema de plume de ma mé soeljee sje dieree ma priejijr à mè petiepetao sje dieree ma priejijr pour avwaar de bao-bao Venee venee sè niekela venee venee sè niekela venee venee sè niekela, tralala. Vaan origine is dit e Frans Sinterklaos-leedsje. De kinder in Mestreech zónge 't zoonder e woord devaan te verstoon. (Zuug verbasterde teks)

30 30 't Regent 't Regent 't zegent de panne valle aof dao koume twie boerinnekes die loupe op en aof. 't Regent 't zegent de panne weure naat dao koume twie boerinnekes die vele op hun gaat. Ouch in Hasselt en Maaseik weurt dit leedsje in 't dialek gezoonge door kinder es ze in de rege loupe. En mei vajer zag... En mie vajer zag: iech zouw 't laote En mie mojer zag: iech zouw 't doen Sjroomp, sjroomp, 't is e meidske Sjroomp, sjroomp, 't is 'ne jong.

31 31 't Meuleke 't Meuleke vaan van Ingele dat drejt mer vaan allein, de peerdsjes höbbe de mazele, en de liewkes höbbe gein bein. D'n awwen Ingele heet 't gewonne, Hiep, hiep, hoera, hiep, hiep, hoera, D'n awwen Ingele heet 't gewonne, hiep, hiep hoera, hiep hiep hoera! 't Meuleke vaan vaan Ingele dat drejt mer vaan allein de peerdsjes höbbe de mazele en de liewkes höbbe gein bein. 't Meuleke vaan vaaan Ingele dat is zoe rot wie str... de peerdsjes höbbe de mazele de liewkes de roeje groond. 't Meuleke vaan Vaan Ingele stoont aon 't begin vaan dees ieuw op de Merret. 't Waors 'n erremmeujentig geval. De peerdsjes hónge aon steng, meh troonder waors geine vloer veur op te loupe. Veur eine sent kos me twie kier mètdrejje. Mèt 't woord Roeje groond weurt volgens Endepols Roedvoonk bedoeld.

32 32 't Sjoenste boeremeidske En 't sjoenste boeremeidske kos 'nen daalder 'nen daalder, 'nen daalder en 't sjoenste boeremeidske kos 'nen daalder 'nen daalder kos dat keend. Meer, dao-ligk 'nen deender... Meer, dao ligk 'nen deender in 't water verzoep 'm mer 't is Kesselaar

33 33 Herremans z'n kooj is doed. Herremans z'n kooj is doed, ze is venach gestorreve hej'r ze in 't zaait gelag, daan waor ze neet bedorreve. Vaan dit leed bestoon ouch in Remung, Weert, Hasselt enz. dialek versies. In Canne zingk me 't mèt St. Maarten. Pie Heunders Pie Heunders, Pie Heunders, wat hobstiech lekker weurs, iech höb 'rs vaan zès, vaan ach en vaan tien, Pie Heunders laot m'ch d'n weurs 'ns zien, Pie Heunders, Pie Heunders, wat höbste lekker weurs. Dit leed is gemaak op slachter Pie Heunders, dee roond 1900 'n slachterij op de Merret had.

34 34 Sint Servaaslied Komt laat ons een loflied zingen, Sint Servastius ter eer, Dien wij waarlijk mogen noemen Bloedverwant van Onzen Heer. O, Sint Servatius Beschermer van Maastricht bewaar in dit gewest ) 2x het heil door U gesticht ) 2x Christus roept hem op naar Tongeren uit een vergelegen land. Van het altaar geeft Gods engel hem de kromstaf in de hand.

35 35 Wonderen zonder tal verzellen hem op zijne pelgrimsbaan Hij vergaart ontelbare scharen onder Christus' legervaan. Rome zag hem biddend, wenend neergeknield bij Petrus' graf waar tot onderpand van liefde Petrus hem de sleutels gaf. Engelen zingen bij zijn grafstee en bewaren zijn gebeent Zingen dan ook wij zijn glorie tot wij met hem zijn vereend. Op het refrein van het Sint Servaaslied wordt de volgende parodie gezongen: O Sint Servatius Beschermer van Maastricht bewaar in dit gewes ) 2x 't dröpke in de fles ) 2x Dit bekind leed höbbe veer in deze cahier opgenome umtot 1990 e Heiligdomsvaartjaor is. De wijs is vaan Friedr. Schmidt. Volges broeder Ananias Devries zouw 't kinne zien tot d'n teks is vaan Jac. Vrancken, dee es keplaon vaan St. Servaos in 1884 'n hymne à St. Servais diechde, boevan d'n teks sterrek mèt 't Servaosleed euvereinkump.

