ORBANSKOOL: Laerskool Kleuterskool en Peutersentrum

Transcriptie

1 ORBANSKOOL: Laerskool Kleuterskool en Peutersentrum

2 Welkom by Orban Kleuterskool

3 Uit ons kleuterskoolhoof se klaskamer Orban Kleuterskool maak deel uit van Orbanskool, n groeiende, onafhanklike privaatskool in Westdene, Johannesburg. Ons huisves beide peuters (groepe van 1-2 jaar en 2-3 jaar) asook kleuters (3-4 jaar, 4-5 jaar en Graad R). Alhoewel ons onderrigmetode informeel is, vind dit binne n gestruktureerde dagprogram plaas waar die klem op die totale ontwikkeling van die kleuter val. Orban is n parallelmedium skool met Afrikaans en Engels as onderrigmediums. Daar word baie aandag gegee en tyd ingeruim vir: groot motoriese ontwikkeling, fyn motoriese ontwikkeling, kognitiewe ontwikkeling, perseptuele ontwikkeling en sosio-emosionele ontwikkeling.

4 Waarneming en assessering vind deurlopend en volgens die ontwikkelingstadium van elke jaargroep plaas. Ons Graad R- leerders volg n volledige stapvir-stap program wat op die hersiene nasionale kurrikulumverklaring gebaseer is. Ons leerders word ook volgens hierdie kriteria, soos voorgeskryf deur die Departement van Onderwys, geassesseer. Ouers ontvang drie vorderingsverslae per jaar, met gedetailleerde inligting oor die ontwikkeling van jou kleuter.

5 Sou ons personeel enige uitvalle opmerk, sal jou kleuter na ons skoolgebaseerde ondersteuningsdepartement verwys word, wat gereed staan om in te spring met arbeids-, spraakof psigoterapie, sou dit nodig wees. Orban Kleuterskool het goed opgeleide personeel met n kenmerkende deernis vir elke kleuter en die bereidwilligheid om meer te gee as wat van hulle verwag word. Orbanskool skep gereeld geleenthede vir hul onderwysers om kursusse by te woon om hul op hoogte van die nuutste ontwikkeling in kinderopvoeding te hou. Ons onderwysers is almal in noodhulp opgelei. Hesmé Pennells

6 Hoekom ORBAN?

7 By Orban Kleuterskool is kleuters ons passie en om hulle te begelei na formele onderrig op `n speel-speel manier. Leer is altyd pret by Orban Kleuterskool en ons leuse Leer Leef! is soos asemhaal.

8

9

10 Akademie

11 Kleuters werk volgens n informele, maar gestruktureerde dagplan wat die volgende insluit: vryspel, opruimroetine, toiletroetine, weerkaart, registerkaart en nuus, kring (temabespreking, taalontwikkeling, wetenskap en persepsie), kunsaktiwiteit (teken, verf, collage, knip, plak, deeg, konstruksie en bak-en-brou), beweging en musiek, buitespel en rustyd. Rekenaars word vanaf Juniorgroepe tot Graad R as deel van ons dagprogram aangebied.

12 Uitstappies en instappies

13 Ons peuters en kleuters word blootgestel aan n verskeidenheid instappies (poppekas, mobiele dieretuin, ens.). Ons kleuters (peuters uitgesluit) en Graad R-groepe gaan ook op kwartaallikse uitstappies na plekke soos die JHB-dieretuin, Monte Casino-voëlpark, teater, en so meer.

14 Náskool Buitemuurse aktiwiteite By Orban Kleuterskool wil ons seker maak dat ons kinders die beste moontlike fondasie vir hul opvoeding kry. Daarom stel ons die dienste van kundiges beskikbaar, met aktiwiteite wat gemik is op kinderontwikkeling. Hierdie aktiwiteite word onafhanklik aangebied en word nie by die skoolfonds ingesluit nie: Bybelklub (gratis), Ballet Karaté Musiek: Be Sharp Beetles Gymkidz Playball Experi-Maatjies Golf Rugga Kids Daar is sowat 10 tot 15 gereelde leerders in n klas. Die kleuters word ingedeel volgens die klas waarin hulle in die oggend is. n Ligte middagete word daagliks bedien en die spyskaart wissel gereeld. Kleuters speel in hul klasse met klei en opvoedkundige speelgoed, doen verfwerk en luister na stories. Daarna kry hulle vrugtesap en vrugte/koekies en speel buite onder toesig. Ure: 13:30-17:30. Gedurende die skoolvakansies word n prettige program volgens n bepaalde tema aangebied. Middagete en ligte peuselhappies word deur die dag voorsien. Die program word vroegtydig uitgereik en kleuters kan ingeskryf word volgens die gesin se behoefte m.a.w. elke dag of selektiewe dae, op n half- of voldagtariefstruktuur.

15 Peutersentrum

16 Orban Kleuterskool se Heuningpotklas is die peutersentrum vir 1-2-jariges. Die peutersentrum funksioneer onafhanklik van die res van die kleuterskool, omdat dit n dubbelmediumklas is, met n eie beskermde en afgeslote speelgrond. Afrikaanse en Engelse peuters word in die klas geakkommodeer en daar word met die peuters in hulle voorkeurtaal gepraat. Peuters in die Heuningpotklas kan halfdag (7:00 tot 14:00) of voldag (7:00 tot 17:30) geakkommodeer word en die peutersentrum is ook tydens skoolvakansies oop (behalwe oor Kersfees en nuwejaar).

17 Die klas het n huislike en liefdevolle atmosfeer en die hooffokus in die peutergroep is die ontwikkeling van sosiale vaardighede, motoriese vaardighede en taalontwikkeling. Elke peuter kry die geleentheid om hulle ontwikkelingsmylpale op hul eie tyd te bereik. Ons volg n vasgestelde roetine en informele program. Die vestiging van roetine is uiters belangrik en kinders ervaar baie meer sekuriteit wanneer hulle n vaste roetine het waarvolgens hul dag verloop. Daar word deurlopende waarneming gedoen en drie vorderingsverslae word deur die loop van die jaar uitgehandig.

18 Peuters kry ontbyt en middagete, sowel as joghurt, vrugte en gesonde peuselhappies tussen-in.

19 Orban se peutersentrum (bekend as die Heuningpotklas) het sy eie omheinde en afgeslote buite- en binnespeelruimtes. Die klim- en speelapparaat is veilig vir peuters om te gebruik, omdat dit spesifiek vir beginnerlopers ontwikkel is. Daar is ook n motorfietsiebaan vir ouer peuters wat al meer bedrewe op hulle voete is.

20 Higiëne is van uiterste belang in die Heuningpotklas. Speel- en klimapparaat word gereeld gesteriliseer en ons Heuningpotjuffrou word deur twee toegewyde assistente bygestaan om te sorg dat vars voedsel van hoë gehalte vir die peuters voorberei word. Doeke word onmiddellik geruil en peuters wat gereed is, begin met n potjieroetine. Dit alles het my oortuig dat Orban die regte sorg vir my peuter bied. - Karin Steyn (ouer)