vur Méél en de uurste nobbers Be-Nir-Os-Rog-As. Di krentje versjeentj en verdweentj inéns Kieveloeët

Transcriptie

1 De 59e vastelaoveskrant vur Méél en de uurste nobbers Be-Nir-Os-Rog-As. Di krentje versjeentj en verdweentj inéns Dè sin de beginletters van Beringe, Nirkant, Ospel, Roggel en Aaste. Kieveloeët OfficieelorgaanmernieechtvandeMéélsevastelaovend2010Bijéngeprakkezeerdenutjgegévvemiduzjelighoeëgbevelvaninkelvastelaovesflabbeevattendealleswabeslooteennie beslootezalwéére.vandeninhawdisgénlettergelógeenis tgelógedanaawegeouwdermernetjesbutjeanderssjoebezeouwnogutjwórunnenhóndgénbroeëdvanlust.deredakteur mótteböllekustienuspaastpaedjeonbekééndtel1111b.g.g.litjieópbéd.ingezóndestukkewééreaaltidjgeplatstas tmersjonnewaazeliswéérezeniegeplatstmoetezemerverdóriesgoeweet edè tallemoltiggewórriggentidjniekan. tauteursrechtvandeeskrantbereustbijdesjrieversdieunnenbrieëjerughébbeenanderléújdiegoeweeteworabrahamdemoosterdhaltendèieënenien zòwàdréjis.wijwenseollieallemolééveveullolmideesdaag.de Kieveloeët. Proclamatie as Prins Tjerk I Wij Prins Tjerk I Bij de gratie van de Rò van Éllef, Vorst Peter, Adjudant Hans en t Comité van de Kieveloeët, zoon van Jan van Heintjes Tjeu en Gerrie van Merinus Janse utj Lisjel, sjröwwend as n mager verkske gebórre èn dem Braobantse kant vanne Pieël en pas nò entrint n half jaor, trug óppe Méélse wortels, dor kóntent lachend mi utjgesjééje, én mam ur rokke van t Neerveld mee nò de Meulekamp gedebberd en as groeëte sjeuteling nog vur n par jaor mee nò de Wijer getógge, nò n kórt verblief óppe Nirkant en dornao uurst nog hokkend in ne container, utjeindelek prinsheerlijk heuzjend óppe Klamp, same mi Chantal van Pieter van Cor van Kestieële Piet utj Bolder en drij keusteleke wichterkes Lynn, Tjeerd en Siem, names Bergs Advies gééver van nen hoeëp goeie rò èn elleke vieëhawer die in dizze moeileken tidj wil wete hoe tjie zin sjöpkes óp den druuëge, zin aaw koeie utje sloeët en zin vérkskes volleges de néjste milieuregels gewasse moet kriege, veurvèèchter van de stélling dè veul vèèrekes de spuuling gaar utj nie deun hoeve te make, van kinjdjs af èn ópgegrèùjd tusse de kuusse en dörum geroepe um di jaor zónder probleme as uurste Meélse prins in Helde de sluttel övvergedrage te kanne kriege, same mi Chantal grotste spulkammerèùtje van Lynn, Tjeerd en Siem, geweze subtopper van MSV en hawer van n sezoenskart bij PSV, mitte vaaste övvertuuging ze di jaor wir nò t landskampioensjap te kanne kake, óppe tennisbaan en bij dem bas riggelmaotig geraffineerd n belleke ópgojjend vur ne pittigen ópslag, hochste woordvoerder en veurópgenger van ne groeëte zwiek vaaste kammerèùj mi urre kómpleten énhang, gevierde gast èn de bar in stamkefee de Siem, èn de karttoffel bekéénd um de sjéémel Versjare-rikskes óppe vurhand en nò zèèlef te hébbe mage gééve berucht vanwege de ope misééres en solo slems mi n prötje en nog mieër en nog mieër en nog veul mieër gééve hierbij mi n övver de ganse Pieël en Maas gallemende stéém te kénne, dè t alle Kieveloeëters en Kieveloeëterinnekes geraojen is um d r di jaor nen extra ónvergéételeke Méélse vastelaovend van te make, dè iederieën die d r génne goeie rò mi wit moet wete dè ónze rò in dizzen tidj évvel nie duur hoeft te zin, dè groeët en kléénj die óns en ónze weezje Rò blieft vollege, al dees dól daag lank wies in de utjerste fésteleke huukskes van t Kieveloeëteriek dur dik en dur deun óp ons zal kanne réékene want Utjgegévve dur inkel vastelaovesgekke umstreeks fibberwarrie 2010 Goeje rò in dizze tidj Gé méj nie te witj Prins Tjerk I 1

2 2 De leeste CD van Johan van Teefelen

3 Beeste Kieveloeëterinne en Kieveloeëters Vur òllie lih de vastelaoveskrant Vanaf 1 januarri makt Méél del utj van de neej en sjonne gementje Pieël en Maas. Dun uurste kieer deh ik me as burgemèster van Pieël en Maas mag richte tot ollie middels dih veurwoord vur de vastelaoveskrant. Unne krant die natuurlijk wer vol steh mih allemol ankedotes van Méélse mensen. De Kievelooet is dur wer in geslaagd un zeer gevarrieerd vasteloavusprogramma van te maken. Un succesvol Sjééle wazelgala, de liedjesaovend en naturlik t prinsebal. n Prógramma vur jóng en awd, vur éllek wa wils. Zò is t, zò huuërt t en zò moet t blieve. Immers: we zin Pieël en Maas mer gellie blievfe naturlk ok Méél. En Méél blieft Méél! Dor herre gellie de afgeloeepe monde op ollie manier invulling en gegéve. Dòr stòn de Méélse geménjsjap en de Méélse verénniginge vur en nie in geringe maote de Kieveloeët. Géllie gòt ollie storte in t vastelaoveslééve èngebójje dur ollie néjje prins, prins Tjerk I. Géér wil ik prins Jeroen I bedanke vur zin geweldige óptréje as prins övver t Kieveloeëteriek. Ók hij is t r, zòas veul veurgangers, in geslaagd um Méél gedurende zin regeerperiode óp de juuste mómente de lol van t lèève te laote zie en veural de betrékkelekhéjd van hél veul van ónze dagelekse sleur. Jeroen, Méél was gedurende òw periejode as prins, wer in vertraowde haand. n Né j gementje, n Nééj vastelaovesjaor, ne néjje prins, ne geslaagde liedjesaovend, Méél is dur klaor vur! En natuurlek de bónte aovende en bónte middig. Nie te vergete t mómbakkesbal en de kééj knappe kwéékmiddig mih jonk talent. En talent is dur. Twiee méélse vasteloavesliedjes in de halve finale van het LVK, te wete de Bubs en Verrig. Méél kan oprecht trots zin op dizze geweldige prestatie! Vasteloavend: n féést vur jóng en awd, n féést vur iederieën. n Féést wòr ók veul Méélse mense veurberéjdend plezier èn belééve. Dur zin wer veul liedjes geschrivve, optochtideeën utjgwerkt en ok de basissjool hih wer van zich doen spréke. Minne veurganger Hans Smulders zih: De Kieveloeët beengt Méél, de Kieveloeët héélt Méél béjén!. Ik gelúúf um op zin woord! Ik hoop ollie te ontvange op de sluttelövverdracht van Pieél en Maas en deh we same mih alle Pieël en Maasprinsen t startséjn kanne géve vur ne geweldige vastelaovestidj. Kieveloeëterinne en Kieveloeëters zit ók di jaor wir s flink de bluumkes butje. Doe dè, geniet mit volle teuge. Mak vural veul plezier mih mekaar. En van minne kant n dréjvòwdig Alaaf vur de Kieveloeët. Ópper,Ópper, Ópper Kieveloeëter Mat Vestjens, burgemèster Afsjéjd Fred en Karin t Jaor 1993, dè gekénmerkt woor dur twieë vorste, Wim en Joost! Uniek waar dè, mèr vural n jaor dè gekénmerkt woor dur Prins Fred I: Vastaoveskolder van Pieël tot Polder! t Prinsesjap kwaam óp n perfekt móment héé ge wal s èngegévve. Ge hét die regeerperiejode dan ók intens belééfd en veul hògtepunte gekéénd. Zòas gezi twieë vorste, mèr ók héé géj de leeste sluttelövverdracht gehad mi burgeméster Frits Kirkels en kwaam Beppie Kraft vur de uurste kieër zinge óp òwwe Bónte Aovend. Fred, di zin n èntal hògtepunte die géj zèèlef hét èngegévve. Ze stónge namelek vermeld in t jubielejumboek dè is utjgegévve ter gelegehéjd van t 5 X 11 jèùrig bestao van C. V. De Kieveloeét. En dan kómme we óp de punte zòas wéj die hébbe belééfd mi òw. Dè jubielejumboek waar n hògtepunt, same mi de kómmissie vastelaoveskrant héé ge iets nérgezit dè zin weerga nie kéént. n Enorme klus die ge hét ópgepakt en wòrvan ge iedere kieër weest te zégge dè t ging lukke. Ge bleeft t r in geluuëve en dè bleek teréécht te zin. De kómmissie vastelaoveskrant waar iets wòr ge òw éj in kwitj koost. Fred, wa géj nie wit is dè t r n spesiejaal eksemplaar is van di jubielejumboek. Dè eksemplaar is getieëkend dur alle leje van de Kieveloeët, inklusief Prins Jeroen I. Ik wil Prins Jeroen I vraoge um di eksemplaar èn òw te övverhandige. Ók héé ge òw jòrre hard gemakt vur n andere kómmissie en wal die van de liedjesaovend, wòrmi ge ók de seedee produksie óp òw naamt en t òrganniesere van de Kééj Knappe Kwéékmiddig. De kómmissie óptocht name ge óp t leest ók nog óp òw, de dienstevéjling en laote we vural nie vergééte dè ge ók nog dartien jaor penningméster béént geweest. Géj zèùrigde d r vur dè de finansjeele zake tot aachter de kòmma klópte. Övveriges van de keest die ge dòrbéj gebruukte hébbe wéj inmiddels afsjéjd genómme, ter besjerming van ónze rug en vural van de toekomstige penningméster. Wa óns zeker ók zal béjblieve van òw Fred, is dè ge óp de juuste mómente de juuste krietieke koost levere. NEE, dòr bén ik t nie mi éns. Dè moet we anders doe.. En dòrmi weeste ge t kómmietee sjèèrep en alert te hawe. Mèr wa óns allemòl t mést zal béjblieve is òw ATA (Accepted Time Arrivel). Wéj weeste nòjt wanieër géj óns kluphusj zòt binnetréje. Ik dink dè de énnige zekerhéjd waar die wéj han, dè ge nie óp tidj zòt zin! De andere kant van di verhaal is dè ge mesjien wal laat kwaamt, mèr ók dè ge, dik same mi Karin, laat nò husj geengt. Karin, jao dè leeste is ók nie vrimd vur òw natuurlek. Mèr ge waart t r wal béj en ge stóóngt aaltidj èn Fred zinne kant. Ge gaaft m de ruumte um zich in te kanne zitte vur óns klupke. Ménnig uurke héé ge Fred afgestao vur vergadderinge en béjénkómste en ók èn de kómpjoeter. En dòrbéj kumt ók nog dè òllie husj en graazje as ópslag woor gebruukt! Mèr dè kón ge stóóngt d r aachter. Dankewel dòrvur! Fred, we kieke trug óp ne fantastiese tidj wòrin we òw hébbe lieëre kénne as ne krietiese mens die ók zeker in is vur n géjntje! Ik bén dòrrum dan ók geweldig gröts dè ik òw, names de Kieveloeët mag benume tot Lid van Verdienste van C.V. De Kieveloeët. Prins Jeroen I èn òw de ieër um Fred hiervur te óndersjééje mi n zilvere speld. En utjeraard huurt hierbéj ók n oorkonde. Fred en Karin as dank wille wéj òllie ók nog n bildje övverhandige. Di bild hi de tietel gekrigge hògstaand geïnspireerd en wérd èngevuld mi de mótievasie Inspierasie Övverlég Samewééreking Tevredehéjd. Hier hoef ik niks èn toe te vuge! Dank òllie wel vur ne fantastiese tidj en ik gao d r vanutj dè we òllie nog dik zalle tegekómme mi de vastelaovend. 3

4 4 Afsjéjd Prins Jeroen I

5 De leesten ópper ópper ópper Kieveloeëter van Méél kiekt nog s trug. Netuurlek bén ik as awt burgeméster van Méél verieërd mitte vraog nog s nen trugblik te sjrieve vur de vastelaoveskrant van Den uurste vastelaovend van de geméntje Pieël en Maas. Dè ik n groeët dél van t vastelaovesprogramma zal misse, is nie umdè ik blééj bén dè min ról as ópperópper-ópper Kieveloeëter vurbij is. Nee, ik gebruuk de kómmende wééke um wà afstand te neme. Terwiel géllie di léést, bén ik bij minne klénjzoon in New York. Mer geluuëf me, ik zal t misse. De vastelaovesmis, de sluttelövverdracht, den óptocht, mer ók die gezellige momente as Danielle en ik mitte prins, de lede van de rò van éllef en de lede van t comité en de hofkepèèl Goe gehusseld bevurbild de versjillende horecagelegenhede bezoochte. t Was ne sjonnen tidj as ópper-ópperópper Kieveloeëter. D r ware dieptepunte en höchtepunte. Netuurlek de negatieve publicaties in fibberwarri 2004 ten tééje van min benuming ware nie allieën vur mij vervéélend mer dreigde n dél van de vastelaovend te verstuuëre. Mer ónder de strakke leiding van prins Twan I en veurzitter Frits, bleef de sjaaj beperkt. Centraal in de relatie tusse t geménjtjebestuur en de Kieveloeët stóng de jorlekse sluttelövverdracht. Ieën van de mést serieuze en vaaste elemente van de jorlekse vastelaovesactiviteite. t Was de happening worin de Kieveloeët en t college van burgeméster en wéthawers elkaar óp n satirische menieër óppen hak prebeerde te neme. Min uurste sluttelövverdracht was in Dè was moeilijk. Ik kéénde, as rèècht geaardem Braobander, de Méélse traditie nie en barstte van de zinnewe. Mer same mi prins Wout I hébbe we min uurste slöttelövverdracht tot n rillek goej éndj gebroocht. Mer t was ók Prins Twan die me de kneepjes van de Méélse Vastelaovend bijbroocht. Hij verzèùregde min ópleiding as ópper-ópper-ópper Kieveloeëter. Twan hi vur mij dem basis geli. In zin regeerperiode vierde we t 5x11 jaor bestao van carnavalsvereniging de Kieveloeët. n Geweldig höchtepunt. Mer ók den dag dè we n dieptepunt moochte herstélle. t Jaor dorveur haa prins Twan I t geménjtjebestuur ne vruchtdragende vredesbom èngebójje, die latter in t Pater Willemsplantsoen geplant woor. Dezelfdem bom, die in de naacht van 4 óp 5 juli 2005, same mi nog inkel buuëm t slachtoffer woor van bruut vandalisme. Óp 11 november woor óp dezelfde plats in t Pater Willemsplantsoen ne néjjem bom geplant. Óppe néjjaorsreceptie van 2006 haa ik de ieër as burgeméster van de geménjtje Méél de carnevalsvereniging de Kieveloeët de geménjtjeleke légpenning te mage övverhandige. n Höchtepunt in min relatie mitte Kieveloeët. In dè jaor trooj ne vastejaovesvierder bij utjstek, in de persoeën van Prins Fred II, èn. Wà n geluk dè ik toen weest hoe de sluttelövverdracht in zin wèèrek ging. Ik haa, zòas in alle jorre dornao, in de loeëp van t jaor èntiëkeninge gemakt die ik bij de sluttelövverdracht zao kanne gebruukke. Mitte utjgave van t jubileumboek 5x11 jaor Kieveloeët, woor Méél n historisch document kedo gedao. Mer t was ók t jaor van t bezuuk van de lede van t Zuid-Limburgse Gilde de blaow Sjuut. Zij koze in dè jaor as ur éllefde ankerplats van dè jaor t Raodhusjplein nummer 1 in Méél. n Geweldige ieër t gezelsjap in de rodzaal te mage óntvange. Óp néjjaorsdag 2007 reechtte ik t woord tot prins Fred II. Citaat: Fred, t was n fantastisch 5x11 jaor. Ik gao d r van utj, dè ge mi t zelfde plezier wir trug in ow Twieë awd heersers aaw ról as duo-partner mi Silvie in den óptocht te vinge zaalt zin en netuurlek d r flink óp lós zaalt slao as slagwèèreker in de hofkapèèl Goe gehusseld. Einde citaat. En Fred ging gewoon witjer, eendrachtig zinne lijfspreuk Mi min troom vurróp Méél óp zinne kóp! Fred en Silvie bedankt! Bezunder èn de sluttelövverdracht 2007 èn prins Peter III was t óptrééje van t Mééls mannekoeër. Zij broochte Ode èn Méél ten gehuuëre. t Was t jaor worin de discussie övver t intensivere van de samewèèreking mi de drij ander geménjtjes centraal stóng. Mer ók t jaor dè dem bestuurlekem band tusse t geménjtjebestuur en de kieveloeët n nééj vurbild kreeg. De veurzitter van de Kieveloeët was de rest van t jaor wéthawer en volgde dormi in de voetspore van veul geménjtjebestuurders die nen band han of krege mitte Kieveloeët. De sluttelövverdracht van 2008 mi Prins Jurgen I, stóng hél stèèrek in t tieëken van de herindéllingsónreust. De 1 april-grap van Gebbel Junior in t Mééls krentje övver de Smulderkes, broocht mij d r toe de bezuukers èn de sluttelövverdracht te traktere óp n kuukske. t Paaste bij de politieke ónreust van die daag. Ik gaf toen bij de sluttelövverdracht de vollegende toeleechting: Ik bén nog s nééve t bestonde kuukskesassortiment geloeëpe. En t resultaat : vólóp twieffel! Kieze vur bókkepötjes zal meugelek t bild gééve dè ik ollie laastig zao vinge, kletskóppe zal t bild bevestige dè ik mer wà stao te kletse, bitterkuukskes légge meugelek richting de politiek n verband mi verbitterdhédj, stroopwoffels t bild dè ik ollie stroop rónd de mónd wil sméére en t bild van zand d r övver as t zandkuukskes zon wéére, t leek me allemol niks. Um nééj tumult te vurkómme, héb ik de order vur de Smulderkes utjbestid. Mer 2008 was ók t jaor van de herplatsing van t érre gestólle Kievelmenneke. Óp woor ónder groeëte belangstélling t nééj Kievelmenneke óp t Alexanderplein ónthuld. En dan 2009 de sluttelövverdracht mi prins Jeroen I. We weeste dè t vur mij de leeste zao wéére. Dus de slöttelövverdracht moost speciaal wéére afgeslote.ik citeer utj min toespraak: Vur ik t woord trug gééf èn vorst Peter wil ik dees, vur mij leeste, sluttelövverdracht óp n bezunder menieër afrónde. Dètte dames van de Kieveloeët óns nao èn t hart ston, mag duidelijk zin. Wij wille ur dan ók vanaovend óp n bezunder menieër in t zunneke zitte. Dames, veul van ollie hébbe zich al jorre ingezit vur t belang van de Kieveloeët, um dormi de Méelse geménjsjap geweldige vastelaovesdaag te kanne bieje. En zòdè die kéérels van ollie, die ollie dan dik mi t kroost aachter liete, elleken dag wir mi n sjon outfit óp pad kooste. Um den dank van de Méélse geménjsjap utj te sprééke hi t college, zónder dor wéthawer Berbe in te kénne, de Méélse zilversmid Janneke Verstappe gevraogd n pasende óndersjééjing in zilver te make. Dè ik latter in de residentie van de prins ók alle lede van de Rò en t Comité de óndersjéejing ópspèèlde, nom bij de dames wà glans van ur óndersjééjing wég. Mer utjeindelek bleek iederieën dik cóntent. Hoe koos t sjonner minne leeste liedjesaovend woor bekrönd mi t winnende lied Vastelaoves Burgeméster! Kieveloeëters en Kieveloeëterinne t was n ieër um olieën opper- ópper-ópper Kieveloeëter te mage zin. Prins Jeroen, bedankt vur de óndersjééjing die ik van ow óntving mitten tekst: Leeste ópper ópper ópper Kieveloeëter van de geménjtje Méél. Hans Smulders Inwoner van Méél 5