36 36 Sjèlleboer En daan zaot heer op zie peerdsje mèt 'ne ringk al door zien neus Meh de moos diech niks verbeelde, want de bis nog geine reus. Sjèlleboer hei en sjelleboer dao ) 2x Sjèlleboer, sjèlleboer, de bis nog geine moer Sjèlleboer, sjèlleboer, de bis nog geine moer. D'n teks vaan de Sjèlleboer stamp oet In de groeten optoch (Momus-optoch) vaan dat jaor, veurstèllende de vief werelddeile, reej in de groep dee Afrika veurstèlde, 'ne negerkeuning mèt. De luij langs de kant herkinde in deze moer (= Moor) de sjèlleboer vaan Lijf oet de Göbbelstraot. En zoe kaom dit leedsje tot stand.

37 37 De oprechte liefde van Ferdinand en Lucia Wat is de liefde wonder in haar werken, bijzonder bij het vrouwelijk geslacht. Een stuk merkwaardig om te bemerken, heb ik alhier in het licht gebracht, van een soldaat, schoon van gestalte, stond bij den generaal zo menige nacht op schildwacht, op schildwacht. Stond by den generaal zo menige nacht op schildwacht, op schildwacht De beginregels vaan deze smartlap zingk Trijn bij Katchimboe in Bechuanaland. Vaandao tot 't in deze cahier steit.

38 38 D'n historischen optoch vaan 1905

39 39 Lang al had me z'ch veurgenome hei weer 'ns get groets te doen' 'n Cavalcade moos koume wie noets gewees waor, groet en sjoen. Wie dèks dat me de mood leet zakke eindelek waor 't plan gereid Mestreech Veuroet dorf aon te pakke en zag: 't is noe zoe laanks es breid... En door eus Mestreech Veuroet trok 'ne sjoenen optoch oet. Kinder dansde vaan plezeer, groete dronke hiel väöl beer, Mestreech waor stapel vaan gelök, en alle kaffees hadden t'drök. Jao ederein kos z'ch vermake... en doog zake... Mestreech, dat toch altied floreert en op de ierste rang placeert die gooi aw stad hei aon de Maos de jaore laank 't ierste waos op 't gebied vaan kuns, plezeer en vaan 't aajd Mestreechter beer. Die zal uuch 'ns get laote blieke woevaan 'n ederein zal stoon kieke... De cortège dee kaom zoe es veer wete sjoen waor alles wat me zaog niemes zal 't oets vergete wat heer gezeen heet in die daog. Vreemde kaome aon mèt treine mèt de bote en de koutse hei otomebiele, groete en kleine mèt meziek en toeters...

40 40 Zoe zaog me daan kaome 't ierste aon... twie kerels, wie 'n volle maon die waogde zeker alletwie wel hoondert kilo's, jao nog mie... Gein betere waore oets gekoze um op hun bazuin te bloze... De reklaam vaan huidvleiskumpkes en vaan de Mestreechter stumpkes... 'ne Wèllen tróp kaom aongeslope... mèt groete heures en beerd beplak. Hun errem vrouwe ineingekrope in 'nen awwen haverzak. Mèt velle um vaan wuif en vosse trokke die wie rouvers roond stole peerd, keuj en osse wie dat vreuger hei bestoont... Toen kaom 'nen hiele lange stoet mèt ingelkes in wit en roed. de kleure vaan eus stad Mestreech veur häöm dee hei z'nen intoch deeg. Euzen ierste bissjop Sintervaos. En ederein zag: Da's Sinterklaos. Mèh, heer heet z'ne kop gesjore en z'ne gouwe staaf verlore... Sint Mathijskèrrek woort gedrage op 'n plaank de straote door. Op 'nen aandere sjoene waage vaan Slevrouwe kap en koor.

