Utjgegévve dur inkel vastelaovesgekke umstreeks fibberwarrie twéduzjendtwèèllef

Transcriptie

1 61e vastelaoveskrant. Di krentje versjeentj en verdweentj inéns vur Méél en de uurste nobbers Be-Nir-Os-Rog-As. Dè sin de beginletters van Beringe, Nirkant, Ospel, Roggel en Aaste. De Kieveloeët 2012 Utjgegévve dur inkel vastelaovesgekke umstreeks fibberwarrie twéduzjendtwèèllef OfficieelorgaanmernieechtvandeMéélsevastelaovend2012Bijéngeprakkezeerdenutjgegévvemiduzjelighoeëgbevelvaninkelvastelaovesflabbeevattendealleswabeslooteenniebeslootezalwéére. Vandeninhawdisgénlettergelógeenis tgelógedanhaawegeouwdermernetjesbutjeanderssjoebezeouwnogutjwórunnenhóndgénbroeëdvanlust.deredakteurmótteböllekustienuspaastpaedje onbekééndtel1111b.g.g.litjieópbéd.ingezóndestukkewééreaaltidjgeplatstas tmersjonnewaazeliswéérezeniegeplatstmoetezemerverdóriesgoeweetedè tallemoltiggewórriggentidjniekan. tauteursrechtvandeeskrantbereustbijdesjrieversdieunnenbrieëjerughébbeenanderléújdiegoeweeteworabrahamdemoosterdhaltendèieënenienzòwàdréjis. Wijwenseollieallemolééveveullolmideesdaag.De Kieveloeët. Prins Rudie I Proclamasie as Prins Rudie I Wéj Prins Rudie I, béj de grasie van de Rò van Éllef, Vorst Peter, Adjudant Hans en t Comité van de Kieveloeët, zoon van Henk van Wiel van Hermus Hént en Thea van Brúúne Sjéng, dòrmi afstammeling in de rèèchte lijn van Wiel van Hérmus Hént, mede-opreechter en 5 x 11 jaor geléjje prins van De Kieveloeët, knatsjverliefd óp en t Hazepad gekózze mi Resy Beeks, daochter van Sjravelzak, Hepie en dör- en dörgewinterde vastelaovesgék Wim van Toon van Beeks Drees en Lies van Harrie Rutjens, al twé jaor vader van Stijn, béj wie ut vastelaovesbloe ók van de klénjste linkse tieën wies witj bove t rèèchtse oeërflépke kólkt, gèk genòg in Venray gebórre mèr gaow genóg óppe Steegstraot versténdig gewórre, vanutj d n éjgen hóf mi un stiftbélleke d n bal gesjöpt nór ut Cammaert-veldje, durgebroke as leeste man béj RKMSV, duk zat as leeste man nò husj béj de Siem en de Nos, geweeze tapper en veur-zitter van pilskes béj de Sjraveltempel, al éllef jaor nie te passere béj Sjuppe Éllef, spits in de springlévvende joong boere pyramide van de Érpelemèèndjes, de balle loepzuuver in de krusjing péérend béj t zaalvoetbal en nét övver t nét béj de tènnisclub, joekele van karpers in t nét takelend béj de visklup en in n nèt pak niks anders dan dokterandus en fiskaal ekonoom, verklaore hierbéj dè ge mi de vastelaovend 111% onbelast kaant geniete totdè ge héllemol en d n taks béént en d r in de pólónééze nétto gruwelijk óp veurutj got, pingelend, sjuuvend, knoeërhard, mi of zónder sjéjnbeweginge, zónder de reservebank te rake en wies laat in de blessuretidj van de dèrde hélleft, want geluuf di mér van méj: Jóngk en awd kóm d r béj Wòr ik van haaw dè bénne géj 1

2 Vastelaovesprógramma CV de Kieveloeët 2012 Wéj zin ónderwég nò t groeëte vastelaovesspektakel, de dréj dólle dage. Prins Rudie I en zin gevòlleg hébbe de afgeloeëpe wééke genote van de veul aktievietéjte die in t vastelaovesséjzoen zin veuraf gegao. Nòw moet de kliemaks gòn kómme en zò te zie gé dè ók echt gebeure. Z.D.H. Prins Rudie I hi de afgeloeëpe wééke ervare hoe massaal n Kieveloeëteriek aachter zinne heerser kan gòn stao. Vur de kómmende dage hoopt héj veul Kieveloeëters en Kieveloeëterinne te óntmoete. Vural de dréj dólle daag die t hògtepunt gòn vèùreme van di vastelaovesjaor. Um èn te gééve wòr géllie Prins Rudie I mi zin gevòlleg kanne treffe vòllegt hier t kómplete prógramma: Vréjdig 17 fibberwarrie 2012: ure: Sósiejale wéérekplats Stichting Daelzicht (industrietréjn) ure: Stichting Kinjerópvang Méél ure: Bezuuk bazissjool ónderbaow ure: Éjnde prógramma ure: Bezuuk bazissjool bóvebaow (d n Binger) ure: Éjnde prógramma ure: Sluttelövverdracht geménjtje Pieël en Maas in Panninge Muziekale umlisjting wérd óp dizze dag verzèùregd dur hofkepèèl Goe Gehusseld. Zòtterdig 18 fibberwarrie 2012: ure: Vastelaovesmis ure: Sluttelövverdracht in t geménjsjapshusj d n Binger (ènslutjend vlaghéjse béj t kievelmenneke) Muziekale umlisjting wérd óp dizze dag verzèùregd dur Die Heimat Kapelle. Zóndig 19 fibberwarrie 2012: ure: Óptocht ure: Kefee Parties ure: Oranje Hotel prisjutjréjking óptocht ure: Afslutjing kluplókaal Hotel/ Restórant De Zwaan Muziekale umlisjting wérd óp dizze dag verzèùregd dur hofkepèèl Goe Gehusseld. Mòndig 20 fibberwarrie 2012: ure: Kefee/restórant Colé ure: Kéjsjeutebal, geménjsjapshusj d n Binger, prisjutréjking óptocht vur de kinjer ure: Kefee de Siem ure: Afslutjing kluplókaal Hotel/ Restórant De Zwaan Muziekale umlisjting wérd óp dizze dag verzèùregd dur hofkepèèl Goe Gehusseld. Dinzig 21 fibberwarrie 2012: ure: Kieveloeëte Treffe kluplokaal Hotel/Restórant De Zwaan ure: Kefee Nostalgie ure: Kefee De Vangrail ure: Kievelmènneke en ènslutjend vlag strieke béj t kievelmenneke ure: Afslutjing in kluplókaal Hotel/ Restórant De Zwaan Muziekale umlisjting wérd óp dizze dag verzèùregd dur hofkepèèl Goe Gehusseld. Twieë vrimde vogels (koekwauze) Wor is dè fésje! 2

3 Veurwoord burgeméster Beeste Kieveloeëters en Kieveloeëterinnen Vanaf de éllefde van de éllefde begeent t béj iederieën te kriebele. De vastelaovesverénniging organiezeert ieder jaor wér veul aktievietéjte um iederieën n geweldig vastelaovesfést te bieje. Fantasties dees inspanning. Ieder jaor brééngt de vastelaovend wér veul plezier en gezèllighédj en zie ge allieën mèr vroleke gezeechte en hóssende mense. Dréj dage van veul lòl hébbe, de zaak, t wèèrek en de zèùreg èn de kant zitte en alles èfkes vergééte. Vastelaovend is n geménjsjapsfést wòr iederieën béj nöddig is. t Vastelaovesfést kan pas n sukses wéére as t r n goej veurberéjding èn veurafgegao is en dòr gé veul tidj inzitte. Jaorleks zitte veul inwoners van Méél zich in um de fèstievietéjte tot n suukses te make. Vastelaovesvierders kanne dan ónder andere geniete van óptochte, de bónte aovende en utjeraard t bekéénd make van de prins. Laote we dees geweldige tradiesie blieve ènmoedige en waardere. t Is n biezunder en uniek kultuurversjeensel wòr we zujnig óp moete zin. Ik wens vastelaovesverénniging C.V. De Kieveloeët veul sukses béj de organiesasie van alle aktievietéjte en hoop dè C.V. De Kieveloeët Méél nog veul jòrre dél utj zal make van ónze geménsjap. Vastelaovend wa méj betreft..forever!!! Vastelaovend same Wilma Delissen - van Tongerlo Burgeméster van Pieël en Maas 3

4 4 t zit d r béjnao óp

5 n Bóks mieër of minder Benny Vaes ging s ne kieër nò de vierentwénjtjig-uurs rees van Le Mans in Frankriek. De temperature liepe nògal hòg óp; dus besloot tjie um n kórte bóks te koeëpe. Zò gezi, zò gedao. n Sjòn, gruun kórte bóks, die tjie utj t oéëg verloor toen d r n pilske gekaocht ging wéére. De dörskes, die d r béj ware di han al gaow in de gatter, dè Benny nonchalant mi zin nééj bóks eum ging en beslote um m te kloeëte. De bóks verdween in ne rugzak zónder dè iemes t in de gatter ha. Èngezie d r óp mieër plekke n pilske gekaocht woor, krig Benny in de gatter dè tjie zin bóks waar vergééte mee te neme. Gò mèr èfkes trug um te kieke of ie d r nòg li woor d r gezi en Benny waar drèk vertròkke, mèr ók snel wér trug. De bóks lag t r nie mèr! Tja, niks èn te doe; ik koeëp wal n nééj, zi tjie en dè di tjie ók. n Sjòn blaow kórte boks, wa waar ie d r gröts óp. Wèr makt Benny dezéllefde fòwt dur zin bóks óp n tòffel te laote ligge. Die dörskes han dè wal in de gatter en verwisselde de bóks mi die bóks die ze al in de rugzak han zitte. t Goej mènneke ha niks in de gatter. D n dag waar nòg nie vurbéj en Benny is nie vies van n pilske, dus d r wore nòg wa pilskes gekaocht, tot dè t tidj waar um trug te gao nò de kemping. Dòr zao de barbeque vur de innerlijke mens gòn zèùrege. Beun laot òw nééj bóks us kieke woor d r gezi ónderweges. Héj kiekt in zin tasje en halt zin bóks nò bove. Wa is di? Dé kén nie? zi tjie. Ik snap d r niks van. Ik ha toch n blaow bóks gekaocht! De dörskes kwame nie mèr béj van t lache en toverde in n mum van tidj zin blaow bóks utj de rugzak! Toch mèr iets bétter óp òw spullekes pase waar de goeje rò vur Benny! Mèr én ding is zeker, héj ha toen inéns wal twieje kórte bókse, n gruun en n blaow en zin laang bóks hi tjie nie mèr èn gehad! Van huuëre zégge We hébbe huuëre zégge dè Wimke Pluum óndanks dè tjie alle béddegeréj utj zinne winkel hi ópgeruumd toch nòg in zinne winkel slöpt. Héj is namelek in zinne piejama getrasseerd in zinne éjge winkel óp 7 jannewarrie 2012 vlak vur t prinsebal! Zò tjie wakker zin gewórre van de hèrrie van de sjutteréj die net in t leeste uurke van t prinselééve van Prins Ger I, de prins nòg n serenade kwaam brénge? De hoofdprisj De bónte middig van de Kieveloeët, wà n hèppening, wà n fést! As traowe bezuuker van dizze middig ging ik ók afgeloeëpe jaor nò d n Binger um van ne gezèllige middig te geniete en t waar ók gezèllig en toen ik ók nog de hoofdprisj van de lóterééj wón, koos dizze middig héllemòl nie mèr kepót. Ieën jaor lang élleke 11de van de mònd, kreeg ik, aaltidj wér variejerend, ne bós bloeme bezèùregd dur iedere kieër wér n ander Kieveloeëte gezeecht. Élleke 11de van de mònd wér n bietje vastelaovend. Jammer dè t vur méj vurbéj is, of ik zao wér de hoofdprisj moete winne. Kieveloeët bedankt! Ik héb d rvan genote. Tot slót wens ik òllie n geweldig vastelaovesséjzoen Alaaf!!! Francien Kessels. Verkieërde sluttel Béj de beugelklup in Méél is t de gewunte dè ieder lid van de klup n paar kérre per jaor in de kantine moet wééreke zòdè de klup is verzekerd van inkómste. Degene die vandaag wéérekt moet zèùrege dè degene die mèèrege èn de beurt is de sluttel kriegt. Zò waar dè ók béj Henk en Jo van Heugten, ge wit wal Henk van Karel van Heugten. Toen ze afgewéérekt ware han ze de sluttel béj Jo Nijssen van Willem van Sjansdriek, in de brievebus gegòjd toen Jo net tusj kwaam. Drink mèr èfkes n tas koffie, zi Jo, géllie zin toch afgewéérekt. Zò gezi zò gedao. Toen ze nao n tidje tusj ènkwame kreeg Henk de deur nie ópe. De sluttel paast nie! zi tjie tege zin vraow Jo. Dè kan nie! zee Jo, lòt méj mèr s próbere. Mèr t lukte ur ók nie. Wa bleek ze han de sluttel van ur éjge husj béj Jo Nijssen in de bus gedao en de sluttel van de beugelbaan nog in de tès. Toen ze trug béj Jo Nijssen ware lage ze hier al óp béd. We kanne die mense nie wakker make, zee Henk, want Jo moet mèèrege vruug óp! Of Henk en Jo óp de beugelbaan geslaope hébbe òf óp de ieën af ander menier toch béj ur tusj binne zin gekómme wete wéj nie. Wal dè ze urre sluttel in n Sinterklòs papierke ingepakt trug hébbe gevónge in ne plèstiek zak die èn de deurklink hóng! Mag t wa Méélser Dè is toch gén Mééls. Diejalekte slitje wég en Engelse weurd doen t goe. Héj, gao ge mee wa mountainbiken. Dès goe as géj òwwe E-bike, die ge pas hét gekaocht béj Ride, tusj lòt. Dè klinkt in t Mééls vul sjònder: Héj, gao ge mee wa bulte fietse. Dès goe as géj òwwe foetelfiets, die ge pas hét gekaocht béj Basje, tusj lòt. Gao ge vanaovend ók zò vruug nò de Ladies Night; de uurste dréjhónderd bezuukers kriege wér ne gratis goodiebag. Gao ge vanaovend ók zò vruug nò de vraolie-aovend; de uurste dréjhónderd bezuukers kriege wér ne gratis flieske mi inhòwd. Vastelaovesgroet Nao al t gekal, is t noe genóg gewaes. t Waert tied um te sjtarte, mit t vastelaovesfieës! Prins Rudie-d n Ieërste-vraog Ich, & Uch allemaol: um te gaon zinge, Zoedat Ich same mit Uch d n vastelaovend i kin gáon!! Keplaon Roger Maenen, in t Breuker / Hoensbroeks diejalekt. Vur diegene utj Méél die di nie begriepe wille wéj t géér in t Mééls vertale: Nao al t gepraot, is t nòw genóg geweest. t Wérd tidj um te starte, mi t vastelaovesfést! Prins Rudie I vraog ik & òllie allemòl: um te gòn zinge Zòdè ik same mi òllie de vastelaovend in gao. Wèèreme doesj Óp d n éllefde van d n éllefde, twéduzjendéllef, um óngevieër éllef övver éllef wore wèj tusj verrast dur n afvaardiging van C.V. de Kieveloeët. Prins Ger I, vorst Peter en adjudant Hans kwame bèj óns binnevalle, umdè wéj zèèlef dur umstandighede nie nò de opening van de vastelaovend kose kómme. Zò bliekt mèr wér dè de Kieveloeët mieër du vur de Méélse geménjsjap dan allieën mèr féste en lol make. Pètje (steek) af vur di bliksembezuuk van òllie èn óns, geweldig! Dörrum krieg C.V. de Kieveloeët van óns de wèèreme, liever nóg, de gloejend hieëte doesj. C.V. de Kieveloeët, DANK ÓLLIE WEL!! Twieje vastelaovesvierders utj Méél 5

