Die Hoërskool DF Malan

Transcriptie

1 Die Hoërskool DF Malan Frans Conradierylaan, Bellville 7530 Tel (021) Faks (021) E-pos : skoolhoof@dfmalan.com Webtuiste : Nuusbrief 4 18 Maart 2016 Beste DF-Ouers Na n baie bedrywige eerste kwartaal sien elke Dee-Effer sekerlik uit na n paar dae weg van die skoolbanke! Hiermee stuur ons graag n kort verslag oor die skool se doen en late oor die afgelope drie weke. Meertaligheid by DF Terwyl die taaldebat voortwoed, bewys Dee-Effers daagliks dat hulle nie slegs die positiewe impak van moedertaalonderrig ervaar nie, maar beslis ook hul man in n meertalige wêreld kan staan. Ons is besonder trots op twee van ons graad 10-manne wat gestalte gegee het aan die jaarspreuk Gryp Geleenthede". Bernard Oosthuizen en Gerhard Erasmus het by die Universiteit van Kaapstad aan die nasionale uitdunne vir die International Competition for Young Debaters deelgeneem, waar hulle n algehele tweede plek losgeslaan het. Hulle sal Suid-Afrika aan die einde van April vanjaar in Oxford, Engeland, verteenwoordig - beslis 'n uitsonderlike prestasie vir n Afrikaanse skool! Damian Petersen (graad 11), het ʼn tweede plek in die landswye Duitsolimpiade vir nie-moedertaalsprekers behaal. Hierdie prestasie het aan hom n uitnodiging na Duitsland op die koste van die Duitse regering besorg. Tydens die maandlange besoek, sal Damian saam met leerders van ander lande vir twee weke by gasouers in Duitsland bly en ook die voorreg hê om die skoollewe in Duitsland te ervaar. Daarna word ʼn toer deur Duitsland onderneem. DF Malan is baie trots op hierdie puik prestasie van een van ons topleerders. Dee-Effers (en natuurlik ook volwassenes!) kan steeds volgende kwartaal by die beginnersklasse in Mandaryns inskakel. Die klasse, wat deur mnr. Tony Huang aangebied word, sluit ook interessante kulturele aktiwiteite in. Vir meer inligting, kan u mnr. Huang skakel by of tony@hlsmandarincentre.com, of andersins die webtuiste besoek. Maak gerus gebruik van hierdie unieke geleentheid wat by DF Malan aangebied word.

2 Mini-Kunstefees Op Vrydag 22 April 2016 bied DF se kunsdepartemente n Mini-Kunstefees in die skoolsaal aan. Musiek- en dramaitems, sowel as n kunsuitstalling maak deel van die fees uit. n Hoogtepunt van die aand is n onderhoud wat met Karina Szczurek (weduwee van André P. Brink) gevoer sal word oor Vlam in die Sneeu, n boek wat handel oor die liefdesbriewe tussen André P. Brink en Ingrid Jonker. Hierdie boek, wat deur me. Brink onderteken kan word, sal by die geleentheid te koop aangebied word. Kaartjies vir die fees is vanaf volgende kwartaal teen R50 elk by die skool beskikbaar. Gholfdag Op Donderdag 10 Maart is DF se jaarlikse gholfdag by die Bellville Gholfklub gehou. Hierdie baie suksesvolle fondsinsamelingsgeleentheid het vanjaar alle verwagtings oortref. Onder leiding van me Anneke du Plessis en haar span, was dit beslis die grootste gholfdag in DF se geskiedenis. Alhoewel die wind soms gepla het en die veld bietjie stadig was, was daar n wonderlike gees op die gholfbaan waar Pieter de Bod en Cheyne Hare as wenners uit die stryd getree het. Die Broers het vermaak verskaf en die waarde van die geluktrekkings en pryse wat op die aand aan spelers oorhandig is, het nie minder as R beloop nie. Toks van der Linde het tydens die veiling met sy gewone entoesiasme die DF-ouers en ondersteuners aangespoor tot n rekordopbrengs. Die reuse bedrag van meer as R is uiteindelik tydens die gholfdag ingesamel. Ons wil graag elke speler, putjieborg en borge van pryse, veilings- en goodybag-items bedank vir hul aandeel in die sukses van die gholfdag. Dankie ook aan elke leerder en ouer wat n bydrae gelewer het. n Spesiale dankie gaan aan me. Anneke du Plessis en haar span vir die puik organisasie en reëlings. Dit was voorwaar n gholfdag wat terdeë geniet is en wat nog lank onthou sal word deur almal wat in die dag gedeel het! Baie dankie ook aan almal wat die skool tydens die Emo Adams-optredes ondersteun het. Dit was so suksesvol dat sy span reëlings getref het om later vanjaar by twee verdere geleenthede televisie-opnames by DF te kom maak.