41 41 Ridders mèt gouwe spaore buutgemaak in oorlogsdaog... op e spaange kösseke veur te bewaore... 't Waor mer goud, al wat me zaog... Get weier woort me op 'n kaar e groet zwart mesjien gewaar... geseerd mèt blomme, roondum roond boe 't voor, dao daverde de groond. Me strekde angsteg oet de hand... want ze bubbelde aon alle kant de groete klok vaan de St. Servaos-e wie 'ne vètten os mèt Paose... Veur eus stadhoes op 'ne waage zaog me daovaan e beeld in 't klein woorte materiaole aongedrage 'ne Bissjop lag d'n ierste stein. En op zienen troen gezete bij dat vreiselek werrem weer woort ouch de Bissjop neet vergete aon Zwarte Ruiters flessebeer Meh wie me op de merret kaom en op de Boschstraot rös 'ns naom boe getrakteerd woort, lekker fien nog op e fleske awwe wien... Wie häöm - dat had get lang gedoord - dee Bissjop get geware woort. Wat me bij 't drinke neet kin misse deen hèllege Maan mòs 'ns goon p...

42 42 E Roed Kruus woort aongedrage roed en wit op 'nen drappo. Z'n han aon e groet zweerd geslage Abt Bernardus vaan Clervaux. En mèt veendel en baniere zaog me ridders vaan 't Kruus. Goon de Törke mores liere mèt hun hel mestreechter vuus... Meh, boe me noets vaan heet gerep dat is, wie die Ridders vaan de Klep wie me op de merret röste góng gaw same nao 't Häönsje dróng... En, wie d'n optoch weier trok de vrouw vaan d'n hospes gans versjrok en reep... gaank die gaw hole die höbbe 'n 't huidvleis miech gestole... E rizjemint zaog me toen koume mèt d'n tamboer-majoor veurop tamboers mèt hun groete tromme en 'nen haore kolbak op. Tösse greun en blomme-slinger rijde deftig en veurnaom dee ins (Mestreech es Stededwinger aon de Spanjaarde oontnaom... Aon alle kante geflankeerd door ridders op hun oorlogspeerd en mennege edelknaap daobij in zwarte vloer, in goud en zij...

43 43 Prins Frederik Hendrik op 'n aw meer vasgeboonde mèt touw en leer dat heer mer neet de nek zouw breke 't Waor jao veur te keke... 'ne Sjoene groep kaom aongerije mèt levende beelde, rechs en links 'n Hölde aon de groete stiechter vaan 't Mestreechs febrik De Sphinx. Tösse glaas en ceramieke... woort heer in zie beeld gevierd dee door errem en door rieke moot es groete geis ge-ierd... Meh achter tösse 'n iezere stang stoonte, veur 't valle gaar neet bang... 'ne stoker en ouch debij 'ne völler, aon de aander zij... dee zoe lang völde oet 'n fles die 'r had verborge in z'n tes. Dat heer in Wiek veel vaan de wage en veur doed bij Stijns woort ingedrage... In zien gouwe kouts gezete trok Louis Quatorze veurbij Iech had 'm ocherrem haos vergete Duc Valois aon de veurzij. Umringk door ridders, prinse, graove naome, die kloonke wie 'n klok oonder hun pruke haos begraove gewaopend en in stasie-rok.

44 44 De groete keuning zag: 't is heit... zuug 'ns Wullem wie iech zweit, de krijgs hei in die kas gein loch 't is 'n breujkis, erreger nog... Gei vinsterke, dat deit z'ch op 't is alles mèt stopverref touwgestop. Iech wèd, jandomme, dat vaan 't breuje straks eus pruke nog goon greuje... Eindelek waor 't ind gekoume de clou daan vaan de groeten toch Tösse pilere en kolomme die ziech verheve in de loch. Mèt kopere gedreve beelde en lieweköpkes, fien en sjoen in alle meugeleke weelde 'ne witte malleberen troen... Dao op de glorie vaan d'n daag eus Mestreechter stedemaag D'n Ingel mèt 't waope in de hand twie edelknape edere kant... En wie d'n optoch waore gedoon en ederein kos nao hoes touw goon Toen maakde die in 't gouwe voituurke met Louis Quatorze... 'n tuurke... Wäörd vaan Lam Wijzen Meziek vaan Louis Davids.