6 6 De nòbber van Prins Ger I

7 In de sjeenwerper Furrig jaor is dees krant begónne mi n nééj rubriek: In de sjeenwerper. Dòrin wéére mense nò vurre gehald die hél wa jòrre, duk letterlek, hébbe meegeloeëpe in t Méélse vastelaovesgebeure. Di jaor is t oeëg gevalle óp ne manskéérel en n vròmmes, dè traowes ók ur mènneke sté. Harrie van Plieërs Piet en Cor van de Móp. Cor van de Móp Niemes in t dèùrep kéént Cor Luyten, Cor van de Móp des te bétter. Cor woor in 1928 gebórre in Breda as awdste daochter van Móppe Piet en zin Kee. In t begin van de òrlòg streek ze mi ur awers nér in de Dörrepsstraot in Méél. Nòw 83 jaor latter en 100 kielo zwòrder, dréj bòtbreuke en n beroerte witjer, hi die Cor nog altidj èrreg veul zin in t lééve, zòàs ze zèèlef lachend zi. Ze is dan wàl nie mèr zò móbiel, ze kan mi ur haand de karte nòg priema vaast hawe en ur mèùndje rure as de bééste. t Glas is nog aaltidj hallef vól, zòas ze dè zégge. Natuurlek hi t verleesj van urre Piet (Luyten) zò n 15 jaor geléjje, wòrmi ze óndertusse 45 jaor getraowd waar, veul pinj gedao. Mèr t slitj, zi Cor, ge moet ók òw zegeninge dörve télle. En die zin d r zeker ók. Zòas ur vier jónges mi ur vraolie; nege kléjnjkinjer en dréj aachterkléjnjkinjer, mi de vierde óp kómst. Ze is t r terecht gröts óp. Di gezi zinde stéékt Cor van wal övver de Méélse vastelaovend. De uurste vastelaovesóptocht die dur Méél tròk en wòr urre Piet as metroeës óp ne boeët èn mee dee. Jao, zi Cor, ik waar toen al harstikke gèk ik óp m, mèr Piet ha nòg héllemòl gén oeëg vur méj. Gelukkig vur Cor, kwaam d r ne tidj latter verandering in. Zò wénnig as Piet övveriges um vastelaovend gaf, zò géér waar ik d r béj. As bewisj kumt t fotoalbum óppe tòffel, wòrrin duidelek wérd dè Cor in hél wà óptochte hi meegedao en in veulerléj krejasies mi die daag óp stap is geweest. t Hi ur aardig wa óndersjéjjinge ópgelivverd, die nog aaltidj bewaard wéére óp ur kamer in t zèùregsentrum. De sjònste is wal die ik furrig jaor van de prins héb gekrigge, béj ónze Pieter óppe Stoep. (Zoeë, die gratis reklame is ók wér gemakt!) Cor is ók nòg n jaor moder van de brudj geweest mi de boerebrulleft, in t jaor dè Truus van Gerritje Lutters brudj waar. ne Geweldige dag, zi ze glunderend. Ze wil ók nòg s naodrukkelek gezi hébbe dè die jónges van de Kieveloeët t óp di móment in hur oeëge geweldig doen. t Is n prachtig gehieël en zònne vorst as Peter Daniëls die gé toch dur kappes en tabak, zi Cor. En mi die kómplemente sòllisieteerd ze nie nò n nééj medajje. t Kumt rèècht utj t groeëte hart van Cor. En dè hart moet nog mèr laang blieve klóppe, want t r véélt nòg genóg te doe. Zòas élleke dag karte, mi utjzóndering van de zòtterdig en de zóndig. t Wiekend blieft gereserveerd vur de femielie. n Femielie mi Cor èn kóp, nò t vurbild van moders zòàs we die in Ietalieje kénne. t Is hier in Méél wa kawwer, mèr Cor straolt ééve veul wèrremte utj as die Ietaliejaanse moders. En veul mense in Méél, de Kieveloeët veuróp, vinge dè di nòg mèr veul jòrre zò moet blieve. Harrie van Plieërs Piet Ónder die naam kénne de awwere in Méél Harrie Verstappen (gebórre in 1923), al jòrre wonend in zinne bungeloo óppe van der Stieënstraot. Mi traowe waar Harrie d r tamelek laat béj. t Waar al 1964 toen héj traowde mi Annie Defauwes, van wie héj jammer genóg in 2000 afsjéjd moost neme. Gelukkig hi tjie nòg daochter Marga en urre mens Gert-Jan en kléjnjkinjer Tineke en Joep. Ók zin zeuster Dien in Wért lééft nòg, die vóllegend jaor hónderd hoopt te wéére. Mi traowe waar Harrie èn de late kant, béj de Kieveloeët waar héj ieën van de uurste. Héj zee drèk jao toen héj in 1950 óppe straot woor gevraogd um mee te wééreke èn de óprichting van n Karnevalsverénniging in óns dèùrep. Same mi maanslui as Jan Geris, Graad van Sjans Driek, Pauke Pluum, en Knapes Toon stóng héj èn de wieg van de Méélse vastelaovend. Nao Jan Geris en Jac Derckx waar Harrie de dréjde prins van t Kieveloeëteriek en de uurste mi ne èchte spreuk. Kieveloeëters mak plezier, mèr dan óp n èchte Méélse menier. Al tamelek flót woor Harrie gevraogd um sikkretaris te wéére van de klup. Dòr bén ik nòjt èn begonne, want van dè gekakel in de vergadderinge waar niks te make! zi tjie nòw. Wàl woor héj penningméster en dè hi tjie jòrre gedao. Nie vrimd, want héj is vur zin wèèrek éjgelek zin hél leéve boekhawer geweest. Mèr liefst 21 jaor tot èn zin pensiejónering vervulde héj dees funksie béj installasiebedrief Kömhoff in Panninge. Goej mense in Panninge, mèr ze wille aaltidj geliek hébbe. Ieën van de sjònste herinneringe utj de beginjòrre bewaart Harrie èn de utjwisseling mi de Vlikkestéékers utj Óspel. Övver en weer wore de prinsebals bezoocht. Geréjsd woor mi n bus, want d r moost n glééske gedrónke kanne wéére. De gròtste karnevalssjlager die Méél tot óp de dag van vandaag òjt gekéénd hi stamt övveriges van énne utj Óspel, namelek Harrie Gurtjes, de groeëte man aachter de boerekepèèl. Lééve de Kieveloeët, viva de karneval is ók in 2012 nòg aaltidj in óns dèùrep te huuëre. En van die sjòn pèk zòas tiggewórrig han we vruger nie. Gewoon klieër mi dòrövver n keep en n twéddehands vastelaovesmuts. Ók butje de vastelaovend waar Harrie maatsjappelek aktief zòàs we dè tiggewórrig zégge. Véjfentwénjtjig jaor penningméster van de Biebliejoteek Helde-Méél en zuvventien jaor sekretarris-penningméster van de Nederlandse Bónd van Handelare in Vee, afdélling Limburg. ne Hélle mónd vól niewaor? Harrie is jòrrelaang aktief geweest in de Kieveloeët en wérd béj zin afsjéjd hél terèècht benuumd tot erelid. Tiggewórrig vòllegt héj de gang van zake óp afstand al blieft tjie natuurlek de vastelaoveskrant lééze en gé tjie géér nò d n óptocht kieke. Natuurlek is vastelaovend veranderd ten ópzichte van vruuger, zi Harrie. Iedere generasie moet dè óp zin menier doe, al hoop ik wal dè ze dè net as wéj vruuger óp n echte Méélse menier blieve doe. En dòrmi zin we wér trug béj de spreuk van Harrie, die in 1954 ieën van de uurste prinse in óns dèùrep waar. Traowes nòg prófiesiejat Harrie, ge béént intusse seestig jaor lid/erelid van de klup. We hope vur òw en vur óns dè ge d r béj t 66 jèùrig bestao nòg béj béént! De rubriek In de sjeenwerper is ók di jaor wir gesjrivve dur Mat Janssen. 7

8 Marijke bedankt! 8

9 Twé kérre naat Frits van Alebeek (awd prins), Jan van Dien (Verstappen) en Wim van Ties (Janssen) hébbe alledréj ne sjònne aawe brómmer en zin dòrmi béj n brómmerklup in Néér. Van de zómmer ginge die d r óputj nò t zuide. Ze zòn twé daag ónderwég zin en in Slenaken in n hotel blieve slaope. D n uurste dag, fréjdes, han ze sjòn weer. s Aoves zate ze in t hotel in Slenaken lekker èn n goej glas bier gezellig wà te klasjienere mi de hél klup. t Ging d r flink èn toe, tot dè t r zòn kakmadam, mevròw van Dam, in urre piejama nò ónderkwaam en vóng dè t r te veul hèrrie gemakt woor zòdè zéj nie koos slaope, of dè t nie wa rustiger koos!!! Òch, zee Frits, dè zin nog wilde haor van die jónges mevròw. De vóllegende dag ging de réjs witjer. Nao hier en dòr nòg n terrasje gepikt te hébbe woor t langsàmèn tidj um óp husj èn te gao. Ónderweges wore ze èngehawe dur twé pliesiemèn. ne Aawere en n joong mènneke. Dien aawere zag dè t n gezellighéjdsklupke waar en zee tege dè jónger mènneke lot ze mèr durréjje. Mèr die wao dòr niks van wete en begoos alles te kóntrólere. Uurst de papiere en latter ók de hèlleme. Frits en Jan makte d r wà flaowekul mi. Toe zee dè menneke: Mag ik òllie hèllem s bekieke? Natuurlek, zee Frits, dòr is niks mis mi. Nòw, zee die pliesieman, d r sté gén goekeuringsmèrrek in! Dè koost òw 70. Dè is ók nie mis. Toe begoos Jan van Dien d r zich ók nòg mi te bemoeje en ók héj moos zinne hellem laote kieke. Ók gén goekeuringsmèrrek, ók 70. We zin allebéj naat, zee Frits. Nò nog wa gezannek en flaowekul koos t klupke éjndelek witjer réjje. Tot övvermaot van ramp begoos t ónderweges ók nog flink te régene en woor iederieën kletsnaat. Nòw zin we twé kérre naat vandaag, zee Frits tege Jan. Trug in Néér, mooste die Néérse stiekem lache dè ze allieën die Méélse te pakke hàn. Dus Frits en Jan in t vervòlleg wa mieër geld utjgééve vur ne deugdeleke hèllem!! Speldje Afgeloeëpe jaor zao mi t kieveltreffe d n 11de vastelaovesvierder bekéént wéére gemakt. Tidj vur de tien veurgangers um dòr èndacht èn te besteje. D r woor bedaacht um n speldje te laote make vur de vastelaovesvierders en de Kieveloeët. Twé vergadderinge woor vorst Peter utjgenöddigd umdè héj béj die èkt zin sténke béj moos drage. Óp die vergadderinge moos iederieën wal óplétte wa t r gezi woor, want övver t speldje moog nie gepròt wéére, dè waar óns geheim. n Paar daag vur de vastelaovend keek Annelies Daniëls óp de sjééle waazel site van de Bubs èn wà ziet ze dòr tot ur verbazing: Hòj Bubsers hoe vónge géllie de speldjes? t Fretske sté t r sjòn óp. Tot dinzig! Groetjes vastelaovesvierder Gelukkig wees Annelies wie dè waar. Dus d r woor ne meel gestuurd, of dè de vastelaovesvierder van 2010 d r wal èrreg in ha dè hallef Méél die site van de Bubs léést dus ók de Kieveloeët. Dòr kwaam ne meel trug: Hòj Annelies, wà bén ik toch ne érpel! In min èntóziasme héb ik dè d r óp gezit. Ik gao Fred van Rijt bèlle of die wit béj wie ik moet zin um die tekst d r vanaf te hale!! Groetjes vastelaovesvierder D r woor nie mèr övver t veurval gepròt tot dè Silvy en Annelies zich mi de vastelaovend tròffe en zin: Dè kénne we nie zoeë verbéj laote gao! n Plan woor gesmeed en mi de evaluwasie van t óptréjje van de vastelaovesvierders kreeg de vastelaovesvierder van 2010 n sjòn óndersjéjjing: ne durgesjóte érpel! Prins Lins II Óp vastelaoveszóndig ginge Jos en Tonny Snijders, Toon en José Basten en Lins en Marjo Berben n paar daag óp vekansie nò Duitsland. n Laang gekoesterde wens van Lins Berben waar dè tjie géér n kieër prins zò wille wéére in Méél. Dus d r ging n kroontje en n sjòn toverstukske mee nò Duitsland. Ze zòn Lins wal s prins make. D n uurste aovend woor d r flink gelache en ók goe gedrónke en woor de kat n bietje utj de bòm gekeke. D n twédde aovend woor d r flink plezier gemakt en utjéjndelek woor Lins tot prins gekroond. Héj ging d r héllemòl vur en genoot t r echt van. Mi zinne spreuk: As Lins gé sprééke, duurt de vastelaovend twé wééke hi tjie de hélle aovend geregeerd en vastelaovend gevierd. ne Goeje rò Lins as ge prins in Méél weelt wéére moete ge mi de vastelaovend zeker nie utj Méél vertrékke!! Gewichtsbedròg Ko Basten vuulde zich rónd Sinterklòs nie lekker. En as Ko ziek is, vuultjie zich écht belabberd en kannie génne hap mèr dur zinne kéél kriege. En as ge nie kaant ééte, vuule ge òw nog slapper en zieker. Héj daacht dè tjie flink ènt afvalle waar en ging mèr s óppe nééj wéégsjaol stao. Héj zag tot zin groeëte verbazing dè tjie nege kielo kwitj waar. Hoe is 't meugelek? In zònne kórte tidj zòveul kielo's verleezje. Héj koos dur mi zin verstand nie béj en vuulde zich nog beroerder. Zee tege zin vraow Jo dè 't écht slèècht mi um ging en toen ie 't vertéélde èn zin sjòndaochter Marijke vroeg ze:"wòr is die wéégsjaol die zò kan liege?" De wéégsjaol woor d rbéj gehald en óppe gladde kamervloer gezit en tot zin groeëte verbazing bleek dè Ko högstes 'ne kielo minder woog dan 'ne mònd geléjje. Héj ha zich gewoge óppe slaopkamer, wòr dur 'ne dikke, zaachte vloerbedekking de wéégsjaol nie goe wéérekte. En dan is t r sprake van gewichtsbedròg. Gelukkig hoefde héj zich gén groeëte zèùreg te make. Héj hi óp t goej néjs saoves ne jónge gedrónke en de vóllegende mèèrege was sjie wèr d n awe. Gén kiep te zie Óp zóndigmiddig 30 oktober van t furrig jaor ha t achtste van RKMSV ne tusjwédstréjd gespuld en verzamelde de speulers zich in de kantiene vur de dérde hélleft. Dòrbéj hure Ger van Haren, Cor Salemans, Peter Thijssen, Henk Basten, Henk Strijbos en Pierre Verheijen. Ze beslote dien dag de dérde hélleft mi inkele uurkes te verlénge. Óp tidj nò husj gao waar dien dag gén opsie, want de vraolie ware nò Zérum vur n high-tea-party. As de héén nie in t hok is, wil d n haan nie binne blieve. Dòr is dan gén kiep te doe. Piet Stammen en Hay Peeters ware die mèèrege gòn mountainbiken. Nò t doesje beslote ze de vogel- en kiepesjo in d n Binger te gòn bekieke. Mèr die bleek afgeloeëpe toen ze dòr ènkwame. D r waar gén kiep mèr te doe en gén kiep mèr te zie. Èfkes latter vuge ze zich béj t voetballende gedélte van de groep, want Tiny en Toos ware same mi Nel, Miek, Gerda, Mariet, Mieke en Annelies nò Zérum. Same bleve ze plèkke in de kantiene tot die geslote woor en d r dus gén kiep mèr te doe waar. Vur sommige waar t toen nog nie laat genóg. Die ginge d r béj Toon nog énne vatte. Béj dien énne is t nie geblivve. En van Studio Sport hébbe ze gén kiep mèr gezie! 9

10 Tom Bakker Woningstoffering Tel: Fax: vloerbedekking gordijnen vinyl zonwering Meijel Na een telefoontje bezoeken wij U graag geheel vrijblijvend met onze collectie stalen thuis. 10

