vur Méél en de uurste nobbers Be-Nir-Os-Rog-As. Di krentje versjeentj en verdweentj inéns Kieveloeët

Transcriptie

1 De 57e vastelaoveskrant vur Méél en de uurste nobbers Be-Nir-Os-Rog-As. Di krentje versjeentj en verdweentj inéns Dè sin de beginletters van Beringe, Nirkant, Ospel, Roggel en Aaste. Kieveloeët OfficieelorgaanmernieechtvandeMéélsevastelaovend2008Bijéngeprakkezeerdenutjgegévvemiduzjelighoeëgbevelvaninkelvastelaovesflabbeevattendealleswabeslooteennie beslootezalwéére.vandeninhawdisgénlettergelógeenis tgelógedanaawegeouwdermernetjesbutjeanderssjoebezeouwnogutjwórunnenhóndgénbroeëdvanlust.deredakteur mótteböllekustienuspaastpaedjeonbekééndtel1111b.g.g.litjieópbéd.ingezóndestukkewééreaaltidjgeplatstas tmersjonnewaazeliswéérezeniegeplatstmoetezemerverdóriesgoeweet edè tallemoltiggewórriggentidjniekan. tauteursrechtvandeeskrantbereustbijdesjrieversdieunnenbrieëjerughébbeenanderléújdiegoeweeteworabrahamdemoosterdhaltendèieënenien zòwàdréjis.wijwenseollieallemolééveveullolmideesdaag.de Kieveloeët. Proclamatie as Prins Jurgen I Wij Prins Jurgen I Bij de gratie van de Rò van Éllef, Vorst Peter, Adjudant Henk en t Comité van de Kieveloeët, zoon van Irm van Jóppe Piet, ópgegrèùjd èn de goeie kant van de Kwakvórs, óp t utjerst rééchse utjerste van de Vrutjerste en besjermd tege vrimde invloede dur nen twédöbbele grachtegordel vlak aachter t gebórtehusj, tiggewórrig heuzjend óppe Meulecamp, al sins de vörrige éw gelukkig getraowd mi Marilande, daochter van awd prins van de Ulewappers Sjaak van Sjang utje Nirkant en Siena van Sjefke Vleune utj Lisjel, grötse pap van den allerliefste kleuter en t sjonste prinsekindj Josje, óp eige houtje en ónder de afkórting KMM alles monterend wà lós en nog nie vaast zit, zelfstandigen óndernemer en eige wérkgééver, mitte neus veurénstond lid van de Méélse motorcrossclub, knettergek van alles wà mer sjeure kan en dörum ók al jorre wég van dees vastelaoveskrant, as klénje snótaap al rundjes trékkend rónd t biljart van kefee Jóppe in ne dur opa Piet eigegemakte racetrapauto, tiggewórrig as supersnel flitsenden amateur fotograaf riggelmaotig te vinge óp allerhande internationale racecircuits wor gierende motore en razende autós in n fractie van n seconde vur éwwig óppe gevulige plaat wéére vaastgeli, óndanks alle stuurmanskunste riggelmaotig in de vangrail belandend, wor de sjaai méstal beperkt blieft tot óngelukkig verlórre dartputjes of hòchutj n flink stuk in de laai, krag of hakke, geweze vorst van de Knaptoet en utjsmitjer van de Pannesjóp, awd prins van de Sjraveltempel, ex vriend van Rob Kamphues, vrugeren béjréjjer van Jos Verstappe en nog mieër en nog mieër en nog veul mieër gééve hierbij féstelijk knallend, flitsend en rónkend, vanaf t ieërepodium van t Méelse kieveloeëtcircuit triomfantelijk te kénne, dè alles en iederieën zich di jaor mi verduzjelende vaart in ónze slipstream mag laote meesleure, dè we alleman die t éfkes nie bij kan haawe géér óp sléjptouw wille neme en dè we iederieën die liever wil blieve plekke mi alle plezier n tube montagekit utj eige vurrò èn de kónt wille sméére, dè wij in naam van n zaak die óns naaw én t hart lì alle Kieveloeëters en Kieveloeëterinne zon wille verzuuke um ónze spreuk in ieër te haawe, doe allemol mee en lot t di jaor: Utjgegévve dur inkel vastelaovesgekke umstreeks jannewarrie 2008 Knalle, mi minne vastelaovesrees Kóm mèr mee! Prins Jurgen I

2 övverhàndiging CD

3 Veurwoord Burgeméster Beeste Kieveloeëterinne en Kieveloeëters, t Is al wir zò witj, de vastelaoveskrant is wir verspréjd en zal de kómmende tidj òllie agenda bepale, géllie gòt nèt as óndergetieëkende, rèèchtgeaarde Kieveloeëters en Kieveloeëterinne ónder in t vastelaoveslééve èngebóje dur ónze néjje prins, Prins Jurgen I. Mèr t paast me zeker ók nog ne kieër awd prins Peter III, te bedanke vur zin aktere as prins övver t Kieveloeëteriek. Ók Prins Peter III is t r, zòas veul veurgangers in geslaagd um óns gedurende n jaor óp de juuste mómente de lol van t lééve te laote zie en vural de betrékkelekhéjd van veul dinge utj ónze dagelekse sleur. Peter, Méél waar gedurende òw periejode as prins, in vertraowde haand. Toch mooste we n smet in de periejode van Prins Peter III akseptere. As ópper, ópper, ópper Kieveloeëter, bén ik in t dagelekse lééve belast mi openbare orde en véjlighéjd. Kieveloeëterinne en Kieveloeëters ge kaant òllie veurstélle dè ik moejte héb gehad um de Kieveloeët, nò de verdweenjing van óns Kievelmènneke, ónder oeëge te kómme. Óns Kievelmènneke woor in de naacht van 28 óp 29 méj bruut utj t Méélse lééve gerukt. Die dinzigmèèrege moos ik óp wég nò t geménjtjehusj vaaststélle dè wòr éns zò tròts óns Kievelmènneke övver Méél wakte, nòw allieën mèr n gapend gaat in de bestraoting reste. Alle inspanninge tèn spitj, t mènneke woor nie truggevónge. Dè mènneke kan nie utj éjge beweging de bieën genómme hébbe! Immers t Kievelmènneke is in al die jòrre dè tjie d r vur óns waar mi alle egaards behandeld. Óns Kievelmènneke stóng binne en butje de Kieveloeët sentraal. Zin verdweenjing hi de gemoedere vanaf dien tidj stevig bezig gehawe. Zò moos éllef nóvèmber t insjiete verplatst wéére nò t Raodhusjpléjn. As duukske vur de wónde stéélde t kolleezje vur t geménjtehusj ne vlaggemast vur de Kieveloeëtevlag besjikbaar. Langs dizze wég zég ik alle Kieveloeëterinne en Kieveloeëters toe dè t kolleezje zich dur niks löt weerhawe um n femielielid van óns Kievelmènneke óp te spore um mi behulp van nééj technieke de beest meugeleke kómpensatie vur di verlies te vinge. Mèr zò as dè gé in geménjtjeland; goej wèèrek hi tidj nöddig! En di moet goej wèèrek wéére. Vur t móment genóg övver dizze bruute daad. n Vastelaovesjaor, ne néjje prins, ne geslaagde liedjeaovend, we zin d r klaor vur! D r sté óns wir n gevariejeerd prógramma te waachte. Mi as ieën van de hògtepunte t P&M liedjesfestieval in óns geménjsjapshusj d n Binger, wòr nò verwaachting 1200 vastelaovesvierders zalle geniete (of genote hébbe) van t óptréje van de Méélse Knoetsòrre & co. En natuurlek de bónte aovende en de bónte middig. En wa te dinke van de Kééj Knappe Kwéékmiddig vur de jeugd. Kórtum n fést vur iederieën. n Fést wòr, as we bevurbild d n óptocht neme, ók veul Méélse veurberéjdend plezier èn belééve. De Kieveloeët beengt Méél, de Kieveloeët héélt Méél béjén! t Wérd minne vierde vastelaovend in Méél. Minne vierde sluttelövverdracht. n Hògtepunt in minne agenda, wòr ik dur ervaring wisj gewórre, gedurende t hél jaor bedachtzaam vur bén gewórre. Ik moet dur t jaor alle veurvalle nòwléttend wéége en registrere um 2 fibberwarrie goe beslage t n isj te kómme. Mèr ik zég niks te veul as ik zég dè Méél t afgeloeëpe jaor óp zin gróndveste gesjut hi. Ènvalle vanutj t ooste weest te parere en de heersjappéj van de Kieveloeët weest véjlig te stélle. Ik hoop dè de sluttelövverdracht ók di jaor wir ne geslaagde aovend óplevert en t startséjn vèùremt vur ne geweldige vastelaovestidj. Kieveloeëterinne en Kieveloeëters zit ók di jaor wir s flink de bluumkes butje. Doe dè, fést, geniet en dus vural veul plezier. En van minne kant n dréjvòwdig alaaf vur de Kieveloeët. Ópper, ópper, ópper Kieveloeëter, Hans Smulders. Vastelaovesles óp de bazissjool Umdè n delegasie van de Kieveloeët in nóvember óp de bazissjool de betieëkenis van de vasteloavend kwaam utjlégge sjreve Maud Willems en Rick Steketee t vóllegende stukske: Hòj De Kieveloeët We vónge t n hél sjòn en lierzame les. Hél veul kinjer vónge t sjòn die liedjes Lééve de Kieveloeët en van Nie Wisj, wòróp we de polonééze hébbe gedao. We hébbe ók hiel veul gelierd. Di hébbe we gelierd: De mense vierde vastelaovend, umdè de kaaw daag d róp zate en t wér wèèrmer woor. Óp de 11de van de 11de om 11 övver 11 schote ze 11 kanonsjote in de leucht. Dè din ze altidj béj t kievelmènneke, mèr dè was gestólle. Dus ging dè nie. Hieël veul kinjer kómme béj de Rò van 11. Bedankt dè géllie kwame. Groetjes van groep 7a van bazissjool Den Doelhof Verstand kumt mi de jòrre of nie Ge kéént ze wal de mèn van de aaw frikandéllefebriek in Méél. t Zin nòw de vutters Tjeu van Wippe Pieër, Junke Doensen, Henk van Heugten, Jan Janssen, Wim Verheijen en Fetje Rademakers. Ze viere nog altidj same verjèùrdage óp de mòndigmiddag nòdè iemes jèùrig is geweest. Uurst gòn ze n flink stuk loeëpe en dan vinge ze dè ze de koffie en de flaaj wal verdiend hébbe en wete ze wòr die groeëte doorst vanaf kumt en laote zichzèllef volloeëpe. Flésse bier wéére massaal utj de koelkaast gehald. Natuurlek huurt d r ók n stukske woorst en n blökske kéés béj en dan wéére herinneringe ópgehald en de verhale wéére als mèr stérker. Óp zuvventien dezémbur ware ze béj Junke èn de beurt die jèùrig waar geweest. Mèr in de loeëp van d n aovend woor Harrie als mèr stiller, totdè tjie utjéjndelek in slaop viel in zinne stoeël. Sjònne gastheer, die gén bier mèr èn koos èn sléjpe! De vutters zage n slèbberke van de klénjkinjer ligge en hébbe m dè vurzichtig eum gedao. Ze hébbe zich slap gelache, mèr Harrie woor d r nie wakker van. Dus hébbe ze m sjòn laote zitte en zin dur vandur gegao. De vóllegende mèèrege vóng Harrie zin leeste, lege bierkrat èn de butjekant tege de graazjdeur! Wim Verheijen was tusj mèr drèk nò béd gegao, mèr sméérges zi tjie tege zin vraow Cor: Ik kan min gebit nérgus mèr vinge dè is d r in béd utjgevalle! Ach, zi Cor, dè zal wal ónder in de weeceepót ligge, dòr bénne ge vannaacht ók n paar kérre geweest! Nee, hiel Wim vól, dè is t r in béd vanzéllef utjgevalle. Cor hi t ganse béd durzoocht en tenslotte t glibberige gebit gevónge óp de grónd tusse t béd en t nachkèèsje!

4 Zinne leeste speech

5 Drieka Sjééres Afgeloeëpe zómmer was t ne kieër sjòn weer en veul mense genóte van de wéérem zónnestraole. Roel Lammers (zoon van Hans en Nel Lammers) en zin vriendin Mariëlle Stammen (dòòchter van Piet en Tiny Stammen) réje in urre aowtó nééve t terras van Piet de Bruin, wòr dus inkel mense óptimaal gebruuk makte van t wénnige sjòn weer dizze zómmer. Roel hèrkéénde inkele dames óp t terras en wuifde d r vriendelek hin, wòróp Mariëlle wàl wò wete wie dè ware. Roel zee óp z n Nederlands: Drie-cassières. Mariëlle daacht èfkes nao en vroeg toen èn Roel: Wie is Drieka Sjééres? Roel zee óp zin beurt: Jao gewoon drie cassières! Mariëlle vroeg dòróp of dè dè dan mesjien femielie van Luc Sjééres (zoon van Frits Sjééres) waar. Roel vroeg zich af wa Luc Sjééres nòw in di verhaal kwaam doe en leecht geïrrieteerd herhalde héj: Drie cassières van de cee duzjend. Béjnao tusj èngekómme viel t kwartje vur allebéj en kooste ze d r Jónk gelieërd... smakelek um lache. Nie te geluuëve Cor Manders (van Willem van Corneel) sjeentj t zineige nog aaltidj nie te kanne vergééve dè tjie de bijénkómst in den Bingerd övver de fusieplanne tusse Méél, Helde, Kessel en Bree gewonewég harstikke haa vergéete. Hij hì t r spitj van as haor óp zinne kóp, dè tjie dor nie nog s awwerwéts van léér hi kanne trékke tege alles wà m al sins zin voetbaljorre dwars zit. Want as Cor in dien tidj gruun zök zag, dan wérkte dè bij hem as ne roeëie lap óp ne stier. En zeker as dien tegestander méénjdje zich dan ók nog wà te moete ménje en begoos te roepe van wiet en wiet veul bééter en van get hoeëger en get wieër dan stampte Cor autómatisch nog get heller tege dien bal en dan han de sjeenbesjermers ónder al die gruun zök dik veul te léjje. En nou! Nou t d r óp én kwaam dè tjie s tegoei vur zin ménjing koos utjkómme, nou hà tjie gezwigge as t graf. Gezwigge as t graf Inéns viel m iets in um dè knagend sjuldgevuul van niks te hébbe gedoa, mesjien toch nog n bietje kwitj te kanne rake. Zinnen trouwen hónd Carlos was pas dò en hij haa m óp n sjon plats begrave. Mer hij was d r van övvertuugd en dè realiseerde hij zich eigelijk nou pas, dè tjie m, zónder d r in alle emotie bij stil te stao, rèècht mitte kóp nò Helde in de grónd haa gestópt. Ik gao m asnog umdrèèje zee Cor want dì kan ik ónzen brave Carlos nie èndoe. Nòdè Cor t graf haa ope gegrave en zinnen doeëjen hónd in de hél lingte vurzichtig haa bloeët gelì, bleek tot zin verwóndering, dè tjie toch wal degelijk mitte kóp nò Méel en mitte kónt nò Helde lag begrave. Ge zaalt t nie geluuëve zee Cor tege Fien wie tjie de sjup wir in t sjuurke haa truggezit mer dien hónd van óns, die hi zich nò alles wà d r zich de leesten tidj hi afgespuld, van ergernis in zin eige graf eumgedrèèjd! Wiekendje wég Willemien van Walter Hoebergen en Margriet van Piet Hoebergen ginge n wiekendje wég. Ze ginge mi de bus nò Rudesheim in Duitsland en wàl vur dréj dage woor d r gezi. Planne ware d r al laang gemakt en de ópstapplats was al zòwà geregeld gewórre, Walter zò ze wégbrénge en Piet moos ze sóndigs wir hale, béj t AC in Zevenum. Zò was t allemòl goe geregeld vòlges de dames. Fréjdes smèèreges in alle vruugte wore de dames utj Méél wéggebroogt nò Zevenum. Sjòn óp tidj ware ze dòr mèr toen ze de parkeerplats ópdrèèjde in Zevenum zee Margriet inééns: Mèr hier moete we nie zin! We moete béj t AC in Nillewért zin richting Mestreecht. Goeje rò was duur. Mèr d r woor gebèèld mi de zeusters die dòr al stónge te waachte en d r woor gezi de ze ne band van d n aowto kepót han, mi de bedoeling dè de bus zò waachte. t Plan slaagde en de neus van de aowto woor richting Nillewért gezit en zò ware ze nog goe óppe tidj dòr. De kòffers wore ingelaje en de réjs koos beginne. De sjóffeur zee nòg: Dat hebben jullie snel gedaan. Jao, zee Margriet, as t moet bén ik echt wàl snel!! In de bus waar dè smoesje van die kepótte band al gaow veraoje en t ging in de bus dus nèrges mèr övver as övver t AC in Zevenum. Nòw, daacht Walter, nòw kan ik m zòtterdigaovend us flink laote gao, want die kómme toch zóndig pas trug. Tot hallef vier was ie óp stap geweest en héj ha goe gedrónke. t Waar beest gezellig geweest. Mèr toen ie tjuskwaam en drèk nò béd ging, kumt tjie bove en ziet dè t r al iemes in zin béd li. Dus daacht tjie: n Ander dörske in min béd dè is nòg nie zò verkieërd. Mèr ónder die dekes dòr lag zin éjge Willemien. Bleek dè die réjs allieën mèr vur vréjdig en zòtterdig waar. En nòw wit Walter nie mèr of Willemien n sjòn linzjeriesetje èn ha of ne dikke piejama want dè zag óp dè móment nie mèr zò goe. Awd en Nééj Óp zòtterdig tien nóvember ginge de roeëj, (de rò van éllef), van de Kieveloeët, awd en nééj viere béj de Nostalgie, want vur èchte vastelaovesvierders begeent t nééj jaor óp d n éllefde van d n éllefde. Ze ware àllemòl prezent, dus ók Ger Heeskens. t Waar ne èrreg gezellige aovend en t bier vloejde riekelek en d r woor duchtig gepròt övver van alles en nòg wà. In de kléénj uurkes óp wég nò husj kreeg Ger n ingééving (um erger te vurkómme), zin gebit mèr utj te doe zòdè tjie t nie koos verleezje. Nao dè tjie lekker geslaope ha en wir vruug utj de véére was vur de opening van t vastelaovesséjzoen, wao Ger zin gebit wir indoe, mèr héj koos t nergens vinge. Goeje rò waar duur. Nao dè tjie övveràl gezoocht ha en al n bietje in paniek rakte vóng ie zin gebit trug toen ie zinne jas ha èngetrokke en in zin tès vuulde. Utjéjndelek is alles toch wir goe gekómme en stóng Ger wir vrolek mi de mónd vól taand óp de opening béj t geménjtjehusj. Van huuëre zégge - De pènningméster van n groeët koeër is gestópt as lid en hi de kas ingeleverd mi óp d n bójjem n briefke mi Bedankt vur alles! - Fetje Rademakers vertéélde béj de veterane dè zinne knééj verslete waar èn dè tjie ne néjje kreeg. Vroeg iemes: Wa doere ge dan mi dien awe? - Wie mi ne stók löpt die is gehendiekept. Wie mi twieje stök löpt die du èn sport! Jao, vur mieërvòwdig gehendiekepte. - Min vraow die wil génne hónd. En géj dan? Ik mag wal binne!