45 45 Heiligdomsvaart

46 46 Alle zeve jaor is in Mestreech 'ne groete Heiligdomsvaart Dee geit gepaard mèt hiel väöl sjiek, Straote sere veer daan manjefiek. Meh dit jaor had me get sjoens bedach: 'nen optoch georganiseerd. Me wouw de lui noe toch 'ns eve laote zien wat 'n bereumde manne in eus aajd Mestreech nog zien! Groete plakkate hónge op dao sting 'ne sjieke trompötter op. Ze waore verspreid in grans 't land Mestreech veuroet is by de hand Vaan Kölle en Aoke en iech weet neet mie zellefs de luikes vaan aon de zie die waore potdomme nao eus aajd Mestreech gekoume. Es nommer ein achter de meziek kaom 'n gymnastiekvereiniging aon. Einentwintig bissjöpkes oet de stad die veer vreuger höbbe gehad. Ze lepe ferrem in de pas, violette linter hadde ze vas en me kos ziech good verklaore wie joonk die bissjöpkes in deen tied nog waore Toen kaom 'ne groete wagel op mèt twie groete hèllege d'rop. Aw petroens vaan aon de Maos veurgengers vaan euze Sintervaos. Ze stoonte te waggelel wie 'n kas die kèrrek stoont ouch gaar neet was Monulphus begós te neeste en Gondulphus knikde 'ns tege z'n leefste.

47 47 De lauwerkrans, iech vergeet 't noets die is altied op häöre pos. 'n Ierewach ging dao veurop in de sjoenste pekskes oetgedos. 'n Juffrouw waos gezete op e roedbroen haorig peerd Jao, die heel z'ch kranig, jao ze rijde ònverveerd. D'n aartshertog waor 'ne pruus dee heel z'ch kalm bij dat gedruus. Aon edere kant 'ne maan of drei mèt 'nen degel aon hun prei. En achterop 'n hiel compie (compagnie) sjötters, seldaote, iech weet al neet mie en op hunne kop droge zie e merremitsje. Die vaan de landbouw waore ouch debij die hadde heures op hunne kop. Ridders, gestieveld en gespaord mèt geziechte roed behaord Die kerels zaote flink te peerd dat waor de meujte weerd, wie ze veur 't Stadhoes höbbe gedefileerd. Toen kaom keizer Sjèlderik (Childerik) op de sjummel vaan Pie de Mik. Keuning Dagelbertus ein, veel devaan op Selvrouweplein En Karel Martel d'n Hofmeier dat waor ouch 'ne leuke vrijer dee gòng z'ch nao haaf ein toch nog sigare koupe.

48 48 De Staar die waor ouch hiel sjoen die hadde Griekse kinderkes veurop. Kannunnikke en de Magistraot en hiere vaan de Gemeinteraod. 'n Keizerin waor ouch debij, die waor de meujte weerd die had z'ch veur deen daag häöre knievel aofgesjeerd. Toen kaom Keizer Karel V op de voes vaan Zjang vaan Lijf, sjötters vaan St. Sebastiaon mèt pekskes vaan hunne grampeer aon. En de aw herremenie vaan Hier die späölde louter kier op kier... zeker doezend kiere ein en 't zellefde deunsje. 't Patronaat vaan St. Mathijs die hadde ouch 'ne sjoene groep St Amor góng dao veurop dee had e sjaopevel op z'ne kop. Dao achter kaome ridders en kannunnike aon Sint Clarow en keizer Barbarow. Met nonderzjou zag 'ne boer oet Bun dee Bissjop heet 'm lielek um Zuug 'm 'ns waggele mèt z'ne staaf dee mins is zeker neet mie braaf. Haw d'ne moond, zag dee bissjop toen, iech höb wel degelijk me fatsoen iech bin neet zaat, meh iech höb m'n pu kepot geloupe.. De wijs is die van Wat weite de dokters noe devaan oet Trijn de Begijn. In de partituur vaan Trijn weurt verweze nao 't leed De staking

49 49 Och meerke leef... Och meerke leef sjei oet met sloon ) 2x iech zal noets mie nao Meersse goon ) 2x En in Meersse höbbe veer zoe'n lol gehad en wie iech thoeskaom höb iech op m'n moul gehad En in Meerse höbbe veer zoen'n lol gehad en wie ich thoes kaom höb iech op m'n moul gehad.

50 50 Hup, dao vluig m'ch 'n vloej... Hup, dao vluig m'ch 'n vloej op m'n bats. hup, dao vluig ze devaan hup, dao vluig ze op de winkelbaank houw häör mèt e gewiech op häöre straank en hup, dao vluig m'ch 'n vloej op m'n bats. en hup, dao vluig ze devaan, ze velt ziech kepot op de rand vaan de pot, en hup, la viedeldomda.