11 Afsjéjd Math en Conny t Is zò witj. Vandaag wérd ne méjlpaol geslage is d n dag die de buuk in gé as d n dag dè Math afsjéjd nimt van de Kieveloeët. ne Dag wòr zeestien séjzoene van lidmaatsjap èn veuraf zin gegao, want t séjzoen van 1996 waar t uurste séjzoen wòr van òllie ènwizzighéjd genote moocht wéére. n Nééj lid kwaam béj de Rò van Éllef mi aaltidj ne groeëte lach óp zin gezeecht, gevollegd dur de nöddige humor en vural woordspeulinge, want.dè r o e ë k w o o r s t zónder r òk woorst is, hé géj óns gelieërd Math! En iedere prins, en ik spréék utj ervaring, weeste ge óp te neme in t wèèreme neest. n Haand, ne sjaowerklóp béj b i n n e k ó m s t, gevòllegd dur ne groeëte gulle lach en n èntal stiemulerende weurd. Wà sjòn dè géj d r béént, hoe is t mi òw? Zò ginge we witjer, mi hél veul lache en plezier. Veul kómmissies ware èn òw toevertraowd en vól övvergave zate ge òw dòr vur in. Roeëj zaat in òw bloe en dè droege dan ók utj. Begin We vierde óns 5 X 11 jèùrig jubielejum en d n afslutjer dòrvan waar Rio in de Pieël mi n heuse wérreldrekordpoging. Dur umstandighede moost de organniezerende kómmissie snel utjgebréjd wéére en géj woord benaderd. Volleges méj hé ge d r gén twé sekonde övver nao hoeve te dinke en toen klónk t r al n vólmóndig JAO. We moete witjer en t is goe vur de klup. Natuurlek zeg ik jao.snel sjakele en snel rejagere, sjòn jóng! Ik dink dè t blaow bloe toen is óntstao. Nie laang dòrnao naam Math afsjéjd van de roeëj en trooj toe tot t blaow team. Ók binne t blaow team liet tjie snel van zich huuëre. Mi name t jeugdgebeure in Méél waar òw ding. D r moos iets óp puuët kómme, de ónthulling van de prins of prinses van de Kéjsjeut moos mieër in de spotlight kómme, de jeugd moos óppe kart kómme mi de vastelaovend, t sjoolbezuuk koos bétter, de Kééj Knappe Kwéékmiddig...Ge wét t nòg wal; as t um de jeugd ging stónge óppe barriekade. En terèècht. Mèr ók zake as t organniezere van d n óptocht, t Sjééle Waazelgala, de bónte aovende en -middig en wa al nie mieër dee géj d rbéj. Jao Conny, di alles betieëkende ók vur òw dè géj òw mènneke moos afstao èn de Kieveloeët. Dè waar òw nie héllemòl vrimd, want ge béént natuurlek jòrre laang same mi òw zeuster béj de verénniging geweest en géllie weeste hoe dè wéérekte. We hébbe òw lieëre kénne as t klankbord vur Math. Ik zal t dòr s mi Conny övver hebbe.ik zal t s èn Conny vraoge, hébbe we duk gehuuërd. De vraow aachter.is duk belangriek um goe te kanne f u n k s i e j ó - nere. Géj hét Math aaltidj de ruumte gegévve um zich vur 111% in te kanne zitte vur de Kieveloeët. Bedankt dòrvur. Math en Conny, ik kan nog uure durgao övver wa wéj hébbe belééfd en meegemakt. Trugkiekend kan ik allieën hél èrrig gröts zin dè géllie dél hébbe utjgemakt van ónze Kieveloeët. Hél èrrig gröts óp de béjdrage die géllie hébbe geleverd en vural de béjdrage die géj, Math, hét geleverd um de jeugd mieër te betrékke béj de vastelaovend. Names de Kieveloeët: Enorm bedankt dòrvur. Um di allemòl te ónderstrepe en um n blievende herinnering vur òw te rejaliezere zin we nò iemes gestapt die begriept hoe géj vastelaovend in Méel hét belééfd béj onze Kieveloeët. Wéj zin nò de vastelaovesvierder Pur Sang gegao um n spesiejaal iets vur òw te laote make. En dè is gelukt! Math en Conny, ik wil géér utjlégge wa wéj hébbe övvergedrage èn de maker.óp de uurste plats de steek, t simbool van n vastelaovesverénniging. En vur de ópléttende kieker is di ók ne Kölsche steek, zòas de nééj. De steek ók simbolies as Math, lid van de Kieveloeët die vastelaovend utjstraalt. Die Math woor óp haand gedrage, nie allieën dur ons, mèr vuràl ók dur de jeugd. Di alles óp n hèllend vlak dè langsaam umhòg gé. Als mèr hògger kómme, bétter wille wéére, óp nò de tóp! En utjeraard mag óns Kievelmènneke dòrbéj nie óntbrééke. En dè alles mi n gaowe rèèndje. Math hópelek n herinnering die n sjòn plèkske mag kriege in òllie stèkkie. Math, dòrnééve wille we òw nòg iets ènbieje. In umvang nie zò groeët, mèr in belééving mesjien wal des te mieër. Ge wit dè we sommige leje of awd leje huldige. Leje die óp n biezundere menier n béjdrage hébbe geleverd èn de vastelaovend, die n biezundere béjdrage hébbe geleverd èn onze verénniging en óns aktievietéjte. Die wille wéj blievend in t zunneke zitte. Zò ók béj òw! Math óp dizze heugeleke 11de van de 11de van 2011 wil ik òw, names CV de Kieveloeët, benuume tot lid van verdienste van CV de Kieveloeët!Conny en vur òw nòg ne sjònne bós bloeme as dank! Math en Conny, dank je wel vur zeestien fantastiese vastelaovesséjzoene, profiesiejat mi d n tietel en dè we òllie nog duk mi de vastelaovesdage mage begroete! Math Peeters.dòr kónne wéj mi afslutje! Ónderutj In de wintermònd hi Peter Verstappen same mi zin kammerèùj Leon Bots, Henk van Bree, Geert Basten en Wilbert Kessels óp dónderdig ne vaaste kartaovend. Nòw wil t in de winter nog wal s n bietje glad zin. Dòr ha Peter ne kieër héllemòl gén èrreg in toen ie wa te laat óp zinne fiets spróng um te gòn karte èn de Busserstraot. Zin gedachte ware al béj t rikke en héj waar écht van plan zin kammerèuj s flink af te zitte, toen ie mi ne kléjne bocht béj t Shell-tankstasiejon t fietsepa óp wao drèèje en flink ónderutj ging. Mi ne kepótte jas en zin haand ópe is ie vurzichtig durgefietst. Óp de Busserstraot hi tjie zich ne pléjster gevraogd en t karte koos beginne. Of ie wa hi kanne pieke dien aovend of dè t ganse aovend misère waar, dè wete zin kammerèùj! 11

12 Nog énne kieër knoevele 12

13 Dè is toch um te bèùke Óp zòtterdig 10 dizzember woor in d n Binger t Sjééle Waazel Gala gehawe, mi as tema bèùke van t lache. t Prógramma woor utjgebréjd èngekòndigd in t Mééls krèntje, dè afgeloeëpe jaor mi n stil troom is eumgedöpt nò Pieël en Maas Néjs. Geer Daems zaat tusj t krèntje te lééze en zin oeëg viel óp t prógramma van de Sjééle Waazel aovend. Héj zag dè t r dréj Brabantse en dréj Limburgse artieste in de toon óp de bühne zòn óptréje. Vur de muziekale umlisjting zao ók di jaor wér Die Heimat Kapelle zèùrege ónder léjding van Jac Voorter. t Gehieël zao wéére gekómpleteerd mi n fantastiese pòwze-act van sjowgroep Let s do It. Alles wa Geer las, kwaam um wal bekéénd veur. Tot Geer las dè de muziekale ópeningsact dizze kieër verzèùregd zao wéére dur de Méélse artieste: René Brummans, Geert de Leeuw en Suzan Crommentuijn. René en Geert kéénde héj nog wal, mèr van wèlke Crommentuijn zao die Suzan nòw zin? Geer vroeg èn Tiny zin vraow: Tiny wete géj mesjien van wélleke Crommentuijn die Suzan kan zin? Tiny keek Geer stómverbaasd èn en zee: Dè zalle géj nie wete! Béj Geer ging nog altidj gén lèmpke brande. Geer die Suzan is òw éjge daochter, die mi ne Commentuijn is getraowd! Dè is nie mèr um te lache, mèr mieër um te bèùke! ne Néjje bril of lenze? Frits van Sjaak van Snéjjer Tone Fritske vóng dè t tidj woor vur nééj lenze, want héj koos t nie mèr zò goe zie méénjde héj. Frits hi aaltidj mèr ieën lens in, want dè ander oeëg is tòch löj. Dus dòr héb ik gén lens nöddig, zi Frits aaltidj. Övverdag droeg Frits aaltidj lenze mèr zò gaow às dè tjie tusj kumt duu tjie d n bril óp. Óp ne zòtterdig middig in de zómmervekansie, zee héj tege Monique: Sjat we gòn èfkes nò Reinier vur nééj lenze of ne néjje bril. t Zal d r èn ligge wà t koost. Émmel in de winkel zi tjie ók tege Reinier: Lenze of ne bril, t zal d r èn ligge wà t koost. Reinier vroeg èn Frits hoe laang héj dees lenze al ha? Nòw, zee Frits, toen zaat Brinkmans hier nòg in. Gelukkig ha Brinkmans de gegéves èn Reinier övver gedao en die keek s èfkes in zinne kómpjoeter. Héj kwaam utj zin huukske en zee tege Frits: Dees lenze zin 18 jaor awd, dus vur òw is t goejekòpper um lenze te vatte. Nòw hi Frits twieë nééj lenze, mèr héj hi t r aaltidj mèr ieën in, want dè ieën oeëg is toch löj. Éjgelek ha tjie nòg goejekòpper utj kanne zin. Niemes gezie Hòg bove de buun van d n Binger hóng t bord wòr de spreuk van Prins Ger I óp stóng. Ger zin lééste daag as Prins ware èngebroke en t bord moos d r vanaf. Hèj wao dè bord d r zèèlef af hale en toen ie bove óp unne hògge lieër stóng koos ie d r net béj. t Leek wal of t vastelaovesvuur wa óp dè bord gesjilderd stóng nòg brande, want Ger ha t bord nòg nie goe en wal vaast, toen t mi n hoeëp kebaal nò ónder viel. Versjrikt keek Ger um zich hin of niemes t veurval ha zien gebeure en tot zin groeëte ópleuchting waar d r witjer niemes in de zaal...óp énne nao. Lòt dè nòw net Jurgen Kessels van de Rò van Èllef zin en die hi aaltidj wal n paar fotosjieters béj zich. Die hi d r dan ók nie allieën n sjón foto van gemakt, mèr ók nòg us alles gefillemd. En nóg vur dè Ger tusj waar, ha Jurgen t fillemke al óp joetjoep stao en koos iederieën van Tokio tot Timboektoe t veurval bekieke. Sjarrelééjer Zòas zò veul mense vinge Had en Gert van Jóppe sjarrelééjer veul lekkerder as gewoon ééjer. Dus gòn ze óppe tidj nò de sjarrelboer. Duk gòn ze nò Jo Gielen of nò Geer van Rijt, net wòr de kiepe èn de lég zin. Óp ne kieër ware de kiepe béj allebéj van de lég af, mèr gelukkig weeste ze nog n plats wòr dè ók ééjer te koeëp ware en wal béj Jo van Boumans Keup óppe Erebeemd. Hier waar t wal zèllefbediening, dus butje verkoeëp. Ge doet t geld in n keesje, pakt òw ééjer en klaor is Kees. Béj de aaw adresse gén éjjer, dus óp nò Jo Boumans. Mèr ze ware nie tusj of ók hier ware de hénne van de lég, want d r ware ók hier gén ééjer. Gert kart s woensdes aaltidj mi zis vraolie en dòr is Lies van Jo van Keup Boumans ók béj. Die zee: t Is ne slèèchte tidj vur de ééjer, mèr as ge d r géér hét haaw ik ze wal vur òllie vaast. Dus ging Had de vóllegende dag nò de Erebeemd, li t geld óppe plats en pakte n paar duuëskes ééjer. Héj vóng de duuëskes wal tamelek zwaor, tja mesjien wal dikke ééjer. Héj zaat ze óp de zitplats nééve um en reej nò t Kéérekveld. Tusjgekómme wao héj de duuëskes pakke en dinkt: Tjónge die han ze ók wal s bétter sjòn kanne make! want d r zaat nògal veul zand èn. Mèr toe Had de duuëskes in de koelkaast wao zitte ging d r ieën ópe en tot zin groeëte verbazing zaat t hél duuëske vol zand en. t twédde ókl Wa waar dè nòw? t Vóllegende waar d r èn de hand. D r wore dukker duuëskes meegenómme zónder dè t r betald woor. Lies en Jo héebbe toen de duuëskes zónder ééjer mèr vol zand bedaacht. Had waar d r nie bléj mi, want zinne hélle awto lag vól zand. Of ze òjt die lèùj, die géér gratis ééjer han, hebbe betrapt wete we nie. Mèr Had zinne awto is al laang wér zuuver. Utj ééte Miriam Kessels van de Kalishoek ging mi n èntal vriende vanne zómmer in de baowvakverkansie nò t zònnige binneland van Italieje. Ze beslote um mi de hélle groep s lèkker utj te gòn ééte, in n in de buurt geléége dörrepke. Toen ze béj t restórant ware èngekómme vroeg de ur bekéénde ober Francesco of ze liever butje of toch mèr binne wòn ééte, want t waar dien aovend n bietje frisjes butje. Mèr Miriam rejageerde drèk mi de weurd: No, no, t is oké, we have our veste béj óns! Dien ober snapte natuurlek drèk wa ze bedoelde! Traowe vur spèk en bònne Óp zòtterdig 18 junie 2011 téjdes de Ope dag van Pieël en Maas óp t geménjtjehusj woor kinjer van de bazissjool de kans gebójje um mi ur gròtste liefde vur spék en bònne te traowe. Utj éllek dèùrep van de nèèj geménjtje waar n jóng échtpaar wèlkóm. Dus wore d r éllef paartjes vur spék en bònne getraowd.téjdes de huweleksvóltrékking dur ne échte traowambtenaar moogte de kinjer elkaar vertélle wòrrum zéj mi mekaar wòn traowe. Natuurlek in t béjzin van awers, gròtawers, bruurkes of zeusterkes, kammerèùj, femielie en buurt. Utj Méél wore Wout Sonnemans en Nicky Janssen vur spék en bònne getraowd dur Perry Léwwerik. Zin mi humor durspèkte sirremonie zèùregde vur de nöddige lachsalvo s. Bruidje Nicky ha twieje wense: traowe mi Wout en n behaatje. Allebéj de wense ginge in vervulling. Perry ha n paar snoepbehaatjes gekaocht béj de Hema vur n prikske; dòr kanne ge ze nie vur laote hange. En as ge de snuupkes nòw ópéét um vier ure, dan hérrege élleke dag n kup of snoep! Sörves óp t geménjtjehusj Hay Becks is al mieër as 25 jaor ambtenaar en wil zèèlef snelle sörves. Kumt tjie vur t uurst óp t nééj geménjtjehusj in Panninge vur de verlénging van de vergunning van de Kieveloeët. Kiekt zin oeëge utj en zi tege de Kepèlse kòllega ambtenaar: Sjòn geménjtehusj en wa n groeëte wéérekkamer. Mèr wa me ópvéélt, is dè hier veul vliege zitte. D n ambtenaar, die nog nie van zinne stoel waar, zi óp n muuge toon: Dréjènvértig. En dan kanne ge óp òw vingers utjtélle hoe laang de sörves duurde! 13