6 Jammer hè Jeroen 6

7 7

8 t is vurbéj 8

9 Béérmèn Begin jòrre fieftig waar d r in Méél ne groep van twèèlef jónges, die zich as kammerèùj de Béérmèn nuumde. Övveral ginge ze same hin, vural nò t kefee sóndes. Same wore d r hél wa brullefte gevierd en ze beware goej herinneringe èn die gezèllige tidj die zeker duurde tot in de jòrre taachtig. Dè kanne ge zie béj Paul Smits in d n hof. Is dè nie ne echte Béérman! de besturing övver sjakele nò de afstandsbediening van d n amateur piloot. Bijnao iederieën waar èn de beurt geweest, tot Jel toch nog n bietje geliek want d r stóng toch ne BBQ klaor. Nòw bleek ók nog dé de leveransier de gasflesse vergééte waar mee te gééve. Ik bel wal, zee Jeroen, want die zin aaltidj beréjkbaar. Mesjien dè t nèrgestorte vliegtuigske n telefoonkabel hi gerakt, mèr nò dartig kérre tevergééfs bélle, zin ze toch mér zéélef óp zuuk gegao nò n gasfles. Utjéjndelik is t toch nog allemòl goe gekómme. De BBQ leveransier wil t goe make dur nog ne kier de BBQ èn te bieje en zéélefs Jel en Brokkepiloeët Óp de dienstevéjling van t afgeloeëpe jaor, han Jel Winkelmolen en Patrick Lagarde twieë sjòn dienste te koeëp stò: vur vier persone `ne middig mi `n modelvliegtuigske vliege óp vliegveld Méél. Minder blééj ware ze toen ze huurde dè Jeroen Schriks en Patrick Verstappen allebéj die dienste han gekaocht. Ze probeerde d r mi allerlei smoesjes vanaf te kómme. t Is mèr vur twieë man en we hébbe mèr twieë vliegtuigskes. Dan kiek mèr s hoeveul dè d r in òwwe etalage hange, zee Jeroen tege Jel. Dòr is de KLM nog zjeloers óp. Nòw kónne Jel en Patrick Lagarde d r nie mèr ónderutj, zeker nie toen Jeroen en Patrick Verstappen ne gezamelukke BBQ han geregeld nò afloeëp van de vliegmiddig. Mèr óp d n dag dè t zao gebeure ging smèèregs vruug al de telefoon: mi Jel, t kan nie dur gao vandaag, want t réégent en wééjt vul te hard. Dè is wal gek, zi Patrick Verstappen, béj óns is t kurkdruug en d r beweegt gén bla èn d n bòm. En t moet dur gao, want t vlés vur de BBQ en alles wa d r bij huurt is bestéélt, dus we kómme d r èn. Éfkes latter stónge Jeroen, Patrick en al ur kammerèùj, vraolie en wichter béj de incheckbalie óp vliegveld Méél. De koffie waar al brunj en de kompjoeters stónge al èn. Kanne géllie sjòn oefene, zee Jel. Mèr dòr han ze die roomse réjs nie vur nò vliegveld Méél gemakt, vur te oefene óp ne kompjoeter. Ze kwame vur t echte wèèrek. Dus iederieën de wéj in wòr de start en landingsbaan waar. Umste beurt moogte ze n modelvliegtuigske besture. Uurst liet ne instrukteur t vliegtuig ópstéjge en as t dan óp véjlige högte vloog, koos ie mi n sjakeléérke kreeg, t begoos te réégene. Mi z n alle wér trug nò t klublokaal wòr de koffie wér goe smakte. Wòr is Patrick, vroeg d r énne nò n menutj of tien? Die is butje ènt vliege, zee Jeroen, want die was nog nie geweest. Iederieën wér nò butje en dòr huurde ze de instrukteur in paniek tege Patrick zègge: Niks doe, niks doe, ik héb m wér. Mèr héj waar vergééte um trug te sjakele nò zin éjge afstandsbediening. En zò waar iederieën d r getuge van dè t modelvliegtuigske, wòr ontiegelik veul wèèrek in hi gezééte um m te bouwe, mi de neus umlég èn de andere kant van de straot op begrafplats Héjereust in hónderd stukke is nérgestort. Nò dizze treurige gebeurtenis zin ze mi z n alle trug nò Méél gegao, Patrick Lagarde hébbe Jeroen en Patrick Verstappe mi de hél vriendeclub nog ne kieër utjgenöddigd um te kómme vliege, mèr dan wal mi bétter weer. Vliegveld Méél li óp de Lorbaan, richting Grashoek. Géllie zin gewaarsjuwd. Beugele zónder bril Tumke Scheres en Wim Ghielen doen altidj d n bril af as ze gòn beugele. Zò was t al ne kieër gebeurd dè ze allebéj de verkieërde óp han gezit. Um dè in de toekomst te vurkómme, sproke ze af d n bril ieder óp n éjge plats nér te légge. Mèr Rienus Vissenberg, die dè meegekrigge haa, kreeg t vérrig um de brille te verwissele!nò t beugele pakte Tumke en Wim urren bril wér óp de plats wòr ze m han nérgeli en ginge nò husj. Smèèreges stóng Tumke óp en zitte zinne bril óp en daacht: Wa is tur toch mi min oeëge? en héj mómpelde ik zie gén kloeëte! Héj waar al twè kérre tegen n deurkózinj èngeloeëpe en besloot um n afspraak te make béj d n oeëgarts. De vóllegende mèèrege koossjie al terèècht. Saoves ging Tumke wér beugele. Béj t binnekómme löptjie tege de klapdurre, vrieft övver zin gezeecht en aachter um kriegt Wim de trugvallende deur óp zin neus! Gò, zee Tumke wa doerege nòw? Jao, zee Wim, ik zag die deur nie ènkómme. Volges méj hérre géj minne bril óp! Dè zal toch nie waor zin; ik héb vanmèèrege al n afspraak béj d n oeëgarts geregeld! zee Tumke. Rienus Vissenberg haa wér alles meegekrigge en zee: Dan zal ik t òllie mèr vertélle; ik héb geester òllie brille ónder t beugele verwisseld! Wòrróp Tumke zee: Dè koost òw n rundje. Jao, zee Rienus, géllie kanne dur wal twieëje van me drinke, ik héb nog nòjt zò hard gelache! 9

10 10 Wér gewoon Jeroen

11 Blusse of d r van tusse De mondigaovend is aaltidj brandweeraovend vur alle Méélse vrijwillige spèùtjgaste. Zò ók die van mondig 21 december. Dizze leestem brandweeraovend van t jaor zao ók de leeste vur de geménjtj Méél wéére en dörum han de vrijwilligers alles utje kaast gehald um d r nen extra sjonnen aovend van te make. D r stóng zeker ók dankzij de vrijwillige sponsoring van d n Hangtoffel n heerlijk winterbuffet utjgestald en ók óp d n drank was nie bezuinigd. Ók de awd brandweerleeje en t college van burgeméster en wéthawers, èngevuld mitte geménjtjesikkertarres, ware vur dees biezunder gelegendighédj utjgenöddigd. Vur t college zao di t leeste treffe zin in dees hoedanighédj. En netuurlek die van dem brandweer zon die van dem brandweer nie zin as ze dees leeste kans nie zon gebruuke um die mense t vuur nog s tegoei èn de sjeene te légge: t College zao as mansjap moete gon utjrukke um ne stiekem in scène gezitte wunningbrand te gon bestrééje en dorbij zon de hèèndjes nog s éfkes flink utje mouwe gestoke moete wéére. Theo Frerichs haa as oefenpand de aaw kaplenééj geregeld en Mark van Rooij was dor óndertusse al druk doende mi t platse van oefenpóppe, flikkerverlichting en roeëkapperatuur. Want tege hallef aacht zao t edelachtbare gezelsjap vanutj de brandweerkazerne mi loeiende sirene utjrukke richting Sjoolstraot. De sikkertarres was sjon óppen tidj. Mer umdè goej wèèrek zeker vur geménjtjebestuurders tidj vandoe hi, waare dem burgeméster en zin wéthaawers wir s veulste laat trug van ur ander allerleeste plichtpleginge. t Raodhusjplein leek óndertusse van den éérdbójjem verdwene vanwege de pótdeechte roeëkóntwikkeling vanutj t oefenpand. Binne de kórtste kérre stóng d r n kómpleet pilleton ramptoeriste Brand brand! te roepe en bij ieën, ieën twieë hébbe ze nog noit zòveul Méélse meldinge tegliek binne gekrigge. Mer Mark van Rooij haa dor binne nog aaltidj gaar niks in de gate. Pas toen d r n sjoenmaot 44 dwars dur de veurdeur knalde en den heldhaftigen eigenaar van die sjoen keihard riep of d r nog iemes binne waar pas toen begreep Mark dè tjie die mense dor butje iets haa utj te légge. Ók woor d r vur de zekerhédj toch mer éfkes nò de Meldkamer Brandweer gebèèld um t ieën en ander zo gaow meugelek rèècht te zitte. Öndertusse was óp de kazerne t gezelsjap mitte Optocht 93 - Kameraploeg (Durdouwers) ènkómst van burgeméster Smulders en de wéthawers Berbe en Neijnens eindelek compleet en bezèùregde Theo Frerichs ur mer drek n verrassing dur te zégge dè ze ur colbertje en ur wémmeske mer bétter koose utjtrékke um dorvur inne plats ieën van de extra èngerukte utjrukpakke èn te trékke. Ge begriept dè t éfkes duurde vurdè dizze vólzin volledig bij óns eerbiedwaardig college was durgedrónge, mer nò de nöddige naweren utjlég begrepe ze toch wà ur te doe stóng. t Was mer goed dè bij de keuze van de pakke d r voldoende XXL in de énbiejing was, want zeker in de brédte en dan vural óp buukhöchte ware d r n paar toch wal dik én de maot. Utjeindelek stóng t vólledige college dan toch keurig utjgedost nééve Tankautospèùtj 748 en koos d r nò n kórte instructie utjgerukt wéére richting Sjoolstraot wor óndertusse utj ellek kierke en gatje de roeëk in deechte plume nó butje walmde. Peter Linders die in de rol van husjeigenaar alles en nog wà bijén permiteerde stéélde zich zò gewéldig én dè zelfs dem burgeméster bij t huure van al die ellende zinne lach nie mer koos haawe! Bevelhébber Theo gaf allebééj de wéthawers ópdracht um n butjeverkénning te gon utjvoere, terwiel dem burgeméster en de sikkertarres n uurste straol moose utjrólle en zich óp Moose stélle vur nen binnenènval. De communicatie tusse de twieë duo s verliept óndanks of dankzij de moderne apperatuur alles behaleve soepel en t ieën misverstand sprook t ander alwir tege. Mer utjeindelijk liep t gezelsjap wie in ne polonaise (um elkaar in t dónker toch zeker nie kwitj te rake) vurzie van groeëte gasmaskers en nog éfkes mi én haand zwééjend, dwars tege de roeëk in, mi vier man stèèrek, collegiaal nò binne. Dornao bleeft t n tidje akelig stil mer óp n gegééve moment meldde dem burgeméster dur zinne mobilofoon dè tjie dor binne iemes um hulp huurde roepe. Ëfkes latter kumtjie triomfantelijk mitte spréékcomputer (die slachtoffergeroep moet naodoe ) nò butje. De pop, die bij dè apperaat huuërde en nou dus gedoemd was um te zwiege as n graf, was dordur netuurlijk extra moeilek te vinge. Mer goe dè de sikkertarres, die zónder de stevige sjaower van dem burgervader génnen trééj mer haa dörreve te verzitte, zónder t zèèlef te wete bij t slachtoffer was aachter geblivve, zòdè ze utjeindelek toch same mi zonne slapjanus van n oefenpop nò butje kwame gesléjpe. En de wéthawers? Ók die ware óndertusse tegoei de wég kwitj. Utj de in ur beeste raodstaal utjgesproke portofonische meldinge bleek: dè ze waliswaor nog aaltidj min of mieër óp zuuk ware nò t fictieve slachtoffer érreges óp de uurste verdieping, mer dè de prioriteit vurluuëpig toch utjging no t herstélle van t noodzakelijke persoonlijke contact dè dur ónvurziene umstandighede helaas zónder ópzittelek toedoe van beide pertéjje, vur ónbepolde tidj was verbroke. De ènwezige brandweermen (Coen Stamme, Henk Ule, Jel Winkelmeule en Olaf Meulendijks) kosen t gezannek nie langer mer ènhure en önder t motto geen woorden maar daden woor vurdè de zuurstof óp was, t fictieve slachtoffer en ur edelachtbare hulpverleners binne de kórtste kérre utjem brand gehollepe. Bij t utjgebreide winterbuffet en t nog utjgebreidere naoblusse is d r nog wal degelijk stilgestao bij de prachtige samewèèreking tusse B & W en de Méélse Vrijwillige Brandweer wormi di toch wal wà biezunder leeste jaor ten slotte óp n fésteleke menier en in allerbeeste verstandhouding woor afgeslote. 11

12 Béj de awd prinse van Méél 12

13 De Fluiters Ergus witj vur t millenniejum, in 1993 um presies te zin, kwame Arthur Hoefnagels, Mark van Rooy, Roy Verhees en Eric Verschuren mekaar mi de vastelaovend tege. Der woor gezéllig wa sjééle waazel verkaocht en utjéindeluk kwame ze der toch aachter dè dur toch wal wa mieër moos zin mi die dréj dólle daag, as allieën mèr aachter de dörskes èn zitte en bier drinke. En zò woor beslote um us ne kieër mi d n óptocht mee te doe. En wal in de categorie wòr vur ur de méste utjdaging in lag. En umdé ze alle vier n flèùtj um de nek han hange, wòr ze mekaar en de rest binne n straol van tien mééter de trommelvlieze utj de orre flote, was de naam vur dè gruupke al snel gevónge.en zò gebeurde t dè in 1994 vur d n uurste kieër ne groeëte wage van De Fluiters mi de Méélse óptocht meetrok. Dè t toen goe bevalle is, bliekt wal utj t féjt dè de groep óndertusse flink gegrèùjd is nò dartien persone, wòrvan vier dörskes um éllek jaor wér mi ne néjje wage vur d n dag kómme um mee te doe mi d n óptocht. Nie allieën in Méél, mèr ók in Panningen, Budel, Asten, Maarheeze, Zeeland en zelfs in Kotem (Béls) zin De Fluiters van de pertééj. Òjt begónne mi hòwt en sjruufkes, dornào kieppegaas mi pepiermasjee, wérd tiggewórrig de wage afgewérrekt mi foam en sjònne blinkende vèèref, mi kóp en haand die alle kante óp drèèje en mi n geluidsinstallatie wòr ménnig discotheek gröts óp zao zin. En umdé t n hel wéérek is zònne wage te baowe, zin ze ók óntiegelek gröts op Jan Hoefnagels en André Verheijen, die wééke dag in dag utj meehellepe um de waage óppe titj klaor te kriege. t Énnigste wa ze d r vur trug wille is n kaaw pilske en af en toe ne frikandel of kroketje. Tiggewórrig wal wéérum, want ze bakke ze vort zéélef in de lòds wòr ze de waage baowe. In de beginjórre ging Eric wal s friet hale in Panningen, mi de traktor, mèr dé geréj was isjkaaw as ie wér trug was. n Tradiesie van de Fluiters is ók um mi z n alle dónderdes vur de vastelaovend nò de Efteling te gao. Ieën veurwaarde is wal, dè de wage héllemol vérrig moet zin. Utj betròwbare brón hi de redaksie van dizze krant vernómme dé ze nog nòjt in de Efteling geweest zin. Mèr wa wille ge ók as ge nò perfeksie streeft, dan is t eigeluk nòjt af. n Vaaste vraog van veul mense die kómme kieke as ze ópgestééld stón vur d n Méélse óptocht is dan ók: en, issjie druug? Dè t wal us laat wérd um alles vérrig te kriege en dan nie mèr héllemol béj de pinke béént, bleek wal utj die énne kieër dè Arthur Hoefnagels um dréj ure snaags nog de spreuk op de waage moos plékke. Héj méénjde dè tjie zò goe zin béést ha gedao, mèr toen ze de volgende dag in Maarheeze ènkwame ware ze de hélft van de letters verlórre. Vanaf dien tidj sjildere ze vòrt de spreuk óp de wage. Belangriek vur de Fluiters is de onderlinge band tusse alle leje, jóngk en awd! Lol en plezier stè hog in t vaandel. D r wérd ók hél wa afgelache téjdes de bouw en mi al die óptochte wòr ze mi meedoen. Zòas n paar jaor trug, toen Mark van Rooy en Lex Deijen veurutj reje mi de materiejaalwage óp wég nò d n óptocht in Asten. Eric zò éfkes latter mi de groeëte waage naokomme. Mark en Lex stópte ónderweges, hébbe ne groeëte slof, die ter plékke óp de groeëte wage gemonteerd moos wéére, in de sloeët geli. Ze zin n stukske witjer in n zéjweegske gòn stao in afwachting wa d r zao gebeure. Eric kwaam d r ènréjje, zag die slof ligge en héllemol övver de roeje béélde die nò die joong, die króm van t lache dè tafereeltje èn t afkieëke ware. Saoves toen ze wér trug in Méél ware han ze d r nog lol èn, totdè ze d r aachter kwame, dè ze óp de trugwég die slof écht verlórre ware. ne Sjònne stunt die de Fluiters utjgehald hébbe was in 2004 toen ze 11 jaor bestónge. Midde in de naacht hébbe ze toen véjf borde in Méél geplatst mi de tekst: Welkom in ut Kieveloëteriek. Niemes wees wie die borde geplatst ha, mèr iederieën die dur Méél reej koos wal lééze dè ze welkom ware in t Kieveloeëteriek. De Fluiters, ne éntoesiejaste groep jónges en dörskes die zich hébbe gespesjaliezeerd in t baowe van groeëte wages en wòr aaltidtj nééj leje welkom zin, jóngk of awd! Liekt dè òw wa um s mee te doe, gewoon vraoge. En dè we nog jórre van ur sjòn krejaties mage geniete. Dè zal wal lukke, want d r li nog geréj zat vur te baowe béj Martin en Fien Verschuren óp d n hòjzólder. Dè gé wal Bart Verstappen, ne zoon van Peter van Tjeu van Wippe Pier en Christie van Piet van slechter Has, ging afgeloeëpe zómmer vur t uurst mi de bus nò sjool in Helmond. Dan moete ge uurst mèr s ne kier oefene, ha Peter tege Bart gezi. Ge kéént hier béj óns vur de deur wal in en utj stappe, mèr wòr ge presies in Helmond moet zin, dè wééte ge nie. Mèr nee, zee Bart, dè gé wal. En zò stóng Bart óp zinne uurste sjooldag al óppe tidj béj de bushalte te waachte um nò Helmond te gao. De bus kwaam, Bart stapte in, en zinne uurste sjooldag koos al nie mèr kepót. Smiddes zate Peter en Christie vól spanning te waachte tot Bart tusjkwaam um te vertélle övver zinne uurste sjooldag in Helmond. Béj, zee Peter tege Christie, ónze Bart ha toch al laang trug moete zin. Un uur latter as dè de bedoeling waar, kwaam Bart mi de toong óp de sjoen tusj. Wa is dè nòw? vroeg Peter. De bus stópte nie béj óns vur de deur, zi Bart, mèr pas óp de Heibloem, toen d r iemes anders utj moos. En toen bén ik ók mèr utjgestapt, anders ha ik vanutj Remeund trug moete loeëpe. Hèrre ge dan nie óp t knöpke gedòwd? vroeg Peter. Wéllek knöpke? vroeg Bart. Toch éfkes moete oefene! 13