51 51 L'autre jour dans ma chambrette L'autre jour dans ma chambrette Ma chambrette si en haut Je fumai des cigarettes Couchai tard et levai tôt. Do, re, mi, fa, sol, la, si, do. Leedsje bij 't tuiwke springe: Edere kier es 'nen toen vaan de toenlèdder gezoonge weurd, moot 't keend dat aon 't springe is, z'ch bóke en daan trèkke de aander kinder 't touw hoeg nao bove gespanne. Dit leedsje moot aofkomsteg zien vaan de Waolse vlöchtelinge in d'n Ierste Wereldoorlog. Bovestaonde franse teks in 'n reconstructie vaan: Lootre zjoer de ma zjaprette ma zjaprette siejanoo Zje fumee de sigarette koesjee twa een leveedoo. Do, re, mi, fa, sol, la, si, do.

52 52 Mie Mestreech

53 53 E leedsje vaan miech, zing iech hei veur diech veur diech mien gooi stad, mie Mestreech Doorkruus vaan de Maos, stad van Sint Servaos boe vreug ziene zetel ins waor. Boe heer neet mie woent, meh nog altied troent De stad, wie eus land mer ein kint. Boe niemes us rouf eus hiel aajd gelouf meh trouw zien religie bekint. Dao klink ouch bij zaank en bij klokkeklaank bij vräög, bij vräög en verdreet mer ei leed: Treech, veer zien aon diech gehech iewelaank vochstiech veur die rech. Dao boe die hiel aw kèrreke stoon boe veer nog in de persessies goon. Treech, mien oug op diech geriech blijf tot mien doed touw altied mien pliech Dao boe iech leef en sterreve zal Mestreech, diech bovenal.

54 54 Mestreech heet 'n taol veur eus allemaol de taol vaan eus stad, eus Mestreech Veur eder geliek, veur errem en riek Jao, mèt 'ne klaank wie meziek. Me zingk bij de weeg in eus good Mestreech de taol die allein hij me kint Die grameer us liert en moojer mèt iert en vajer de sjoenste taol vint. Dao klink ouch bij zaank en bij klokkeklaank bij vräög en verdreet mer ei leed: Treech, veer zien aon diech gehech ieuwelaank vochstiech veur die rech veur de taol hei al oet dien stad die me bewaort es de groetste sjat. Taol veer blieve trouw aon diech me sprik zien taol, want dat is eus pliech. Eus taol die toch noets sterreve zal Mestreech! Jao bovenal! Op dezelfde wijs es vaan Mie Mestreech maakde ieuwig student Theo Loontjens oet Wiek 'n ode aon dit stadsdeil. Um Wiek neet te kort te doen woort 't neve dat vaan Mie Mestreech hei opgenome. Wiek Aon d'n euverkant vaan Treech dao stoont ins eus weeg Veer späölde hiel blij in Wiek op de wei of vochte mèt die oet de Grach.

55 55 Veer höbbe geraos op de green aon de Maos op 't Overe en op de Baon Bij ruizing op 't Gräötsje of in 't Kattesträötsje stoonte veer mèt eus neus gans väöraon. Veer dinke zoe gere nog 'ns trök aon de jaore es keend dao in Wiek aon de brök In Wiek, Wiek, eus Wiek allein vaan zjèrremiek tot de Botermijn aon 't Kevinsje, Refuzjiehoes aon 't Waterpeurtsje voolte veer us thoes. Wiek, Wiek, eus Wiek allein vaan zjèrremiek tot de Botermijn Nörreges op de wereld veule veer us zoe riek es in Wiek, in Wiek, in Wiek. Eder jaor mèt de Broonk daan steit Wiek te proonk daan heet Wiek zie fieskleid weer aon. 't Maak zich daan sjoen spreidt alles ten toen vaan hoes tot hoes hingk daan de vaon. En eder Wiekeneer is al vreug in de weer en gruuts op de Broonk vaan oet Wiek Vaan wied koume ze loere nao de worteleboere hun persessie mèt zaank en meziek. De kiekoete zien sjoen en prachteg verseerd de femilies koume bij ein en jao geine mankeert. In Wiek, Wiek enz.