14 De leeste sekonde as Prins Ger I 14

15 Reundje drèk spèùtje Awd Prins Peter van Bree hi begin dizzèmber aaltidj de kasse leeg. Dan moete alle plante geruumd wéére en de kasse klaor gemakt wéére vur t nééj séjzoen. Émmel leeg kwaam wééreknemer Roel Luijten óp t lumieneuze iedee um de hélle kas zeuve hektare groeët èn de binnekant nééve de rand, wòr nògal wà ónkrudj stóng, te spèùtje mi dè befaamde Round Up. Dan zin we wér n jaor van dè ónkrudj af. Dè is n wérrelds iedee, zee Peter. Dòr gao ik drèk èn beginne! Vól goeje moed pakte Peter zin rugspèùtj. Spuulde m nòg s goe dur en vulde m tot èn de nèk toe vól. Dè waar toch behuurlek zwaor, want zòn vól spèùtj wéégt tòch zòn 15 kielo. Héj begoos èn de uurste mééters en kwaam d r al gaow aachter dè di nie n karwéjke waar van tien menutje. Dè waar nòg nie t èrregste iedere twé méter moos sjie mi spèùt en al ónder n beréégeningsbeusj dur kruupe. Nao n haalef uur begoos ie alle spiere te vuule die héj ze nòg nòjt gevuuld ha. Nao ruum n uur en n ketier mi dees spèùtj rónd gekrope te hébbe hà tjie éjndelek alle zeuve hektare kas gehad en koos sjie vóldao trugloeëpe nò de vulplats um de rugspèùtj sjòn te spuule mi watter. Dòr èngekómme ziet Peter tot zinne sjrik dè héj de spèùtj wàl sjòn gevuld hi mi watter, mèr dè tjie vergééte waar um d r die Round Up in te doe, want die stóng nog gewoon afgemééte óppe plats wòr dè tjie m ruum n uur geléjje ha nérgezit. Vurdè tjie de twèdde rónde is begónne, hi tjie zeker n hallef uur trugutj zitte bidde! Afsjéjd van René en Linda We sjrieve t jaor Frits Berben stóng béj òllie óp d n Eckelkamp èn de vurdeur. Of géllie béj de Kieveloeët wót kómme, béj de rò van éllef. Mèr géllie ware Bubsers. Dus hél druk mi t enorme geniete en belééve van de vastelaovend óp òllie menier! Hél éérlek gezi ha ik toen nie gedaacht dè géllie jao zòt zégge, mèr.wa bén ik toch bléj dè ik t mis ha. We lieërde òw kénne binne óns verénniging as ne krietiese, mèr aaltidj lachende René. En ge zaat nie géér stil! Want in n mum van tidj hérre ge òw ópgegévve vur diverze kómmissies. Ieën van de kómissies wòr ge veul tidj in hét gestoke, en dè moos ók wal, waar de liedjeskómmissie. Ge staakt dòrbéj veul enerzjie in de liedjesaovend. Same d r vur zèùrege dè t ne geslaagde aovend woor wòrbéj de artieste vólóp in de spotlights mooste stao. Ók de CD die dòrvan gemakt woor is n èntal jòrre mee utj òwwen hoed gekómme. De muziekale gene hébbe zich steeds witjer óntwikkeld. Van de kloon die t Kééj Knappe Kwééklied kwéékte óppe Kéej Knappe Kwéékmiddig, tot hofzènger van de Kieveloeët. Same mi Frits hé ge óndertusse ménnige bónteaovend en liedjesaovend geopend mi òw zangkunste. En dè ge dè nòw dur gòt zitte butje de Kieveloeët is héllemòl te begriepe! De Bubs mag bléj zin mi zònne zènger! En dan hébbe natuurlek nog t Kieveloeëte Treffe en de straffrats dag.allemòl aktievietéjte wòr mi ge òw bezig hield en wòr ge òw vur inzaat. Vastelaovend in Méél is same mi òw gewórre tot wà t vandaag d n dag is. Dank je wel dòrvur. En Linda, dè moos ók nog allemòl in òllie drukke prievee sjema zien te pase. Mèr géllie weeste dè te regele. Dan mèr n vergaddering ekstra béj òllie, gén próbleem. Koffie wèèrem, pilske kaaw! En wà mesjien nog wal t meest frappant is Linda en René, en dè kénne nie veul Kieveloeëtrs zégge, is dè t òllie gelukt is um de veurzitter óp bezuuk te kriege um te kómme koke. Prófiesiejat! En vur diegene die t wille wete: t smakte ók nog! Trugblikkend hébbe we veul gelache en lekker vastelaovend gevierd. En um dòr blievend èn herinnerd te wéére hebbe we ónze gòwdsmid vur òllie óp pà gestuurd. Héj hi vur òllie stad en land afgeloeëpe um n pasend èndinke te zuke. En t is m gelukt. t Bild is dur de kunstenaar gedöpt: Dance.Lach.spring. Dè is nòw presies de reje wòrrum hiervur gekózze is. DANS mi de vastelaovend zò às géllie dè gedao hébbe, LACH um posietief in t lééve te stao zò às géllie dè gedao hét en SPRING umdè we zo genote hébbe. We hope dè di bildje simbolies mag zin vur òllie tidj béj de Kieveloeët en dè t n sjòn plèkske mag kriege óp t Langveld. Linda vur òw nog ne sjònne bós bloeme, dank je wel. Dè we d r nòg duk énne óp mage drinke. Nééj podiejum Mi t Sjééle Waazel Gala en de bónte aovende hé ge kanne zie dè de Kieveloeët n nééj bühne hi. Ónder léjding van Hay Becks woor dè nééj podiejum óp de zòtterdig vur t Sjééle Waazel Gala gedemónteerd en óp n kèr klaor gezit vur vervoer nò d n Binger. Entoesjast en gröts dè t klaor waar, stuurde Hay iederieën ne mail dè t podiejum hartstikke sjòn waar en dè t goe waar gegao. Mi al ur (a)techniese kwalietéjte, fiesieke kracht, dinkwèèrek, logiestiek, ketering (bitterballe, bier, koek en flaaj) han ze t gerèd! Witjer woor Fred van Rijt bedankt vur t sjildere van de nééj bühne. Mèr sjilder Fred stuurde ne mail trug: Èn de roeëj leje en zeker die énne blauwe. Ik ben bléj dè géllie de bühne sjon vinge.. en dè géllie um al vérrig hét gezit op de kèr vur um nò d n Binger te brénge. Géér zò ik wille wete wannieër géllie um wér van de kèr af hét gehald, zò dè ik um nog af kén sjildere! Ik wit nie of t òllie is ópgevalle, mèr de kievelmènnekes hébbe nog gènne stèk in de haand en de note op de notebalk, die moete ók nog afgewéérekt wéére. Ik wao dè éjgelek zòndigmèèrege afmake, dus mesjien kan ie vanaovend of mèèregevruug wér van de kèr af. Ik huur t wal! Groete, Fred. Óp zòndigmèèrege stónge vier mén klaor um t podiejum wér van de kèr te hale, zòdè Fred nog twé ure koos sjildere. Toen waar t af! Van huuëre zégge Tjeu van Wippe Pieër zaat n tidje trug mi n èntal mense te buurte en óp n gegévve móment krege ze t övver t gebit. Tjeu vroeg èn de rest; Wa doen géllie snaachs mi òllie gebit, hawe géllie dè in of doen géllie dè d r snaachs utj? D n énne hiel t in en wér n andere liet t t r snaachs utj. Mèr wa doe géj Tjeu? vroeg d r toen énne. Ik, zee Tjeu, van ónder doe ik t r utj. Wòrum allien van ónder? vroeg t r toen iemes. Dan bitj ik tenminste óns Noor zin ónderbóks nie kepót, zee Tjeu. 15

16 Kievele, kievele Awd prins Ger I 16

17 De Sjokoprins Raymond I Trapeeze èkt ( n trap mi twieë Pe s) Alles onder een dak! Deco & Cadeau Prins Bernhardstraat AA Meijel 17

18 MEUBELS VLOERBEDEKKING GORDIJNEN RAAMDECORATIES KADOSHOP De meest complete woninginrichter! Schoolstraat 26 - Meijel - T t Ólimpies tiem van Méél 18

19 Éfkes buurte mi Colinda van Bergeijk Mi ingang van 2001 hi De Kieveloeët n óndersjééjing in t lééve geroepe Vastelaovesvierder van Méél. Um mense die de vastelaovend óp n biezundere menier óndersteune of n gezeecht gééve ne kieër in t zunneke te kanne zitte. Want um de vastelaovend in stand te hawe, bénne ge ók afhankelek van mènse die dè óndersteune en ók utjdrage. Óp vastelaovesdinzig mi t Kieveloeëte Treffe woor bekéénd gemakt dè di jaor de ieër Vastelaovesvierder van Méél 2011 toekwaam èn Colinda van Bergeijk. Zéj krig van Z.D.H. Prins Ger II van C.V. De Kieveloeët de spesjale óndersjééjing övverhandigd mi n oorkonde en t Méélse Fratske, n brónze vastelaovesafbilding, die zéj n jaor mag hawe. In t begin van di jaor ginge twieë redaksieleje éfkes buurte mi Colinda. Colinda wónt same mi Wim èn de Sanders Meule en ze wéérekt in t restòrant en de keuke van Zèùrigsentrum Sint Jozef in Méél. In 1985 waar ze lid van de Rò van Éllef van de Kéjsjeut en ging veuróp mi Prins Vincent Kranen en Vorstin Wendy Nijssen. As daochter van Gré en Corrie van Bergeijk hi ze de vastelaovend meegekrigge van husj utj. Vur d n óptocht wore béj ur in de lòds wages gebaowd van buurtverénneging de Sténove. As jóngk dörske keek ze zich de oeëge utj as de Kieveloeët de appels vur de appelaksie béj de femielie Van Bergeijk kwaam koeëpe. Gré dee jòrre entósjast mee èn de Méélse vastelaovesliedjesaovend. Same mi Gerard van Eijk wón héj in 1988 as de Eijkboys mi liedje Un Paar Kielo Durbéj. De vastelaovend zit Colinda in t bloe en ze probeert zò veul meugelek béj alle vastelaovesaktievietéjte te zin. Mi n duo, allieën of mi de sjutterééj du ze al jòrre èn d n óptocht mee en al tien kèrre waar ze óp de Liedjesaovend ieën van de délnemers. In 2010 woor ze dréjde mi As ge zeengt. Nò de léggere sjool is ze trompet gòn speule béj Sjutterééj Sint Nicolaas. Latter woor dè n trombone en toen d r trompette te kórt ware wér trompet. Ze speulde mee in de vraoliejoekskepèèl Leut mi neut. En toen de Nicojoeks wao stóppe as hofkepèèl van de Kieveloeët woor gezoocht nò n nééj formule mi muziekante van hérmenie, sjutteréjje en blaos- en joekskepélle. Colinda bedaacht de naam Goe Gehusseld en is t r vanaf t begin béj. Béj de nééj hòfkapèèl is ze óntsittend aktief. Nie allieën as trompettist, mèr ze zit ók in de meziek-kómmissie en ónderhéélt de wepsajt Ze is ók nog lid van de joekskepèèl Angesóm in Hejtse. Óp d n éllefde van d n éllefde gé ze géér nò Mastricht um t nééj vastelaovesséjzoen te ópene en t L.V.K. (Limburgs Vastelaovesleedjes Konkoer) wil ze écht nie misse, want dòr kanne ge de vastelaovend belééve. Óp de zòtterdig vur de vastelaovend geniet ze in de Zoepkoel in Venlo en ze hi iets mi t getal éllef. Vural mi t éllefde gebòd: Ge zaalt geniete! Colinda zèùregt mee vur veul puur vastelaovesplezier. Colinda geniet en löt geniete. Colinda straolt vastelaovend utj. Dòrrum verméldt de oorkonde terèècht: Vur enorme inzit vur de Méélse vastelaovend in t Kieveloeëteriek bénne ge benuumd tot vastelaovesvierder van Méél in Pinj èn de haor Prins Rudie I hi aaltidj ne hél biezundere kapper gehad, die niemes anders in de wérreld hi. Toen ie óngevieër twé jaor awd waar moos héj nò de kapper. Dòr woor Rudie ècht nie vrólek van en héj permieteerde asòf ie pinj èn zin haor haa; dus dè woor gén suukses. Vader Henk hi t toen zèèlef gepróbeerd. Dè ging nie ónaardig en klééjnje Rudie waar dik tevreje. Èn dees biezundere gewunte is pas sinds kórt n éjndj gekómme. Rudie gé sinds n paar jaor nò ne èchte kapper. Ruum 25 jaor hi vader Henk dus gezèùregd vur de énnige èchte Koep Rudie. Vólges vader Henk waar t altidj èrreg gezellig. Dan bèèlde Rudie: Hérre ge gòw genóg nòg s èfkes tidj? en dan kwaam Rudie èn vur n knipbeurt. Mèr vur prins te wéére van de Kieveloeët is sjie geknipt! Èfkes veurstélle John Evers John Evers oftewal Joep is 37 jaor en getraowd mi Wendy utj de Grashoeëk en ze hébbe twieje kinjer Nick (6) en Nina (3). Héj is kweker van sjòn plante vur in d n hòf. Béj de Kieveloeët is sjie sinds d n éllefde van d n éllefde twéduzjendéllef lid van de Rò van Éllef. Héj zit nog in zin snuffelstagetidj, mèr wil géér de haand utj de mòwwe stééke um mee èn te vatte. Mi de vastelaovend dinkt tjie nie èn nò husj gao. Zinne favoriete vastelaovessjlager is: Hostie wal, hostie nie. Roel Vullers Roel Vullers, van oorspróng ne Ròggelse Sjansemaeker, is 36 jaor en getraowd mi Sanny Nijssen van Jan van Giep van BusPierkes Graat. Ze hébbe twieje jeungskes Siem en Tijn. Héj wéérekt béj Nunhems Zade. Béj de Kieveloeët zit Roel sins t Sjééle Waazel Gala 2011 in zin snuffelstagetidj as lid van de Rò van Éllef. Héj héélt nie van nee zégge en dinkt mi de vastelaovend nie èn mèèrege. Dólle mòndig béj de Siem is vur m de sjònste vastelaovesaktievietéjd. Zinne favoriete vastelaovessjlager is: Vastelaovend dè bénne géj. Vur spék mi ééjer mage m wakker make. De Joong Harste Mòndig 20 fibberwarrie is t wér zòwitj. Dè wil zégge dè t r dan vur de véjfde kieër t joong harste bal gehawe gé wéére en wal béj Kareltje Colé ólé ólé óppe Dónk. Iederieën awd en jóngk is óp dizze middig van harte welkóm. Ik zao zégge bréng diegene mee wòr ge van hawd en dan wérd t wér bérre gezellig. Vur d n drank en t ééte dòr wérd zòas gewunlek wér goe gezèùregd. Dus wéj zòn zégge trék òw vastelaovespèkske èn en kóm óp mòndigmiddig nò Kareltje Colé óppe Dónk. Géllie zin welkóm vanaf hallef dréj dus!!! Kawaharitjja 19

20 20

21 Pepier masjee Maikel Joosten, dè is al jòrre de groeëte man van ut El Camino tréffe in Méél. Ók in 2010 waar dizze dag wér n sukses. t Weer waar goe en de dèlnemers han zich kóstelek vermakt. Zòas bleek toen óp t leest van de middig ieën van die dèlnemers iets te entosjast waar en óp t Raodhusjpléjn n paar achjes drèèjde mi zònne dikke Amerikaan. Naodè de roeëk waar ópgetrokke blèève d r allieën n paar rubberspore óp t pléjn aachter. Óp zich nie zò erreg, want dè slitj mi d n tidj wal wég. Mèr dòr daacht de verantwoordeleke wethawer van de geménjtje Pieël en Maas toch iets anders övver. Die béélde Maikel n paar wééke latter óp, mi de mededélling dè die remspore binne n wéék wég mose zin, anders zò de gemenjtje d r wal vur zèùrige en dan zao Maikel de réékening wal kriege. Ik zèùrig wal dè die strepe vòlgende wéék wég zin, zee Maikel, en mi n émmerke sop en ne sjrubber ging ie vól iever èn de slag. Dè ging toch nie zò rap as dè tjie daagt en um n langk verhaol kórt te make hi Maikel toch mèr n straolbedrief laote kómme um die rubberspore wèg te laote straole. t Hi um wa euro s gekoost, mèr t pléjn waar in jòrre nie zò zuuver geweest. Maikel koos wér mi n gereust hart dur Méél kroese mi zinne El Camino. Of mi zinne andere Amerikaanse klassieker, want hij hi d r nòg ènne. ne Chevrolet steesjenkaar tiepe slee van n mééterke of vèjf. Die wage hi tjie méstal óp t parkeerpléjintje nééve kefee de Vangrail stao. Zó hi d r niemes génne laast van. Nów stè béj die parkeerplats ók n groeët bord van de geménjtje, wòr dè iederieën die iets organiseert zinne pooster óp kén plékke. Dór wérd gretig gebruuk van gemakt en t hél zómmerséjzoen van 2011 woor dór d n énne pooster mi ne dikke klódder behangselplèk övver d n andere gehange.en tege t énjd van de zómmer kómme die van de geménjtje um dè bord wér zuuver te make. Um dè uurst wa mi watter te laote wèjke en dan mi n stèèkméske die laog poosters d r af te stééke, dè is vur die geménjtjewéérekers toch te veul wèèrek. Nee, dòr wérd gewoon de hoeëge drukspeutj óp gehawe tot al t pepier mi de nöddige kielo s behangselplékplèksel d r hèllemòl af is en dòrbéj wérd mi niks of niemes réékening gehawe. Ók nie mi die klassieke slee van Maikel die aachter dè bord geparkeerd stóng. De volgende mèèrege wao Maikel n stukske mi zinne slee gòn réjje, mér toen ie zinne òwtó zag stao, wees ie nie wa tjie zag. Van veur tot aachter en van bove tot ónder zaat zinne klassieker ónder t pepiermasjee. Maikel ha al snel dur wa d r waar gebeurd en bèèlde nò de geménjtje in Panningen, mi de vraog of dè tjie de verantwoordeleke amtenaar èfkes koos sprééke. Die kwaam al snel genóg èn de lijn, en toen Maikel zinne naam ha gezi, zee die wethawer: Ich kén dich! Doe bis van die remspore van furrig jaor. Jao zee Maikel, ik kén òw ók en géj béént nòw van minne òwtó die hèllemòl ónder de pepiermasjee zit. Ik zal us n foto dursture hoe tjie d r nòw utjzie en of iemes van de geménjtje m dan èfkes kén kómme poetse. D r kwaam èn d n andere kant van de léjn in ènne kieër ne hoeëp polietiek gebrabbel wòr Maikel nie veul van begreep, mér wòr dé tjie wal de konkluzie utj koos trékke, dè die verantwoordeleke amtenaar in énne kieër nie mèr zò verantwoordelek waar en dè Maikel zinne slee zèèlef mèr zuuver moos zien te kriege. Nów kwaam t émmerke sóp wèr van pas en nó n paar uurkes zwieëte blónk zinne klassieker nét zò sjòn as t Raodhusjpléjn n jaor dòrveur. Dizze kieër gelukkig zónder n straolbedrief in te hoeve sjakele. Ruile? Miel Schriks is al jòrre héllemòl verkaocht én zin vraow Thea. Sinds un n jaor of tien ók én dè hèndig kléénj wagentje wà éjgeluk spesiejaal vur Thea bedoeld waar; ne greezje Opel Corsa. Dè gé zò witj, dè tjie zinnen dikke Volvo méstal in z n graasj löt stao asjie gaaw éfkes erges hin moet jage. Zòdoende stónge d r, zónder dè Thea d r iets vur hi hoeve te doe, furrig jaor n paar ton óp d n téller van dè greesj wagentje. Wier leben autoos zégge ze in Prusjes, mèr nòw waar t wzagentje zòwitj afgelééfd dè tjie vervange moost wéére. Vur Thea koos alles, behaalve de kleur en de nummerplaat t zèllefde blieve, dan hoefde Miel béj de Opel graasj allieën nog övver de prisj te marsjandere. Miel liet d r gén gras övver grèùje, dus wier d r gaow genóg ne fónkelnéjje Corsa afgeleverd. Dizze kieër unne ne knálroeëje. Miel waar wér héllemòl weg ván dè nééj wagentje, en héj waar d r ok geliek wég mí. Héj haa d n uursten tenk dus ók zoeë leeg, en zòdoende stóng ie gauw genóg béj de Shell. Toe tjie afgeréékend ha, stapte n ie wér in zin vertraowde wagentje. Dè daachtjie teminste. Want toe tjie weg wao réjje, kwaam d r iemes (ópvallend rustig traowes) nó butje um dien dief in de krach te griepe. Wà bleek nou? Behalve ne splinternéjje roeëje Corsa stong stóng d r béj n ander pómp ók nog unnen awe gréézje Corsa van iemus anders, en dòr waar Miel wie tjie gewéénd waar aachter t stuur gekrope... Tot óp d n dag van vandaag wete we nie vur welk wagentje Miel toe de benzien hi betald. Kutjebitjers n Bètter team koos ut nie zin: Mark van Rooij en Hay Becks. Zéj zón t butjegebied van Méél wal èfkes van appels vurzie téjdes de appelaksie van de Kieveloeët. Mi d n òwtó van Mark vól zakke appels ginge ze óp pad. Nó n èntal adresse te hébbe gehad zee Hay óp zin Néérs tege Mark: waat bin ich blie dets doe riets, ich wéjt hie gaar géjne wéég. En doe kens aug eederéjn. Béj t vóllegende adres èngekómme zee Mark tege Hay: pakke géj di adres mèr, hier hèbbe ze ne hond en die is gek óp alles wa blaow is. Det doon ich waal èfkes zee Hay. Ich zal dich ns èfkes laote zeen wie des se det duis mit die hundjes. Kenne die roeëj nog get van lieëre. En vural Néérs blieve praote, zee Mark, dè kumt vertròwd övver. Hay waar nog nie béj de deur, of d r kwaame twieë heundjes regelréécht óp Hay éngekefferd. Hè, Hay, riep Mark vanutj zinne òwtó, zég mèr dè ge béj de roeëj béént, dan wéére ze wa rustiger. Pff, die hundjes zee Hay, die koome neet wiejer dan mien kuute en ich hub nog altieët eine zak appels in de hand. Hay ha t nóg nie gezi of d n uurste keffer beet flink in de kutje van Hay. Mer doe stóm kléjn rót mormel zee Hay, en rennend en mópperend óp dè klééjn kéfferke kwaam Hay terug nó d n òwtó. Doe bekieks ut maar... ich goon heej géjn appels mieër verkaope...rót höndjes. Mark die kwaam nie mèr béj van t lache... ne blaowe die réént mi de appelverkoeëp... t Moet nie gékker wéére. t Hi Hay nog veul zwieëtdruppelkes gekoost vurdè ze t hèl butjegebied vurzie han van appels. En die heundjes.... die kènne nie waagte tot volgend jaor! Raider of Twix Téjdes ieën van Rudies fésjes bleek ie hél zuinig te zin gewórre óp zin taand. We vónge nog ne Raider in de laaj van zinne snoepkaast. Toch ópmerkelek, want de naam van dees lékkernéj waar toch al ruum vier jaor érder veranderd in TWIX. 21