6 Wir gewoon Peter

7 Dènsing wis de staars Umdè Anneke Baste mee ging doe èn Dènsing wis de staars ging ze béj Sjaak Sjééres èn de Visvéjverwég ur galaklieër utjzuuke. Ze ha van allerhande klédjes èngehad en ur keus kanne make. As béjpasend sieraad waar ur keus gevalle óp n kitting mi dòrèn n spieraalvèùrmige hènger. Toen ze tusj was èn alles ha klaor geli vur de danswedstréjd was ze t spieraaltje kwitj. Dòrum bèèlde ze mi Sjaak of die mesjien ur spieraaltje ergus ha zien ligge. Sjaak beloofde alles af te zuuke, mèr koos niks vinge. Óp de plee gekeke, want dè was volges hem de énnigste plats wòr ge òw spieraaltje kaant verleezje! Héj bèèlde trug en kreeg Fons èn de léjn en doorst nie te zégge dè tjie t spieraaltje van Anneke nie ha gevónge en vroeg of Anneke nie trug koos bèlle. Toen ze dè dee, begreep ze dè zéj vur n behuurlek misverstand ha gezèùrigd en dè ze n kitting bedoelde mi ne hanger in de vèùrem van n spieraal. Die was zoeë gevónge en Anneke stóng dur piekobello óp. Hoe moeilijk is t um ne kneenj te voerre. Robert van Enckevort ging mi vraow en kinjer vur n dikke wéék óp vekansie. Dörum was Oma Lies gevraogd um in den tussentidj vur de kamerplante, de goudvis en den tame kneenj te zèùrege. Dè was vur Lies, die alzelééve klaor sté, netuurlijk gén inkel probleem! Dan bén ik nou éfkes nò ónze Rob t spul verzèùrege zee ze smèèreges tege Sjaak en nòdè ze mi t gieterke néeve alle bloemputjes was geweest en gekónstatteerd haa dè de vis in alle geval nog watter zat haa, makte ze énstalte um de kneenj van vórse brökskes te gon vurzie. Mer hoe kwaam ze nou bij dè voerbekske? t Stóng verdórrie gans aachter in t butjenhökske en in dè hèl gaze raamwèèrek zaat nérges nie ieën durke! Óndertusse zaat t kneenjtje al óngeduurrig in zin leeg bekske te sjarre. Nou moete ge mij vur de aardighedj toch s éfkes vertélle zee Lies, terwiel ze mitte haand in de zééj de kneenj vraogend énkeek, hoe dè ik hier in simmels naam oit bij ow voerbekske zao moete kanne kómme. De kneenj ging rèèchtóp óp zin aachterpötjes zitte, spitste zin örkes, douwde mi zin nuske n paar kérre bove tege de gaas, mer zee t génieën. Dan mer geprebeerd um mi urren èèrem, dur t veurdurke van t naachthökske, via t tussedurke nó t butjehökske, bij t voerbekske aachter in t huukske te kómme. Mer hoe Lies ók vruutte en vróng, t hél gehampel leverde ur al mi al nie mieër óp as ne roeien oksel en n paar dikke plekkerige kneenjskuttels bij urre rèèchsen elleboog. Waacht s éfkes. daacht Lies Nou snap ik hoe t zit! Dè ik dor nie érre én gedaacht héb! Hierónder óp dien bójjem zit n sjuuflaai en die kan ik d r dus mi beksken en al zoeë utj hale. Vurzichtig trok ze de laai nò vurre en jòwal, dor kwaam t bekske langsaam mer zeker in de richting van de laaiopening en bleef mi t bóvveste rèèndje tege den ónderkant van t raamwèèrek hange. Hoe Lies t beksken ók drèèjde of kieërde t was mi gén meugelijkhédj dur die spleet te kriege en vurdè ze behaleve nen óntstoken èèrem d r ók nog n paar gekneusde vingers èn övver zao haawe, besloot ze wisjelijk um de laai vurzichtig wir netjes toe te sjuuve. Dornao pakte ze ne flinken haffel brökskes en mikte die zò goe en zò kò as t ging van bovenaf dur de gaas in de richting van t voerbekske. Zoeë zee ze dor kanne gij t wal wir nen dag mi doe. Wies mèèrege. Zò ging dè dus ók al die vollegende daag en Lies begoos al aardig én die kneenjsbrokkemikkerééj te wénne, toen sóndessmèèreges ieën van ur ander kléénjkinjer, die n weekendje bij opa en oma was kómme logere, mee moocht um de vis en de kneenj van ome Rob s extra te vertroetele. Nodè Lies de plentjes haa gedoa zee ze tegen ur klénjdaochter: Lusjter Tara, nou zal ik ow uurst s weezje hoe dè ge die kneenj moet voere want dè wit ik nie of dè gij dè wal kaant. Bij oma zee Tara dor bén ik al laang mi vérrig! Hoe hérre ge dè toch zò gaow vur mekaar gekrigge zee Lies terwiel ze mi betracht nò t bekske keek wor nie ieën brökske was nééve geknoid. Simpel Oma zee Tara déksel ope, brökskes in t bekske, déksel toe! En tegliekertidj klapte ze mi n soepel beweging de completen bóvvekant van t butjehökske wagewitj ope en wir deecht. Spónzers gezoocht Tege d n tidj dè de geménjtjerò n utjspraak moos doe um same mi Bolder, Helde en Bree n groeëte geménjtje te gòn vèùrme, liepe de emosies hòg óp. n Enkééte broocht èn t leecht dè t r n flinke groep Méélse zéllefstandig wao blieve. Missjien zin dur wal veurdélle èn samegao, mèr die zin nog nie hèlder genóg. Dè woor ók gevónge dur de geménjterò, wòrin versjillende partéjje nie trug durfde te kómme óp beloftes in ur verkiezingsprógramma. Ók al daachte versjillende frakties dè n fuzie in de toekomst nie te óntloeëpe zal zin. Binne n wéék woor duijdelek dè, as Méél daacht zéllefstandig te kanne blieve as n status aparte tusse de pieëlmoerasse, de geménjtjes wòrmi wéj samewééreke d r wal vur zalle zèùrege dè we verzoepe. Alle dienste die we moete inkoeëpe wéére flink duurder. Méél liekt n bietje óp t klien Gallies dèùrep van Asterix en Obelix, wòr de inwoners de Roméjne heldhaftig butje de pórt hiele. Dè Méél zò stéérek hecht èn de zelfstandighéjd hi alles te make mi t biezundere verleje van óns Pieëldèùrep. Mèr umdè Méél de kónt tege de fuziekrip hi gegòjd, zal de geménjtje binne n paar mònd moete beweezje dè ze as zéllefstandige geménjtje de Hier begeent t al te knalle bóks óp kan hawe in de toekomst. Dòrrum wéére alle veurstanders van n zéllefstandig Méél ópgeroepe zich te mélde as spónzer van de geménjtj vur n bedrag van minstes duzjend euro per jaor vur minstes tien jaor!

8 Afgewérkt

9

10 Awd Prins 10

11 Proemeflaai Sinds afgeloeëpe jaor is Leon Bots cómmendant bij de blaow sjutters van Sinterklos. Die ról is m werkelijkwaor óp t lief gesjrivve. Al was t allieën al mer vanwege zin gewichtig veurkómme, zinnen ónversjrókke kiek, zinne vaasten trééj en zin stéém as van n galmende kérkklok. En geluuëf mer dè tjie d r tegoei de windj ónder hi, want as Leon zinne kéél ope trékt, dan haaw ow mer keduuk! Dan knallen ow de decibelle wie mokersléég um de orre en razele zelfs de strakgespanne velle van de dikke troom wie de rutje van nen tuinderskas bij zwaor gedónder in de glaze! Nee, dè moet gezi: Die néjje cómmendant van Sinterklos dor véélt nie mi te solle, die hoeve ge niks wisj te make, want Leon van An van Meuse Giel die löt zich nie vur sjut zitte! Um de sakkernóndedju nie! Óp t dekenaal sjuttersfést in Egchel zao den exercitiegroep vóltallig en ónder de izjere discipline van de néjje cómmendant vur den uurste kieër gon éntrééje en dörum moos t r zò nöddig daags van tevurre nog ne kieër geoefend wéére. Umdè versjillende leeje óp die zotterdigmiddig toch al zon kómme hellepe bij t gróndwèèrek vur t nééj clublokaal, woor d r afgesproke óp t bouwterrein én t Dónkersveld. Dè kwaam goe utj, want de exercitiegewérre koose ze dan gereust tusj laote, umdè iederieën zich in de plats net zò goe gewoon éfkes n sjup óppe nek koos pakke en ók de uniforme kooste inne kaast blieve hange, want de wérkövverals ware vur dizze próvvezórrische ginnerale évvel al blaow zat. Ók de visclub, die zòas géllie wete óp dezelfde lókatie ur ónderkómme gè kriege, was die zotterdig goe vertiggewoordigd en um de ónderlingen band mitte sjutterééj en tegliekertidj ók den innerlijke mens te verstevige, was d r gezèùregd vur mieër as genóg proemeflaai en ók zeker zat flesse bier. Ónder de deskundige leiding van Sjaak Beijers liep t wèèrek zoas dè van echte verenigingsmense verwaacht mag wéére. Iederieën dee zin utjerste beest en ménnigieën spaowde zich de blorre inne haand. D r woor gespaid en gegrave, gezwét en gekuumd, gesjólden en gevloekt, mer vural veul flowwekul verkaocht en gelache. En zeker toen t wèèrek gedao was en ók t exercitiepilleton óp t leeste verlossende commando van Leon, eindelijk èn de verdiende op de plaats RUST toe waar, toen was t in t valle van den aovend dor óp t bouwterrein én t Dónkersveld, ónder t genot van n fles bier en n leeste stuk övvergeblivve flaai nog laang stikkes gezellig. Ónzen dappere cómmendant was óndertusse trouwes al laang nò husj. Die haa wà laast van zinnen buuk Witte ge wà zee Hans van de Kreum óp n gegééve moment tege An van Meuse Giel Ik wil wal s wete hoene groeëten held dè ollieë Leon nou eigelijk wal nie is Hoezoeë dè zee An. Bij ik bel m óp en dan zég ik dè ik ók stikkese laast héb van minnen buuk en dè ik héb moete sjitje as ne reiger en dèttè allemol kumt van die verrekkese proemeflaai van de visclub en dè tjie d r nie óp hoeft te télle dè ik mèèrige mee kan gao nò den dekenale. In de gang vietjie zinne mobiel en zónder ók mer n spier te vertrékke dee-ie zin verhaal. Shit zee Leon Shit, dan bén ik dor vanmiddig zèèlef ók al wà van gewaar gewórre. Mer mak ow mer gén zèùreg dè is strakkes wal wir övver, want ik héb óndertusse ók nérgus génne laast mer van. En nou is de vollegenden èn de beurt zee Hans, toen eindelijk iederieën utjgelache was. En nòdè tjie óppernééj Leon zinne nummer haa ingetoetst stópten-ie zin praotizjer bij Sjaak Beijers in de haand. Jè Leon mi mij zee Sjaak. Lusjter, ik dink dè ik mèèrege in Egchel nie mee kan doe, want ik bén wal zò gloeiendig èn de loeëperééj. Gij ók al kakte Leon zò hard dur d n tillefoon, dè iederieën t tussen t snóttere dur nog letterlijk mee kón kriege. Dè is van die die smérrige proemeflaai van die verrekkese visclub! Volleges mij zit die mij ók nog behuurlijk inne weeg! En Hans van de Kreum hi net ók al gebèèld dè tjie stróntziek is. t Zal sakkernóndedju toch nie waor zin!! Vurdè t m van t ingehaawe lache nog werkelijk in de boks zoa sjiete makte Sjaak gauw n éndj én t gesprek en toen utjeidelijk iederieën wir zòwà óp ojjem waar gekómme, was de beurt én Mark Jansse. Óp t móment dè m die mobiel ónder zin neus gestópt woor nom-ie tegliek mi zin leeste lachstuuppe net nog gaow ne groeëte slók bier. Dè hà-tjie nie moete doe want hij verslikte zich wal zò óngenadig, dè t bier m as sjuum dur de neus nò butje kwaam Mi Mark stamelden-ie as in ne noodóproep tusse de kumende en kèùkende geluide dur. Sorry Leon mer t kumt me d r allemol van bove en van ónder tegliek utj Sorry, ik kan nie mer! Nou géf mij dè ding mer s éfkes zee An, die as meeléévende moder hoarzuver énvuulde dè urre alles bijén permiterende zoon, die dornet in paniek den tillefoon haa nirgegoid, óp t punt stóng um de totale mismoe én zin lief te kriege. In uurste instantie kreeg ze gaar gén gehuur. Die zit gegarrendeerd óp t sjitjheusjke lachte Hans van de Kreum, want geluuëf mer dè t m ónderhand deun dur de bóks begeent te loeëpe! Wie An m éfkes latter nog s oppernééj prebeerde, huurde ze én den andere kant n hieël kléenj stémmeke dè zee: Bénne gij t mam Ge weelt toch nie zégge dè gij ók al èn den dunne béént. t Hél exercitiepilleton li vur pampes. Ik wit me génnen himmelse rò. Zèèluf bén ik in t leeste haaluf uur al minstes drij kilo afgevalle. Alles drèèjt me vur min oeëge; ik stao te zwabbere óp min bieën en as ik wa wil zégge, dan kumt r allieën nog mer wà geflusjter utj minne kéél. Dien héllen dikkkenale die kan ik gereust óp minnen àwwieë minnen buuk sjrieve! Stil mer menneke zee An asof ze wir wie vruger óp de rand van zin ziekbédje zaat. Stil mer menneke. Geluuëf me mer. Mèèregevruug is alles wir goe. Witte ge wà? Ik gééf ow de veurzitter éfkes. Jè mi mij zee Frans van Lierop. Wa doerre gij bij óns mam piepte Leon. Ge moet ow mer nie versjiete zee Frans mer ik héb ollie mam nou net tusj gebroocht, want die is léllik gevalle mitte fiets. Die kan d r dus méérege ók onmeugelik bij zin. Ge zotter toch werkelijk de sjitj van kriege zumpte Leon óp nen toeën die ge zot kanne verglieke mi die van de stèèrevende legercommandant in nen dramatischen orlogsfilm. Herre gij trouwes génne nummermelder? zee Frans. Hoezoeë dè? wao den óp stèèreves nao doeëje commandant toch nog wal éfkes wete. Dan harre ge kanne zie, dè al die tillefoontjes van Hans Strijbos zinne mobiel af kómme. Wij zitte hier namelijk nog gezellig èn t Dónkersveld mi n lekker fleske bier, de leeste proemeflaai burgeméster te make! Momentje, dan kómme hier nog énne kieër alle patiënte óp n rijke. En vur de leeste kieër ging Hans van de Kreum zinne gsm van haand tot haand. Tot mèèrege cómmendant zee Hans hél druuëg. En vergéét vural de pampers nie zee Sjaak Beijers. Én ow stéém te huuëre bénne ge vurluuëpig wal utjgekakt zee Mark Jansse. Gò mer lekker slaope menneke zee moder An Ik zee t toch. Alles kumt goe. En veurzitter Frans van Lierop, die dee d r witjer mer wisjelik t zwiege toe en hoopte dè di meusjke gén startje zao kriege. Want Nee, dè moet gezi: Die néjje cómmendant van Sinterklos, dor véélt nie mi te solle, die hoeve ge niks wisj te make, want Leon Bots, die löt zich nie vur sjut zitte! Um de sakkernóndedju nie!! 11