14 Inléjving béj de awd prinse (garre óppe klós) 14

15 15

16 16 De vastelaovesburgemésters

17 Dè is éfkes sjrikke Ók béj de van oorsprong Oeteldónkse Albert Valentijn valle de reklamefolders mi stapels tegeliek óp de deurmat. Zin oeëg viel óp n ènbieding van t navigasiesiesteem Tom-Tom, dè tjie éjgelek al langere tidj wao hébbe. Dus woor d n òwto ingestapt en koers gezit richting Remeund. Saoves tusjgekómme pakt tjie drèk zinne Tom-Tom utj en léést de gebruuksènwezjinge en stéélt d n Tom-Tom in. t Wérrekt krèk zòas t besjrivve stóng en Albert li alles in de hal um t mèèrege in zinne òwto èn te slutje. Snaachts sjrikt zin vraow Emelie wakker en géft Albert n por in zin zééj en flusjtert mi sjrik in ur stéém: Albert huur us, d r is iemes in husj, inbréékers! Albert sté óp en zit verzichtig de slaopkamerdeur óp n kierke en ze huuëre hard roepe: Uurste straot links, uurste straot links! Ze sjrikke zich rót, mèr dur is niks èn de hand. Albert hi allieën vergééte d n Tom- Tom utj te zitte. D n éllefde van d n éllefde Op d n éllefde van d n éllefde zitte d r twieje mense vur d n tilleviesie. Paul Joosten en Marianne Hunnekens. Ze hébbe n bietje griep of zòn dè de vastelaoveskriebels zin? (Altidj is Kortjakje ziek, midde in de wéék mèr mi vastelaovend nie!) Ze kieke nò de ópening van de vastelaovend óp L1. Paul kiekt s nò Marianne en vrèùgt: Hérre géj dè ók? Ik héb zin um nò t Vrijthof te gao in Maastricht. Marianne veengt t ók n goej iedee, mèr ze hi wal ieën veurwaarde. Nie zòas furrig jaor. Wa t r is gebeurd wete allieën insiders. Mèr witjer zin ze dòr vaag övver. Ze laote husj en haard aachter en vertrékke nò Maastricht. Saoves um half zeuve gé d n tillefoon béj de femielie Joosten. Linde nimt óp. Wòr is òllie mam? vrèùgt ieën van de tennisvraolie. Ze is d r nog nie en ze zao um half zeuve moete tennisse. Linde wees t ók nie en is óngereust. Gén ééte klaor en gén briefke óp d n ènrecht. Di is nie normaal. Ze hébbe ók gén mobieltje meegenómme, dus zin ze nie te beréjke. As t r mèr niks gebeurd is. Nòw zin ók de tennisvraolie óngereust. Ze stónge óp t punt um 112 te bélle, toen iemes zee dè ze misjien nò d n éllefde van d n éllefde ware! Mèr nò de ervaringe van furrig jaor waar dè béjnao ónmeugelek. Mèr wie wit? Daags dòrrnao wérd ieën van de tennisvraolie toch wal érrig néjsjierig en bèèlt nò Marianne. Ze zin inderdaad nò Maastricht geweest en t was zò sjòn! Paul moos zògenaamd gòn kieke of zinne pruuk van zin vasteloavespèkske misjien nog béj de EHBO lag in Maastricht. Die is um érrig dierbaar, want die hi tjie óndertusse al béjnao fértig jaor óp zinne kóp mi de vastelaovend. Dè t r getennist woor mi dréj vraolie, die érrig óngereust ware en dè ze n daochter tusj liete kómme zónder dè t r ééte klaor waar nò ne dag hard wééreke, dòr han ze nie èn gedaacht. Wa de vastelaoveskriebels al nie teweeg kanne brénge! Éfkes buurte mi Annelies Daniëls Mi ingang van 2001 hi De Kieveloeët n óndersjééjing in t lééve geroepe Vastelaovesvierder van Méél. Um mense die de vastelaovend óp n biezundere menier óndersteune of n gezeecht gééve ne kieër in t zunneke te kanne zitte. Want um de vastelaovend in stand te hawe, bénne ge ók afhankelek van mènse die dè óndersteune en ók utjdrage. Óp vastelaovesdinzig mi t Kieveloeëte Treffe woor bekéénd gemakt dè di jaor de ieër Vastelaovesvierder van Méél 2009 toekwaam èn Annelies Daniëls. Zéj krig van Z.D.H. Prins Jeroen I van C.V. De Kieveloeët de spesjale óndersjééjing övverhandigd mi n oorkonde en t Méélse Fratske, n brónze vastelaovesafbilding, die zéj n jaor mag hawe. Óp t énjd van t furrig jaor ginge twieë redaksieleje éfkes buurte mi Annelies. Annelies woor óp t Kieveloeëte Treffe tótaal verrast toen ze huuërde dè zéj de vastelaovesvierder van t jaor waar gewórre. Dòr haa ze écht nie èn gedaacht. Vastelaovend viere hi ze van husj utj meegekrigge. Urre pap dee mi zin Bèlze knolle jórre mee èn de boerebrullefte en Annelies waar as dansmarietje al aktief óp de bónte aovende toen die nog gehawe wore in de nòdkéérek (nòw beugelbaan). In 1980 waar ze prinses béj de Kéjsjeute en ur bruur Peter waar prins béj de Knaptoeët. Annelies is inkele jòrre geléjje begónne um de Méélse poletiek in de spotlight te zitte same mi Monique Strijbos. t Is begónne óp t Kieveloeëtetreffe en is utjgegrèùjd tot vólwasse optréjes óp de bónte aovende en bónte middig. t Hél jaor wéére meugeleke ónderwerpe béj elkaar gezoocht en vanaf september wéére de tekste gemakt en wérd gezoocht nò n tiepetje. Dè koost veul tidj, mèr ze veengt t sjòn um te doe en gelukkig héélt urre vriend Frank Dorssers ók van de vastelaovend. Ome Pieter Joosten mi ur bruur Peter en ók Bertine van Heugten, die same mi Linda Koopmans Bon Apart vèùremde, ginge ur veur mi ur béjdrages èn de bónte aovende. Ge kaant zégge t zit in de femielie! Annelies zit ók al jórre in de vastelaoveskómmissie béj buurtverénniging Bemselkesveld en is dòr ne kaartrékker um mee te doe èn de Méélse óptocht. Annelies is utjdraagster van t Méélse diejalekt. As t nöddig is, verbéttert ze òw dòrrin. Ze veengt t seunt dè t ABM (Algeméjn Besjaafd Mééls) steeds minder wérd gebruukt. Óp de woenzig vur de vasteloavend is d r ne bónte aovend in Zèùrigsentrum St. Jozef. Annelies makt n programma, prissenteert d n aovend en zèùrigt dè de bewoners óp de tòffels stòn. As t wèèrek t toelöt wérd t r same mi Frank vier daag vastelaovend gevierd en slòn ze niks van t veurprógramma övver. n Hògtepunt is t P&M liedjesfestieval, dè ze al bezuuukt vanaf dè t besté. Zèèlefs ne kieër as délnemer mi Wurt Niks die mi Boemeltréjn in Kunningslust de liedjesaovend han gewónne! Annelies zèùregt mee vur veul puur vastelaovesplezier. Dòrrum verméldt de oorkonde terèècht: Vur enorme inzit vur de Méélse vastelaovend in t Kieveloeëteriek bénne ge benuumd tot vastelaoves vierder van Méél in

18 Ók Hubert wérd t nie 18

19 Ekskursie Nard Vissers van kefee de Siem organiezeerde in mért n ekskursie nò de Lindeboombraowerééj in Néér. Tusse de vieftien en twénjtjig man han zich ópgegévve vur dees lieërzame ekskursie. Lieërzaam in die zin dè t gezèlsjap te zie zao kriege, hoe t Lindeboombier gebraowe woor en ók lieërzaam umdè ze de kans zòn kriege de versjillende sórte Lindeboom te pruuve. Óp mòndigmiddig um hallef twieë waar afgesproke béj de Siem béj mekaar te kómme. Óndertusse dè iederieën binnedruppelde, kwame d r ók twieë taksiebuskes die t gezèlsjap nò Néér zòn brenge. Um kwart vur twieë gaf Nard èn dè t gezélsjap kómpleet waar: We kanne vertrékke! De jóngste van de groep ginge in t uurste buske zitte en de awwere in t twédde. De buskes zitte koers richting Néér. Halverwege Piet van Èèvert klónk in de twédde bus de paniekerige stem van de sjófeuze van de uurste bus: Stóppe en trugréjje, we zin iemes vergééte! Dè waar lache natuurlek! Hoe kan dè nòw? Toen ze aachtereum keke zage ze Nard druk gebarend èn kómme loeëpe mi d n tillefoon nog èn zinne kóp! Wa waar t geval? Toen iederieën in de buskes stapte, waar Nard éfkes aachtereum t kefee utjgeloeëpe um te slutje. Vur zin neus zag héj de buskes vertrékke. Toen hi tjie gaow Bertjan Trines gebèèld, die in t uurste buske zaat. Die hi alarm geslage! Iederieën lag in ne deuk, toen duidelek woor wa d r gebeurd waar. Èfkes latter stapte Nard in: Géllie zin me sjòn. Regel ik n ekskurzie, vergééte géllie méj en dan wérd d r ók nog gelache! Mesjien han ze nog harder gelache as ze d r in Néér pas aachter ware gekómme dè Nard nie in d n taksie zaat! Afsjèjd van Frits en Miranda n Vrimde gewaarwééring um òllie vanaf dees plats toe te mage sprééke. Iemes ópvòlge mi zònne staat van dienst is gén kléjnjighéjdje. We sjrieve t jaor Frits woor gebèèld óp zin wèèrek dur Wiel Janssen. Wille géj prins wéére van de Kieveloeët, jóng? Zòiets moet t geweest zin. Òwwe kòllega, Marleen Meijer, haa t in de gate. Althans, dè daachte géj. Ge béént dòrrum zèllefs nog nò n resepsie gegao óp d n aovend van t prinsebal um alle verdinkinge te verkómme. En dòr was sjie: Prins Frits I: Óp de neut van meziek, dur t Kieveloeëteriek. Dòrmi ging Méél en dan vural de hérmenie aachter òw èn. t Jaor dòrróp vòlgend troje ge toe tot de Rò van Èllef. Ik héb utj betraowbare brón vernómme dè géj smòndes, hoewal géj lid van Rò van Èllef waart, zéllefs in Venlo vastelaovend hét gevierd. Dòr bleek wal dè t in Méél zò slèècht nog nie waar en JAO ge had intusse Miranda lieëre kénne. Jao, die Rò van Èllef: ne sjònne tidj vur òw, mèr laote we éérlek zin: nie héllemòl òw ding. n Hallef jörke nò òw afsjéjd van de Rò van Èllef en de Kieveloeët woore ge in 1990 gevraogd of ge veurzitter van de Kieveloeët zòt wille wéére. Wim, Piet en Pierre kwame òw vraoge. t Gesprek vóng zéllefs plats in de beeste kamer béj òllie tusj en dè wil wa zégge. Ge hét dòrróp drèk jao gezi. De Kieveloeët ónderging ónder òw léjding n verjóngings- en módernieseringsslag. Géj weest t kómmietee van dien tidj te övvertuuge dè n verénniging bestònsréécht hi as t r óp zinne tidj néjje en jónge ènwas béj kumt. De gemiddelde lééftidj ging langsaam mèr zeker umlég, mèr ge waart d r kien óp dè tè nie moogt resultere in n kwalietatief mindere verénniging. n Brééje afspiegeling van de geménjsjap mooste we zin en blieve. D r woor gemodernieseerd. D r kwaam ne agenda en notule van de vergadderinge die iederieën tusj kreeg! Via de iemeel wal te verstao! Joost waar òwwe utjvoerder in di gebeure. En zò Frits ware d r dieverse zake wòr géj òw hard vur hét gemakt, dik vergezèld van t bekéénde haandzwèèje, gevòlgd dur hòw óp, sjéj utj, dè béj iederieën ingeburgerd is gerakt. Vurutj kieke en kónsekwensies van aksies inzie ware dòrbéj òw stèèreke punte as ge t méj vraogt. Inkele hògtepunte die géj hét meegemakt zin toch wal t 4 X 11 jèùrig jubielejum, mi de ónthulling van t bildje t Kievelménneke en t 5 X 11 jèùrig jubielejum mi de utjgave van t jubielejumboek, de vastelaovesdienste die dur òw Miranda wore ópgestééld, utjeraard alle prinse die ge utj òwwe hoed hét getoverd en óp t énjd t technies dierekteursjap van de wagekómmissie! Miranda. t Wérd dik gezi, de vraow aachter in di geval de veurzitter. En dè geld béj òw in t biezunder. Géj hét Frits de ruumte en de meugelekhede gegévve um zich vur hónderd persent in te zitte vur de Kieveloeët. En dè in n periejode die gepaard ging mi hògtepunte mèr ók mi dieptepunten. Veul aovende waar héj van husj um de vastelaovend in Méél in goej baane te léjje. Of Frits veul dikker tusj zal zin dur afsjéjd te neme van de Kieveloeët wit ik nie. Géj had ók n groeët èndél in t ópstélle van de vastelaovesmis. Dankewel dòrvur. Frits, n paar jaor geléjje hé ge binne t kómmietee al èngegévve dè ge afsjéjd zòt gòn neme van de Kieveloeët. Zò as òw pèèst doe ge dè allieën as ge alles mi n gereust hart kaant aachterlaote. Nao 19 jaor is dè móment gekómme en ge hét òw taak fantasties kanne vólbrénge. Vur al dè sture en vur al dè wèèrek hébbe wéj beslote um òw te benoeme tot ERE VEURZITTER van C.V De Kieveloeët. Ik wil Prins Jeroen I vraoge um t spèldje dè béj dizze tietel huuërt óp te spelde béj Frits. Di speldje is gemakt van echt gòwd en vurzie van de inskripsie Ere Veurzitter. Draag t mi trots! Utjeraard huuërt hierbéj ók n oorkònde. Dòrnééve hébbe wéj Marie Louise Cabou ópdracht gegévve um n kievelménneke te make in bróns. Dè wille we òllie ènbieje en hope dè géllie hiermi maagt trugkieke óp ne sjònne tidj béj C.V. De Kieveloeët. Frits en Miranda nog dréj punte!.dè hérre géllie sjòn wéggezit. Lòt m ròlle. En dank òllie wel. Appelaksie Mi de appelaksie waar Hans van Hadje van Hèrmestun béj Els Korsten, natuurlek um dòr n hél pertéj appels te verkoeëpe. Dees appels zin éjgelek te sjòn um óp te ééte, die moete ge in òw bloemstukskes verwééreke, zee Hans. Ik lus t r éjgelek ók gén, zee Els, mèr ander jòrre kwaam René Claasen aaltidj spesiejaal vur méj n putje appelmoes brénge! Jè, daacht Hans, dè is toch ècht gén gezeecht. n Bloemstuk mi n putje appelmoes d r in. Mèr goe dè Els di jaor wér gewoon appels gekaocht hi. 19