22 22 De Tiemkèpten

23 Beeste léézers, de sjriever gaf èn dè t vóllegende stuk sienies, sarkasties bedoeld is. Mense die t in t Mééls nie kanne lééze, kanne t in t nederlands probere! (béj de redaksie) Kristen-Thejologies Appèl Vastelaovend: n utjspatting van frievolietéjte die katholiek Nederland moet veurberéjde óp ne tidj van övverpéjnzing van éjge riekdóm en t óntbrééke dòrvan béj andere, minder gelukkige sloebers. n Nobel fést; n fést dè éjgelek t fatsoen en de taam sjöpkesgeest van de katholieke kudde moet bevordere vur de övverige daag van t jaor. t Is vòlges méj dan ók godgeklaagd dè n bepòld Mééls zanggruupje t katholieke geloeëf en zin herders de afgeloeëpe liedjesaovend bezoedelde en besmeurde mi lasterleke tekste övver de veurganger van ónze paròchie en de kloeke vréjwilligers die ur orgelen zangkunste ten dienste van de geménjsjap stélle. Behalve godslastering makte zéj zich ók sjuldig èn t ópzittelek spòt drieve mi t tot sirkelvèùremig meriekuukske gewore lichaam van ónze Messias; t bespòtte van de platseleke vertiggewoordiger van ónze Lieven Hieër dur um zoeppartéjje en drankzucht toe te dichte en mi dòrbéj ónzedelek ritmies bewege óp meziek of zèllefs braspartéjje van de platselike prediekant, organist en mannekoeër. Di sórt kwèèleke èntéjginge verpakt in de ónbezónnehéjd van n vastelaovesnummer verdient in min oeëge de pauseleke ban. Minne geluuëvige aard belét méj um witjer te spikkelere övver andere sjuunse laster en krénkende handelinge van t zingend kwintet. Ók al is t nie óndinkbaar dè de lallende ketters stiekem ur éjge broeëdbeleg meeneme béj t óntvange van de hòstie téjdes de hòmmis, en zòdoende t lichaam van Kristus óntere mi gestòlde mèllek, lééverwoorst of n ènzienleke laog sjeklade- en hazelneutepasta. Ók gòn d r geruchte de rónde dè de òrdeverstoorder die ge iedere mis övverdrivve hard huurt kuche en proeste, tot t beroemde véjftal behuurt. De meugelek ènwezige bèùkende en kakende bebies in de kómfortabel zetelende kudde hure vast en zeker ók béj dees afgedwaalde sjöpkes. Kooste noch moejte wéére, zò bliekt, gespaard um t praktiesere van t énnige waore geluuëf te verhindere. Wéére géj ónverwaachs getuge van di sórt praktéjke in t puntige husj van Ónze Hieër, aarzel dan ók écht nie um prónt as klokkeluijer óp te treje. t Is wa méj betreft al n godswónder dè de geluuëvige leje van ónze paròchie nòg nie as énne man zin ópgestao um te prótestere tege de verspréjding van dizze hòghartige smartlap. Béj ènhawend gebrék èn kemping Startebós zao n tegepruttelend tentekèmpke vól kéérekgònde hippies en joelende Jezus-freaks óp t Alexanderpléjn of in t Gruun Hart van Méél nie misstao. Dè zal ze lieëre! t Vervange van nummer 2 óp t pas utjgekómme meziekschiefke van de liedjesaovend dur t 'Avé Maria' behuurde hierbéj ók tot de meugelekhede. Mèr: laks liekt t gehèrsespuulde naïeve publiek 2000 jaor godsdienstige óntwikkeling dur t sjitjheusjke te laote spule ten gunste van n lékker in t gehuuër liggende weesj. As ónze Messias in spe nie fris en fruitig waar ópgestao utj zin sjeenbaar leeste reustplats, dan zao tjie zich al 11 x 11 kérre hébbe eumgedrèèjd in zin graf béj t zie van dergeleke ónversjillighéjd. As we in de vértiende éw zòn lééve, dan zòn de sjrievers en vertolkers die de sjandalige gespuulde lofzang liete hure allaang en utjgebréjd óppe pinjbank ónder hande genómme zin, of óp de brandstapel vlammend en zingend tot as zin vergao. Nòw wil ik dèrgeleke barbaarse straffe nie veurstélle as gepaaste waarsjuwing vur t muziekaal gal spòwwe övver óns héjlige instietuut, mèr t klinkt in ieder geval passender as n bekroning mi de twédde plats óp de Méélse liedjesaovend. De zjurie ha gewoonwég witjer moete kieke dan de pakkende weesj, die blieft hange; de stéékende, óndeugende tekst van t nummer; de vlekkeloze utjvoering en de sjòn dubbele bójjems in de weurdgrappe, gekónstruweerd dur de talentvólle, taalpuristiese weurdkunstenaars. Want zég nòw zèèlef: is dè nòw alles wòr ne prisjwinnende vastelaoveskraker èn moet vóldoe? Hiermi beslutj ik béjnao min geluuëvige utjénzitting en dan laot ik de nummer ieën van di jaor nòg butje besjòwwing: dè laowwèèrem lééveslied dè de tere kinjerzielkes van ónze weledele Méélse jeugd vanaf de uurste noot tòt övvermatig drankgebruuk ènzit. Mochte mense zich övveriges afvraoge wòrrum di alles in zò'n vrimdsórtige weurd moos wéére gesjrivve; min èrleke néjsjierighéjd nò hoe de redaksie di alles mi övverdrivve fannatisme in t Mééls zao eumzitte, spult dòr n rol van énnige betieëkenis béj. De leeste der Domieniekane, Pieter Jaspers De beeste sjátsers (óp papier) Op de zòtterdig van t Prinsebal wier d r dur de gruun sjutterééj awt papier òpgehald. Vur de leeste kier vur Prins Ger 1 zalle we mér zégge. Wie de ploeg mi Erwin Daems, Erwin Verheijen, Henk de Leeuw en Art van Dijk de Dòpheide indrééjde, zage ze dòr dur ut raam Frits Berben zitte in zinnen tempel. As afgetréénde sportman in hart en niere zaat die op zin sportbank téllevisie te kieke. Ut EK allroundsjátse was d r óp. Dè betiekent dè die sjátsers al mér rónd sjátse. As ge dan nét zónne joekel van unne téllevisie hét as Frits, dan is ut kieke allieën al un sport op zich. Wie tjie nò butje keek dur t raam, weesj ie éfkes nie mér hoe dè tjie ut ha: Butje óp straot ha zich een geströmléjnde sjátsploeg gevèùrmd die dór in vólle vaart óp zin veurdeur éngevlógge kwaam. Dè kanne ge aw indinke hoe spéktakuléér dè d r utjgezie moet hébbe: Vier van die wuilusse synchroon en diep dur de knéjje, de haand op de rug en de neus zòwa én ut isj. Of én ut awt papier bétter gezi. Wà zin géllie toch un mén zee Frits. Saoves óp ut Prinsebal hi tjie gezì dè tjie vort aachterstevurre op de bank gè zitte as t r óp zótterdig wér sjátse is. Dan kan ie alles richtig laif vólge. Sjienese tomatesoep Dè ge mi vastelaovend goe moet ééte um t drèj daag vól te hawe, dè wit bèjnao iederieën. Ók Z.D.H. Prins Rudie d n uurste wit dè as gèn ander. Sjienéése tomatesoep, dè is zin lievelingssoep. Wille gèllie ók us ne kittel Rudies Lievelingssoep maake, zèùrig dan dè ge de volgende ingrediente in husj hèt: kieppeboeljón 1600 ml. ketjap 40 ml. gembersieroop 40 ml. tomatepureee 40 gr. 3 sjalotjes of ènne gewone ui teentje knoflook sjampiejons 80 gr. prei 80 gr. wortel 80 gr. suker 25 gr. miehoen 40 gr. taugé 40 gr. èn zoeë make ge t klaor: Fruit de sjalot of ui mi de knoflook twieë menutje óp matig vuur in n bietje bótter. Dan kumt de tomatepuree d r béj, die ge èfkes lót óntzure. De boeljón d r béj en èfkes laote durkoke. De gruunte moete èfkes kléénj gesnéjje wéére, vurdè ze kórt in kookend watter wéére geblansjeerd. Drèk dórnao de gruuente laote afkoele in isjwatter, dan blieve ze lèkker knapperig. t Kookvocht van de gruunte doe ge béj de soep vur ekstra smaak en vietamientjes. Dan kumt de suker, de gembersieroop en de ketjap bèj de soep. Net vurdè ge de soep wilt gón ééte doe ge de gruunte en de miehoen d r béj. Wille ge de soep iets dikker hébbe, kènne ge dizze binge mi wa maizena. Smakelek ééte. 23

24 Dè daacht ik al 24

25 De Méélse Liedjesaovend Vur de uurste kieër (èn waarsjinjlek ók de leeste kieër) in de gesjiedenis van de Méélse Liedjesaovend han we óp 26 november 2011 de 31e ediesie van dees aaltidj spannende aktievietéjt van de Kieveloeët. D r wérd ók ieder jaor gesjiedenis gesjrivve óp de Liedjesaovend, want ieder jaor wéére d r dan nééj vastelaoves sjlagers toegevoegd èn de, óndertusse al behuurlek lange lisjt mi echte Méélse sjlagers. Di jaor ware dè d r mèr liefst 12. Mèr d r moos netuurlek wal nog ne winnaar utj die 12 nééj Méélse sjlagers kómme. De bezuukers, mèr zeker ók de groepe die mee din, ware èrreg benéjd wie de winnaar ging wéére van de Kievelprisj. Óp zich al geweldig sjòn as ge maagt zégge dè ge de beeste Méélse sjlager van t jaor hét gemakt, mèr nog sjònner wérd t umdè ge dan ók mee maagt doe èn t P&M liedjesfestieval. Um de jeugd wa te prikkele èn um ze s te laote pruuve èn de groeëte Liedjesaovend, ware de winnaars van de awdste categorie van de Kééj Knappe Kwéékmiddig utjgenöddigd um de Liedjesaovend te kómme ópene mi ur winnende liedje. De groepe Harte 8, De Sjórstieënknallers en De Kwebbeltantes din dè supergoe! Toen waar t de beurt èn de 12 groepe um ur nééj liedje te zinge en dè twé kérre. De zjurie mi Bertine Joosten as zjurieveurzitster ha de zwaor taak um de liedjes te beoordélle en dòrnao de utjslag bekéénd te make. t Gè duk um mieniemale versjille. t Zit kwa punte duk hél deecht béjèn. Mèr nao dè ze n hallef uurke in berò geweest ware, kwaam d r witte roeëk utj de zjuriekamer èn kwaam de zjurie trug de zaal in. Dòr woor dur Bertine bekéénd gemakt wie van de 12 groepe in de preesj gevalle ware. De nééj in t lééve geroepe ènmoedigingsprisj t Duumke waar vur de groep Kumtjie. Zéj han mi de geweldige prizzentaasie van ur liedje de zaal plat. De dréjde prisj waar vur Krèk Goe èn de twédde prisj vur Vérrig. Èn tot slot makte Bertine de winnaar van de Kievelprisj bekéénd, èn dè waar Óngerakkesen Doorst. Zéj din di jaor vur de 11e kieër mee een nò éjge zégge, vur de leeste kieër in dees samestelling. Wa is d r dan sjònner um die 11 jaor af te slutje as winnaar van de Méélse liedjesaovend. Zéj woore ók mi ur liedje t leeste reundje afgevaardigd dur de Kieveloeët um vur Méél mee te doe èn t P&M liedjesfestieval. Di jaor woor dè gehaawe in Néér in de Spantjehal. Dòr ging t daak d r af toen Óngerakkesen Doorst èn de beurt waar. Alle Méélse supporters stónge veur èn t podiejum te zwèèje èn te zinge. Geweldig sjòn. Helaas zin ze dòr nie in de preesj gevalle, mèr t plezier waar d r niks minder um. Vur degene die de tekst nog nie van butje kènne (wa béj god nie veur te stelle is), héj stè hiernééve nog ne kieër. Óngerakkesen Doorst t Leeste reundje Witte ge wa ik doe, verzin méj gaow ne kloe Ik héb n goej iedee Dikwels zi min sjat, ge hét t r zat gehad Ik wil óp husj èn gao Mèr ik bén nog nie muug en zuuk de rek d rin Dan héb ik mèr énne goeje zin Refrinj: Sjat, de leeste is bestééld, in de pót zaat nog wà geld Kóm nòw blief nog èfkes hier t Leeste reundje, t leeste reundje, t leeste reundje smakt nò mieër Doe òwwe jas nog mèr nie èn, wéj gòn d r uurst nog tege èn Want dè wért zò duk gezi As ge de leeste hét gehad, wért d allerleeste nog gevat Witte ge wà ze zee, géj gòt nòw mi méj mee De leeste hérre ge leeg Géf t bunneke van de jas, dan haal ik m al vast Want butje is t kaow Mèr ik bén nog nie muug en zuuk de rek d rin Dan héb ik nog mèr énne goeje zin Breug: Dan doe ik gaow de jas èn, nog énne kieër, vurdè wéj nò husj hin gòn Zalle we d r nog énne mi de jas èn doe, sjat vinge ge dè goe, jao goe Refrinj: Weurd: Óngerakkesen Doorst Meziek en arranzjemènt: Joep Hoebers Óngerakkesen Doorst dè zin: Jesse Janssen, Robin Kömhoff, Johan Theeuwen en Rob Vercoulen Spòt gezoocht In de wéék vur de bónteaovende kreeg Wim Trines van t Oranje Hotel n tillefoontje van Vorst Peter Daniëls, die héllemòl in panniek waar. Héj waar namelek de vòllegspòt kwitj die ze gebruukt han óp t prinsebal en die ze ók béj de bónte aovende nöddig han. Uurst bèèlde héj Henk Verbugt óp um te vraoge of die wees wòr dè ding waar. Béj, zee Henk, die sté béj méj in graasj, in de keest wòr ie in tusj huurt. Ze zòn m same wal èfkes nò d n Binger brénge. Béj Henk èngekómme pakte ze de keest utj de graasj en sjove die in de òwtó. Ze vónge allebéj dè dè ding nie zwaor waar. In d n Binger wòn ze de spòt utjpakke en wa bleek toen, d r zaat niks in de keest. Gén wónder dè die nie zwaor waar. Goeje rò waar duur. Ik zal s nò Wim Trines bèlle, zi Peter, mesjien wit die wòr dè die spòt geblivve is! Zò gezi zò gedao. Mèr jao, zi Wim, die sté hier nòg in de graasj, al vanaf t prinsebal. Peter en Henk ware dólgelukkig dè ze m wér trug han. En hél triejomfantelek hébbe ze m toen èfkes latter d n Binger binnegedrage. Dus uurst kóntrólere of alles in de keest zit vurdè ge d r mi gòt sjaowe Peter en Henk!! Néjjaorsplanne Prins Ger I ha d r nie èn gedaacht dè t r óp Néjjaorsdag zòiets waar as t óphange van de prins, béj de Zwaan. In zinne agenda stóng dè tjie óp dien dag gewoon óproepdienst ha. Pas n paar daag van tevurre óntdékte héj, toen Peter Daniëls m bèèlde, dè t r óp néjjaorsdag nòg n akkefietje geregeld moost wéére. Héj zee dè t écht próngelek waar en dè tjie d r nie èn gedaacht ha. Mèr we verdinke m d rvan dè tjie zinne tidj as prins nòg n wéékske ekstra hi wille utjtrékke. 25