12 12 t Groentje béj de awd prinse

13 Méélse Garrepaape èn Hèldese Kuus t Is me wa mi Méél èn Hèlde. t Afgeloeëpe jaor toen begoos te speule dèh Méél ieën fuuziegeménjtje moost gòn wéére mi Hèlde, Kèssel èn Maasbree kwaame allerléj gevuulles boove watter, wòrvan ik haa gedaacht dèh se al laang fòlkloore waare gewórre. In min jóngesjòrre, jòrre vértig-fieftig, spulde die teegestélling vural bij t voeballe. t Waar n èchte streekdèrbie: RKMSV-Hèlde Dèùrep. Panninge voebalde toen al klasse hògger. Méstal blif t hierbij. Mi de Vastelaovend kwaam di ónderwèrp nògal s géér terug in de buut. Mèr gòndewég woor di Calimero-gevuul van Méél tòch minder. Méélse mènse ginge steeds mieër in Panninge winkele, de Méélse jeugd ging veul utj in Hèlde Dèùrep. Veul Méélse jónges trouwde mi Hèljese méédjes èn eumgekieërd veul Hèldese jónges mi Méélse dörskes. Èn zò kwaam er tòch n prósès van integraasie óp gang. n Prósès wa nò min gevuul haa moette lééje tòt n fuuzie. Zò widj is t nòg nie. Mèr dèh gé wal gebeure, dink ik. Hoe is dèh zoeë gekómme, die vrieving? Dòr zit n hélle gesjieddenis aachter. t Is nie zoeë mèr utj de laocht kómme valle. In de twédde hélleft van de zeestiende éw mooste de hérre van Méél, de Van Millendonks, zich beezig haawe mi de invalle van lèùj utj Hèlde, Kèssel, Ròggel èn Héétsje, die utj waare op de goej gras- èn törfgrónde van Méél. t Waar toen n veul klénjere wérreld as nou. Èn reuzjie mi buurdèùrpe waar in de zeestiende éw nèt zò gewoon as in de twénjtigste éw tusse lande. Dèh gereuzjie tusse Méél èn Hèlde stóng nie allieën, mèr övveral in Limburg, Brabant, Gèlderland - nuum mèr óp - waare dèùrpe ónder mekaar èn t reuzjieë. Vur Méél kwaam d r wal bij dèh t zò geiesóleerd lag tusse pieël èn moer. Èn dèh gestreevel mi Hèlde, Kèssel, Héétsje makte dèh iesólemènt allieën mèr gròtter. In 1715 woore Hèlde èn Kèssel Prusjies Gèlder, Hèldese woore Prusje dus, èn Méél woor ingeliefd bij de Oostenriekse Nidderlande. Méélse woore zoeë gezi Oostenriekers. Vanaf 1715 waar d r óp de högte van t Zinkske bij Helenaveen n Dréjlandepunt: nò t wèste hin de Republiek der Zeven Verenigde Provinciën (Deurne), nò t ooste hin Pruisisch gebied (Helden) èn nò t zuide hin de Oostenrijkse Nederlanden (Meijel). In 1794 kwaame de Franse troeppe Méél bezitte èn woor Méél n Franse geménjtje. In die Franse tidj is t r in èlk geval ieën goej ding gebeurd. In 1812 hé n dekreet van Napoleon d n uurste n diffenetief énjtj gemakt èn de aawe grènsreuzjie mi Hèlde die twé hónderd èn fieftig jaor geduurd haa. Wannieër ze t nou hébbe övver Méél èn Hèlde dèh gé nie goe saame dan valle ze terug óp den tidj van óngevieër twé hónderd jaor geléjje. Zin dèh gén aaw kuuj die ze utj de sloeët haale?! Éfkes tussen dör nòg wa anders utj den tidj dèh Méél Oostenrieks waar. As ik in Hèlde òf örges anders in de umgééving bén, wérd mij dikker gevraogd: Hoe zit dèh mi die laang Méélse mènse? De Méélse mènse zòn gemiddeld langer zin as die in de umgééving. Ik wit dan te vertélle déh dizze verónderstélling terug moet gao óp den tidj dèh Méél in Oostenriek lag ( ). Frederik Willem den Uurste waar kunning van de Prusje van Hèlde lag toen in Prusjies gebied. Prinses??? Dizze kunning haa n Riesengarde, n liefwaacht van laang kéérels. Dees laang kéérels woore gerónseld ónder andere in Hèlde, Sevenum èn Hoorst, de utjerste rande van t Prusjies gebied. Wilde die laang kéérels óntkómme èn dien diensttidj, dan naame ze de bieën nò Méél. Want Méél lag in n ander land èn dòr waare ze reedelek veilig. Ze bleeve hier hange, trouwde wal s mi n Mééls dörske. In t naogeslacht blif dan die eigesjap langk dörgao. Èn zò is di verhaal in de wérreld gekómme. Óp zich n hél ènneemelek verhaal. Mèr ècht te beweezje is t nie. Méster Lucassen hé di wal gepróbeerd. Hij hé naogegao wa de léngte waar van Méélse maanslèùj die in dienst mooste èn gekeurd woore. Hij hé di naogegao vur den tidj van Hij kwaam tót de kónkluusie déh van de Méélse lotelingen 42 persènt langer waar as 1.70 m.. Di pèrsèntaazje waar vur Hèldese èn Hoorster rekruutte 22 en vur hél Limburg 28. Dus kónkluudeerde Lucassen dèh t verhaal van de laang Méélse mènse gén faabeltje waar. Ik méénj dèh di beslutj tòch wal óp n wankele baasis bereust. Mèr nou witte géllie, as iemmes begeent övver die laang Méélse mènse, wòr dèh vanaf kumt. Terug nò de Méélse Garrepaape èn de Hèldese Kuus. Garrepaape waar de sjèldnaam vur de Méélse mènse vanutj de umgééving van Méél èn Hèldese kuus woor gezi van Hèldese mènse dör de eumliggende dèùrpe van Hèlde. Zòas dikker t geval waar mi sjèldweurd woore die gegévve óp grónd van aparte weurd utj t diealèkt. Garrepaape waar t woord vur libellen in t Mééls en kuus waar t woord vur énne knots in t Hèldes. In Méél wérd bijnao aaltidj gedaacht èn n vèèrke as ze t övver énne kuus hébbe. t Hèldese kuus betieëkent dus eigelek wa anders as gedaacht in Méél. Èn nou kóm ik utj bij t Mééls èn Hèldes diealèkt. Dòr zin in Limburg wénneg diealèkte die zò van mekaar versjille as t Mééls èn t Hèldes. Ze praote in Hèlde nie van òllie, gèllie, butje, spitj, wa, haand, hónd èn de dò mèr van uch, gee, boete, sjpiet, gèt, hangk, hóngk èn de doeëd. Dör invloed van t Rijnland zégge ze in Hèlde ich wòr ze in Méél ik zégge. In Hèlde sjpanne ze t péérd vur de kèr, in Méél spanne ze t pérd vur de kaar. De sp-, sm-, sn-, st- èn t begin van n woord blieft in t Mééls tzèlfde, dus spanne, smèkke, snóttere, stao, mèr in t Hèldes wérd dèh sjp-, sjm-, sjn-, sjt-, dus sjpanne, sjmèkke, sjnóttere, sjtaon. In Hèlde praote ze nie, mèr kalle ze. Tòch is ter wal spraake van Hèldese invloed óp t Mééls. De sch- èn t begin van n woord wérd in t Mééls nèt wie in t Hèldes n sj-: n sjool, sjòn, sjoen. Gòrre ge Braabant in, dan blieft die klank sch- òf wérd zòas in t Hèlmònds sk-: dòr praote ze van skiete wòr ze in Méél sjiete zégge. As t versjil in diealèkt de belangriekste reeje waar um zèlfstandig te blieve bij n hèrindélling, zou Méél zèlfstandig moette blieve. Mèr di gegééve spult nie mèr de belangriekste ról. D r zin ók groeëte versjille tusse t Maasbrees diealèkt èn t Hèldes. Èn Maasbree gé zónder slag òf stoeët mi de hèrindélling mee. Dèh t Mééls diealèkt binne de kórste kérre Hèldes diealèkt zou zin, is netuurlek groeëte flauwe kul. Zò gauw gé tèh nie. t Mééls blieft Mééls, nòg jòrre, ók al zou Méél fuzeere. In Ròggel beginne ze ók nie in énne kieër Héétsjes te praote nou ze gefuzeerd zin. Van mij mag Méél fuzeere mi Maasbree, Kèssel en Hèlde. Dan wit ik zeeker dèh ik t Mééls Woordeboe:k övver 15 jaor nie hoef te hèrsjrieve in n Hèljes Woordebook. Hèrman van de méster 13

14 Danseres zonder naam 14

15 De golfclub De kammerèùj van Sowahelp (Sonnemans, Walenberg, van Heugten en Pluum) kómme, same mitte vraolie, riggelmaotig bijén um de ieën of ander féstelijke gebeurtenis utjgebreid te viere. En ók as d r eigelijk niks te viere véélt, wért d r aaltidj wal wà bedaacht um d r mi alleman (en allevraow) toch wir s nen dag gezellig tussenutj te kanne. Dörum din ze van de zómmer mitte fiets óppe Grashoek ópèn um dor tusse al dè ander deftig volk vur d n uurste kieër n putje te gon golfe. Eigelijk zee Jo van Tju van Sonnemans Sjefke, wie ze óppe Pélse Golf ènkwame eigelijk is golfe krek énder as keisjeute, mer dan mieër vur groeëte mense. In de plats van ópgojje moete ge àfslao, t kuulke nume ze n hool, inéns drin hétj hool in wan en de bedoeling is witjer hél simpel, want wie m óp t leest t uurst d r in hi is utjeindelijk gewónne En net as vruuger óppe spulplats sté ók hier degene mitte méste knikkers t hochst in énzie zee Grad Walenberg d r nog fijntjes aachterén terwiel-ie zinnen aawe fiets nééve nen dure Jaguar óppe standaard zitte. Nòdè veuraf de koffie mi flaai smakelijk mer toch wal wà hostig nò binne was gewérkt, umdè iederieën zò gaow meugelijk én de slag wao, kreege ze uurst les in t afslao. Ók kreege ze te huure wà dè t r allemol wál en nie moog en wellicht ten overvloede woor d r ur ók nog s óp gewizze hoe dè ze zich óp de baan rustig en netjes diende te gedrage. Al gaow ware ze t d r övver éns, dè de maanslui t mi ne zògenaamden handicap tege de vraolie zon moete gon ópneme. t Gevolg was dè Frans van Haskes Sjeng zich den haalven tidj hómpelend wie ne linjelaame hi loeëpen én te stélle en dè Sjef van Thommas Pluum mi ne krómme rug en bibberende hèèndjes, t wagentje mitte izjere golfsléégers as ne rollater vur zich utj liep te douwe. Éévezieër ging vural t afslao en ók t putte ( t m d r in kriege) die gehandicapte mèn toch nog zò veul bétter af, dè de veurspróng óp de vraolie en dormi ók den ónderlingen afstand alsmer grotter woor. Mer óndanks die groeëte tusseruumte en de drukte óp de golfbaan was t gekakel van de Méélse dames nog övveral bovenutj te huuëre. Óp n gegééve moment verdaachte die vroalie de maanslui övverduidelijk van foetele en spelverknojje, umdè ze twé balle van ur zon hébbe ingepikt. Dè is nie érlik! kwakte Nelleke van Frans van Haskes Sjeng zò hoch en zò hard dè ge t wies bij de Mc. Donalds koost huuëre: Nou hébbe die kloeëtzek twieë bellekes mieër as wij! Kómme ge dor nou pas aachter? riep Jo Sonnemans greenzjend ónder zinne snoors dur. Toch woor t óp n gegééve moment behuurlijk stillekes óppen aachtergrónd en in utjerste cóncentratie wore de leeste spannende hools mi groeëte precisie genómme. En toen kon t eindelijk óp nò nen dik verdiende pót bier vur de winnaars en stóng d r vur de vraolie n lekker glééske winj te waachte! Mer vurdè de kééle gesméérd koose wéére, moose uurst de spulle nog éfkes wéére ingeleverd. Bij den utjlég was vertééld, dè d r vur elk verlórre belleke 50 cent boete in réékening zao wéére gebroocht. Vur de dames betieëkende dè n bedrag van mer liefst 31 euro! Hoe is dè nou toch in simmelsnaam meugelijk. zee Sjef Pluum. Dè zin verdomme 62 bellekes! riep Jo Sonnemans. Dor snap ik nou werkelijk de balle nie van! permitteerde Henk Walenberg. Lot mij die réékening s kieke! cómmendeerde Frans van Heugte. En pas tóén bleek dè t r 30 euro was getééld vur nen óntbréékende zògenaamde golfclub. Zonne blinkende roestvrijstaole gladjanus van ne slééger, die bij ne geweldige zwieper van Annet Walenberg zò mer inéns utj ur klam haand gesjote was en die mi ne groeëten boog midden tusse de plómpeblaar van den allergrotste vijver nò de zómpigen bójjem was verdwene! Nou pas begrepe die maanslui wörum dè t aachter ur zò stil gewórre was en wörum dè Annet al den héllen tidj óppe bloeëte vuut en mi ópgeroolde bóksepiepe haa loeëpe róndtrééje! t Veurstél van de vraolie um de volgenden dag in badpak same die golfclub wal te kómme ópduike, woor om niet nader te verklaren redenen dur de directie van de golfbaan van de hand gewizze. Joong Harste Èngezie dè de aaw zwaarze d r mi ópgehawe zin en dòrrum de mòndig mi vastelaovend verlórre zò gao vur ne hoeëp vastelaovesgekke hébbe n paar man de köp béjén gestoke um te próbere di wir óp te pakke. n Bietje anders van indélling en ónder ne andere naam namelek De Joong Harste, mèr wal mi n rèùndje van De Aaw Zwaarze d r èn. We hébbe nòg gekeke of we béj die joong joong van de veldwachter terèècht kooste mèr dè ging nie, want de tap en t podiejum ware al wég. Dòrum hébbe we n ander lokasie gezoocht en gevónge béj Kareltje van Colé óp de Dónk en di zòas gebruukelek is óp vastelaovesmòndig 4 fibberwarrie t Prógramma wérd tege de vastelaovend nog utj de duuk gedao in `t krèntje. Géllie zin allemòl van harte welkóm. Ók Gebbel mag kómme. De Joong Harste Ritjjahawa Vraoweleke fens Fietse in Bèls Afgeloeëpe zómmer ging n gedélte van t achst van RKMSV, same mi de vroalie n stukske fietse. Ze wòn n stukske fietse van de knuuëppunteroete in Bèls. t Is bekéénd dè di gruupke géér fietst, mèr ók hél géér óp n terrras wil gòn zitte. Ze zitte méstal nèt zò veul óp n terras as óppe fiets! Nao n paar kielomééter zee Henk Baste: Kiek dòr is n kefee, dòr gòn we èfkes zitte. Dè ging évvel nie dur, want óppe deur hing n bordje en dòr stóng óp: Weges geslote, nie ópe! Dus fietste ze mèr witjer, óp zuuk nò n ander terras. Nò n hallef uur han ze d r ieën gevónge. Kiek, wa dòr sté, zee Ger van Hare, vissers, jagers en andere leugenaars zin hier van harte welkóm! Dan kanne wéj hier gereust gòn zitte, zee Henk Strijbos. Toen ze han plats genómme en ók al wa han bestééld, zage ze n bordje óppe sjaow hange. Dòr stóng mi kritj óp gesjrivve: Mèèrege is t bier gratis. Of die van t achst wies mèèrege zin blieve zitte is óns nie bekéénd. 15

