22 JUNIE 2016, KWARTAAL 2, UITGAWE 18. Vir bespreking kontak gerus vir ds. Natalia Strydom by

Transcriptie

1 22 JUNIE 2016, KWARTAAL 2, UITGAWE 18 UIT DIE HOOF SE KANTOOR Baie dankie aan al ons ouers, leerders en personeel vir die afgelope besige kwartaal. Dit was n suksesvolle kwartaal met baie hoogtepunte en uitdagings wat ons positief kon oorbrug, te danke aan ons wonderlike skoolgemeenskap. Geniet die welverdiende wintervakansie, rus lekker en reis veilig na u bestemming, indien u met vakansie gaan. Die rapporte word op Donderdag, 23 Junie aan al die leerders uitgedeel. Saalafsluiting word ook Donderdag gehou. Die Oueraand vind plaas op Donderdag, 23 Junie vanaf 17:00 tot 19:00. Die Graad R- tot Graad 3- personeel sal in hulle verskeie klasse wees en die Graad 4- tot Graad 7-personeel sal in die skoolsaal beskikbaar wees. Die skool sluit op Vrydag, 24 Junie om 11:00. Daar sal toesig beskikbaar wees by Unikannetjies vanaf 11:00 tot 13:30 vir die leerders wat nie n ander heenkome het as die skool om 11:00 sluit nie. Vir enige navrae kan me. Sonja Schaefer gekontak word by Unikannetjies sal gesluit wees vanaf Maandag, 27 Junie tot Vrydag, 1 Julie. Vakansiesorg sal weer op Maandag, 4 Julie beskikbaar wees. Die Kleuterskool sal ook gesluit wees vanaf Maandag, 27 Junie tot Vrydag, 1 Julie. Skool heropen weer op Maandag, 18 Julie na die wintervakansie. VAKANSIEPROGRAM Ds. Natalia bied n vakansieprogram aan vir alle ouderdomme teen R120 per leerder per dag wat dan verversings, geskenkpakkie, kunsmateriaal en n ligte middag-ete insluit. Die vakansieprogram is vanaf Maandag, 27 Junie tot Vrydag, 1 Julie. Vir bespreking kontak gerus vir ds. Natalia Strydom by visagie86@gmail.com PERSONALIA Frank Moshaba is oorgeplaas na Limpopo Onderwysdepartement. Baie sterkte word hom toegewens. Baie dankie vir die 20 jaar se diens by Laerskool Unika. Me. Sonél Pretorius gaan op kraamverlof, ons wens haar en Cornél alle sterkte toe met die koms van hulle dogtertjie. Me. Chantal Steyn sal in haar plek waarneem. KASKARDAG Daar heers n groot opgewondenheid oor die Kaskardag wat gaan plaasvind op Vrydag, 29 Julie Leerders is baie opgewonde oor die dag en daar word alreeds baie moeite gedoen rondom die tema, Olimpiese Spele. Sommige klasvergaderings is reeds gehou deur ouers en personeel met betrekking tot die Kaskardag. Die Fondsinsamelings-komitee bedank almal se inisiatiewe en bereidwilligheid om van hierdie dag n reuse sukses te maak. Ons wil graag n beroep doen om onkostes wat die dag voorafgaan, tot die minimum te beperk. Die hoofdoel van die Kaskardag is, dat dit die enigste fondsinsamelingsprojek vir die skool is. Ons versoek ons ouers om kreatief te wees rondom die