26 Celsiusstraat DG Weert Prins Rudie I 26

27 Leger en vloeët Óp awdjaorsdag waar t wér zòwitj. Ik kreeg wér kómmentaar óp min sjeenjbaar ópvallende gemis èn t vermoge um Mééls te praote. Jao, vur de zòvulste kieër. Min gedachte ginge óp dè móment drèk nò n defeniesie die ik huuërde in n meugelek deusjter tilleviesie-programma (dink béjvurbild èn de utjerst supjektieve en bewust nie-ónderbaowde weesj van puntetoekenning) óp de staatsumroep: TatataTaal. In dè programma woor in n chaos van beweringe en utjvoeringe ónder andere t vòllegende geópperd: Taal is n diejalekt mi n leger en n vloeët. Mèr t in potensie ónbetròwbare karakter van t programma weerhield méj d r nie van dees umsjrieving te verhéffe nò n posiesie anders dan n béjrol. Di in achtnemend is wa wéj méstal gebruuke um mi mekaar te kómmuniesere, n pakket èn weurd gekóppeld èn regels, gesteund dur ne maatsjappeleke övverénstemming, volges genuumde utjleg n diejalekt dè de stréjd hi gewónne van andere diejalekte. t Nederlands, de taal, hi n leger en n vloeët. Gò mèr nao, t Gruun Buukje hi bestònsrecht van Delfzijl tot Westkapelle. Óndanks dè is t r hier in weze n vèùrem van fundamentaliesties relatievisme te pruuve, n taal is toch zeker ók n diejalekt. Het énnige versjil is dè de taal in zin tiggewórrige status geniet van n nasiebré draagvlak en t diejalekt nie. Moete we dòrrum de nasiejónaal, ènvaarde menier van sprééke dus wardere en óns éjge make? Of is t relatievisme n reje um t Mééls te umèèreme? t Twédde punt wa in dees samenhang wa bevrimdend wéérekt, is dè hierveur genuumde krietiekasters zich bliekbaar toch gesteund vuule dur (de ielluzie van) n bestònde massa die wal t platseleke diejalekt umééremt in de dagelekse praktéjk. Wòrrum zòn die krusjvaarders méj anders éllekes kier zò zèèlefverzekerd verbéttere? Niks is minder waor. De Méélse taal is n slitjend versjeenjsel. Of di èrreg is vraog ik me af. Talen, pardon, diejalekte zin tròwwes kónstant ónderhevig èn erozie en vervèùreming. Toch snap ik die tiepes wal, die kieër óp kieër ne twénjtjiger wille övvertuuge van t Mééls in al zin lusjter. Tradiesiejonele monumente, wòrvan t dèùrepse diejalekt n prakties utjvloejsel is, zèùregt vur ne geménjsjappeleke band. Hoe mieër mense hier èn meedoen, hoe sterker die geménjsjap zich vuult. Iets wa dur de bank genómme as posietief ervare wérd. t Wrange is wal, dè di kómplete gesjrift wérd vertaald dur n selekte groep Méélse, mense die n òwtorietéjt bezitte óp t gebied van t sjrieve (en meugelek sprééke) van de Méélse taal. Zao di kanne zin umdè de groeëte meerderhéjd mi tzèèlefde probleem kampt (zéj t meugelek in mindere mate) as ik? Bliekbaar wérd t r al réékening gehawe mi t óntbrééke van t vermoge um fòwtloos Mééls te sjrieve. Moocht ik gén oeëg gehad hébbe vur de versjille tusse t sjrieve en t sprééke, nim t méj nie kwèèlek. Dè t klip en klaor is dè nie iederieën óns diejalekt fòwtloos beheerst, liekt méj duidelek. Ik bén mesjien nie mèr te rédde, mèr toch wil ik pléjte vur ieniesiejatieve as die wòrvan dizze column ónderdeel is. t Mééls hi, afgezie van n leger, zeker gén vloeët, en toch is t sjòn. Hopelijk zalle we óns diejalekt nog laang blieven huuëre. De krietiek óp min afwiekend gedrag nim ik wal vur lief. Ik wens òllie ne sjònne vastelaovend. Jaco Verstappen Kórsmis 2011 Uurste Kórsdag 2011 woor béj de femielie van Lieshout gevierd mi lèkker ééte èn n paar kadootjes vur elkaar. Van óns mam kreeg ónze pap, Harrie van Lieshout, n laang ónderbóks kadoo. Die hi tjie swinters aaltidj ónder zin wéérekklieër van Roetje Gielen èn. De deur van de bus die duk ópe en deecht gé löt nogal wa kaow binne en Harrie wil t géér wèèrem hawe. Twédde kórsdag moos Harrie wééreke en dòrum al vruug utj de vérre. Um hallef zeuve raokelde de wékker. Um niemes wakker te make kléjde Harrie zich dan aaltidj in t dónker en óppe taast èn. Zò ók dizze kieër. Óns mam die smèèreges nò de kéérek wao gao, waar rónd nege ure driftig óp zuuk nò ur légging, mèr koos die nèrges vinge, óppe stoel, ónder de stoel óppe kaast övveral woor gezoocht mèr nèrreges waar dè ding te vinge. Toen ze latter ónder kwaam, bleek de nééj laang ónderbóks van ónze pap nòg in de verpakking óppe tòffel te ligge. Toen Harrie latternao tusj kwaam vroeg óns mam m: Har wàffur ónderbóks hérre géj vandaag èn gehad? Béj, zee Harrie, die néej natuurlek. Mèr nee huur héj ha inderdaad óns mam zin légging èn. Achteraf zee Harrie dè die nééj bóks wàl wà strak zaat. Hoeëge noeëd Bruur Will van adjudant Hans Hoebergen hi n vriendin in Beek, Wilma. Ze reje ieder in urre éjge wage van Beek nò Méél umdè de vòllegende dag ieder wér zinne éjge wég moet kanne gao. Will klaagde veuraf al övver buukkramp mèr t leek goe te gao. In Méél drèèjt tjie de parkeer plats van de Jumbo óp. Vrimd, dinkt Wilma. Wòrrum réjt ie hier hin. Ze stappe allebééj utj en Will li utj dè t mi zinne buukkramp als mèr érger is gewórre. Gao hier binne dan èfkes snel nò de weesee zee Wilma. Dè waar éjgelek ók de bedoeling... zee Will. Nòw zaat tjie dus mi n walmend probleem. As óplossing woor bedaacht dè Will dan mèr óp zin knèjje óp de béjréjjersstoel dur Wilma nò husj woor geréjje. Wie d r óp n dag n auto dur de Dörrepsstraot hi zie réjje mi iemes, die érreg vies keek en dòrnééve iemes mi groeëte, reebrunj oeëge dan snapt die nòw wa t r èn de hand waar. Wilma zal óngetwiefeld ne sjònne bós bloeme hébbe gekrigge vur dees biezunder rit en n weesee-énd vur in d n òwto! GVD Kieveloeët Rudie Martens hi hél wa jórre same mi Rudy Gommans béj de Vangrail gewéérekt. Toendertidj waar d n dinzig mi vastelaovend óp stèèreve nao dò vur de jeugd en vónge Rudie & Rudy t n goej plan um Sjuppe Dinzig in t lééve te roepe: ne aovend vól entertainment en utjeraard mi veul bier. Óp ieën van de uurste ediesies waar Rudie zèèlef zò zat dè tjie téjdes zinne speech in t béjzin van en övver de Kieveloeet wal hónderd kérre GVD hi gebruukt! Óndanks t taalgebruuk hi tjie de Kieveloeët toch kanne övvertuge van zin kwalietéjte, getuge zin utjverkiezing tot Prins Rudie I. Rudies veurtaand Rudie waar n paar jaor geléjje mi de Knoetsòrre óp weekend in Griendtsveen. Héj probeerde toen t rekòòrd bierviltjes in de mónd te verbettere. Dòrbéj is sie wa te witj gegao. Ze krege de bierviltjes nie mér utj zin mónd! Volges méj is béj t wrikke toen zinne veurtaand wér afgebroke. t Rekòòrd sté övveriges nog altidj óp twéëndartig viltjes. Ók óp verkansie in Mallorca vloejde t bier wér riekelek en wér hi Rudie hier wénnig indruk óp de vraolie kanne make dur zinne glimlach te laote zie. Dizze kieër brook zinne veurtand af, umdè tjie tege n klap waar ópgeloeëpe van n klapdurke. Dè zwèèjde hin... mèr kwaam ók wér trug! D n dréjde kieër dè ne veurtand t begaf, waar óp n iets te hard gebakke frietje. 27

28 Prins Rudie I & Resy 28

29 VASTELAOVEND

30 AV Alfredverhuur Machine & Gereedschapverhuur Asten-Heusden Voor particulieren en bedrijven. Verhuur voor diverse klussen in de bouw, tuin, park en landbouw. Het is ook bespreekbaar uw klus door ons te laten uitvoeren. 30

31 OV-sjipkart Carina van Eijk, ge wét wal van Bums, oftewal Prins Gerard I, ha ne nééjjaorsbòrrel in Eindhoven. En umdè Carina géér iets alkóhólies nuttigt, besloot ze um mi t openbaar vervoer te gao. Dè waar al ne hélle tidj geléjje dè ze dòr mi mee waar geweest en ze ha vernómme dè réjze mi t openbaar vervoer tiggewórrig allieën nog mèr gé mi n ov-sjipkart. Um goe veurberéjd óp réjs te gao zoocht Carina óp internet informasie óp en ging ze zòn kart koeëpe béj de supermèrret. De kart bleek allieën al 7,50 te kooste en dè rékende ze béj de kassa af. Dòr vertéélde ze ur dè ze tusj èfkes die kart moost aktievere óp internet en dan trugkómme um de kart óp te waardere. Geërgerd kroop Carina tusj aachter de kómpjoeter um de kart te aktievere en ging trug. Dòr bleek dè ópwaardere ók nog s mieniemaal 20 te kooste. De dag van de nééjjaorsborrel stapt Carina vól vertraowe mi ur ov-sjipkart de bus in en jao huuër de kart du t en Carina is óp wég nò Deurze. Béj t tréjnstasiejon in Deurze èngekómme ziet ze dòr de tréjn al klaor stao. Mi énnige hòst wil ze de kart skènne béj de insjèkpaol um de tréjn in te springe. En dòr kwaam de fòwtmelding. Poging twieje en dréj mislukte ók. Ze daowde óppe knóp info um zò n medewéérekster van de hellepdesk te sprééke, mèr dè ging ur nie hellepe um die verdòmde tréjn te hale en die vertrékt vur ur neus. Ze wérd durverwizze nò de klantesèùrves van de sjipkart wòr ze zage dè ze gén veurkeur vur uurste of twédde klas réjze ha èngegévve. En Carina beweerde dè ze dè wal ha gedao. De twédde tréjn dréjgt te vertrékke as Carina nog aaltidj èn d n tillefoon hééngt. Dur n storing in t siesteem duurde alles n éwwighéjd en utjéjndelek koos niemes Carina hellepe. Alle reust waar nòw utj Carina verdwene en withieët vrèùgt ze: En wà nòw!! t Is instappe en n boete kriege of gewoon n tréjnkartje koeëpe. n Gewoon tréjnkartje koeëpe??? Ze kan t nie begriepe dè ze óp t perron n kartje kan koeëpe vur de tréjn, alles moost toch mi die verdòmde ov-sjipkart gedao wéére!! Carina vrèùgt èn de medewéérekster wòr ze n klacht in kan diene, ze is t héllemòl zat. Óndertusse snakt ze steeds mieër nò die nééjjaorsborrel. Carina köpt n kartje en löpt snel nò de tréjn, wòr de kóndukteur al klaor sté vur vertrék. Is di dan wal n geldig vervoersbewisj? snaowt Carina nò de kóndukteur, die zich van gén kwò bewust is. Nao alle trammalant zit Carina éjndelek in de tréjn óp wég nò Eindhoven vur de nééjjaorsborrel. Ze hi dus ekstra n ov-sjipkart gekaocht, die tusj geaktieveerd óp internet, trug in de winkel d r geld ópgestord. Keuste gemakt béj de klantesèùrves, de tréjn gemist, àsnog n tréjnkartje moete koeëpe en di alles vur n alkóholiese versnapering. Gezèllig hè mi t ópenbaar vervoer! Ze is t goe zat! Óplossing vur de Griekse kriezis t Is ne sjònne dag in n kléénj Grieks plètske. Alle straote zin leeg. t Zin slèèchte téjje. Iederieën hi sjeuld en iederieën lééft óp de póf. Óp ne dag réjt ne rieke Nederlandse toerist dur t Griekse dörpke en stópt béj n klien hotelleke. Héj zi tege de éjgenaar dè tjie n kamer wil zie um dien naacht mesjien te hure en li as ónderpand hónderd euro óp de balie. D n éjgenaar géft um n paar sluttels en as de gast de trap óp gé, pakt héj t géld en rèènt nò zinne buurman, de slèchter en betalt zin sjeuld. De slèchter pakt t géld en rèènt nò d n bèkker en betalt ók zin sjeulde. De bèkker pakt t géld en betalt zin sjeuld béj d n boer. D n boer pakt t géld en gé nò de kroeg um zin drankréékening te vóldoe. De kasteléjn sjuuft t géld dur nò t animeerdörske dè èn de bar zit. Zéj réént nò t hotel um de nog ópestònde hotelréékening te betale en de hotelbas li t géld wér trug óp de balie. Óp dè moment kumt de toerist wér van de trap af pakt t géld en zi dè t n slèècht hotel is mi slèèchte kamers en vertrékt. Niemes hi wa geproduseerd. Niemes hi wa verdiend, mèr iederieën is zin sjeuld kwitj en ziet de toekomst wér mi vertròwwe tegemoet. Zò invòwdig wéérekt t réddingsplan! Uhh stil s!!! Nee, nee nie stil zin, léés t gereust hardóp. Mèr di zee ik aaltidj toen ik nog béj de Kieveloeët waar. Ik bén d r 24 jaor béj geweest, t waar ne super sjònne tidj. Wie ik bén? Ton Verheijen oftewàl Ton van Léj van Séjkes Pieër. Ik dink duk wa vliegt d n tidj, wà gé t toch snel. D n tidj béj de Kieveloeët vergéét ik nòjt. Ik waar buhneméster, de man van t beurske en ik zaat ók nog in de straf-frats- en de wagekómmissie, dè ware allemòl take van méj. En um nie te vergééte al die óndersjééjinge in al die jòrre. (Dòr zao tiggewórrig d n izjerboer mieljonéér van wéére). Ik zao van al dè geweecht ne wipless övver kénne hawe. Mèr nòw alle gekhéjd óp n stukske. Toen ik dòr langer över naodaacht, besefte ik dè t vastelaovesbloe duidelek béj óns in de femielie zit. (Dòr hébbe ze òjt n liedje övver gesjrivve t Zit béj óns in de femielie ), want twieje daochters van méj Jolanda en Greetje zate in de Rò van Éllef. Twieje daochters van min bruur André, wòrvan d r ieën, Ivonne, zèllefs vorstin waar en ieën Jolanda zaat in de Rò van Éllef. Ze is nòw getraowd mi Arthur die óp di móment in t kómmietee van de Kieveloeët zit. (de blaow... n bie tje de kawe kant). Dan twieje daochters van min bruur Leo, Rian en Linda zin ók van de partéj geweest in de Rò van Éllef. Mèr we zin d r nog nie, want nòw nog in 2012 zin d r twieje zone van min zeusters Mia en Rien en wàl Thijs en John lid van de Rò van Éllef van de Kieveloeët. En as klap óppe vuurpiel hébbe we di jaor min kléjnjkinjd Boyenna in de Rò van Éllef béj de Kéjsjeut. Dus ik kan wal zégge n femielie wòr de vastelaovend mi de paplippel is ingegévve. En as ik di alles dan óp n réjke zit, kómme ge béj t geweldige getal ÉLLEF utj. Di zin d r éllef De kievel is rónd Alaaf! ne Sjònne vastelaovend 31