16 Pé en Truus 16

17 Vastelaovesles in groep zis van de bazissjool We krege les van de Kieveloeët. Prins Peter de dréjde was t r béj. En Prins Peter de twédde was t r ók. Zéj zónge n beginliedje. Wéj zónge n bietje mee. As wéj vraoge han, gave ze hieël goej antwoorde. Ze zate n liedje óp van Nie Wisj. Dòróp ginge we in polonééze nò butje. We hébbe veul gelieërd van de Kieveloeët. Hieël èrreg bedankt vur de leuke les. Groetjes van groep 6a van Den Doelhof. John Klutserdeklus Karel van Sjaak van Kobe Karel moos mi zinnen auto bij John van Jan Klus in de graasj zin. Wie tjie dor ènkwaam, zag-ie hoe John zich mi ne roeëje kóp en n paar groeëte krikke in alle bochte stóng te wringe um n damesautókke, dè mi lóshangende wiele zòwà dwars övver de breug hóng, wir in t gerieël te kriege. Óp ne veiligen afstand mer duidelijk toch wal wà éngeslage stóng Jannie van Gerrrit van Sanders Béér mi ur moder t taffereel beteuterd én te kieke. Dè zie t r nie zò goe utj. Is dè ollieën auto? zee Karel tege de dames. De minne helaas zee Jannie. Hij roetsjte mi t d r óp réjje d r zoeë mer nééve. Ik héb me kepót versjote. Karel hiel zich éfkes in en daacht in zin eige: Vraolie!!! As ik graazjehaawer waar liet ik noit gén ieën vròmmes zéelef urren autó bij mij óppe breug zitte. Mer hij zee dè netuurlijk nie! Mesjien kanne ge vur alle zekerhédj de volgende kieër owwen auto toch mer wir bétter dur John de breug óp laote réjje. zee Karel nò n kórte dinkpauze hél wisj. Zég dè wal! zee Jannie Wie daachte gij dan dètter hier toenet vur brokkepiloeët gespuld hi? Nee, die Klutserdeklus kruupt vurluuëpig nie mer aachter min stuur! Veurbereiding óppe Liedjesaovend De méste groepe die meedoen èn de Liedjesaovend oefene zich te barste; wééke van te vurre tekst en milledie rippetere, danspeskes instudere en klieër utjzuuke. Bij de Knoetsorre gé dè de leeste jorre hél anders. Vurrig jaor stónge ze bevurbild mi de studioopnames pas vur den uurste kieër bijén (wà dien aovend trouwes ók wal te huuëre was). Di joar makte Knoetsoeër David Bruist t wal hieël erg bónt: David zao daags nò de Liedjesaovend mi de luchtmacht nò Noorwege moete. Dörum hà tjie zich bij Knoetsoeër Rene netjes óppentidj afgemeld. Hij moos d r sóndessmééreges in alle vruugte utj en zòdoende zag-ie t allemol nie zò zieër zitte. Want ge hét nò zonne Liedjesaovend toch aaltidj unne kater. Is t nie van t zoepe dan is t van den utjslag zee David. De Knoetsorre ginge dus zónder Dave ieverig èn t oefene vurdè ze de studio in mooste. Ze han gelieërd van furrig jaor. Wim van Geer van Puinjepieër en Rene van Ria van Tömkes Fien han dornao de pakke gehald; duur Sherlock Holmes pakke die volges David zo lélluk ware dè dur gelukkig niks mer èn te verkloeëte viel. Mer hij wao d r dan toch wal ieën bestélle vur de vastelaovesdaag, want dan wò-tjie d r toch wal wir géér bij huuëre. Frijdes óppe generale repetitie ging t zinge mee goe, Iederieën was dik cóntent en ze waren t d r allemol övver éns dè ze t di jaor, dankzij n goei veurbereiding, prima vur mekaar han. Toen zee Silvia (van Tom van Sanders Ber) in énne kieër; Ik gao nò husj want ik moet nog gon wééreke. Wà wééreke woor d r mee gezi. En wà bleek: Sil moos de mutse vur de vroalie nog allemol enén nèèje, want zotterdig övverdag haa ze génnen tidj. Oei zao dè in de gauwighédj évvel nog wal lukke, of han ze dornet mesjien toch te vruug geroepe. Mer t slot van t liedje moos toen nog kómme. Want sotterdessmiddes óp den dag van de Liedjesaovend kwaam niemes minder as David Bruist zich toch nog énmelde bij Knoetsoeër Geert. Ik héb d r laang en goe övver naogedaacht, zi-tjie tege Geert. En ik héb beslote dè ik ollie toch nie in de steek wil laote. Hoe gé dè nummer eigelijk?? Want inderdaad David ha t hél liedje nog vanzelééve nie gehuurd. Dus sotterdes snòmiddes, n paar uurkes vur t begin van de Liedjesaovend, hi David t nummer nog gans moete instudere en d r saame mi Geert alles én gedao um saoves t optrééje van de Orre nie te verkloeëte. t Is wursjeenjluk niemes in de zaal ópgevalle dè David Bruist af en toe stukskes hi moete play-backe en ók de jury is t mesjien wal óntgao, dè tjie meekérres éfkes ópzééj hi moete kieke um goe in de pas te kanne blieve. Resultaat; de uurste plats! Zierre ge wal, zee David, zónder mij waare we vanzelééve noit gewónne! Pinj èn de vuut Truus Daems, de vraow van Ger Koopmans van de Nillewérterdiek, ging same mi ur dèùchter, Mirjam, Moniek en Angeliek nò New York um èfkes te winkele. Wà fur sjoen doe ge béj zòiets dan èn? Truus daacht: Ik doe hakkesjoen èn um de Big Apple te gòn verkénne. Nò n hallef uur zoocht Truus kèèrmend van de pinj de deechtsbéjzinde sjoenwinkel óp um toch mèr nééj stapper èn te sjaffe. Truus Koopmans zò Truus Koopmans nie zin as ze nie övveral wòr ze kumt stug Mééls blieft praote, zelfs in New York. Truus tròk n paar degeleke sjoen èn wòróp de verkuuëper vroeg: How are these? Nòw, die zin n bietje stief, zee Truus óp z n Mééls. Mirjam, Moniek en Angeliek keke elkaar lachend èn en daachte t eur van Truus zin Éngels/Mééls gepraot. Mèr tot ur groeëte verbazing zee de verkuuëper hieróp: Oh are they stiff? Truus hi dus geliek, ge kaant Plee-girls övveral Mééls praote. Van huuëre zégge n Awwer èchtpaar nöddigde de jóngere buure ne aovend utj um s wa te kómme drinke en lekker same te kletse. Iedereskieër as die awwere mens iets èn zin vraow vroeg begón ie mi schat, lieveling, duufke of hònnepòn en zò witjer. De buurman waar ónder de indruk, want t èchtpaar was béjnao seestig jaor getraowd. Toe de vraow èfkes nò de keuke waar, zee de buurman tege die awwere mens: Ik ving t zò sjòn dè géj òw vraow nao al die jòrre dè géllie getraowd béént, nog koosname géft. Die awwere mens boog zich nò m hin en zee: Zwieg, ik kan al tien jaor nie mèr óp urre naam kómme! 17

18 De leeste dans 18

19 Éfkes buurte mi Pierre Verheijen Mi ingang van 2001 hi De Kieveloeët n óndersjééjing in t lééve geroepe Vastelaovesvierder van Méél. Um mense die de vastelaovend óp n biezundere menier óndersteune of n gezeecht gééve ne kieër in t zunneke te kanne zitte. Want um de vastelaovend in stand te hawe, bénne ge ók afhankeluk van mènse die dè óndersteune en ók utjdrage. Óp vastelaovesdinzig mi t Kieveloeëte Treffe woor bekéénd gemakt dè di jaor de ieër Vastelaovesvierder van Méél 2007 toekwaam èn Pierre Verheijen. Héj krig van Z.D.H. Prins Peter IV van C.V. De Kieveloeët de spesjale óndersjééjing övverhandigd mi n oorkonde en t Méélse Fratske, n brónze vastelaovesafbilding, die héj n jaor mag hawe. Net vur d n éllefde van d n éllefde ginge twieë redaksieleje éfkes buurte mi Pierre. Béj de bekééndmaking stóng Pierre mi zin voetbalkammerèùj in Zaal De Zwaan zich mentaal veur te beréjde óp t óptréje van t achst. Héj was kompleet övverdónderd toen ie huurde wa de néjje vasteloavesvierder allemol nie gedao zao hébbe toen ie beséfte dè t övver hem ging. Pierre verdiende die ónder sjééjing dur mieër as dartig jaor èn d n óptocht mee te doe. Óp n sjòn menier woor éllek jaor n aktuweel Mééls ónderwerp utjgebild. Inspiratie halde héj utj n lisjt van mieër as vierhónderd verzamelde iedeje. Rónd Kórsmis was t iedee riep en woor begónne mi de utjwéérking. Dè was altidj degeluk ambachteluk handwerk. Alles woor minutieus utjgetieëkend mi wattervaaste viltstifte, réégenbestèndig! Tiggewórrig is t meugeluk alles te kopiejere en te vergroeëte, dè bespaart ure wèèrek! Zò makte Pierre vur zin versjillende krejasies in d n óptocht ónder andere ne boer, vraow, kunning en òst van t kartspel, n pekske Golden Fiction, n Elske, makettes van de sporthal en de Truyenhof. Pierre óntwikkelde zinne éjge stéjl en woor in d n óptocht van witj af al herkéént. Jòrre dee n groeëte doeës dienst as bazis. Éllek jaor woor wa èngebaowd en alles woor tot in de kléjnste detajs natuurgetròw naogemakt. Mèr Pierre is utj de doeës gekómme en makt mieër kóntakt mi t publiek. In de beginjòrre liep ie mee mi zin bruur Louis, latter mi zoon Erwin, daochter Ellen en vraow Annelies. De leeste zuvventien jaor as Einzelgänger. Vier kèrre was ie winnaar béj de énkelinge. Vur t uurst in 1991 verkléd as réékenmesjien Mi d n óptocht kanne ge óp méj réékene. Zin krejasie Go(o)denverering in 2006 was ók goe vur d n uurste prisj. Mi nie allieën uurste, mèr ók veul twédde en dréjde preesj is héj ne gewardeerde déélnemer èn d n óptocht. Héj vertéélde entoesjast hoe héj genoot van alle veurberéjdinge en hoe spannend t was um óp wég te gao. Béj t toekénne van de óndersjééjing woor witjer ók zinne posietief kritiese kiek en kómmentaar as zjurielid van de Méélse liedjesaovend meegenómme. Dòrnééve is Pierre de gangmaker béj t achst van R.K.M.S.V., n voetbalélleftal dè blieft grèùje umdè niemes d r van af wil dur de veul knótsgezèllige nééveaktievietéjte. Alles wa gevierd kan wéére wérd mi de hél klup gevierd en altidj hi Pierre wal n féstliedje of ne kwis in mekaar gezit of n thema èn d n aovend verbónge. Óndertusse hure ze ók tot de getalenteerde topattraksies van t Kieveloeëtetréffe óp vastelaovesdinzig. Pierre Verheijen (62) wónt same mi zin vraow Annelies èn de Raemecker. De kinjer zin de deur utj en Pierre hi in juni 2007 n punt gezit aachter zin karjéére as ónderweezjer in Egchel. Vur d n óptocht van 2008 li t iedee al wir klaor! Héj wil zò laang as t kan blieve meeloeëpe. Same mi Annelies geniet Pierre van t Méélse Fratske en héj veengt t n ieër dè zin meedoe èn d n óptocht zò gewardeerd wérd. Pierre zèùregde vur puur vastelaovesplezier. Dörum verméldt de oorkonde terèècht: Vur enorme inzit vur de Méélse vastelaovend in t Kieveloeëteriek bénne ge benuumd tot vastelaovesvierder van Méél in 2007 Óngelukske mi haor knippe Frans van Ninhuijs héélt zin haor altidj béj mi ne tondeuze. Lèkker gemèkkeluk. Furrig jaor vur de vastelaovend was sjie halverwege d r mi zin gedachte èfkes nie béj en liet de tondeuze utj zin hand óp de grónd valle. Gòw rapte héj um óp en zitte um èn. Gelukkig héj dee t nog en héj ging witjer wòr dè tie geblivve was. Mèr toen ie in de spiegel keek, zag ie dè t r béj die leeste baan nie veul mèr was blieve stao. Dur de val was t apperaat wa finjer ingestééld. D r zaat niks anders óp as alles d r af! Héj ha gén wéddesjap verlórre, toen ie n tidje kaal dur t lééve ging in de winter! n Belze koe ne Méélse boer, we zalle mèr génne naam noeme, wò géér n Belze koe vur zinne vieëstapel. Hiervur ging héj nò de vieëmèrret in Sint Truiden in Bels. Héj löpt wa nééve die bééste óp en vrèùgt hier en dòr nò de prisj die variejeert van 1000 tot 1200 euro, en zò witjer. Kumt tjie inéns béj ne vieëhandelaar mi n koe van 250 euro. Dè is nèt de prisj die ik utj wil gééve, daacht de boer en héj wò de koe koeëpe. Dè kan, zee de vieëhandelaar, mèr d r mànkeert wal t ieën en ànder èn die koe. Wà dan? vrèùgt de boer. Nòw, zee de vieëhandelaar, as die koe gemólke moet wéére trékt ze de uijers in en as ze gedékt moet wéére gé ze óp ur kónt zitte. Nòw! dinkt de boer, dè lós ik wàl óp. Kumt de boer béj de grens, vrèùgt de doewane hèm of ie wà èn te gééve hi. Allieën n apparte koe, zi de boer. n Apparte koe?, vrèùgt de doewane-amtenaar, wà is d r dan zò appart èn die koe? Nòw, zee de boer, as ze gemólke moet wéére trékt ze ur uijers in en as ze gedékt moet wéére gé ze óp ur kónt zitte. Kumt die koe dan mesjien utj Sint Truiden? vrèùgt de doewane. Jao, zee de boer, mèr hoe wete géj dè? Nie zò moejlek, zee de doewanebeamte, min vraow kumt dòr ók vanaf. 19

20 De verkieërde 20

21 Nie al t krutj versjote Gén kapvergunning? Hoezoeë gén kapvergunning! Veurzitter Sjra Stultjes van sjutterééj Sint Willibrordus snapte d r n dik jaor geléjje éfkes héllemol niks mer van. Want hij daacht toch echt dè den ènvraog vur t kappe van dien dikken eik aachter t sjutterslokaal èn de Nillewértsen diek eigelijk nie mieër as n formalliteit zao zin. Mer t geménjtjebestuur bleek dor évvel toch anders övver te dinke! De argumente um die kóllóssalen eikenbom eum te kappe dögde volleges de geméntj nie. Hoezoeë dè dan nie verwéérde Sjra zich. Moete d r dan uurst nóg mieër óngelukke gebeure? Godwit hoeveul kérre dè d r al iemes saoves laat mi t aachterutjréjje tege dien bom èn hi gezééte! En dan die ellendige eikeprecessierupse alzelééve. De kriebelhörkes van dè óngesieffer taste nie allieën den ammezuur van óns blaozerscorps èn, mer hébbe zich ónderhand ók tot diep in óns prachtige uniforme genisteld. Iederieën, tot de köning en de köningin èn toe, löpt zich zelfs vort midden ónder den óptocht van alle kante te sjoeren en te krasse van de gloeiendige jöks. Mer t allerergste is nog, dè dien bom mi zin nate blaar den héllen aachtergéével van t lokaal övversjaduwt wordur de gepótdékselden bovekant aaltidj vóchtig blieft. En al dè vócht trékt via de spouw, dwars dur de muur, rèècht nò binne. Mi alle gevollege van dien vur de kwalliteit van de kögel en t krutj wà dor in ne spisjalen brandvrije muurkaast bewaard wért. Ik zie t al jorre: d r blieft veul te veul krutj in de hulze en in de luuëp van de buks aachter; d r is duidelijk spraoke van ónvolledige verbranding. En dè is nie allieën léllek sjajlek, mer dordur blieve ók óns sjietresultate duidelijk ónder de maot. Óp dees menier kan Méél de kans óp t winne van den Auwe Limburger wal vur éwwig vegééte. Nee, as ze bij de geménjtj nie gaow bijdrèèje, dan zalle ze merke dè wij óns krutj nog laang nie versjote hébbe. Dan zuuke we t hoggeróp! Mer Sjra haa butje de maacht van de media geréékend. Want inéns stóng dor die langen ingezonden brief van Milieuvereniging Groeneik Panningen in De Limburger. En of ge t nou mi al dien onnuuëzele géétjewolle kwatjsj éns waart of nie, ók die milieuvereniging beloofde t hoggeróp te gon zuuke indien de gemeente alsnog anders zou doen besluiten. Sjra kraste zich s flink aachter zin orre en dizze kieër nie allieën vanwege de processieroepse, want hij wees utj ervaring dè di sórt milieurakkers t iemes léllik laastig kanne make. Dörum beslootjie wisjelek um t lónt nie in t krutj te stééke en te doe asof zin neus bloeide. Want Sjra vuulde t al énkómme: Dalek kwaam de heemkundevereniging ók nog s ne kieër mi t verhaal dè ieën van de wichter van van Högtes Lei, die vruger in den órlog vanutj ur slaopkamerraam óp dizze machtigen bom zon hébben utjgekeke, in n aaw dagboek twè kérre mi veul bewóndering hierövver melding zao hébbe gemakt, wordur die vanutj de Méélse órlogshistorie belangrieken eik, vur de toekomst absoluut bewaard diende te blieve. Dor stóng évvel tegenövver, dè Wipke van Fleuters Haske names de sjutterééj wees te melde, dè dizzen bom ók vruger al nie gedögd zao hébbe. Hij weest nog krek hoe tjie as menneke s ne kieër, bij t orre rape in de sjaduw van dizze zelfden bom, de van tusj meegenómme spekpannekuuk mi krutj Wieder gut machung ópaat. En hij herinnert zich nog as den dag van geester hoeveul krutjreste dè dor toendertidj al naat en plekkerig in zin blikke koektrómmel aachter bleve. En t zal m éwwig blieve heuge hoe dornao, bij den uurste den beeste sjeet die tjie moos laote, bleek dè d r ók toen al duidelijk sproake was van ónvolledige verbranding! Nee zee Sjra t kan zin hoe t wil, mer we kanne dees zaak mer t beeste s n tidje laote reuste. As t strakkes echt nöddig is kanne we aaltidj nog wal utj n ander krutjvaatje gon tappe. t Bleef nen héllen tidj stil, en de uurste krutjdampe van de strijd um ónze veulbesproken eik ware al laang ópgetrokke, toen Sjra ónverwaachs n merkwaardige utjnöddiging in de bus kreeg: Mevrouw P.M.C.M. Teeuwen, PR-functionaris van Milieuvereniging Groeneik Panningen, sjreef t zeer te betreure, dè ze óp urren ingezonden brief helaas nooit n inkel reactie van hem haa mage óntvange, mer dè t bestuur m, desóndanks, ter nadere kennismaking géér as speciale gast wao utjnöddige vur t kómmend jubileumfést óp zóndig 21 jannewarri Vanwege t tien-jörrig bestao, zao de veurzitter van Groeneik in Mastricht utj hande van gouverneur Leon Frisse en in t bijzin van alle genöddigde nen erepenning in óntvangst mage neme en bovendien stóng d r vur óp den trugwég in Remeund ók nog n officiële audiëntie bij monseigneur Wierts óp t programma. Niemes zal d r ooit aachter kómme hoe dè Sjra Stultjes precies mi dees biezunder utjnöddiging, die wersjinjlek as valstrik bedoeld was, is eumgegao. Zeker is in ieder geval dè Sjra dankbaar van de gelegenhédj gebruuk hi gemakt um t inderdaad hoggeróp te zuuke. Óp die bewusten 21ste jannewarri 2007 hì tjie bij den borrel óp t Próvinciehusj wersjinjlek de kans gezie um binne de kórtste kérre ónder vier oeëge mitte gouverneur t ieën en ander geregeld te kriege. En óp den trugwég in Remeund moet ók den bissjóp nog s zin vólledige geestelijke medewééreking hébbe toegezì. Hoe is t anders meugelijk dè de regels van t Bomenbeleidsplan inéns zòzieër versoepeld wéére, dè ge vur t kappe van ow eige bronsgroen eikenhout in gans Limburg niemes niks mer hoeft te vraoge. En hérre ge nie alle zéégen van bove nöddig um t oitvanzelééve geregeld te kriege, dè vur t kappe van énnen bom binne n straol van entrint of hieël ne kilomééter, al t verkieër vur de ganse mond november wért stil gelì? Gebruuk makend van de afleidende herrie van allerhande zwaor en groeëte wegenbouwmechines en profiterend van de veranderde, nog wà ónövverzichtelijke nééj situatie óp en rónd de krusjing bij t sjutterslokaal, hì Sjra Stultiens in samewééreking mi Leon Frisse en mitte zéégen van bissjóp Wierts, den allergrotste en mést spectaculaire verdwijntruck van illusionist Hans Klok mi glans övvertroffe. Niemes wit wor den bom, worövver veul geprot en laang gezwiggen is, inéns mag zin geblivve en as ge én de gepótdékselde zijgéével van t sjutterslokaal got kieke, dan is dor gén inkel spoor te óntdékke dè d r ók mer énnigsins óp weesjt dè hier sins menseheugenis ne knóts van nen bom gestao zao kanne hébbe. Mer wie t zich dörft te permittere um n stukske witjer in de ope sjuur aachter de ópgestapelde houte peul en rééke te gon kieke, die veengt dor ne vórse vurrò van wal hónderdduzjend vierkante eikehoute böllekes wor de sjietbuuëm van den hélle Limburgse sjuttersbónd nog jorre mi vurzie kanne wéére. 21