20 ne sòlliesietant um prins te wéére 20

21 Goe Gehusseld Ók hofkepèèl Goe Gehusseld levert di jaor wér n béjdrage èn de vastelaovenskrant van Blééj ken ik wal zégge, want t is goe um Goe Gehusseld in de kieker te zitte!! We gòn di jaor alwér vur de achtste kieër mee mi de Kieveloeët. We blaoze de prins mi zin gevolg nò binne en ók wér nò butje, dréj daag lang. En dan nie te vergééte dè we mi t prinsebal, mombakkusbal, óp de woenziig vur de vastelaovend béj t zorgcentrum en vréjdes óp de brééj sjool óns bééste bieën veur zitte. D r zin netuurluk leje die mezieknummekes utj de kóp kénne, die hébbe dan ók gen klipke óp t instrument stao, mi n buukske vól neut. Éllek jaor kómme d r nééj nummers in óns meziekrepertwaor béj en t liekt méj nòw s sjòn um òllie mee te neme in ne toer dur óns meziekbuukske van Wa stè d r allemòl in? Dus.. welkom béj de róndléjding dur t Goe Gehusseld meziekbuukske van Hérre géllie al KRIEBELS? Óp dizze SUPER SJOENE DAAG wil ik beginne um same LÉÉVE DE KIEVELOEËT mi òllie te zinge. Ik moet zègge dè t WAHNSINN klónk. Ik nim èn dè géllie méj allemòl kanne verstao?! Anders huur ik géér WAT ZAETTER? Óp ZOENEN DAAG as vandaag is t netuurluk belangriek dè ge gén doorst kriegt, dus BESTEL MAR! n Pilske of toch ne GRIEKSE WIJN, mesjien gewoon watter, HÖF DE GLAZER IN DE LOCH en laote we same prooste óp de vastelaovend van Witte ge, DET ZIT BIE OS IN DE FEMILIE of t nòw DONDERT EN BLIKSEMT of ICE CREAM weer is, dè du d r nie toe. Mi de vastelaovend in Méél zin wij IN D N HIEMEL. Dòrvur hoeve we nie nò FIËSTA MEXICANA of VIVA COLONIA. We hébbe t goe in t LAND VAN PEEL EN MAAS. As d r nog vraoge zin, dan huur ik t géér. Gèn vraoge? Dan gao ik nóg efkus dur, want vur ge t wit DEN GAON DE LEMPKES AON en is t DE HOOGSTE TIJD um dizze róndléjding af te slutje. Ik hoop dè géllie n bietje inzicht hébbe gekrigge in t Goe Gehusseld repertwaor. Ik ken d r NIE MIER EN NIE MINDER van maake. Ik gao afslutje, vurdè ik HEI Carnaval 93 - Durdouwers BLIEF PLEKKE!! We kómme mekaar zeker tege, en mi de FESWIES POLKA of bètter bekéénd as CHODOUNSKA, hope wéj t òllie wér allemòl nò de zin te make. Hérre ge zin um mi óns mee te toete of blaoze? Kiek dan óp ónze websajt: vur mieër informasie. Ge kéént ók gewoon iemes van Goe Gehusseld ènsprééke as ge dè mèkkeliker veengt. VEER HÖBBE ZIN DRIN en we wense iederieën ne kééj sjònne vastelaovend 2010 toe. ALAAF!!! Coosje (Colinda van Bergeijk) Goej hullep! Zòas ieder jaor gebrukelek gòn de Érpelemèèndjes nò ur óptreje van de bónte middig op zóndigaovend nog altidj èrges wa ééte um nog s utjgebréjd nao te klasjienere övver de afgeloeëpe daag. Zò ók furrig jaor toen ze nò t Oranje hotel toge vur ne goeje hap en n drèngske. Zòas ók ieder jaor begeent Geert de Leeuw dan altidj te kake dè dur sjampazie (léés: champagne) óp de tòffel moet kómme um de bónte aovende goe af te slutje. Piet de Bruin haa ónder in de kelder nog wal n paar goej flesse ligge; dus die begoossjie ieverig in te sjudde in van die hoeëg sjampanjeglaaze. Henk de Leeuw méénjde dè tjie de Érpelemèèndjes koos verrasse dur zèèlef de sjampanje te gòn servere umdè tjie in t verleje óp de bónte aovende Leon de Bruin en latter ók nog Gea nao ha gedao. Héj ha èn Piet ne bloes gevraogd die ze dòr ók in de bediening èn hébbe en die ha tjie zich èngedao. Piet haa t uurste dienblad al vur um klaor stao mi óngevieër vértien glaaze sjampanje d r óp. Piet zee nog tege Henk dètjie vurzichtig èn moost doe, wòrróp Henk zee: Nee nee nee, ik Ren-nie. Dus dòr ging ie mi zin dienblà nò de tòffel hin wòr de ërpelemèèndjes zate. Rèèchtdur dè ging nog wal, mèr toen ie d n uurste bocht eum moos, begoos dur al n glas gevòrlek te sjuddele. Henk stópte drèk mi t gevolg dè al die vértien glaaze ieën vur ieën van t dienblad afsjove èn óp de grónd kepót viele. Héj stóng d r éfkes beteuterd béj te kieke, mèr t hi de pret nie mage drukke en ze hébbe toch nog ne sjònne aovend gehad dòr béj de Bruin. Toen Henk óp t énjd van d n aovend nò husj ging en hòjje riep, zee Piet nog Welteruste Henk en... nog bedankt vur òw hullep! Mééls diktee Op vréjdig 13 nóvember woor in t kader van Méél blieft Méél t groeët diktee der Méélse taal georganiezeerd. Alle délnemers din ur utjerste beest um weurd van t Mééls in t Nederlands te vertale en van t Nederlands in t Mééls. Dòrnééve woor utjgepuzzeld welke persoeëne óp de foto stónge en wa de echte naam waar die huurde béj ne béjnaam. Dòrnao kwaam t groeët diktee dè gewónne woor dur Marian Rooijakkers. De délnemers han zich goe veurberéjd um de spelling volges t Mééls Woordeboek ónder de knéjje te kriege. t Waar ne sjònne aovend wòr flink gediskussieerd woor övver de goej sjriefweezje en de betieëkenis van de Mééls weurd. Dè verdient n vervolg. Dòrrum wille wéj òllie géér t diktee laote lééze. Misjien dè t èntal délnemers volgend jaor dan nog wa gròtter is. Allemòl kómme ééte! 1. Wa han ze wér n lééve dòr èn de keuketòffel in t husjhaawe van Snéjjer Toone Fritske. 2. Merie, de awtste van de dörskes èn vandaach óp de kóp af twénjtjich, gaf Jonh, de jóngste van t stél de flès! 3. Fritske, vernuumt nò zin vajjer, zaat te knòjje óppe pót mi n druuëch keursje tèrvebroeët. 4. De tòffel stóng in de goejkaamer ópgedékt vur Fritske, zin vraow en zeestien wichter, de méste nòg in de grèùj en allemòl hónger as n pért. 5. Den héllen dag han de vraolie aachter t fernusj gestao en nòw mèr hoope dè iederieën zat haa. 6. Unnen hoeëp han ze utjgeprakkezeert um iederieën goej koost veur te zitte; génne èèremoej vandaach mèr ééte zat! 7. Jujnjesoep, vólóp ééjer, érpel in de paan, gebraoje kèrmenaaj, kneenj in t zoe:r èn as nao: zèèlef gemakte bóttermölleksepap. 8. Toon, die óngerakkesen doorst haa, rie:p: tis nòch groeëte sjaant ónze Frans dringkt nòw al as unne kittelapper straks is t jeungske stróntzat! 9. Lòt t jong mèr gewérre zee Sjaak, zò medénnes nòch éfkes butje speule en dan de hoort óp, wédde dè t mènneke slöpt vur t aovent is! 10. En zò gebeurde t: nòch vurdè ze t nusterke ginge bidde èn de léwwerik vur den allerleeste kieër nò den himmel waar gestigge, slie:p Frans as n roeës. 21

22 Di is nie de nejje prins 22

23 Stookverbod Bij Leon van Gradje Bots óp t Kérkveld wért riggelmaotig vur de gezellighédj dem butjenhaard éngestókt. Zò ók óp die sjonne veurjaorsaovend érreges in t begin van juni. Belinda zao binne wà hartige hapjes klaormake en zèùrege vur wà geestverrumends um te drinke. Leon stóng óndertusse mi t hépke vast wà deun ènmaakhöltjes van nen dikken eikem blok te kappe. Di kappe was buurman Rob van Pol nie óntgao en toen-ie éfkes latter de uurste roeëkpluumkes bove de hég utj zag kringele kreeg-ie inéns n méélig idee um Leon s lekker te pakke te neme. Want die haa leest óp n fésje bij Piet Kessels mi énnige övverdrieving zitte verkondige dè Rob van Pol wersjeenjlek veuls te naat kééj verkieërd hout stókt umdè zinnen butjenhaard aaltidj zò versjrikkelek sté te stinke en te walleme dè ge óp n gegééve moment in de hél buurt entrint nie mer aachter owwen ojjem kaant kómme en gén haand vur oeëge mer kaant zie. Al drek zag Leon hoe zin körkdruuëg eikenhout spóntaan knepperend vlam vatte en óp t moment dè tjie zich tevrijje mi zin uurste fleske bier aachterövver in zinne stoel liet zakke ging d n tillefoon: Met de regiopolitie Noord-Brabant Spreek ik met de heer Bots?.. Klopt het, dat u op dit moment aan het stoken bent?.. Er hebben inmiddels meerdere mensen wonende aan het Kerkveld en Paspaadje bij ons melding gemaakt van rook- en stankoverlast vanuit uw achtertuin. Wij willen u vriendelijk doch dringend verzoeken uw vuur onmiddellijk te doven aangezien wij ons anders genoodzaakt zien verbaliserend op te treden. Totaal övverdónderd dur dizze ónvurstélbaar pietluttigen toestand ging Leon al drek mitte hakke in t zand. Dè tjie d n haard nog mer kwèèlek twé menutje gelééje éngestókt haa en dè tjie zich nie koos veurstélle dè t r ók mer èn man laast van koos hébbe umdè tjie allieën mer van t allerzuverste körkdruuëg hout gebruukt haa en wie dè t r dan in simmels naam allemol wal nie gebèèld moose hébbe! Dor koose ze bij de pliessie netuurlek in t kader van de wét óp de privacy hillaas gén mededelling övver doe. Leon rakte nou langsammerhand toch wal n bietje éngebrand en groomde dè die mense dan trouwes mer s persoonlijk bij m nééve moose kómme dan koose ze potverdórrie mi eige oeëge zie Sorry meneer Bots, maar als u het vuur niet onmiddellijk wilt doven En minnen aachterbuurman dan snaawde Leon,die vuulde dè zin lóntje bijnao ópgebrand rakte, kriege géllie dor potvernóndepie dan noit gén klachten övver? U bedoelt de heer van Pol? zee de stéém èn den andere kant um dornao in t plat Mééls te vervollege mi te zégge: die hi mij trouwes gevraogd um ow de hartelijke groete te doe en ow names de buurt veur te stélle um de zaak vur dizze kieër toch mer in den doeëfpót te stóppe. Verekkese kloeëtzak zee Leon stoeëm afblaozend in zin eige, nòdè tjie huuërde hoe den tillefoon èn den andere kant lacherig woor nirgeli. Kieveloeëds Téjdes t tradiesjónele wagerééchte óp 20 fibberwarrie 2009 zin Peter en Margret van Bree utjgeroepe tot ridder in de orde van de Kieveloeëds. Zéj wore bedankt vur al die jórre gastvréjhéjd in de vèùrem van t besjikbaar stélle van de verwérremde loeëds vur t baowe van de de prinsewage. Mèr ók vur t inpakke van de appels vur de appelaksie en t instééke van de vastelaoveskrant koos de Kieveloeët altidj béj ur terèècht. Ók koos gebruuk gemakt wéére van de kantiene, wòr altidj n wèèrem békske koffie klaor stóng. Dòrrum hi de Kieveloeët de lòds mèr eumgedòpt tot Kieveloeëds. Peter en Margret nog ne kieër geweldig bedankt en de Kieveloeët hoopt nog dik gebruuk te mage maken van òllie gastvréjhéjd. Grötse Vader Nog nie zò laang geléjje, toen Selvera Pijnenburg, daochter van Math en Hanny Pijnenburg, nog witj in t zuide van ónze provinsie wónde, woor ur gevraogd of ze zangeres wao wéére van n platseluk kovverbendje. Nou kan Selvera béést goe zinge, dus greep ze dees kans mi twieë haand èn. D r woor wéék in wéék utj gerippeteerd en utjéjindeluk han ze ur uurste optrééje te pakke in n zéélke in Venlo. As grötse awers mose Math en Hanny der netuurluk béj zin. En umdé zoiets nie dageluks gebeurt, moos dè ganse optrééje ópgenómme wéére óp video. Vur Math n sjòn kans um zinne splinternéjje video-camera us goe utj te probere. Nòw wit Math wal hoe zòn ding wérrekt, want hij hi al versjillende van die mini-camerakes verslééte: lénsképke los, bééndje derin, batteréjje vól, hoe moeilijk kan ut zin? Vur de rest du zòn wónder van techniek bijnao alles zèèlef. Óp die bewuste dag dé Selvera moos optrééje stóng Math al vruug in d n aovend veurèn béj t podiejum mi zinne néjje camera in de ènslag. Tot dieëp in de naacht hi Math élk nummer wa dur ten gehure woor gebroocht gefilmd. Mi n vóldao gevuul, twieë laam éérum en euveral spierpinj, ginge Math en Hanny wér nò husj. De volgende dag woor die camera drèk óp de kompjoeter èngeslote um alles vur éwwig óp de diegietale sjief vaast te légge. Mèr t énnigste wa ze huurde, ware vier tikke van de trommelstök en dòrnao geklap. Um van t bild wa ze d r béj zaage nog mèr te zwiege. Wa is t r toch mi die kompjoeter èn de hand vroeg Math èn Hanny? Mèr wa ze ók probeerde t énnigste wa ze huurde, ware steeds die vier tikke van d n drummer en dòrnao wér t geklap van t volk wa dòr in de zaal stóng. Ut hi éfkes geduurt, mèr hél langzaam kwaam Math tot de konkluzie dé tjie élkes kieër as ie wao opneme zinne camera utj zaat en as t liedje afgeloeëpe was, die camera wér èn zaat. Héj vóng t ók al vrimd dè de roeëj lémpkes presies anders eum wérrekte as béj dien andere camera die tjie gehad haa. Un geluk béj n ongeluk is mesjien, dè t uurste nummerke wa die band gespuld hi d r wal goe óp stóng. Lòt dè nòw t énnigste liedje zin wòr Selvera nie mi mee hoefde te zinge! Nèèjgréj De leje van sportklup t Kumt zich nie zò krèk gòn regelmaotig same mi de vraolie n wiekendje óp stap. Zò ginge ze in 2009 ók ne kieër nò Ruhrsee in Duitsland. Giel van Loet van Sil en zin Mia en Ger en Annelies Doensen ware èn de beurt um t dizze kieër te òrganniezere. t Tema van di wiekend waar Ik haaw van Holland. In de aovendure zòn d r spèllekes wéére gedao en dòr mooste preesjkes vur wéére gehald. Die zòn ze wal s béj de Aktion béj elkaar gòn zuuke. Toen ze in die winkel èn t róndsjume ware zee Annelies van Ger ópéns: Hier hébbe ze nééj gréj zat. n Verkoeëpster die dòr iets van ópving zee tege Annelies: De nèèjspulle ligge dòr aachter in de winkel. Of ze dòr nog iets van gekaocht hébbe, wete wéj echter nie. 23

24 Hier kumt tjie dan, d n néjje prins 24

25 L.V.K. koorts Vur diegene die t nog nie wete: LVK is de afkòrting vur Limburgs Vastelaovesleedjes Konkoer. Veul Méélse han d r nog nòjt van gehuurd tot dè furrig jaor De Bubs vur n geweldige stunt zèùrigde, dur mi ur liedje Traone óp min wange dur te dringe tot de halve fienale van t LVK. En toch bestè t LVK al sins Iederieën in Limburg die n éjge vastelaovesliedje gemakt hi, kan mi t LVK mee doe. Ge stuurt t nummer gewoon in en n vakzjurie kiest dan utj alle inzendinge seestig liedjes die durgòn nò de halve fienale. Klingt mesjien mèkkeluk, mèr as ge naogot dè d r vur di jaor allieën al 260 inzendinge ware, is t toch n hél prestasie um béj die lééste seestig te kómme. Mèr dan kumt de gròtste utjdaging: ieën van de niggentien fienaliste wéére. Dréj halve fienale utjzendinge op L1 wòr dan éllekes kieër twénjtjig nummers gedrééjd wéére, moet t volk van Limburg euvertuge um de bónne, die dan in de krante stòn in te vulle en óp te sture. Ók n vakzjurie bepaalt mee wélleke niggentien liedjes in de fienale kómme. Presies utjlégge hoe t allemòl wérrekt hi nie zò veul zin, want as di krééntje utjkumt, is de fienale al geweest. Dè t vur De Bubs gén éndagsvlieg geweest is, bleek wal óp 14 december van afgeloeëpe jaor. De hél Bubs zaat béj Klompe Toon in de lòds te lusjtere nò de L1 utjzending, wòr de seestig halve fienaliste bekéénd gemakt wore. En t daak ging d r af toen Henk Hover bekéénd makte dè De Bubs utj Méél, mi t liedje Volgend jaor béj de seestig halve fienaliste huurde. Mèr t fést woor nog veul sjònner toen as twéënvértigste nummer bekéénd gemakt woor, dè ók Vérrig mi Hier bén ik groeët gewórre in de halve fienale stóng. Wa n geweldige prestasie van Frits en Monique Strijbos, René en Patricia Claasen en Don Gielen. Twieë Méélse vastelaovesliedjes in de halve fienale van t LVK!! En vanaf nòw wit hél Limburg, wa wéj hier in Méél al jórre wete: d r wéére in Méél gewoon hél sjòn vastelaovesliedjes gemakt, die zelfs tot de top van Limburg behure! En dòr mage we béést gröts oó zin! Béj t drukke van di krééntje was nog nie bekéénd of De Bubs of Vérrig, mesjien wal allebééj, béj de niggentien fienaliste behuurde. Mèr alieën al béj de bééste seestig van Limburg te hure is netuurluk al n prestasie van formaat!! Purfiesiejat! Liedjesaovend Wéj kriege n goej gevuul as we de néjje ceedee van de Méélse Liedjesaovend huuëre. Dor kómme wéj géér s vur utj die lèùj stuul. We han di jaor vértien groepe die mee din mi de leeste Liedjesaovend van de geménjtje Méél. Stuk vur stuk hél goej sjlagers. Dòr ha de zjurie wér ne zwaore dobber èn. Iedere groepe hi dan natuurlek wa éjge fens béj zich mèr di jaor waar d r zèllefs ne groep di ne Finse fen han. De Pieël Parels din wér mee di jaor. Vur degene die nie wete wie dè zin, dè zin Irma van Joppe mi ur daochter Ellen. Zéj han ne wepkem in de zaal stao zòdé Jurgen, zoon van Irma en zòdoende dus de bruur van Ellen, vanutj Finland mee koost kieke en lusjtere. Wie ha dè gedaacht dè de Méélse Liedjesaovend nog s live te vollege zao zin in Finland. Ut was wir unne hélle gezellige aovend mi óppe tidj unne sjonne polonaise dur de zaal. De winnaars van di jaor dè zin Óngerakkesen Doorst mi de Vastelaoves Burgeméster. Zéj krege van de zjurie de kievelprisj. De twédde plats waar vur Nie Wisj en de dréjde plats vur De Bubs. Nix n die di jaor fantastisch verkléd ware as Surinaamse dörskes hebbe de prizzentasie-prisj gewónne. Óngerakkesen Doorst is nò t P&M liedjesfestival in Baarlo geweest as afgevaardigde van de Kieveloeët jammergenóg viele ze dòr nie in de preezje. Jónges bedankt vur òllie geweldige inzit. Umdè we dè liedje allemol kéjhart mee moete kanne zinge sté hieronder nog s de tekst van de Vastelaoves Burgeméster. Óngerakkesen Doorst - Vastelaoves Burgeméster Héj zaat leest de gezit te lééze, t Gros ging övver pólietiek s Énne kieër de prins te zin Dè leek m echt wal sjiek Héj zao de Vastelaovend laote lééve. Vur mieër as minder dan de hélleft van t geld. Want in kriesistidj toch óppe lappe, jao dè s is toch wa t r téélt Refrinj: Vur de Vastelaoves Burgeméster, kómme wéj géér s utj die lööj stuul. Van zin nééj planne, kriege wéj n goej gevuul. Mi dees daag hi héj t vur t zégge, s aoves laat, dan is t wir zò witj Nò t leeste reundje, zin wéj de film hallef kwitj Vur zin plan ha héj t gaow gesjoote. En viet t leeste bietje geld De geméntj ha nog n putje Geliek de kasteléjns gebèèld. Zin plan woor dòr óp haand gedrage. t Bier kumt mi subsiedie utj de tap. Zò kanne ge mi wa losse euro s De ganse dag óp stap. Refrinj: Tusse-stuk: Ók nao de Vastelaovend zal héj zich laote zie Want butje di dörrep dòr kénne ze hem nog nie. Dòr gé héj zin plan verkoeëpe en wa is dan t geval t Is vur alleman Karnaval. Refrinj: Vur de Vastelaoves Burgeméster, kómme wéj géér s utj die lööj stuul. Van zin nééj planne, kriege wéj n goej gevuul. Mi dees daag hi héj t vur t zégge, s aoves laat, dan is t wir zò witj Nò t leeste reundje, zin wéj de film hallef kwitj Nò t leeste reundje, zin wéj de film hallef kwitj Weurd: Óngerakkesen Doorst Meziek en arranzjemènt: Marcel Driessen Óngerakkesen Doorst dè zin: Jesse Janssen, Johan Theeuwen, Robin Kömhoff en Rob Vercoulen 25