2 Kaskardag met minumum uitgawes soos kleredrag, baniere, versierings ens. AKADEMIE WOW-SPELFEES : GRAAD 4 TOT GRAAD 7 Unika gaan hierdie jaar deelneem aan die WOWspelfees. Dit is die Nasionale Spelkompetisie in samewerking met die Universiteit van Stellenbosch se Woordfees! Unika se leerders is baie goeie spellers en ons glo hulle gaan deurdring na die nasionale rondte in Oktober. Leerders het reeds die spellyste ontvang. Al die Graad 4- tot Graad 7-leerders skryf op Vrydag, 22 Julie dié speltoets. Datums is as volg: Skooluitdunne : 22 Julie tot 15 Augustus Distrik : 22 Augustus Provinsiaal : 16 September Nasionaal : 22 Oktober Dit is n heerlike aktiwiteit vir die koue wintervakansie! Vir enige navrae kan juffrou Suzette gekontak word by suzette.oconnell@unika.co.za KULTUUR ATKV REDENAARS Baie geluk aan die 4 leerders wat aan die semifinaal deelgeneem het. Anja Engelbrecht Dirk Jacobs Nicola van Tonder Anje van Jaarsveld Baie geluk aan Dirk Jacobs wat deurgedring het na die finale. Unika is baie trots op julle! EISTEDDFOD Die sluitingsdatum vir alle inskrywings is op Donderdag, 30 Junie. Dit is nie nodig om te registreer nie aangesien die skool reeds geregistreer is. Gebruik slegs die skool se inskakelkode (65) en wagwoord (4xvxc-frk) en gaan na login. Volg dan verdere instruksies. INSKRYWINGS VIR EISTEDDFOD 2016 Die skool het dit goed gedink om hierdie jaar gebruik te maak van die NEA-Eisteddfod se aanlyn inskrywingsplatvorm. Inskrywingsproses Elke ouer is verantwoordelik om op die NEA se webtuiste te gaan om hul kind self in te skryf vir die Eisteddfod deelname. Leerders moet deur Laerskool Unika inskryf om in aanmerking te kom vir toekennings. Vir hierdie doeleinde moet ouers gebruik maak van Unika se gebruikerskode en wagwoord wanneer daar ingeteken word op Gebruik die volgende kode en wagwoord en volg die aanlyn-instruksies. Kode (user code) 65 Wagwoord (web pass) 4xvxc-frk Betalings Alle betalings word direk aan die NEA gemaak. Maak gebruik van die NEA se verwysings- en betalingsprosedure. Unika gaan geen betalings namens n ouer aan die NEA maak nie en dus moet daar geen gelde in die skool se rekening betaal word nie. n Inskrywing by die NEA is slegs geldig sodra die NEA die bewys van betaling ontvang het. Bankbesonderhede Rekeningnaam : National Eisteddfod Academy Bank : ABSA Bank Takkode : Rekeningnommer : Tipe rekening : Lopende rekening E-pos bewys van betaling aan: rolien@esiteddfod.co.za JUNIOR- EN SENIORKOOR Juniorkoor se eerste oefening vir die 3de kwartaal sal wees op Maandag, 18 Julie vanaf 13:00 tot 13:45. Seniorkoor sal weer op Donderdag, 21 Julie vanaf 14:00 tot 15:00 oefen. Voorlopige datums vir optredes: 31 Julie: Parkkruin Gemeente (Juniorkoor) 23 September: Unimakiti (Seniorkoor)

3

4 Kontak vir Cathrine van der Walt indien jy belangstel com Jack Russell hondjies te koop teen R400 elk. 6 Pragtige hondjies soek huise. Daar is 3 reuntjies en 3 tefies. Hulle is nou 1 week oud en sal vanaf 15 Julie na hulle nuwe huise kan gaan. Hulle eerste inenting sal gedoen word. As enige iemand belang stel kan hulle vir Samantha skakel op

5 Ek help ma's om geld van die huis af te maak en kosbare tyd saam met hulle kinders te geniet. Vir meer inligting - skakel of sms Antoinette by Bly warm hierdie winter met musiek wat jou hart vervul!! Skryf nou in vir musieklesse te kies en te keur - kitaar, sang, dromme, klavier, viool, blokfluit en "Shake it Orff" groepsklasse! Kontak Anthea op // info@musicteach.co.za // Berario Rekreasie Sentrum.

6

7

8