22 22 Wie van de dréj

23 Liedjesaovend As ge mi de vastelaovend nò n kefee gòt dan huuëre ge vastelaovesmeziek, dè is loochies. As ge mi de vastelaovend in Méél nò n kefee gòt, dan huuëre ge hoofzakelek Méélse vastelaovesmeziek. D r zin, dinke wéj, mèr wénnig dörpkes wòr zòveul éjge meziek te huuëre is as in t Kieveloeëteriek en dòr zin we gröts op. Dè géft èn hoe de vastelaovend lééft in Méél. Al sins niggentienénèntachentig wérd d r in Méél de Liedjesaovend georganniezeerd. Vruuger wore allieën de nummers ieën, twieje en dréj ópgenómme óp n kassettebèèntje, mèr sins dè t make van n cd betalbaar is gewórre wéére ieder jaor alle nééj sjlagers veréwwigd óp dizze geluidsdrager. Zò gé d r génne énne sjlager mèr verlórre. Ók di vastelaovesséjzoen hébbe we wir ne geweldige liedjesaovend gehad. Umdè Méél di jaor gastverénniging vur t vasteloaves liedjesfestival van umroep P&M is en t dus in Méél wérd gehawe, ware d r mèr liefst niggentien groepe die ne néjje Méélse sjlager gemakt han en de strijd ènginge um mi de beeste Méélse sjlager afgevaardigd te wéére nò dè liedjesfestival van P&M. Wie de winnaar wérd van t P&M liedjesfestival dè wete we pas op 12 jannewarrie. Wie de winnaar is gewórre van ónze Méélse liedjesaovend de wete we allaang. De Knoetsorre & Co mi urre sjlager Óp zuuk hébbe van de vakzjurie de meste punte gekrigge en zin zòdoende winnaar gewórre van de Kievelprisj. Dè is al vur de véjfde kieër dè ze zich dizze prisj in te tès stééke. De twédde prisj was vur Kwatsj en d n dréjde prisj ging di jaor nò Pótpoerie. Ók nie onverdienstelik was de méjdegroep Nie Wisj die mi de prizzentasie-prisj èn de haal ginge. Netuurlek moet d r óp di blaadje van de vastelaoveskrant, dè de makers ieder jaor vréj hawe vur néjs övver de liedjesaovend en de Kééj Knappe Kwéékmiddig, ók de tekst van de winnende sjlager gezit wéére. We wete dè hél Méél um allaang utj de kóp kéént, mèr vur diegene die m, um wélleke dusjtere reje dan ók, nog nie gans kénne.. Knoetsorre & Co - Óp zuuk Zég hé géj ók wal us van die daage Dèh ge niks, nee echt nee niemes kaant verdraage Ge kruupt diep wég ónder de laakes En dan verrèk... inéns Begeent dur van alles te dréje Gèh de windj inéns hieël anders wèèje Ut ganze jaor dur bén ik nò òw óp zuuk Krieg kriebels in dun buuk Refrinj: Ik wil alles gon gééve Kom geniet van ut lééve Lot mij nou mèr gewérre, ik wil duzjend kérre Jao òw gòn belééve Ik wil lache en zinge Mèr dan moet ik òw vinge Dan ben ik inéns wèrrem en dan wir hieël kaaw Ik bén óp zuuk nò òw En gao ge dan wég begin ik wir opnéj Makt niks utj wa ze vinge van méj Óp zuuk nò die tidj as ik droeëm van òw Vastelaovend kom mèr gaaw Refrinj: Tussestuk: (mi kliemaks) Refrinj: (latste twieë regels twé kérre) Weurd: Geert de Leeuw en René Brummans Meziek en arranzjemènt: René Brummans De Knoetsorre & Co dè zin: René Brummans, Silvia Brummans, Geert de Leeuw, Ellen Verheijen, Wim Pijnenburg, Rosalie Pijnenburg, David Bruist, Rob Simons, Resy Beeks, Elice Janssen en Marc Janssen De Kééj Knappe Kwéékmiddig In 2008 sté alwir de tiende Kééj Knappe Kwéékmiddig (KKKM) op t prógramma. Netuurlek zin wéj as organniesasie wir benéjd wie dè t r wir gòn meedoe, want t jubielejum (in 2009 vur de éllefde kieër) zit d r èn te kómme. Hògstwarsjinjlek zin d r KKKwéékers béj die in 2009 alle jòrre èn de KKKM hébbe meegedao. Ge maagt meedoe as weecht vanaf dè ge kaant kwééke tot dè ge zeestien jaor béént. Dus vur diegene die di kanne hale, gò d r vur!! Trug nò 2007, wà ware d r wir ne hoeëp wichter die mee ginge doe. In de twieë kattegórieje din dur mèr liefst vierèntwénjtjig groepe mee, éllef béj de kléénj en dartien béj de groeëte. De kléénj ginge van start en makte de zaal laajend entoziejast mi ur óptréjes, want hoe klien dè ze ók zin ze kwééke gewoon utj vólle boorst ur liedje. In de pauze van de KKKM woor d r wir us wa anders gedao, namelek de Kéjsjeuteprinses woor utjgeroepe in ne vólle Binger. In samewééreking mi Jong Nederland woor n nééj kónsept utj de hoed getoverd. D r moos wa lééve geblaoze wéére in de utjroeping van ónze jeugdprins of prinses. In de vurrige jòrre waar de vrijdag vur karnaval óp sjool de utjroepingsdag vur de Kéjsjeut, éjgelek te kórt vur de vastelaovend um dòr voldoende èndaacht èn te sjènke. In 2007 woor d r op spektakuléére weezje n prinsenbal geregeld. Vanaf t podiejum óp gebónk van jeugdige meziek aachter n lake dè woor vastgehawe dur twieë supersjòn danseresse, woor de ró van éllef, de vorst en óp t leest ók de prinses èngekòndigd. Vanaf t podiejum liepe ze övver de walk of fame, dè is Éngels vur beroemde straot, nò n éjge podiejum midde in t pebliek. Nò inkele plichtplegingen woor d r wir verder gegao mi de KKKM. De prinses woor ópslag èn t wèèrek gezit want ze moog vur de jóngste délnemers de prisj utjréjike. Dornao ging t prógramma witjer mi de iets gròttere kwéékers en dees stòn al garant vur ne hòggere vèùrem van vastelaoveskunst. Wéj as kloons (roodies van de KKKM) zin zò apegröts óp alle wichter die meedoen en hope dè di zich blieft herhale. De KKKM is de kweekvéjver van de groeëte liedjesaovend, we hébbe al veurbilde van artieste die dur gegrèùjd zin, kiek mèr s nò Nie Wisj, Nix n en Kumtjie. Wéj as Kieveloeët zin en blieve hier gröts óp want Méél blieft Méél en zeker as t de meziek is die in alle kefees mi de vastelaovend dur de luidspréékers (of zin ut luidkwéékers??) kumt. Kommietee Liedjesaovend en Kééj Knappe Kwéékmiddig. 23

24 24 Dees Dréj nie

25 Méélse mails Luc van Jan van Driekes Maks haa óp mèrretplats.nl ónder carnavals-enfeestkleding n advertentie gevónge van n zekere mevrouw Silvie, wòrin ze n sjitterend vastelaovesklé te koeëp ènbooi. In övverlég mi Roel van Jos van Sjeng van Sil woor beslote um names de Bubs hier toch mer s serieus óp te reagere. De redactie van dees gezit hi mi technische hulp van Louis Winkelmole de ónderstonde mail van Roel zinne computer kanne plukke: -----Oorspronkelijk bericht----- Van: de bubs Verstuurd: dónderdig 18 oktober :17 Èn: Silvie Ónderwerp: Reactie óp ow advertentie: Sjitterend vastelaovesklé > Geachte Mevr. Silvie,> Wij zin n vastelaovesgruupke utj Méél en zin óp zuuk nò óngevieër 40 van zò n prachtige vastelaovesklètjes. Hérre gij d r nog zò veul óp vurrò of moete ge d r dan mesjien toch n stél gon bijmake? In verband mi t kórt veursezoen zon we géér zò gaow meugelek wille wete of t gé lukke en wà dè óns dè gé kooste. > Mitte vriendelijke cómplimente, Bepolde Bubsers. > P.S. We zitte krap bij kas. Ók de reactie van mevrouw Silvie is n paar daag latter, óp de ieën of ander slinkse menier, dur Louis èn óns toegespuld kanne wéére: -----Oorspronkelijk bericht----- Van: Silvie Èn: de bubs Verstuurd: zótterdig 20 oktober :32 Ónderwerp: RE: Reactie óp ow advertentie: Sjitterend vastelaovesklé > Hallo bepolde Bubsers, > Vriendelijk bedankt vur ollie interesse in t prachtige vastelaovesklé dè ik óp mèrretplats te koeëp héb stao. t Is vur ollie évvel zeund en jommer dè di klé n zògenaamd Einzelstück is en dè betieëkent, dè d r dus mèr ieën van is óp dizze gansen éérdkloeët. Ik kan dus spitjig genóg ónmeugelek voldoe èn ollie verzuuk um 40 van dees klédjes te (laote) make. As t waor is dè géllie zò krap bij kas zitte, zorre ge zò veul van dees gans mitte haand gemakte superklédjes trouwes ók gaar nie kanne betale. Géllie zaalt t dus mi di ieën klè moete doe. Mer dan hérre ge wal wà! Want t is gemakt van de zuuverste ketoen utj de binnelande van Tomboektoe. (As min zoontje dizze naam trouwes te dik huurt, bén ik baang dè tjie vanzelééve noit lieërt léeze.) Dizze ketoen is trouwes mitte haand geploke, dur de beeste Poolse ketoenplukkers, die dorvur spisjaal zin ingevlógge vanutj t ieën of ander krusjpunt in de Pieël, wor ze in urre vrijen tidj vekansie haawe n in stél luxe chalets óp n vurmalige camping. t Klé is geknipt en inén gezit dur de beeste awt-tweka-nèjsters die t nog géft en dornao dur Mart Reinders finj en secuur gecontroleerd óp valse vaowe en lósse nèùdjes. Den boa die d r ók bij huuërt is gemakt van de sjonste vérre van ieën van de leeste exemplare van n zeldzaam pappegaaiesórt, worvan d r nou dus énne mi n kaalgeploke kónt érreges dur de óndurdringbare oerwoude van Bolivia róndvliegt. Íeën geluk hérre géllie in alle geval: De maot van dì klé is one size fits all. Dus de hél bubs kan m drage! Ik hoop dè ik ollie hiermì voldoende héb geïnformeerd övver min sjitterend vastelaovesklé. Herre géllie nog vraoge, dan kanne ge aaltidj nog cóntact mi mij ópneme. Moocht minne computer d r utj ligge, dan bén ik aaltidj nog dur middel van n poostdoef bereikbaar. Die moet dan vliege tot bij den hochste en de sjonst ópgepoetste kupperen haan die d r in t ganse Zuide te vingen is. Bij dien haan moet tjie dan nog éfkes links af, of rèèchs af asjie van den andere kant kumt. Eventueel bén ik ók te bereike mi roeëksignale. Min adres is dan: 2 kléenj wölkskes, dornao ieën groeëte en dan nog drij kléénj. Ók mi bloeëte orre te óntvange morse-siene zin welkom óp min adres: (bij gén gehuuër iets harder óppernéej) > P.S. n Idee vur ollië groep um dur den ènsjaf van di klé toch mi alleman mee te kanne doe in den óptocht: Énne van ollie löpt t r in vól ornaat mi t klé èn veuróp. De ander 39 Bubsers loeëpe d r zò ónnuuëzel meugelek aachterén en roepen allieën mer: Aoaoaohhhhhhhhh wà n sjitterend sjon vastelaoveskléhhhh hhhhh!!! Succes verzekerd! > Alaaf, Mevrouw Silvie. Winjféste Ad Ewalts en zin vraow Leen gòn ieder jaor in oktober mi t zéllefde gezèlsjap nò de winjféste in Althenar in Duitsland. Zò ók t furrig jaor. Mèr ók de dòòchter van Mart en Mien van desiem mi urre mens zòn dòr hin gao. Wete ge hoe dè ge moet réjje? ha Ad nog gevraogd mèr Marieëlle zee dè urre mens ne Tomtom ha en dè t gén probleem zò óplevere de wég nò Althenar te vinge. Ad mi zin gezèlsjap was al laang óp de plats van bestèmming en han t stèdje al n bietje ónvéjlig gemakt. Toen ze s aoves al in de fésttent zate, zage ze Marieële mi urre mens ènkómme. Zin géllie al laang hier? vroeg Ad èn Marieëlle. Nee, nog mèr net, zee Marieëlle, we zin uurst nog in Althena hier witj vanaf geweest. Ze han de naam van de plats nie goe ingetiept in urre Tomtom en ware zò n paar hónderd kilóméter verder Duitsland ingeréje. Ze kóóste nog snel n hèpke ééte en mooste toen wir ènréjje um nie al te laat in Méél te zin. Van de winjféste hébbe ze niks meegemakt. De vólgende kieër dus bétter Marieëlle! Dörrepsdichter Huuërapparaat Jan Basten van Toon Basten van de Katsberg en Ans van Harrie Sjééres zate s mèèreges zò as gewunlek al vruug èn t óntbéjt. Hé ge dé gehuuërd van Jan van óns Thea, zi Ans. Vertél, zi Jan. Nòw, zi Ans, Jan méénjde dè tjie iets in zin oeër ha zitte, mèr wa tjie ók prebeerde héj kreeg t d r mèr nie utj. Dus ging ie nò de dokter en liet die d r mèr s nò kieke. Mèr jóng zee d n dokter dè héb ik nog nòjt meegemakt. Moete ge s kieke wa ik hier utj òw oeër haal. n Zitpil, dè is toch nie normaal! Dè is mèr goe dokter, zee Jan, dan wit ik nòw ók wòr min huuërapparaat is, want dè was ik kwitj. Is dè echt zò gebeurd, zee Jantje Basten, dan zal ik m toch mèr belle dè tjie in t vervolg bétter óp moet létte wa tjie du. Of t kwartje intusse is gevalle bij Jan, dè wete we nie mèr Jan Hoebergen huuërt wèr goe. 25