26 Tjerk wérd veurgestééld 26

27 Kuus oeht Méél Al vruug in de mèèrege óp ne zotterdig in junie gé min deurbèèl. Ik lig nog óp béd en zal d r toch utj moete, want ze hawe mèr nie óp. Mi veul moete en tegezin haal ik de veurdeur utj t slot en zit dees óp n kier. Al wennend èn t prille dagleecht sté t r n klien dörske vur méj, mi dòraachter ne groeëte méns gekléd in ne halleflange réégenjas. Nog net zie ik de deur van de övverbuurvraow deechtgao mi n ónhéjlspéllende blik óp ur gezeecht. Vur ik ók mèr iets kan zégge begeent t klien dörske te vertélle övver de machtige Kuus en hoe de éllef gròtste Vèèrekes same mi urre geesteleke veurganger de prins ur t leecht hébbe doen zie. Dan begeent de groeëte méns in de réégenjas te vraoge of ik geluuëf in vastelaovend en of ik d r wal s goe övver naogedaacht héb. Nòw snappe géllie dè ik in junie wal erges anders mi bezig bén dan mi vastelaovend, mèr goe. Ik vertél dan ók dè ik ne nette respektvólle Kieveloeëter bén. Wòrróp die méns n liedjesceedee te veursjin halt en begeent te vertélle övver de nééj geménjtje Pieël en Maas en dè t Kieveloeëtedom nòw n groeëte minderhéjdsgroep is gewórre. Mèr as ik me zao bekiëre tot de Machtige Kuus en de éllef gròtste Vèèrekes ik t leecht zao zie. En hoe de uurste 1100 die goe zin en goe doen, zich utjéjndelek mage vuuge in t gezélsjap van zinne Goddelekhéjd de Kuus. Nò wa slap gepraot övver de wederópstanding van urre Kuus en hoe zéj t leecht kómme brenge trék ik min kónkluzies. Hoewal verlichting lékker klingt in min òrre, zeker nao n aovendje durzakke mi de zwaor vastelaovesdaag. En ik absoluut gén vegetarier bén en n lékker mals lépke vèèrkesvlés d r in gé asof t niks is. Nee, toch zal ik altidj Kieveloeëter blieve en is min plékske nie t goddeleke Slachthusj mèr t gezéllige Kieveloeëteriek. Nog ne kieër dreengt die méns èn óp verlichting, wòrróp ik snel nò bove roep: Mam, die méns van Essent is t r. En ik beslutj nò de wc te gao. En laote we érlek zin, wòr wone de méste vèèrekes? In Méél of in Helde? Paul van Bussel Merkwaardig advies vur jubielarisse hérmenie Béj de Méélse hérmenie ware zis jubielarisse: Ber Diederiëns, Toon Berben, Piet van Bree, Thei Lemmen, Theo Absil en Mia Basten. Óp t Sesieliejafést woor d n burgeméster utjgenöddigd um ze toe te sprééke. Tidj um n kado te koeëpe ha tjie nog nie gehad, mèr dè zao nog goegemakt wéére. n Paar wééke latter krege alle jubielarisse ne brief van d n burgeméster van de geménjtje Méél, wòrin ze gefeliesieteerd wore mi ur véjfentwénjtjig, fértig, fieftig of seestig jèùrig lidmaatsjap van de hérmenie en n kadobón. Óp t éjnd van d n brief sprékt d n burgeméster de hoop utj dè ze nog veul jórre de sjutteréj n wèèrem hart toe zalle drage. Zao d r sprake zin van herindélling? Nee, gewoon ne brief van de geménjtj mi n fòwt! Nò zòveul jòrre lid van de hérmenie is t natuurlek óndoenlek um te kieze vur de blaow of de gruun! t Zal toch wal duidelek zin dè de hérmenie die tròwwe leje héllemòl nie kwitj wil en dè de sjutteréj d r nie óp stè te waachte! Wa is nòw waor? Mak zèèlef òw keuze: a) D r is gebruuk gemakt van ne twéddehans brief, die érder gemakt waar vur ne jubielaris béj de sjutterééj. b) D n burgeméster hi n nééj sikretaresse. c) Hiermi is t bewisj geleverd dè t r óp t geménjtjehusj geslaope wérd. d) Alle bovestónde meugelekhede. n Goe gevuld glas Mi de ginnerale repetiesie van de liedjesaovend óp 27 nóvember moost Hay Becks van de Kieveloeët vólges t wééreksjema aachter de tap barwééreksaamhede verreechte. Óp t éjndj van de aovend mooste d r glaze ópgehald wéére. Hay wao di wal doe. Toen héj trug kwaam mi ne groeëte stapel glaze gaf héj die hélle stapel èn veurzitter Sibbe. Die begoos ieverig te spuule, mèr èfkes latter riep héj Hay óp éns trug. Héj hiel n bierglas mi geld umhòg. t Bliekt dè Hay alles haa ópgehald, ók t bierglas wòr nog geld inzaat. D r woor èn dieverse hangtòffels gevraogd of t r iemes geld miste, mèr bliekbaar waar dè geld van gén mens. De vólgende dag óp de liedjesaovend zèèlef waar t wééreksjema van de Kieveloeët èngepaast. Hay stóng ingerösterd as glazeóphaler. Ik dink dè ik nòw t beest in t begin van de aovend de glaze óp kan haale, want dan is t drukste en zit t r nòg genóg geld in de bierglaze, zee Hay. Nie goe gelusjterd Óp de bónte Aovend van furrig jaor was De Bubs druk doende um zòveul meugelek bónne te verzamele um in de fienale van t LVK te kómme. Peter Daniëls woor gevraogd um èn de mense in de zaal utj te legge hoe ze die bónne goe in mose vulle. Nòw is Peter nie de beroerste, dus boven óp t podium dur de miekrofoon, zòde de hél zaal t ók goe koos hure, vertéélde Peter of iederieën die n bón ha, naam en adres in wao vulle en dòrnao zis liedjes èn te krusje. Ieën krusjke béj t liedje van De Bubs en die ander vééjf waar nie zò belangriek. En umdé Peter t n paar kèrre goe utjgeli ha, was t vur iederieën gén enkel probleem um die bón goe in te vulle. Peter ha netuurlek ók zèèlef n bón ingevuld. Gröts hi tjie zin bón ingeleverd en hij woor nog gepreze dé tjie t allemòl zò duidelek ha utjgeli. Mèr toen die van De Bubs s goe nò die bón van Peter keke, zage ze dè d r wal zis krusjkes óp stónge, mèr gén krusjke béj t liedje van De Bubs! Tidj vur n léésbrilleke of zò tjie gewoon nie goe nò zich zèèlef hébbe gelusjterd? Hieët ónder de vuut Óp dem bindingsaovend van dem Brandweer haa Jel Winkelmeule nò drij jaor eindelijk zin laang beloofde, mer dur de drukte alsmer utjgestéélde fotó-dvd utjgegévve. t Zag d r van dem butjekant dankzij n keurig verzèùregde hoes mi n prachtige fotó van alle brandweermen en ur vroalie, werkelijk perfect utj. Iederieën was dus echt néjsjierrig nò de verzamelde fotós van dees prachtige DVD. Zò ók in huize Olaf Meulendijks, wor nie allieën vraow en kinjer mer ók de aawers en sjonaawers van Olaf zich sóndessaoves gezellig mi chips en drank rónd den tillevisie han geïnstalleerd. Mer hów s éfkes... nò t ópstarte van de DVD, versjeen d r óp t extra groeëte breedbildsjerm gén serie lósse fotós van braaf Méelse brandweermen, mer in de plats dorvan ne cómplete natuurfilm van alsmer hétter wéérende Oosteriekse Spritzenleute mi nen hoeëp kwèèlek geklédde ganz lustige vraolie in geraffineerde Tiroler slipjes Verekkese kloeëtzak, daacht Olaf hi tjie d r zich wir s mi n k..-smoesje van af gemakt! Hoe lég ik zòiets nou utj èn min sjonaawers! 27

28 Èffe veurstélle 28

29 Óppase Matje Boute zao bij zin daochter Moniek óppe Sjrank wal s ne middig vur óppaas gon speule. Moniek en urre mens (Roel van Erik vanne snéjjer) wónde dor óndertusse mi ur twè wichterkes Isa en Jens vort behuurlek óp stand en óp wà kléénj dingeskes nao was den bouw leengskes èn zò goe as vérrig. Gorre gij mer gereust s ne middig mi ons mam nò de stad, haa Matje tege Moniek gezi. Wij amuseren óns hier wal. En zò was t ók: As lid van t mannekoeër kan-ie as t moet alle kinjerliedjes van veur wies aachter desnoods twéstémmig zinge en as ge ow lééve lank óppe knéjje tusse de tomate- en de kómkómmerplante hét geléége, dan is t n flötje van ne cent um mi allebééj ow klénjkinjer óppe rug net zo laang óp haand en vuut övver de parketvloer te sjravele wies dè ze utjeindelijk half misselijk van t gehótseknóts hów-juu-pérd beginne te roepe. Óndertusse was t vur t jóngste klénjkindj Jenske zuutjes èn tidj vur t middigdutje en ónder t zinge van deze vuist op deze vuist, klómme ze nò bove. t Slaap kindje slaap was al nie mer nöddig want nog vurdè Mat ur haa ingestópt sliep t weecht al as n roeës. Dan gon wij nou mer s éfkes lekker nò butje in de sturejan zee Mat op zin beeste awd Mééls tege Isa, toen-ie éfkes latter stillekes van de trap nò onder kwaam. Wà is dè opa ne sturejan, vroeg t weecht néjsjierrig. Dè zal ik ow wal s éfkes laote zie, zee Mat. Mi t dörske óp zin èèrem douwdenie mitten hak van zinne sjoen de nog in de gróndvèèref zittende tuindeur aachter zich deecht en liep den hof in. Kiek zee Mat Di is nou ne sturejan! En mi ne groeëte zwèèj zitten-ie zin awdste klénjkindj óp t plenkske dè èn twieë laang touwe tusse n paar bónt gesjilderde steigerpèùl bungelde. Nie waor! Dè is gewoon ónze sjómmel, zumpte Isa en ik wíl trouwes gaar nie sjómmele want ik héb nog héllen erge buukpinj van t pérdje rije. D r zaat vur opa Mat dus niks anders óp as trug nò binne te gao um te zèùrege vur n laow glééske slappen tieë mi n druuëg besjutj tege de misselekhédj van zin inderdaad toch wal wà blijk kiekende klénjdaochter. Mer toen-ie de klink van de tuindeur wao vaastgriepe bleek dè ding in verband mi t leeste sjilderwèèrek dur zinnen ieverige sjonzoon keurig netjes te zin lósgesjroefd. t Hél gerei lag compleet mi plétjes en sjroeve vlak vur zin neus keurig utjgestald (èn dem binnekant!) óppe vensterbank. Dor koosjie dus, zòas dè in bepólde ander situaties ók wal s veurkumt, allieën mer nò kieke mer ènkómme nie! Dan mer aachter dur de graasj nò binne! Mer of den duuvel d r mi spulde, de deur van de graasj zaat óp slót en grendel en was mi gén gewéld ope te kriege. Gelukkig realiseeerden-ie zich dè tjie nog ne losse sluttel van de veurdeur in zin portefullie haa. Mer toen-ie dur t smeedizjere purtje in de mieër as twè mééter hoeëg tuinmuur, van den hof utj nò vurre wao gao, toen bleek ók dè dink mi n zwaor hangslót hermetisch te zin geslote. Boven m wore, utj t ope raam van de kinjersloapkamer, óndertusse de uurste geluidjes van n wakker wéérend peuterke huurbaar. Mat keek s twiefelend nò bove mer dörfde d r zich toch nie èn te waoge um net as in zinne jóngen tidj (asjie snaachs wir s veuls te laat tusj kwaam) via de réégenpiep dur de ope stonde sloapkamerraam nò binne te krupe. Dan toch mer in zin beeste klieër övver die tuinmuur zien te sjravele um zòdoende veureum binne te kanne kómme. Waacht hier mer éfkes, zee-ie tege Isa. Opa is zoeë wir trug. Mi n spreungske greep-ie zich mi twè haand bove èn de tuinmuur vaast en zwèèjde wie ne vóllieërde turnkampioen binne de kórtste kérre zin linkse bieën övver de muur. Éfkes lag-ie dor plat óp zinnen buuk bovenóp die muur; éfkes zaat m dor toch wal t ieën en ander behuurlek krap inne weeg; éfkes knapte d r iets krakend ope midden övver de hél léngte van zinne bóksembójjem; mer nog gén twè télle latter kwaam-ie sjrééliings zittend óp dè muurke mi ne roeëj ègeloeëpe kóp övveréndj en... keek rèècht in de groeëte oeëge van de buurvraow, die zich van aachter de raam versjrókke de haand vur de mónd sloeg. Zónder dè Mat ur in de gauwighédj iets utj koos légge, zag-ie hoe ze in paniek nò urren tillefoon greep um groeët alarm te slao. Toen de pliessie tien menutje latter vurzichtig dur de straot kwaam réjje en néjsjierrig óp nummer 17 nò binne keek, zaat Matje al doodgemoedereerd mi allebééj zin klénjkinjer aachter de druuëg besjutje mi slappen tieë. En as die kléénj Isa ur kinjermeundje nie verbéj haa geprot, dan was d r nooit gén érleke verklaoring gekómme vur dè inbréékersverhaal van de buurvraow, de afgesjroevelde punte van Mat zin beeste sjoen en zin harstikke utje nò geknapte sóndese bóks. Wij dinke dè Mat hieël wursjinjlek elleke verdachtmaking tot in léngte van daag as klink -klaoren ónzin zao hébbe afgedao. Rabobank ók glashelder Óp nen dinzigemèèrege vlak vur de Kórsemes was t versjrikkelek druk óppe Rabobank. Dè kwaam nie allieën vanwege t extra laang weekend dè t r in t versjiet lag, mer ók umdè de pinautomaat butje wir s principieel dienst weigerde. De mense stónge in rije dik geduldig te waachte, want t was lekker wèèrem binne en d r hóng zeker ók vanwege de prachtige Kerstversieringe n gezellige en vredige stémming. Angela Bots (van Peter Kanters) was klaor mi pinne en liep, aachterstevurre um zich hin kiekend,(van wie zao ze dè toch hébbe) richting utjgang. Nou hébbe ze bij de bank van die prachtige glaze sjuufdurre. En umdè dor in december génne zómmer dur nò binne kumt hawe ze die ók rónd de Kórsemes èn énne kant hermetisch geslote. Ge raojt t al Angela liep ochèèrem mi ur cómplete veurfrónt vól tege die deechte glasplaat! t Gaf ne knal die, gezie de massale sjrikreakties, gevolgd dur n toch wal wà ingehaawe lacherig geroezemoes, absoluut niemes óntgao moet zin. Angela zèèlef die dee netuurlek asof ur neus bloeide. En wie wit zao dè dizze kieër ók wal s t geval kanne zin geweest. Wà wij évvel zeker wete is dè d r in alle geval éfkes nen héllenhoeëp kléénj korststerrekes vur ur oeëge gedanst moete hébbe. En wà wij ollie sins kort ók kanne verzekere is dè nie allieën bij interpolis alles glashelder is, mer dè sins kórt gebleken is dè ók alle Rabobank-zake zeer transparant zin. 29

30 30 Al béjnao Prins Tjerk I

31 Ópvoede Arthur Hoefnagels duu same mi zin vraow versjrikkelek goe zin beest um zin twieë wichterkes t nöddige mee te gééve wor ze latter as ze gon utjvliege nog echt wà èn kanne hébbe. Zòas alle aawers gunne ze ur kinjer t allerbeeste. En dörum hébbe ze ur zò jónk as dè ze nou nog zin al óppen tidj veurgehaawe dè t vur ur eige beestwil is um aaltidj goe nò de weezje rò van pap en mam te lusjtere. Ze prebere ur kinjer zo óp te voede dè ze strakkes, tege den tidj dè ze ne kieër t husj utj gon, as groeëte mense zelfstandig en óp n goei menier van t léeve kanne geniete. In t algemieën wille ze vurluuëpig trouwes beest nog wal t ieën en ander van ur aawers ènneme. Al moet gezi wéére dè ze ur soms ók wal s t bloe ónder de (hoef)nagels utj kanne hale. In di sórt conflictsituaties wit Arthur zich aaltidj stikgoe te beheerse. Eigelek dinktjie: Ik zao ze wal allebééj aachter t behang wille plekke. Mer hij zal dè zinneke mer zelde ók mi zòveul weurd utjsprééke; lot stao dè tjie d r ók mer én moment èn zao dinke um werkelek den daad bij t woord te voege. Hij zao érlek gezin nie éns wete hoe ge dè trouwes vérreg moet speule. Wal weesjt-ie ze (in zòverre as dè ze dè al kanne snappe) d r dan aaltidj fijntjes óp dè ze zich vurluuëpig hébbe te gedragen nò de regels van t husj en dè ze latter as ze groeët zin in ur eige husj ur eige regels mage stélle. Nò n toch wal min of mieër utje hand geloeëpe fésje han Arthur en Jolanda óppe vruugge zóndigemèèrege wénnig zin um óp t geroep van de wichter die in alle vruugte al klaor wakker ware te reagere. Mer zoeë rónd half zeuve begoos t gedram toch vort zòdanige veureme èn te neme dè Arthur dizze kieër t zinneke dè tjie zòas gezi mer zelde ók mi zòveul weurd utjsprékt d r écht nie mer in koos haawe. Óp hoeëg puuët vloog-ie nò de kinjerkamer. Wor dè in simmels naam wal nie óp stalde. Dè t nog laang génnen tidj was vur óp te stao en dè ze zich verdórrie èn de regels moose haawe! Dor zaate ze,die twieë kléénj Hoefnéégelkes, rèèchtóp néévenén in béd en t awdste zee veulbetieëkenend: Pappa, wij blieve hier nie wone, want wij wille nou nò óns eige husj! Kóm mer zee Arthur dan mage géllie nog éfkes lekker bij pap en mam in béd, want vurluuëpig wille we ollie hier nog laang nie kwitj. Óptrééje in Simpelveld nie simpel Moniek Koopmans is n aktieve danseres béj Lets Do it. Ze is aaltidj fanatiek en gedrivve. Mèr zòas iederieën wit n bezige bééj en aaltidj ééve druk. Gaow èffe di en nog èfkes dè. De dames van Lets Do it trééje óp dur hél Limburg, Brabant en zèllefs in Bèls. Zóndig 22 nóvember woor Simpelveld óp de kóp gezit. De dames verzamelde zich béj de femielie Stammen óp de Hof. Keurig ópgemakt en verzèùregd toog t gezelsjap nò Simpelveld. In t kader van de zuinighéjd en de zèùreg vur t miljeu wérd t r dur de dames gekaarpoeld. Moniek liet de òwtó béj Stamme stao en stapte triejomfantelek in de òwtó van ieën van de andere danseresse. Wa hébbe we toch n wèèrek vur dè ze s allemòl ingestapt zin, daacht Moniek. De ander vraolie ware druk bezig um de tasse mi sjoowklieër övver te laaje van d n énne in d n andere òwtó. Moniek waar zich van gén kwò bewust. De réjs woor vól goeje moe ingezit. Óp nò Simpelveld. In d n òwtó waar t net n kieperèn, verhale, verhale, lache en nòg s lache. Totdè de dansgroep in Simpelveld èngekómme waar. Oh, ik bén wa vergééte, riep Moniek inééns. Wa dan? vroege die ander dames, de deur te slutje, òw pòrtemónnee, de òwtó af te slutje? Nee, zee Moniek ik héb gén dansklieër! Wa nòw te doe? Urre groeëte vriend en toeverlaot waar de utjkómst. Ze zao Roy belle. Wòr moet ik dan hin en wòr li Simpelveld? vroeg Roy. Moniek vertéélde t zò goe en zò kwò as t ging, want in de òwtó waar t dòlle pret en woor d r nie óp de roete geléd. Roy vóng t wal goe en besloot uurst béj zin awers de Tom Tom óp te gòn hale. Héj waar ók in de verónderstélling dè ze vanutj d n Binger vertròkke ware en ging mi de reservesluttels van Moniek zinne òwtó nò d n Binger. Héj haa de hél parkeerplats afgezoocht, mèr génne òwtó van Moniek. In paniek mèr wér gebèèld. Nee, zee Moniek, minne òwtó mi min klieër sté béj Stammen. Peter van Bree waar dien dag as bodiegaard meegegao nò di óptrééje, want de dames mooste óptrééje óp n hieërezitting. Ge wét as die hérrre veul bier óp hébbe we éérder sprééke van bérre dan van hérre. Peter besloot Roy tegemoet te réjje en elkaar halverwege te trèffe. Èrges in de buurt van Urmond hébbe Peter en Roy elkaar getròffe, de klieër wore övvergelaaje en koos Peter wér trug réjje nò t óptrééje. Óp dees menier waar t zeker gén simpel óptrééje in Simpelveld. Sjééle Waazel Gala Vier jaor trug, in 2006 bestòng C.V. de Kieveloeët 5x11 jaor. En um dè jubileum utjgebréjd te viere wore d r spesjale aktievietéjte georganiezeerd, wòrónder t Sjééle Waazel Gala. De ópzit was nie zò moejlik: lòt n èntal buutreedners óptrééje,vul dè èn mi muziek en dans en zie dòr: ne suksesvólle aovend is gebórre! Zòiets smakt nò mieër en óp 12 dezember van afgeloeëpe jaor was t dan éjndelik wér zò witj: t twèdde Sjééle Waazel Gala in de Rabozaal van d n Binger. Tot de lééste stoel utjverkaocht en teréécht, want t was van begin tot éjnd ne topaovend. Nao de ópeningsspeetsj van Z.D.H Prins Jeroen I en t zinge van Lééve de Kieveloeët dur hofzéngers Frits Strijbos en René Claasen was t de beurt èn de Toddezék utj Grubbevorst um t volk in de zaal óp gang te kriege. As twè-voudig LVK winnaar was dé vur ur dan ók nie zò moejluk. Dòrnao was t de beurt en de buutreedners en tonpraoters. Zis toppers utj Limburg en Brabant stónge dien aovend óp t podiejum. Varjasie was d r genóg. Van t improviesere van Rob Scheepers utj Sterksel fietsewiel?! tot de prachtige one-liners van Ger Frenken utj Roggel: wit se dèt nog, Frits?! Mèr óndersjat nie de goe durdaachte durdinkers van ónze éjge Méélse Koen Verstappen, tot de op de slappe-lachspiere-werkende druge humor van Andy Marcellissen utj Raamsdonksveer. De in Melderslo wonende Pierre van Helden broocht as pestoor ne buut utj de aaw doeës. Altitj sjòn um wér s trug te hure. En dè ge as 100-jörrige nog midde in t lééve stot dè wete we nòw ók. Perfekt in de buut gebraogt dur Hans Eijkemans afkomstig utj Rosmalen. Dè t volk tussedur éfkes béj moos kómme van t bèùke van t lache was vur Lets do It n sjòn gelegenhéjd s trug te gao nò de jórre fieftig. Hèllemol in stéjl mi sukerspin-kapsel en petty-coats koos iederieën geniete van ne prachtige dans mi meziek utj de musical Hairspray. Nao lovende weurd van prissentator Vorst Peter Daniëls was t de beurt èn die Heimatkapelle die nog tot in de late uurkes de stémming d r goe in gehawe hi, mi as hògtepunt t nummer super sjoenen daag. Ieën van de leje van die Hiematkapelle liet óns nòw s presies zie hoe ge óp di nummer moet danse... wit se dèt nog Frits?... 31