32 D n alleruurste spietsj 32

33 Den élfde van den élfde Den élfde van den élfde, 11 nóvèmber, spult in de Vastelaoveswérreld tiggewórrig n belangriekke ról. Dèh is de dag wòróp t Vastelaovessezoen begeent. Bij de groeëte Vastelaovesvereeniginge zòas in Keulen, Mestreecht, Vénlo èn Remeund is dizze dag ènlééjing vur allerléj aktievieteite die dik teruggòn nò vruuggeren tidj. Aaw gesjrifte nuume al dèh in Mestreecht in 1839 óp den élfde van den élfde de uurste veurbereidinge zin gedao vur énne geòrganizeerde viering van de Vastelaovend. In Keulen moet dèh nie anders geweest zin. Mèr in Méél is den élfde van den élfde nòg n vrij jónge tradiesie. Utj minne jónge tidj - dèh is nou zòwa seestig jòrre geléjje, de jòrre vértig/fieftig van de vurrige éw - kan ik mij nie herinnere dèh ter wa nuummenswérregs gebeurde óp 11 nóvèmber, wa de Vastelaovend rakte. Wal spulde rónd 11 nóvèmber wa hél anders énne groeëte ról in t Méélse lééve. 11 Nóvèmber waar t fést van Sint Marte, énne van de belangriekste heilige in de katteliekke kéérek. In Méél woor óp de vuraovend van Sint Marte de sintmarteshoeëp gestókt. Èn dòr waare wij as wichter in dien tidj hél veul mi beezig. De sintmarteshoeëp stooke waar wal n aaw tradiesie. Övveral in de buurtdörper in Noord-Limburg woor dèh ók gedao. Wa din we in Méél. Zòwa èlke buurt makte énne hoeëp brandhout. Al mònde vantevurre begooste we mi t bij mekaar sjarre van hout, vural snoeihout. De hoeëp moost zò groeët meugelek wéére èn t liefst gròtter as die van de deechstbijgeléége andere buurt. Der waar geduchte rievalieteit. Wij han énne hoeëp saame mi wa now de Sjoolstraot is èn de Hoek. Die bouwde we óp in t vèld wòr now de Méster Jòchemsstraot li, in de buurt van Sanders Meule. Van die meule waare allieën mèr wa bròkstukke övver, umdèh de Duitsers die han laote springe in de naodaag van de Twédde Wérreldòrlòg. Sóms ging de rievalieteit tusse de buurte zò hòg dèh de énne buurt de hoeëp van de andere buurt stiekem ènstókte nèt vur Sint Marte. Zò moet de hoeëp van ónze buurt énne kieër te vruug zin èngestókt dör den Haagelkrusj, mèr dèh hébbe we nòjt hard kanne beweezje. As de hoeëp woor èngestókt óp 10 nóvèmber, de vuraovend van Sint Martinus, kwaam hél de buurt bij de hoeëp saame. t Waar n fést vur jóngk èn aawd! Al daag vantevurre han we tusj énne lónk zitte te maake. Dèh waar n blikske wòr we gatter in makte. We din der n stuk törref in, énne drò woor der dörhin gestooke. Èn óp de aovend zèèlef vuur derin èn zwèèje mèr mi de lónk, zòdèh tjie goe ópleechte. Af èn toe liette ge de lónk lós de laocht in. Dèh waar dan n sórt vuurpiel bedoeld. n Bietje gevòrlek waar dèh wal, mèr as ge dèh dit, ginge ge wal n stuk t vèld in, van de mènse wég. t Maake van énne sintmarteshoeëp, t ènstooke èn t brande, de buurt rónd de hoeëp, t lónke, de geure van énne hèrfstaovend, t zin vur mij ónvergéételeke herinneringe. Mèr wa hi dih nou òllemòl te maake mi den élfde van den élfde? Tòch hél wa, dink ik. Dèh den heilige Sint Maarten óp 11 nóvèmber wérd gevierd dör de katteliekke kéérek liekt nie zò toevallig. Die haa de gewunte um belangriekke kristeleke gebeurtenisse te kóppele èn daata èn tradiesies die al énne groeëte ról spulde in de Germaanse tidj. Midwinter, t begin van de lènte, t begin van de zómmer èn de hèrfst, t zin òllemòl mómènte die zòwal in de vurkristeleke as kristeleke tidj veul èndacht kreege. 11 Nóvèmber moet al vanaf t begin van ónze jaortélling den dag zin geweest wòróp t boerrejaor as geëindigd woor besjouwd. Dèh waar de dag wòróp de paacht moost betald wéére, de knèèchte kreege ur gèld, de belastinge òf tiende mooste betald wéére. Kórtum, 11 nóvèmber stóng in t geheuge gegrift van iedder die mi t boerrelééve te maake haa èn dèh waare der hél veul. Èn zònne daatum kóppelde de kéérek énne belangriekke heilige, èn dèh waar Sint Martinus zeeker. Ik dink dèh t stooke van de sintmarteshoeëp ók teruggé óp de vurkristeleke, Germaanse tidj èn óp zich nie veul te maake hé mi t lééve van Sint Martinus. Kristeleke èn Germaanse illemènte smèlte óp n gegééve oeëgenblik saame: 11 nóvèmber is vanaf de vruugste tidj énne aparte daatum geweest bij de wèsterse mèns, dèh is hoopelek wal duidelek gewórre utj t vurgònde. Èn dòrmi is ieën illemènt van de utjdrukking den élfde van den élfde besprooke. Mèr nééve den élfde as daatum is ter nòg n twédde illemènt van belang in den élfde van den élfde. Èn dèh is t getal 11! 11 is n intriegreerend getal. Dòr is dör de éwwe hin ók wa mi èn de hand geweest. De utjdrukking elf is het gekkengetal is hél bekéénd èn kumt trouwes veur in Van Dale. t Woord élf kumt af van t Aaw-germaans ainlif, dèh ieën boove de tien betieëkent. t Getal 10 is aaltidj besjouwd as t vólmakte getal èn 11 woor gezie as t getal van de nar: t gèkkegetal dus. Mèr t woord élf hé al in de Middeléwwe ók de betieëkenis van alf, boze geest. Die döbbele betieëkenis hé ter èn meegewérkt dèh 11, elf t gèkkegetal is gewórre. Dór wérd ók wal gezi, dèh de bekéénde utjdrukking alaaf is afgeleid van elf, mèr der is ók nòg n andere utjlég meugelek, die zeeker zò ènnimmelek is. Mi de Vastelaovend van Keule moet dizze kreet begónne zin. Der bestóng n Duits woord all-ab dèh zòveul moost betieëkene as alles weg. In t Keuls diealèkt woor de b een f èn zò riepe de Vastelaovesvierders dan Kölle allaf of alaaf dèh dan betieëkende Keulen, al het andere weg of Keulen, boven alles. Vur de uurste kieër moette ze dèh in Keule geroepe hébbe in Hoopelek héb ik mi t vurgònde òllie wa mieër inzeecht gegévve in den élfde van den élfde. De utjdrukking is nie zoeë mèr utj de laocht kómme valle, dèh mag wal duidelek zin. Hèrman van de méster 33

34 Kepótmakerééj Èn now die hèndjes... 34

35 Vastelaovend in t Kéjsjeuteriek Ik héb t hél leuk gehad di jaor mi de vastelaovend. Ik vóng t hél spannend toen ik bekéénd gemakt woor in die boere klieër óp de Kééj Knappe Kwéékmiddig. D n óptocht waar beest éng bove óp de wage stao same mi vorst Milan. t Kéjsjeutebal waar hél sjòn, we hébbe duk de pólónééze geloeëpe mi de rò van éllef. Same mi prins Ger d n uurste hébbe we de ieër gehad um óp de 11de van de 11de t Kievelmènneke te wasse en 11 kenónsjeut af te sjiete. Ik héb t in ieder geval hél sjòn gehad en ik hoop dè de vóllegende prins en vorstin t ók hél sjòn gòn vinge. Dan zég ik vur de allerleeste kieër nòg minne spreuk: Mi aaltidj zin, gòjje wéj dizze vastelaovend de beuk d rin! Groetjes, Myrne Meulendijks Beeste Kéjsjeuters en Kéjsjeuterinnen. Jammer genóg zit de vastelaovend d r wér óp vur méj. t Waar hél sjòn um òllie vorst te zin. Mèr èn alles kumt n éjnjd, t waar super en ók de aktievietéjte zòas: d n óptocht, de sluttelövverdracht, nò Apollo, de Kééj Knappe Kwéékmiddig, t radiejo intervjoe en nog veul mieër. Ik zal di nie gaow vergééte. t Allerleukste vóng ik zèèlef d n óptocht en same nò Apollo gao, mèr dè wil nie zégge dè die andere dinge minder ware. Toen we de sluttel krege vóng de prins t te gemèkkelek, dus han zie iemes utj de bus getrapt mi de sluttel. Tege hem woor gezi: Bréng die sluttel trug, en dus ging héj óp wég. Mèr ók óp die groeëte prinsewage stao waar te gek. t Waar kaow, mèr de zoon sjeende. We hébbe veul lol gehad. Soms kwaam d r snoep óp de kop van de mense. Och, wà zal ik t misse! t Waar hél sjòn um òllie vorst te zin en ik hoop dè géllie bléj zalle zin mi de vóllegende prins en vorstin. Bedankt vur alles, ik héb ne supersjònne vastelaovend gehad! Groetjes van Milan Heeskens Ónthulling néjje Rò van Éllef Óp zóndig 29 jannewarrie waar t dan éjndelek zò witj! Óppe Kééj Knappe Kwéékmiddig wore de nééj heersers van de Kéjsjeut ónthuld. Uurst name we afsjéjd van Prinses Myrne en Vorst Milan. Zéj kénne trugkieke óp n geslaagd vastelaovesjaor. Chris van Rooy. Ilse Frerichs, Kyra Engels, Jerney Klaassen, Nienke Lemmen, Eline Scheenen, Mike Groenen, Resi bakker, Leon Meijer, Gijs Simons, Annika Scholten, Milan Heeskens en Myrne Meulendijks, bedankt vur òllie béjdrage en inzit. Dankzéj òllie waar t ne te gekke vastelaovend. Dòrnao woor witjer gegao mi de ónthulling vur t nééj vastelaovesséjzoen. Óp spektakuléére weezje wore de nééj leje van de Rò van Éllef ónthuld. Um de beurt kwame ze swingend in t tema The voice of Méél te veursjeen. Ze stónge ónherkéénbaar in ur vastelaovespèkskes óp t podiejum. Ieën vur ieën wore de vóllegende kinjer van de Rò van Éllef ónthuld: Michelle Timmermans, Jill van Oijen, Mike Berben, Rens Hoebergen, Jarno Hermans, Sjoerd van Lier, Boyenna Sprangemeijer, Esmee Janssen, Ilse Dorsers, Bram van Dijk en Inge van Bree. Vervólges woor de spanning nòg gròtter. Di jaor krege we ne Prins en Vorstin, mèr wie o wie zòn t di jaor wéére. As uurste woor de vorstin bekéénd gemakt. De nééj Vorstin van de Kéjsjeut is di jaor Renske de Bruin. Dòrnao kooste we övvergao nò de ónthulling van de Prins, t spannenste gedélte van de middig. We zin super gröts mi ónze néjje Prins, Bas Hoebergen. Di jaor gé tjie knalle mi zinne zèèlef bedaachte spreuk: Kriebels in min maag, van dees Vastelaovesdaag! Dizze middig han ze al drèk n uurste taak. Ze hielepe mee mi de prisjutjréjking van de Kééj Knappe Kwéékmiddig. Wéj wense Prins Bas I, Vorstin Renske en de Rò van Éllef veul lol en plezier en hope dè géllie ne ónvergételeke vastelaovend tegemoet gòn. Vastelaovesprógramma Kéjsjeut 2012 Kéjsjeuters en Kéjsjeuterinnekes t vastelaovesgedruis barst wér lós en dè betieëkent dè we mi z n alle wér vólóp gòn féste: t Prógramma van de Kéjsjeut ziet t r as vòllegt utj: Zòtterdig 18 fibberwarrie, Prins en Vorstin kómme óp radiejo P&M Zòtterdig 18 fibberwarrie um ure Vastelaovesmis in de kéérek Zòtterdig 18 fibberwarrie um ure Sluttelövverdracht in d n Binger Zóndig 19 fibberwarrie d n óptocht wòr de Kéjsjeut mi ne wage èn mee zal doe Mòndig 20 fibberwarrie van ure tot ure t Kéjsjeutebal in d n Binger Dinzig 21 fibberwarrie van ure tot ure t Kéjsjeutebal in d n Binger De jeugdrò van éllef en ónze Prins Bas I en Vorstin Renske zalle dees daag veuróp gao in t vastelaovesgebeure! Wéj verwèlkómme òllie allemòl géér in t Kéjsjeuteriek en wense iederieën ne hélle sjònne vastelaovend. 35

36 36 n pakketje zwaor bier

37 Prins Bas I Hòj ik bén Bas Hoebergen. Ik bén 12 jaor. Min awers zin Hans en Ivonne Hoebergen en ik héb én bruurke en dè is Rens. Min hobbies zin judo, Jóng Nederland, game, lego en Donald Duck lééze. Ik bén dus de néjje prins van de Kéjsjeut. Kinjervekansiewèèrek hi méj gevraogd um n stukske te sjrieve övver hoe ik t tot nòw toe allemòl ving. Nòw hél sjòn kan ik wal zégge. t Begoos al mi t invulle van t ópgave-streukske óp sjool of ik in de Rò van Éllef wao en of ik vorst of prins wao wéére. Ik héb alles èngekreusjt, want dè leek me wal wa. Dónderdig 12 jannewarrie toen ik tusj kwaam van Jóng Nederland zee min bruurke Rens: Ik héb n hél groeëte verrassing vur òw, KVW hi gebèèld en ge zit in de Rò van Éllef. Ik héb nòg n verrassing, ik zit t r ók in. Waaw, twé bruurs allebéj in de Rò van Éllef. We moochte t nog tege niemes zégge. Dè is wal moejlek. Zòtterdig um 11 ure kwame ze um t nog s allemòl utj te légge. Éjndelek waar t dan zòtterdigmèèrege en dòr ging um 10 vur 11 de bèèl. Rens makte de deur ópe en toen stóng oma èn de deur. Ojee wa nòw! Dè kwaam nie zò goe utj. Mamma hi toen n smoesje verzónne, dè t nie goe utj kwaam, want we han n verrassing. We keke alle dréj wit, zò han we óns versjrókke. Véjf menutje latter ging wér de bèèl, dè ware d r twieje van kinjervekansiewèèrek. Ze vroege of we t leuk vónge dè we alle twieje in de Rò van Éllef zate. Jao zeker vónge we dè sjòn. Mèr Karin zee: Bas ge hét òw toch ók vur prins ópgegévve, vinge ge dè ók sjòn? Jao, natuurlek liekt me dè ók sjòn! Nòw, zee Karin, dan wéére géj de néjje prins van de Kéjsjeut! O, jee te gek, ik kreeg t t r wèèrem van! Waow, prins wéére, te gek! We hébbe toen nog wa datums en informasie durgenómme. Nao n kléjnj uurke ginge de twieje vraolie wég. Toen keke we nie mèr wit, nee we han d r roeëj örkes van gekrigge. We hébbe toen gaow pappa gebèèld en die waar apetrots. Geniet t r mèr van, want di is kééj sjòn um te doe. Pappa is vruuger ók prins geweest van de Kéjsjeut. Zóndig hébbe we ne spreuk verzónne. Mòndig nò sjool, t waar hél moejlek um de mónd te hawe. Gelukkig vroeg t r niemes wa èn méj. Dinzig woor ik ópgehald en ginge we fotoos make same mi de vorstin. Ik makte de òwtódeur ópe en dòr zaat ze dan. t Waar Renske de Bruin. Die kén ik wal. Ze zit béj méj in de klas. Vur de rest wét ik nie wà me nog te waachte sté, mèr ik hoop dè t r ne sjònne tidj ènkumt. As ik t r èn dink krieg ik al kriebels in minne buuk. En dòr héb ik minne spreuk övver gemakt. Groete Prins Bas I Krieg de kriebels in min maag Van dees vastelaovesdaag Vorstin Renske Hallo, ik wil me géér èfkes veurstélle. Di jaor gao ik as Vorstin same mi de Prins en de Rò van Éllef, de kaar trékke van de Kéjsjeut. Ik héétj Renske de Bruin en bén 12 jaor. Ik zit in groep aacht béj méster Sander en méster Ruud. Ik bén n daochter van Twan en Gerdi de Bruin. Ók héb ik n zeusterke ze hétj Nienke. Min vader waar in 2004 prins Twan I van de Kieveloeët. Nienke hi in 2009 in de Rò van Éllef gezééte van de Kéjsjeut. Dus t vastelaovesbleo zit t r béj óns in de femielie wàl in en zò ók zeker béj méj. Min hobbies zin, Jóng Nederland en judo, butje speule en vastelaovend viere. Ik héb ók al n paar kér meegedao mi de Kééj Knappe Kwéékmiddig en d n óptocht. Ik wil òllie t advies gééve um dòr ók s èn mee te doe. t Is n geweldige ervaring! Dan kriege t vastelaovesvierus echt te pakke. Ik haaw ók veul van grèpkes utjhale en van koeje. Toen ze méj kwame vraoge um vorstin te wéére van de Kéjsjeut, héb ik dòr natuurlek drèk jao óp gezi. Um béj de Rò van Éllef te zitte leek me al kééj sjòn, mèr vorstin mage wéére is toch wal super. Ik héb t r dan ók hél veul zin in um same mi òllie d r ne kééj sjònne vastelaovend van te make. Dus kóm allemòl nò t Kéjsjeutebal um d r n te gek fést van te make. Géllie zin allemòl utjgenöddigd. Tot dan! Vastelaovesgroete van Vorstin Renske The voice of Méél Di jaor hébbe we vur iets nééjs gekózze mi t Kéjsjeutebal. Óp dinzig 21 fibberwarrie mage òw zangtallent laote huuëre! Dus vinge géj t sjòn te zinge en óp t podiejum te stao, géf òw dan óp vur The voice of Méél. Di kan dur ne mail te sture nò kindervakantiewerkmeijel@mail.com. Ge kaant allieën meedoe, mèr natuurlek ók mi n gruupke. Vermeld in òwwe mail òwwe naam, lééftidj en de tietel van t liedje. Nim òw éjge CD mee nò t Kéjsjeutebal en géf die af béj de DJ. Vanaf ure starte wéj de 1ste óptréjjes. Ge huurt óp de middig zèèlef wannieër ge èn de beurt béént. Hé ge nog vraoge? Stuur dan ne mail nò t bóvestònd adres. Wannieër ge mee doet valle ge aaltidj in de prezje, mèr we zin natuurlek wal benéjd wie de tietel The voice of Méél in de wacht sléjpt! Vur mieër informasie kiek nò We zien en huure òw géér óp t Kéjsjeutebal. 37