26 Di isj ie dan 26

27 Afsjéjdsweurdje vur Henk en Mariet Gommans Vanaf 1998 béj de Kieveloeët. In t lééve moete ge sòms wa anders gòn doe. Béj òllie is dè de Nostalgie gewórre, wòrdur de Kieveloeët béj òllie n ander plats hi gekrigge en géllie ók afsjéjd moete neme. In 1998 ware we óp zuuk nò ne ervare bestuurder. Henk kéénde de Kieveloeët, héj waar aktief béj RKMSV en de KPJ. Dòrrum kwame wéj béj òw utj Henk um òw as kómmieteelid te vraoge. D r waar veul veranderd binne de Kieveloeët sinds dè géj in 1980 prins waart. Henk géj had ne andere kiek óp t gebeure, géj hielt óns ne spiegel veur, géj had krietiese note. Mi name d n óptocht en de bónte aovende/middig gave géj òw éjge kleur. Béj de róndvraog óp de kómmieteevergadderinge hiel iederieën zin hart vaast, wà zò Henk wir óp zinne lééver hébbe? Wéj hébbe van elkaar veul gelieërd. Bedankt vur òwwe inbréng Henk in t kómmietee en nao de vergadderinge hébbe we toch aaltidj same genote. Mariet: Die ha aaltidj iets um te knabbele béj zich. D r viel aaltidj wa te snabbele óp mòndig in de bus. Géj hét t éétgebeure óp de bónte aovende ópgepakt. Binne de dames(vergadderinge) zèùregde géj vur de krietiese noot. Di is de klup ten goede gekómme. Same bedankt, lòt de toekómst òllie brénge wà ge d r van verwaacht! Henk en Mariet krigge ók n bildje, né brónze skulptuur. Twieë mense die èlkaar óp haand drage. Same hébbe ze de Kieveloeët óp n hògger plan gebroocht. Wéj hope same mi òllie nog vastelaovend te viere ók in de toekómst. Henk en Mariet bedankt! Oosthoek te koeëp De leje van Hötje Moes zate béj mekaar um vur de liedjesaovend n ónderwerp te zuke en dè véélt nog nie mee. Óp internet woor óp allerléj sites gekeke die mèr iets van doe han mi de vastelaovend. Zò kwame ze ók terèècht óp mèrretplats.nl en dòr zage ze de ènbieding van ne ensieklóppedie stao! En toen ze zage dè die van Fred en Silvie waar, toen dááchte ze: Dòr moete we iets mi gon doe. Óp dien aovend kwaam van n liedje nie veul mèr teréécht! Luc van Jan van Driekes Maks stuurde t vóllegende mailtje èn: Silvie Ónderwerp: Rejaktie óp òw advertensie: De Groeëte Oosthoek Geachte mevrouw Silvie, Ik bén n lid van de intellektuwele afsplitsing van ne vastelaovesgroep utj Méél, De Bubs en bén óp zuuk nò dèl 7 van de 23 déllige ensieklóppedie De Grote Oosthoek. We han de komplete serie in óns bezit, mèr dèl 7 is furrig jaor jòmmergenóg verlórre gegao toen ik pepier te kórt ha um pepiermasjee te make. Géér wil ik dél 14 koeëpe, dan hébbe we namelijk twieje délle 7! De rest kanne ge dan mesjien zèèlef vur pepiermasjee gebruke of zoeë... Géér ha ik van òw n redelukke reechtprisj. Mi vriendeleke groet, Lid van de intellektuwele afsplitsing van De Bubs. Luc v.d Beuken Silvie stuurde t vóllegende bereecht trug: Gachte L. v.d. IA(!) v.d. B., Nò ènléjding van òw schrieve d.d. 18 okt m.b.t de 23 déllige ensieklóppedie De Grote Oosthoek (wéj bedoele hiermi gén buurtverénniging) bén ik tot de vóllegende konkluzie gekómme: mede um òw verlies van dél 7 te kompenzere, um vur Òw dél 3 en dél 4 te reservere. Di maakt same dél 7. t Kan ók in de meugelukhéjd ligge um dél 1 en dél 6 voor Òw te reservere of gééve ge de veurkeur èn dél 2 en 5? As Ge liever dél 1,2 en 4 nò òw toegestuurd weelt hébbe besté die meugelekhéjd natuurlek ók. As Ge mi dees opsies nie akkoord kaant gao, bestè ók de meugelekhéjd um dél 1 en dél 8 óp te sture en dan kanne Ge nò óntvangst dél 1 wegflikkere. Dan blieft dél 7 övver, want 8 min 1 is toch 7 nie dan? Hopend òw hiermi voldoende te hébbe geinformeerd. Smachtend waachtend óp òw rejaktie Mi vriendelekke groet, Mevrouw Silvie (ók n bietje intelleke... slim!) Resèpt vur soep Dees soep géft ekstra kraacht (net als béj Popeye) en vietamiene mi de vastelaovesdaag. Spienazziesoep 1 LT 300 gr spienazzie 200 ml slagroom 200 ml mèllek 1 lieter boeljon vers óp smaak of van 3 blökjes runderboeljon, mèr mag ók kippeboeljon zin pééper, zòwt en nootmuskaat 20 gr margriene Bótter smilte, dan de spienazzie zaacht laote wéére in de bótter, nie laote bakke. As de spienazzie zacht is, de boeljon d rbéj doe en nog 5 minutje laote gare. De mèllek en slagroom d rbéj doe en finjmake mi ne staafmikser of blender. As de soep héllemòl finj is, is ze lekkerder. Wille ge nog wa ekstra energie hébbe dan kanne ge d r nog wa gekókte ham en n ei durhin doe of gerökte zallem. Dan wérd t n maaltidjsoep. Wille ge d r goe tege èn kanne gao mi die daag, dan moete ge dees soep ééte. Utj de aaw doeës In de uurste beneevulde ure van t nééj jaor réje Pierre Verheijen mi zin vraow in ènne wage en Peter Weerts die in Helde wónt mèr in Méél lééft volgde mi zin wederhélft in ne andere auto. Toe ze tusj ware vroeg de vraow van Pé: Wòrrum réjje ge toch zò slingerend övver de weg? Wòrróp Peter antwoorde: Ik moost Pierre toch vollege! 27

28 Prins Jurgen I 28

29 Kieveloeëte Treffe 2008 Dinzigmiddig 5 fibberwarrie. Vur de 13e kieër zal ók di jaor wir het Kieveloeëte Treffe plats vinge in óns klubhusj van Toon en Andrea in hotel de Zwaan. D r is wir gezèùrigd vur n top prógramma mi meziek en amusement. Dizze middig hi as tema meegekrigge: ne Chinese Middig. ne Chinese Middig kan van alles zin, mèr dè laote we géér èn òllie övver. De sjònste krejasie van dizze middig verdient hiermi ne Chinese prisj. ( ne middig chineze?) As vaaste optréjes zalle de Rò van Éllef mi d n adjudant en t Kómmietee van de Kieveloeët élk óp hur éjge weezje laote zie wa ze in husj hébbe. Ók de aaw prinse zin wir van de partééj en natuurlek ónze prins zal iets sjòns vur t voetleecht brenge. We kanne ók al verklappe dé RKMSV 8 wir hi toegezi vur n sjitterend optréje. Óp dizze middig zal de vastelaovesvierder van Méél bekéénd wéére gemakt. Wie zal ne waardige ópvolger wéére van Pierre Verheijen. Kórtum ne middig sjòn vastelaovesplezier. De kómmissie, bestònde utj Hans Hoebergen, Henk Verbugt, Robert van Enckevort en Erwin van den Beuken, hébbe wir gezèùregd vur ieder wa wils. Béj dizze is dan ók iederieën utjgenöddigd óp t Kievelloeëte Treffe óp vastelaovesdinzigmiddig in Hotel de Zwaan. We beginne um ure. Iemeeltje övver ne sòlliesietant Via de iemeel kreeg ik t vóllegende bereecht: ne Wéérekeloze sòlliesieteerde béj n groeët bekéénd bedrief as weeceeóntstópper. D n dierekteur van de afdélling ónderhawt óntving um en liet um n test make. Héj zee tege de sòlliesietant: Ge béént èngenómme, géf me òw meeladres en ik stuur òw wa formuliere um in te vulle en d n dag en t tidjstip wòrróp ge kaant beginne mi wééreke. e sòlliesietant rakte in paniek en bekéénde dè tjie génne kompjoeter ha en dus ók gén iemeeladres. D n dierekteur van de afdélling ónderhawt gaf um te verstao dè tjie zónder kompjoeter en iemeeladres éjgeluk nie bestóng. En... as ge nie bestòt kanne ge ók gén baan kriege. De sòlliesietant vertrok, héllemol óntdao en zónder te wete wa tjie nòw moos gòn doe mi nog mèr tien euro in zin tès. Ten éjnde rao besloot tjie nò ne supermarkt te gaó en vur tien euro n keesje aarbéje te koeëpe. Mi de aarbéje ging ie van deur tot deur en verkaocht de aarbéje per kilo. In minder dan twè uurre ha tjie zoë zin kappietaal verdubbeld. Dè gajde m wal en héj ging trug nò de supermèrret um die goeje handel nog wa te herhale. Óp t éjnd van den dag ha tjie seestig euro. Héj realieseerde zich dè tjie zoë beest koos övverlééve en ging vanaf dè moment iedere dag vruug de deur utj en kwaam laat tusj en héj verviervòwdigde zin kappietaal iedere dag. n Titje latter kaocht tjie zich ne bestelwage en wir wa latter ruilde héj die in vur ne vrachtwage en nao inkele jórre ha tjie n flink éjge wagepark um zinne handel te kanne drieve. Nao véjf jaor was ie éjgenaar van ieën van de gròtste voedseldistriebusiekeetes van Europa. Héj is ók getrouwd en dòrdur mi de toekomst van zin femielie bezig. Zò wil ie ók n léévesverzekering afslutje. Héj bèèlde ne verzekeringsagent, koos n pakket utj en toe t gesprek ten éjnde liep vroeg de verzekeringsagent um nò zin iemeeladres um de offerte óp te kanne sture. Héj bekéénde dè tjie gén iemeeladres ha! Dè is biezunder, zee de verzekeringsagent. Ge hét n groeët bedrief ópgebaowd zónder iemeeladres? Bedink us wòr ge zòt zin as ge dè wal had gehad! De moraal van di verhaal: Internet is gén óplossing um van te lééve. As ge gén iemeeladres hét en hard werkt, kanne ge mieljonéér wéére. Umdè ge di bereecht via de iemeel hét gekrigge bénne ge nów dichter béj n baan as weeceeóntstópper as béj t mieljonéérsjap. Witjer wens ik òw ne sjònne dag. t Hi génne zin um óp dizze iemeel te rejagere. Ik bén aarbéje verkoeëpe! Jubielarisse Hans en Yvonne Hoebergen We wòn de Kieveloeët bré wégzitte in Méél, dòrum zin Joost en ik (Frits) béj òw óp de Eckelcamp óp bezuuk gekómme um òw te vraoge vur de rò van éllef. Hans ge stòt óp òw strepe, ge béént ne goeje sjatbewaarder (knipbeurs van de rò van éllef). Hans veengt t vervéélend as t nie zò gé hoe dè héj dinkt t zao moete. Héj is aktief béj t Kieveloeëte Treffe en ók t horeka gebeure binne de Kieveloeët hi Hans zin èndacht. Hans hi af en toe moete verzake umdè tjie ziek waar. Hans bedankt vur die éllef jaor en zèùreg dè ge nie te veul mi t knipbeurske gòjt. Yvonne, Hans is sóms tegedròds, mèr gééf m de ruumte vur de kómmende jòrre. Hans en Yvonne harstikke bedankt!! Kievelmènneke wéggeloeëpe Ik begriep t allemòl wal. Héj koos t nie mèr ènzie. Ze han um nèt vertééld dè de winkel van Derckx zao gòn verdweenje. Ze han um gezi dè dòrvur in de plats ne Aldie zao gòn verreezje. Winkelkes durbéj mi appartemènte durbove. Sjòn toch. Kievelmènneke ha ze nie gegluuëfd. t Was te ónwarsjinjluk. Mèr ha tjie ók nie gegluuëfd, dè t r deechtbéj zinne sokkel n kasieno zao kómme? t Kwaam dur. De leeste tidj keek héj nie mèr nò links. Jack s Kasieno was um n doorn in t oeëg. Latter zao d r ók nog n sjréwwende leechtreklame bove de deur kómme. n Paar jaor geléjje ware d r al foejlélluke appartemènte èn d n övverkant gebaowd in plats van n gezèllig terras béj kefee de Vangreel. Héj ha zich verheugd óp wèèrem zómmeraovende mi vrolukke mense. t Mooch nie zò zin. Héj ha brónze traone gebökt óns mènneke. Héj wees t zeker toen héj de affiesjes mi ópheffingsutjverkoeëp béj Derckx zag versjeenje. Zin vrolukke gestalte woor alsmèr krómmer. n Lode last vól héjmwee hing óp zin brónze sjaowerkes. As ik in de buurt moos zin, zitte ik minne fiets tege zinne sokkel en reeg min kittingslót dur zin hupelke. Goe óp minne fiets pase Kievel zee ik dan en pullekte drèk ne kauwgum aachter zin oeër wég. t Leeste wa van um is gehuuërd, is dè tjie in de bus richting Venlo is gezie. Èèreme Kievel. Ik zal òw misse. Gebbel Junior 29

30 Wa hébbe ze lol 30

31 Ja, er lebt noch! Óp urre róndréjs dur t Zuid-Amerikaanse Peru han Ruud Haast en Dunya Hoebergen verrèkkes veul sjòn en apparte dinge gezie. t Is dòr èn d n andere kant van de wérreld toch hél wa anders as in óns vertraowde pieëldörrepke. Mer wa ze dòr in de middle of nowhere óp n basissjool in n èèrrum dörrepke toch in énne kieër tege kwaame, dè han ze van tevurre toch zeker nie verwaacht. Iederieën in Méél daacht dè tjie eumgesmólte was vur de poen of dè tjie de bui bove de fusieperikelen al laang van tevurre zag hange en alvast was vertrokke nò ieën van die kuusdörrepe èn d n andere kant van de breug. Niemes hi sinds zin miesteriejeuze verdwéjning nog wa van um vernómme, mèr Ruud en Dunya hébbe m gezie in Peru: t kievelménneke in lévvende léjve en héj hi t kievele nog nie verlieërd! Ze hébbe m jammergenóg dòr moete laote, want héj paaste nie in t koffer. Mèr as iemes um zuukt; héj lééft nog en makt t nor umstandighede goe, mèr wal èn d n andere kant van de wérreld! Verslag van n veurjaorsvekansie Nao mònde van veurberéjding, ge wit wal nò t réjsburo en zégge wòr ge hin weelt, ware we éjndelek veurberéjd um óp vekansie te gao nò Turkéje. Zóón, strand en zieë. We vertròkke s mèèrges vanaf vliegveld Düsseldorf um te lande in Antalya inkele ure latter. Mèr jè, uurst moete ge natuurlek insjekke. Dè betieëkent méstal laang waachte. De kòffers ginge vréj snel óp de band en we han de tikkets um óns te begééve nao de doewanekóntròle. Sinds zis jaor sté de vliegwérreld wa dè èngé héllemòl óp zinne kóp. Kóntròle nao kóntròle. Utjéjndelek kómme we dòr èn ge moet alles van izjer utj òw tesse verwéjdere. Handbagaazje, rieme, knipbeurs, hòrlozje, sierade en wa ge ók mèr béj òw hét, moet óp de loeëpendeband geli wéére, um dòrnao te wéére geskènd. Zèllef vringe ge òw mi moejte, mi de oeëge deecht dur n purtje en ge hoopt mèr dè dè gepiep utjblieft..mèr dan! Ge èrgert òw géél en gruun umdè ne Hollander vur òw, vur ópónthawd zèùregt umdè tjie zònöddig n putje pindakéés mee moos neme. Jao ze hébbe dòr ók niks te ééte. Bliekt dè tjie nog nie dur mag umdè tjie ók nog ne pót zjem in zin flieske hi. Utjéjndelek zin wéj èn de beurt en ók óns flieske gé óp zinne kóp. Bliekt dè we nog n halef tube, (natuurlek as leeste ingepakt), Azaron béj óns hébbe. De doewane vrèùgt: Was ist das? Ehem ehem hoe zéége dè in t Duits ók al wér. Nao laang veul te laang bezig te zin geweest mi allerléj gebare um énnigzins te verduideleke wa we béj óns hébbe zégge we dan mèr in óns beeste Duits: Das ist für die Bienestich. Was!, zee die Duitser, das ist bei uns Torte. Jao béj óns ók, haw òwwe rómmel mèr, en wéj snel mi ne roeëje kóp witjer. Di is nòw echt leuk vliege via n Duits vliegveld! Aaw prinsedag 2007 n Kómplòt van ne man of zis han di jaor ne fietstocht geòrganniezeerd vur de aaw prinse. Wa gòn we di jaor doe, zee Co van Kaarle Graad tege Wimke Pluum en Pee van Piet van Liene Chris. As we nòw s happe en trappe doen, dè is tiggewórrig wal in. De veurberéjdinge wóre mi versjillende meugelekhede óp papier gezit en um de keuste zò lég meugelek te hawe han ze beslote um dè allemòl in Méél te hawe, mi n utjvlucht nò de Nirkant. Ze han t goe in òrde méénjde ze. De aaw prinse krege van tevurre bereecht en mooste mi urre éjge groep iets veurberéjde vur de aovend óp meziek die ze van tevurre han gekrigge. Ze mooste d r vur zèùrege dè ze vur dien dag goe beslage óp de fiets kwame. Dè was vur niemes n próbleem behalve vur Jantje Basten (van Toon Basten van de Katsberg). D n dag was èngebroke en we han sjitterend weer, ge kriegt wà ge verdient zégge ze wàl us. In groeëte getale kwame ze d r óp af, zò nééjsjierig as dè ze ware. Béj Toon en Andrea woor gestart en de groepe verdééld. Nò n stuk fietse dur de Pieël, n hél sjòn streek övveriges, kwame ze béj de uurste stópplats. Óp t èèref van Co en Jo van Kaarle Graad. Dòr han ze n hél sjòn terras gemakt, mi bluumkes óp de hangtòffels. Mèr ze ware wàl nééjsjierig wà dòr óppe tòffel zao kómme. De telders wóre klaorgezit en iederieën koos ne telder vléssoep ópsjudde mi stókbroeëd en al. Nòw nie niks, daacht de òrganiezasie, mèr t kwaam anders utj. De soep waar zoer!!!! Mèr mi n paar flesse bier hébbe ze de smaak toch wéggekrigge. t Stókbroeëd ging d r wal goe in. Nao wir n stuk fietse kwame ze béj de twéédde stóp béj Pee en Margret van Piet van Liene Chris. Dòr stónge de dames van de organiezasie klaor kómpleet mi koksmutse óp, um de hóngerige gaste te bediene. Nò n uurke kooste ze wir witjer fietse nò de dréjde stóp. Via ne umwég nò Peter van Chris Daniëls. Dòr woor t toetje geserveerd mi éjs, pudding en slagroom en dòr bovenóp ók nòg ne stèrreflikker. Nò n uurke wir de fiets óp en dan via de Pieëlrandbreuk övver de Eerebeemd nééve Jan van Kalis nò de Nirkant. Dòr èngekómme stóng de gasthieër en gastvraow óns al óp te waachte. Béj de Muziekant óppe Nirkant was t harstikke gezellig mi n lekker getapt glééske bier. Nò t óptréje van de versjillende groepe, wà ze vantevurre han geoefend woor t ne plezierige en gezellige aovend. Dòrnao hébbe we same nòg flink gebuurt tot in de kléjnste uurkes. ne Èchte aawe Kieveloeëter. Óppe tidj vur d n óptocht Lei Scheenen en Anneke van de Weerden ginge furrig jaor nò ne verjèùrdag, s wééks vur de vastenaovend. Toen Lei sòtterdessaoves laat tusj kwaam, t zal wal zóndigmèèrige zin geweest, ging ie de wekker zitte um zich zeker nie te verslaope. Smèèrges liep nie te vruug mèr wal óppe tidj de wékker af. Lei stóng drèk óp, ging koffie zitte en n paar bótterhamme sméére en um n uur of twèèlef was Lei dur héllemòl klaor vur. Mèr wòr bleef Anneke? Lei ging mèr us roepe dè ze óp moos sjiete, zòdè ze zeker niet te laat zòn zin. Mèr Lei, zee Anneke, ik héb toch tidj zat. Nee, dè hébbe we nie d n óptocht gè zoë beginne! Zee Anneke: Lei, d n óptocht is pas de vóllegende wéék! 31