32 Hier sté tjie dan 32

33 Wòr zin toch min hanse? Jo Nijssen (Prins Jo d n twédde utj 1995) wérd al sins jaor en dag verwéént dur zin vraowke Annie. Zò ók pas geléjje toen t zò kaaw waar. Annie hi de goej gewönte um béj kaaw weer vur Jo hanse, das en muts klaor te légge as héj nò de mèrret gé. Óp ne dag kwaam Jo d r óp de mèrret aachter, dè tjie zin muts en zinne das wal béj zich ha, mèr zin hanse nie. Van d n hélle dag in de kaaw stao waar Jo d r nie vróleker óp gewórre en gaf dè saoves èn Annie te kénne toen ie tusj kwaam. Annie sjrók dòrvan mèr snapte d r héllemòl niks van. Ze ha die hanse toch klaorgeli daacht ze. Jo wees zeker van nie en waar d r niks blééj mi dè tjie d n hélle dag kaaw haand ha gehad. Nao énnig zuukwèèrek wore de hanse gevónge. Ze zate in de muts die Jo d n hélle dag óp ha gehad. Héj ha ze dus wal meegekrigge, mèr broochte de wèrremte nie óp de juuste plats. Vastelaovesprogramma CV de Kieveloeët 2010 Wéj zin ónderwég nò t groeëte vastelaovesspektakel, de dréj dólle dage. Prins Tjerk I en zin gevòlleg hébbe de afgeloeëpe wééke genote van veul aktievietéjte die in di vastelaovesséjzoen veuraf zin gegao. Nòw moet de kliemaks gòn kómme en zò te zie gé dè ók gebeure. Z.D.H. Prins Tjerk I hi de afgeloeëpe wééke ervare hoe massaal n Kieveloeëteriek aachter zinne heerser kan gòn stao. Vur de kómmende dage hoopt héj veul Kieveloeëters en Kieveloeëterinne tege te kómme.. Veural de dréj dólle dage die t hògtepunt vèùreme van di vastelaovesjaor. Um èn te gééve wor ge Prins Tjerk I mi zin gevolg kaant treffe vollegt hier t kómplete prógramma. Vréjdig 12 fibberwarrie 2010: ure: Sosiejale wéérekplats Stichting Daelzicht (industriettèrréjn) ure: Stichting Kinjerópvang Méél ure: Klas Juffraow Moniek/Sjan ure: Éjnde ochtendprógramma ure: Bezuuk Basissjool Ónderbaow (sjool). Bovebaow (d n Binger) 15.15ure Éjnde prógramma Muziekale umlisjting wérd óp dizze dag verzèùregd dur Hofkepèèl Goe Gehusseld. Zòtterdig 13 fibberwarrie 2010: ure: Vastelaovesmis ure: Sluttelövverdracht in geménjsjapshusj d n Binger (ènsluttjend vlaghéjse béj t geméntjehusj. Muziekal umlisjting wérd verzèùregt dur Die Heimatkapelle Zóndig 14 fibberwarrie 2010: ure: Óptocht ure: Parties R us ure: Oranje Hotel prisjutjréjking öptocht ure: Afslutjing Hotel/restorant De Zwaan Muziekale umlisjting wérd óp dizze dag verzèùregd dur hofkepèèl Goe Gehusseld Mòndig 15 fibberwarrie 2010: ure: Kefee/restorant Colé ure: Kéjsjeutebal, geménjsjapshusj d n Binger, prisutjréjking óptocht vur de kinjer ure: Kefee de Siem ure: Afslutjing Hotel/restorant De Zwaan Muziekale umlisjting wérd óp dizze dag verzèùregd dur hofkepèèl Goe Gehusseld Dinzig 16 fibberwarrie 2010: ure: Kieveloeëte Treffe in kluplókaal Hotel/restorant De Zwaan ure: Kefee Nostalgie ure: Kefee De Vanrail ure: Kievelmènneke en ènslutjend vlag strieke béj t geméntjehusj ure: Afslutjing Hotel/restorant De Zwaan Muziekale umlisjting wérd óp dizze dag verzèùregd dur hofkepèèl Goe Gehusseld Redaksie van de vastelaoveskrant In 2009 nam de redaksie van dees vastelaoveskrant afsjéjd van Fred Bongers, die as penningméster van de Kieveloeët de veurzitter waar van de redaksie. Héj waar de kowòrdienator. Héj makte ónder andere de notule, ónderhiel de kóntakte mi d n drukker, regelde de advertensies en verdéélde de èngeleverde stukke övver de sjrievende redaksieleje um ze te laote verwééreke. Ók name we afsjéjd van Pieter Verstappen sr, die zich veurnamelek hi bezig gehawe mi de layout, de foto s en de advertensies. Pieter kwaam altidj mi kreatieve iedeje um de krant dur wér sjònner utj te laote zie. Ók béj t make van t jubielejumboek waar héj de inspierator, wa betreft de layout. Wéj wille Fred géér bedanke vur zin inspiererende menier van léjding gééve en Pieter vur zin krejatieve béjdrage en béjde vur de gastvréjhéjd téjdes al die redaksievergadderinge. De redaksie is éngevuld mi Jeroen Schriks, de néjje penningméster van de Kieveloeët en mi Fred van Rijt. Versproke Dé d r in Méél veul gewandeld wérd, dè is nie zó gek want Méél is sjòn en d r is ók veul te zie. Dè wete ók Willemien Janssen-Jaspers, Corry Strijbos, Tonny Frinssen en Jeanne van den Beuken. Élleke dinszigmèèrege gòn ze dan ók n stukske wandele dur óns sjònne Kieveloeëteriek. Zò liepe ze n tidje trug óp de Zónnedauw, toen Jeanne tege die ander vraolie zee: zalle we s bij ónze Luc en Han nò de néjje véjver gòn kieke? Efkes latter stónge alle vier die vraolie óp n réjke, nò die oase van reust te kieke. Dè hébbe ze toch sjòn gemakt, of nie dan zee Jeanne hel gröts en héj zit héllemòl vól kaajmanne. Mee toen Jeanne dè gezi ha sprónge die aander vraolie kwèèkend ne mééter aachterutj, baang um mi huid en haor opgepeuzeld te wéére dur die altidj hóngerige béste. Hél vurzichtig zin die vraolie wér dichterbéj durve te kómme, nao dè Jeanne n paar kérre duidelik haa gemakt dè ze toch echt koi-karpers bedoelde in plats van kaajmanne. Hoe bedoele ge Peter... Is de kónkuurent óppe fles?! 33

34 D n ènhang van Prins Tjerk I 34

35 35

36 Mi de scepter pas echt Prins Tjerk I 36

37 Unnen awwerwétse jachtdag (in ur 85ste jaor ópgetieëkend dur Tò van Wip van de Fleuter) Half oktober gé te groeëte jacht ope en dè is wà! De jéégers zin dáág van tevurre al ónrustig en zelfs de heund vuule den openingsdag énkómme. t Döbbellöps jachtgewéér sté tot blinkes toe ópgepoetst vérrig en de rijfel is van veur wies aachter vólgeprópt mi petroeëne. Sjefke van Petraan en Wipke van de Fleuter dè warre boerre en die mooste in vurrò wééreke um smèèreges óppen tidj klaor te zin óppe stal, want um negen uurre waar t vertrékke geblaoze. Bij Wipke woor bijéngekómme en dan ging t t veld in. De heund in t begin nog zò gek wie n stél rinjer die vur t uurst in de wééj kómme mer dè gé gonde den dag zuutjes èn wal övver. t Ging dur de diepe straot, nééve de zuuvering nò den Érrenbimd en zò nééve de grens mitte Nirkant óp t Aastes huukske ópèn. t Lukte wal s as de Nirkantse jéégers ók gonde warre, dè t wild övverliep van t Braobants nò t Limburgs en dè was dan sjon meegenómme! En dan ging t rèècht toe rèècht én dwars dur de mèjs, de biete, de érpel en de krótte richting Vossenberg. Mer dor kwame ze èn n sloeët en dor mooste ze övverhin! Dè waar vur de méste gén bezwaor. Mer Sjefke haa ne kojjen heup en die moos um én den andere kant te kómme wal twéhonderd mééter eum loeëpe. Witte ge s wà, zee Wip spring mer óp minne rug, dan draag ik d r ow wal övver. En toen de joong gaste (die in urren host óndertusse al hónderd méeter vurutj warre) eumkeke, toen zage ze hoe Wipke (87) mi Sjefke (77) óp zinne rug same as twieë gezwórre jachtveterane veilig den övverkant van de sloeët bereikte. Um twèèlef uurre broocht Mia van Sjefke èèrte soep in t veld en vur de heund was d r wà broeëd en drinke. Dan han die ók éfkes reust. Mer vur die jéégers duurt de reust nooit laang, want in oktober zin de daag vort kort. Dur nò de Sjieëpersbergse Pieël! Alles vur de voet secuur afstruuëpe en hope detter van alles en nog wà vur de luuëp zao kómme. En dan um n uur of vier dur t bós en övver de Pérshimmel trug nò den Aastese wég, wor Tó van Wip de koffie en de pépperkoek al vérrig haa stao. Dur ware d r bij die behuurlek en de peen ware. Toon van Lot, die aaltidj vólop èn zin conditie hi gewérkt en ók de zeun van Wip en Sjefke ware net as ur aaw nie kepót te kriege. Mer Jo van Hakke Toon, in t dacheleks lééve kentoeërklerk, die haa t d r mer léllek moeilijk mi. Hij zwétte as n vèèreke en hij was nog muger as te heund die óndertusse utjgetéeld in t stroeë óppe stal lage. Nou moost t wild nog verdééld wéére. Den hélle stoep lag van veur wies aachter vól. Alles óp n rééj: haas, kneenj, fezante, petreesj en doeve, Ze warre gröts óp zò n sjon buit. t Verdélle van t wild dè was Wip zin wèèrek. En dè hi tjie aaltidj goe gedao. Dor hébbe ze nog nojt gén reuzjing övver gehad. Nou mooste die van Sjefke wir dur t bós nò husj. En of die kneenj en haas die ze toen nog tege kwame wal allemol lévvend wéggekómme zin, dor woor aachteraf nog wal s ooit behuurlek èn getwieffeld. Van huuëre zégge Gratis af te hale bij Winkelmole: de hieët gebrande foto-dvd van de Brandweer. Jan Strijbos moet nò n oefening van de Brandweer tot zinne sjrik geconstateerd hébbe dè zinne van de parkeerplats verdwenen auto pótvaast sté ingeslote tusse de oefenwrakke wor ze zich die gansen aovend óp hébbe mage utjstukkere. Allieën de brandweermen die stikgoe mi nen hochwèèreker utje vuut kanne, sjeenje vur t veroorzake van di parkeerprobleem in énmerking te kanne kómme. Jel Winkelmole zinne wékker sjeentj, in geval dè zinne pager wir s érgus is blieve ligge, övver technisch nog geheime reserve-óppiep-meugelijkhede te besjikke. Wersjeenjlek gè Jel óp zin ingenieuze vinding binnekórt octrooi énvraoge, want èn ding is zeker: In t gééve van loos alarm is t ding hónderd prezent betrouwbaar. Vroag t mer èn Gijs Jansse want die witter mieër van. Giel van Loet van Sil haa nao de verkiezinge, laast van allemòl roeëj vlekke óp zin ganse lief. Héj haa wa laast van verkiezingsutjslag. Héj hi toen t zèllefde gedao as zin kiezers. Héj is tusj geblivve. t Nééj embleem van de geménjtje Pieël en Maas besté utj dréj klurre: Blaow sté vur de Maas van Kessel en Bolder, paars vur de hééj van de Pieël en dòrtussenin zit n stuk gruun, dè is nog nie riep! Jo Nijssen van de Meulekamp was de kamer ènt stofzuige, toen de zuiger d r mi óphiel. Zinnewèèchtig ging ie óp zuuk um hullep béj de bure. D r waar niks èn de hand mi de stofzuiger, mèr ne stóp in de mééterkaast haa t begévve. Jo méénjde dè de stroeëm kepót waar! Frans van Snéjjer Tone Fritske zee dè tjie slèècht ne mop koos ónthawe. n Groeët veurdél van n slèècht geheuge is volges Fred van Rijt dè ge de vóllegende kieër wér mee kaant lache um dezèllefde móp! Leen, de vraow van Ad Ewalts, haa nog nie zòveul mi kompjoeters en kreeg n iemeeladres gedikteerd um t vervolges óp t prikbord te hange as geheugesteuntje. Ur daochter zag t en vroeg wa dè waar: leenapestaartjehoom.nl. Maria van Hérmes Hént, die in Deurze wónt was verbaast övver de sjriefweesj van Hérmes Hént de néjje naam vur t appartementekómpleks èn de Dörpstraot. Vòlges ur moos Hérmes Hént aachterèn mi n dee um dè t kwaam van Hendrikus of kórtgezi Hend. Ze haa al alles afgebèèlt um de makelaar te övvertuge dè de naam fòwt waar. Totdè ze van n redaksielit van de vastelaoveskrant vur t uurst huuërde van t Mééls woordeboek van Herman van de méster utj 1991 dè èngéft dè ge n tee sjrieft óp t énjt van n woort as ge n tee huurt! Math Peeters zee tege zin vraow Conny: Laote we d r s n sjòn wiekend van make Conny. Dè is n fantasties iedee, zee Conny. Goe, zee Math, dan zien we óns mòndig wér trug! En kwò dè Conny woor!!!! Snappe géllie dè nòw! Dè Tjeu van Wippe Pieër zòn dikke éérpel hi, dè asjie ze per kielo wil verkoeëpe héj n més béj zich moet hébbe um d r stukke van af te snéjje anders wéége ze mieër as ne kielo per stuk. Dè béj zòn dikke éérpel ók groeëte kóllóradekevers huuëre. Tjeu krieg ze nie kepót gespote mi vergif van de boerebónd. De béésjes stòn al mi ópe mónd te waachte tege dè Tjeu wér mi ne néjje émmer vergif ènkumt. Dè Tjeu zòn groeët boeremoes hi dè ge d r gemèkkelek ne hérrefiets ónder kaant verbèèrege en dè óliefante dòr kénne stókverbèèrege zónder gezie te wéére. 37