38 38

39 Winnaars optocht 2011 Fred & d Platvel Silvie Goe Twan d e Bruin De Bub s ld Bemselkesve De Vlèmkes Geert & Linda 39 Zat

40 Sjuppe Éllef 40

41 Mi de mónd vól taand Éllek jaor in oktober dan kómme de leje van de Kieveloeët wér èn de deur um appels te verkoeëpe. Dòrnèève hébbe ze óp t Alexanderpléjn ók n krèùmke stao, dè héllemòl vól li mi zakke appels. Méstal stòn aachter dè krèùmke n paar vraolie van de Kieveloeët um die zakke appels èn de man te brenge. Jan van Rijt van Marse Béér kwaam ók nèève dè krèùmke loeëpe en vroeg toen èn die vraolie: Hérre géllie ók kórse of pèrre? Èfkes stónge die vraolie mi de mónd vól taand, tot Charlotte van Sjaak van Snéjjer Tone Fritske zee: Nee Jan, die hébbe we nie, mèr we hébbe wal proeme. Toen stóng Jan mi de mónd vól taand. En tot óp de dag van vandaag wete we nie persies wa d r in die plèstik tas hi gezééte wòrdè Jan mi nò husj is geloeëpe! Vlagge vur de vlagger Dè die van de Bubs méstal van de pertééj zin bèj alles wa ók mèr iets nò vastelaovend ruukt is wal bekéénd. Mèr ók tusse aswoenzig en d n 11e van d n 11e zin ze tamelek aktief. Zò héllepe ze ók twé kèrre per jaor mi n man of tien mee óp de moterkrosbaan. Dòr stòn ze dan nééve de baan te vlagge, um die krossers te waarsjuwe as d r ènne óp zinne deksel vèèlt. In september van 2011 ware ze ók wér van de pertééj. En umdè uurst de juniore èn de beurt ware um ur krostalente te laote zie en die mèr n kórt reuntje krosse, stónge Roel Janssen, Luc van den Beuken en Hans de Jonge nog nie óp urre poost. Ze han nóg alle tidj van de wérreld. Naodè de juniore vérrig ware liepe Roel, Luc en Hans óp ur éllefendértigste en zannikend övver vanalles en nóg wa richting de plèk wórdè ze mose gòn stao um te vlagge. Nog laang nie óp de plék van bestemming huurde ze tot urre groeëte sjrik in ènne kieër de start van de senioren en die krosse wal övver de hèl baan. En mi in de ènne haand ne goe gevulde koelbóks, in de andere haand de gééle vlag en um de nek nog n klapstuulke, réénde ze mi z n dréjje nò urre poost. Roel pikte de uurste poost in wòr ze nééve kwaame, Luc de volgende, mèr Hans moos nog de bocht eum. Toen Hans èjndelek óp de plats van bestémming waar, kwaam ie d r aachter dè tjie èn de verkieërde kant van de baan stóng. Zónder nao te dinke spróng Hans mi zin hèlle hebbe en hawe övver t afzitlint, mèr héj ha nie in de gatter dè de baan ne halve mèèter légger lag. Hij rakte wa utj balans, mèr koos nog net twieë groeëte passe zitte, vurdè tjie mi zin gezèècht nò ónder langutj midde óp de baan nérviel. Gans in de knöp mi zin klapstuulke probeerde Hans nog övvereind te krabbele, mèr t geluid van n stuk of vèjfentwénjtjig krosmoters kwaam steeds dichterbéj. René Dirks, die n stukske trug óp ne springbult stóng te vlagge zag t allemòl gebeure en t ènnigste wa René koos doe waar um half óp de baan te gòn te stao en zò hard as ie koos mi zinne gééle vlag wappere, um al die krossers te waarsjuwe vur t ópstakel wa witjeróp óp de baan lag. De krosser die veuróp lag begreep d r niks van, want vur um rééj tenslotte toch niemus. Mèr toen ie d n bult övver kwaam, moos ie toch vól in de remme um nie övver Hans hin te réjje die dòr nog lag te woorstele mi zin klapstuulke. Links en rèèchs vloge alle crossers nééve Hans af en toen t motergeronk langsaam verdween in de Simonshoekse bósse, koos Hans éjndelek mi knikkende knéjje nó de övverkant sjravele en zinne poost inneme. Dòr is ie die dag ók nie mèr van af gekómme, tot dè tjie zeker wees dè alle wedstréjde afgeloeëpe ware en iederieën zinne crosser veilig óp zinne ènhanger ha vaastgesjort. Dè tjie nie héllemòl óngeschònde utj de stréjd is gekómme, bliekt wal utj t féjt dè zin vraow Monique um nog wééke èn zinne sjaower hi moete massere. Of Hans is toch wa hard óp zin klapstuulke gevalle, of ieën van die krossers hi um èngetikt, of hij hi van de nood n deugd gemakt, umdè tjie verékkes goe wit dè Monique lékker kén massere... wéj gòn vur t lèèste! Véjlig de fiets óp slót In dizzember van t furrig jaor kwaam ne Méélse Sinterklòs mi zin Piete óp bezuuk béj de Roggelse bazissjool De Zjwiek. Toen ze dòr ènkwame viel drèk óp dè veul kinjer ware vergééte urre fiets af te slutje. Sinterklòs mi de méste Piete ging nò binne, mèr Piet Mark van Rooij bleef nòg èfkes butje. Héj wao die Roggelse kinjer wal s laote zie dè t nie véjlig is um òwwe fiets nie af te slutje. In kórte tidj verzamelde héj twé haand vól fietsesluttelkes en ging dòr mi nò binne. De aander Piete sjrókke van Mark zin aksie en stuurde um nò de kónzjèrzje um dòr de sluttelkes af te gééve. Mèr die wao ze écht nie hébbe. Héj vuulde de bèùj al hange. Nò sjool ne hoeëp hèrrie èn de kóp van kinjer, die de fietsesluttel kwitj ware. Dè waar m te veul wèèrek. Mark hi de sluttelkes toen mér in ne briegadiersjas gestópt en is nao sjool mee gòn briegadiere. Héj koos dòrbéj veul kinjer wér gelukkig make mi n fietsesluttelke. t Woor wal wa latter en veul awers bèèlde nò sjool um te vraoge wòr ur kinjer bleve! Of die Piet vólgend jaor wér wélkóm is, is mèr de vraog! ne Goeje kitter Ad Ewalts, géllie wét wal van t klussebedrief, tròf vanne zómmer béj de verbaowing van t pand van Geer Goden, Sandra Sjéjve, de vraow van Jantje Sjéjve van de Héjhoorst. Die sprook Ad èn en zee: Ad, wa hi degene die hier alles afgekit hi, toch sjòn wèèrek afgelivverd! Ik moet béj óns tusj ók nòg n kléjnjighéjdje afgekit hébbe. Kanne ge die kitter vur méj s belle? Géf méj òw tillefoonnummer mèr s, zee Ad, dan zal ik m wal s belle. Dan makt die kitter wal n afspraak mi òw wannieër dè tjie kumt kitte. Dus gaf ze Jan zin tillefoonnummer dur. n Wéék latter sprook de kitter Ad èn en zee: Wà zin dè toch vur mense óppe Héjhoorst. Ik bèèlde die óp um n afspraak te make vur te kitte, zee die mèns èn de tillefoon, menieër ik dink dè ge héllemòl fòwt zit. Want as hier al iets afgekit zao moete wéére béj min vraow, dan doe ik dè zèèlef wal! Of dè Jan dè klusje intusse hi geklaort wete we echt nie. Sluttel gezoocht In de naacht van vastelaovesdinzig 2011, kumt Ivo Naus (zoon van Frans en Ria Naus - Reijven van de Meulestraot) goe in de óllie en stèrrezat tusj nao n goeje aovend Méélse vastelaovend. Émmel béj de deur èngekómme hi t zatte sjöpke próbleme mi t vinge van t sluttelgaat. Tot zin groeëte ergernis véélt de sluttel dur t röster béj de veurdeur, wòrdur die dur t kelderraam verdweenjt. Moder Ria wérd wakker van al dè kabaal en wil Ivo dur de veurdeur binnelaote en m dòrnao nò béd sture. Di löt Ivo echter nie gebeure, want de sluttel zal en moet gepakt wéére. Óp wég nò t kelderraam, véélt tjie ók nòg s van de keldertrap en beslutj nao dees heldedaad inderdaad te gòn slaope. De sluttel is wér terèècht gekómme en um dè zèllefde veurval te veurkómme hi vader Frans n nééj röster vur de veurdeur geplatst wòr de sluttel nie mèr durhin kan valle. Kan Ivo di jaor wér mi n gereust hart óp stap gao. Proost. 41

42 De kiep en t éj Dorpsstraat 25 Meijel Ut alternatief, vur un goej advies Mi de vastelao vesd aag zin we gesloote, mèr daorn ao zin we dur wir vur ied erieën vur alle verzekeringe; vur d e verko eëp van wunn inge; vur ut verzèùrge van b el astingaan giftes; vur ut lieëne van geld vur bevurbild wunninge; vur ut op ord e bren ge van de sjo endoeës mi réékenin ge; Lop gereu st éfkes binne. Ko ffie is tur aaltidj! Ollie adviseur Gerrit van Sanders Bèr Iederieën unnen hél fijne vastelaovend Tegeliekertidj bieje wij ô k gelègenhidj u m utjvo errig bankzake te doe en wal op utzelfde adres, midden in Méél. Wa wille ge no g mieër? Geld? Wij help en dur ollie en, wordur ge onbekô mmerd kan blieve feste.!!! ALÁÁF, ALÁÁF, ALÁÁF!!! 42

43 43

44 44 Bénne géj t echt, Rudie?

45 45 Wà now Nix n?

46 Wà n sjòn-vader 46

47 ÓPTOCHT

48 Zuuk de richtige veurzitter! 48

49 Bónte aovend Óp 20, 21 en 22 jannewarrie organiezeerde de Kieveloeët in geménjsjapshusj d'n Binger twieje bónte aovende en ne bónte middig, die t publiek liete smulle van de beeste artieste, die ge in Limburg en Braobant mèr kaant vinge en n keur van éjge Méélse talente. t Hélmondse duo Dubbel Trubbel, de zingende twélingzusjes Martens, broochte as lévvende standbilde, t Vréjhéjdsbild en Ménneke Pis, mi ur liedjes en komiese act vur de zaal al drèk in n goej féststemming. Dòrnao waar t de beurt èn ónze Méélse tónpraoter Koen Verstappen. Mi zin krejasie Tis toch nie te geluuëve! liet héj t publiek zich verbaze övver ongeluuëfeleke aktuwalietéjte. Zin weurdgrappe ware as vanòwds. Dréj kérre éllef jaor ervaring broocht kwalietéjt! t Duo Mona, Annelies Daniëls en Monique Strijbos beleechte óp n amusante menier de Méélse aktuwele sietuwaties as trimmer en vogelspòtter. Ók gebeurtenisse van afgeloeëpe jaor passeerde óp ludieke wèèzje de revue. t Summerse duo Plus Minus name n èntal Méélse mense óppe korrel en han ur husjwèèrek goe gemakt. Ze bezónge namelek in n óp Méél toegespitst liedje, ónder andere de geménjtjeleke fuzie en de verbòwwing van de pasterie. t Publiek zóng ur éjge slotlied as buuttemars béj t verlaote van t podiejum: Wòr béénde in òw lééve, t méste mi verwéénd: dè ge as èchte Méélse n Kieveloeëter béént! De Érpelemèèntjes krege t vérrig ónder léjding van Frans Nijssen as Ome Willem mi zin Géétjebrééjers de féststémming vaast te hawe. Mi de Kinjerópvang, Rudies fésje en n ode èn Prins Rudie zèùregde ze vur topamuzement. Mieërvòwdig Brabants kampiejoen tónpraote Berry Knapen liet de Rabozaal van d n Binger davere van t lache mi zin krejasie d n awe van Deurse. Wa ne geweldige akteur mi n izjerstèèrek verhaal övver de óngemakke van t awwer wéére en zin ervaringe in t bejaardehusj. De dansgroep "Let's do it" en de Beegroep van de Méélse dörskes zèùrigde vur inkele sjòn danse, de winnende vastelaovesliedjes kwame óp de planke en de entósjaste Heimatkepèèl kreeg zelfs nò afloeëp dur nog gén genóg van. De artieste vónge t geweldig um in zònne sjònne zaal vur 'n gemotieveerd publiek urre ekt te mage prissentere. Iederieën was hél goe te sprèèke övver de organiezasie, de goej óntvangst en de prissentasie dur de Kieveloeët. Van t publiek huuërde we allieën lovende geluide in de trant van n topaovend of topmiddig! Vur de geweldige inzit en alle veurberéjdinge wille we die Méélse ta topmiddig! Vur de geweldige inzit en alle veurberéjdinge wille we die Méélse talente hél géér bedanke, names alle bónte aovendfens. Vur fotoos van dizze bónte aovend en middig verweezje we òllie nò Gaow èngesjote Mariëlle Verbruggen broocht ur twiëe wichter Tren en Wout óp unne mèèrege nò SamSam. Wie ze trug liep nò urre wage, kwaam ze Joyce Schriks tege. Béj, zee Joyce, hèrrege nééj laarze èn?. Maar nee, die héb ik al laang zee Mariëlle. Wie ze s goe nò ur vuut keek, snapte ze al wà t r èn de hand was: dòr zate links én rèchts twiëe totaal versjillende laarze èn de vuut. Die bleek ze smèèreges in der hóst zónder èrreg éngesjote te hébbe. Èngekómme óp ur wèrrek zee uén kóllega tége Mariëlle: O kiek, dè is ók toevallig; zò n truike wà géj nów èn hét, zò héb ik d r pas zèèllef ók ieën gekaocht, krèk tt zèllefde. Mér in gedachte daacht die kóllega stiekem ik hoop tóch wal dè t méj bétter stèh as Mariëlle. Vanaovend èfkes goe kieke in de spiegel en as t béj méj ók nèt wie zónne slappe tòt zit as béj Mariëlle, gao ik d r geliek mi trug nò de winkel. Toe Mariëlle saoves tusj kwaam en zich ur husjpèkske èn wao trékke, kwaam ze d r aachter dè ze die mèrrege behalve de laarze nóg wà verkieërd ha èngetròkke. Of bétter gezi: vergééte um én te trékke, want ze begreep toen, dè ze smèèreges urre BH nie éngedao ha. Daags d r óp béj de kóffiepaowze moos ze dè verhaal tòch èfkes kwitj béj ur kóllega s. Die kóllega mi dè zèlfde truike koost d r wal mi lache! Ópgeleucht dè t r mi dè truike van ur niks én de hand was. Mariëlle löpt t r vórt van tóp tot tieën pico béllo béj, want sinds dí kréntje utj is, kiekt iederiëen wà ze én de vuut hi. Tóch? Duur viltje Di viltje hébbe we van de prins gekrigge. De redaksie héélt zich ènbevole vur 't leegmake van dè vaat. Datum, tidj en plats geer durgééve èn de redaksie van dees krant. 49

50 Ook tijdens carnaval beleef het buitenleven Het adres voor dier- & tuinplezier! Openingstijden carnavalsdagen: Zaterdag 5 maart van uur Maandag 7 maart gesloten Dinsdag 8 maart gesloten BOERENBONDWINKEL NEERKANT Sla nu vast in voor de carnavalsdagen! Kant-en-klaar maaltijden Frikandelbroodjes Worstenbroodjes Broodjes gehakstaaf Dorpsstraat AN NEERKANT Tel:

51 Géér wille we alle mensen bedanke die de redaksie vurzie hèbbe van de nöddige sjééle waazel en foto s Tot volgend jaor! De redaksie: Koen Verstappen, Frans Strijbos, Hans Martens Fred van Rijt, Jeroen Schriks en Frits Strijbos 51