32 De hél femielie 32

33 Bómmelding Óp zóndig 30 september woor Méél ópgesjrikt dur n bómmelding wòrbéj de Eksplozieveópruumingsdienst van witj uweg moos kómme um mi ne robot rundgefotoos te make en tot de konklusie te kómme dè t n nèpbóm was. Nao n ludieke verbroedingsaksie óp zòtterdig d rveur hébbe ze bliekbaar nie alles ópgeruumd. Want toen burgeméster Vestjens van de geménjtje Helde óp de breug stóng vur zin toespraak zaat t r al n bóm èn de leuning. Niemes was t r baang dè dur iets zao kanne gebeure. n Pérd, n kaar törref en n vaat bier as bruidsschat zèùrigde vur veul plezier óp de breug en béj de Siem. t Bleek nie genóg um de geménjterò övver te hale um same mi Helde, Bolder en Bree én nééj geménjtje te gòn vèùreme. Achtervólging Wies van Coen Stamme hi al n tidje n éjge wagentje en Coen hi t altidj mèr druk, druk, druk mi zin éjge ónderneming. Wal zag ie nèt vur Kórsmes zinne steezjenwage van de plak afréje en zin oeëge wore zò groeët as sjuttelkes. Héj rèènde nò binne en vroeg Lins Berbe of die wees wie dur mi zinne wage van dur was gegao! Gén iedee, zee Lins. De altidj rustige Coen sprong in ieën van zin bedriefswages um de achtervolging in te zitte richting Nirkant. As ie de Krusjstraot óp wil drèèje kumt d r nèt vur um ne Jeep van Bart van Dessel af, die vur Coen rustig in dezéllefde richting réjt. Kans um vurbéj te kómme, kwaam dur nie en Coen zaat zich óp te vrééte van érgernis en was t r van övvertuugd dè die Jeep béj t komplot betrokke waar. Di waar duidelek afhawe! Héj haa nòweleks tidj um in de richting van Sijbens òwtowasserééj te kieke! Binnedur ging t richting A76 en dòr koos Coen de Jeep éjndelek vurbéj. Plankgas richting Éjndhove, mèr van zinne wage gén spoor! Dus béj de vóllegende afrit dur mèr wèr vanaf richting Méél. Coen dee béj Bart van Dessel zin verhaal en informeerde nét nò de sjofeur van dien trage Jeep die um zò belemmerd haa zinne éjge wage te vollege, toen Wies mi zinne pasgewasse wage èn kwaam réjje. Hòwt de dief! Ze wao um verrasse, want héj haa nòjt zò veul tidj um zinne òwto te wasse. Natuurlek kreeg ze de òrre gewasse van Coen. Ze haa natuurlek éfkes moet zégge dè ze dè van plan waar. Coen haa natuurlek ók kanne doe asof héj zinne éjge wage nie haa zien wégréjje! Wie katst, kan d n bal verwaachte Hans Sterenberg, de konzjèèrzje óp bazissjool Den Doelhof, daacht dè t kiendje van ieën van de dréj juffe, die Fens van de aaw Zwaarze in séptember mi zwangersjapsverlof ginge, óp zinne verjèùrdag gebórre zao wéére. Iederieën ha kómpassie mi die juf, dan zao t kiendje nameluk wal twieje wééke te laat zin. Hoe latter t kiendje gebórre wérd, hoe slimmer dè t latter zal wéére. De herses kanne zich langer duróntwikkele, volges Hans. Natuurluk kreeg héj toen de vraog veurgeli, hoeveul wééke héj dan wal nie te vruug gebórre was! Iemes de wég weezje Dur t gebruuk van naviegasiesiesteme kumt t nie mèr zoveul veur dè ge iemes de wég moet weezje. Mèr èn d n Aastesewég béj De Krémmer stópte ne sjònne, groeëte, dèftige Mercedus mi dòrin n ópgedófte dame die èn Mien van Dijk de wég vroeg nò Allizòne èn de Meulebaan. Jao, zi Mien, hoe kan ik dè t beeste utjlégge? Ze moos diep naodinke hoe ge dòr vanaf die plats t beeste hin zòt kanne réje zónder groeëte umweeg. Ze dee ur utjerste beest um die dame óp de goej plats te laote ènkómme. Ók al was ze ónderweges um dòr af te valle! Mien begoos: Gao mèr linksaf de Kalisstraot in, dòr béj die Nissangraazj; réj dan nééve t Pélmke, nao hónderd mééter linksaf vur Modehusj Derickx wòr leegverkoeëp is; nao n paar hónderd mééter nèt vur ne bocht in de Meulestraot li links n Fordgraazj dòr moete ge rèèchsaf gao en n klien stukske witjer vur t industrietréjn wèr rééchsaf de Meulebaan óp nò t knaal hin; ge koomt dan nééve de maneezje en Zee die dame in die Mercedus ópèns: Dinke ge dè ik d`r vandaag nog kóm? Nòw dan bénne ge ók sjòn bedankt! Mèr Mien ha natuurlek ók kanne zégge: Dè hèèngt af van òwwe Mercedus en òw geheuge! Klétsnaat en génne stroeëm n Paar jaor geléje ginge René en Silvia Brummans mi de fiets nò Helde Kérmes. Óppe trugwég réégende t dè t zéjkte. Dur en dur naat kwame ze tusj en dòr bleek alles te zin kapotgeslage dur de bliksum. Pikkedónker waar t, gén ieën lamp dee t mèr. Wa nòw, zee Sil tege René. Gò mèr nò d n buurman en vraog mèr wa ge moet doe, zee René, die nie wees wa tjie moos doe mi zin twieje linkse haand. Toen Sil terugkwaam van urre buurman ha René n hél ander antwoord verwaacht, dan dè tjie kreeg, toen ie vroeg: En wa zee Louis? Sil zee: Dè ik alles utj moos trékke! Sjònne buurman. 33

34 Èfkes bekómme van de emosies 34

35 Óp dónderdigaovend treft zich altidj n gruupke aaw voetballers in de kantiene van R.K.M.S.V. Dòr wérd t wel en wee besproke van de voetbalklup, mèr ók wa t r witjer allemòl spult in Méél. Leest kwaam Frans Walenberg de kantiene binne en ging durbéj zitte. Géj moet Jan van Giep èfkes trugbélle, zee Tju Verheijen tege Frans. Jan van Giep trugbélle? zee Frans, Wa fur nummer hi die dan? Twieje, ieën, véjf, nege. Dè is t oojevaarsnummer, zee Tju. t Oojevaarsnummer? Hoe kómme ge dòr nòw èn? Twieje, ieën, véjf, nege is t oojevaarsnummer. Twieje persone, ieën daad, véjf menutje plezier en dan nege mònd waachte, zee Tju. Heldese Kuus Prins Peter d n dréjde waar tot vur kórt antie Helde. Natuurlek nie vrimd vur ne ràsechte Méélse. Wa wille ge, vader prins geweest in niggentientwéèntachentig en zèèlef veuróp t afgeloeëpe jaor. Wà héélt dè éjgelek in as ge tege Helde béént. Òw wichter gòn verplicht nò Héjtse nò sjool, ge wéérekt zèèlef in Nillewért, ge traowt mi n Mééls dörske en ge hét ne òwto die ge nie mi de neus óp Helde èn kriegt. Mèr zò as ge wit is geld n aardig iets. Zinne vurrige bas ha t bedrief wòr Prins Peter de dréjde wéérekt te koeëp stao. Peter liet t r gén gras övver grèùje en besloot utj te gòn kieke nò ne néjje bas. Toen dè bekéénd woor stóng de tillefoon roeëj geloejend, vanutj t hél land woor d r gebèèld. Iederieën wit dè ónze prins ne spesiejalist is óp t gebied van vèèrekes, dè hi tjie ók goe laote huuëre óp zinne sluttelövverdracht sòtterdes vur de vastelaovend. Utj alle ènbiedinge hi tjie utjéjndelek gekózze um nò Helde te gòn wééreke. Wéj hébbe wàl gezie dè tjie d r aachterutj hin réjd, want zinne òwto die is nog weezjer dan n Heldes vèèreke, ge kriegt m nie mi de neus nò Helde gedréjd. Darte Jòrrelaang gòn n dél kammerèùj, mi de naam de Buurtsuper, óp woenzigaovend darte béj kefee de Vangreel. Óp zònne dartaovend wérd d r ne hoeëp flòwekul utjgehald. In nóvember begoos iemes nò n paar wedstréjdjes pielkes nò de vuut te mikke béj Marcel Sikes. Mèr umdè Marcel zò lenig en vlót is, koos ie ellekeskieër èn de kant springe um de pielkes te óntwieke. Totdè Mike van Frans van Snéjjertone Fritske zich dur ók mi ging bemoeje èn ók ne kieër nie óp t dartbord mikte, mèr richting Marcel gòjde. Iederieën sjrók toen n pielke béj Marcel net bove zin knééj in zin spier bleef stééke! Vurzichtig halde Marcel t pielke derutj. Smèèrges was ie wa stief en daacht d r övver um n tetanusspèùtj te gòn hale. n Wèèk latter daacht Marcel dizze kieër kloeëte ze me nie en héj kwaam mi knééjbesjermers béj de Vangreel binne um zin wedstréjtje te speule! t Verkieërde husj Miel Schriks, ge kéént m wal van de bedriefsklieër die tjie makte, bèèlde Jan en Riet Nijssen (Jan van Giep) um te vraoge of dè tjie èfkes koos kómme. Oh jao dè is goe, zee Riet, ge koomt mèr, we zin toch tusj. En Jan en Riet mèr waachte. Intusse ging Miel èfkes nò de Keurslèchter in de Dörrepsstraot. Dòr èngekómme vroeg héj èn slèchter Erwin van Jan van Driekus Max: Is Riet toevallig béj òllie èn t wééreke, want ik heb ze gebèèld en bén d r al versjillende kérre èn de deur geweest èn dòr is niemes te bekénne. Nee, zee Erwin, Riet is ók nie hier. Hoe kan dè toch! daacht Miel.. Riet en Jan zate intusse al ure te waachte, mèr d r kwaam génne Miel. Ik zal zèèlef mèr s bèlle, daacht Riet. Toen Riet Miel èn de tillefoon ha zee ze: Wòr blieve ge toch, Miel? We zitte al laang óp òw te waachte. Wà, zee Miel, ik bén al versjillende kérre béj òllie èn de deur geweest, mèr d r is niemes. Jao, zee Riet, dan wit ik t wal, dan hé ge èn t verkieërde husj gestao, want we zin namelek al mieër as n jaor gelèjje verheusjd. Jubielarisse Don en Marjoleen Gielen Don Gielen en Marjoleen Leenders zin al twéèntwénjtjig jaor traow lid van de Kieveloeët. Di jaor viere zéj ur twéèntwénjtjig jèùrig jubielejum. Don hi zich as peetvader övver Hans Hoebergen ónfèèremd. De jóngere béj de Kieveloeët wéére dur Don in de rò van éllef ópgevange. Wanieër ze van t rèèchte pà af dréjge te rake zèùregt Don d r vur dè ze wir óp t rèèchte pa trug kómme. Marjoleen zi dukker: Don löpt nie tege de muur, mèr ik praot aaltidj tege n muur. Don héélt van fésjes en kéént dan de klok nie, vergéét dan de tidj en héj veengt t moejlek um nò husj te gao. Toen Don béj de Kieveloeët kwaam, twéèntwénjtjig jaor geléje, waar d r ne awwere groep ròdsleje, mèr toch vuulde Don zich d r al gaow béj tusj. Ók wil Don netjes vur de dag kómme. Héj is utjgegrèùjd tot de groeëte moter van t liedjesgebeure, uurst de liedjesaovend en latter ók de kééj knappe kwéékmiddig vur de jeugd. Héj hi, dur mee te wééreke èn t utjbrénge van de vastelaoves-cd d r èn meegewéérekt, dè de vastelaovend in Méél n éjge gezeecht hi gekrigge. Don is ne léévesgenieter. In t begin kwaam ie nog al us te laat en vur de sjippendeels ekt moos sjie toch ne kieër appart in t kémmerke kómme. Mèr Don is t r zich van bewust dè de Kieveloeët goe vur de dag moet kómme en dòrrum lukt t wal ók vur Don. t Boergondiese lééve li Don wal en héj dréégt al twéèntwénjtjig jaor de Kieveloeët óp haand. Marjoleen: Don hi n neus vur ééte en zal wèllicht òjt iets zin vergééte, mèr toch bedankt dè héj same mi òw twéèntwénjtjig jaor béj de Kieveloeët moog zin. Don en Marjoleen bedankt!! 35