38 In vól òrnaat 38

39 Utj ééte Furrig jaor krege Sibbe Gielen (tiggewórrig veurzitter van de Kieveloeët) en Marion zin vraow, n utjnöddiging van Lei Smeets en zin vraow Mariet um s ne kieër lekker utjgebréjd te kómme dienere in heuzje Smeets. D r woor ne datum afgespróke en Mariet sjreef die ók óp in urre agenda. D n dag dè t zò witj waar han Sibbe en Marion d r vur gezèùregd dè ze goeje hónger han. Ze han d n hélle dag zòwa niks geééte dus ze ware echt hóngerig. Te voet toge ze nò Lei en Mariet. Dòr èngekómme zee Sibbe tege Marion: Ik geluuëf dè ze nog bezuuk hébbe, want d r sté ne vrimde òwtó óp de óprit. Binnegekómme zage ze dòr twieje ander vriende èn de toffel zitte die lekker zate te ééte. Ze keke elkaar stómverbaasd èn en ze sjóte allemòl tegeliek in de lach. Mariet waar Sibbe en Marion vergééte. Oh nee, zee Mariet, ik bén t vergééte óp de klender te zitte en in minne agenda héb ik nie mèr gekeke! Woor t vur Sibbe en Marion toch mèr nò frietkraom gao in plats van n lekker dienee. Mèr ze hébbe wal utj geééte! Vruug wisj Bram van Geert van Wipke van de Fleuter haa mi zin uurste kemuunnie ne néjje fiets gekrigge want dè fietske wor ie t óp gelieërd haa dor wasjie óndertusse toch wal wà te groeët vur gewórre. Hij was de kunning te riek mi zinne spiksplinternéjje bijnao-groeëtemense-fiets. Mer nou woor de graasj ónderhand wal wà te kléénj vur al dè gevéérs. Witte ge wà? zee Geert tege Bram Ik dink dè ik die klénje mer óp internet zit. Dor doerre ge nou toch niks mer mi. En wà moet die dan kooste zee Bram. Ik dink dè we blééj mage zin as we d r al s fieftig euro vur kanne kriege Zalle we dè dan mer doe? Deal! zee Bram en mi n high-five woor t zaakje beklónke. En zò doende stóng t fietske nou al n par daag vur vééjf tientjes te koeëp. Sotterdessmiddes ging Bram nò zin vriendje (Dirk van Frits Berbe) speule. Zinne néjje fiets moochtjie nie meeneme, want zòas méstal wért d r bij Dirk aachtereum behuurlek wà afgejakkerd. Dan toch nog mer ne kieër dè kléénj fietske meegenómme. Umstebeurt moocht ók t zusje van Dirk n rundje óp die klénjen durtrapper peddele. Ze vóng t n lekker fietske; t paaste ur precies en ze was nog nie énne kieër gevalle! Die kanne géllie koeëpe zee Bram tege Dirk want wij hébben m érregeester óp internet gezit. Dirk hals övver kóp nò binne: Wij kanne dè fietske van Bram koeëpe mam! Echt waor? En wà moet dè dan wal nie kooste? Fieftig euro mer zee Bram. En as ge t nie gluuëft dan moete ge mer s óp Marktplaats. nl kieke. As ge slim béént mam, zee Dirk dan koeëpe ge m vurdè tjie wég is! En zò koos t gebeure, dè Bram van Geert van Wipke van de Fleuter saoves zónder fietske te voet óp husj en dee. Hij liep regelrèècht dur nò de kamer wor Geert aachter de computer zaat nee te sjudde umdètter zich nog aaltidj génne kuuëper vur t fietske haa gemeld. Permantig zwèejde Bram mi n briefke van fieftig nééve de neus van zinne pap. Wà hérre ge hier nou wir en hoe kómme ge dor in simmels naam toch èn? vroeg Geert verwónderd. Ik héb min fietske verkaocht èn de mam van Dirk zee Bram hieël neuchter en stook t brieke óppernééj onder Geert zin néjsjierige neus. Mi n ónverwaachse beweging pakte Geert t briefke, vaowde t óp en stópte t in zin vóttetes. O nee, zee Bram Dè is nie érlek! We zalle uurst de mam van Dirk mer s belle um te kieke of t allemol wal klopt wà gij dor zéégt zee Geert want die uurste communikantjes van tiggewórrig die zin me nòvvenant toch wal n bietje al te vruug wisj! Vergééte In méj van di jaor ware Jo van Bree (van Keup) en zin vraow fieftig jaor getraowd. De dèùchter Ans en Anita zòn dè wal s èfkes regele. Ze han al god wét wie duk naogeréékend hoeveul gaste d r s middes óp t dienee zòn kómme. Alle utjnöddiginge nog s bekeke en ze ware d r zeker van dè ze niemes ware vergééte. Vur de brulleft zin ze same nog ne kieër béj t Oranje Hotel geweest um nog s alles dur te sprééke. Mi n gereust hart ginge ze nò husj in de verónderstélling dè alles toch zeker goe geregeld waar. Óp de dag zèèlef verliep alles net zò as ze t han verwaacht. Totdè ze èn de toffel mooste um van t ééte te gòn geniete. Ze kwame d r mèr nie èn utj, d r ware twieje platse te wénnig. Toen woor Piet d r béj geroepe. Die vertéélde dè tjie presies t èntal platse haa wa hem waar durgegévve. D r woor nog ne kieër getééld, t klòpte presies. Toen sjoot ieën van de vraolie in de lach. Jao, jao, ze han t brudjspaar nie meegetééld, die han ók gén utjnöddiging gekrigge. Zieëziek Ellen Kessels ging mi ur mooder Irm van Joppe en sjònzeuster Marilande mi d n boeët nò Engeland. n Mini-cruise hétj dè. D n uurste aovend waar ze al zieëziek en is toch mèr vruug nò béd gegao. Ze waar um zis ure al wakker en ging óp de badkamer nò de weecee. Irm en Marilande huuërde gelach en gegil en toen ze de deur ópemakte spróng Ellen rónd de weecee en riep dè tie övverstròmde. t Watter waar nao t durspule trug umhòg gekómme en stròmde övver de rand. Umdè die badkamer nie gròtter waar dan ne rume bissemkaast liep die al snel vól. Marilande waarsjuwde de resepsie en die zòn n loeëdgieter sture. Trug béj ur hut, kwaam t watter al utj de badkamer ur hut ingestròmd. Nate vuut midde óp de Noordzieë, dòr han de dames nie zònne zin in, dus vliegesvlug de koffers gepakt, de klieër èn en de gang óp. Ze krege n ander hut mi zieëzicht!! Die Heimatkapelle 40 jaor Blaoskepèèl Die Heimatkapelle vierde in september ur 40 jèùrig bestao. Ze stónge jòrre ónder léjding van Had Geurtjes. Die Heimatkapelle verzèùrigt al jórre de meziek óp de Méélse bónte aovende. Óp di moment ónder léjding van Jacques Voorter. Mi ur gevarieerd repertwaar blaosmeziek zèùrige ze vur de begeléjding van de artieste nò t podium en vur stemming vanaf t moment dè de zaal ópe gé totdè de zaal béjnao leeg is. Die Heimat kapelle dee versjillende kérre mee mi de liedjesaovend en in 1988 verraste ze iederieën óp de bónte aovend mi de sjlager Ónze Frits die is Prins Carnaval. Ók sòtterdes vur de vastelaovend ware ze altidj aktief vur de Kieveloeët dur t óplusjtere van de vastelaovesmis en de sluttelövverdracht. 39

40 De spreuk 40

41 Sorrie!! Furrig jaor ging Peter Verstappen mi de hél femielie n laang wiekend nò Zwitserland um te kieke nò ne belangrieke volleybalwedstréjd. De bruur van Peter, Johan Verstappe is dòr trainer, dus n sjòn gelegenhéjd um dòr s hin te gao. Nò afloeëp van de wedstréjd zin ze mi z n alle nog nò t winkelsentrum dòr in de buurt gegao. Vur Elles netuurlik t sjònste van t hél wiekend. In ne groeëte kliere winkel ha ze wa sjòns gevónge. Mee t pashökske in um te laote kieke of t wal goe stóng. Mér toen ze t pashökske utj kwaam, mi ur nééj klier èn, botste ze kéjhard tege n ander dörske, dé toevallig presies dezèllefde klier èn ha as zéj. Sorry, zee Elles nog tege dè aander dörske. En toen kwaam ze d r aagter dè ze tege de passpiegel èn waar geloeëpe. Oeps!! t Platveld vur d n élfde kieër in d n óptocht Han ze in t Platveld en umgééving t afgeloeëpe veurjaor al n groeët fést te viere vanwege t tien jörrg bestao van de buurtvereniging, di jaor doen ze dè mitte vastelaovend nog s dunnekes övver umdè ze dan vur den élfde aachterénvollegende kieër zalle hébbe meegedao én de vastelaovesóptocht. Buurtvereniging Platveld woor namelijk ópgereecht in t veurjaor van 1999 nòdè ze, umdè Peter van Bree prins van de Kieveloeët was gewórre, mi succes han deelgenómme én den óptocht. Iederieën die óndertusse de léggere sjooltidj aachter de rug hi, zal zich herinnere hoe indertidj n bónt utjgedost Antilliaans gezelsjap ónder t motto WIJ HALE DE BREUG ZÈÈLEF ÓP zinspulde óp de verheuzjing van de Stoepse Breug van Méél nò Curaçao. Ieën van de grotste activiteite van de buurt blieft nog aaltidj t meedoe èn de vastelaovesóptocht. Al wééke van tevurre wért d r entrint alaoves getimmerd en gebaowd. Vural van de maansléúj zin d r n stél bij die d r aardig wà van kanne. De keuste van t bier dè t r óp die aovende gedrónke wért zin dik hogger as die van de wage zèèlef. Mer t plezieër is d r nie minder um en sjieëf gezeechte zin d r noit. De klieër wéére dur n stel héndige vraolie aaltidj zèèlef gemakt en t pase en mééte is dik al n kunst óp zich, umdè hier en dor de bierbuukke in n paar wééke tidj behuurlijk umvangrieker blieke te zin gewórre. As t émmol zo witj is zin ze aaltidj mi ruum fértig man paraat um vól övvergave èn den óptocht mee te doe. En nò den utjslag blieve ze allemol same wies in de kléénj uurkes gezellig durféste. En as ze dan eindelijk midden inne naacht héllemol nò t Platveld truggespektakeld zin,dan moet d r aaltidj bij d n énnen of andere in de buurt nog n hörtje ééjer gebakke wéére um de vastelaoveszóndig volleges goej Platvelds gebruuk as n super-buurt-fést af te kanne slutje. Toeval of nie Mi Méélse kérmes ha Bart Peeters, van Math en Conny, óp zóndig de sluttel van zinne fiets verlórre. Dòrrum woor de reservesluttel gepakt um de fiets toch te kénne gebruuke. s Mòndes verloor Bart ók dizze sluttel wér, t waar behuurlek bale. Conny vertéélde t drama èn versjillende mense die t wòn huuëre. t Ging övver sluttels mi mi n roewej kartje èn. Niemes ha de sluttels gevónge en de hoop woor béjnao ópgegévve. Bliekbaar ha iemes die d n uurste sluttel gevónge ha dizze afgegévve èn n vraowke van de griepers. Óp de leeste kérmesdag vroeg dè vraowke èn inkele kinjer, wòr d r n póliesieburoo in de buurt waar um de sluttel af te gééve. Toevallig huuërde Thea van John Kluskens wa die vraow èn de kinjer vroeg. Thea herinnerde zich t verhaal van Conny en nóm de sluttel mee nò husj. Naodè Thea de sluttel béj Math ha afgegévve óp woensdig nò de kérmis, ging dòr d n tillefoon. t Waar Thea wir, ze wao èfkes vertélle dè ze béj t póóstkantoeër de twédde sluttel gevónge ha. Is dè nòw toeval of nie? Sjienees bestélle Óp néjjaorsdag zaat de femielie Stappers gezellig allemòl béjén óp t Kerkveld béj mooder. D r woor afgesproke dè t r Sjienees gehald zò wéére. Wim Stappers zò dè wal èfkes regele. Mèr héj koost t nummer van de Sjienees Jasmine in Aaste nie vinge. Dus besloot Wim um nò 1888 te belle en vroeg nò t nummer van Sjienees restórant Jasmine in Aaste. Héj woor durverbónge en huuërde zò as gewónlek as dè ge de Sjienees bèèlt Tien mienuutjes is alles klaar. Dus daacht Wim ik zal mèr drèk ènréjje. In Aaste èngekómme woor d r gezi dè t r gén bestélling waar durgegévve, ze weeste dòr van niks. D r woor ónderling dur de Sjieneze ruzie gemakt wie vergééte waar de bestélling dur te gééve. t Woor dus snel klaorgemakt. Wér óp t Kerkveld èngekómme woor t ééte óp de tòffel gezit. Ze han nòg génnen hap dur de nek of de tillefoon ging. Of ze de bestélling nog kwame óphale, die ze èfkes geléjje gedao han. Niemes snapte d r ók mèr iets van hoe dè nòw wér koos. Mèr toe bleek dè t Sjienees restórant wòr ze bestééld han nie in Aaste lag mèr in Assen moost iederieën toch wal lache en die Sjienees utj Assen ók. Héj snapte ók wal dè ze nie èfkes vanutj Limburg die bestélling kwame óphale. Buurtvereniging Platveld in 1999: Wij hale de breug zéélef óp 41

42 42 Prins Tjerk mi zin doachter Lynn

43 Prinses Lizzy I De Ónthulling (2009) We mooste mi n wit lake övver óns hin ne robot naodoe, dè waar hél grappig. We wore dòrnao mi n versje ónthuld. En t meen waar: Nòw kumt de belangriekste van t hél stél. As géj èfkes goe lusjtert dat witte géj t wal. Mi volliebal löpt t dur hur óp róllekes. En wete géllie al dè zéj héllemòl gek is van alles mi böllekes? De énne hélleft is al vurbéj geweest, ók dees hélleft hébbe wéj nöddig vur di geweldig fést. Vur dè iederieën zich in t vastelaovesgedruis stòrt, mage wéj èn óllie ènkondige, óns nééj prinses, LIZZY VAN ENCKEVORT. D n optocht, dur Prinses Lizzy I (2009) Di waar d n uurste kieër dè de Kéjsjeut mee dee mi d n óptocht. Di waar hél èrreg biezunder, nie allieën vur de mense die nééve de kant van de wég stónge mèr ók vur óns natuurlek. t Snoep dè we moochte gòjje waar dan ók krèk genóg, want óp t leest van de rit waar t dan ók héllemòl óp. t Leukste van alles vóng ik dè ik tege de prins zee óp zin afsjéjd: Géj béént övver n uurke génne prins mèr, mèr ikke lekker wal prinses. En natuurlek wil ik ók vorst Martijn en minne rò van éllef bedanke vur n super jaor. Groetjes Prinses Lizzy I P.S. Ik wens min ópvolgers veul suukses, lol en natuurlek veul plezier. Kéjsjeut 2009, Vorst Martijn Óp sjool haa ik me ópgegévve as vorst béj de Kéjsjeut. n Paar wééke latter kwaam d r iemes èn de deur. Ze vroege of ik de vorst van de Kéjsjeut wao wéére. Ik héb toen jao gezi. Niemes weest dè behalve pappa, mamma en min bruurs. Ik moog t tege niemes vertélle. Béj de utjroeping woor ik ónthuld mi n versje. Dè waar hél sjòn ópgezit. Iederieën moost n wit lake meeneme, mi n gaat in t midde wòr de kóp dur moos. We krege ók n staaf die leecht gaf. t Lake moos övver de kóp en de staaf in de haand en rèècht umhòg. We mooste n jeungske of n dörske kieze die t leukst gekléd waar en die t sjònste koos danse. Mi de sluttelövverdracht moos ik n verhaal veurlééze um de sluttel te kriege. We hébbe de sluttel toen gekrigge. De óptocht vóng ik zèèlef t sjònste. We moochte mi snuupkes gòjje. Di waar supper gaaf. De Rò van Éllef stóng ónder óp de wage. Prinses Lizzy en vorst Martijn stónge óp n tórentje. Bedankt vur de féjne vastelaovend en dè ik òllie vorst moog zin. Groetjes Vorst Martijn Haazen Vastelaovesprogramma Kéjsjeut 2010 Kéjseuters en Kéjsjeuterinnekes, t Vastelaovesgedreusj barst wér béjnao lós en dè betieëkent dè we mi zín alle vólóp gòn féste. t Prógramma van de Kéjsjeut ziet t r als vòllegt utj: Zòtterdig 13 fibberwarrie, prins Roel en vorstin Gabi kómme óp radiejo P&M Zòtterdig 13 fibberwarrie um ure vastelaovesmis in de kéérek Zòtterdig 13 fibberwarrie um ure sluttelövverdracht in d n Binger Zóndig 14 fibberwarrie d n óptocht wòr de Kéjsjeut wér mi ne wage èn mee zal doe Mòndig 15 fibberwarrie van ure tot ure t Kéjsjeutebal in d n Binger Dinzig 16 fibberwarrie van ure tot ure t Kéjsjeutebal in d n Binger De jeugdrò bestònde utj Demi, Odo Janne, Jetty, Maud, Roos, Roy T, Roy V, Sien, Stijn, Xiao en ónze vorstin Gabi en prins Roel II zalle óp dees dage veuróp gao in t vastelaovesgebeure! Wéj verwelkómme òllie àllemòl géér in t Kéjsjeuteriek en wense iederieën alvast ne hélle sjònne vastelaovend. Vuggelke Gert en Irm van Jóppe en nog inkel vraolie mieër, karte al versjillende jòrre ne aovend in de wéék same. Zò ware ze óp ne kieër béj Gert van Jóppe ènt karte. As t r iemes nò de weesee moost of iets moost gòn hale of zoeë kwame ze nééve n vuggelke dè dan begoos te flèùtje. Lies van Jo van Boumanskeup vóng dè zò sjòn en zee dè ze ók wal zòn vuggelke wao hébbe en ze vroeg èn Gert wòr die te koeëp ware. Béj Kranebroek in Budel héb ik dè gekaocht, zee Gert. Dè vóng Lies toch wal witj um vur zòn vuggelke nò Budel te réjje. Mèr ze koost d r nerges énne kriege en zòdoende moost Jo toch mee nò Budel. Toen ze dòrnao wir urre kartaovend han, zee Lies: Nòw héb ik zòn vuggelke, mèr nòw flutj tjie nie. Ik héb ók aaltidj pech. Jao mèr, zee Gert, Héé ge d r ók batteréjje in gedao? Mer Gert, zee Irm, béj òw zate die d r toch ók al in! Géllie kaant zégge wa géllie wille, zee Lies, héj flèùtj nie!. Nòw wit ik t, zee Irm. Ge hét t knöpke nie èngezit. Pak dè ding mèr s Lies, dan zalle we s kieke. Lies pakte ur vuggelke en Irm drèèjde èn t knöpke. En jaowal huuër t vuggelke floot as d n beeste en Lies waar dòlgelukkig. 43