3 Erkenning aan DF Die skool is onlangs deur die WKOD vereer vir hul Wiskunde-prestasie in die Sistemiese Toetse van DF Malan het onder die top-3 skole in die provinsie geëindig. Hier ontvang me. Mette Warnich die toekenning namens die skool se Wiskunde-departement van me Penny Vinjevold (onderwyshoof, WKOD) en me Debbie Schäfer (Minister van Onderwys, Wes-Kaap). Ook prof. Wim de Villiers (rektor), het namens die Universiteit van Stellenbosch erkenning aan DF Malan gegee as een van die universiteit se top-voederskole. Busdiens Daar word gereeld navrae ontvang oor die moontlikheid van busroetes na en van die skool. n Busdiens uit die areas Panorama, Welgelegen en Monte Vista is reeds gevestig. Die bus vertrek om 07:00 uit Monte Vista (OK), draai links in La Provenceweg, regs in Akademiestraat en dan regs in Malmesburyweg na Laerskool Panorama. Daarna word die roete langs Rothschild Boulevard gevolg. Vir meer inligting kan Monique Arend by of enquiries@manuels.co.za gekontak word. Daar was ook verskeie navrae uit die Durbanville- en Kuilsrivierareas. Om n busdiens kosteeffektief te bedryf, is dit nodig dat minstens 13 leerders/ouers hulself verbind om vir die volle jaar van die busdiens gebruik te maak. Ouers wat een van hierdie twee moontlikhede wil ondersoek, kan me. Ronel van den Berg by (021) of rvandenberg@dfmalan.com kontak. Huiswerkklas Een van ons DF-ouers, me. Adriana Myburgh, het aangebied om n naskoolse huiswerkklas te organiseer indien daar so n behoefte sou bestaan. Vir meer inligting omtrent hierdie gestruktureerde studieklas, kan u haar gerus by am.home@mweb.co.za kontak. U kan ook vir me. Ronel van den Berg (rvandenberg@dfmalan.com) skakel indien u belangstel. Die klasse is daagliks van Maandag tot Donderdag vanaf 15:00 tot 17:00 en tussen 13:00 en 15:30 tydens eksamen. Die koste is R200 per kwartaal (ongeveer R100 per maand) en daar sal ook elke middag n toebroodjie verskaf word.

4 Kwartaalprogram : Tweede Kwartaal 5 April: Skool heropen (dag 2) 2 Mei: Openbare vakansiedag 8 April: Vakveranderinge (gr. 10) 13 Mei: Dink-of-Sink 14 April: Mnr. en Mej. DF 26 Mei: Eksamen begin 16 April: Parel-Vallei Sportdag (tuis) 28 Mei: Oudtshoorn-naweek (tuis) 18 April: Oueraand 16 Junie: Jeugdag 22 April: Mini-Kultuurfees 17 Junie: Openbare vakansiedag 26 April: Erekleurefunksie (Sport) 21 Junie: Eksamen eindig 27 April: Vryheidsdag 24 Junie: Skool sluit Vakansiegebeure: Atletiek: Drie van ons topatlete, Marga van der Linde, Claudia van der Westhuizen en Anja van Heerden, is gekies om die WP by die ASA Junior Kampioenskappe in Germiston te verteenwoordig. Ons hou duimvas vir hulle! Hokkie: Die premiermeisies vertrek die vakansie na die St Mary s Hockey Festival, terwyl die DFM Nasionale Hokkiekursus vanjaar weer by DF Malan aangebied word. Die premierseuns neem aan die Fairmont-toernooi deel. Rugby en Netbal: Vier rugby- en twee netbalspanne onderneem n toer na George. Oranjerivier: Vyftig graad 9 s gaan die vakansie weer die Oranjerivier aandurf. Hierdie is die 37ste groep avontuurlustige Dee-Effers wat onder leiding van mnr. Tommie Barnard die spesiale ervaring gaan meemaak. Wye Wêreld: 13 Dee-Effers het die voorreg om wonderlike nuwe ervarings in drie Europese lande te geniet. Hulle besoek onder andere Parys en Londen en vertrek daarna na België, waar hulle saam met leerders van die Guldensporencollege (Kortrijk) sal skoolgaan en ook die wêreld daar sal verken. Die groep word vergesel deur me. Ansie Myburgh en me. Ina Terblanche. n Verslag van u kind se akademiese vordering sal net na die vakansie per hand aan u gestuur word. Indien daar enige bekommernis omtrent n leerder se prestasie is, word u aangeraai om die oueraand op 18 April by te woon. Ons wens elkeen in die DF-familie n welverdiende ruskansie toe! Vriendelike groete. Joh Dorfling SKOOLHOOF

5