36 Begunstigers; Moonen Molenbaan 12 Pieter Verstappen Wildlife Art Kanaaldijk 3 Övverhandiging van de scepter 36

37 t Kéjsjeutebal moete ge meemake Dag kéjsjeuters en kéjsjeuterinnekes. De éllefde van de éllefde is t vastelaovesséjzoen àlwir begónne en ók de Kéjsjeut hi t r wir veul zin in di jaor. Óp zóndig 27 jannewarrie trappe we af mi t prinsebal óppe Kééj Knappe Kwéékmiddig. Téjdens ne wervelende sjow wéére de néjje rò van éllef, de prins(es) en de vorst(in) bekéénd gemakt. Wie zòn dè di jaor toch zin? Ók di jaor mag de prins(es) zinwne/hurre éjge adjudant utjzuuke. n Vriendje of vriendinneke, bruurke of prinses Eline en vorst Yannick zeusterke die d n hélle vastelaovend n uuëgske in t zéjl héélt en die kiekt of alles goe gé. Óp vréjdigmiddig 1 fibberwarrie is t groeët fést óp sjool. s Mèèreges vinge d r aktievietéjte plats in de klas, mèr nao de middigpauze trékt hél de bónte stoet richting D n Binger. Dòr gòn we net as alle andere jòrre veul hòsse, lache, giere en brulle um al die leuke óptréjes. Dan kumt de zòtterdig. Uurst gòn we mi z n alle nò de vastelaovesmis en dòrnao nò de sluttelövverdracht. Hier kriegt de prins van de Kieveloeët de sluttel van Méél övverhàndigd. Héj is gewoon n paar daag de bas in Méél. Mèr zò t nie sjòn zin as de Kéjsjeute prins ók n bietje bas kan zin? Nòw. n kléénj bietje is héj of zéj dè ók. Wéj zin benéjd wa ónze prins(es) vur iederieën hi. De zóndig doen wéj t èfkes rustig èn mi de Kéjsjeut. De prins(es), vorst(in) en de rò van éllef hébbe t druk mi d n óptocht en moete natuurlek n bietje béjkómme van de uurste indrukke. Mèr óp mòndig zin wéj wir trug: Groeët podiejum, flinke meziek, nééj óptréjes en nog veul mieër.dus lekker hòsse, zinge, zjumpe en snoepe!!!! Tot ziens, tot vastelaovend Allemòl ne sjònne vastelaovend Alaaf de Kéjsjeut Van huuëre zégge övver fuzie - Övver aaw koeje gesproke: Nò d n òrlog in 1945 kreeg Hélde mieër péérd dan Méél. Logies toch, Hélde was ók wiet groeëter. - Fuzere mi Hélde, Bolder en Bree hi wal degelek veurdélle. Dan wone d r vul mieër Méélse inwoners binne óns geménjtjegrenze. Want in de loeëp der jòrre zin dur veul Méélse getraowd en dòr gòn wone. Witjer hébbe we dan n éjge zwembad en n éjge tejater binne de geménjtjegrenze en de Héldese bosse ligge in ónze geménjtje èn de Maas. Grenskonflikte utj t verleje speule gén rol mèr, want alle törrefgrónde valle binne dezèllefde geménjtje. - De informasieaovende över samewééreke of fuzere leke wal óp bónte aovende mi zòveul emosie en humor! - Méél blieft ók Méél binne n gròttere geménjtje. - In n grottere geménjtje zin meugelek mieër gesjikte mense te vinge um ne rò van weesj ménse te vèùreme dan in n klien geménjtje. - As Méél asnog wil ènsjuve béj Hélde, Bolder en Bree moete ze mèr nie te laang waachte anders wille ze d r óns nie éns mèr béj! - As Méél dél gé utjmake van n groeëte geménjtje mi fértigduzjend inwoners begin ik min éjge polietieke partééj P.E.B. Ik ving t wal de moejte wérd um wéthawer te wéére in n groeëte geménjtje. P.E.B. stè vur Piets Eigen Belang. Vastelaovesprógramma C.V. De Kieveloeët Prins Jurgen I: Knalle mi minne vastelaovesrees. Kóm mèr mee Vréjdig 1 fibberwarrie ure: Sósjale wéérekplats (industrietréjn) ure: Peuterspeulzaal t Debberke ure: Kinjerópvang Bambi ure: Bezuuk Basisjool ónderbaow óppe sjool Bezuuk Basisjool bovebaow in d n Binger Zòtterdig 2 fibberwarrie ure: Vastelaovesmis ure: Sluttelövverdracht in d n Binger Zóndig 3 fibberwarrie ure: Óptocht ure: Kefee d n Dokter ure: Oranje Hotel, prisjutjréjking van de óptocht ure: Hotel de Zwaan Mòndig 4 fibberwarrie ure: Kéjsjeutebal, d n Binger, prisjutjréjking óptocht vur de kinjer ure: Kefee/restórant Colé ure: Kefee de Stoep ure: Kefee de Ruif ure: Hotel de Zwaan Dinsdig 5 fibberwarrie ure: Kieveloeëte Treffe in kluplókaal Hotel/restórant de Zwaan ure: Kefee Nostalgie ure: Kefee de Vangrail ure: Hotel de Zwaan 37

38 In vól ornaat 38

39 Zò Géj Weelt Prins Karneval Wéére Vur dag en dòw is ne groeëte groep ménse in de weer mi t afzitte van t Alexanderpléjn. Tilleviesieploege laje ur kameraas en andere apperatuur utj, óndertusse dè d n Binger wérd eumgetoverd tot negroeëte tilleviesiestudiejo as dòr de uurste délnemers ènkómme. As de leeste tilleviesieploeg ur kameraas ópzit kumt tur n groeëte bus d n hoeëk eumgeréjje mi de prissentater en de zjurieleje van Zò Géj Weelt Prins Karneval Wéére. Um hallef aacht hébbe alle délnemers utj Méél zich verzameld óp t Alexanderpléjn en beréjdt iederieën zich óp zin éjge weezje veur óp de veurrondes van di groeët tilleviesiespèktakel. Ónder hen bén ik ók. Utjgedóst in min strakke Zòrropèkske van n paar jaor geléjje, beréjd ik me mentaal veur óp dè wa kómme gé. Ieën vur ieën mage we vur de zjurie versjeenje en we hébbe allemól mèr énne droeëm, ieën doel vur oeëge: de vóllegende vastelaovesprins wéére! Ik héb beslote um t hogstònde mésterwèèrek van min inspierasiebrón Big Benny ten gehure te brénge: Takke Takke Daj! Dòr klinkt min délnemersnummer dur de luijdsprééker, min beurt um de audiesieruumte te betreje. Stief van de zinnewe stao ik vur de zjurie. Dòr gao ik, zit min masker rèècht en zing n koeplet en n refrinj van Takke Takke Daj!! Dòr stao ik dan; mi n goej gevuul kiek ik nò de zjurie. Nòdè ik iets te hure kreeg van ieën of ander neksjot en kómmentaar op min hòwding en zangkunste bliek ik dör te mage nò de vóllegende rónde!!! t Is dag twiejë van Zò Géj Weelt Prins Karneval Wéére. Van de vieftienhónderd délnemers béj de veurrondes zin dur mèr twénjtjig dur gegao die slèècht genóg ware um prins te wéére. Same mi de andere 19 délnemers réjs ik af nò de wildernis van de Simonshoekse Bósse wòr n baan is èngeli vur ne ware Kievel Dakar Rellie. Ónder zwaore umstandigheje zalle de övvergeblivve délnemers zò snel meugelek van start nò finnisj moete gao. D r weet van hébbend dè d r mèr twieë dur zalle gao nò de fienale stao ik klaor um mi allieën ne stók en ne traktorband övver t parkoers, dur t logge zand en ónder de brandende zoon zò snel meugelek nò de finnisj te gao. Ónderweges trotseer ik groeëte gevaore en krieg ik te make mi techniese probleme. Mèr utjgeput en óp min leeste krachte wit ik de traktorband achtien ure latter as uurste mi n stukske övver de finnisjléjn te dòwwe. De mense gòn utj ur daak, ik héb t gehald. Ik zit in de fienale!! In de verte zie ik twieje mèn èn de horiezoon, t zoa d r um spanne wie dur as twédde dur zò gao nò de fienale! t Publiek woor meusjstil, dòr kómme ze! GELIEK!! n Finnisjfoto zal moete èntone wie de winnaar is. Nò énnige tidj kumt de zjurie nò butje en löt óns wete, dè ne Jurgen Kessels twédde is gewòrre en dur zal gao nò de fienale! t Is dag dréj van Zò Géj Weelt Prins Karneval Wéére. Vanaovend zal blieke wie zich de néjje prins van t Kieveloeëteriek mag nume. We gòn wèr trug nò d n Binger. Vanaovend zal hier de fienale platsvinge mi t ónderdél Polonéése Óp t Isj. Vur n utjverkaochte zaal en live bilde, die övveral óp de wérreld óp de televiesie te zie zin, zal d r utjgemakt wéére wie zich prins carnaval 2008 mag nume. Vanaovend krieg ik de kans um minne droeëm waor te make! Same mi de zanger Jules de Corte begééf ik me óp t isj. Óndanks de korte veurberéjding van ne halleve dag gé t goe, totdè Jules t éfkes nie mèr ziet en we same gieganties óp ónze bék gòn. Jurgen Kessels makt gén fòwte en löt n perfekt utjgevoerde twieëmans polonéése zie óp t isj in d n Binger. Nòw lag min lot in de haand van t publiek en de ménse tusj; tot ure koos dur gesmst wéére. De spanning steeg en de ménse in de zaal wore ónrustig! Sjownéjs stóng klaor vur n interview mi de winnaar en de NOS laste n ekstra néjsutjzending in vur n liveverslag van de utjréjking. Ik hiel t nie mèr, zao ik de vollegende prins carnaval kanne zin!? Dòr kwaam de prissentater, mi 51% van de stemme is de néjje prins karneval: Jurgen Kessels!! Paul van Bussel Afsjéjdweurdje vur Jan en Thea Hoebergen In 2000 zin Joost en Frits Jan kómme vraoge um béj de Kieveloeët te kómme. Same moete ge d r iets vur vuule anders wéérekt dè nie. Ze övverviele Jan en Thea dòr n bietje mi, mèr utjéjndelek was t antwoord toch jao. In kórte tidj hébbe géllie n wèèrem hart vur de vastelaovend gekrigge. We vónge dè t r béj de rò van éllef ne awwere béj moos kómme, ne rustige persoeën mi wà mieër verstand. n Vaderfiguur vur de rò, iemes die relatieveert, mèr tòch ók nònsjalant is en ók wir seriejeus. In t wagekómmietee waar Jan aktief umdè tjie technies ónderli is. Ik (Frits) as veurzitter van t wagekómmietee voer óp Jan. Jan ging d r vur in dees kómmissie, bedankt dòrvur Jan. Thea ók géj waart aaltidj posietief nò de Kieveloeët hin. Bedankt vur òwwe inzit béj t hapjesgebeure. We hébbe same veul plezier belééfd. We hope dè géllie same mi óns vastelaovend blieft viere. Jan en Thea krigge n bildje wòr twieë fiegure èlkaar de haand sjudde. Simbool vur de goej samewééreking die wéj mi òllie han. Jan en Thea bedankt! 39

40 Prinsesje Josje 40

41 Dikke prisj! Afgeloeëpe zómmer wón doevemèèleker Toon van Sonnemans Sjefke den drijde Nationaal óp St. Vincent en dormi wasjie óp dees hoch éngesjrivve fondvlucht ók nog s den twédde Provinciaal (den énnao-allerbeeste van Limburg dus). Toon zò gröts as ne pauwstart netuurlijk. Monde latter woor zin bruur Wim (ók nen echten doeveman) ópgebèèld en utjgenöddigd vur de Kampioenehuldiging van de Afdélling Limburg. Wim snapte d r uurst héllemol niks van; wiesdè m utjeindelijk duidelijk woor dè t hier moos gao övver dien twédde Provinciaal óp St. Vincent vur urren Toon. Toen Wim m övver die utjnöddiging kwaam vertélle, halde Toon in uurste instantie zin sjaowers óp. Hij haa wénnig zin in al dè officieel gedoens. Nou hérre ge s ne kieër nen dikke prisj en nou gorre ge m nie óphale zee zin vraow. (Riek van Frans van den Edah). Toen Wim tusj kwaam mi t verhaal dè Toon d r nie hard èn trok, kwaam zin vraow Nel mi n goei veurstél. Witte ge wà? zee ze tegen Wim: As gij nou s mi ollieën Toon mee geengt nò die huldiging, dan hi tjie teminste cómpenééj en dan kanne gij vur in den doevenalbum dor nog n stél sjon fotós maken ók. Vraolie hébbe nou émmol aaltidj geliek dus toge Toon en Wim (gewaopend mi ne spiksplinternéjjen, digitale fotócamera) de vollegende zótterdig nò Geleen vur de officiële huldiging annex prisjutjreiking. Èngekómme in de café wor ieën en ander zao moete gon gebeure was t dor akelig leeg en stil. Wor moete we hier érges zin vur de afdéllingshuldiging van den doevenbónd woor d r én de kastelein gevraogd. Dan zeetj géé hie óppe gooi plaats zee de man aachter t buffet Géé zeetj allein get vreug. Bij, ik méénjdje anders begrepe te hébbe dè t um aacht uurre begoos zee Wim. Det kloptj zee de man. Om ach oor geit t beginne mer dan waal ieërst pas euver vieërteen daag!! Effijn, behaleve tusj d r witjer mer nérges mi niemes övver geprot en twé wééke latter mer wir óppernééj ingespanne en nò Geleen gereisd, want dien dikke prisj wao Toon ónderhand toch wal s géér incassere. Wà n versjil mi vértien daag érre! Wim en Toon kwame terèècht in ne gezelligen ónderén van deftige en minder deftige, mer allemol óp zin sóndesbeest geklédde doevemèèlekers. Veuraan èn de vip-toffel stikten t van de BL ers (Bekéende Limburgers) en t reserve Kievelmènneke ze óntdékte zelfs n dillegatie Japanse gladjanusse die wursjeenjlijk wir us mi gróf geld ónder de Limburgse tópdoeve won kómme sjiete. Alles was hier nòvvenant en d r kwaam niemes niks te kórt. Övveral liepe vlótte serveersterkes, gekléd as um dur n (doeve)reengske te hale, vriendelijk knikkend en lachend mi sjaole vól hapjes en drankjes rónd. Ók Toon en Wim lieten t zich goe smake en genote zichtbaar van alle veurrechte en privileges die nou émmol eige zin én speciaal genödde prisjwinnaars en ur introducés. Toen nóm vanaf de buun den afdéllingsveurzitter t woord en t drukke geroezemoes in de zaal makte plats vur n èndachtige stilte. Toon beet s óp zinne snoors en bij Wim óntstóng d r éfkes paniek want hij bedaacht zich inéns dè tjie zin (ondertussen nie mer gans spík- mer toch nog wal splinternééj) fotótoestél stóm genóg harstikke tusj haa laote ligge. Mer dè próbleem was gaow ópgelost, want Wim mooch, as t dalik zò witj was, greust éfkes t toestél van zinnen tóffelbuurman gebruukke. Eindelijk was, nò alle ander huldiginge, de prisjutjreiking van de St.Vincent én de beurt. Wim haa zinne lease-camera al in den énslag Mer wà gebeurde dor nou?... Allieën den uurste prisjwinnaar woor nò vurre geroepe Óntstééld en mi groeëte oeëge liet Wim de gelénde camera langzaam richting bóksetès zakke. En Toon? Die halde allieën zin sjaowers óp en was mesjien stiekem wal blééj dè tjie nie die versierde buun óp hoefde um dor póntificaal allerlei hèèndjes te moete gon sjudde. Ze zégge dè ze nog laang óp t fést zin geblivve en dè t d r éévezieër bérre gezellig was. Hopelijk hébbe ze d r wal èn gedaacht um die vriendelijken buurman zin fototoestél trug te gééve. Zeker wete doen we t allemol nie, mer Toon en Wim hébbe d r in alle geval van gelieërd: Dè ge as doevemèèleker van nen dikke prisj nie aaltidj riek wért, mer dè ge d r wal degelijk nog s érreges mi kaant kómme (desnoods zelfs wal twé kérre) en dè nie gemakte fotós dik nog witjewég de sjonste zin! Van huuëre zégge övver wééreke Wééreke is zuut, mèr ik bén suukerpasjiënt! Béj vlage bén ik geniaal; helaas is het hier aaltidj windjstil. Ik dink d r övver in Zwitserland te gòn wone. Ik wil wal s n land zie, wòr de bééreg hògger zin dan de belastinge. Wééreke is heerluk. Laot dòrrum genóg övver vur òw kollega s. As wéérke goe was, han de rieke t nie èn de éérem övvergelaote. Um sjef te kanne zin moete ge wete hoe òw sikkretaresse hétj en wòr de stempel li. Mense die hard wééreke make fòwte. Mense die t rustig èn doen, make wénnig fòwte. Ik kén ók mense die gén fòwte make. Zolaang minne bas net duu asof ik veul verdien, doe ik net asof ik hard wéérek. Unne husjarts wét van veul dinge n bietje; ne spesjalist wit van n bíetje, hél veul. Ik bén n superzjenie: ik wit van niks, alles. Ik haaw van wééreke; ik kan d r uure nò kieke. Èn wééreke is nog nòjt iemes dò gegao en ik wil dees tradiesie nie durbrééke. Sorry, mèr ik bén zò druk bezig, dè ik génne tidj héb um te wééreke. Min daag zin nòjt gevuld mi ledighéjd: Ik pauzeer, wissel af mi utjreuste en gao witjer mi óntspanne en rielekse. En as me dè allemòl te veul wérd, doe ik gewoon èfkes niks. As ge veengt dè tiggewórrig alles te snel gé, moete ge s in de rééj vur t loket van n poostkantoeër gòn stao! Niemes héélt mieër van hard wééreke, as degene die dòrvur betalt. Hoe èrder ge aachteróp rakt mi òw wèèrek, hoe mieër tidj dè ge övverhawt um t wér in te hale. Ik wao dè ik ne vulkaan was, dan koos ik d n hélle dag roeëke en zao iederieën zégge: Kiek héj wéérekt! Wééreke is nie t probleem, mèr t koost zòveul vréjentidj. Vekansie-wèèrek. t Leeste is méj dòr teveul èn, anders begoos ik d r drèk èn. D r wérd mieër tidj verknòjt mi wééreke as mi niksdoe. Wèèrek is t sjònste wa t r is, laote we dus altidj zèùrege dè d r nog wà vur mèèrege övver is. 41

42 t nééj welkomstbord 42

43 43

44 44 De maker van de borden

45 De hof-fotograaf mi zin vraow Begunstigers; Schildersbedrijf P. Waals De Regeakker 16 Autorijschool v.d. Eijnden Pater Willemsplantsoen 12 45

46 Kiek ze same geniete adv. Kuypers Géér wille we alle mensen bedanke die de redaksie vurzie hèbbe van de nöddige sjèèle wazel. Tot volgend jaor! De redaksie; Joep Rooyakkers, Koen Verstappen, Frans Strijbos, Fred Bongers, Pieter Verstappen Sr. en Jr. 46