44 44 Chantal wérd toegesproke

45 Onthulling nieuwe Raad van Elf. Op zondag 31 januari was het dan eindelijk zover! Tijdens de Kééj Knappe Kwéékmiddag werden de nieuwe heersers van de Kéjsjeut onthuld. Eerst namen we afscheid van Prinses Lizzy en Vorst Marijn. Zij kunnen terug kijken op een geslaagd carnavalsjaar. Lizzy, Marijn, Nienke, Veelke, Nicole, Evi, Joske, Daan Yvette, Vera, Swen, Jaap en Geert bedankt voor jullie bijdrage en inzet. Dankzij jullie was het een te gekke Carnaval. Daarna werd verder gegaan met de onthulling voor het nieuwe Carnavalsseizoen. Op spectaculaire wijze werden de nieuwe leden van de Raad van Elf onthuld. Om de beurt kwamen ze swingend door een lijst tevoorschijn. Ze stonden onherkenbaar in hun skikleding op het podium. Één voor één werden de volgende kinderen onthuld: Demy Boumans, Ido Brummans, Janne Trines, Jetty van Moorsel, Maud van Alebeek Roos Leeuwerik, Roy Teunissen, Roy Vissers, Si-en Ye, Stijn van Horssen en Xiao Ci Ye. Vervolgens werd de spanning nog groter. Dit jaar kregen we een Prins en een Vorstin, maar wie o wie zouden het dit jaar worden? Als eerste werd de Vorstin bekend gemaakt. De nieuwe Vorstin van de Kéjsjeut is dit jaar Gabi Verstappen. Daarna konden we overgaan naar de onthulling van de Prins, het spannendste gedeelte van de middag. We zijn super blij en trots met onze nieuwe Prins, namelijk Prins Roel Peeters! Dit jaar gaat hij knallen met zijn zelf bedachte spreuk Mi Pieël en Maas un goei begin, Méél, ik heb d r zin in! Deze middag hadden ze al meteen een eerste taak. Ze hielpen mee met de prijsuitreiking van de Kééj Knappe Kwéékmiddag. We wensen Prins Roel, Vorstin Gabi en de Raad van Elf veel lol en plezier en hopen dat jullie een onvergetelijke Carnaval tegemoet gaan! KinderVakantieWerk Meijel Ónthulling Prins, Vorstin, en Rò van Éllef Kéjsjeut Óp zóndig 31 jannewarrie waar t dan eindelek zò witj. Mi de Kééj Knappe Kwéékmiddig woor de néjje heerser van de Kéjsjeut bekéénd gemakt. Mèr uurst hébbe we afsjéjd genómme van Prinses Lizzy en Vorst Marijn. `t Waar vur Lizzy, Marijn, Nienke, Veelke, Nicole, Evi, Joske, Daan, Yvette, Vera, Sven, Jaap, en Geert n kééj sjòn vastelaovesjaor. Dankzéj òllie waar t ne te gekke vastelaovend. Bedankt dòrvur. Dòrnao ginge we Övver nò de ónthulling van de nééj heersers en de Rò van Éllef. `t waar n hél spektakel hoe de nééj Rò van Éllef ónthuld woor. Umste beurt kwame ze swingend dur n lisjt teveursjéén. Ónherkenbaar stónge ze in ski-kledééj óp t podiejum. Ieën vur ieën woor de nééj rò veurgestééld: Demy Boumans, Ido Brummans, Janne Trines, Jetty van Moorsel, Maud van Alebeek, Roos Leeuwerik, Roy Teunissen, Roy Vissers, Si-en Ye, Stijn van Horssen en Xiao Ci Ye. Dórno steeg de spanning nog mieër, want wie o wie zò de néjje Prins en Vorstin wéére? As uurste woor de néjje Vorstin bekéénd gemakt. Niemes minder as Gabi Verstappen is di jaor de néjje Vorstin. Toen kwame we béjj t spannenste gedélte van dizze middig. De néjje Prins. Super gröts en blééj zin we dé di jaor Prins Roel Peeters veuróp gé as heerser van de Kéjsjeut. Di jaor gé tjie knalle mi zinne zéélef bedaachte spreuk: Mi Pieël en Maas un goej begin, ik héb d r zin in! Dizze middig han ze al drèk ur uurste taak. Mee helpe mi de prisjutréjking van de Kééj Knappe Kwéékmiddig. We wense Prins Roel, Vorstin Gabi en de Rò van Éllef veul lol en plezier en hope dé géllie ne onvergéételeke vastelaovend tegemoet gòn. Prins Roel II Ik ben Roel Peeters, 12 jaor geléjje gebórre in min awerlek husj óppe Heuvel 31 in Méél. Zoon van Math van Wiel van Giepkes Keup en Conny van Harry van Cuijpers Jan van de Graasvraeters utj de Grashoek. Min énnigste en bééste bruur is Bart. Ók ne zoon van pap en mam. Ik zit in groep 8 én nao de zómmer gao ik wir naor groep 1. Ik gao wér beginne mi ne néjje start. Ik doe èn tennis en volleybal. As ik génne vastelaovend vier dan speul ik tennis en volleybal. In de zómmer gao ik géér óp verkansie naor n wéérem land. Gelukkig hoef ik dan nie te loeëpe en kan ik gewoon mi óns pap & mam en Bart mee. In de winter gao ik géér skieje. Ik doe géér zinge óp de Kééj Knappe Kwéékmiddig en sjrief de nummers zèèlef. Méstal zing ik mi Marieke, mèr héb ók wér n jaor allieën gedao. Ik bén net as pap en mam ne échte vastelaovesvierder. Dòrrum bén ik ók bééj dè ik gekòzze bén as prins van de Kéjsjeut. Ik wil veuróp in de polonaise gao en dur vur zèùrege dè niemes èn de kant blieft stao. Dòrrum vraog ik òllie allemaol te kómme kieke naor de sluttelövverdracht, mee te loeëpe in de óptocht of ènslutje in de polonaise téjdes t Kejsjeutebal in d n Binger. Ik hoop òllie allemòl te zie! Mi Pieël en Maas un goei begin, Méél, ik heb d r zin in. Prins Roel II Vorstin van de Kéjsjeut Alwér inkele wééke geléjje héb ik n tillefoontje gehad van Karin die zee dè ik utjgelót waar vur de Rò van Éllef van de Kéjsjeut. Karin, Marian en.. van t kinjervakantiewèèrek kwame èn um de dinge te besprééke die ik moos doe en wete vur as ik in de Rò van Éllef zaat. Vur dè ze begónne vroege ze of ik mesjien vorstin zò wille wéére en ik zee natuurlek jao, want zòn kans kriege mèr énne kieër. Ik wao utj min daak gao mèr hiel me toch mèr in. Ik ving t super sjòn dè de ik vorstin mag zin vur òllie. Ik hoop dè we d r ne hélle sjònne vastelaovend van gòn make. Nie allieën vur méj mèr vur iederieën. Groetjes Vorstin Gabi 45

46 Begunstigers Cantharel Dorpsstraat 7a Moonen Molenbaan 12 Pieter Verstappen Wildlife Art Kanaaldijk 3 Attent Supermarkt v/d Mortel Keulsebaan, Neerkant 46

47 Adv. Kuypers 47

48 48 óppe sjaowers

49 11 Jaor awd prinse Éllef jaor geléjje um precies te zin d n zisde oktober 1998 name Jan Timmermans, Wim Basten en Frans Strijbos t ieniesiejatief um te kómme tot n Prinsegarde. D r woor n vergaddering utjgesjrivve vur alle awd prinse um övver di iedee mee te dinken en te praote. Óp 8 nóvember waar de óprichting n féjt. De awd prinse han zich ten doel gestééld um zich te manniefestere óp t prinsebal, hier wérd de néjje awd prins óp n ludieke menier ópgenómme béj de klup van de awd prinse en kriegt tjie t gruun steekske, mi de sluttelövverdracht en óp t Kieveloeëte Treffe. Óp twéèntwénjtjig jannewarrie 2003 krege zéj n éjge óndersjéjing óntworpe dur Pieter Verstappen zèèlef ók awd prins namelek in Pieter hi dees óndersjéjing óntworpen en ók gegote in allumieniejum. Dus nie te zwaor vur die awd prinse. Ók hébbe de awd prinse dieverse kérre utj de brand gehòllepe zòas mi t 55 jèùrig bestao, t verkoeëpe van de Kieveloeëte krant, t Kieveloeëte Treffe en nog veul mieër. Ze zin een gezellighéjdsklup mi nie al te veul verplichtinge. I.v.m. t éllef jèùrig bestao hébbe ze nééj steke gekrigge en stòn ze d r dus wér piekféjn óp. Óp gezitte tidje hawe ze vergaddering um wér béj te praote en t prógramma vur de t loeëpende jaor te besprééke. En zeker nie te vergééte de fietstocht die ze éns per jaor hawe is vur veul t hògtepunt van ieder séjzoen. Béj de bure is t ééte lekkerder Versjillende leje van de Méélse brandweer ginge in 2008 nò de bónte aovend. n Èntal van ur ware al n inkele jòrre nie mèr geweest en zò ók Coen Stamme ge wit wal van dè ènnemersbedrief. Al gaowgenóg nao t begin van t prógramma kwame de bòrrelnutjes en de pindas utj de tasse van de brandweervraolie en iederieën pikte lekker mee. Mèr Coen zag béj de buure (o.a. Mart van de Siem en Nard Vissers) óp de tòffel kéésblökskes en sjiefkes woorst stao en die beviele m bétter dan die druuëg pindas. Héj pakte dan ók n sjölke mi kéésblökses en woorst wég en zaat dòrvur in de plats n sjölke pindas. t Gezèlsjap nééve m keek m dan ók verbaasd èn, mèr Coen zee, dè zéj nie allieën rèècht han óp zulleke lekkere hèpkes en dè de brandweerlèùj die ók wal luste. t Sjölke èn de kant van de brandweer waar dan ók zoeë leeg. De vóllegende dag waar ne utjruk en toen kwaam de bónte aovend wir ter sprake. En ók t versjil in hèpkes. Volges Coen, die daacht dè de Kieveloeët die verzèùregde, moochte die wal s bétter verdééld wéére övver de versjillende tòffels. De ander brandweerlèùj hébbe m toen ingeleecht hoe de vèùrek èn de steel zaat. Dus Coen Boontje kumt um zin loontje Rudy Gommans van de Nostalgie daacht óp ne aovend Marcel Thijssen, die béj m wéérekt, te graze te neme. Óp zòtterdigaovend wéérekte ze same in de Nostalgie toen Rudy de sporttas van Marcel al héllemòl ingepakt klaor zag stao vur daags t rnao. RKMSV 2, wòrrin ze allebéj voetballe, Rudy as kieper, moos dan ne kómpetiesiewedstréjd speule tege Deurze. Rudy pakte ne voetbalsjoen utj Marcel zin tas en dee die in zin éjge tas. Zó wao héj Marcel óp de reservebank kriege! Toen de speulers van RKMSV 2 óp zóndigmèèrege n uur vur de wedstréjd béj mekaar kwame in t klédlokaal óntdekte Marcel dè tjie mèr énne sjoen in zin tas ha. Héj snapte d r niks van, mèr moos de straf vur lief neme. Héj zao óp de bank beginne. Mèr... énne speuler waar d r nog nie óp dè moment: Rudy. n Halef uur te laat en nog nie wakker versjeen ie en pas, toen woor duidelek wie d r óp de bank moos: Rudy! De twédde sjoen van Marcel kwaam utj zin tas te veursjeen en dè verklaorde veul! De léjder van t twédde Mark Maasen ging in de goal stao en Rudy woor dur de trainer de hélle wedstréjd èn de kant gehawe. RKMSV wón mi 7-1, ónder andere dur utjstéékend kieperswèèrek! Of Rudy de wedstréjd dòrnao wér ónder de lat stóng wete we nie. Ók nie hoe tjie dè goe gemakt hi mi Marcel. Kusje Éllekes kieër as Rick van Enckevort, getraowd mi Kim van Jan van Driekus Max en Jeanne van Gooverte Geer, gé wééreke of vur wa anders wég moet, géft tjie Kim en ur twieë wichter Ruben en Lotte n kusje. Zò ók dien énne kieër toen ie moos gòn voetballe in Duitsland. Ik gao d r van dur zi tjie en gaf Kim ne dikke smakkerd. Automaties buigt tjie zich nò diegene die nééve Kim zit um die ók n kus te gééve. t Zal toch wal n bietje wedstréjdspanning zin geweest, mèr net vur de lipkes mekaar rakte, zie Rick toch dè t nie Ruben of Lotte is die tjie wil kusse, mèr Sandra van de Beuken, zin sjònzeuster. Nò van d n uurste sjrik bekómme te zin, hébbe Sandra en Kim d r nog laang um moete lache. En as iemus wil zie hoen roej wééngskes Sandra toen ha, hoeve ge ur mèr te vraoge no di veurval. Of t vur Rick nog invloed hi gehad óp t spélverloeëp is nie bekéénd. Diezel of benzien Frits van Toon Berben, eks veurzitter en nòw ieëre veurzitter van CV De Kieveloeët, ging afgeloeëpe jaor mi zinne òwtó óp klantebezuuk nò Denemarken. Ter högte van Hamburg ging zinne òwtó kepót. Mi veul moejte woor d r ne andere òwtó geregeld via zin liesmaatsjappéj. Óp d n trugwég moos sjie mèr kieke of zinne éjge òwtó wér klaor waar. Óp d n trugwég ging héj nééve de graazje um te kieke hoe t mi zinne òwtó d r veur stóng. En wa bleek. ne Diezelòwtó löpt nie zó goe óp benzien, zee de graazjehawer óp z n Duits. Óns Fritske ha dus nie zò goe utjgekeke. Dus Frits wie de sjoen péést... 49

50 Géér wille we alle mensen bedanke die de redaksie vurzie hèbbe van de nöddige sjèèle wazel en foto s Tot volgend jaor! De redaksie; Joep Rooyakkers, Koen Verstappen, Frans Strijbos, Fred van Rijt, Jeroen Schriks en Pieter Verstappen Jr. intens geniete 50

51 Pieël èn Maas Méél as zèlfstandige geménjtje is óp 1 jannuuwarrie 2010 utj de gesjieddenisbuuk verdweene. t Is ieën groeëte geménjtje gewórre mi Hèlde, Kèssel èn Maasbree ónder de naam Peel en Maas. Övver de naam is nòg hél wa te doe geweest, mèr utjéénjdelek is t tòch nòg goe gekómme. We kanne zégge, dèh tjie reedelek dimmókraaties is gekózze. De inwooners van Méél, Hèlde, Kèssel èn Maasbree kooste kieze utj dréj naame: 1. Peel en Maas 2. Helden 3. t Land van Kessel. De meerderhétj koos vur Peel en Maas. Dizze naam dékt de laading wal van de dèùrepe die tusse Maas èn Pieël ligge. Mèkkeleker waar t geweest as de naam haa bestao utj ieën woord. Zò ving ik Leudal énne sjònne naam vur n geménjtje. n Saametrékking van de uurste lètters van de bestònde naame bevurbild Hemekema is niks èn vuls te gekunsteld. Ik ken énne naam die óp zòn menier is saamegestééld en die tòch reedelek klinkt: dèh is Laarbeek, n kòmbienaasie van Lieshout, Beek en Donk en Aarle-Rixtel. Ik heb wal s gedaacht, zou énne Latéjnse of Róméjnse naam wa geweest kanne zin: t land tusse Palus Peel en Mosa Maas. Dan harrege kanne dinke èn de naam Paloemosa. Die is wal goe klinkend, mèr tòch ók nie mèr van dizzen tidj. Èn dan weeste de Hòllanders nòg nie wòr Paloemosa örges lag. Nee, we doen t mi Peel en Maas. In uurste instansie is de fuuzie nie harmoonies begónne. Histoories gezie waar dèh ók wal te begrieppe. In t pas versjeene boek van Medelo Meijel, bijzonder dorp in de Peel léés ik óp bladzéjde 64: Maar ook de invallen vanuit Helden en Kessel brachten volgens processtukken de heer en inwoners van Meijel voortdurend ellende. Een van de gewelddadigste vond plaats op woensdag 15 september en donderdag 16 september 1591, toen zij als razende honden de Meijelse gerichtsbode Philip van Asten zochten. Met geweld werden schapen en paarden naar Helden gedreven, loslopende kippen werden doodgeslagen en als buit meegenomen, op de handen van de vrouw van Jan Linskens werd zo hard geslagen dat haar polsen braken, Lenaert Ingenhaegh werd bloedend en met gebroken benen achtergelaten op de Donk en gereedschappen verdwenen naar het oosten. Ók vanutj t zöjde kwaam gevaor vur Méél. Óp bladzéjde 63 van tzèlfde boek lééze we: Vervolgens trokken op dinsdag 1 juli 1572 om negen uur in de morgen duizend sterke en zwaar bewapende mannen uit Roggel, Heythuysen, Nunhem, Haelen, Buggenum, Horn en Beegden de vrijheerlijkheid Meijel binnen. Zij schreeuwden Sla dood, sla dood en ze sloegen bloeddorstig op de Meijelsen in, zelfs op zwangere vrouwen. Eten en drinken werden geroofd, brood werd uit ovens getrokken, deuren en vensters werden vernield, geld en kostbaarheden probeerden ze mee te nemen en wat aan kasten en huisraad niet meegenomen kon worden werd kapot geslagen. Nou waare de Méélse ók gén lievertjes èn van n fuuzie waar toen netuurlek gén spraake Is t jaor wòrin de Taachtigjörrige Òrlòg begoost tusse de Hòllanders èn de Spanjaarden, mèr t liekt ter veul óp dèh ter ók een taachtigjörrige òrlòg waar tusse Méél èn de eumliggende dèùrepe. t Klinkt nou as n óperètte èn gelukkig is ter tiggewórrig saamewérking in plats van reuzjie. Èn zin de Méélse op énne énkele nao de frustraasies van vruugger kwitj. De gesjiedddenis van toen is fòlkloore gewórre. In t midde van de jòrre suvventig waar der ók spraake van fuuzie van Méél. Ik héb toen, in t Mééls krèntje méénj ik, gesjrivve dèh n fuuzie mi Hèlde kultuureel gezie óp grónd van de diealèktversjille nie vur de haand lag. Die versjille zin der nòg wal mèr speule gén belangriekke rol in t gehieël mèr. Waar der al n Mééls Woordeboe:k, in 2009 is versjeene t Woordebook van Helje. Dòr kanne ge as Méélse nao de fuuzie nie umhin. Óp de leeste ròdsvergaddering óp 30 disèmber 2009 gehaawe in D n Binger booj zjoernaliste Gertie Driessen di woordeboe:k èn BeeènWee èn mi t verzuuk van ur dèh ze zich mooste verdieppe in de Hèldese taal mi t oeëg óp de fuuzie. Dèh waar n goeje tip. De afgeloeëpe wéék héb ik mij t Woordebook van Helje ók èngesjaft èn ik moet zégge ik héb ter génne spitj van. Ik mis n inlééjing. Wal is ter n semier veursjrift vur de spèlling. Vur de rèst is t n ópsómming van weurd. Veul weurd klinke wal anders mèr dòr bénne ge zoeë èn gewéénd. Dèh t Mééls slikke in het Hèldes sjlikke, smèkke sjmèkke, snoe:t sjnoet, stroeë sjtroeë wérd, hérre ge zoeë in de gatter. In Hèlde gòn ze nie nò husj mèr nao hoes èn nao boete in plats van nò butje. Èn mi Aswoenzig haale ze in Hèlde n aosekruutske, in Méél n askreusjke. n Hoeëp weurd zin óngevieër tzèlfde as in t Mééls, mèr der zin der ók die hél apart zin. Mesjiens zòn die nie misstao in t Mééls. Ik nuum der n dél: aomezeiksel mier, breidsjieter (Mé. zou zijn brésjitjer) opschepper, daakhaas kat, gefiefd slim beleefd, gruézelmènke mopperaar, hiepkeutel koukleum, krelkespeser betweter, mankasie mankement, tekort, moetskop domoor, ruveletuut samenhang, verband, tort pijn, ellende, wikkewane wippen, schommelen, zobbes slordig persoon, poorsele dwarsdrijven. Der is ók n trèfwoord Meiel. Tòt meen verbaazing léés ik dòr ónder andere De officieel aangenomen plaatsaanduiding is nu: Méél. Maar het strookt met geen enkele spellingsregel. Óp bladzéjde 11 van t Mééls Woordeboe:k héb ik die éé-klank van Méél goe verklaord. Èn ik bén dòrvur teruggevalle óp de spèlling zòas die béj de Nijmeegse Centrale voor Dialect- en Naamkunde gebruukt woor bij de afleeveringe van t Woordenboek van de Brabantse Dialecten. Èn die éé-klank li dus wal deegelek n spèllingsreegel ten gróndslag. Ik wit goe dèh Méél ók as Mael gespèèld haa kanne wéére vòlges de Spelling 2003 voor de Limburgse Dialecten. Mèr vur de òffiesieële sjriefweesj van Meijel hé men gekózze vur de éé-spèlling van t Mééls Woordeboe:k. Nòg wa anders wil ik rèècht zitte, umdèh tèh n éjge lééve zou kanne gòn lééje in t kóntakt tusse Hèlde èn Méél. Óp diezèlfde ròdszitting van 30 disèmber van t vurrig jaor zee zjoernaliste Gertie Driessen, dèh énne Hèldese wéthaawer teege ur haa gezi, dèh t woord dörske nie veurkwaam in t Mééls Woordeboe: k. Ze moette dan in Hèlde bétter di woordeboek lééze. Ze moette dan kieke in t register ónder de kóp deerntje. Hoe raar t mesjiens ók klinkt, mèr dörske is afgeléjd van het Nidderlantse deerntje. Dees krietiese noote doen övveregens niks af èn de taalkundige waarde van t Woordebook van Helje. t Is n sjòn èn belangriekke bijdraage èn de woordesjat van de geménjtje Peel en Maas. Hoe de lókaale diealèkte van Peel en Maas zich zalle óntwikkele in de toekómst is nou nie te zégge, mèr dèh se mekaar gòn beïnvloedde, dòr is nie èn te óntkómme. Hèrman van de méster 51